حەفتەنامەو ئاواتی شوماره‌و68 ی- بە بابەتوو نویسەرا و شاعێراو هەورامانی ڕازیاوە
"   مۆزەفەر بزۆرگ ئۆمید-حافێز ئه‌حمه‌دی(سەروەش)  -فەرشید ڕوستەمی-

#شماره68/سال دوم -تاریخ16بهمن ماە 1396"
هه‌ورامان هانه‌به‌رچه‌م
هه‌ورامان هانه‌به‌رچه‌م


ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، آموزشی، حافێز ئه‌حمه‌دی(سەروەش)، شۆرش عه‌زیزی/"ئاوات"، فه‌تحوڵڵا ڕه‌زایی، فەرشید ڕوستەمی، مۆزەفەر بزۆرگ ئۆمید،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،
نوشته شده در تاریخ سه شنبه 17 بهمن 1396 توسط همایون محمدنژاد
ئەودیموو مانگێ، ئەودیموو هەورامانی ڕەخنە سەروو ڕۆمانەو"ئەودیموو مانگێ" نویستەو حافێز ئەحمەدی:کاکه فەرشید ڕوستەمی

هه‌ورامان هانه‌به‌رچه‌م


ماوێوە چێوەڵتەر بە هەواڵوو چاپ بیەیۆ چن ڕۆمانا بە زوانی هەورامی ئاگاد٘ار کریانیوە و فرە وەشحاڵ بیا ئی جم و جۆڵە کە ئی دمایین ساڵانە کەوتەننە هەورامان بەردەواما و ئا کەسێ کە دەسوو نویستەیشا هەن هەمیشەی منویسا و هەوڵ مد٘ا ئەگەر قسێوەشا بۆ پەی واتەی باراش سەروو کاغەزی.
یۆ چی کتێبا کە چی یەک مانگەنە وەڵا بیوە ڕۆمانەو "ئەودیموو مانگێ" نویستەو حافێز ئەحمەدی بێ. وەڵتەر ڕۆمانێوە تەرەش بە نامێو " نیمەشەو بێ " چاپ کەردێنە کە بێ دەنگ نەنیشتەنارە و سەرش قسێم کەردێنێ چەنوو وێش، هەرچن  پێسەو وتاری نەبیەن.
یۆ چا ڕەخنا کە فرە دیاری بێ سەروو " نیمەشەو بێ " فرە بیەیو جەنبەی ڕۆمانتیسمیش بێ کە یاگێش نەبێ ئا چیدمانە دلێو کتێبێوەنە بە سەبکی ڕەئالیسمی.
هەمیشەی هەورامان پەڕ بیەن چا چێوا کە تاوا با بە سووژە پەی شێعرێ، ڕۆمانێ، شانۆ، کوڵە داستان و مینیماڵ و سەبکە ئەدەبیەکای تەری. کەسێوە پێسەو عەباس مەعرووفی سووژەو ڕۆمانەکاش ئننەو وەڵاتوو هەورامانی قەویێ نیەنێ کە تاوانش ئا شاهکارا دڵوو ئا فەرهەنگینە بەر بارۆ و حەتتا جبەروو ئێرانیچەو جایزە گێرا.
من ئەجۆم حافێز ئەحمەدی وەڵێو ئانەینە ڕۆمان نویس بۆ شاعێرا. چوون بە پاو شەرایتی و وەزعیەتوو ئارۆ و شێعرێ هەرچن ئینانا چەنوو ئانەی کە غەزەڵە مۆدش لوان مەبۆ بنویسیۆ، بەڵام حافێز هەمیشەی جیاواز نویستەنش و نەوعوو نویستەی وێش شێعرەی کلاسیکەنە دیاریش کەرد٘ەن. یانی شاعێرێوە عالتەرا تا ڕۆمان نویسێوە عالتەر.
 بێ شک مشۆم بە وینگایێوە نسبیەوە بد٘یەیمێ پەی ئێ ڕۆمانە تازێ.

