حەفتەنامەو ئاواتی شوماره‌و67 -ی- بە بابەتوو نویسەرا و شاعێراو هەورامانی ڕازیاوە
"   میرزاسه‌عدوڵڵا خه‌دیری-فەیسەڵ هێدایەتی  -ڕه‌ئوف مه‌حموودپوور- حێکمه‌ت محه‌مه‌دی(خه‌میار)-خەندە هەورامی-سەیوان ئێبراهیمی(گوازی)  "
.
#شماره67/سال دوم -تاریخ9بهمن ماە 1396
"

ادامه مطلب

طبقه بندی: سەیوان ئێبراهیمی(گوازی)، فرهنگی و هنری، ادبیات/شعر، زوانی هه‌ورامی، ڕه‌ئوف مه‌حموودپوور، شۆرش عه‌زیزی/"ئاوات"، حێکمه‌ت محه‌مه‌دی(خه‌میار)، مامۆسا عەدەمی و فەیسەڵ هێدایەتی، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،حەفتەنامەو ئاواتی شوماره‌و67 -ی- بە بابەتوو نویسەرا و شاعێراو هەورامانی ڕازیاوە،
نوشته شده در تاریخ دوشنبه 9 بهمن 1396 توسط همایون محمدنژاد
که‌له‌به‌روو شێعرا(10)

سـه‌حه‌ر هـۆر بێزی جـاڕ‌ێ دریا بۆ
دژمەن جه خاکمان گرد بەر کریا بۆ

ســـۆپاش تار و مار کز و مەڕیا بۆ
پاش نه یانه‌مـــان کــۆتا و بڕیا بۆ

دامنەو گجی ئابڕوش دڕیا بۆ
تەپڵی به‌د٘نامیش چاوش زڕیا بۆ

ئاڵای سەربەرزی جا هۆر دریا بۆ
بنچینــەی شاد٘ی جــه نۆ نریا بۆ

وەڵاتم یەکجــار ئازاد٘ کریا بۆ
قەومی به‌ش وریا به‌شش دریا بۆ

دەنگی موسیـقا به‌یۆ جه شـاران

ئاوەخته وەشه‌ن سەیری کۆساران

#موحەممەدمۆئمن یەزدانبەخش


مەڕیا دەسوو ئۆمێدی سێحروو دەوای بیاوی
بائێنتێزارێ بــمرا مـەوەزش سەوای بیاوی

شاتەو وەهارەکەیمـا تاڵان کـەرانێ جەردێ
باخوو وەشی پڕووزیا سا پەی خود٘ای بیای

ڕەسموو دزی خەزانی ئانا کە بی بە عاد٘ەت
سەوزی لـوا بـە غـارەت دەی چیولای بیای

شەرموو چەما هەناری مجیا تکارە وەر پا
پەی داخەو باخەوانی کەوتەی جەپای بیاوی

هەور و هـەلا بەجۆرێو تۆریا جە ناسپاسی
هانەو وەشی چ وشکا هــەرسەو هەوای بیاوی

ئی زامــە تاڵێ خـەڵکی یـاوا بـە ئاسمانی
دەرد٘ێ بـە تاوە وارا بــەش پــەی شفای بیاوی

سەوزی جـەباخـه کۆنەی بڕیا کەسی نەزانا
حۆکموو سەوزی بە زرد٘ێ ،سەوزی گەڵای بیاوی ؟

پایز لچوو خوەیما چن گۆل بەرۆ به تاڵان
هەرسی بیێ بە عاد٘ەت ڕۆحوو خود٘ای بیاوی

کانگەو سیاوە هەورا ! بابەی ترێشقە هەورێو
با وەس دەسێ دۆعاوە سەوزی دۆعای بیاوی

#حێکمه‌ت محه‌مه‌دی(خه‌میار)
پەی ساڵیادٚوو کۆچوو موحەممەد موستەفازادٚەی ئازیزی کە هەڵای لوایش باوەرما نەکەردٚەن

نەمامێ دەس نەمامێ ویرەکەو تۆ 
سەمەرشا دا گوڵێ تەدبیرەکەو تۆ 

جە سەرساڵوو لوای بێ وادٚەکەیتەو 
تەمادٚارا هەڵای زەنجیرەکەو تۆ 

خەیاڵت جەم ئەچا بەرزاوە کاکە
کە دڵ سۆتێش هەنێ شالیرەکەو تۆ 

چکۆنی شاتەکا وینی نەمامەو؟ 
چ شیرینا کەسم هەنجیرەکەو تۆ 

ڕۆخانێو تۆ وسەن ڕا تا قیامت 
مەنۆ دیدٚه‌م، دەساوە  ژیرەکەو تۆ 

کەسم بووسە بە ئارامش بیاوی 
کە ڕۆجیارا دەسوو تەقدیرەکەو تۆ

نەلانی هەر هەنی دڵمانە کاکە
مەکوشیۆوە چراوەو ویرەکەو تۆ

#حێکمه‌ت محه‌مه‌دی(خه‌میار)

