معرفی کتاب های نویسندگان در حوزه های مختلف(۳۰)





ڕوومەت؛ باقێو کوڵەداستانێ بە قەڵەموو ڕەئووف مەحموودپووری، چی ڕوانە جەلاو چاپ و پەخشوو زایەڵەیۆ گنا وەروو دەسوو هۆگراو ئەدەبیاتی



طبقه بندی: فرهنگی و هنری، ادبیات/شعر، زوانی هه‌ورامی، اخبار، شهرها و روستاهای هورامان، انتشارات زایەڵە، ڕه‌ئوف مه‌حموودپوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۳۰)،
نوشته شده در تاریخ شنبه 3 اسفند 1398 توسط همایون محمدنژاد
کەلەبەروو شێعرا(۱٥٤)


دلێ دننێ موورە كەوڵێ زەمانیەنە
ڕۆحت 
حەزی ئەنجن ئەنجن
دڵۆپ دڵۆپ
ئارایشوو جەستەو مێژووی.
زڵفێت زام و
كەمانچێوە وەشی دزیان
         تەنگەو رۆحیم !!
        ***
بوەت هەور و 
هەناسەت وەر.
بێ تۆ من كام 
             زەردەپووشی 
                        وابەردەنا.

#ڕەئوف.م

بەشێو جە شێعریە دەفتەروو هورپڕای گەچ و تەختەی


 کۆرپەشێعرێ
 #شارۆ
ــــــــــــــــــــــــــــ
(۱)
چەمێت هۆربڕنە  
دڵنە دەورە تەماشات
با جاڕ بدەو:
"ئێمە گیانێکین لە دوو جەستەدا"


۹۸/۹/۲۷

(۲)

من تۆنە ژیڤوو
چاوەختۆ کە
دزیا دڵم
 بە چەم کلنایت

۹۸/۹/۳۰

(۳)

پەیجەو کەلیمارە هۆروەزوو
تا کوڵ کەرووە
 یاوای بە تۆ

۹۸/۱۰/۱

(٤)

خەیاڵ
 وەشەسیایش کڵافە کەرۆ و
قەڵەم
سەرەو کڵافەی کێشۆ جادەرە

۹۸/۱۰/۲



طبقه بندی: فرهنگی و هنری، ادبیات/شعر، زوانی هه‌ورامی، ڕه‌ئوف مه‌حموودپوور، بێهرووز موحەممەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥٤)،
نوشته شده در تاریخ یکشنبه 20 بهمن 1398 توسط همایون محمدنژاد
معرفی کتاب های نویسندگان در حوزه های مختلف(۲٤)



ئاوەزیار/انتشارات زایەڵە
ئاوەزیار؛ مزگانی زەنجیرە کتێبێوا کە بە شێوەی سەردەمیانە و بابەتیانە، یۆ دماو یۆی مەگنا وەردەسوو هۆگراو گەشەو فەرهەنگی. هەر ژمارێوە ئاوەزیاری تایبەت بە بابەتیێن. دماو هەوڵ و زەحمەتێوی فرەی، ژمارە یەکش سەروو بابەتوو ئەدەبیاتی دەمواچی ئامادە بیەن و پی زوانە مەگنۆ وەردەس. چی ژمارەنە بابەتوو ئی قەڵەم بەدەسە بەڕێزا ئامان:
وەلی فەتاحی
ئازاد ڕەحیمی
ئاوێنە ئەحمەدی
ڕەئوف مەحموودپوور
کورش ئەمینی
ئیبراهیم شەمس
نایب مێنبەری
هووشیار تەمجید
گونا ڕاپەیما
سەباح شیانی
موختار ئیسلامی