ــ پاسە دیارا ئی دوە ڕۆمانە هەردوە سەبکی ڕەئالیسمنە نویسیێنێ. یۆ جە هەدەفە ئەسڵیەکاو مەکتەبوو واقێع گەرایی ئانەن کە نویسەر یا شاعێر دووری گێرۆ جە تەوسیفاتی خیاڵی و ڕمانتیکی و ئەوپەڕوو هەوڵوو وێش بدۆ ئا چیوا کە وجوودی خارجیشا هەن و ئیدئاڵیکێ نیەنێ باسشا سەر کەرۆ. ڕۆمانەو نیمەشەو بێ ـ نە ئینە ڕەعایەت  نەکریان و هەم خودوو نویسەری کە یۆ جە ڕاویەکان و هەم باقی و ڕاویەکا شەس درسەد٘وو قسەکا واقع گەرایانە نەنویسیێنێ ، یانی کامڵەن ڕۆمانتیک و شاعێرانە. هەر ئینە بی بە باعیس کە لەتمە بۆ وەنەو ساختاروو ڕۆمانەکێ. بەڵام ئینە ئەودیموو مانگێ ـ نە کەمتەر مێ وەروو چەمی و بڕێ یاگێنە ئەسڵەن نیا. هەر ئینەیچ بۆ بە باعیسوو ئانەی کە بە مەراتب ئی کارە لەحازی نەقدیرە قەویتەر بۆ جە ڕۆمانەی وەڵینێ.

ــ یۆتەر چا خاڵا کە ڕۆمانەی ڕەئالیسمەنە نویسەرەکا گێرتەن وەروو چەمی و ورد٘ە ورد٘ە تێئۆریزە کریان ئینەن کە بلی قووڵایی و جوزئیاتیرە و فرەتەر ئا چیوێ کە باس کریا شی کریاوە. مەسەڵەن ئەگەر کەسێوە کە حسەین دڵاراما ( موحەممەد سەفا بەخشی وەڵین ) و تاوی واچی شەخسەیت ئەووەڵوو داستانێن، لای کەم مشۆم نویسەر کوچێ شکڵیش تەجەسسۆم کەرۆ. باری باتێنیشرە کریان وەلێ زاهێریرە فرە کەم و وانەر وەڵوو ئانەینە بەشەری جە لەحازی باتێنرە و ڕۆحیرە بژناسۆ لازما کوچێ زاهیریش جە گردوو حاڵەتەکانە تەجەسسۆم کەرۆ. ئی دوە تەنیا مانانە و وینگای فەلسەفینە فرە پێوەنشا نیا پێوە وەلێ چێگەنە تەقریبەن با بە لازم و مەلزووموو هەنترینی.
 ئی ڕۆمانێ چوون ڕەنگێوە وێمانەش هەن و حادسێوەن کە پەی شەخسیەتاو ڕۆمانێ فرە مەلمووسا و چوون نویسەر گەرەکشا ئی پەیامێ یاونۆ بە گۆشوو فەرهەنگەکای تەری کە ئی مەقوولێ لاشاوە دوور و بێگانەنە مشۆم وانەری تا ڕادێوە تان و پۆ و حەرەکەتەکانە، تەسویرەکانە، ڕەوایەتەکانە و تکنیکەکانە خنیکنۆ. یانی فرەتەر قسێش پەی کەرۆ.

