یادٚێو جە مەرحووم کاکەموحەممەدی موستەفازادە/سەعدوڵڵا خوونخام 


ئیمساڵیچ، ئه‌چی زمسانه‌ سه‌خڵه‌ته‌و ژیوایه‌نه‌، جەمێوه‌ ‌بیێنمێ هەتاکو شه‌رت و پەیمانێوە کە وه‌ر جه‌ کۆچیت چەنی هەنتری بەستمان، تازەش بکەرمێوە. ئێگە قەبرسانو دارسێرانو مەریوانین. دیسان جەمو ویریارانو ویرچەمەو هۆرامانی جەمەن.

پانه‌یچەوه‌ که‌ تۆ نیەنی دلێ جەمێمانە و هەفت ساڵین دووریت بیەن بە یاگه‌هاڵییانێوی گه‌وره‌، 26و ئارگاو گرد ساڵێوە ڕۆحت مێمانیمان مەکەرۆ و مەکێشۆمان سەرو گوڵکوی نازار‌ێت.
دمایین دیدارته‌نه و په‌ی دیارده‌و هامبه‌شیمان‌ فەرماوات; «یه‌ک‌ چێوه‌ن که‌ ئێمه‌ش جه‌موه‌ که‌رده‌ن و جەموە مەکەرۆ. وێ ئاگاهی و ئانه‌ که‌ هه‌نمێ.»

هەر چه‌ند تۆ نیەنی بەڵام دڵ وەشێنمێ بە تیژەو ڕۆجیاری که‌ سات به‌ سات هەورە سیاوەکان مەدۆ لاوە و وێش مەوزۆنەوە دیاری. ئەچێگەنە و ئەچی زه‌مانه‌نه‌ ویریاران حەماسەی بەرزشان گێرتەن دەسشانوە و باسو ده‌ریاو تاریخی مه‌که‌ران. په‌یامه‌که‌ت یاوان و فامیان. دەنگو ئاهوورایی وه‌ڵاتی مەرزەکانش ویاران و ته‌نانه‌ت موزەو لووریچه‌نە لاپەڕێ و نامێ مەیانوە جبەر و باسو تەلیلەو نیمەشەوانەو دڵدارانو هەزار و یەک شەوی و کەلیلە و دەمنەیمان جە ئەلئەزهەرو مێسرینە مارانوە وەرچەم.

ئەچێگە هیشتای فرێنێ جە وەرمو بێ وەرمینە نەچڵاکیانێرە و شەو ڕۆ داڵغەشان وێشان و نامێ وێشانەن و ئانه‌ که‌ چکۆنە نامێشان بریۆ و چکۆنە چەپڵێشان پەی کۆیا. بێ خه‌به‌ر ئەچانەی کە ئانه‌ ماریفه‌ت و باوەڕی پوڵایین و یەهەردارین که‌ ئنسانەکان گەورە مەکەرۆ.

ئه‌وه‌نه‌بریا پیسه‌و هه‌میشه‌ی، ئیسەیچ نامەکان ڕوانەو ڕۆحو پیران و گه‌ورامان مەکرمێ و قه‌ڵه‌م و ئاوه‌زو وێمان گرێ مه‌ده‌یمێ به کاروان و‌ وه‌رێسه‌و ماریفه‌تیشانوه‌: بابا یادگار، پیر بنیامین، پیرشاڵیار، مه‌ستووره‌ی ئه‌ردەڵانە، مەولاناو دڵان، باوا شێخو بێسارانی و خدری ڕواری... کە پەی ژه‌ماره‌یشان و وەسفیشان یەرێ دانێ نوقتێ مەنیەوره. یەرە نوقتێ کە هەمیشەی درێژتەرین قسێو عاڵەمی مەکەران....

