کەلەبەروو شێعرا(۱۹)
دڵه‌ ها یاران به‌رشین جه‌ زامن
گردٚ ته‌فره‌قه‌ بین چوون خه‌یاڵ من

گه‌ردٚ کۆچشان ئانا دیاره‌ن
ده‌ک لێڵاویت بۆ چوونت قه‌راره‌ن

سه‌نگی بار هۆش، پێش بار فامت
ده‌وار شادی، چێخ ئارامت

لوان چه‌نی کۆچ خاڵۆکه‌ی هام فه‌رد
ئیسه‌ بار وسته‌ن نه‌ هه‌وارگه‌ی هه‌رد

تۆ چێش مه‌که‌ری که‌م هۆش که‌م فام
په‌ی ڕووی ڕیایی نیشته‌نی جه‌ لام

سا چه‌نی ئه‌رواح یاوه‌ وه‌ یاران
با ته‌ن بۆ وه‌ سه‌نگ مه‌نده‌ی هه‌واران
#مه‌ولەوی تاوەگۆزی

‍    زوانی ئەد٘ایی
هیچ هونەر نیەن، بە زوانی قاڵ
گوفتار تووتی وار شەقە دەی وە باڵ

چوون تفڵی نەوپا زوان  لەنگ و ڵال
هەر کەس بە جۆرێ،پەرسینە ئەحواڵ

شەرت ئانەن تاوی، زاڕۆڵەی یەکساڵ
غەیر بە زوان حاڵ ، بارین گڕ و گاڵ

بێڕاهە  نەلی ، بگنینە  چاڵی
لای لای ئەد٘ایەن،زوانوو حاڵی

شێعر:موحەممەد خدری داریان

هیچ دەرد٘ێ دەوا مەکەرۆ

ئەگەر: هەزاران ڕۆجیاری
ئاسمانەنە درۆشیا و
بەڵام
دڵوو تۆنە فانۆسڵێ وە نەخۆوۆ
دەرد٘ە مەوەرۆ

ئەگەر خەزێنەو دنیای
دلێ کۆنجوو ڕۆحیتەنە بۆ

بەڵام تۆ نەتاوی

رۆحیت گێری دەسوو وێتەو

به چه درد٘ێ وەرۆ؟

هەزار شارێ گێڵی
 بەڵام 
ڕا ئێننەو دڵۆ وێت نەبەری

به چه درد٘ێوە وەرۆ؟
سەد٘ان هەزارێ یارێت بانێ
بەڵام
نەتاوی دڵیت کەری دۆسوو وێت
.
به چه درد٘ێ وەرۆ؟
ئەگەر
جە هەر چی مرواریەو بەحرەکا
ملەوانێوە 
وەشە کەری پەی کناچێ وێت
بەڵام 
نەتاوی
دڵیت پێشکەشش کەری

هیچ دەرد٘ە مەوەرۆ

#لەتیف هەڵمەت
#هۆرگێڵنایەو :
#سەیوان ئەمینی
ویراستار:
#هومایون موحەممەدنژاد

بۆی وەهار 

بۆی وەهار مەیۆ....بۆی وەهار مەیۆ
بۆی شنەی شەبۆی مێرگەوار  مەیۆ

یاران ئەر سەیرەن بەیدێ  مێرگەوار
ویندێش ڕەنگینەن جە سەرتا بە وار

گوراڵەسوورەی   بەرزی  مێرگەوار
 دیبای حەریرەن جە سەر تا بە وار

سوورەهەراڵەش شۆهرەتی خاکەن
گیواوش  دەرمان دڵەی  خەمناکەن

چنوور و شەوبۆش عەتری وەڵاتەن
پەی  دڵی   ئاشق   یاگەی   ئاواتەن

جە مێرگەوار و هەم جە شانشین
مەگەر  عەواڵان  پاسە بۆ ڕەنگین

جە فەسڵی وەهار بەرزی مێرگەوار
جە عەتری  چنوور مەبۆ  بە گوڵزار

ئاواتە وازەن   بوڵبوڵی    گوڵزار
پەی سەیرو وەشی بلۆ مێرگەوار

سەیوان کۆتا کەر جە وەسفی  وەهار
دڵوەش بی وەشەن سەیری مێرگەوار

نەک بە وێنەو تۆ وامەنەی خەجڵ
دایێم چەنی  خەم  کەری  درد٘ەدڵ

#سەیوان ئێبراهیمی(گواز)