لایەلایێو پەی ئەدالێ

زەمین جمایش؛ بێشکێ خورپەی
زەمین گرمەش؛ ناڵەی وتە
زەمین دڵش؛ بوغزی داخوو مشتێ شەرمی
                                   مجیا باوشەو وەڵاتیەرە!
سەرە بنیۆ باوانەکێ یانەو شێعرا
با کۆرپەکەت هەڵساش گونجنۆ
چەنی داخەو دڵ ورەتەی و ئەدا لاونای 
ــــــ چننە سەرسام ئی جاریچە  ـــــــ

سەرە بنیۆ نازارەکێ حەوت باوانا 
سەروو ڕانوو وەڵاتیەوە
مشتێوە خاک 
نیشانکردوو بەهەشتێوەن ڕۆمەڵخەزا !!

سەرە بنیۆ 
با بژنەوی لایەلایێ 
ملوو بەژنوو وەڵاتێوە پەشۆکیایرە !!
هەی لایەلایە ئەداگیان لایە
وەشڵەی ئی وەرمەم هەرگیز نەدیایە

بووسە گیانم
با کورپەلەت گەلوو خەندەی وزۆ وەرم
با لەرەلەر
زەمین بوغزیش 
چنۆ باڵاو وەیوڵێوەرە چەمڕەژیێ
گورانیێو چەمەریە
کێ واتەبێ 
ئی وەرمیچە 
وەروو هاناو بێکەسینە 
                    مەزڵووم شنیای!!

کێ واتەبێ
غەزەڵێوە
هەم دووبارە دێز موڕیۆوە!
بەڵام بنیە سەرە سەروو مشتێ خاکوو وەتەنیەرە
تا دووبارە 
بەراسانەو ئاواتەکات
گێرۆ حننەر!

هورنەچڵاکیەی وەروو فڕکەو کوڕاو وەختوو تەنگانەیرە
مشتێ وەشی و جامێ خەندە
دیسانەوە وەڵات ئاوا.

بووسە باوان
زەمین سەماش؛ لانوو ژیواین
زەمین گرمەش؛ تینەو گریاین
زەمین دڵش؛ مەراقانەو سفرەی دڕیاین
                                   وەڵاتێوەیچ 
                                                  توخوا دیسان چەم گلوەردە!!
هەی لایەلایە ئەداگیان لایە
زەمین دەک لەنجەش هەرگیز نەبیایێ.


#رئووف مەحموودپوور

ئی شێعرمە بە تایبەتی.پەی وەتەنەکەیم [سەرگەت]نویستێنە
هەورامـــــان گردش ماچی جەنەتەن
یاگەی پیر و میر ئیرەم خەسڵەتەن
مەنبەعی هانەو سەرجۆ و نساران
سەرسەوزەن وێنەی شکۆفەی داران
بەڵام جەی دیمەن ڕەنگاڵەی پەڕ خەت
هەواری شەوقم. سەرگەتەن سەرگەت
مەنزڵگەی       دڵم    باوە ناوسەن
ڕەنگاو ڕەنگ وێنەی پەڕی تاوسەن
سەڵوانی یاگەی سەیران و سەفام
رفایندەی خەم  پەڕەندەی  جەفام
بابا غەیب الله فروهەر میداڵ
ئاهوورا نیشان یاگەی ئەهلی حاڵ
مزگی میانی شاریقی ئەنوار
چون کەعەبەتوڵا  باریقی ئەنوار
سیڕاجی مونیر شکو و شەوکەتەن
یاگەی بئ نەزیر فێردەوس ،سەرگەتەن

#خەندە هەورامی 

ادامه مطلب

طبقه بندی: سۆهراب مورادنیا، فرهنگی و هنری، اجتماعی، ادبیات/شعر، تاریخ، زوانی هه‌ورامی، ڕه‌ئوف مه‌حموودپوور، موحەممەد مسته‌فازاده، حێکمه‌ت محه‌مه‌دی(خه‌میار)، موحەممەدمۆمن یه‌زدانبه‌خش، میرزاسه‌عدوڵڵا خه‌دیری، مامۆسا عەدەمی و فەیسەڵ هێدایەتی،
برچسب ها:هه‌ورامان‌هانه‌به‌رچه‌م-کتابخانه‌هورامان-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)-زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس شبک(شه‌به‌ک)-سنجار-کاکه‌یی-یارسان-ساور-نودیجه-زازا-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(10)،
نوشته شده در تاریخ دوشنبه 2 بهمن 1396 توسط همایون محمدنژاد

کەلەبەروو شێعرا(۹)

تاقەت نەمەن چی مەینەتا،ئەی دڵ وەسێشا بزیەرە

پا مەنیه کۆنە زامەرە، تازە لوه‌ینە دڵبەرە

ناڵەت جە چەم کریانەرە،حەیفا خەمت یاوانەرە!

