کەلەبەروو شێعرا(۱٨۰)


سەوزەکێم! تۆ به‌رزه‌ باڵات بەرزوو داڵانی مشۆ
یاگەسەیران و هەوارگاو کۆنە ساڵانی مشۆ

سەرقولەش بنجەو چنووروو زڵفەکات پۆشان تەمام
بێ خەبەر! دڵدارەكێ گردٚ ئارەزوو تۆشان تەمام

گجیەکەت سەوزارێ تەختش پەڕ گوراڵەی سوور و زەردٚ
ماچی لۆن جارێنە پۆشانش هەوار و شاخ و هەردٚ

جۆ به‌ جۆ وەرواوێ ئه‌جیۆ هەرسی مننێ سەر کەرا
چا هەراڵەبرمەکێو کوڵمات عەجەب مەحشەر کەرا

پیر و ئوفتاده‌ و ددٚانم کەل بیەن پەی گاز و گەز
هه‌لچه‌چه‌رمێت مه‌ر خوراکم با به‌ ئشتیها و به‌ حه‌ز

دەورەشا دێنی دڕەی گەونا بە گیانیت چڵ نەدٚا
پاسەوانێتنێ ڕەقیبێو من،بە بەرزیت دڵ نەدٚا

ساقی ده‌ورێ ته‌ر پیاڵەی پەڕ شەرابیت بارە زوون
من زووه‌ن په‌یکێ شه‌رابوو ئا دەموو تۆم ئارەزوون

تا کە هەورامان وەڵاتم بۆ و هەواروو ئی دڵا
من چەنیو "سەعدی" جە لاو تۆما هەوار و مەنزڵا

#سەعدی_غەریبی

ئای چن بێ دەنگیم مێشۆ وەختێ بێ تۆنا چێگە
وەهار ئامان و بێ تۆ من ڕەنجەڕۆنا چێگە

نەیاوای به تاقەتیم تەلوو سەبووریم بڕیا
هەناسەم کەوتەن لێژی چی چاڵە کۆنا چێگە

شەوێ بێ تۆ نەسرەوا سەر ئێشەوعومری تاڵیم
هەتا دیدٚەت نەوینوو دیدٚەم بێ شۆنا چێگە

مزگی لا یانەکەیتا دوعاما مەگێرۆ وێ 
پیسە بارەگاو  پیرا پەڕ جە پەڕۆنا چێگە

ئارۆ دەماخوو شادٚی هەر پیسە کاوێ بەرزا
ئیسەیچ نەزانام کەشێ  چی یۆی مەدۆنا چێگە

من و هاناوەی زەوقی ،کونجێ دنج و وێرەگا
سێتارەیوە بە گرەوای ماچۆ چکۆنا، چێگە؟

من چا ڕوەو گمم کەرد نیشانەو یانەکەیتا
گردوو جۆکا ئی دنیەی لچێم مەخۆنا چێگە

#فەرید_عەباسی

ڕوێ دە جارێ سیام و جەژنەن
چەم نەئیستێلال ئادید٘ە وبەژنەن

پارشەوو ئیفتار بەینش خاڵێوەن
وەربانگم دەم و لێوە ئاڵێوەن

#حامی-غەریبی



ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، حامی غەریبی، جەواد حەمزه (فێراق)، فەرید عەباسی، سه‌عدی غەریبی، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۰)،
نوشته شده در تاریخ پنجشنبه 11 اردیبهشت 1399 توسط همایون محمدنژاد
کەلەبەروو شێعرا(۱۷٦) پەی مەرگوو کاکەفایێق ڕوستەمی