زەماوەندوو وەرمی /سابیر عەزیزی


ادامه مطلب

طبقه بندی: فرهنگی و هنری، ادبیات/شعر، اخبار، زوانی هه‌ورامی، انتشارات زایەڵە، ڕه‌ئوف مه‌حموودپوور، ئێبراهیم شه‌مس، کوورش ئه‌مینی، سابیر عه‌زیزی، سه‌باح حه‌سه‌نی شیانی، وەلی فەتاحی، هۆشیار تەمجید، نووره‌دین موعینی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۲٤)،
نوشته شده در تاریخ جمعه 22 آذر 1398 توسط همایون محمدنژاد
بنکەو ئەهوورای بەرۆ ڕاوە :وێرەگانێوە پەی ئەدەبیاتی هەورامی

وێرەگانێوە پەی ئەدەبیاتی هەورامی
چەنی بەرز نزخناو شاعر و نویسەر:
ڕەئووف مەحموودپوور 

*بە بەشداری شاعێراو هەورامانی

_ کلسووم عوسمانپوور
ــ فەرەیدوون بەهرامی
_سەعدی غەریبی 
_عەباس غەریبی 
_جەماڵ قادرپوور
_حسەین وەفایی
_بێهرووز موحەممەپوور 
_ژوان ڕەحیمی 
_مەهوەش درۆستکار
_ئەحسەن ڕەشیدی

*پەنێل: ئەرەوانای کۆکریایەکاو شاعێر و نویسەر، ڕەئووف مەحموودپوور 

_کەیهان عەزیزی_فەرشید ڕوستەمی_سابیر عەزیزی

*مووسیقا_ئەرکان حەیاتی 

*چەنی مێمانداری

ڕاکەوت: شەمە_۲۳ کەڵەهەرزو ۱۳۹٨ی ڕۆجیاری 
یاگێ:زانشتگاو کوردستانی_گەورە هاڵەو مەولەوی
سەعات: ٤و عەسری هەتا ۷و وێرەگای



طبقه بندی: فرهنگی و هنری، ادبیات/شعر، اخبار، تاریخ، ڕه‌ئوف مه‌حموودپوور، بێهرووز موحەممەدپوور(شارۆ)، سابیر عه‌زیزی، جەماڵ قادرپوور، مەهوەش درۆستکار، سه‌عدی غەریبی، عەباس غەریبی، فه‌ریدوون به‌هرامی"شرام"، که‌لسووم عوسمان‌پوور، فەرشید ڕوستەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بنکەو ئەهوورای بەرۆ ڕاوە :وێرەگانێوە پەی ئەدەبیاتی هەورامی،
نوشته شده در تاریخ یکشنبه 17 آذر 1398 توسط همایون محمدنژاد
کەلەبەروو شێعرا(۱۲۲)

شێعرە و شەرم
ڕەئوف مەحموودپوور

شێعرێ واتش:  دا مجەمرە
واتم ئەی ڕۆ نەخەڵەتیەی
چێگە شیعرە حەرامەنە و کۆڵێوە عار
ــــــــــــ
گورانیێ واتش:  واچەم
واتم حەی حەی 
کام حەنجەرە، بێگەرد تاوۆ هورچڵاکنۆ
                                                ئاهەنگێوە هورخەڵەتیای
ــــــــــــ
نەقاشیێ واتش: کێشەم 
                                   لاشیپانوو تەوەنموورەو ویژدانیەوە
واتم نا گیان!
چیگە وشتر باڵابەرزا و وەشڵەتەر جە بزەکەڵێن
ــــــــــــ
تاریخێوە وات:  بنویسەم چوار کەلیمێ؛ 
هورموزگان و ژەن و کەنیک
         ئەنفالێوە و نوگرەسەلمان
                       داعشانە و وسڵێ شنگال
                              سوڵتانێوە و   ئێخوانی ترک
واتم:   لاچا 
تاریخ  چکۆ دزیەی هانەی و
                                 تەقنای چەما و 
                                         ڕێخەکەنوو گوراڵاوە 
هورچڵاکنۆ  حەیا و شەرم .

