سیاخان/بێهرووز موحەممەدپوور( شارۆ)
۹۸/۱۱/۲۷
ـــــــــــــــــــــــــــــــــــــــــــــ

سەردەموو کەریم خانوو زەندیەنە پیایێوە سیاوڵە، کەڵەگەت و زۆردار شیرازەنە ژیوێ کە دلێ خەڵکینە بە نامێ "سیاخان"ی شۆرەتەش وەرکەردەبێ. 
وەختێ کەریم خان گەرەکش بێ بازاڕوو وەکێڵی وەش کەرۆ، سیاخان یۆ جە عالتەرین کرێکارەکاو ئا دەورانی بێ. چا وەختەنە چەرخوو نەقالەی و کەرەستێ وەڵکەوتێ ئارۆیانێ پەی هۆردای سەروو کەل و پەلوو بیناسازی پەی تەبەقە بەرزەکا نەبێ.
پی بۆنەوە بەنایێ و مێعمارێ ئەوەجەشا بە کرێکارانێوە کەڵەگەت و زۆرداری بێ کە بتاوا کەرەستەکا گێرا کۆڵێوە و بەراشا سەر.
وەختێ هەرمانەو وەشکەردەو بازاڕوو وەکێڵی دەسش پەنە کەرد و نۆبەو چنیەی خشت و ئاجۆروو تاقوو بازاڕەکەی یاوا، سیاخان تەنیا کەسێوە بێ کە تاوێ تا بەرزایی دە مێترا فڕەشا بدۆ و ئۆساو مێعماری و وەردەسەکاش ئاجۆڕەگا هەواوە ئەڕفانێنێ و سەقفوو بازاڕەکەیش پەنە وەش کەرێنێ.
ڕوێشا کەریم خان پەی تەماشەو وەڵکەوتەی هەرمانەکێ ، سەرێوەش دا بازاڕی و دیش کە جە دە ئاجۆرێنە شش حەوت دانێشا مەیاوا(نمەیاوا) دەسوو مێعماری و گنارە واری و مەڕیا.
کەریم خان جە "سیاخان"یش پەرسا:
چێشتا، ئجۆ نانت نەواردەن؟!
وەڵتەر حەتتا یەک ئاجۆرەت هەدەر نەلێ و گردی یاونێنی دەسوو مێعماری!
سیاخان بێدەنگ بی و هیچش نەوات، بەڵام مێعمارەکە ئامارە واری و هێور بنەو گۆشوو "کەریم خان"یرە چفناش:
قوربان تەماموو زۆر و قۆرەتوو "سیاخان"ی و دڵگەرمیش ژەنەکێش بێ. چن ڕوێن کە ژەنەکێش تۆریەینە و لوێنەوە یانەو تاتەیش. "سیاخان"ێچ دەس و دڵوو هەرمانێش نەمەنەن، ئەگەر چارێوە بە حاڵیش نەکەری، هەرمانەکێما ساڵێوە گنۆ دماوە!
ئاد تەنیا کەسێوەن کە متاوۆ ئاجۆرەکا تا بەرزایی دە مێترا فڕە بدۆ.
کەریم خان ئازا لوا پەی یانەو هەسوورەو "سیاخان"ی و ژەنەکێش ئاردەشۆ. 
دماو ئانەی کیاناش شۆنی سیاخانی و وەختێ یاوا یانە، بە وینای خاتوونێش جە وەشیێنە پێسە زاڕۆی دەسش کەرد گرەوای!
کەریم خان بەعزێو زەڕش دا پەنە و واتش: ئارۆ کە لوا، بەڵام سەوای گەرەکما "سیاخان"وو هەمیشەی بی. 
ئینەشە وات و ژەن و پیاش تەنیا ئاستێوە. 
سەوایشۆ کەریم خان لوا پەی سەردای بازاڕی. دیش سیا جۆرێوە ئاجۆرەکا فڕە مدۆ کە جە سەرەو مێعمارەکەی ترازیا!
ئاوەختە ڕوەش کەردە دەوروبەریەکاش و واتش:
 ویندێ ئەشق چ قۆرەتێش هەن؟
ئانە ئاجۆرەکا فڕە مدۆ ئەشقا نەک سیاخان
  ئینسان پەی هەر چێوێ مشیۆ ئەنگێزەش بۆ

