ساڵێ تازێ۱۳۹۹ و ئامای وه‌هاری پیرۆزه‌تا‌ بۆ



ساڵێ تازێ و ئامای وه‌هاری پیرۆزه‌تا‌ بۆ

 ساڵی نێو و هاتنی به‌هار  پیرۆزتان بێت

 sala nû hatina biharê ser we pîroz be 

هاتن وەهار و ساڵ تازە پڕ بمارکد بوودن

سال نو و‌  آمدن بهار  بر شما  مبارک باد


ساڵێ تازێ ۱۳۹۹کۆچی ڕۆجیاری جە گردیتا مەبارەک و پیرۆزە بۆ، ئاواتم ئانەن ساڵێوە پەڕ جە وەشی و شاد٘ی بۆ  و یاودێ بە ئاواتەکاتا.

هەرچن نەوەشی ویروسی کرۆنا شادٚیش جە یانەکانە هۆرکەندٚەن ،ئاوات وازنا هەراڵەو وەهاروو دڵیتا پێسەو وەهاروو سرووشت و تەبێعەتی، چووزە بدٚۆ بەر،  بە ئاماو وەهاری گردکەسێو دڵوەشەن، بەڵام تاقمێو یانە و خانەوادێما هەنێ ،پەی کۆچوو ئازیزەکاشا، خەمبارێنێ، هومیدٚم هەن خود٘اگیان شادی و دڵوەشی جە یانەشانە مەرزنۆرە.


ئاواتەوازنا ساڵێ تازێ ،ساڵێوە پەڕ جە بەرەکەت،ڕزق و ڕۆزی ،ئۆمید٘ و وەشبەختی بۆ ، و خود٘ای تاقانە جە خەم و ورکە و چەڵەمەکاو ژیوای ،یاردیما بد٘ۆ.


چەنی ئەوپەروو وەشەویسیم

#هومایون موحەممەدنژاد



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، جفرافیا، شهرها و روستاهای هورامان، تصاویرومناظرطبیعی وتاریخی، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ساڵێ تازێ۱۳۹۹ و ئامای وه‌هاری پیرۆزه‌تا‌ بۆ،
نوشته شده در تاریخ پنجشنبه 29 اسفند 1398 توسط همایون محمدنژاد
کەلەبەروو شێعرا(۱٦۷)

سەماو وەهاری

جەژنە و هەلهەلەن سروشت لێویان
ڕۆح و دڵ چەنی هەرد و چەم دێویان

سپای زۆقم و تۆف کنیا بیساتش
دارسان وائاوس دەمیا حەیاتش

سیاوکام ناکام جە کامی کاڵش
نەسیم هەرد و چەم ماڕانە باڵش

ئیسە تاسی  دڵ ناخنە دوو شششا
کامی سیاوکام  تەنیا مەرگ بەششا

نە سەر تا وە چەم چەرمەپۆش بێنە
کەفەن پۆشا بێ دڵ بێ جۆش بێنە

هەوای چەم تارنا سپای زوقم و تۆف
کەفەن شیتاڵ کەرد نەمەن ئێش و ئۆف

سەماو نەسیمی لەنجەو شەتاوا
چەپڵێ وارانی هەی ماڵی ئاوا

سروشت شادیشا ئەگەر چەم داری
سەنتووری نەسیم سەماو چناری

خۆنچە بۆ وەیوە، نەسیم بۆ زەما
بە دوو دەسماڵە کەرانە سەما

کوڕ و کناچە  مەلا دەشت و دەر
بە سەما و ئاواز شادی کەرا وەر

ئاوازوو جوانا سەماو کناچا
مەیاوۆ ئافاق ئاهەنگێ ماچا

بە شادی و شەوقۆ مەلانە پای کۆ
سیا ماچانە ، چەمانە مەی گۆ

سروشت چەنی دڵ ئامێتە بیەن
ڕەشبەڵەک چینەی وەشتەر کێ دیەن؟

جە چوار و پەنجۆ هەتا هەشت و نۆ
وەنەوشە و نەرگس چنوور و شەوبۆ

 حەڵقە بینا پەی بەزموو هۆرپڕای
 گاڵتە بە چووپی سەردەموو خوای

کۆسار پۆشانش بەرگی چەرمەدوور
پێویۆ بیبینگاش گوڵێ زەرد و سوور

سارا سەراپا سەوزیۆ جە دوور
لامل زەرد و سوور ڕۆخسار پەڕ جە نوور

«نەرگس وە مەس مەس مەدیۆ کێن ئەو کەس
گۆشەی چاک دڵ وەر نەدۆ جە دەس؟»