کەم بدٚیە پا سەربانەرە، تازە لوه‌ینە دڵبەرە

من مانیا تۆ مانیا، یۆما سەروو وێشه‌و نیا

ئانا کەشوو شادٚی بیا، تازە لوه‌ینە دڵبەرە

هۆشم مەشۆ ئا وێرەگا، هەر وەردەگا تا سەردەگا

واتم نەلی یانەوبەگا، تازە لوه‌ینە دڵبەرە

پی پا بلۆ تۆ شێویەی، حەر پێسە دێوی دێویەی

دەی بۆ بەرەو با پیویەی،تازە لوه‌ینە دڵبەرە

واتم نەلی یانەوخەما، واتت ملوو هۆشم جەما

حەرچی خەما پەی من کەما، تازە لوه‌ینە دڵبەرە

#فه‌رید عه‌باسی(فەراز)

دەم دەمەو ناڵەو هەناسەیم کەڕ کەرۆ حەوت ئاسمانی

سەرچەمەو هەڵسەو چەمانم سەر کەرۆ دەریاو عومانی

چی برێژیش دڵی زارم بۆسۆش مەی جەرگ کەواوم

دڵ مسانی دڵبەری دڵما بەری دڵبەر ئەمانی؟!

دڵ تەماو دیدٚارەکەو تۆن چی مەپیویەی نازەنینەم

ها کە تا شارووغەریوی پەی دیەی باڵایت ڕەمانی؟

#فەیسەڵ هێدایەتی

‍ بنووسمێ هەورامی،   وەڵاتی شیــــــرین
بوانمێ هەورامی ، پەیت نەکەرو شیـــــن

بنووسمێ هەورامی، کەش و کۆ و کەمەر
بوانمێ هەورامی ،  ئاورت نەگـــــــنۆ وەر

بنووسمێ هەورامی، پاکـــــــی ودرووسی
بوانمێ هەورامی، مایەو ســــــــەربەرزی

 بنووسمێ هەورامی ، سیاچـــــــــەمانە
بوانمێ هەورامی،  یـــــــانە بە یـــــــانە

بنوسمێ هەورامی، وەرکـــەمەر چنوور 
بوانمێ هەورامی ،  تا وەڵاتـــــی دوور

بنوسمێ هەورامی، ئای وەشەن وەتەن
بوانمێ هــەورامی ،   رۆح و گیانمــەن

#عەتا عەلیپوور

‍ بـەحـروو عـێشقووتـۆ،شەپـۆلێ شـانـۆ

جە گـێجاوی بـەحــر،وجـوودیم لاونـــۆ

کەشتی نـەجـاتــی،بـکــیانه پـەرێم

با گـێجاوی بـەحـر،گـیانیم نـەســانـــۆ

#فەرید زاوەری

وەتـــەنی ئازیز ! یاگێ  تــــــــەدبیریم
گــــەورە بیەو بێشکێ ، ئامەیوە ویرم

ســـــــــــــەردڵم بینات دەسپێچەنەکا
کـــــــەردەو وەڵەفە یاگێ خـــــەمەکا

سەروو بێشکەکێ کـــــەردێت ئاوێزان
جە  چەمەزەخمی و چەنی تەسبێحان

سفت و سۆڵ بەساو کـــەردات بابۆڵێ
تا ئێسخوانێم نــــــــــــەوا فشـــــۆڵێ

گەورەت کەردانی بە هــــــــەورامیانە
زوانت فێر کـــــەردا  بە ئــــــــەد٘ایانە

پێسە حەڵقێوە کـــــــەردەنم گۆشم
جـــە ویرم نمەلۆ تا بۆنێ هـــــۆشم

#عەتاعەلی پوور

‍ ‍ ئاوەنگی سەحەر

ئاوەنگی سەحەر نیشتەن نە ڕووی گوڵ
ماچی حۆببی تۆن نیشتەن نە ڕووی دڵ

ئاوەنگی سەحەر ، هەرسی چەمامەن
سەحەر سەرڪێشۆ، ئامای خەمامەن

سەحـەرم بێ تۆ چوون شەوەزەنگەن
دنیای بێ هامحاڵ، مات و بێ دەنگەن

بازە با قـەترەی دۆڕئاسای سەحەر
تێڪەڵ بۆ چەنی  ڕایحەی عەنبەر
-------٭٭٭٭٭٭---------
(چیلڪڕوو۱۳۹٥کۆچی ڕۆجیاری)