وەرگێ ئاورا
نیشتەن کەمین جە گوزەرگا
زاڕۆ 
جوان
ژەنی 
پیا
هاوار
ڕۆڕۆ
"زاڵم زەواڵت پەی پێدا بۆ"
ئەژنەوتەنم جە ئەدایمەو
لالۆ یارە 
ساچمەزەنش ئاردەنۆ سەروو پای
کەردەن کەمین جە گوزەرگا
وەنەت حەتم
نەجاتشا بۆ
شار 
و
دەگا
# شارۆ


ادامه مطلب

طبقه بندی: ادبیات/شعر، زوانی هه‌ورامی، ڕه‌ئوف مه‌حموودپوور، بێهرووز موحەممەدپوور(شارۆ)، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۲۲)،
نوشته شده در تاریخ یکشنبه 21 مهر 1398 توسط همایون محمدنژاد
دەسەڵاتوو شێعرێ و ململانێ  دەق ـ وەردەنگی/ڕەئوف مەحموودپوور(①②③④)

بەشوو یەکەمی
ئی بابەتە جە سیروان، ژمارە ١٠٥٢ پەخش بیەنۆ

شێعرە ، ئا ژانرە سێحراویێنە کە ڕەنگە چنی لەمەخشکێ فاموو بەشەری، پایێش گێرتێبا و تا ئیسەیچ دەموو کاژ وستەیۆ و سەردەمانە بیەیۆ، بەردەوامەنە. 
ئەگەر سەرنجەو ڕەوتوو میراتی فەرهەنگیی بەشەری دەیمێ، پەیما بەرگنۆ؛ شێعرە ساحیبوو ئەچامنە دەسەڵاتێوەنە کە سەرەسڕمنەیش چنە گنۆوە. ڕەنگە حەر ئانە بۆ کە فیردەوسی بەجۆرێ بە شێعرەکاشەرە پەرمۆ، ئیمپراتۆرە ملهۆڕ و چەوتاڵەکێ جە سەردەمە جیاوازەکانە نەتاوابۆشا ئەچامنە ئیدیعایێو بکەرا.