‍ مۆرەی نەرد بازەم جەبر نمانا
ئازیزێوەتەر چەنەم ستانا

ئای بێقەزا بی فەڵەک پەی کاریت
خەم چەنەش وارۆ فەسڵوو وەهاریت

پەی چێش کاک فایێق کەردی بەهانە
حوجرەی شێعری دڵ کەردی وێرانە

یە چ ستەم بێ یە چ هێجرانەن
چ وادٚەی خەزان وەڵگی یارانەن

ئازیزم، ڕەفێق داخت سەدٚ داخەن
هەناسەم کەیلی حەسرەت و ئاخەن

چ وادٚەی کۆچی هەوارگای گڵکۆن
وەهار بە تەمای ڕێزەی شێعری تۆن

جە داخی کۆچت سەدٚ حەسرەت پێمەن
جە فەراقی تۆ زوخاو نە جێمەن

یانەی ئەشعارم بیەن کۆسکەفتەی تۆ
بێ‌ تۆ وەهاری شێعرم نیەنش بۆ

هەمڕازی شەوان شێعر و ئاوازم
هەم‌خامەی ئازیز گۆش بە نیازم

فەرقم بە مەودای کۆچت بی فەرەق
مەسپارووت بە دەس یەگانەی موتڵەق

هەرچن گوزەرگای منیچ وە لای تۆن
ڕۆح جە هێجرانت ئاوارە و بێشۆن

ڕەفێقی دێرین خودٚام بە هەمڕات
ڕەحمەت بوارۆ ئەو گڵکۆ و سەرات

#جه‌واد_فێراق


هەمقەتارەکەی ماوای خەمپۆشم
خەیلێوەن دەنگت نمەی نە گۆشم
ژنەفتم کە تۆیش یا حەی حەی کەری
پەنا وە دەرگای  دیوان  مەبەری
ئانەی کە ئەو داش پەی گردی پاسەن
زکرش شەفای دەرد ، دەرمانش ڕاسەن
مێمانین دنیا پەی کەس نمەلۆ سەر
زۆردار و بێ زۆر یۆ یۆ گنانێ وەر

بەڵام پەی کەسێ کە جە ڕای وەتەن
فێربی سۆنعەت و هونەر و هەم فەن
وێش کەرد قوربانی چەودەم زانایی
سەختەن دڵ کەندەی وەختەو جیایی
بەشکەم وەی دوعای وەڵ هەینی ئامە
بە نامێ  ئەحمەد  جە مەولوودٚ نامە
عومری  دووبارە  بدٚەرۆ  وە  ئەو
دوور نیەن جە لاش ڕۆ کەردەن وە شەو
حەرچن مەزانوو خاستەر مەزانۆ
کەس نەتاوانش لێ دەسش وانۆ
بەڵام لاو ئێمە ئەرکەن نە سەر شان
مەسڵەحەت وە تۆن قوربانت قوربان

#سەباح شیانی سنە،




طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٦) پەی مەرگوو کاکەفایێق ڕوستەمی،
نوشته شده در تاریخ دوشنبه 25 فروردین 1399 توسط همایون محمدنژاد
کەلەبەروو شێعرا(۱۷۲)پەی کۆچوو کاکەباقی شەفێعی

دیسان تەم و خەم نشتەو دیاران
نەواو شمشاڵێ نمەی هەوران
شادٚ و گەش نیا هەوراوو جاران
باربەندٚنیش کەردەن یۆ تەر جە یاران
بەر و بووم دیسان بزمش وناران
ئەدەب ماتەمەن نەواری واران
ئەنجمەن ماتڵ مووزە ئێنتێزار
ئێرشاد ماتڵەن سەر باری دیار
مەحزوون جە تاران دیل و گرفتار
میرزا هاوارش هاوار هەی هاوار
پاپا ژەرەژان هەراڵەو داران
ئێساڵ نمیا بەر نەواری واران
کەی قەڵەم تاوۆ تۆ کەرۆوە یادٚ
کێ هەن بتاوۆ وێش کەرۆ سەیادٚ
شاعێری بەرزم ڕۆحت شادٚی شادٚ
سەر بەرزو هۆزی گەردەنت ئازادٚ
هەورامان مڵکش سەیادٚی داران
مەزاری تازێش نەواری واران