وەنەوشەی وەش ڕەنگ نە پای هەرد و چەم
خاڵی هێندوو فام مابەین ئەبرۆی خەم

چەم مارۆ وە حاڵ تەژنایی ماڕۆ
هەوای چەم وە خاڵ هەر دوو چەم فاڕۆ

نەسیم قاقاش بەرز خۆنچە مەبۆ گوڵ
خەم سەرەیش منیۆ وە بانی زەنگۆڵ

پەنجەی گوڵ نە تۆی دەسانی نەسیم
یەک چرکەش مارۆ سەدان زەڕ و سیم

شادی چ ئاڵاش وەش شنیۆ بە تاک
خەم بە زەبوونی لووتە مەنیۆ خاک

دڵ ئایر گرتەن هوون ئامانۆ جۆش
دەنگوو هاواری پۆشانش خرۆش

پەنجە پێکانە کوڕ و کناچە
ئێد ماچۆ: نا تۆ، ئەوشا: تۆ واچە

«ئامانۆ وەهار وەهاری شادی
بۆی عەتری نەسیم خونچەی  ئازادی»*

#ب_م_شارۆ 

وەرمەد٘ەو دەس جەدامانت دەسیچم چێرپا ڪەری
سەردەروو گۆشە وچەماتا نەجم وچەرخی ئەنوەری


سەر سەراوار ڪێشیەو دار ماتڵیچ تا نەفخی سوور
مەڵهەموو گرد٘  زامەکاما شەوێ  لامەو سەر ڪەری

#حامی غەریبی



ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، حامی غەریبی، بێهرووز موحەممەدپوور(شارۆ)، انتشارات زایەڵە،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦۷)،
نوشته شده در تاریخ چهارشنبه 28 اسفند 1398 توسط همایون محمدنژاد
کناچێ شوانەی/کوورش یووسفی(ئاریا)