 یان چی فرە دوور بلمێ؛ نالی ئیدیعاو بە دەفتەر گێرتەی یەرێ حەوزە فەرهەنگیا کەرۆ:
فارس و کورد  وعەرەب هەر سێم بە دەفتەر گرتووە
نالی ئەمڕۆ حاکمی سێ موڵکە، دیوانی هەیە
ڕۆحی هرووژنەر و نەخشی کاریگەر و  ئەوەنەفسیاو ئی ژانرە ئەدەبیە، جە ڕەوتوو گەشاوەزی و تارێخیی ژیوای فەرهەنگیەنە بیەن سەبەب تا وەردەنگ بە هەستیاری فرەتەرەوە مامەڵەش چنی کەرۆ.
ڕەنگە هەر ئانە بۆ کە "قەیسەر ئەمینپوور" جە کتیبوو " شعر و کودکی"یەنە ماچۆ: 
" شێعرە ڕۆحێوە نادەسەمۆ و سەرکەشەنە کە سووک و سەهل وێش مەدۆ دەسوو لوولێ تەنگەو تاقیگەیەوە. دەلیایێوەنە بێ ئۆقرێ و  بێ ئەوپەڕە کە جە لوولێ تەسکۆڵێ تاقیگەیەنە مەگونجیۆ." 
دوور نیا ئی تاقیگە کە بەڕێز "ئەمین پوور" باسش کەرۆ؛ ئا نەزەر و سەرنجێ با، هەوڵێ دەسەمۆ کەردەی شێعرێ مدا و گردوو سەعیێشا تاشای فورموولان پەی پاوان کەردەیش!
بەڵام ئانە لازم بە ئیشارە پنە کەردەیا؛ جۆروو دیای پەی شێعرێن ئادیچ جە دوێ وینگایێ دلێ شێعریی و بەرشێعریەوە.
پەی ڕۆشنەوە کەردەی فرەتەروو ئی بابەتی گەرەکمەن ئیشارە پەی سەرنجێوە "نیچە"ی کەروو:
"نیچە" جە ئێنتقادێوەنە کە ئاوقەو کانتی و شۆپنهاوەری و ئەرەستووی و ئەفلاتوونی و باقی فیلسووفەکاتەریش کەرۆوە، ماچۆ: ئادێ جە وینگاو تەماشەکەریۆ سەرنجەو هونەری مدا نەک جە وینگاو هونەرمەندیۆ. دیای ئادیشا دیایێوە قازانجوازانە، تێکنسیەنی و خەیربەشانەن. ئی دیایە دیای کەسێوەن کە کرداروو کەسێوەتەری کە جە خەلقێوەنە چنە بیەنۆ، موزۆ وەروو سەرنجێ. بەواتێوەتەر کەسێوە واکونش گەران. بەڵام ئانە هونەرمەندا کە ئینا جەرەیانوو کاریەنە، ئادا کە چوارچۆ کارەکەیش مجۆرە و وزۆش ڕا. ئادا کەسوو عەمەڵین . بەڵام تەماشەچی ڕاسەوڕاس چنی بەرهەم ئاوردەی هونەری چنگێ پێکۆ. ئانەن ئاد واکونش گەران . بە واتێوەتەر، نیچە گەرەکشەن بواچۆ فیلسووفەکێ جە وینگایێوی واکونشیەوە سەرنجەو هونەری مدا. ئانەن  ماچۆ؛ ئێمە هەرگیز هونەرما جە وینگاو هونەرمەندیەوە نەوینان. 
کاناڵەو:(رسانۀ جهانی نیچه و فلسفه)
ڕەنگە هەر باوەڕێوی هەمانچەشن بۆ کە لاو شاعێریەوە دەقی شێعریی پێسەن جگەرگۆشەی و لاو وەردەنگیجەوە هەرئادەقە پێسەن شاگردێوی کە سەعیەکریۆ ڕوتبەو شاگرد ئەوەڵ و دووهەمیش بڕنۆ باڵارە؟!!
ئانەن نالی پێسەو دەنگوو ناخۆگاو شاعێرا ماچۆ:
لە جگەرگۆشەیی شێعرم مەدە مەعنایی خراب
بێ خەتا کەس نیە ڕازی کە لە ئەولادی درێ