#زۆراب مورادنیا‍  

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، فەرید عەباسی(فەراز)، مامۆسا عەدەمی و فەیسەڵ هێدایەتی، عوسمان ڕەحیمی هەجیجی، سۆهراب مورادنیا،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۹)،
نوشته شده در تاریخ سه شنبه 26 دی 1396 توسط همایون محمدنژاد
‍ ‍هه‌ورامان هانه‌به‌رچه‌م
زەمین لەرزەوکرماشانی(سەلاسی باوەجانی، سەرپێڵ و زەهاب ،داڵاهو ، ڕێژاو، ئه‌زگڵە، زه‌رده‌، قەسرشیرین، ئێسلام ئاباد و شار و دەگایەکاو دەوروبەری جه ده‌نگوو سۆزداروو شاعێرا(1)
 
وەی ڕۆ   هەمدیسان  خەزان نمانا
خەمان تاس خەم ڕووی شادی شانا

جووت ششش  خەمەن دوو و ششش هەر خەم
خەم وە بان خەم چین جین بیەن جەم

شەڵتە نیا تێخ نە سەر باخ و چەم
فیشقە بەس نە چەم وارانیوی خەم

باخ ڕەگی حەیات چەنەش کنیاوە
خەم چوون چەمەی هوون نە پاش زیاوە

دووکەڵ بەرزۆ بی هەس هەس جە باخان
خەم شادیش خەم کەرد بە ئاخ و داخان

مەینەتی دیسان خەم دا شانەرە
چوون مێمان ناوەخت کەردش یانەرە

نەدار ڕەش و ڕووت پەنجە نیا دەم
ئێساڵی چەنی بەروو سەر بێ خەم؟

خەم خەمش واردەن هەر پێسە ماری
وەشڵەی ساڵەکاو پار و پێراری

#بێهرووز موحەممەدپوور (شارۆ)

فەڵەک چەنی من ڕاس بەستەن کەڵەک
مەر من  سەنگم دان وە مینای  فەڵەک؟

زەمین پژما
سروشت پاگیرەی گرت و لەرزا
پاو تەوەنێ لوا لارە و
نیشتیمانێش وەزنا شیوەن!

وەرم خوونێش پەپووڵێوە
چرپەو مەرگی سەوزیش مرنا و
پاییزش مت باڵایمارە

زەمین یاوشا
ئاسمان هەورێو!
وەڵات تا کەی
دووکەڵ خێز بۆ؟

چوار سووچەو هیچ
سروشتیچ حەر...
گاور وێنەو من بارش لار نەبۆ!

#بێهرووز موحەممەدپوور (شارۆ)
96/8/22

بە گردوو شەرمساریەکاشوە
قووڵ
بە درێژایی تاریخی.
ئارۆ
سوور
ئیمانم ئاورد بە ئینسانی .

#مه‌هدی ئه‌بری(هه‌ورام)

زەمین  لەرزا، دڵم  لەرزا، تەماموو  بارەگای لەرزا
دلێ دیدٚەو هەواڵێنە چەموو ڕەحموو خودٚای لەرزا

چراوێ بێ دەسێ کەوتێ پەپوولێ گرد بیێ چێره‌و
قوڵنگەو بێستوونی وت کەوا و پانتۆڵوو وای لەرزا

گوڵێ کەوتێ دلێ یانەی بە خاکێوە سڕی مەردێ
به هاڕەو کۆرە پایێزێ شەوەو سەردەو گەڵای لەرزا

چەنی ئاسمانی بێ دەنگی هەسارێ مشت و مڕشا بێ
مشۆم چی حەر فەقیرێ با چەنی دەرد و به‌ڵای لەرزا

گجی ساوێوە دڕیا بێ، هەنارێ که‌وتەبێ لارە
کناچەی چێروو خاکینە جە حەسرت تا سه‌وای لەرزا

گڕەش وەردا دەر و دەشتی هەناسەو بێ کەسوو تڵفێ
تەپ و تۆزوو وەشەسیایی جە قانوونوو جەفای لەرزا