 کناچێ شوانەی
مامام خودٚاگیان پارێزنۆش جە نەوەشی,باوەڕش پاسنە بێ پیا مشیۆ هۆنەرێو بزانۆ. ئارۆ وەختوو نان واردەو نیمەڕۆیەنە واچێ تۆ مشیۆ هەرمانێوە مسی.هەرمانێوەی خاسە,بتاوی چێوێو وەش کەری هەکە خەڵک کەڵکش چەنە هۆربگێرۆ. چۆ تاشی بۆ, ئاسن گەری بۆ, بە هەڕە چێو وەش کەردەی بۆ و....
پەی پیێوی جوانی پێسەو تۆ شوورەیا هۆنەرێو نەزانۆ. تا یاوانی ئی سنحێ چ هەرمانێوەت کەردێنە؟ چێش تاوی وەش کەری کە نیشانێو زەوقوو هۆنەریت بۆ؟ میسال تاوی مێزێوی سادە وەش کەری؟سەندەڵیوە وەشە کەری؟یا قاڵیوە چنی؟ قسێ کەرە, چ هەرمانێوەت چەنە بەر مێ؟ بە تەماشێوی مەلامەت بارەۆ وڕە بیەنە میاچەمام. وەختێو پەشێویش دیانی واتش: خەیاڵ کەری نویسەرەنی؟ نمەزانوو گاهەزیچ بی.
بێژگەم جگەرە کێشتەی چێش کەری؟ دایمە دووکەڵ هۆدەکەت گێرتەنشەرە. باوەڕم ئینەنە نویسەری پەی تۆ کار نیا. مشیو هۆنەرێو جە ژیوایتەنە وزی کار. چێوێو وەش کەری دەردەو خەڵکی وەرۆ. بنیادەم بتاوۆ وینۆش و کەڵکش چەنە هۆر بگێرۆ. ئەگەر عورزەو ئا کارەیتە نیا , لوە هەرمانێوە تەرە یاد بگێرە.
ئاوەختە بە پەرمای وێشەرە دەسش کەرد بە ئەوەگێڵنای داستانێوێ. 
جە ویەردێوی دوورەنە پادشاو ئێرانی کۆڕێوی هەرزەکارش بێ, کۆڕەکە دڵش گیروودەو کناچێوۆ شووانەی بۆ نمەتاوۆ چەنەش دڵ کەنۆ بە جۆریو کە وەرموو ئوقرەو ئارامش نمەمەنۆ پەنە. کۆڕەکە مەجبوور بی لوا پەی لاو تاتەیش و ڕازەو دڵیش پەی درکنا.  واتش: گرفتارو کناچێ شووانەی بیەنا, ئاواتی گەورەم ئانەنە چەنیش زەماوەننە کەروو. پادشا کۆڕەکەش فرە وەشش سیێ. واتش: ڕۆڵە گیان ئەجۆ هۆشت شیەنە تۆ کۆڕوو شایەنی , دماو من تاج وتەخت گنۆ دەست. چەنی ڕازی بی کناچێ شووانەی بۆ بە خاتوونەت ؟
کۆڕەکەی واتش: تاتە گیان ڕاس فەرماوی بەڵام چێش کەروو ئی کناچێمە وەشە مسیۆ بێ ئادێ نمەتاڤو بژیوو.
پادشا زاناش عەشقو وەشەسیایی کۆڕەکەیش عەشقێوی راستەقینەن و جە دڵەو هۆرخێزیان, واتش: خاسا پەی ئا کناچێ پێخامێو مکیانوو. نۆکەرێوش چڕی , واتش: لوە لاو کناچێ فڵانە شووانەی , واچه کۆڕو پادشای عاشقت بیەن گەرەکشا چەنینت زەماوەننە کەرۆ. نۆکەرە لواو کناچێش دیەو واتەش پەنە شانسی ڕووە کەردێنی وەنە, کۆڕو پادشای عاشقت بیەن , گەرەکشا چەنیت زەماوەننە کەرۆ. 
