کەلەبەروو شێعرا(۱٥۰)


چەمەو شێعرێم مەحاڵەن بگنۆ چیرو سێوەرو ژیری
بە شێتی سەر وەشەن شاعێر، دڵم کەم بووزە ئەو چیری

جە عەقڵ و مەنتێق و ژیری، نە بارم هەن نە ئاگاهی
چەمم بگنۆ بە هەر کامی مەڤۆمان جەنگ و دەرگیری

جە شێخیم ئەژنەوی وااش سەرو پیری مەڤۆ دۆست
بە جوانی پێسە کوشتانیت، هەڕەم تەوقەو سەرەو پیری

قەڵادۆشانو شێعرێمۆ چەمت مگنۆ بە بەرزایی
دڵت پەی چێشی وەش کەردەن بە ساراییو سەرەوچیری

چەمم نەگنۆ پەنەت شێعرێم پێسەو وێم ناوەشێ مگنا
ئیتر دەرمان و دەردێمان مەگەر ژوانو یەکانگیری

هەسارێو شێعرێ مگنا ڕا، چەنەم وەرمی مسانانێ
مەلۆ، تۆزێوە ڕەحمت بۆ، بە دێوانێوە زەنجیری

#پەرویز  بابایی

کافرو 
گەبروو یەهوودی چەماتەنا

مۆسڵمان

لاقەراخوو شەرعەیتەرە
نگاهێ....!!

#جەواد/فێــــــــراق


قەسەم
،،
قەسەم بە یادٚی، هێجرانی یاران
سەختا غەریوی،جە گۆشەی شاران

بە وەفا و سەفای دڵداران قەسەم
بە هەڵسی دیدٚە، چوون واران قەسەم

بە وەنەوشەی چەم، وەهاران قەسەم
بە عەتروو گوڵی، گوڵزاران قەسەم

بە نوورو ورچەی هەساران قەسەم
بە  مانگەشەوێ  شەوگاران قەسەم

بە سایە و سەیوەر،نساران قەسەم
بە وەرەتاوی ،کۆساران قەسەم

بە  نازاری ناز، نازاران قەسەم
بە زەرق و بەرقی ،بازاران قەسەم

بە ئەشق و بەشقی ڕەشماران قەسەم
بە دڵەی ئاشق بیماران قەسەم

بە چارەی ناچار بێچاران قەسەم
بە ناڵە و نرکەی خەمباران قەسەم

قەسەم پا کەسەی، هەر وێش ساقییەن
ئەشقت تا ئەبەدٚ، جە دڵ باقییەن

دڵ جە فێراقت ،نیەنش قەرار
هەواری ئەشقت ، هۆرش دان دەوار

دڵ هەر سات یادٚی ،تۆش هەن جە خەیاڵ
چەم چەمەڕای تۆن، یاری پڕ جەماڵ

#موحەممەد خدری (ئەدیب)


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، په‌رویز بابایی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥۰)،
نوشته شده در تاریخ جمعه 4 بهمن 1398 توسط همایون محمدنژاد
کەلەبەروو شێعرا(۱٤۹)

باڵابەرز!

      بێوەفایی ، هەتا کەی؟!

       چەمەڕایی....

ورازیان  باڵامەرە....

#هومایون موحەممەدنژاد

بلندبالا!

بی وفایی ، تا بە کی؟!

چشم بە راهی...

بر تنم دوختەاند...

#همایون محمدنژاد






طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، شهرها و روستاهای هورامان، نوشتارهای همایون محمدنژاد، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۹)،
نوشته شده در تاریخ پنجشنبه 3 بهمن 1398 توسط همایون محمدنژاد
کەلەبەروو شێعرا(۱٤٨)

بە هەرچێویە گرەگاو باوەڕیتانەن ، قەسەم
تەنیا دڵوەشیم  ویریە جە شێعرەو دوێ چەما بێ.
یادگایە تا ئەودەسو سەبای
وەهمش مەوانی ، بوانە
باوڕش مەزانی ، بزانە
ئەرێ تەنیا دوێ چەمێ.
کارم بە بارو کەسیوە نەبێ
بەڵام سیەکام جە هەواو ئەئی وەرزە نەگبەتیە هۆرمەلوشانێ
چێش کەروو 
ئەر هەناسەم بوەو بەنزینی مەدەو
ئەر سەرو سفرەیمەوە قەواڵەی وشک  هەیبەتو باتۆمیەنە قەپێ مەشانۆنە کاکیلەیم.
ئەر هەرەسەو شەرمساری قارەمانە قەڵبەکاو تەتەی ،شێعرەو شاعرە ڕەزیلەکانە تا بندەرەو کفری مەهاڕۆم.
ئەر گەمەو پەهپادەکا و موشکەکانە چەکەرەو ئاشیلەکا مەدەمیانە و مامەڵێ مەکریانە......
ئێمەیچ چێرو پایانە..............
نا 
کارم بە بارو کەسیوە نەبێ
هەڵای تەم و لێڵی بێتینی چەمەکامەنە ،دوێ چەمێ چەودەسوە کەرێناوە چەم.
ئارۆ
ئارۆ
تاکو ئارۆ
گەڕیە گەورێنە ئینکار کریایمێ
پووش تانێ مەدەونە سۆکیم.
هەننامەکام جفت گرسای و دلێبەرەو ئینسانینە زەننۆڵێوە مەڕیانی
سەرەم هۆربڕنا
دوە چەمەکێ بیەبێنێ بە دوێ داڵانێ تاریک و خۆفناکێ ،دەمشان دڕیرە 
تا بنەو شەرمساری تاریخی 
تا ئەودیمو مەرگی 
قوتشا دانی.