دەسێ ناما وه‌رش گێرۆ خەفتباری دڵوو شاری
مەگەر خەڵکوو چەمەو مێهری کە پەی عه‌شق و وه‌فای لەرزا

#فەرید_عەباسی

زەمین لەرزە و شەپۆلی شین بەشش زاما هەم وەڵاتم
نەبی ساڕیش زامی کۆنەم زامێ نەو کریا خەڵاتم

بە تاوانوو بێ تاوانی  وێران بی سەر و سامانم
بغەیر حەمد و سەناو زاتیت نەواتم سەردێ بە زاتم

خەتەش کێشا چیاو کوردی ئێزا زولزێلەتێل ئەرزت
بەشم دیاری کەری دەی چی مەدٚەی تۆ قورئان نەجاتم

ئێساڵ سەرپێڵ زەهاوی دڵ ئەدٚاو زامی تازەتەریا
دەمێن نەزمش نیا کوردم پەرێشانوو سڕ و ماتم

تازە زامم مەکولنەو هەم لەشم زامش هەزار زاما
قڕان با بەی وەسێن زامێ بەهانەن حەشر و سێڕاتم

بەمۆ زاری کەرۆ هەمتەر بەڵام ئیجار پەی زەهاوی
وەشیش کۆن داڵەهۆ عەشقی مەحاڵا هات و نەهاتم

وە کام بیستوون بناڵێنم شیویاس شارێ شیرینم
چەنێ فەرهاد وەیرە کوشیاس نەمەنیە دی کەراماتم

ڕێزیاس دارەیلێ لیموو ئەڕا ئەڵوەند سوورە ئاوی
دەسەڵاتێک نەیرێ فەیسەڵ شەفای زامتانە ئاواتم

#فەیسەڵ_هێدایەتی

خەم
نە خەمم سانا  و  نەگێڵانیش  پەی
بەڵام هەرخەمەن زوو مەیۆ پەی پەی

خەم وارا پەرێم  بە خەم ڕژیانی
دنیانە  چەنی  خەما  گژیانی

دڵ  جە مەینەتا  هەر   نەسەیاوە
کێشەو ماجەرام  هەر   نەبڕیاوە

هەرچن گێڵانی شۆنەو شاۮیرە
خەم ئاما جواب چالای  واریرە

واتم ئەر خەمە چی واز نماری
ئێۮ تەمام مەبۆ کۆڵێو تەرماری

یەکجار پۆشانت یانەی  گەۮاییم
بەخەم پیرت کەرد عمروو دنیاییم

زوخاوم  کەیلەن نەتۆتۆی دڵدا
جاگیرەن نەتۆی  باخەکەی گوڵدا

عاسی بیەنان جە دەردوو  خەمی
فوارەش بەستەن ئەسرینوو چەمی

بەرشیەیم  نیەن  دەسوو  خەماوە
بە خەمی  کۆنە  سەرەم   نەنیاوە

پاسە  مەزانۆ  هەر  من  هەنانی
بە ئاخ و داخێ پیرش  کەردانی

گاوگەرەم بینان پەی خەرمانی خەم
هەرچن مەهاڕوش چەنەش مەبۆ کەم

هەر گیسای  ناسش  وەڵین  کۆنە بۆ
یۆتەر   هۆرمۮۆ    کۆنەت  ویرنە بۆ

#ئۆسمان  ڕەحیمی هەجیجی

وەڵاتوو منەنە
         
خەڵکم تا مەنەن
                  ڕۆڵەو خەمین
هەتا هەتان
                مەبڕیۆوه جه شۆتی

ئەر بڕیۆیچوه مەردەشۆتا!