         #فەیسەڵ هێدایەتی

‍ نمارۆ شەماڵ سۆزەی سۆب سەحەر
نەوای شمشاڵێ وەش و ڕۆح پەروەر

ماچی  نەوسوەیل ناوەشا ئارۆ
مەرەجیۆم واوەی هەواڵێ نارۆ

بەش نەکەردەبۆش فەڵەك خیاڵێ 
نمەیۆم نە گۆش سۆزەی شمشاڵێ

دووربای تەمبارەن سەراو و هانەی
ڪوشیانەو چراوو عەنتیکەخانەی

مەیخانە وێران ، خەمبارەن ساقی
کۆن نەوای لوولەی سۆزدار "باقی"

نمەیۆ نەوای شنۆی شاغەزەڵ
ڕوباعی  پۆخڵ ، قەسیدە شەخەڵ

خامە بێ هاز و ڕەحشەی دەس بێ شۆن
زوانم لاڵ بۆ  ، واوەی شین و ڕۆن!

مەرگت مەرگەسات قافیە و فەردمەن
ئاخ  لالۆ پەی تۆ  ، داخ و دەردمەن!!

نێشتەنا بە کۆس بەزمێ تازەوە
بە گران خەمێ بێ ئەندازەوە

کێن خامە نە ڕووی حەریرێ شانۆ
بە مەرسیێوە (هەڵەبجەی) لاونۆ

"هانەساو" بێ ئاو؛ "وێمیر" زویرەن
"هەوڵی" هەوڵشەن ، پاوە دڵگیرەن

"ئاتەشگا" خەمبار ، شاهۆ ناشادٚەن
سەردەرە مل کەچ دووری(سەیادٚەن)

نیەن سەیادێ پا جاسووسگاوە
بێ "سەیادٚ"ییەن دوور بای جە پاوە

کۆن پەی مەولەوی دیسان جە نۆوە
گەوهەرێ بارۆ بە یاڎوو تۆوە

ناسك خیاڵاو دەورەو ویردەی
میرزایاو پاوەی، سەیدی کۆچ کەردەی

چنی هامفەرداو هێزی یا ئارۆ
پەی کۆتەئاڵات کەرانە شارۆ

کۆڕە شێعرێ بۆ بە یادٚو تۆوە
بەش بێ خەم بووسی نە سای گڵکۆوە
---------٭٭٭٭٭----------
پەی کۆچوو دمایی مامۆسا باقی شەفێعی
#سوهراب_مورادنیا
۹۹٫۱٫۱۷ کۆچی ڕۆجیاری


سڵام مامۆساهومایون گیان 
کۆچوو مامۆساباقی شەفێعی کارەساتێوی گران بێ پەی دنیاو ئەدب و هونەر و ڕەسم و یاساو هەورامانی..گردش داخدار ڪەردیمێ..ڕۆحش شادٚ و ماواش بەهەشت بۆ..یادٚش باقی بۆ پەی هەمیشەی جە دڵیمانە...


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، جەواد حەمزه (فێراق)، سوهراب مورادنیا(سیاوکام)، حامی غەریبی، سه‌باح حه‌سه‌نی شیانی، باقی شه‌فێعی، میرزامەجید عەدەمی و فەیسەڵ هێدایەتی، قەیۆم دانشوەر،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷۲)پەی کۆچوو کاکەباقی شەفێعی،
نوشته شده در تاریخ یکشنبه 17 فروردین 1399 توسط همایون محمدنژاد
پەیامەکاو نەورۆزوو ساڵەو ۱۳۹۹ جە لاو شاعێرا و نویسەراو هەورامانی و هامکار و هاموەڵاتیەکام، پەی هەمێشەی جە دڵمانە،یادگار مەناوە


 سەفای سەیرانگا و سارا و سەرهەردان

مەناڵۆ پەی بەزم  جەرگەی هام فەردان

       مەولەوی 

برای ئازیز و وەشەسیا کاکە همایۆن گیان ! 
سڵام و و ڕەحمەتوو پەروەردگاروو وەهاری و ژووژنایۆ تەبێعەتیت وەنەبۆ 

هۆمێۮوارنا  ئی ساڵەی تازێ ، ساڵەو تەمامیای گردوو  مەرارەتوو ژیوای ناوەشوو خەڵکی بۆ  و خوۮا کەرۆش بە مایەو پیت و بەرەکەت و لاشەساقی  و واران ئاسا وارۆ ملوو وێتا و کەس و کاری ئازیزیتارە 

