‍ کەلەبەروو شێعرا(۹۹)
 ‍
من چەنی تۆمەن شۆخی شەم ڕوخسار
چی وێنەی تاوس ڕووت ڪەردەن گوڵزار؟!

ڕووت نیان باخی و پەشت نە دڵداران
وەفا ڪەی پاسەن شای شەم ڕوخساران؟

خۆ باغ نە خەیمەی گـــــــوراڵان ڪەیلەن
ڪەی بۆی ڕایەحەی زڵفی تۆش مەیلەن؟

بە  لاچەمێوە  بد٘یە  دماوە
دەرمانی بنیە ڪۆگاو خەماوە

با بە نیم نێگات ساکن بۆ دەردم
پەنگێووە خونچەی ڕوخساری زەردم

----------٭٭٭٭٭٭٭٭-----------
#سوهراب_ مورادنیا

کۆڵش پێتەن 

هامشان چەنی خەم و خەفەت ، 

هامدەنگ چەنی ورکە و مەینەت 

دلێ بەرەو کەش و کۆیەو

هاڕەق تکۆ، 

ڕەنگین کەرۆ چڕوچەمیش

 جار و باریچ

 سەروو خاک و خوڵوو ڕاکێ،

 وێش تلنۆ

           چۆپی گێرۆ ،

                     دەسەملان ....

دەنگ یاونۆ لاو چوڵایی،

کەش و کەمەر،

بەرزەچڕ ، مارۆوە دەنگ 

وەشا ورکەت نەبۆ لاو یانەیەو ،

دەس بە دوعا 

خاس لاڵیەیەو

ـ ئەی هەرچی کەس!

هەتا هەنی ، تۆنی نەفەس

 ورکەم نیا، کۆڵێ نەبۆ

 ورکەم نیا، چۆڵی نەبۆ

ورکەم نیا، چێروو پەیا ختلێ نەبۆ

ورکەم نیا،تەوەن ترازوو خەمی نەبۆ

ورکەم نیا ، بێ تاقەتوو دەرسی نەبۆ

ورکەم نیا ، وەروەو کەشا و یەخی نەبۆ

ورکەم نیا،چێرچەپۆکوو نەبیەی نەبۆ

  سەروو مانیایی کۆڵەکەیمەو ، 

         چەرمە کەرۆ ساراو شانەیم، 

               هارەق متەی شانازیا...

                  #هومایون موحەممەدنژاد




طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹۹)،
نوشته شده در تاریخ جمعه 31 خرداد 1398 توسط همایون محمدنژاد
یۆوەمین نیشتەیرەو ئەنجومەنە فەرھەنگی - ئەدەبیەکاو ھەورامانی، جە شاروو مەریوانی لوا ڕاوە

به پاو هەواڵوو کاکەکوورش ئەمینی پەی پەلیانەو "هەورامان هانەبەرچەم"ی یۆوەمین نیشتەیرەو ئەنجومەنە فەرھەنگی - ئەدەبیەکاو ھەورامانی، جە شاروو مەریوانی لوا ڕاوە