ئیمساڵیچ ئامایمێ بواچمێ کە هیشتای سەرو ویر و باوەڕو وێمانوە مدراینمێ و سەوای ڕۆشنتەر جە ئاروی مەوینمێ. دەسمان دان دەسو هەنگەریوە و هەتاکو ئاسۆی بێ ئه‌وپه‌ڕین، پێسەو گرد ئنسانێو ئاوەزمەندی، سەربەرزانە و بێ باکانه‌ مەژیومێ و جە ڕا و مه‌رامی گەورەو وێمان لامان نه‌دان و نمەدەیمێ.

 « یادت بەرز و پیرۆزەن شاسوارو ویرچەمەو هۆرامانی»
#سەعدوڵڵا_خوونخام(شەهریار)





طبقه بندی: فرهنگی و هنری، اجتماعی، ادبیات/شعر، اخبار، تاریخ، موحەممەد موسته‌فازاده، سەعدوڵڵا خون خام(شەهریار)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،یادٚێو جە مەرحووم کاکەموحەممەدی موستەفازادە/سەعدوڵڵا خوونخام،
نوشته شده در تاریخ پنجشنبه 26 دی 1398 توسط همایون محمدنژاد
حەوت ساڵێ،حەفتاساڵێ ویەرد/هومایون موحه‌ممه‌دنژاد
یادٚێو جە کاکەموحەممەد موستەفازادەی 


ساڵەو۱۳۹۱ی،جە مەژگمەنە ، ویر نمەشۆوە، هەڵای واتە تامدارەکێش،جە دڵمەنە ،دەنگێ مدٚاوە : ئارگا! هەر ئانەش گەرەکا، سکەڵش گەش بۆ و گڕەو گەرمایش بڵێسنۆ ، خەمت نەبۆ ،ئاواتەکاو زوانەکەیما،وەهارەنە چووزە مدٚا.

 هەر ساڵێو ویەرێ ،وەهارەکاش هەراڵێش وەشتەر و سەوزتەر جە پاری تەنگیێنێوە جار جاریچ زقم و سەرداوسه‌خڵه‌ت، ئەشکوفەکاو درەختوو هەوارگایما، شۆکنێوە،هەرچن پژمەو دارەکەیما، چڵاکنێمارە،بەڵام ڕێخە و ڕیشەو دارەگەورەو حەوتەوانەو زوانەکەیما  هەزارساڵێن، جە زوان،فەرهەنگ و مەژگمانە، ڕێخێش پێکنەینێ .

شوکر پەی خودٚای ڕاویارەکاو  #حەوتەوانە، #چلتەن"ی یاوەینێ #سەرەئەنجام"و #هۆرگێڵنایەو #قورئان و حەدیس و #عێرفان، یاوا تاق و ڕەفەوو یانەکاما، #ئارۆ نوسخێ خەتیێ زوانوو #گۆرانی بیێنێ #بنچینەو نەک شێعر ،بەڵکووم نەسروو هەورامانی ، بەیدێ واڵە،برا،کناچە و کوڕووهەورامانی!

 هەتا هەنمێ پەی زوان و فەرهەنگەکەیما ، لاقۆرە هۆر بگێرمێ
خامەو :" #بنویسمێ به‌ زوانی‌هەورامی،   #بوانمێوه‌ به‌ زوانی‌هەورامی که‌ ئاڵاو قه‌ڵه‌می نه‌بڕیه‌ینه‌ باڵاو هیچ مێلله‌تێویه‌ره" ئینا باوشوو ڕاویارەکاو زوانەکەیما.

  #ئارگا

#هومایون موحەمەدنژاد

۲٦ئارگاو۱۳۹٨/مەریوان




طبقه بندی: اجتماعی، فرهنگی و هنری، ادبیات/شعر، اخبار، تاریخ، ده‌گاو زاوه‌ری/روستای دز‌آور، موحەممەد موسته‌فازاده،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،حەوت ساڵێ،حەفتاساڵێ ویەرد/هومایون موحه‌ممه‌دنژاد /یادٚێو جە کاکەموحەممەد موستەفازادەی،
نوشته شده در تاریخ پنجشنبه 26 دی 1398 توسط همایون محمدنژاد
جە نەبیەیت شش ساڵێ،شەست ساڵێ ویەردەن/هومایون موحه‌ممه‌دنژاد

ویرم نمەشۆ مانگەوئارگاو۱۳۹۱ی ، ئا زمسانه سه‌ردوسه‌خڵه‌تە،ئارگاو زوانه‌که‌یما،کوشیاوە و یانەو ئاوەزیما سەرد و بێ ڕۆح بی،خەم و خەفەت جە بیناقاقێم پەنگەش واردە بێ و هەڵای زوقم و سەرداوزمسانەکەی دلێ پێشەو ئێسخانیم خاڵەش کوێنە.