#مەهدی ئەبری

دڵ چننە پەرسۆ لەیلەکێم مەیل و دڵت چی ئاس جیا؟
تۆنی هەراڵەو باخەکەیم بۆ سەرچڵت چی ئاس جیا؟

گردوو شەوێ مجیۆ دڵم، یەڵداو خیاڵوو بێکەسی
ئازیزەکێم گەرمی دڵی قوڵبەقوڵت چی ئاس جیا؟

شاروو غەریوی چێش کەری قاڵاو موانۆ لالەزار
شێعر و عەرووزم وێتەنی دەی بوڵبوڵت چی ئاس جیا؟

وشکا چەمەو ئاواتەکام بۆرێ هەراڵەو حەسرەتام
خاکوو ئەوینی و ئارەزووی پەڕحاسڵت چی ئاس جیا؟

کەپرەو هەواروو خاترا هەرچی دیا نەویەی دیار
یانەم دەمێو کاول بیەن سەرمەنزڵت چی ئاس جیا؟

زەردا بزەو زەردی لوای، سەردەن دەمەو چۆڵی دڵی
هەو لەیلەکێم جەرگی برێژیا و وڵوڵت چی ئاس جیا؟

نام و نێشانوو تۆ مەنەن یانەو خیاڵوو بێکەسی
شێت و هەراس و بێ خەوەر ناغافڵت چی ئاس جیا؟  

#فه‌یسه‌ڵ هێدایه‌تی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤٨)،
نوشته شده در تاریخ سه شنبه 24 دی 1398 توسط همایون محمدنژاد
معرفی کتاب های نویسندگان در حوزه های مختلف(۲۷)




پالنگان پایتخت کهن

کورش(علی) صالحی

موضوع :
الف: نقد و بررسی کتاب تازه منتشر شده درباره ی پالنگان (جغرافیای تاریخی پالنگان)
ب:معرفی مشاهیر پالنگان (شامل پنج قسمت )

 درپنجاه و شش عنوان و فصل مشاهیر در اختیار علاقمندان قرار می گیرد .


هانە
حەسەن قادری







بەیان

دوکترئێسماعیڵ موستەفازادە



کناچێ نەتەرسە
هومایون موحەممەدنژاد



ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، آموزشی، نوشتارهای همایون محمدنژاد، هومایون موحەممەدنژاد، ڕه‌نگین دێهقان،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۲۷)،
نوشته شده در تاریخ سه شنبه 24 دی 1398 توسط همایون محمدنژاد
کتاب "کناچێ نەتەرسە" وارد بازار کتاب شد(کتێبوو"کناچێ نەتەرسە"ڕەوانەو بازاروو کتێبی بی)

کناچێ نەتەرسە” ترجمه همایون محمدنژاد وارد بازار کتاب شد

 خبرگزاری پاوەپرس“کناچێ نەتەرسە” ترجمه همایون محمدنژاد نویسنده و پژوهشگر هورامان وارد بازار کتاب شد.
به گزارش خبرنگار پاوەپرس این کتاب ترجمەی کتاب فارسی “دخترشجاع” نوشتەی خانم رنگین دهقان(بانوهورامی) بودە کە آقای همایون محمدنژاد آن را بە زبان هورامی ترجمە کردەاست.
این کتاب ۱۲ صفحە رنگی و موضوع داستان کودکانە هورامی بودە و ازسوی انتشارات “آوای آرامش” شهر کرج منتشر شدەاست.
“کناچێ نەتەرسە” داستانی از روستای ژنین یکی از روستاهای منطقەی هورامان ژاورود از توابع شهرستان سروآباد را بە تصویر کشیدە است.


ادامه مطلب

طبقه بندی: فرهنگی و هنری، ادبیات/شعر، اخبار، تاریخ، زوانی هه‌ورامی، شهرها و روستاهای هورامان، جفرافیا، ده‌گاو زاوه‌ری/روستای دز‌آور، تصاویرومناظرطبیعی وتاریخی، آموزشی، نوشتارهای همایون محمدنژاد، هومایون موحەممەدنژاد، ڕه‌نگین دێهقان،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کناچێ نەتەرسە” ترجمه همایون محمدنژاد وارد بازار کتاب شد،
دنبالک ها: خبرگزاری سلام پاوە، خبرگزاری پاوە پرس، وبسایت زریبار خبر،
نوشته شده در تاریخ دوشنبه 23 دی 1398 توسط همایون محمدنژاد
کەلەبەروو شێعرا(۱٤۷)