تاریخ ایران با لطفعلی خان زند
فضای مەجازی




طبقه بندی: فرهنگی و هنری، ادبیات/شعر، اجتماعی، تاریخ، زوانی هه‌ورامی، بێهرووز موحەممەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،سیاخان/بێهرووز موحەممەدپوور( شارۆ)،
نوشته شده در تاریخ یکشنبه 27 بهمن 1398 توسط همایون محمدنژاد
کەلەبەروو شێعرا(۱٥٤)


دلێ دننێ موورە كەوڵێ زەمانیەنە
ڕۆحت 
حەزی ئەنجن ئەنجن
دڵۆپ دڵۆپ
ئارایشوو جەستەو مێژووی.
زڵفێت زام و
كەمانچێوە وەشی دزیان
         تەنگەو رۆحیم !!
        ***
بوەت هەور و 
هەناسەت وەر.
بێ تۆ من كام 
             زەردەپووشی 
                        وابەردەنا.

#ڕەئوف.م

بەشێو جە شێعریە دەفتەروو هورپڕای گەچ و تەختەی


 کۆرپەشێعرێ
 #شارۆ
ــــــــــــــــــــــــــــ
(۱)
چەمێت هۆربڕنە  
دڵنە دەورە تەماشات
با جاڕ بدەو:
"ئێمە گیانێکین لە دوو جەستەدا"


۹۸/۹/۲۷

(۲)

من تۆنە ژیڤوو
چاوەختۆ کە
دزیا دڵم
 بە چەم کلنایت

۹۸/۹/۳۰

(۳)

پەیجەو کەلیمارە هۆروەزوو
تا کوڵ کەرووە
 یاوای بە تۆ

۹۸/۱۰/۱

(٤)

خەیاڵ
 وەشەسیایش کڵافە کەرۆ و
قەڵەم
سەرەو کڵافەی کێشۆ جادەرە

۹۸/۱۰/۲



طبقه بندی: فرهنگی و هنری، ادبیات/شعر، زوانی هه‌ورامی، ڕه‌ئوف مه‌حموودپوور، بێهرووز موحەممەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥٤)،
نوشته شده در تاریخ یکشنبه 20 بهمن 1398 توسط همایون محمدنژاد
کەلەبەروو شێعرا(۱٥۰)


چەمەو شێعرێم مەحاڵەن بگنۆ چیرو سێوەرو ژیری
بە شێتی سەر وەشەن شاعێر، دڵم کەم بووزە ئەو چیری

جە عەقڵ و مەنتێق و ژیری، نە بارم هەن نە ئاگاهی
چەمم بگنۆ بە هەر کامی مەڤۆمان جەنگ و دەرگیری

جە شێخیم ئەژنەوی وااش سەرو پیری مەڤۆ دۆست
بە جوانی پێسە کوشتانیت، هەڕەم تەوقەو سەرەو پیری

قەڵادۆشانو شێعرێمۆ چەمت مگنۆ بە بەرزایی
دڵت پەی چێشی وەش کەردەن بە ساراییو سەرەوچیری

چەمم نەگنۆ پەنەت شێعرێم پێسەو وێم ناوەشێ مگنا
ئیتر دەرمان و دەردێمان مەگەر ژوانو یەکانگیری

هەسارێو شێعرێ مگنا ڕا، چەنەم وەرمی مسانانێ
مەلۆ، تۆزێوە ڕەحمت بۆ، بە دێوانێوە زەنجیری

#پەرویز  بابایی

کافرو 
گەبروو یەهوودی چەماتەنا

مۆسڵمان

لاقەراخوو شەرعەیتەرە
نگاهێ....!!