ئیسە ....شوکر پەی خود٘ای،دماو شش سالێ ،گڕ و گەرماو ئارگاو زوانەکەیما، جەسته و ڕۆحوو وانیارەکاش گەرم کەرۆوە.

دڵم وەش بیەن، چووزەو ئاواتەکاو #کۆچەری، ته‌نگیانه و ئاوه‌زوو زاڕۆڵه‌کاوهه‌ورامانی چووزه‌شا دان‌به‌ر و جه هه‌ر یاگێ وهه‌وارێ، فێرگاو زوانی مه‌رزیانه‌ره و هەلای که‌لامی وه‌شوو یاری:"بنویسمێ به‌ زوانی‌هەورامی، بوانمێوه‌ به‌ زوانی‌هەورامی که‌ ئاڵاو قه‌ڵه‌می نه‌بڕیه‌ینه‌ باڵاو هیچ مێلله‌تێویه‌ره"گێرته‌و قه‌ڵه‌م ونویسته‌ی به زوانوو ئه‌د٘اییمابێ، ته‌ژنایی وانیارەکا ماڕۆ، هه‌ڵای هه‌رسه‌و چه‌مام په‌ی دووریت‌ وشکێ نه‌بیێ نێ وده‌نگوو وه‌شه‌سیایت پێسه‌و سیاچه‌مانه‌ی ئینا یانه‌وگردیمانه.
ڕاست فه‌رماوا بێ،ئێتر مشیۆ جوانێ، هه‌رمانه‌ که‌را و زوانه‌که‌یما پارێزنا، فێرگاو زوانی هەورامی جە هەوارەکاو هەورامانی، هه‌رزه‌لەشا به‌ستێنه، و گردیما جە هانه‌چه‌مه‌کانت تێر ئاوەو حێکمه‌تی موه‌رەمێ و جه فێنکی واته تامداره‌کا، جه‌سته‌ و ڕۆحما شاد٘ بۆوه .
#هومایون موحەمەدنژاد
#ئارگا،قیبلەگا و ئەوەژیوای نەسری هەورامی
مەرحووم #کاکەموحەممەدی موستەفازادە 
هەورامان هانەبەرچەم



طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، موحەممەد موسته‌فازاده،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،جە نەبیەیت شش ساڵێ،شەست ساڵێ ویەردەن/هومایون موحه‌ممه‌دنژاد،
نوشته شده در تاریخ سه شنبه 25 دی 1397 توسط همایون محمدنژاد
مه‌ریوانه‌که‌مان

په‌ی وه‌رده‌نگاو زوانی هه‌ورامی، هامده‌نگ بێمێ،نه‌ک وه‌رپه‌نگ(۲)/هومایون  موحەممەدنژاد