بە چەم وینمێ: زام زامی ساڕێش کەرۆ
      مەردە مەردەی لاونۆوه

و سەمفونی ژیوای
             تەقەو تەوەنا هەژنۆ

واچدێ پایێز سیاو پۆشۆ
                   ئێمە بە زەردیچ مەساچمێ

#مه‌هوه‌ش_درۆستکار

رۆڵەی جــــــــــــوانم  دید٘ە ڕاسەکەم
چی  نمەی نەگۆ بــــــــۆی هەناسەکەم

رۆڵە ، کـــــــەی  واد٘ەو کۆچی بێ ئاڕۆ؟
بد٘یە دەروونم خـــــەم  چــەنەش وارۆ

کۆچەکەت  جەرگش کـــــــەرد٘ا بریانی
پەلەت کــــــــەرد ئازیز جیات ئاستانی

خود٘ات چـــ ـەنی بۆ پەپوولەو شاد٘یم
ئاوێرت  وەردا دڵەی خەمــــــــــــاویم 

  #یاوەر هەورامی

شیوەنوو  زەهاوی

هانا هەی (خانا) ٭ کەی  وەختی خاوەن
شیرین شیوەنی قە ســــــر و زەهاوەن
به هوون گۆڵ ڕەنگەن باڵــــای نازاران
شیوەن سەرکێشان  یانەش  نەو یاران
هۆر گێره  خامه وێت ئاسا  پڕ ج
ۆش
شینی سەد فەرهاد بــاوەره وەهۆش
واچه (سەی یاقوو)٭ ماهیدەشتی تۆ
سامان سا بی ناز کەوتەن  لـە پەرۆ
کۆرپه نەباوەش ســــــەردی نازاران
بی شین و کەفەن گــــیان مەسپاران
بە واتەی قە
د٘یم تا  گــــــاوی ماوی
پەنجەشا   پێکان  ئایــــــر و  ئاوی
ئەوەند ئازیزان سووتەن بـــــێ تاوان 
سەد٘ شیرین وه خاک پاشـــان نیاوان
وشکامەی ئەسرین یاوا  چێش کەرمێ
مەر پەنا وه فەرد (مەعدوومـی) بەرمێ
مەر حەر (مەولەوی) ئی لوســی تاوو
جاریه نە سە
د٘  جار ئـیـنەی  فەرماوو:
کوورەی دڵ گەرمی جۆش سەختشەن
پەی  فێنکی دڵ شـیوەن  وەختشەن
داد نمە
د٘ۆ  داد٘ خاس  مەعلوومەن لێم
دمای وێم پەرێم هیچ کەس وێنەی وێم

       #موحەممەدشه‌ریف عه‌لی ره‌مایی
هه‌ورامان هانه‌به‌رچه‌م

هه‌ورامان هانه‌به‌رچه‌م

دید٘ەم "ڕێژاو"ەن ڕۆخسارم زەرد٘"ەن
جە دووری " یاران" پیران"م کەرد٘ەن
#مامۆسامەولەوی

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، دینی ومذهبی، تسلیت ها، مه‌هدی ئه‌بری(هه‌ورام)، فەرید عەباسی(فەراز)، موحەممەدشه‌ریف عه‌لی ره‌مایی، بێهرووز محەمەدپوور(شارۆ)، یاوه‌ر هه‌ورامی، سەیوان ئێبراهیمی(گوازی)، مامۆسا عەدەمی و فەیسەڵ هێدایەتی، مەهوەش درۆستکار، سه‌لیم هه‌جیجی(خه‌مبار)، کاوه شکری(سەراو هەورامی)، عوسمان ڕەحیمی هەجیجی، حامی نیکبه‌خت عه‌بدولمه‌لکی، موحەممەد خدری(ئەدیب)، حەسەن عەزیزی(خەیات)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،زەمین لەرزەوکرماشانی جه ده‌نگوو سۆزداروو شاعێرا(1)،
نوشته شده در تاریخ چهارشنبه 24 آبان 1396 توسط همایون محمدنژاد
مراسم انارانە روستای داریان با حضور مهمانان و گردشگران در مکانی زیبا و باصفای پاییزی،و باغ های اخرایی رنگ خزان کە با نوازش باران ،همراه بود، در١٣آبان١٣٩٦ باشکوە خاصی برگزار گردید.

 ‍ ‍ جەژنەوهەناری جە دەگاوداریانی
ڕاکەوتوو١٣مانگەوگەڵاخەزانوو١٣٩٦
وێنەگیر:#هومایون موحەممەدنژاد
هه‌ورامان هانه‌به‌رچه‌م

هه‌ورامان هانه‌به‌رچه‌م

هه‌ورامان هانه‌به‌رچه‌م

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، جفرافیا، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، هومایون موحەممەدنژاد، فه‌تحوڵڵا ڕه‌زایی، مامۆسا عەدەمی و فەیسەڵ هێدایەتی، کاوه شکری(سەراو هەورامی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،مراسم انارانە روستای داریان(جەژنەوهەناری جە دەگاوداریانی)،
نوشته شده در تاریخ سه شنبه 16 آبان 1396 توسط همایون محمدنژاد
هه‌ورامان هانه‌به‌رچه‌م

که‌له‌به‌روو شێعرا(5)