وەشەسیا
وەشەسیا ئینای دڵمەنە،مەکریۆم پەی بەرت ڪەروو
مەنەناوە بەکام خامە تەعریف و تەوسیفت ڪەروو
بیەنی ئامیانوو خیاڵیم بەریم ئاسانەوئەشعاری
حەیرانەنا بەکام واچە نامـە شیرینەکەت بەروو
مەحبووسی یاسای فێــراقت،پابەندی دامی دوورینا
هــــــەر وێم زانوو چن بە سەخڵەت جە دووری تۆ بە سەر بەروو
مــــەیخانەو عەشقوو یاد٘وو تۆ بیەن پەناگای خیاڵم
سەرسامەنا ئەشۆم تاڪەی شەرابی فێراقت وەروو؟!
جە مــەکەتبوو وێساڵیتنە بێ شۆکەروو مەشقووئەشقی
عاشقتەرجە هـــــــــەرمسیارێو دەرسی عاشقیت بەر کەروو
کڵێڵوو بێ دەنگی دریان سەروو زوانوو دڵیمرە
وەقــــرەم بڕیان، وەرمیچمەنە مەیاروو نامێ تۆ بەروو
وەروو تانـــەو ناحەزاوە مەتاوۆ بەونەهەوارگەت
زەوارئاسا بە تاسەوە تەوافوو ئاسانەیت ڪەروو
------------٭٭٭٭٭٭-------------
۱۳۹٦٫۱۲٫٦کۆچی ڕۆجیاری(سیاوکام)
#سۆهراب مورادنیا

دووێ کوڵه‌شێعرێ قه‌دیمیێ
1
جه‌ لێژایی سینه‌یش  گێرته‌م
ته‌نیا جاریه‌
گواریه‌
چه‌کنام جه‌ پاییزو لچاش ونه‌ هه‌ناریه‌
ده‌ک له‌عنه‌ت
ئه‌چی قماریه‌ .
2
جه‌ هانه‌و لچاش ته‌ژناییم ماڕد
و
نیگام
شیرین گلێریا لێژایی سینه‌یشه‌ره‌
نشتێ پلووره‌
هه‌ر ده‌ هه‌ننوسێم
تاموو هه‌نگوێنی نمه‌دانه‌
ده‌سێم؟
#مه‌هدی ئه‌بری(هەورام)

وەهار
یاران   مزگانی   ئامای   وەهارەن 

ئامای وەرزەکەی گوڵ و گوڵزارەن

نه هەر جا مد٘یەی سەر سەوز دیارەن

نیشانەی   خێلقەت   پەروەردێگارەن

چیا و دەشت و دۆڵ  وێشان  وناران 

قەتاره     بەسا ن    سپاو    گوراڵان 

تەبێعەت کاڵای ڕەنگا وڕەنگ پۆشان 

باد٘ەش نه جامی نەو وەهار نۆشان

وەنەوشەی وەشبۆ جه سینەی باخان  

بۆژانه و  شەوبۆ  جه  پای  ئێڵاخان

چنوور شنەشەن جه  بەرزە  شاخان  

سوورەهەراڵه سوور کەرد٘ەن  زاخان  

نەرگێس وه مەس مەس چوون دید٘ە مەسان 

مڕفانۆ نه دەس ڕۆح و دڵ و گیان  

موبارەکتان بۆ نەو  وەهار  یاران  

خەم و پەژاره دوور  بۆ  چەنەتان  

بنیشدێ به شاد٘ نه  پای  کۆساران

به کەیف و ئاهەنگ به سەفاوسەیران  

وەهاری "ناسر" ئێشەن  و   هێجران  

ئەسیرەن به دەس دەرد٘ی بێ دەرمان  

#ناسر ئەخدەر

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، مه‌هدی ئه‌بری(هه‌ورام)، سەیوان ئێبراهیمی(گوازی)، سه‌لیم هه‌جیجی(خه‌مبار)، سوهراب مورادنیا(سیاوکام)، ناسر ئەخدەر، عەتا عەلی پوور، خەندە هەورامی، مه‌ڵڵاعه‌بدولوه‌هاب ئاریانی(مامۆسابه‌دبه‌خت)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۱۹)،
نوشته شده در تاریخ سه شنبه 15 اسفند 1396 توسط همایون محمدنژاد
کەلەبەروو شێعرا(16)ڕۆ زوانی ئەد٘ایی
حەسەن  عومرانی/هادی سپەنجی(خاڵە)/فەتحوڵڵا  ڕەزایی/هومایون موحەممەدنژاد/ بێهرووز محەمەدپوور(شارۆ)/عوسمان ڕەحیمی هەجیجی/یاوەر هەورامی/سوهراب مورادنیا/خەمبار  هەجیجی/سەیوان ئێبراهیمی/جەواد حەمزە(فێراق پایگەلانی)/عەتا  عەلی پوور/فەرید زاوەری/حەسەن خەیات/شاهۆ مەعازی/جوانمیر خووند(کۆساڵان)