کناچەکێ بە ئەهوەننیەو واتش: کۆڕو پادشای چ هەرمانێوە مزانۆ؟ نۆکەرەکە تووڕە بی واتش: چێش ماچی هۆشت ئینا وێتەو, ئاد کۆڕو پادشایا, کارو چێشی؟ هەرمانەو چێشی؟ئاد وێش میراو وێش مەڵڵا. بەڵام کناچەکێ بە دڵنیایی واتش: من بە کابرێوی کە  هەرمانێوە نەزانۆ شوو نمەکەروو.  لوە واچەش پەنە ئەگەر گەرەکشا شووش پەنە کەروو مشیو هەرمانێوە مسۆ. نۆکەرەکە جووابەکەش بەردەو پەی پادشای. پادشا کۆڕەکەش چڕی و بەسەرئاماکەش پەی گێڵناوەو واتش: ئیسەیچ گەرکتا هەر ئا کناچێ باری؟بدیە تۆ کۆڕو پادشایەنی بەڵام ئادە هیشتای پەڵپێ گێرۆ. کۆڕەکە کۆچێو لوا فکرێرەو واتش: بۆنەو ئادێوە ملوو هۆنەرێو مسوو. ملوو حەسیر چنیەی خاس فێر بوو دماوە چەنیش زەماوننە کەروو.
کۆرەکە هەر ئا ڕۆە لوا پەی لاو ئۆساو حەسیر چنیەی. کەمتەر جه یەرێ ڕۆانە فووت وفەننو حەسیر چنیەی ئامانە دەسش. وەختێو بە هەرمانەو وێش متمانەش پەیذا کەرد حەسیرێوەی وەش ڕەنگو وەش تەرحەش چنیەو بە خەڵات کیاستەش پەی کناچەکێ. کناچەکێ وەختێو حەسیرەکێش دیە, چەنی نۆکەرەکەی ئاما پەی قەسروو پادشای. جەژنێوەی گەورێشا ڕێکە وستەو کۆڕوو کناچە یاوێ بە یوی.
مامام کۆچێو بێ دەنگە بیەو واتش: دماو چن ساڵا کۆڕەکە کوڵانێوەو بەغدایەنە ویەرای ویەرێ, کەباب خانێوی پۆختەش چەم پەنە کەوت. وەختو نیمەڕۆی بێ لوا چووەر پەشتو مێزێویەنە نیشتەرە. ئی کباب خانە هێنو جەردا بێ. مجیێ ملشەرەو گێرتشا و کەردشا زیننان. خەڵکێوی فرەشا گیرتەبێ. دزەکێ هەر ڕۆێو پیوب چاخ کوشێنێ و گۆشتەکەیش دێنی بە ئەویشا, پی جورە سەرگەرمیشا پەی وێشا وەش کەردەبێ.
کۆڕو پادشای ئەنذامێوی باریکەڵەش بێ و کەسیچ نەژناسێش. کەس کارش سەرشەو نەبێ, کۆنجێونە نبابێشارە.
ڕۆێو کۆڕەکە بە جەردەکا واتش: من هۆنەرێوم هەن تاودێ چەنەش کەڵکی عاڵ هۆر گێردێ. من حەسیرێ فرە وەشێ چنوو. کەرەسەم پەی باردێ تا حەسیرێوەی عالەتا پەی چنوو, پەی وێتا بورەشدێش.
جەردەکێ بەڵایرێو نەیجێ وکەرەسەو حەسیر چنیەیشا پەی ئاورد. کۆڕەکە ماوەو یەرێ ڕۆانە حەسیرێوەی وەش ڕەنگوو تەرحەش چنیە . کۆڕەکەی واتش: پادشا چی جورە حەسیرا وەشش مەیۆ. ئەگەر وینوش زەڕێوی فرەتا خەڵات کەرۆ.
جەردەکێ بە وەشیەو حەسیرەکێشا بەردە پەی لاو پادشای. پادشا وەختێو حەسیرەکێش دیە, زاناش ئینە هەرمانەو کۆڕەکەیشەنە, حەسیرەکێش نیشانەو وەیوەکێش داو واتش:  مەرەجیوم ئینە هەرمانەو کۆڕەکەیمەنە. کناچەکێ تەماشەو حەسیرەکێش کەردە, دیش شووەکەیش ژیرانە یاگو زیننانەکیش ئەرمانان. پادشای سەروازێ فرێش کیاستێ کۆڕەکەو زینانیەکێشا ڕزگارێ کەردێ و جەردەکێشا گێرتێ. کۆڕەکەیچ دماو ماوێوی دەردێسەری و سەختی گێڵاوە پەی لاو تاتەیش و ژەنەکێش