پەی نموونەی وەختێوە حسەین دڵارام شارەکاو ئێرانینە زیننانی کریۆ فرە سەخت ئا ماوەی ویارۆ و هەمیشەی خەموو ڕەفێقەکاش و یانەو وێشا وەرۆ کە ئیسە چکۆنێ و خەریکوو چێشینێ؟ ئایا مەنێنێ یا مەردێنێ؟ ئا هەدەفە گەورێ کە بێشا چەنی زوو تەمامیا و چێش بی ئاننە زوو مەڕیێ؟ حیزبیێوە ئاننە مچکلە و قەوی پا گرد٘وو کاراوە کە کەردێش چی زوو شێویا؟  پەس تاوۆ فرەتەر سەروو شکڵوو زیننانی قسێ کەرۆ، فەرقوو زیننانەکاو ئێرانی و ئێراقی و وزعیەتیشا چا وەختەنە شی کەرۆوە. زیننانێوە پێسەو ئەمنە سوورەی جە سلێمانینە بیەن بە سەمبۆل و چیوێوە فرە عەجیب. نویسەر تاوێ مەسەڵەن چن تەسویرێ جە زیننانەکاو هەولێری یا کەرکووکی پەی وانەری مجۆرە و ئینەی واچۆ کە تەنیا ئەمنە سوورە نەبیەن و چن یاگەهایێوە تەریچ بیێنێ کە ئادێچ پەی وێشا ئەمنە سوورێوە بیێنێ. ئەڵبەت ئینە پێشنیاروو منا و تەنیا مەبەستم ئانەن واچوو تەوزیحات موشەخخەساتی زەمانی و مەکانینە کەما و ئەگەر فرەتە بیێ خاستەر وانەری بەسسێوە و بێ بە باعیس موخاتەبی تەممەڵ و موخاتەبی زرێنگ و حێرفەیی وەشتەر دەرکی موتڵەق و جوزئیشا بۆ جە ڕۆمانەکێ.

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، حافێز ئه‌حمه‌دی(سەروەش)، فەرشید ڕوستەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،ئەودیموو مانگێ،ئەودیموو هەورامانی ڕەخنە سەروو ڕۆمانەو " ئەودیموو مانگێ" نویستەو حافێز ئەحمەدی :کاکه فەرشید ڕوستەمی،
نوشته شده در تاریخ جمعه 17 آذر 1396 توسط همایون محمدنژاد

هه‌ورامان هانه‌به‌رچه‌م

بە پاو هه‌واڵوو'هه‌ورامان هانه‌به‌رچه‌م'ی
"ئەودیموو مانگێ"ڕومانەو
کاکەحافێز ئەحمەدی ڕوانه‌و بازاری بی

ئەودیموو مانگێ"
ڕومانەو (ئەودیموو مانگێ) بە قەڵەموو (حافێز ئەحمەدی) جە 170 لاپەلێنه بە ئومێذوو خوذای  جە لایەنوو نەشروو ئارمان نگاروو تارانیوە تا دەوهوموو ئی مانگێ (ئابان) مێ بازار.
ئی ڕومانێ جە ساڵەکاو 1988 تا 1999ی میلادی قۆمیۆ و ئەچی بەینیچنه شیمیاوارانوو هەڵبجەی گێرۆنە ڤەر. ئەڵبەتە شیمیاوارانوو هەڵەبجەی تەنیا بەشێوە مچکلەو ئی ڕومانێ گێرۆنه ڤەر و مێحوەریەتوو ڕومانێ نیا سەرشەو. هەرچن کە تەقریبەن تاڤوو واچوو هەشتا جە سەذوو ماجەرایاو ڕومانێ بۆنەو ئا شیمیاوانیوە مێنێنه ڤەر، بەڵام مێحوەریەتش ئینا سەروو حێزبێوە کە بۆنەو جەنگوو ئێراق و ئێرانیوە وەش بیەن. (سووشار) حێزبێوە دە نەفەرەن که حسەین دڵارام فرماندەشا و نۆ تەک تیر ئەندازێ‌تەر ئەچی حێزبنه پێسەو دە ڕەفێقه گیانیا و دە برایا پەی شەرەف و نامووسیشا گژیا و بڕێوەشا گیان مذا.
ئەودیموو مانگێ دوێ دیمێو مانگێنێ کە یۆشا چەرمەن و یۆشا سیاوا، بەڵام حەقێقەتنه هەردوە سیاوێنێ و فرەش پەنە مشۆ تا حسەین دڵارام ئینەیە زانۆ. ئەودیموو مانگێ داستانەو ژیوایو حسەین دڵارامی و حێزبوو سووشارینه. بنەمایێوە تارێخیش نیا و  نیمە تەخەیۆڵیەنە و تەنیا هۆو ئانەی کە ساڵانوو 1988 تا 1999ی دیاری کریان پەیش ئانەن کە ئشیێم مقەدەرێوە گەورە پێسەو شیمیاوارانوو هەڵەبجەیش بیێ چەنە تا ساختمانوو داستانێ شکڵش گێرتێ.
بە ئاواتوو ئانەیوە یاوۆ دەستا و شمەیچ پێشوازیش کەردێ چەنە و تەنیاما نازدێ...
یاگێشنه دەسوەشانەو کاکە عەدنان مورادی کەروو پەی ونارایو ڕووبەرگەکەیش.