تەوەنەقووڵە

تەوەنە قـــــــــووڵەو هەوارگەو ڪاوی
هامساو ڕازیانەو گـــــــــۆشەو شەتاوی

نە دەورت  خیزیان گوڵانی  وەش بۆ
سوورەهـــــەراڵە و چنوور و شەوبۆ

هام نەوات قاسپەی ژەرەژانی ڪۆ
مــەژیوی نەسای چەتری ڪەماولۆ

یادگاری دەور ڪـــــۆنە هــــــەواران
هۆرڪنیای زەنگن شیرین ئەفڪاران

جەسەت بە تێشەی ڪام ئۆساتاشیان
پەرێ دماڕۆی ڪــــــــــریاینی نیشان؟

 کێ فـــەرهاد٘ئاسا دەس دا بە تێشە
پەرێ خەلقەو تۆ ڪەردش ئەندێشە؟

جای پەنجەی ڕەنگین تۆغرا کەڵافان
گوزەرگای عێلی هـــەورامی وجافان

دڵت مەڪۆگای  هەزاران  ڕازان
چەمـــەڕای ئامای دید٘ە  شابازان

هـووەیدان  زوخاو  هێجرانت وەردەن
سینەت بەشەرەنگ فێراق پەڕ کەردەن

تاجی جەواهێـــــرلایێق سەرەوتۆن
وەفات بێ نەزیر،مەوبەتت بێ شۆن

نیشتەنی نە سای هـەوارگەی هاڵی
دەروونت   بیەن  ڪۆگاو  زوخاڵی

حەیفەن پەرێ تۆ وەی تەور تەنیا بی
پـــــەی ئامای یاران هەر  چەمەڕا بی

ئەر ســەد٘ دوورەنی نە جـەرگەی یاران
هەر جەلات مەنەن  مەیلەڪەی جاران

تۆ دڵ وەش نەسای وەشەسیایی وێت
مانــــــە بە وەشی نەبێــــــزیایی وێت

من بێزڪـــــــەوتەنا لاو ناڪەساوە
چوون سکەی سیا،پەیم مەپەرساوە
-----------٭٭٭٭٭٭------------
۱۳۹٦٫۱۰٫۳۰ کۆچی ڕۆجیاری(ئارگا)


#سوهراب مورادنیا

‍زوانی   ئەۮایی  گیانەن،  هەناسەن
مانگ و ڕۆجیارەن ژیوایەن، تاسەن

ئازیزان   بەیدێ   هەورامی   شێوە
ئاڵاو  قەڵەمی   هۆر گێرمێ   پێوە

بەرمێش   بەرزایی  ئاسۆ   ئاواتان
هەتا   دیار   بۆ   گردوو    وەڵاتان

یۆنسکۆ سەرسام،  حەیران بۆ دنیا
بەرەو    نەزانی   هەورامان    ژنیا

#فەتحوڵڵا   ڕەزایی

زوان ،کێ بیەیمانە

دلێ چۆڵایی یانەو بێ خەمی

بایەقۆشوو نەزانی

هێلیانەش کەرد٘ێنە 

و

جە بیناقاقەوئاوەزینە

دەنگوو کێ بیەی

بێ دەنگی و بێ هەناسە مەنۆوە!!

وەشتەواران   

ئاواتما بۆ

زوان کریۆ یانەو ئاوەزی....

ئەد٘ا کوڵەکێ ... 

تاتەیچ دیمەک....

هەزار جارێ   نەزانی 


سەروو بانوویانەیماوە 

خت و بووڵە کەرۆ پەیما

گۆشت نەبۆ 

هەتا....

بانتلینوو سەروو بانی 

ژیری و فێربیەی ویرشەنە بۆ

ویرما  تلنۆ 

پەوکەی!

وەشتەوارانوو زوانی ئاواتشا!

#هومایون موحەممەدنژاد

چەمەڕانا

دوور نیا زاڕۆڵێ

گۆ قەڵەمیشا

گۆرەمیت بۆ

بە لایەلایەو ئەد٘ایشا

ب .م(شارۆ)


ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، فەرید عەباسی(فەراز)، فه‌تحوڵڵا ڕه‌زایی، بێهرووز محەمەدپوور(شارۆ)، عه‌دنان مورادی، هادی سپه‌نجی(خاڵه‌)، یاوه‌ر هه‌ورامی، سەیوان ئێبراهیمی(گوازی)، جەواد حەمزه (فێراق)، عوسمان ڕەحیمی(مورید)، سه‌لیم هه‌جیجی(خه‌مبار)، سوهراب مورادنیا(سیاوکام)، حەسەن عەزیزی(خەیات)، فەرید زاوەری، عەتا عەلی پوور، حه‌سه‌ن عومرانی، جوانمیرخووند(کۆساڵان)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(16)ڕۆ زوانی ئەد٘ایی،
نوشته شده در تاریخ سه شنبه 1 اسفند 1396 توسط همایون محمدنژاد
دیداری باشاعرهورامان؛میرزاسعدالله خدیری هجیجی
  درتاریخ 1393/10/5