گوزارەشوو ئەوەڵین نیشتەیرەو ئەنجومەنە فەرھەنگی - ئەدەبیەکاو ھەورامانی

ئەرەنیشتەو هامدەنگی چوار ئەنجومەنێ فەرهەنگی - ئەدەبی هەورامانی جه شاروو مەریوانیەنه
سەروو خوڵکەی وەڵینەو بەمێـمانداری ئەنجۆمەنی فەرهەنگی، ئەدەبی، هونەری ڕوجیاری و ڕاکەوتوو 30/03/1398ی کۆچی ڕۆجیاریەنه و جه یاگێ ئەرەنیشتەکاو ئێدارەو فەرهەنگ و ڕانموونی شارستانوو مەریوانیەنه لوا ڕاوە. یەکەم ئەرەنیشتەو هامدەنگی چوار ئەنجومەنێ فەرهەنگیێ هەورامانی به شانازی و سەروەریەوه و چێروو نامدیاروو «هەرمانێ پێوەریه و گەشەو فەرھەنگی هەورامانی» به سەربەرزی و سەرکەوتەی لوا ڕاوه.
چی ئەرەنیشتەنه سەروو خەسارەکاو ئەرکوو ئەنجۆمەنەکا و هەرمانه فەرهەنگیەکاو هەورامانی باسێوی چڕ و پڕ کریا و خاڵە ئەرینەکێ ونەرینەکێ کەوتێ وەروو لەیکدایۆ،  دماتەر ڕاهەرمانێ ویەردٚەی جه ئاژەو ئیسەیه و یاوای به سەرکەله بەرز و ڕۆشنەکاو گەشەو ڕۆشنویری هەورامانی نریەیره وەردەموو بەشداراو ئەرەنیشتەکەی. باس کریان که؛ ئێمه یاواینمێ پی قەناعەتیه که ئاژەو ئارۆ کۆمەڵگاو هەورامانی و به تایبەت ئاژەی فەرهەنگیش ئاستوو ئێبرازێ وجوودیەنه ترازیان و ئێتر مشیۆم هۆڤیەتی وێپای هەورامانی پێسە وێش سەروو ترۆقوو ئارۆیانەو فەرهەنگی به لۆژیکێوی سەردەمیانەوه درێژه دریۆنه و بنجەو عێلمانی و زانستی کەردٚەی هەرمانەکا گراڵە دریۆ پەنە، فرەتەر جه وەڵێ گنۆنه وەرچەم و دەسینەو وەرلوای بە وێشۆ وینۆ.  
ئێمه باوەرما هەن که سازەو دماڕۆ زوان، فەرهەنگ و ئەدەبیاتوو هەورامانی، سەروو نەخشەو مووزاییکێ فەرهەنگیێوه مەرزیۆره و چی ڕانه، ئێژانه ئێژاکێ کۆمەڵگاو هەورامانی و به تایبەت تاکو هەورامی زوانی، بوومی و وێمانه وەرچەم گیریەینێ و دیامانێوی ڕوشنەنه مدٚیاوه پرزۆ دماڕۆ هەورامانی ھەمیشە سەربەرزی. یانێو پێوەره بیەی نەک پێسه یۆ بیەیا و کریۆنه به ئاوەزێوی مودێڕن وئارۆیانە، وێپا و وێپارێز، ڕۆ به ڕۆ گەشه کەرمێ و ڕوو به وەڵ  بلمێ وحەزوور بەشداری جە کۆڕوکۆبوونەوەکانە بە مارک وستایلو شێوەی ھەورامیانە وپێسە ھەورامانی پەرەو ترۆقیش دریۆ پەنە. درێژەو ئەرەنیشتەکەینه، گردٚوو ئەنجۆمەنەکا سەروو 8 خاڵه هامبەشاوه کۆدەنگێ بیێ و ئەرەنیشتەی دماینیچ جه سنەنه و پەی نیمەو ئەوەڵوو مانگەو گەلاوێژی دیاری کریا. 

نامێ ئا ڕێکخراوا چی ئەرەنیشتەینە بەشدارێ بیەنێ

 1.  مۆئەسێسەو فەرهەنگی ئەدەبی بێسارانی هەورامانی شارو سەڵواوای
2.  مۆئەسێسەو مەڵڵا مستەفاو بێسارانی شارو سنەی
3.  مۆئەسێسەو فەرهەنگی هونەری، نەسیموو فەرهەنگوو هەورامانی شارو پاوەی
4.  ئەنجۆمەنی فەرهەنگی، ئەدەبی، هونەری ڕۆجیاری شارو مەریوانی





طبقه بندی: تاریخ، فرهنگی و هنری، اجتماعی، اخبار، جفرافیا، شهرها و روستاهای هورامان، تصاویرومناظرطبیعی وتاریخی، ئەنجومەنووبێسارانى(یاهۆر) ، ئەنجومەنوو ڕۆجیاری، نه‌سیمووفه‌رهه‌نگوووهه‌ورامانی، کوورش ئه‌مینی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،یۆوەمین نیشتەیرەو ئەنجومەنە فەرھەنگی - ئەدەبیەکاو ھەورامانی،جە شاروو مەریوانی لوا ڕاوە،
نوشته شده در تاریخ جمعه 31 خرداد 1398 توسط همایون محمدنژاد
کەلەبەروو شێعرا(۹٨)

بێتاقەتوو گوڵەینا کۆچش کەردەن پەی شاری 
ئانە سەروو من ئاما پەی کەسی ناری، باری!