*********************

بە گزارش 'هه‌ورامان هانه‌به‌رچه‌م'،

رمان"ئەودیموو مانگێ"به زبان هورامی

نوشته آقای حافظ احمدی

نویسنده و شاعر هورامان؛ وارد بازار شد 

 

این رمان در(170) صحفه و از سوی انتشارات"آرمان نگار"تهران

منتشرشده است.


هه‌ورامان هانه‌به‌رچه‌م



ادامه مطلب

طبقه بندی: اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، حافێز ئه‌حمه‌دی(سەروەش)، عه‌دنان مورادی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،"ئەودیموو مانگێ"ڕومانەو کاکەحافێز ئەحمەدی ڕوانه‌و بازاری بی( "ئەودیموو مانگێ" رمان آقای حافظ احمدی به زبان هورامی نویسنده و شاعر هورامان وارد بازار شد)،دنبالک ها: هه‌ورامان هانه‌به‌رچه‌م،
دنبالک ها: کتابخانه‌هورامان،کتێبخانه‌وهه‌ورامانی، یانه‌وکتێبووهه‌ورامانی، خبرگزاری پاوه پرس،
نوشته شده در تاریخ سه شنبه 2 آبان 1396 توسط همایون محمدنژاد

هه‌وارگاو غه‌زه‌ڵێ هه‌ورامیێ
جە قاپیو حاتەمی تایی بە مەحروومی مرای مرمێ!
شەفاخانەو عەلی سیناین؟ بە مەسموومی مرای مرمێ!

نەکریانۆ بەرەو قونچاو دڵیما تا گوڵێ بزیا
زوان بەستە و وناڵین دڵ بە مەکتوومی مرای مرمێ

جە وەیشوومەو زەمانەی ئی جەواهێر دانە بێ خەوشێ
کەساسا قیمەتش گەوهەر بە سەرشوومی مرای مرمێ

حوسەیننمێ جە دەشتەو کەربەلای ڕاسەو مەرامیما
بە کۆچ و کڵفەته‌و سەرجەم بە مەزڵوومی مرای مرمێ

بە یارۆی وێ ورەش ئاخر خەبەر یاوۆ سەرەش شۆڕا
خەجاڵەتبار مەنۆ، ئێمە بە مەعسوومی مرای مرمێ

هەتا دنیا جە دەوران بۆ بە وەشنامی ده‌وامم هەن
نەرەجیابۆش هەروو ئاغەی، بە مەختوومی مرای مرمێ

مەدٚەیمێ چۆک وەروو زۆروو بەگ و خانینە تا مەنمێ
سەروو پایاوە مدرارە و بە قەییوومی مرای مرمێ

چەنی « سەعدی » سەرێوما دا تەوێڵێو خەڵوەتوو پاکا
بە یاساو مەیکەدەو عەشقی بە مەعدوومی مرای مرمێ