#جەواد/فێــــــــراق


قەسەم
،،
قەسەم بە یادٚی، هێجرانی یاران
سەختا غەریوی،جە گۆشەی شاران

بە وەفا و سەفای دڵداران قەسەم
بە هەڵسی دیدٚە، چوون واران قەسەم

بە وەنەوشەی چەم، وەهاران قەسەم
بە عەتروو گوڵی، گوڵزاران قەسەم

بە نوورو ورچەی هەساران قەسەم
بە  مانگەشەوێ  شەوگاران قەسەم

بە سایە و سەیوەر،نساران قەسەم
بە وەرەتاوی ،کۆساران قەسەم

بە  نازاری ناز، نازاران قەسەم
بە زەرق و بەرقی ،بازاران قەسەم

بە ئەشق و بەشقی ڕەشماران قەسەم
بە دڵەی ئاشق بیماران قەسەم

بە چارەی ناچار بێچاران قەسەم
بە ناڵە و نرکەی خەمباران قەسەم

قەسەم پا کەسەی، هەر وێش ساقییەن
ئەشقت تا ئەبەدٚ، جە دڵ باقییەن

دڵ جە فێراقت ،نیەنش قەرار
هەواری ئەشقت ، هۆرش دان دەوار

دڵ هەر سات یادٚی ،تۆش هەن جە خەیاڵ
چەم چەمەڕای تۆن، یاری پڕ جەماڵ

#موحەممەد خدری (ئەدیب)


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، په‌رویز بابایی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥۰)،
نوشته شده در تاریخ جمعه 4 بهمن 1398 توسط همایون محمدنژاد

سپاسنامەی آقای همایون محمدنژاد از مدیران سایت ها،کانال ها،فعالان فرهنگی،شاعران ،نویسندگان و ...بابت انتشار ترجمە"کناچێ نەتەرسە"بە زبان هورامی 

دەسوەشی پەی سایتەکا، کاناڵەکاو:

پاوەپرێس،سلام پاوە،زریبارخبر،مریوان خبر،سروآبادخبر،ژاورودخبر ،نالوس باس ئەشنویە،هەورامان تەخت  ،هەورامان نیوز،ئەنجومەنوو ڕۆجیاری،میرزاسەعدوڵڵا خەدیری هەجیجی،دەگاوتەختەی،دەگاو زۆمی ،چرپەوپاودەنگێ،زاوەرخەبەر،هەورامان۲۰۲۰،هەورامان هانەبەرچەم،Beyadojara بە یادٚوو جارا، چەمەڕا،ئەسپەرێز،دبیرستان پسرانەشاهد مریوان(دورەاول)،هەواروونەسەناری ،پاڵنگانەکەم، ،پاڵنگان ،ژان ،ژیوار ،خاندان اردڵان،دەگاو گواز"ی،هانەگەرمڵە،کێمنە،دیارکهن(سلێن)،اوملکان(عبدالملکی ها،هەورامیەکاو سەرنیشتوو ئێرانی)،ئێمە هەورامیێنمێ،هەورامیانه،وێنەکاو چەشمیەری،اشعار نصراللە کنعانی،زایەڵە،کانون نویسندگان غرب کشور،ژنین خبر،خبرگزاری ایرنا،وبسایت درحاشیە،خبر فارسی،خبرگزاری کردپرس،بورس نیوز، تی نیوز،باشگاە خبرنگاران جوان،ئەهوورا،دانشنامەو هەورامانی،دەگاو"دەل"ی

وەشەویسا:میلاد یووسفی، مەسعوود موتیعی،سوهەیب زەربان،فەرهاد ساڵحی، فەرزاد ئەداک،بێهرووز موحەممەدپوور(شارۆ)،مێهران ئه‌حمه‌دی،ڕەئوف مەحموودپوور،سەیوان ئێبراهیمی،ناسر ئەخدەر، موحەممەدوەلی کاکایی،ڕەسووڵ مەحبوب،فارۆق سوبحانی،شیرزاد نیکخواە،صباح حەسەنی شیانی، سەرکەوت عەزیزی،مەهدی سەرمەس،فەرزاد ئەداک،کوورش یوسفی،ئەمین حاجی زەڵمی،موحەممەدشەریف عەلی ڕەمایی،کوورش ئەمینی،دوکترمەهدی جەهانگیری عەبدولمەلکی،نەجیب ادوایی،مەریوان قادرپوور،موسلێم ڕوستەمی،عەلی تەیێبی،موحەممەدوەلی کاکایی،نەسروڵڵا کەنعانی،وریا حەیدەری،موهەندێس موحەممەدرەشید ڕەشیدی،ڕامین موحەممەدیان،مەسعوود زاهێدی،عەلی قوربانی،عەبدوڵڵا عەبدی،سوهراب مورادنیا(سیاوکام)،حامی نیکبەخت عەبدولمەلکی،عادڵ حاجی عزیزی،سوهەیلا ئەردەڵانی،سەیوان خویووز،سەیوان موحەممەدی،یادگار ئێسلامی،ئازاد ڕەحیمی،ئەرشەد ئەتابەک،پەیمان خالقی نیا و وەشەویساتەری ... 
براتا:#هومایون موحەممەدنژاد