گەورێم کەردە و لوانە، لایێش نەکەردەو لاوە 
بە لالووتی و بە نازەو ڕۆحش کێشتانێ داری 

هۆش و ئاوەز وڵاویان وەیلان جە بەرزە کاوا 
هاوار و دادٚم بەرزا چوون بوڵبوڵ و قەناری

دەروون مەسۆچۆ پەی پەی شەوان هەتاکوو سۆحان 
پێسە تفڵێو نەوەش بۆ هەردەم کەروونە زاری

 سەرش گلەیم با هەردەم، قەرزارەو ئیسە و ئەولایم
 دوعام دوعاو خاسا بۆ، بۆنە سەدٚەقەی جاری

کەروو یادٚش ملوونە مدٚەو کەش و چەم و دۆڵ
هەتا دوور بوو دەمێوە جە بێ وەفایاو شاری

کەشەو بوو ڕۆحم سووکا دوورنا جە هاڕە هاڕی 
نەبۆم ئادٚە ئیتر چش بوو دۆسوو وەرگ و ماری

ئەگەر نەپەرسۆ "شارۆ"ی، دڵش نارۆوە ئەو حاڵ
ئەخیر دوعام ئینێنە نەوینوو تر وەهاری

#شارۆ


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، فەرید زاوەری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹٨)،
نوشته شده در تاریخ پنجشنبه 30 خرداد 1398 توسط همایون محمدنژاد
وێنەکاودەگاوکەنوولەی ـ بەشوو دینوەری(شاروو سەحنە)وکرماشانی ـ هەورامانی ـ پژگیا


#دەسوەشی تایبەت جە کاکەموحەممەد سڵێمانی ،خەڵکوو کەنوولەی

حەیفوو کەنوولەی نەبۆ 

ئاود٘انیش ئاواتمانە.

#ڕاکەوتوو ۲٥ـ۳ـ۱۳۹٨





طبقه بندی: تاریخ، فرهنگی و هنری، اجتماعی، جفرافیا، شهرها و روستاهای هورامان، تصاویرومناظرطبیعی وتاریخی،
برچسب ها:یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ دوشنبه 27 خرداد 1398 توسط همایون محمدنژاد
کەلەبەروو شێعرا(۹۷)

ئەساسەو دڵوەشی چێگە هەتیما 
وەشی جارێو  مەوانۆوە خەتیما 

هەزار شێعرێم نویسێ بەش بزانی 
پەڕا داخێ نویستەی خەت خەتیما

مزانی وێتەنی چارەو خەماو من 
مەد٘ە تێخی بە جەرگی لەت لەتیما

خەما کوشتێ هەناسێ شێعرەکاو من 
وەسێن زەجروو دڵەی پڕ حەسرەتیما 

هەناسێوت بە قەرزی پەیم دە وارە
نەکای   بمرۆ  ئۆمێد٘ی  پا   پەتیما

تۆ دنیانی کە بەی یانێ کە گرد٘ چێو 
بیەیت پەی من قەباڵەو  سەروەتیما 

تۆ بەشکەم بەی مەجازی نا، کەسوو من !
مەد٘ا تامێو شەوی ماچێ چەتیما

#خەمیار هەورامی

@hawramanhaneberchem

چەمێم دلێ چەماو تۆنە

 بازێ بەرا 

و

خەمێچ خێمەو خەما 

مدٚا وارە

دەنگ چەنی دەنگی، ساز بۆ

 تەنگ لاونۆوە....

#هومایوون_موحه‌ممه‌دنژاد
@hawramyanah

کاکەم!
ڕۆڵەگیان،هۆرزە دەس گێرە بەوێت
مەنیشە،خەمبار بانواچانێ،شێت!
دنیاحەر پێسە ئامەن جە ئەوەڵ
دارا وەشکەیفەن نەداریش خەجەڵ!
خۆ بە مەێل نامەن چەرخش هۆرداروو
یاجە خۆرجینش تۆش پوە هۆرسپاروو!
نە بە هێکەڵەن، نەزوانوو بازوو
یا بە دێر ئامەین یاخۆ زووبەی زوو!
ڕاسەن کە نووسیان یا لێ چەم ماچۆ
بە خود٘ا حەر ئانەن هۆرگێرە پاچۆ!
ئەر ئینە نیەن هەر چەنی وەرگەن
مەگەر نمواچا هێڵە جە کەرگەن!
چەنی نەزانا ئاردەنشا بە دەس
دنیاومافیا نمانێ بە کەس!
زۆڵە زا زاڵەن حەرام حەراڵەن
دانا نادانەن شیرین پەیش تاڵەن!
ڕۆڵە هۆرێزە دیماودیم کەرە
تاکەی چەمەڕا نیشی لێ بەرە!
ئێمە تا ئیگە ئاردەنما زانی
ئەر ژیر بی کاغەز دوودیم مەوانی!
چەکت قەڵەمەن خەدەنگت وەنەی
بەرئامەیت جە خەم وەنەی وحەر وەنەی!
ئا قسە قۆڕا منیش ژنەفتم
ئانە بی بایێس یاگایێوە کەفتم!
زەمانەی ئەلان عێلم سەردارەن
سەرقافڵەش جە نووک زاڕوە هەژارەن!
نەنشتەن پەی وێش چەم گێڵنۆ بەشکەم
خود٘ا وزوو واری یا زیا یا کەم!
زەحمەتش کێشتەن شەو دان وە دەم ڕۆ
ئارۆ هۆر مژوو بۆژانە و شەوبۆ!
یاساحێو تەمام تەمام کائێنات
تۆیش هاندەرما بە یاومێ بە ئاوات!؟