#سەعدی غەریبی


نه‌تەرسی تۆ

ئه‌گەر یاوای  به ‌پاییزی دڵش  به‌ردی  نه‌تەرسی تۆ
ئه‌گەر وایێ وەرش گێرتی به دڵ سەردی نه‌ترسی تۆ

پڕا  سه‌وزی  ،  گلاوێژت  ئه‌گه‌ر  یاوا  سەروو  بانی
جه ‌ڕه‌نگەو شێڵه ‌ڕوخسارێوه ‌نامەردی  نه‌تەرسی تۆ

کڵاوەو  ناسکەو  خۆنچەی  ئەگەر   کنیاوه‌  باخێنە
هه‌ناسه‌و ڕۆجیاریت هه‌ن،جه بێگەردی نەته‌رسی تۆ

قیاموو  قامه‌توو  هه‌وری  خجڵنۆ  تاموو ئاوازا
به  ئاوازێوه‌ پاییزی  بیه‌ی  هه‌ردی  نه‌تەرسی تۆ

چڕوو  شاخێوه‌  بێ بەرگی  سه‌روو  بانوو  خیاڵیته‌و،
ئه‌گەر دارێ وه‌شەسیایی شلەش کەردی  نه‌تەرسی تۆ

شه‌پۆلەو   به‌حروو  دڵته‌نگی    لوا  یاوا  به   کۆساری
وەهارت مەیوه ‌هه‌م دیسان دمای سەردی، نه‌تەرسی تۆ

#فه‌رید عه‌باسی


ئێشەو با بەی سەدٚاو سازیت کە سازم ساز نیا تۆریان
 سەرەم سازش زێڵ و بەمشا هەزارسازا دڵم مەڕیان

نەواو سازی نازەنینم جە ناسازی دڵیم ماچۆ
سێتاروو سازەکەیم هەمتەر پێوارا تەپڵ دڵ دڕیان

مەلوو ڕۆحیم جریوەش مەی کەویروو سینەی وێرانیم
سەروو ڕایشەو تەڵێو داما کەمین و حەسر دڵ کریان

هەزار ڕاز و نیازش هەن دڵەی ناسازگاروو من
جیا بازۆ بەیۆ ئەو بەر سەوای زوو قاوەکەش زڕیان

لوا ژیوای بە ناکامی مەوینی جارێتەر ئامایش
وەرێو یاوا سەروو زەردەی مەوازۆ شیوەن و گریان

دێرێو زانام چنی چەرخیا زەمانەش ئەی عەجەب لارا
نەزانابێم چەپا چەرخش، بێ ئاگا بی بەشت وریان

سەحەر زوو بوڵبڵی واتش وەسێن تا کەی مەزانی مەر
بەشت مشیۆ بسانینەش هەتا ئیسە مەگر دریان؟

ئەگەر ناڵەو دڵەی زاریم ئێشەو ماڕاش سپاو زامی
سەبر سەرشی هەتا کەی تر بە ڕاسی دیگ دڵ گریان

سیاچارەن بەدٚی تاڵەم جە ئاسمانەو بەڵام پەی مەی
ئەزەڵیا هەرچی هەن فەیسەڵ بەشوو وێتا پەنەت بڕیان

#فەیسەڵ  هێدایەتی

وەشا نیشتەی هەزارساڵێ شەوەو قەدروو چەماو تۆنە
جە ئامینوو تەماشێوێ من و حەشروو چەماو تۆنە

مەئێژا ئی هەناسێمە جە دووریتەو بەیانێ سەر
دڵ و دینم  لوا  وارە، دلێ  سەبروو چەماو تۆنە
 
جە وەربانگوو شەواو قەدری کەروو هاوار هەو دیدٚەم !
هەناسەم با بۆ قوربانی مروو نەزروو چەماو تۆنە

بە جانمازوو تەڕوو هەرسا هەزارێو لاڵیانەی بەی
تەمادٚاروو ئێشارەینا دلێ بەحروو چەماو تۆنە