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، هومایون موحەممەدنژاد، کوورش ئه‌مینی، بێهرووز موحەممەدپوور(شارۆ)، موحەممەدشه‌ریف عه‌لی ره‌مایی، سوهراب مورادنیا(سیاوکام)، کوورش یوسفی(ئاریا)، سه‌باح حه‌سه‌نی شیانی، سەیوان ئێبراهیمی(گوازی)، مێهران ئه‌حمه‌دی، دوکترئافراسیاب جه‌ماڵی، میلاد یووسفی، حامی نیکبه‌خت عه‌بدولمه‌لکی، ئه‌مین حاجی زەڵمی، موحەممەد وەلی کاکایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،سپاسنامەی آقای همایون محمدنژاد از مدیران سایت ها،کانال ها،فعالان فرهنگی،شاعران،نویسندگان و ...بابت انتشار ترجمە"کناچێ نەتەرسە"بە زبان هورامی،
نوشته شده در تاریخ یکشنبه 29 دی 1398 توسط همایون محمدنژاد
کەلەبەروو شێعرا(۱٤۷)

حەشا دیدٚار

ئەسیر و باڵ بەسەی ژینم،جە گیان بێزار تەوەسیانا
تەقان تای تاقەت و سەبرم، جە ئێنتێزار تەوەسیانا

ئەچی دنیا جگەم دادٚی،نەدٚیم جارێو وەشی و شادٚی
خەما پۆس و جل و بەرگم،جە رۆزگار تەوەسیانا

ژەن و ئەولاد برا و واڵە کەس و کارم بە یاگێ وێش
جە ئەغیار و بەر و هامسا و دۆس و دڵدار تەوەسیانا

چمان خولخولە خولیەوە ڕوێ سەدٚ جار بە دەوروو وێم
گەمەی ژین و ژیانوو من بیەن تێکرار تەوەسیانا

گەمەی قومار چەنی ژینی ئێتر پەی من نیاش مانا
لوان عەمرم مەتاوونە کەروو قومار تەوەسیانا

زەلیل و زامزەدە و زارم زەمینگیر و گرفتارم
ئەجەڵ بۆرێ گەرەکما وێم بکێشۆ دار تەوەسیانا

عەزابی ڕۆح مدٚۆ بوغزم کە وەی تەور زێندەگیم باختەن
خەتاباری و نەزانکاریم کەروو ئێقرار تەوەسیانا

وەلێ ئەر سەدٚ گوناهم بۆ بزاندێ سادٚەگیم نەویەن
جە من ئێسرار جە دڵ ئێنکار خودٚا هاوار تەوەسیانا

ڕەفێقان یاوەران یاران درۆن عەهد و وەفا و پەیمان
جە دەس یاری خەلافکار و خیانەتکار تەوەسیانا

هەتا هیزی بە گیان و دڵ جە عەشق و عاشقی واچێ
بە زاهێر بێ وەشەسیاییش، حەشا دیدٚار تەوەسیانا

چکۆن شاعێر بە سوزی دڵ ڕەدیف و قافیە تاشۆ؟
جە شێعر و غەزەڵ و ئەشعار ، نەبۆ شوعار تەوەسیانا

#موحەممەد خدری (ئەدیب)

وەشەسیایش دڵنە 

          پەنگش واردەنۆ     

لەفزم ترەکۆ

        عاشق کەرۆ شارێوە

# شارۆ
۹۸/۱۰/۲۲


بڵێسەی ئایێر

ئاوەردەن پەی من موسحەفی پڕ نوور
دەردە دارەی بێ  وە  دەورانەی  دوور

وە جەمع زوڵمەت مەردمش گیرەن
هەر ناڵەی  وە  دڵ بەند  زەنجیرەن

تا جە وەخت وێش تەبەر وە بوتخان
 یاگە وە زەربەی خەلیلوڵڵای  دان

عاقیبەت فتوای کوشتار ئەو بۆ
ئایێر بەو سزای ویەردەی شەو بۆ

سەراپای جەستەش وە ئایێر تلیۆ
وە  فەرمان حەق  گوڵستان  کریۆ

نامێش بەو وەفا وە ئەعلا بەردەن
ئەجرە بەو فەرمان ئێتاعەت کەردەن

بەڵام سەد زەمان،سەد کەس شی وە دەس
ئایێر گوڵستان نەوی پەی گرد کەس

عەجەب وە خاسان مەردەی وە هەر تەور
سەد عەجەب ناپاک مەنەن وە هەر دەور!