برات : حەمەی فەهیم  نەورۆزوو ۹۹

نەسیم مەحرەم مابەین یاران
ماچان وەهارەن، سەوزەن دیاران
گیان وە بێ تاقەت موینوون ئارۆ
زاهێرەن هەوای لای ئازیز دارۆ
"مەولەوی"
سڵام و حورمەت مامۆساهومایون گیان
نەورۆز و ساڵی تازەیتا مەبارەڪە بۆ،هیوام ئانەن ساڵێوی پەڕ خەیر و بەرەڪەت بۆ پەی وێتا و خانەوادەو موحتەرەمیتا..دوور جە ناوەشی و ناڕەحەتی بۆساڵێ تازێتا..
#سوهراب مورادنیا

سڵام و  سەعادەت بە نسارت بۆ
هەر سات و زەمان خودٚا یارت بۆ

هەر چندٚ فرە دێر جوابم داوە
مەگێرەم تاوان چوون دوورا، پاوە

هەتا مەریوان کەل و ملێنێ
هەر کاو و دۆڵا تاش و تڵێنێ

خسووس کرۆنا کارێوش کەردٚەن
برا جە برای دەس  و دڵسەردٚەن

نە دیدٚەو دیدٚار نە دەس ماچ کەردٚەی
تەرسەو بێ دەوای تا تەرسەو مەردٚەی

سەبر و قەرارش جە دەس بەردٚێنمێ
شەرمەندٚێ  دیدٚەو یاراش کەردٚێنمێ

ئیسە پێخامت بە مەژگم  یاوا
خێرا دڵ و مەژگ کەردٚەشا داوا

دڵ واتش مەژگی چندٚ سادٚارە نی
وتەو(گۆشی)نی  بارە  لارەنی

نە ڕەفێق نەیار نمەوزی یادٚم
تۆ فرماندەنی؟ڕەنجی وە بادٚم؟

مەژگی وات ئەی دڵ مەگێرەم وەنە
هەزاران  ویرێم  گێڵانێ  چەنە

ویروو بێ نانی، ویروو بێ دانی
ویروو دەردٚی بێ، دەوا و دەرمانی

به هاوارێشا من بێدار بیا
چندٚ فەردم ئەو سەر ئی سەفحە نیا

ساڵێ تازێتا بەڵ سەدٚ ساڵێ بۆ
گردٚ ساڵێش دوور جە دەردٚێ تاڵێ بۆ

ئافەت و بەڵا و کرۆنا ویرووس
دوور بۆ جە شمە،دۆ کوانی(ڕووس)

بە قەدێمیانە، بەڵایای خەتەر
دوور بۆ باڵایتا گنۆ کۆی بێ بەر

"قەیۆم دانشوەر نەروی، ۱۳۹۹/۱/٥

 تایبە پەی کاکە هومایوون موحەممەدنژادی


سڵام هومایۆن گیان فرە ئازیزەنی.
ساڵێ تازێت پیرۆزە بۆ.
جە خودٚایم تەڵەبا وێت خانەوادەی ئازیزت جە به‌ڵاوکرۆنای و تەماموو بەڵایا مەحفووزێ بیدێ.
#ئێبراهیم شەمس
سڵام کاکە گیان 
سەرمەنگوڵوو ژیرا هەورامانی
یانەباوانوو  شێعر و فەرهەنگوو هەورامانی
ئیشەڵڵا وەهارت به وەشی دەس پەنە کەری
و لاوانەزەرڐ پەژارە و مەینەت جە دڵت هۆر کەنۆ
دڵتنە بەختەو وەشی پاسە بنجە پێکو کە هیچ  خەزانێ دەسەیاو نەبۆ بە کامەرانیت
وەشما  گەرەکنی
بە  وەشی  ژیوی
کاکە هۆمایون  گیان
قۆمپەولەکێ هۆنەر  و زانشتی