یاران پایزەن خەزان ڕێزانا
نەمەنەن سەفای وەرنە وەزانا

خەزانم زەردا پێسەوشێڵانێ
ئاخ ئاخەمبارێ کۆگە گێڵانێ

هەرکەس گەرکشا سەیروخەزانی
بەی لاو عەدمی دەروو داریانی

کەروتەماشەی خەزانی وارام
هاوراش بڕیان دڵێ بێ ئارام

زەردبیەن ڕێزان گەڵاو پەڕو پۆم
شەوان نەهەردان هامڕزای پەپووم

خەزانوو منا نەک ئینوو دارا
بیا تەماشا دەسەو خەمبارا

بەتعجیل یاوا نۆ پایێزی زەرد
عمرێ بێ ئاما لوا گوزەرد کەرد

پاسەشا واتەن نازک خەیاڵان
خەزان سوچیای هەناسە کاڵان

  #مامۆسا عەدەمی


خەزان ومەیلی

چرۆی چووزەی چڵ نەووەهاردڵ
هەوای سەردی مەیل پایزکەردخجڵ

زەڕ گەرئاسادەورجەتوحفەی وێشان
داوەتاڵەی بەرگ مۆرزەڕنیشان

نەوبەرنەمامان پای سەهەند هەرد
چوون بێ بەینەتان چەشتن مەیل سەرد

بەرزە درەختان کاڵای زەڕنەدۆش
هامسایی ڕزان کەردن فەرامۆش

سۆزسەرهەردان جەپاش وناران
مەلەریان وێنەی سێوەڕۆداران

چریکەی مەلان سوبدەم چوون سەمتوور
مەژەندن دەم دەم وە ئاوازشوور

بیوەقەت و قڕجەسەرهەواران
سوورمەی خەم کێشا وەدیدەی یاران

کۆکۆنەکاوان تەم و هەم بی جەم
تاسینەی کەشان پێواربی نەچەم

هانا های ئازیز بنمانە مەیلێ
دڵ کەیل سەردین فەراوان خەیلێ

بیاوەم بەداد جەی وەرز خەزان
باخەزان مەیل نەبۆ لام هەرزان

وەرنە تۆف سەرد زمسان خەیاڵ
جە سەردیاران مەکەرۆم پاماڵ

  #موحەممەدره‌شید ئه‌مینی


ئانا خەزان کەوتەو سەما دڵ چن بە ئا هەوایش وەشەن
گێڵای دلێ دەشت و دەری گیانم بە تۆ سەفایش وەشەن

پەلکێش هەنار کەوتێ سەما پەشێو بی چوون زوڵفەکاو تۆ
وەیلانەن دڵ پەرێ ئامایت  چەنی تۆ وەس نەوایش وەشەن

بەینوو لەق و پۆ زوڵفەکات پێویۆ هەنارێو دەم ترەک
گێڵای دلێ مڵکانە خۆ بەخ بەخ کە چن خوونایش وەشەن

ئاواتەکێو شاروو دڵیم باڵاتەوە هۆروەستێنێ
شەنیەر چەمێم ماچا بە دڵ خەیلێ لەزەت تەکنایش وەشەن

من هەر مەلوو چی شارەنەو ڕۆحم بە تۆ بەندا کەسم
ئاوێز بە زوڵفاتا دڵم زیندانتەنەو پوویایش وەشەن

وەختەی کە مەی مجیەی جبەر پەی پەی هەنار هەرزان مەبۆ
بەخ چا تەڵانوو باخوو تۆ تەنیا هەنار لەرنایش وەشەن

پاییز بە تۆ خەیلێ وەشەن مارۆنە ویر جاڕەو قژات
ئاخر دڵم ڕەنگەو موات پەوکای پەرێم حەزنایش وەشەن

ئانا وەهار کز بی چەمش پاییزەکەو دووری تۆنە
زمسان دڵم گەورەی کەری خەیلێ پەرێم گەرمایش وەشەن

 باڵاو منەو بینان قەتار زەردی خەزان عومرێوەن خۆ
بۆرێوە تا وینی بە چەم ئاخ ئاخ کە چن ڕەمنایش وەشەن

# بێهرووز محەمەدپوور(شارۆ)


وەتەن  هــەرچن تـــۆ  گـــەردەن  بەرزەنی
موبــــــــــــــــارەکترین خـاک و عەرزەنی

جای شـــــــــــەوبۆ  چنوور لالەو  مەرزەنی
داخی گـــــــــــــــرانەم بێ دڵــــسۆزەنی !