بەشوو: دووهەمی
ئەگەر گەرەکما بۆ هورسەنگنای هەمان چەشن پەی ژانروو شێعرێ بکەرمێ، مەعلوومەن کە خالەقوو شێعرێ و خوانشگەروو شێعرێ؛ دوێ کەسێنێ کە کارشا سەروو دەقیەوە هەن. بەدڵنیاییەوە سیستەمی پەردازشگەرانەو هەرکام چی دوەیە، بە جۆرێوی تایبەت قەوارەش گرتەن و جە مەدارێوە تایبەتەنە هورخولیۆ. پەوکای دماو خلقەتوو شێعرێ جەلاو خالەقوو شێعرێوە، ئانە خوانشگەرەن   بە باکگراوەندی زەینی و حەز و هانگەی جیاوازەوە  چنی دەقی مامەڵە مکەرۆ.
جە هەرحاڵەنە ئانە دەسەڵاتوو شێعرێ یان بە واتەو نالی "حکمەتی شێعرێن" بە جۆریوی سێحراوی، پێوەرەکا ماڕۆ و کەلیمەکا کەرۆ پردەبازی و زوانی مکەرۆ ڕاباز پەی پڕاینە دلێو گەمێوە جە مەیدانوو فەرهەنگوو میللەتێوەیەنە.
نالئ نیەتی سێحری بەیان، حیکمەتی شێعرە
ئەمما نیەتی قووەتی دڵ، قودرەتی ئینشا
جە ڕاسیەنە جە توولوو زەمانیەنە ململانێ بەینوو دەقی شێعریی و وانەری بەتەرخەمیەنە بەردەوامە بیێنە. بەتایبەت چا قۆناغانە ڕێچکەی باو و سەپیارە و زاڵ، مەڕیان. شێواز فاڕیان و جیاوازی و جۆرێوەتەر شێعریای ئامانەنە بەین.
ئی ململانێ پەی سەپنایەرە دەسەڵاتی جە گۆڕەپانوو گەمەیەنە بیێنە. بە چەم پۆشای جە بە وێنا کەردەی کەسەکا، قازانجی فرەش لاو گۆڕەپانە فەرهەنگی و ئەدەبیەکەی یاونان. هەرچند ئی قازانج بەخشایە جە حاڵیوەنە هورگنۆ   هەم دەق ساحیبوو پتانسیەلی تایبەتی و هێزوو ئەوەمەنەی بۆ و هەم ئەوەوانیچ ئەنقەستچی نەبۆ و بە مەرامی چەقبەسی وەڵینەوە نەشنیۆ گیانوو دەقەکەی و پەی سەپنای مەرامەکەیش نەگنۆ کەلیمەخونچلانێ.
وەڵتەر وچیا   بە نیشانەکارە دیارەن  جە توولوو زەمانیەنە ئی بالۆرێ گەرمە بیێنە . فرەو جارایچ ئانە دەقی شێعریی هورکەوتەن  گرەوش بەردەنەوە. بەتایبەت چا قۆناغانە   زەکاو و هێزوو خەلاقیەتی، شاعێرش وستەن هەوڵێ پەی گوزەریای جە مەزەننە باوەکاو سەردەمی . دیارا چی کەش و هەواو ئەوەگوزەریەنە کەسانێو بیێنێ  کەوتێنێ لۆمە و بە شێوازی جۆراوجۆر هەوڵێشا پەی پاوان کەردەی و مێخکۆ کەردەی ڕەوتەکەی داینێ. ئەگەر پاسنە نەویایێ کەی خاقانی واچێ:
منصفان استاد دانندم کە در معنی و لفظ
شیوەی تازە، نە رسم باستان آوردەام 
چێگەنە کریۆ سەروو یەرێ دەسەواژاوە زۆم کریۆ تا زەینی کشیۆرە دلێو قووڵایی وەزعەو ئا سەردەمی. یەکەم؛ مونسێفان !   دووهەم؛ شیوەی تازە، یەرەم؛ ڕەسم باستان...
یان: کەلیم ماچۆ:
گر متاع سخن امروز کساد است کلیم
تازە کن طرز، کە در چشم خریدار آید
چێگەیچەنە دەسەواژەکانوو؛ مەتاع سوخەن، تازە کون تەرز و خەریدار، یاگێو سەرنجیەنێ.
جە سەردەموو نەوگەراییچەنە، نیما فرە سفت و سادە و پەڕمانا جوابوو لۆمەچیەکاو سەردەموو وێش مدۆوە کە ماچۆ:
تو در پی آنی چە سرایم کە پسندی
من بر سر اینم چە برارم کە دهد بر
یان نالی ماچۆ:
کەس بە ئەلفازم نەڵێ خۆ کوردیە، خۆکردیە
هەرکەسێ نادان نەبێ خۆی خۆی تالیبی مەعنا دەکا .     "نالی"



ادامه مطلب

طبقه بندی: ادبیات/شعر، زوانی هه‌ورامی، ڕه‌ئوف مه‌حموودپوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،دەسەڵاتوو شێعرێ و ململانێ  دەق ـ وەردەنگی/ڕەئوف مەحموودپوور(①②③④)،
نوشته شده در تاریخ جمعه 12 مهر 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 22 :: 1 2 3 4 5 6 7 ...