هه‌ورامان هانه‌به‌رچه‌م


سووره‌تجه‌له‌سه‌و یه‌که‌مین ئه‌ره‌نیشته‌و

کومیته‌و تایبه‌تکاروو (ته‌خه‌سۆسی) ئه‌ره‌نیاو

کتێبوو "وانه‌ی هه‌ورامی"

شۆنۆ چن جار ئه‌ره‌نیشته‌و کومیته‌و ئاماده‌کاری ئه‌ره‌نیاو کتێبوو "وانه‌ی هه‌ورامی" و به‌ پاو ڕاچنه‌و (ته‌سمیم) ئه کومیته‌یه‌؛ کومیتێوی 13 که‌سی که‌ واره‌نه‌ نامه‌کێشا مه‌ی به‌ نامۆ کومیته‌و تایبه‌تکاروو (ته‌خه‌سۆسی) ئه‌ره‌نیاو کتێبوو "وانه‌ی هه‌ورامی" هۆرچنیه‌ی.

 هه‌ر دیسان پاو ئاگاداری کومیته‌و ئاماده‌کاری، یه‌که‌م ئه‌ره‌نیشته‌و ئا کومیته‌یه‌ ڕاکه‌وتوو ڕۆ یانزه‌و مانگۆ سه‌وزه‌ وه‌هاره‌و ساڵۆ 1394ی کۆچی ڕۆجیاری (11/02/1394) شاروو مه‌ریوانیه‌نه‌و و پی شێوه‌ که‌ واره‌نه‌ مه‌ی لوا ڕاوه‌.

چی ئه‌ره‌نیشته‌نه‌ سه‌روو ڕانویسی یۆگیری هه‌ورامی باسێوی فره‌، هه‌م سه‌روو ساختار (ده‌ستوور) و هه‌م وه‌رچه‌موو زوانشناسیه‌وه‌ کریا که‌ ئه‌ره‌چکیا و ئاکاموو ئا باس و بابه‌تیه‌ پی شێوه‌ که‌ واره‌نه‌ مه‌ی گنۆ وه‌رچه‌م:

   ئا زوانه‌ که‌ به‌ شێوه‌و هه‌ورامی یۆگیری و پی شێوه‌ که‌ واره‌نه‌ مه‌ی منویسیۆ؛ هه‌وڵ دریۆ بۆ به‌ مێعیار و پیمانه‌ و خزمه‌تش پنه‌ کریۆ و بلۆ سه‌ر.

2)     که‌ڵک گیریۆ چا شێوه‌و نویسه‌یه‌ و ئا ڕانویسه‌ که‌ ئیسه باو بیه‌ن و به‌ نامۆ ڕانویسی کوردی (به‌ ئه‌لفبای ئارامی)‌ که‌وته‌ن یاگێ.

3)     ساده و ڕه‌وان‌نویسی، بنه‌ماو هه‌رمانه‌کا بۆ.

4)     "د. ď" جه‌ بڕێو یاگێ هه‌ورامانی به‌ تایبه‌ت هه‌ورامانوو لهۆنیه‌نه‌ مانا فاڕۆ. ئێتر مشیۆم پێسه‌ واجی دیاری کریۆ. به‌ڵام بڕێو یاگێ هه‌ورامانی پێسه‌ ژاوه‌رۆینه‌، پاسنه‌ کارێو مه‌که‌رۆ. شۆنۆ باس و له‌یه‌کدایوی فره‌یه‌ره‌، پاسه‌ قه‌رار نریا که‌ په‌ی ئاسانکاری فێربیه‌ی هه‌ورامی "إ. ď" پێسه‌ واجێوی دیاری کریۆ. (هةر چن ئیسةیچه كاكه مةنسوور و كاكه د. سدیق سةروو واج بیةی ئی پیتیه كوك نیةنی)

(هه‌ر پاسه‌، ئێژاو واته‌یا به‌پاو کتێبوو "شۆن و به‌ر"ی جه‌ نێزاموو سه‌رفی کرداریه‌نه‌ هه‌نا که‌: به‌ردێم ، به‌ردێم. که‌ ئه‌گه‌ر به‌ یه‌ک شێوه‌ بوانیاوه‌ و یۆشا نه‌کریۆ به‌ "دď"، هه‌ردوه‌ یه‌ک مانا مدا. جه‌ حاڵێوه‌نه‌ یۆشا به‌ ماناوâďêm barďê  و ئه‌وشا به‌ ماناو mīn bardê ن).     

5)     یاگه‌داروو نامێ (زه‌میر) به‌ ته‌له‌فۆزوو"د. ď" واقێعه‌نه‌ واچی زه‌میروو دوه‌م که‌سوو تاکیا و مشیۆم به‌ پیتوو "ت" بنویسیۆ. پێسه‌: وێت

6)     به‌ پاو ڕاوینێوی زوانشناسی، هه‌ر واچێو (که‌لیمێ) هه‌ر یاگێوه‌نه‌ که‌مته‌رین قرتیایش (حه‌زف) بۆ؛ خاسته‌را ئانه‌ بۆ به‌ پیمانه‌و هه‌رمانێ.