هه‌ورامان هانه‌به‌رچه‌م   هه‌ورامان هانه‌به‌رچه‌م


هه‌ورامان هانه‌به‌رچه‌م   هه‌ورامان هانه‌به‌رچه‌م


هه‌ورامان هانه‌به‌رچه‌م   هه‌ورامان هانه‌به‌رچه‌م
                                                                   
           
در روزجمعه تاریخ 1393/10/5به اتفاق دوستان فرهنگی منطقه هورامان آقایان:کاک محمدرشید امینی-ملامومن نوری-همایون محمدنژاد-محمدسلیم سلیم پور-کاکه ظهراب ولدبیگی-کاک بختیار ازکات وعده ای دیگرازدوستان ومهمانان ازشاعرخوش ذوق هورامان میرزاسعدالله  خدیری دیداری کردیم؛ دراین محفل فرهنگی میرزا سعدالله که براثرکهولت سن ازنعمت شنوایی کم بهره شده آقای نوری بانوشتن جملات ودرخواست ها,اقدام کرده؛ومیرزا هم باسعه صدر وباملایمت به درخواست وسئوالات جواب داده؛که تسلط وحافظه قوی وتبحردرسرودن اشعاربه هورامی وسورانی وفارسی وبیان خاطرات دوران شاعری؛همه حضار رابه وجد آوردند؛ازنکات برجسته خدمت خوب فرزندان وخانواده دامادها به ایشان بوده که درنوع خودش بی نظیربوده وجای تقدیردارد.لازم به ذکراست که دیوان اشعارایشان توسط آقای جمیل فاروقی به رشته تحریر درآمده است.
منبع :
  
کتابخانه‌هورامان،کتێبخانه‌وهه‌ورامانی، یانه‌وکتێبووهه‌ورامانی  



طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، دینی ومذهبی، هومایون موحەممەدنژاد، مامۆسامۆمن نووری، میرزاسه‌عدوڵڵا خه‌دیری، سه‌لیم هه‌جیجی(خه‌مبار)، موحەممەدره‌شید ئه‌مینی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،یداری باشاعرهورامان؛میرزاسعدالله خدیری هجیجی درتاریخ 1393/10/5،
دنبالک ها: کتابخانه‌هورامان،کتێبخانه‌وهه‌ورامانی، یانه‌وکتێبووهه‌ورامانی،
نوشته شده در تاریخ دوشنبه 25 دی 1396 توسط همایون محمدنژاد
‍ ‍هه‌ورامان هانه‌به‌رچه‌م
زەمین لەرزەوکرماشانی(سەلاسی باوەجانی، سەرپێڵ و زەهاب ،داڵاهو ، ڕێژاو، ئه‌زگڵە، زه‌رده‌، قەسرشیرین، ئێسلام ئاباد و شار و دەگایەکاو دەوروبەری جه ده‌نگوو سۆزداروو شاعێرا(1)
 
وەی ڕۆ   هەمدیسان  خەزان نمانا
خەمان تاس خەم ڕووی شادی شانا

جووت ششش  خەمەن دوو و ششش هەر خەم
خەم وە بان خەم چین جین بیەن جەم

شەڵتە نیا تێخ نە سەر باخ و چەم
فیشقە بەس نە چەم وارانیوی خەم

باخ ڕەگی حەیات چەنەش کنیاوە
خەم چوون چەمەی هوون نە پاش زیاوە

دووکەڵ بەرزۆ بی هەس هەس جە باخان
خەم شادیش خەم کەرد بە ئاخ و داخان

مەینەتی دیسان خەم دا شانەرە
چوون مێمان ناوەخت کەردش یانەرە

نەدار ڕەش و ڕووت پەنجە نیا دەم
ئێساڵی چەنی بەروو سەر بێ خەم؟

خەم خەمش واردەن هەر پێسە ماری
وەشڵەی ساڵەکاو پار و پێراری

#بێهرووز موحەممەدپوور (شارۆ)

فەڵەک چەنی من ڕاس بەستەن کەڵەک
مەر من  سەنگم دان وە مینای  فەڵەک؟

زەمین پژما
سروشت پاگیرەی گرت و لەرزا
پاو تەوەنێ لوا لارە و
نیشتیمانێش وەزنا شیوەن!

وەرم خوونێش پەپووڵێوە
چرپەو مەرگی سەوزیش مرنا و
پاییزش مت باڵایمارە

زەمین یاوشا
ئاسمان هەورێو!
وەڵات تا کەی
دووکەڵ خێز بۆ؟

چوار سووچەو هیچ
سروشتیچ حەر...
گاور وێنەو من بارش لار نەبۆ!