گەورەتەرین خزمەت و شانازی جە وانای و نویستەینە ئانەن : بتاوی بە زوانوو وێت و وێمانە ، یام واتەنی زوانوویانەی، (ئەد٘ایی)، بنویسی و بوانیوە و پەی نەفەوتیای زوانەکەیت هەوڵ و تەقالا بد٘ەی.
زوانێو  مەنۆ  جە  ڕۆی دنیاوە
پنەش بنویسا و پنەش  واناوە
و پەی ئێژاوقازانجوو زوانی وێمانە، فارس واتەنی:
هرآن کس از زبان خویش درماند
نادان بود ، گر  دوصد زبان  بداند
بەڵام سەد٘حەیف و هەزارداخێ ویربەرزێو پێسەو فەردین هەورامی نەبۆ...قاسم بەگێ فرێ با و چن خەتێ هەورامی نویستەی ئاد٘یچ بە مەراموو وێشا و چەپڵەکوای هەمقەتاراشا نەبۆ ، قەد٘ر و ئێژاشا نیا....،مەرەجیۆشا لەهجەو دەگا و شاروو ئاد٘یی بنەڕەتوو زوانی هەورامیا،کە بە داخەو جە هاڵیگای قەسالەین و جە وەڵا کەرد٘ەو بابەت و نویستەکاشانە، دیاریشا دان،و وێشا ئەرمانان،ئەر قەرار بۆ،پەی سەلەمنا و هەر بابەت و باسێو یۆترین و یەکترینی وەرانوەر و  وەرپەنگ بزانمێ، هیچ خزمەتما نەکەرد٘ەن،تاوۆ واچوو ، پەنگ و پەکوو خزمەتوو زوانی مد٘ەیمێ،
*ـ نەسرنویستەی زوانی هەورامی ویەرد٘یوی فرەش نیا،بەڵام ئەچی دە ساڵەنە،تاوانش خزمەتیوی سەد٘ساڵە کەرۆ و ئەوەژیوای تازە جە زوانی هەورامی خێزیۆوە.

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، آموزشی، نوشتارهای همایون محمدنژاد، نویسندگان نثرنویس هورامان، هومایون موحەممەدنژاد، موحەممەد موسته‌فازاده، دوکترناجێح گوڵپی، سەیوان ئێبراهیمی(گوازی)، سەفووەت ئەمیری(کۆچەر)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،په‌ی وه‌رده‌نگاو زوانی هه‌ورامی،هامده‌نگ بێمێ،
دنبالک ها: هەورامان نت، کاناڵه‌و ئێمه هه‌ورامیێنمێ،
نوشته شده در تاریخ چهارشنبه 2 خرداد 1397 توسط همایون محمدنژاد
که‌له‌به‌روو شێعرا(11)


پێشکەش بە برای کوچ کەردەی
         موستەفازادە


هارەیێ بێ سامان ،چەۆاشەی چەپگەرد
بازجە هەورامان شاناش مورەیێ نەرد

مورەیێ شیوەنو ماتەمو هاوار
وست نە هەورامان، بێ پەروای غەدار

خاکی هەورامان ، کەرد وە یانەی خەم
بڕیش وە باڵاش سەنتوری ماتەم

بێ ڕەحمیش یاونا ، دەرەجەی ئەعلا
خامەش جە پەنجەی ئاوەز کەر جیــا

زانای ئەلف ولام بەرد نە تویێ گۆڵکوو
شعوری نەسری ، هەورامانم  ڕوو

نوسەری ژێرو ، ئاوەزدارم  ڕوو
فەڵەک هارەکەت لەتار لەتار بوو

تانو پۆیێ شێعرو نەسری هەورامان
بەردش وە سەرایێ مەولەوی نامان

سەر بەرد وە سەرایێ شاری خاموشان
بی بە ساحێب خەم ، هەورامی زوان

ڕەحمەت وە ئەو جا، ئەو‌سەراو مەکان
بەهشت جاگەت بو ، ڕوڵەیێ هەورامان

جەواد  ــ فێراق پایگەلان
  

‍ ئینەنە   جەفاو     دنیاو   بێ   بەقای

سەیاد٘ێ    لوای   ،   کـــۆڵیتێ   وڕای!

نە ژەرەژ  مەندەن ،نەدامگە  و  کۆڵیت

داخی  داخانم   وەتەن  پەی  چۆڵیت!