#سەعدی عەزیزی هەورامان

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، هومایون موحەممەدنژاد، جەواد حەمزه (فێراق)، شۆرش عه‌زیزی/"ئاوات"دیارکهن، سوهراب مورادنیا(سیاوکام)، عوسمان ڕەحیمی(مورید)، حامی غەریبی، دوکترسه‌یێدمه‌هدی سه‌جادی، سه‌باح حه‌سه‌نی شیانی، هادی سپه‌نجی(خاڵه‌)، پویا تالب نیا، فەرید زاوەری، حسه‌ین خورا(خه‌یاڵ) ، کەرەمەڵڵا ئەمیری(ک الف یاس)، جه‌زا کامران(ئه‌دوای)، موحەممەد وەلی کاکایی، قەیۆم دانشوەر، یه‌حیا سه‌مه‌دی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پەیامەکاو نەورۆزوو ساڵەو ۱۳۹۹ جە لاو شاعێرا و نویسەراو هەورامانی و هامکار و هاموەڵاتیەکام،پەی هەمێشەی جە دڵمانە،یادگار مەناوە،
نوشته شده در تاریخ جمعه 1 فروردین 1399 توسط همایون محمدنژاد
کەلەبەروو شێعرا(۱٦۳)

"خەسەخانه"

ئازیز نەپەرسای حاڵی پەشێوم
ها وەختەن که گیان بەیو وه لێوم

تیری مەهجووریت جەرگم پاره کەرد
ئەرواح جه وەتەن ، تەن ئاواره کەرد

پەردەی دڵ دڕیان، ساکێش ورازۆ
به تای زۆڵفی تو بەخیه موازۆ

سرۆمم عارەق سیمی خاڵی تۆن
بەندٚی شکەستەم به دەسماڵی تۆن

تەخت بەستەریم ئۆتاقی مەیلت
ڕازیم بەمەردەن گیان به تۆفەیلت

خاری هیجـرانت تەزریقـی باڵم
بیماریم پەی تۆن خەیلێ وەشحاڵم

دەرەجەی هوونم وەفا و مەیلی تۆن
ئەر مەیلت نەبۆ من هوونم جه کۆن!

ئازیز حەیاتـم  قەیدی وەفـاتەن
بێ وەفات حەیات  پەی من مەماتەن

شەربەتم ، شیشەی مینای بێ گەردت
ڪەرەم فـەرماوای تۆ به من وەردت

خۆ شەربەت نیەن ئاوی حەیاتەن
سەرچەمەی حەیات نەپای زۆڵماتەن

#سەعدوڵڵا_خەدیری  ‍ 

وەنەوشەی چنیا بە دەساو لەیلێ
چاییش  شەفانە، فراوان خەیلێ

بەڵام بە باقە، ئەگەر وێش بارۆش
دەوای ئەرەستوو مەحاڵەن ماڕۆش

بە تایبەت ئازیز ئەر هەورامی بۆ
سڵام و سەفاش گیانی گیانی بۆ

دۆخەوا بارۆ بە چەمچەی داری
هۆشت بەرۆوە  کزی و قەرزاری

نانەشانە بۆ و کێلانێ و  چایی
کێ بۆ فاڕۆشۆ بە سفرەی شایی؟!

دەنگوو شمشاڵێ و شێعر و گۆرانی
وەشی  گێڵۆوە  پێسەو  جارانی

#حامی_غەریبی



ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، حامی غەریبی، میرزاسه‌عدوڵڵا خه‌دیری، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦۳)،
نوشته شده در تاریخ یکشنبه 18 اسفند 1398 توسط همایون محمدنژاد
کەلەبەروو شێعرا(۱٥۷)/پەی کۆڵبەرەکاو ژیوار و دشەی

‍ دڵ پەڕ جە تفەنگوو تۆن، هەینا نەکەری تۆخوا
کۆڵبەر شەوەزەنگش ڕۆن، هەینا نەکەری تۆخوا