#بێهرووز موحەممەدپوور (شارۆ)
96/8/22

بە گردوو شەرمساریەکاشوە
قووڵ
بە درێژایی تاریخی.
ئارۆ
سوور
ئیمانم ئاورد بە ئینسانی .

#مه‌هدی ئه‌بری(هه‌ورام)

زەمین  لەرزا، دڵم  لەرزا، تەماموو  بارەگای لەرزا
دلێ دیدٚەو هەواڵێنە چەموو ڕەحموو خودٚای لەرزا

چراوێ بێ دەسێ کەوتێ پەپوولێ گرد بیێ چێره‌و
قوڵنگەو بێستوونی وت کەوا و پانتۆڵوو وای لەرزا

گوڵێ کەوتێ دلێ یانەی بە خاکێوە سڕی مەردێ
به هاڕەو کۆرە پایێزێ شەوەو سەردەو گەڵای لەرزا

چەنی ئاسمانی بێ دەنگی هەسارێ مشت و مڕشا بێ
مشۆم چی حەر فەقیرێ با چەنی دەرد و به‌ڵای لەرزا

گجی ساوێوە دڕیا بێ، هەنارێ که‌وتەبێ لارە
کناچەی چێروو خاکینە جە حەسرت تا سه‌وای لەرزا

گڕەش وەردا دەر و دەشتی هەناسەو بێ کەسوو تڵفێ
تەپ و تۆزوو وەشەسیایی جە قانوونوو جەفای لەرزا

دەسێ ناما وه‌رش گێرۆ خەفتباری دڵوو شاری
مەگەر خەڵکوو چەمەو مێهری کە پەی عه‌شق و وه‌فای لەرزا

#فەرید_عەباسی

زەمین لەرزە و شەپۆلی شین بەشش زاما هەم وەڵاتم
نەبی ساڕیش زامی کۆنەم زامێ نەو کریا خەڵاتم

بە تاوانوو بێ تاوانی  وێران بی سەر و سامانم
بغەیر حەمد و سەناو زاتیت نەواتم سەردێ بە زاتم

خەتەش کێشا چیاو کوردی ئێزا زولزێلەتێل ئەرزت
بەشم دیاری کەری دەی چی مەدٚەی تۆ قورئان نەجاتم

ئێساڵ سەرپێڵ زەهاوی دڵ ئەدٚاو زامی تازەتەریا
دەمێن نەزمش نیا کوردم پەرێشانوو سڕ و ماتم

تازە زامم مەکولنەو هەم لەشم زامش هەزار زاما
قڕان با بەی وەسێن زامێ بەهانەن حەشر و سێڕاتم

بەمۆ زاری کەرۆ هەمتەر بەڵام ئیجار پەی زەهاوی
وەشیش کۆن داڵەهۆ عەشقی مەحاڵا هات و نەهاتم

وە کام بیستوون بناڵێنم شیویاس شارێ شیرینم
چەنێ فەرهاد وەیرە کوشیاس نەمەنیە دی کەراماتم

ڕێزیاس دارەیلێ لیموو ئەڕا ئەڵوەند سوورە ئاوی
دەسەڵاتێک نەیرێ فەیسەڵ شەفای زامتانە ئاواتم

#فەیسەڵ_هێدایەتی

خەم
نە خەمم سانا  و  نەگێڵانیش  پەی
بەڵام هەرخەمەن زوو مەیۆ پەی پەی

خەم وارا پەرێم  بە خەم ڕژیانی
دنیانە  چەنی  خەما  گژیانی

دڵ  جە مەینەتا  هەر   نەسەیاوە
کێشەو ماجەرام  هەر   نەبڕیاوە

هەرچن گێڵانی شۆنەو شاۮیرە
خەم ئاما جواب چالای  واریرە

واتم ئەر خەمە چی واز نماری
ئێۮ تەمام مەبۆ کۆڵێو تەرماری

یەکجار پۆشانت یانەی  گەۮاییم
بەخەم پیرت کەرد عمروو دنیاییم

زوخاوم  کەیلەن نەتۆتۆی دڵدا
جاگیرەن نەتۆی  باخەکەی گوڵدا

عاسی بیەنان جە دەردوو  خەمی
فوارەش بەستەن ئەسرینوو چەمی

بەرشیەیم  نیەن  دەسوو  خەماوە
بە خەمی  کۆنە  سەرەم   نەنیاوە

پاسە  مەزانۆ  هەر  من  هەنانی
بە ئاخ و داخێ پیرش  کەردانی

گاوگەرەم بینان پەی خەرمانی خەم
هەرچن مەهاڕوش چەنەش مەبۆ کەم

هەر گیسای  ناسش  وەڵین  کۆنە بۆ
یۆتەر   هۆرمۮۆ    کۆنەت  ویرنە بۆ

#ئۆسمان  ڕەحیمی هەجیجی

وەڵاتوو منەنە
         
خەڵکم تا مەنەن
                  ڕۆڵەو خەمین
هەتا هەتان
                مەبڕیۆوه جه شۆتی

ئەر بڕیۆیچوه مەردەشۆتا!