# یاوەر هەورامی

"پەی داریانی"

تا  ڕۆجیار  بزیۆ  بەرزی ئاسێڵان
تا  شەماڵ   شنیۆ  تەڵانەو  تەڵان

هەتا قولەی نوور نوورش پەڕ نوور بۆ
سەوقاتوو  یاراش شەوبۆ و چنوور بۆ

شێعرێش پەی ماچوو بەنەزموو جاران
جە  دەرەی وارین  تا سەر  دیاران

پا شەرت وەرکەمەر گێرتەبۆش دانە
کەڵێ  چا   بەرزا   وەزارە    هانە

مەی و بەران هەر دوێ چا سەر کەلاوە
کەڵڕەم  کەرانێ و  بیا و  بلاوە

گێڵانێ  ئازاڐ   جە   پسێکە ڵاوە
سەیاڐ حەق جەرگت  دۆ بە بەڵاوە

با  وانۆ پەی وێش ژەرەژە خاڵێ
لیانی  بینو  بێخوو   گۆراڵێ

ژەرەژ   نەوانۆ  سەحەر  جە دامان
دەی وەشییش کاما بەرزی هەورامان

تا شاهۆ هانێش هانە بە هانە
مجیارە   واری   چا    کوێسانە

تا سپیاو  هاژەش  گنۆ  نە گۆشم
چوون مەی گۆساران جەهۆش بێ هۆشم

هەتا سەرچەمە سەرچەمەو دڵی
شەپۆلە   شانۆ   براکەو  بڵی

پای سوورە چنار سەر کەرۆ جە سەر
وەرەتاو، نسار هەردوی گێرۆ وەر

تا چەمەو ماڕۆی جوەش نەواڕۆ
جیای سەرناوی بەنگاکەیش واڕۆ

قەڵوەزە پێکۆ حەوزوو ماساوا
بەشش کەرانێ جیای ئاساوا

تا چەمەی سلۆر  پڕۆ بنوەزەن
هەتا  نازارێ   وەفاشا  مەنەن

با مێخێ بەلوەی باوە بە ڕاگا
ئازیزێ  بە یا    وەزارێ دەگا

تا وێشە  شنەش یاوۆ  هەسارگا
تا جوەو   هاڵی بیاوۆ    ڕەزگا

تا مزگی سەفەش پەڕ بۆ جوانێ
پەنج فەرزە کەیشا چاگە کەرانێ

حەقما ئەر واچوو ئەنتەهوور چێشا
گرڐ کەس بەهەشتش وەتەنوو وێشا

تا قەڵا  گەوران مدران بە پاوە
بڐیۆ   قەڵاشان  بە تەمەناوە

هەورامانەکەم زەیڐەکەم داریان
جە یاڐم مەشی دڵم نەواڕیان

ئەر ئاوی یاوۆ  پردەو  یاروەیسی
پێسەو  ژەرەژێ  گنی  قەفەسی

ناڵەو مەزڵوومیت نەیاوۆ کەسی
ڕات وەنە بڕا پێسەو بنبەسی

ئەر  وارانت  بۆ  بە ونی و هەڵسێ
سەرەت ناری وار پەی هیچ ناکەسێ

بزانە  هەنت  تۆ    فەریاڐ  ڕەسێ
حەر ئاکەسەنە کەسوو گرڐکەسێ

فەیسەڵ تا مەنەن کەسوو کەساو تۆن
جەخاکی چەنە حەر  نە پەناو   تۆن

سەرچەمەی پاکی ئەوینەم داریان
تەڵا، جەواهێر،    نگینم،   داریان

هیوای دڵەکەی خەمینم    داریان
بەهشتێ سارای  زەمینم   داریان

پاسەشاواتەن قەدٚیمی یاران
داریان بەعەتروو گوڵاو داریان

ئەر کەسێ  بەیۆ  بە سەر  مەزارم
گۆش دۆ بە ناڵە و  زکروو هاوارم

ماچوو زەیڐەکەم ئەی وەشەسیام
من خاکوو تۆنا کەی جە تۆ جیام

ئەر سارای مەحشەر سەر باروو نەبەر
بزانە  هەواو  تۆم  کەوتەن  نەسەر




#فەیسەڵ هێدایەتی

نەژناسیا!

        ئەژنەویت
               واران
        ئاسمانش تا لاو داروو کۆڵانەکێما کەرد دوێ هەنگامێ؟

گەڵا خاو بیوه سەر بە سوجده...

شێعره شنیا

    کێ ماچۆ
کناچێوه چن جارێ
                بەخێڵیش
                      بە ڕووتە
                            لەقیە نەبەردەن...


#مەهوەش درۆستکار


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، فەرید عەباسی(فەراز)، موحەممەدره‌شید ئه‌مینی، بێهرووز محەمەدپوور(شارۆ)، یاوه‌ر هه‌ورامی، مامۆسا عەدەمی و فەیسەڵ هێدایەتی، مەهوەش درۆستکار، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(5)،
نوشته شده در تاریخ سه شنبه 16 آبان 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3