ئاخ کە بڵێسەی ئێرەکەی هێجران
هەر سات وە تەورە جەسەم وە گڕ دان

هەوای سەرد و سڕ ،خەزانێ نامەرد
بۆی سفتەی ئازیز ,بەردوو لواو شەرد

فەڵەک  چ  وادەی  ئەلوەدای  یار بێ
یا ڕەب چ حاجەت ، یانێ چ کار بێ؟

کام فام وە تەسلیم بەو حزوور دڵ
ڕازیەن وە گڕ ،گوڵ وە جەمع گوڵ؟

کام بەزم شادی ئامێتەی خەم بی
چوون دەنگ بەراوەرد تێکەڵ وە تەم بی؟

کام ڕای زەبوونی،کام ڕای وە خەیرەن
چی سزای خاسی سۆتای وە ئەیرەن؟

وە ناوەخت تەسلیم حوکم یەزدان بی
وە یاگە ئاسەی جەمع یاران بی

تەقدیر بەدٚشۆم ، نەکەردەی حەیات
خەجڵەت بار وێش گەردوون بەدٚزات

 "لهۆنی" ئێشەو تۆش وە یادٚ ئامەن
  یادت تا وە حەشر  زەنجیر  پامەن

#هووتەن زوورئەسنا-لهۆنی




طبقه بندی: فرهنگی و هنری، ادبیات/شعر، زوانی هه‌ورامی، شهرها و روستاهای هورامان، بێهرووز موحەممەدپوور(شارۆ)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۷)،
نوشته شده در تاریخ یکشنبه 22 دی 1398 توسط همایون محمدنژاد
کەلەبەروو شێعرا(۱٤٦)


  (من و خەمیار)
دڵێو کە ئەشقی ئێمزا ڪەردە بۆ
مشیۆ  وەهارش گـــەڵا زەردە بۆ

کاروانوو دووری ڪەردە بۆش کارێو
گردوو دڵوەشی بێ ڪەس مەردە بۆ

چە سەختا یاوای ئاسانەو چەمات!
وەختێ ســەرتاپام چێگه دەردە بۆ

سەختا دیدٚارت حەرام کەریا پەیم
ئینە  ڕازەنــە با نـە پــەردە بۆ!!

تاڵێو چا زڵفا بەش دەیش شەماڵی
تاکەی دڵ پەی تۆ وێڵ و هەردە بۆ
----------٭٭٭٭٭----------
#خەمیار_هەورامی

دڵێو کە بە ئەشق ئێمزا ڪریا بۆ
شەهادەو وەفایش وەنە دریا بۆ

گەنجوو دڵداری ، زاڵمان ئاسا
بە دەسوو چەتەو دووری بریا بۆ

ئەرسەدٚ سەخڵەت بۆ دیدٚاروو چەمات
دەروون  بە شەراو دووریت گریا بۆ

ئەگەر بە یاساو بێ عەداڵەتی
مافم پاماڵ بۆ ، هەقم وریا بۆ

سەدٚ ئەننەتەریچ لوومەم کەرانێ
تەپڵوو  ڕسوایم نە عام زڕیا بۆ

فیراقوو دووریت ڪەردە بۆش کارێ
ئاسانەو تاسەیم تەمام وڕیا بۆ

ئەر"سیاوکام"یچ (خەمیار)ران ئاسا
بە داموو توغرایت ئەسیر ڪریا بۆ

مادام تۆم هەنی دڵوەشنا پەنەت
ئەرسەدٚ جە دووریت جەرگم بڕیا بۆ

#سۆهراب_مورادنیا "سیاوکام"

۹۸٫۱۰٫۱۷کۆچی ڕۆجیاری


گیان مەسپارە 

       پەی ئەولاو هەسارا

سەرە نامنەرە و

            لکە زەمینی!

#شارۆ
٥ـ۱۰ـ۱۳۹٨



طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، سوهراب مورادنیا(سیاوکام)، حێکمه‌ت موحەممەدی(خه‌میار)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤٦)،
نوشته شده در تاریخ جمعه 20 دی 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 14 :: 1 2 3 4 5 6 7 ...