بە چەم وینمێ: زام زامی ساڕێش کەرۆ
      مەردە مەردەی لاونۆوه

و سەمفونی ژیوای
             تەقەو تەوەنا هەژنۆ

واچدێ پایێز سیاو پۆشۆ
                   ئێمە بە زەردیچ مەساچمێ

#مه‌هوه‌ش_درۆستکار

رۆڵەی جــــــــــــوانم  دید٘ە ڕاسەکەم
چی  نمەی نەگۆ بــــــــۆی هەناسەکەم

رۆڵە ، کـــــــەی  واد٘ەو کۆچی بێ ئاڕۆ؟
بد٘یە دەروونم خـــــەم  چــەنەش وارۆ

کۆچەکەت  جەرگش کـــــــەرد٘ا بریانی
پەلەت کــــــــەرد ئازیز جیات ئاستانی

خود٘ات چـــ ـەنی بۆ پەپوولەو شاد٘یم
ئاوێرت  وەردا دڵەی خەمــــــــــــاویم 

  #یاوەر هەورامی

شیوەنوو  زەهاوی

هانا هەی (خانا) ٭ کەی  وەختی خاوەن
شیرین شیوەنی قە ســــــر و زەهاوەن
به هوون گۆڵ ڕەنگەن باڵــــای نازاران
شیوەن سەرکێشان  یانەش  نەو یاران
هۆر گێره  خامه وێت ئاسا  پڕ ج
ۆش
شینی سەد فەرهاد بــاوەره وەهۆش
واچه (سەی یاقوو)٭ ماهیدەشتی تۆ
سامان سا بی ناز کەوتەن  لـە پەرۆ
کۆرپه نەباوەش ســــــەردی نازاران
بی شین و کەفەن گــــیان مەسپاران
بە واتەی قە
د٘یم تا  گــــــاوی ماوی
پەنجەشا   پێکان  ئایــــــر و  ئاوی
ئەوەند ئازیزان سووتەن بـــــێ تاوان 
سەد٘ شیرین وه خاک پاشـــان نیاوان
وشکامەی ئەسرین یاوا  چێش کەرمێ
مەر پەنا وه فەرد (مەعدوومـی) بەرمێ
مەر حەر (مەولەوی) ئی لوســی تاوو
جاریه نە سە
د٘  جار ئـیـنەی  فەرماوو:
کوورەی دڵ گەرمی جۆش سەختشەن
پەی  فێنکی دڵ شـیوەن  وەختشەن
داد نمە
د٘ۆ  داد٘ خاس  مەعلوومەن لێم
دمای وێم پەرێم هیچ کەس وێنەی وێم

       #موحەممەدشه‌ریف عه‌لی ره‌مایی
هه‌ورامان هانه‌به‌رچه‌م

هه‌ورامان هانه‌به‌رچه‌م

دید٘ەم "ڕێژاو"ەن ڕۆخسارم زەرد٘"ەن
جە دووری " یاران" پیران"م کەرد٘ەن
#مامۆسامەولەوی