دەسوودیموو شەواو قەدری ونەو هەرساو چەمی ماڕا
شنەو عەشقی! نما وانوو ڕووەو بەدروو چەماو تۆنە

#خه‌میار هه‌ورامی






ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، فەرید عەباسی(فەراز)، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، مامۆسا عەدەمی و فەیسەڵ هێدایەتی، جەماڵ قادرپوور، سه‌عدی غەریبی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،هه‌وارگاو غه‌زه‌ڵێ هه‌ورامیێ،
نوشته شده در تاریخ شنبه 18 شهریور 1396 توسط همایون محمدنژاد
که‌له‌به‌روو شێعرا(3)
تا جەفات مگنۆ خیاڵم  هەس بە دڵگیری کەروو
دڵ نمازۆ ئەر نە من هەر مامەڵەو ژیری کەروو

ساڵەهای ساڵ ویرەکێت سەبتوو خیاڵیمنێ ،عەجەب!
چارەکێ سەر شی جە هەر چێو هەس بە کەم ویری کەروو

وێم دە ساڵێن لاسەرەم چەرمەن خوەم ئامان پەنەش
تا سەرەو تۆم دی بە چەرمەی شیوەنوو پیری کەروو

گەر چی ساتێ دەنگ و تاوێ ڕەنگەکێتم مێ نە ویر
هورزە بۆ من ئیسە تاسەو دەنگ و تەسویری کەروو

خاڵەکێت ڕەنگەش پڕێنۆ و قیبلەگاما شێویان
کەعبەما با هەر سیاو بۆ عەزموو تەکبیری کەروو

چا سەعاتۆ دیمەنت تەئسیروو عەشقیش دان بە دڵ
چننێ ساڵێن ئەی عەزیز تەفسیروو تەئسیری کەروو

کافرش ماچانێ "سەعدی " زاهێد و سۆفی و مەلا!
با بلا ئاۮێ چەنی تۆ حەز بە تەکفیری کەروو
#سەعدی_غەریبی

قەوڵێوه پیایانە به وێم دانم ئەگەر بەی
سەرتاسەروو ئا ڕێتە کەروو گیانم ئەگەر بەی

نیمەو شەوە زەنگێنه ئەگەر گاوه نەوینوو
زەنگالێ کەروو پۆنه به ویژدانم ئەگەر بەی

هەرچن کە گەد٘ایێوە مەبۆ گەوره به زوویی
عاڵەم به سەفە چڕانێ به سڵتانم ئەگەر بەی

جەرگیم کەروو جەن جەن ئەگەرت مەیلوو کەبابین
مەر کێ جە تۆ سەرتەر بۆ به مێمانم ئەگەر بەی؟

سامانه شپرزێوەنە وەش وەش وەروو تل تل
لوتفا تۆ تلێ دەینه جە سامانم ئەگەر بەی

بەختەم به پەرێشانی لوا نامه کرۆڵێش
کێ ماچۆ کە من بەخته پەرێشانم ئەگەر بەی؟

وەختێوە فرەن ساچوو به خەپلێوه به وشکی
وەڵڵا به سەرە گنۆنه ڕوەن نانم، ئەگەر بەی...