7)     گۆ که‌رده‌ی پیتوو "ڤ" دلێ هه‌ورامیه‌نه‌ چنی کرمانجی سه‌رینی جیاوازیش هه‌ن. "ڤ" هه‌ورامانوو لهۆنی و هه‌ورامانوو ته‌ختیه‌نه‌ فره‌ته‌ر به‌کار ملۆ. هه‌ورامانوو‌ ژاوه‌رۆینه که‌مته‌ر هه‌نه‌. چوونکه‌تی ئی پیته‌ هه‌ورامانوو لهۆنی و تاختیه‌نه‌‌ مانا فاڕۆنه‌ (مومه‌یێزوو مانایا) "ڤ" بۆ به‌ مه‌بنا و بنه‌ڕه‌ت؛ به‌ڵام چی جۆره‌ یاگانه‌ دلێ که‌مانه‌ی یام پاوه‌ره‌قیه‌نه‌ ماچیۆ که ‌"واو"یچ هه‌ن. پێسه‌ لهۆن و ته‌خت: ڤه‌ر به‌ ماناو "جلو" فارسی و "پێش"ی سۆرانی و "وه‌ر" به‌ ماناو "نووروو  ڕۆجیاری". جه‌ حاڵێوه‌نه‌ که‌ دلێ ژاوه‌رۆینه هه‌ر دوه‌ چی که‌لیما به‌ شێوه‌و "وه‌ر"ی گۆ کریا.

8)     باسوو "ن" نوونوو غۆننه‌ی (مینگه‌) پاو قسه‌ و باسێوی که‌ کریا، دلێ هه‌ورامیه‌نه‌ نیا. پێسه ‌شێوه‌و نویسه‌ی: قه‌ن، مه‌ن

9)     پیتۆ ده‌نگدارۆ که‌سره‌ی دلێ هه‌ورامیه‌نه‌ یه‌ک دانه‌نه‌، که‌ به‌ شێوه‌و "ێ" منویسیۆ. هه‌ر چن جه‌ بڕێو یاگێنه‌ دوێ ته‌له‌فۆزێ چی پیتێما هه‌نێ.           ‌ ‌   

ئه‌ندامێ کومیته‌و ئاماده‌کاری:

1)     ژیار سڵامه‌تیان

2)     سه‌یێد ئێحسان ئه‌تابه‌ک

3)     تالێب ئه‌داک

4)     عه‌لی ئه‌دوایی

5)     بێهزاد که‌ریمی

  ئه‌ندامێ کومیته‌و تایبه‌تکاری:

1)     د. محه‌مه‌د سدیق زاهێدی

2)     فاتێح ڕه‌حیمی

3)     مه‌نسوور ڕه‌حمانی

4)     کوورش ئه‌مینی

5)     سه‌باح جه‌باری

6)     مه‌هدی سه‌نه‌نده‌جی

7)     ڕه‌حمه‌ت قادرپوور

8)     عه‌بدڵڵا حه‌بیبی

9)     حه‌مه‌شه‌ریف عه‌لیڕه‌مایی

10) محه‌مه‌د سالاری

11)  فه‌تحو‌ڵڵا ڕه‌زایی

12)  ساڵح ئه‌دوایی

13)  عه‌بدڵڵا ڕه‌حیمی

هه‌ورامان هانه‌به‌رچه‌م

هه‌ورامان هانه‌به‌رچه‌م

هه‌ورامان هانه‌به‌رچه‌م




طبقه بندی: فرهنگی و هنری، اجتماعی، تاریخ، ادبیات/شعر، جفرافیا، اخبار، آموزشی، زوانی هه‌ورامی، دینی ومذهبی، هومایون موحەممەدنژاد، کوورش ئه‌مینی، ژیارسڵامه‌تیان، عه‌بدوڵڵا حه‌بیبی، ئێحسان ئه‌تابه‌ک، سوبحان ئه‌مینی، فاتێح ڕه‌حیمی، موحەممەدشه‌ریف عه‌لی ره‌مایی، عه‌لی ئه‌دوای(هاوار هه‌ورامی) ، موحەممەد سالاری، تالێب ئه‌داک، فه‌تحوڵڵا ڕه‌زایی، بێهزاد کەریمی، مه‌نسوور ره‌حمانی، مه‌هدی سه‌نه‌نده‌جی(هه‌وار)، سه‌باح جه‌باری،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،وانه‌ی هه‌ورامی و ئه‌ره‌نیشته‌و یه‌که‌می(1)،
نوشته شده در تاریخ سه شنبه 29 اردیبهشت 1394 توسط همایون محمدنژاد
.: Weblog Themes By Abdollah Habibi :.