#سەباح شیانی سنە

پەوکەی
ژەحر بیەن بە
پێخوەروو واتەکام 

بێ عیسافی زۆرداری
و
مژمۆری
چەمێ دیوانی 
حەننامەنە
و
چەپ 
پاکاو مەستەراحی
و
سوجدەگا
داغ کریاکا 
کە تەوافوو
کەعبە و کانادای مەکەرا
چەنی
قلەو کاکەیم
بە تەقەڵەو
گیفانەکام

چننگە یەخێ
شێعریمەنێ

#جەواد
 فێـــــــراق





طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، حێکمه‌ت موحەممەدی(خه‌میار)، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹۷)،
نوشته شده در تاریخ دوشنبه 27 خرداد 1398 توسط همایون محمدنژاد
کۆچوو هونەرمەندی گۆرانی واچ ،کاکەئێسماعیل سابوور جە شارووسلێمانی(فوت هنرمندآواز، اسماعیل صابور در شهرسلیمانیە)


 ‍ ‍ به‌ داخه‌و هاگادار بیه‌یمێ

#مەرحووم هونەرمەند کاکەئێسماعیل سابوور

کوڕوو مەرحووم موحەممد ساڵح سابوور و مەرحوومه خاتوو شەمسی قادری

تاتەو وەشەویسا نووشین و راشین سابور


براو وەشەویسا فیرووز، ئێبراهیم ،تەیموور ، شەهرام سابوور واڵەکاما:فەرزانه،رووناک ، شادیه سابوور و هەرپاسەیچ براو وەشەویسا مورتەزا و موجەتبا و خاتوونەکێ پەروین و سیمین نەقشی 

 خه‌ڵکوو شاروونەوسود٘ی

نیشتەیرەو شاروو سلێمانی

به بۆنه‌و نه‌وه‌شی دنیای فانیش ئاست جیا.

په‌لیان و کاناڵەو هه‌ورامان هانه‌به‌رچه‌م و زاوەرخەبەری پی بۆنه‌و به ئه‌رکوو وێش زانۆ سه‌ره‌وه‌شی جه یانه‌وه‌یشا که‌روو

ئاواتمائانه‌ن خود٘ای بێ هامتا سه‌بووری یانه‌وه‌یا دۆوه.

یاگێ پەرسەی: دماتەر جە نەوسوود٘ و شاروو پاوەی هاگاداری وەڵا کریۆوە
.............................................

بااندوه مطلع شدیم

#هنرمند محبوب آقای اسماعیل سابور

فرزند مرحوم محمد صالح سابور و مرحومه خانم شمسی قادری

پدر گرامی خانم ها؛نوشین و راشین سابور

 برادر آقایان فیروز، ابراهیم ،تیمور ، شهرام سابور و خواهران:فرزانه،روناک ، شادیه سابور و همچنین برادر آقایان مرتضی و مجتبی و خانمها پروین و سیمین نقشی 

از اهالی محترم پاوه_نوسود ساکن سلیمانیه عراق

براثربیماری دارفانی را وداع کردند.

وبـــــلاگ وکانال(هه‌ورامان هانه‌به‌رچه‌م و زاوەرخەبەر، این ضایعه تأسف انگیزرابه خانواده محترمشان تسلیت عرض می نماییم.
امیدآن داریم که خداوندیگانه برای بازماندگانش،صبرجزیل عطافرماید.

مراسم ترحیم مرحوم در پاوه و کرمانشاه  بعدا" اعلام خواهدشد


ادامه مطلب

طبقه بندی: فرهنگی و هنری، اجتماعی، اخبار، جفرافیا، شهرها و روستاهای هورامان، تسلیت ها،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کۆچوو هونەرمەندی گۆرانی واچ،کاکەئێسماعیل سابوور جە شارووسلێمانی(فوت هنرمندآواز،اسماعیل صابور در شهرسلیمانیە)،
نوشته شده در تاریخ دوشنبه 27 خرداد 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 7 :: 1 2 3 4 5 6 7