ادامه مطلب برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کناچێ شوانەی/کوورش یووسفی(ئاریا)،
نوشته شده در تاریخ چهارشنبه 28 اسفند 1398 توسط همایون محمدنژاد
چوار دانێ کرۆنێ نویسەر رسول موحدیان جە هاڵیگای قەسالەین(فضای مجازی ) هۆرگیڵیانەو بە زوانی هەورامی/کوورش یووسفی

چوار دانێ کرۆنێ نویسەر رسول موحدیان جە هاڵیگای قەسالەین(فضای مجازی ) هۆرگیڵیانەو بە زوانی هەورامی

دماو شەس ساڵا وەردەسی و کار و زەحمەتی چی دنیانە بیانی ساحیبوو چوار دووکاناو دەسێو یانا.
دوێ کوڕێ و دۆێ کناچێم هەنێ هەر چوار لوێنێ سەرو یانەو وێشا و من و ژەنەکێچم پێوەرە ژیومێ.
وێم یۆ جە دووکانەکا بەروو ڕاوەو ئەو یەرەکەیچم دێنێ کرێها. وەختێو کرونا ئامانە ئێران ژەنەکێم وات واز بارە،مەلە پەی دووکانی،خەتەرا با تووشوو ئی نەوەشیەیە نەی.بەڵام من گوشم نەدارانە.
ژەنەکێم بۆنەو ئانەیەو سەلەمنۆم پەنە نەلوو پەی دووکانی، وێرەگانێو چاشتی فرێش کەردێ بێ زاڕوڵەکێما چڕیێ بێنێش بەیا پەی یانەی تا من جە لوای پەی دووکانی پەشیمان کەراوە . من هاگام چینەیە نەبێ،نزیکەو عەیدی بێ مۆشتەریێ فرێم بێنێ ،دێر ئامانیەو پەی یانەی.
ژەنەکێم دابێش پێوەرە و تەمیێبێرە وچاشت و میوێوی فرەش نیابێرە.پەرسام ئینە گرد جێشا؟مێمانێما هەنێ؟ چی دانت پێوەرە؟ ئەجو دوت مجیان؟
واتش:بنیشەرە با مانیایت سەیۆوە،نانەکەیت وەرە جا ماچوو. دماو نان واردەی واتش:ئارۆ زەنگم دا پەی زاڕۆڵەکا واتم وێرەگا بەیدێ پەی یانەو وێما، تاتەتا گوشم نمەدارونە چی باروودوخەنە هەر ملای ملو پەی دووکانی،تەرسوو کرونا گێرو.گردیتا بەیدێ بەشکووم سەلەمنمێ پەنەش ئیتر نەڵو. بەڵام هەر چوار زەنگشا داو پەڵپێوەشا ئاوردەو واتشا نمەتاومێ بەیمێ.
واتم دەی ئینە ناڕەحەتیش گەرەک نیا،حەتمەن هەرمانەشا یێنە.
واتش هەرمانەو چێشی،ئاد٘ی جە تەرسەو ئینەیەنە تووشوو کرونای بیەبی نامێ.
وێچم دڵم تەمیارە،دڵوو وێمەنە دەسم کەرد بە دژمان دای بە کرونای و ئی وەزعێ و....
وەرو دڵەورکێو ژەنەکێم دووکانەکم بیناو بێ ئانەیە زاڕۆڵەکێ بزانا لوایمێ پەی جەزیرەو کیشی. دماو چن ڕۆا کوڕە گەورەکەیم زەنگش دا پەی ئەد٘ێش واتش:ماماو خانمێم چەمش عەمەڵ کەردەن بەیدێ با بڵمێ پەی لایش.
ژەنەکێچم بە قینیەو واش: ئینای فکرو ماماو ژەنەکێتەنە، ئی چی هەواڵوو تاتەیت نمەپەرسی؟ کورەکەیم وات: چێش قومیان؟ ئاد٘ێ وات:تاتەت کروناش گێرتەن و ئینە چن ڕۆێن ئاردەنم پەی بیمارستانی.حاڵش خاس نیا ڕەنگا دوێ یەرێ ڕۆێ زیاتەر نەمەنۆ.
کوڕەکەیم کوچێو ناڕەحەت بی و واتش:خۆ نمەکریو ئێمە بەیمێ لاش،مشیو چێش بکەرمێ؟ژەنەکێم وات:ئەگەر عەمروو خود٘ایش کەردە وێشا ئەسپەردەش کەراو فاتێحە وەنیچ خۆ قەد٘خە کریان و.....
منیچ دەسم کەرد خوای و واتم خاست کەرد ، با بزانمێ چێش کەرا.زاڕوڵەکێ جار جارێو زەنگ دێنێ و هەواڵوو من پەرسێنێ. هەفتێو چا مەنێمێوە،ئاخر ڕۆ  وەختێو ئامایمێ ژەنەکێم واتش تاتەتا مەردەن و وێچشا ئەسپەردە کەرد.


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، جفرافیا، پزشکی، کوورش یوسفی(ئاریا)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،چوار دانێ کرونێ نویسەر رسول موحدیان جە هاڵیگای قەسالەین(فضای مجازی ) هۆرگیڵیانەو بە زوانی هەورامی/کوورش یووسفی،
نوشته شده در تاریخ چهارشنبه 28 اسفند 1398 توسط همایون محمدنژاد
هاگاداری شۆراو ڕێکوزیایه‌ مه‌ده‌نیه‌کاو مه‌ریوانی پەی یۆگیری و پاڵپشتی هەنترینی، دژوو نەوەشی ویروسوو کرۆنای

بە پاو هاگاداری مامۆساسەیێدجەلال ئەکبەری  پەی"هەورامان هانەبەرچەم"ی:هاگاداری شۆراو ڕێکوزیایه‌ مه‌ده‌نیه‌کاو مه‌ریوانی پەی یۆگیری و پاڵپشتی هەنترینی، دژوو نەوەشی ویروسوو کرۆنای،وەڵا کریاوە.
به نامێو یەزدانی بێگەردی
سپاس و پنەزانای

«بە یۆگیری و پاڵپشتی هەنترینی، دژوو کرۆنای مدرمێره»

بە پەرەئەساو پەتاو کرۆنای جه مەریوانەنه، بڕێو کەس و بنکێ تەندرۆستیی و کۆمەڵایەتیێ پێسەو ئەرک و وەفای ئێنسانی وێشا ڕووبەڕوو ئی پەتایێ بیێوه. 

1.  شۆراو ڕێکوزیایه‌ مه‌ده‌نیه‌کاو مه‌ریوانی ئەوپەڕوو سپاس و پنەزانای وێش ئاراستەو دوکتر و پەرەستار و گردٚوو ڕاوەبەراو کادروو بێهداشت و دەرمانی (به تایبەت بیمارستانوو بووعەلی) و بنکه تەندرۆستیەکاو مەریوانی کەرۆنه که به بیەو مەتەرسی تووش بیەی، به ورەی بەرز و لێرەی پۆڵایین، پارێزنەرێ ژیواو تاک تاکوو کۆمەڵگاینێ. هەرپاسه ئا ئازیزێ یارمەتیدەرێ ڕێکوزیایەکا بیێنێ.