ڕۆڵەش چەمەڕاو نانین، نانش سەمەروو شانین
دۆسش چەمەڕاو گیانین، هەینا نەکەری تۆخوا

قازی کەرە وێژدانت، حوکمش دە بە ئیمانت
وەس بدٚیەنە نیشانت، هەینا نەکەری تۆخوا

ئاورایەنە بێ هازەن، وەیلانەن و بێ نازەن
کۆڵێوە خەمش سازەن، هەینا نەکەری تۆخوا

دڵسەرد و سەرەش داخەن، وێرانە پەنەش کاخەن
شادیش وەنە قاچاخەن، هەینا نەکەری تۆخوا

کۆڵش پەڕەن و دڵ پەڕ، لاشەش تەڕەن و چەم تەڕ
گۆشت نەکەری تۆ کەڕ، هەینا نەکەری تۆخوا

کۆڵش بەرە نەک جەرگش، هوونین نەکەری بەرگش
بێ وادٚە نەدٚەی مەرگش، هەینا نەکەری تۆخوا

#جەماڵ_قادرپوور
هاواری کۆڵبەر.

ئاخ لە ڕەنگ زەردیم لە بەر بێ کەسیم
هاوار  لە  بە خت و چارەی بێ بەشیم

ڕەنجاوم لە ژین  سووتاوە جەرگم
لە پەرێشانیم   ڕازیم  بە مەرگم

حەیرانم لە چەرخ لە بەزم و ڕەنگی خنکاوی خەمم   هەر بە بێ دەنگی

خوێن و ئارەقم  کردم  پیمانە
سەر بە سەر بۆ ژین لەم نیشتمانە

با لە هاوارم   عالەم  تێ بگات
مەئیۆس لە بەختم کاتم هەر نەهات

بەخت وچارەی من لە حەق بێ بەش بوو
لە بەر بێ عاریم  چرای ماڵ گەش بوو

بە کۆڵ بە کۆڵیم  لە هەوراز و دۆڵ
بە لێوی تینووم  لە کێوانی چۆڵ

چی بکەم بەو بەختەی وا پێم دراوە
ناوی  قاچاخ  چی پێم سپێندراوە

سەرباز دە لای به تفەنگ و تیرت
ڕەحمی ئینسانی  بێنە لە بیرت

مەبە  بە قابێز بۆ بەخت و ژینم
مەشکێنە  دڵەی  پڕ لە برینم

سەرباز شیشەی دڵ منداڵ مەشکێنە
عەزمی  مەردانەت  لە دڵ بنوێنە

سەرباز هاواری منداڵ بە سۆیە
بەرزتر لە ناڵەی تفەنگی  تۆیە

دڵی  منداڵم    هەر  بە  ئاواتە
با ڕەنگ زەرد نە بێ لەم سەر بیساتە

فەریاد و  ناڵەی بەرد ئەتاوێنێ
ئاوات و  هیوای  دڵ  ئەلاوێنێ

سەرباز  دەخێلم  ڕجامە  لە تۆ
بۆ تیکەنانێ  مەمکە  ڕەنجەڕۆ

کۆڵبەری  هەژار  دڵ  پەرێشانم
بە بێ  دڵسۆز و  نام و نیشانم

چەنهای چەن ساڵە ئەو ژینە بەشمە
شاهێدم  خوێن و ئارەقی لەشمە

زەمانە هەموو  ڕێگەی لێ بەستم
فەنا چوو بەخت و ئاوات و هەستم

ڕەنگی جوانیم  لێم  هەڵ وەریوە
گورێسی  کۆڵم   شانمی  بڕیوە

بەو هەموو  کۆڵە و خەمی منداڵان
ئەی بڕم  دۆڵ و  هەوراز و یاڵان

تا بەڵکوو منداڵ لە خەمان دەر بێت
موحتاجی دەستی نامەردان  نەبێت

#عوسمان ڕەحیمی هەجیجی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، عوسمان ڕەحیمی(مورید)، سه‌باح حه‌سه‌نی شیانی، جەماڵ قادرپوور، شهرها و روستاهای هورامان، ده‌گاو زاوه‌ری/روستای دز‌آور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ دوشنبه 28 بهمن 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 9 :: 1 2 3 4 5 6 7 ...