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، دینی ومذهبی، تسلیت ها، مه‌هدی ئه‌بری(هه‌ورام)، فەرید عەباسی(فەراز)، موحەممەدشه‌ریف عه‌لی ره‌مایی، بێهرووز محەمەدپوور(شارۆ)، یاوه‌ر هه‌ورامی، سەیوان ئێبراهیمی(گوازی)، مامۆسا عەدەمی و فەیسەڵ هێدایەتی، مەهوەش درۆستکار، سه‌لیم هه‌جیجی(خه‌مبار)، کاوه شکری(سەراو هەورامی)، عوسمان ڕەحیمی(مورید)، حامی نیکبه‌خت عه‌بدولمه‌لکی، موحەممەد خدری(ئەدیب)، حەسەن عەزیزی(خەیات)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،زەمین لەرزەوکرماشانی جه ده‌نگوو سۆزداروو شاعێرا(1)،
نوشته شده در تاریخ چهارشنبه 24 آبان 1396 توسط همایون محمدنژاد
هه‌ورامان هانه‌به‌رچه‌م
 ‍
 ‍بە پاو
هه‌ورامان هانه‌به‌رچه‌م'ی بەرنامە و مەراسێموو"پەرد٘ەلادای و ئەرمانای و ڕوونمایی جە کتێب شێعروو"هەورەکۆ"نویسەو کاکەمەنسوور سوهرابی‌نژاد خەڵکوو دەگاودزلیێ،جه ڕۆ جومعه‌ی 15پاژه‌ره‌ژوو1396جە سەیرانگاودزلیێ و جە پەناوتەبیعەتە وەشەکەوهەورامانی وبە ئاماد٘ەبیەی شاعێرا، نویسەرا و هونەرمەند٘او هەورامانی وخەڵکوو فەرهەنگ دۆسوو هەورامان و مەریوان و مێمانە وەشەویسەکا و خه‌ڵکیوی فره،لوا ڕاوە. ئی بەرنامە کە سەروو داواکاری ئەنجومەنوو مامۆسابێسارانی و مۆجەووێزوو ئێدارەوفەرهەنگ و ئێرشاد ئێسلامی شارووسەڵواوای و یارد٘ی خانه‌واده‌که‌یش ، لوا ڕاوە،
موجری و بەراوبەروو ئی بەرنامەیە کاکە محەمەدسەلیم هەجیجی و کاکە حەسەن خەیات کە بە وانای و لاوانایەوشێعر و ئەدەبیاتووهەورامانی،ئەرەنیشتەکەشا لاوناوە،ئەچی بەرنامەنە کەسایەتێ پێسەو: مامۆساعوسمان هەورامی،کاکەعەتا زەڵمی،کاکەڕەئوف مەحموودپوور،مەڵڵائەحمەد نەزیری،کاکە هومایون محەمەدنژاد،کاکەسەردار خالدی(وەرپەرسووئێدارەوئێرشادی)،کاکەسوبحان خالدی،کاکەمحەمەد هەورامی‌حسابی،کاکەشەوکەت مەولوودی،کاکەفواد نودشی،کاکەڕۆحەڵڵا زۆمی،کاکەکوورش عەزیزی،کاکە خشایار مەولوودی،کاکەمێقداد ئەمینی،کاکە ئەردەشیر مۆحی،کاکەجەزا کامران و کاکه‌ئه‌بووبه‌کر دووستی ...شێعر،نەسر وهونەرووهەورامانیشا ئەرمانا،واتەو ئینەیە کەسایەتی،نویسەر،فەعالێ و هونەرمەند٘ی هەورامانی ئەچی گلێرەوبیەنە،بەشداریشا کەرد٘ە بێ پێسه‌و:کاکه‌ئه‌نوه‌ر زوهرابی-کاکه‌فیرووز عارفی-کاکه‌سابیر عه‌زیزی-کاکه‌ئێحسان ئه‌تابه‌ک-کاکه‌سه‌عدی ئه‌حمه‌دی‌نه‌وسوودی-خاتووگوڵچین خۆش‌سپێهر -خاتوولیمۆ هه‌ورامی-کاکه‌محه‌مه‌د قادری-کاکه‌مختار اسپه‌رێزی-کاکه شاهۆ مه‌عازی-کاکه‌رۆزگار یه‌زدانی.
 **************************
بە گزارش 'هه‌ورامان هانه‌به‌رچه‌م'برنامە و مراسم"پردەبرداری و نمایش ورونمایی و از کتاب اشعار"هەورەکۆ"نوشته آقای منصور سهرابی‌نژاد اهل روستای دزلی ،در روز جمعه 15اردیبهشت ماه1396در گردشگاه دزلی و در کنار طبیعت سرسبز هورامان و با حضور شاعران، نویسندگان و هنرمندان هورامان و اهل فرهنگ دوست هورامان و مریوان و مهمانان ارجمند و جمعیت انبوه،برگزار گردید. این برنامە کە برابر درخواست انجمن ماموسابیسارانی و مجوز اداره فرهنگ وارشاد اسلامی و همکاری ومساعدت خانواده اش ،برگزار گردید.

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، زوانی هه‌ورامی، ده‌گاو زاوه‌ری/روستای دز‌آور، تصاویرومناظرطبیعی وتاریخی، شهرها و روستاهای هورامان، نوشتارهای همایون محمدنژاد، ئەنجومەنووبێسارانى(یاهۆر) ، هومایون موحەممەدنژاد، ڕه‌ئوف مه‌حموودپوور، ئێحسان ئه‌تابه‌ک، سابیر عه‌زیزی، مامۆساعوسمان هه‌ورامی، مه‌ڵائه‌حمه‌د نه‌زیری، فیرووز عارفی، سۆبحان خالدی، ئه‌رده‌شیر مۆحی، جه‌زا کامران(ئه‌دوای)، سه‌لیم هه‌جیجی(خه‌مبار)، مێقداد ئه‌مینی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،‍ بەرنامە و مەراسێموو"پەرد٘ەلادای و ئەرمانای و ڕوونمایی جە کتێب شێعروو"هەورەکۆ"نویسەو کاکە مەنسوور سوهرابی نژاد(مراسم پرده برداری ورونمایی از کتاب اشعار "هەورەکۆ" آقای منصور سهرابی نژاد)،
نوشته شده در تاریخ شنبه 16 اردیبهشت 1396 توسط همایون محمدنژاد

باحضور نویسندگان هورامان؛

کنفرانس هورامان شناسی در شهر حلبچه برگزار شد/عکس

کنفرانس هورامان شناسی در شهر حلبچه برگزار شد/عکس

پایگاه تحلیلی خبری پاوه پرس؛ کنفرانس هورامان شناسی باحضور جمعی از نویسندگان هورامان در شهر حلبچه برگزار شد.