#حافێز_ئەحمەدی

قوبگەو دڵێ
جە وێمەنە
غوربەتێوە پەلێ شانۆ
شار حەنناشنە وێڕس وەڵڵا
پۆ ڕەقەنوو بلواریەوە
غەریبانە
تۆوە گێرۆ
           ئەوجاخ هەڵای.
با چێچ نەبی و شێعرە پۆتۆ تاسێ چنۆ
با چێچ نەبی و وەروە پۆمۆ وەرم جاڕنۆ
با چێچ نەبی و وەڵات وێشرە وێش سەبوورنۆ
یاگەپا خۆ قوبگەو دڵێ گێرۆ سەمەر
سینەمایچ هەر
فیلموو جاڕێ پەشۆکیایی پۆ سانساشۆ
پۆ وێمەوە
وەروێ قورسە وەرزا پوونۆ
دڵ
کەنداوەو سەرئاو کەوتەی وزۆ حزوور
غۆربەت چەنەش خەیاڵێوە
ناڕێک چەنی ڕەوتوو ئاوێ
هەر هورلوای و دێوانە لۆژ
هەر هورئامای و مەستانە گێڕ
هەر شکۆفە و شەڵتانە قڕ
جە وێمەنە
غوربەتێوەم دەسنیشانا
ڕێکوو سڕی خاڵەو شێعرا
غوربەتێوە
پۆ فوارەو قوڵواردەینە
قازان قازان
یەخ و قرچە و سەمەرێ شێت وەنەم وارنۆ
تۆیچ نەزانی و
وێت دەی شێتی
تاسێ هەڵای حەوت ئەقلیمەش سەرگەردانین شۆنەو وێشرە!!
# ڕه‌ئوف مه‌حموودپوور

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، ڕه‌ئوف مه‌حموودپوور، مه‌هدی ئه‌بری(هه‌ورام)، سابیر عه‌زیزی، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، بێهرووز محەمەدپوور(شارۆ)، په‌رویز بابایی، فه‌رخۆنده شه‌یخی(کاڵێ)، سه‌عدی غەریبی، ئه‌مین حاجی زەڵمی، فەرشید ڕوستەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(3)،
نوشته شده در تاریخ دوشنبه 6 شهریور 1396 توسط همایون محمدنژاد

هه‌ورامان هانه‌به‌رچه‌م

بزرگداشت صیدی هورامی؛
شاعر وعارف بلندآوازه هورامان در شهرهورامان تخت برگزار شد

بە گزارش 'هه‌ورامان هانه‌به‌رچه‌م'،در روزچهارشنبه 18مردادماه ۹۶بزرگداشت صیدی هورامی؛ شاعر وعارف بلندآوازه هورامان در شهرهورامان تخت برگزار شد. این برنامه که به همت کانون بسیج هنرمندان، بخشداری، شورا و شهرداری هورامان تخت و دهیاری ویسیان برگزارشده، از شخصیت بزرگ شاعر و عارف هورامان، سخن به میان آمده و امیدوارشدند که برای سالهای آینده جهت بزرگداشت شامخ صیدی هورامی کنگره ای بزرگ برگزار شود.در ادامه مراسم از پژوهشگر برتر کشوری دانشجوی دکترای تاریخ آقای مظهر ادوای و صیدی پژوهان و فعالان و خبرنگاران منطقه هورامان و شهرستان سروآباد چون آقایان:رئوف محمودپور،محمدرشید امینی،ملاسیدمصطفی حسینی(ازنوادگان‌صیدی هورامی)، حسن عمرانی،حافظ احمدی(سەروەش)،خانم آمنه رحیمی(ژوان هورامی)،توفیق مرادی(ریبوار)،فرزاد اداک،فاروق ویسی منطقه تجلیل  شد.
هه‌ورامان هانه‌به‌رچه‌م

رئوف محمودپور

هه‌ورامان هانه‌به‌رچه‌م

آقای محمدرشید امینی

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، دینی ومذهبی، هومایون موحەممەدنژاد، ڕه‌ئوف مه‌حموودپوور، موحەممەدره‌شید ئه‌مینی، حافێز ئه‌حمه‌دی(سەروەش)، مەحموود ئەزەغ(ویلان بڵبه‌ری)، هۆشیار تەمجید، ئامینه ڕه‌حیمی(ژوان)، مامۆساسەیدی هەورامی، حه‌سه‌ن عومرانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،بزرگداشت صیدی هورامی؛ شاعر وعارف بلندآوازه هورامان در شهرهورامان تخت برگزار شد،
نوشته شده در تاریخ جمعه 20 مرداد 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 6 :: 1 2 3 4 5 6