حەشا دیدٚار

ئەسیر و باڵ بەسەی ژینم،جە گیان بێزار تەوەسیانا
تەقان تای تاقەت و سەبرم، جە ئێنتێزار تەوەسیانا

ئەچی دنیا جگەم دادٚی،نەدٚیم جارێو وەشی و شادٚی
خەما پۆس و جل و بەرگم،جە رۆزگار تەوەسیانا

ژەن و ئەولاد برا و واڵە کەس و کارم بە یاگێ وێش
جە ئەغیار و بەر و هامسا و دۆس و دڵدار تەوەسیانا

چمان خولخولە خولیەوە ڕوێ سەدٚ جار بە دەوروو وێم
گەمەی ژین و ژیانوو من بیەن تێکرار تەوەسیانا

گەمەی قومار چەنی ژینی ئێتر پەی من نیاش مانا
لوان عەمرم مەتاوونە کەروو قومار تەوەسیانا

زەلیل و زامزەدە و زارم زەمینگیر و گرفتارم
ئەجەڵ بۆرێ گەرەکما وێم بکێشۆ دار تەوەسیانا

عەزابی ڕۆح مدٚۆ بوغزم کە وەی تەور زێندەگیم باختەن
خەتاباری و نەزانکاریم کەروو ئێقرار تەوەسیانا

وەلێ ئەر سەدٚ گوناهم بۆ بزاندێ سادٚەگیم نەویەن
جە من ئێسرار جە دڵ ئێنکار خودٚا هاوار تەوەسیانا

ڕەفێقان یاوەران یاران درۆن عەهد و وەفا و پەیمان
جە دەس یاری خەلافکار و خیانەتکار تەوەسیانا

هەتا هیزی بە گیان و دڵ جە عەشق و عاشقی واچێ
بە زاهێر بێ وەشەسیاییش، حەشا دیدٚار تەوەسیانا

چکۆن شاعێر بە سوزی دڵ ڕەدیف و قافیە تاشۆ؟
جە شێعر و غەزەڵ و ئەشعار ، نەبۆ شوعار تەوەسیانا

#موحەممەد خدری (ئەدیب)

وەشەسیایش دڵنە 

          پەنگش واردەنۆ     

لەفزم ترەکۆ

        عاشق کەرۆ شارێوە

# شارۆ
۹۸/۱۰/۲۲


بڵێسەی ئایێر

ئاوەردەن پەی من موسحەفی پڕ نوور
دەردە دارەی بێ  وە  دەورانەی  دوور

وە جەمع زوڵمەت مەردمش گیرەن
هەر ناڵەی  وە  دڵ بەند  زەنجیرەن

تا جە وەخت وێش تەبەر وە بوتخان
 یاگە وە زەربەی خەلیلوڵڵای  دان

عاقیبەت فتوای کوشتار ئەو بۆ
ئایێر بەو سزای ویەردەی شەو بۆ

سەراپای جەستەش وە ئایێر تلیۆ
وە  فەرمان حەق  گوڵستان  کریۆ

نامێش بەو وەفا وە ئەعلا بەردەن
ئەجرە بەو فەرمان ئێتاعەت کەردەن

بەڵام سەد زەمان،سەد کەس شی وە دەس
ئایێر گوڵستان نەوی پەی گرد کەس

عەجەب وە خاسان مەردەی وە هەر تەور
سەد عەجەب ناپاک مەنەن وە هەر دەور!

ئاخ کە بڵێسەی ئێرەکەی هێجران
هەر سات وە تەورە جەسەم وە گڕ دان

هەوای سەرد و سڕ ،خەزانێ نامەرد
بۆی سفتەی ئازیز ,بەردوو لواو شەرد

فەڵەک  چ  وادەی  ئەلوەدای  یار بێ
یا ڕەب چ حاجەت ، یانێ چ کار بێ؟

کام فام وە تەسلیم بەو حزوور دڵ
ڕازیەن وە گڕ ،گوڵ وە جەمع گوڵ؟

کام بەزم شادی ئامێتەی خەم بی
چوون دەنگ بەراوەرد تێکەڵ وە تەم بی؟

کام ڕای زەبوونی،کام ڕای وە خەیرەن
چی سزای خاسی سۆتای وە ئەیرەن؟

وە ناوەخت تەسلیم حوکم یەزدان بی
وە یاگە ئاسەی جەمع یاران بی

تەقدیر بەدٚشۆم ، نەکەردەی حەیات
خەجڵەت بار وێش گەردوون بەدٚزات

 "لهۆنی" ئێشەو تۆش وە یادٚ ئامەن
  یادت تا وە حەشر  زەنجیر  پامەن

#هووتەن زوورئەسنا-لهۆنی




طبقه بندی: فرهنگی و هنری، ادبیات/شعر، زوانی هه‌ورامی، شهرها و روستاهای هورامان، بێهرووز موحەممەدپوور(شارۆ)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۷)،
نوشته شده در تاریخ یکشنبه 22 دی 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 197 :: 1 2 3 4 5 6 7 ...