#سۆهراب مورادنیا


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، موحەممەد موسته‌فازاده، سەیوان ئێبراهیمی(گوازی)، جەواد حەمزه (فێراق)، سوهراب مورادنیا(سیاوکام)، هاشم موحەممەدی (بێدڵ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(11)،
نوشته شده در تاریخ چهارشنبه 11 بهمن 1396 توسط همایون محمدنژاد
بەرەو هەورامان

بەبۆنەو ساڵیادو موحەممەد موستەفازادەی

:کاکه موحەممەدشه‌ریف عه‌لی ره‌مایی

   ‌هورامان هانه به رچه م

کۆچ ناوەختو موستەفازادەی، ئێشێە دڵ تەزێن و تەماویش یاونا بە فەرهەنگ دۆساو هەورامانیبە تایبەت ئاکەسانە، خەموو بێکەسی زوانو هەورامیش بی و ئیستەیچ هەنشا.

موستەفا زادە گەرەکش بی ئایەخەویریە، کە هەورامانش جەبارەو نویستای زوانو هەورامیوە، بە تایبەت نەسری، هەورامیانە گێرتەنەرە، کەرۆش ئاوی وتایاگێە باوەڕ پەنەکریایش، سەرکەوتە بی

بە نویسیەی دوی کتێوی بە نامێ زوانی هەورامی و دنیای مدرن و نامە نویستای بە هەورامی، ئاراسیەشە سلەمنا، کە ئەگەر هەورامی پەنەش نەنویسیان، تەقسیر و ناتەوانی زوانەکەی نیەن بەڵکو خەتاو کەم کاری و ناشارەزایی ویمانەن به تایبەت قەڵەم بە دەسێ هەورامانی کە رایەشاگێرتێ بێ بە هەورامانی نوەرێ کە حەمەیو چاکەسانە بێ کە ئی بانگەواز شانە کەرد بە مەسداقو ئی شیعرە فارسیی کە ماچۆ :

ترسم بهمقصد نرسیای اعرابی                این ره که تو می‌رویبه ترکستان است

موستەفازادە بێباکانە و نەتەرسانە، دەنگش بەرزوە کەرد و پەی ئاگاداری خەڵکی جە حیچ تەقالایە درێخیش نەکەرد بێ شک جە هەورامانە نەیاگیە دیاری کریاش هەنە و پێسە و دڵسوزیە و زانایە نامێش بریو

ئێمە ئەگەر گەرەکما بۆ رۆحو موستەفازادەی شادکەرمێ تەنیا ئانەنە کە جە خزمەتو زوانو و فەرهەنگو ویمانە بۆمی وتاومێ دڵسوزانە خزمەتش پەنەکەرمییانێ هەورامانی نەکەرمێ پلێە پەی نیشان داێ ویما بەڵکو بە کۆمەک بەیوترینی و دوری جە حاشیە درۆس کەردەی و بە پشتیبانی فەرهەنگی ویەردە و هەورامانی تاومی خزمەتیە هەرچەندە کەمیش بو کەرمێ پێ زوانیە

به یاد و موستەفازادەی جە وەختو ویشە نە ئی مەتڵە بە نویسیا کە چیگەنە دوبارەش کەرووە

هەورامانت بەخەتیە

زیندە نویسییەن

نەبەوەرتاو کوشیووەو

نەبەواران شۆریوە

نەبە زەمانەیچ

شاریوە

چونکە خەتو

ویریە تازەین



موحەممەدشه‌ریف عه‌لی ره‌مایی
هه‌ورامان هانه‌به‌رچه‌م




طبقه بندی: فرهنگی و هنری، اجتماعی، ادبیات/شعر، زوانی هه‌ورامی، موحەممەد موسته‌فازاده، موحەممەدشه‌ریف عه‌لی ره‌مایی،
برچسب ها:هه‌ورامان‌هانه‌به‌رچه‌م-کتابخانه‌هورامان-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)-زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس شبک(شه‌به‌ک)-سنجار-کاکه‌یی-یارسان-ساور-نودیجه-زازا-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،بەرەو هەورامان /بەبۆنەو ساڵیادو موحەممەد موستەفازادەی :کاکه موحەممەدشه‌ریف عه‌لی ره‌مایی،
نوشته شده در تاریخ یکشنبه 8 بهمن 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 10 :: 1 2 3 4 5 6 7 ...