به گزارش خبرنگار پاوه پرس، کنفرانس بزرگ هورامان شناسی باحضور پژوهشگران و نویسندگانی از پاوه، نودشه، مریوان، سروآباد و روستاهای هورامان در شهر حلبچه اقلیم کردستان عراق پس از دو روز به کار خود پایان داد.

این کنفرانس باهدف تجزیه و تحلیل مسائل مختلف از جمله زبان، فرهنگ، تاریخ و معماری هورامان و ارائه مقالاتی علمی در دو روز متوالی در نوبت صبح و بعدازظهر برگزار شد و ده مقاله از دویست مقاله ارسالی به دبیرخانه توسط نویسندگان ارائه گردید.


دکتر مهدی سجادی به بررسی زبان هورامی به عنوان زبانی جداگانه پرداخت که نه تنها لهجه نیست بلکە ویژگی های لازم زبانی را دارا می باشد.

معماری هورامان در دیدگاه های جدید در مقاله ای علمی توسط مهندس فریبرز موسی زاده ارائه شد. مهندس موسی‌ زادە در این مقالە بە بررسی ابزارها و وسایل معماری هورامان پرداخت و به کاستی ‌های معماران در بناسازی هورامان اشاره کرد

مهندس صباح جباری نیز بە بررسی زبان هورامی در گذشته پرداخت  و الفبا و شیوە تلفظ زبان هورامی را مورد ارزیابی قرار داد.

اسماعیل حاجی زلمی نیز موضوع هویت هورامی و بازتاب ادبیات آنان در رسانەها را مورد ارزیابی قرار داد و در مقاله خود به حاشیه بردن ادبیات و ترانه های هورامان را در رسانه های اقلیم کردستان عراق مورد نقد قرار داد.

محمدرشید امینی، ملا مومن نوری، نرمین گیوه چی، عادل محمدپور و رفت مرادی نیز هریک به ترتیب با ارائه مقالاتی تحت عناوین ” ئەدەبو هەورامانی جە ویەردەی دوورو نزیکەنە”، “ئەوەجە نەکەوتەی ئەوکەسی جەهەورامانەنە”، “ژەنی هەورامانی”، “شێعرە ئەوسا و ئیسەو هەورامی و بەراورد کاریی ئەدەبی” و “زوانی ئەدایی ئامیانو یۆگرتەی نەتەوەیی” به دیدگاه های خود در رابطه با محورهای کنفرانس پرداختند.

گفتنی است در پایان تندیس کنفرانس بە ارائە دهندگان مقالات و مسئولان برگزاری کنفرانس اهداء شد.

گزارش و عکس: مهندس فریبرز موسی زاده


ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، کوورش ئه‌مینی، عه‌بدوڵڵا حه‌بیبی، عادڵ موحەممەدپوور، موحەممەدره‌شید ئه‌مینی، حافێز ئه‌حمه‌دی(سەروەش)، مامۆساعوسمان هه‌ورامی، یاوه‌ر هه‌ورامی، حێکمه‌ت محه‌مه‌دی(خه‌میار)، فه‌رزاد مه‌هدی‌نیا(فه‌رزاد ژیواری)، دوکتورسه‌یدمه‌هدی سه‌جادی، موحەممەدحسەین کەیمنەیی، مه‌ڵائه‌حمه‌د نه‌زیری، مامۆسامۆمن نووری، سه‌لیم هه‌جیجی(خه‌مبار)، فه‌ریبورز موسازاده‌، نه‌عمان فائق تۆفێق(هاوار)، فه‌ریدوون به‌هرامی"شرام"، ڕه‌نگین دێهقان، سه‌باح جه‌باری، جه‌لیل عه‌باسی(قه‌قنه‌س)، شاهۆ مەعازی، جەماڵ قادرپوور،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،باحضور نویسندگان هورامان؛ کنفرانس هورامان شناسی در شهر حلبچه برگزار شد/عکس،
دنبالک ها: پایگاه تحلیلی خبری پاوه پرس،
نوشته شده در تاریخ سه شنبه 5 اردیبهشت 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2