دماو ئانەیه که ئەوەمانای دلێ یانەینه بی به داواکاری گردٚین، ئا ئەوەمانایه وێڕاس سەروو ژیوای و دەرامەدوو ڕوانەو فرەو کەساوه و به تایبەت کاسبکارەکا و کراهانشینەکاوه کاریگەریش نیا. 
2.  چی سات و وەخته ناسکەنه، بەشێو جه کەسایەتیه دڵسۆز و خەمەوەرەکێ نیشتمانی، هەستشا به کردارێوی مرۆڤانه کەردٚ و هەر کەس لاو وێشەوه، کراهاو یەک یام دوێ مانگاو دووکان، یانه، مەهد کوودەک و ... بەخشا به کراهانشینەکا. ئی هەڵوێسته جوانمیرانه، سەرەڕاو یارمەتی ماڵی کراهانشینەکا، بی به نوونگێو پەی ئەرەوسەی و بینای پاساژ و یاگه گردٚینەکا و چەولاچەوه پاڵپشتێو پەی وەرگیری جه پەتاو کرۆنای. 
ئێمه سپاس و پنەزانای وێما ئاراستەو گردٚوو ئا ئازیزا کەرمێ و وەراوەروو باوەری ئێنسانی و خێروازانەیشاوه سەره نامنمێره و ئاواتەوازێنمێ چی کۆمەڵگا هەژارەمانه، نموونەشا فره بۆ.
3.  پنەوازا چی ساته پەڕمەتەرسیەنه، سپاسوو پاکوانا و هەرمانبەره زەحمەتکێشەکاو شارەوانی کەرمێ که پەی پاک و تەمیسی شاری هەوڵ و تەقالا مدٚانێ. 
4.  سپاسی و وەشەسیایی وێما میاونمێ خزمەتوو ئا کەسانا که یاوەریدەرێ ماڵی ڕێکوزیاکا بیێنێ.

شۆراو ڕێکوزیایه‌ مه‌ده‌نیه‌کاو مه‌ریوانی، 26وو سیاوکاموو 1398ی کۆچی ڕوجیاری
کاناڵی فەرمی #یەمامە



طبقه بندی: فرهنگی و هنری، اجتماعی، اخبار، تاریخ، جفرافیا،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،هاگاداری شۆراو ڕێکوزیایه‌ مه‌ده‌نیه‌کاو مه‌ریوانی پەی یۆگیری و پاڵپشتی هەنترینی،دژوو نەوەشی ویروسوو کرۆنای،
نوشته شده در تاریخ چهارشنبه 28 اسفند 1398 توسط همایون محمدنژاد
پەی زەحمەتەکاو مامۆساهومایونی/مامۆساحامی غەریبی

مامۆساهومایونی ئازیز سڵامت سەر بۆ
زەحمەتی فراوان و دڵسۆزیت یاگێ شانازینە
تاقەت و حەوسەڵەت فراوانا و فراوان تەر بۆ یاخودٚا
چێ بەینەنە زەحمەتی فرەم دانی ئازادٚێما ڪەرە
بڕێوە جە نویسەڪاو من نەزما و جە شێعرا ڪەمێ دوورا
وەلێ من بۆنەو پەیامەڪێشاوە و سادەگیشاوە ڪە فرە ڪەسێ زانا چێشم واتەن، ڪیانوشا
ئەننا شێعرە وردٚەڪاری و سەناعاتی ئەدەبیش تا فرەتەر بۆ وەشتەرەنە
بەڵام جەنابت چوون دڵت ئینا بە خزمەتی گردٚیوە، سادەڪێچشا نیێ نێتەرە ڪاناڵە
هەم بۆەنەو خەڵڪیوە ڪە فرەتەرشا سادٚە دۆسێنێ
هەم بۆنەو منەو ڪە لوتفی فراوانت هەن چنەما
خودٚا پەشت و پەنات بۆ من ڪەی تاوو جەزاو زەحمەتیت دەووە
ئازیزمانی و مامۆسای دڵسۆز
#حامی غەریبی
۲٥ـ۱۲ـ۱۳۹٨



طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، هومایون موحەممەدنژاد، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پەی زەحمەتەکاو مامۆساهومایونی/مامۆساحامی غەریبی،
نوشته شده در تاریخ چهارشنبه 28 اسفند 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 6 :: 1 2 3 4 5 6