کەلەبەروو شێعرا(۹٤)

من خود٘ا پا گەورەیەم ویرۆ مشۆ ئەورایەنە
با تۆ هەر واچی قسێم ئی سوورێنە و ئا ئایەنە

هامنێ ئەر پەیت نەکریا مەردمی فێنکۆ کەری
مازە دەی زمسانێ خەڵکوو وێت مرا سەردایەنە

نانە کۆنەو هانە کۆن و کۆن بەهەشتت لامەسەو؟؟
ئا بەهەشتەت هەر درۆنەو، حۆریەکێچت زایەنە

ئەند٘ە خەڵکت تۆقنان متمانە کەی کریۆ کەسی
سێوەرم مشیۆ جە من تەرسۆ ئەچی تەنیایەنە

با دەلاقێ وازێ با خۆ ئاسێمان قینەش نمەی
ئاسێمان بەرزیش مەگەر ئینا بە خەڵک تۆقنایەنە؟!

خۆ یەک و دوو بۆ یەرێ، کەم ناقوو بدڕە واچە پەنج
پی خورافاتێ هەنێت، ئیناینە لێ ڕێسوایەنە

چی مەجازی تۆ بە کەم گیری وەشەسیایی کوشی
چی چەمێت وەختەن تەقا ڕایێ بلم وریایەنە!

چی گەرەکتا شاعێرێ بمرا نەوانا ئاشێقی
خۆ کناچێ شێعرێ ناقوو شاعێرانۆ هایەنە

تۆ گەرەکتا زوڵفێ وارانی نەوانێ، کەی مەبۆ؟؟
تۆ گەرەکتا ماچێ بمرانێ جە بێ ڕاوجایەنە

تێرەنی و یاگێت وەشەن، دنیا مەمانۆ پێسە پەیت
مەردمت گرد پەی مەکوشیۆ، نای جە هۆرێزایەنه!

#پەرویز _بابایی

شنەو شەماڵوو دەربەنوو دڵی
ئــــاواتوو گــــوڵا دەنــگوو بڵبڵی

وەشی وارانوو دەمی وەهاری
هەراڵەبرەمەو هەرد  و کۆساری

شەوبۆ و بۆژانە مەسوو بوەو تۆ
سوورە هەراڵە ماتوو خوەو تۆ

ئەڐای بێ وێنەو  گۆراڵە سوورا
بیەی تۆ پەی من کەشێو چنوورا

چی نەبوو فیداو جەمینیت گوڵم 
تۆ ماناو عەشقیت وستەنە دڵم

دڵ حەر بە فێد٘او ئێشارەو چەمیت
ئای پەی ڕوەکا وەشوو هام دەمیت

ئای پەی وەهاروو وەشوو دیەو تۆ
بــــیەو نــــەبیەم فــــیداو بـــیەو تـــۆ

خاس زانوو گوڵم ئامایت مەحاڵا
گرەوەی بێ مانان  لاڵەی بەتاڵا

چێولای تەنیایی چەنی خیاڵیت
یا وێ خەڵەتنای ئامای وێساڵیت

شەوبۆ و بۆژانە چنوور حەر تۆنی
باهـــــەزار ساڵـــێ ئــــێمە نــــەدۆنی

 #خەمیار_هەورامی
قاقوو ئاڵفەجاڕەو  شارو سیاسەتی!
پیرە بزەکا 
ماریفەتشانە ئاوردانیشاوە کاوێژ
قاترەکا
بەرزە فەخروو نەتەوی و ڕەگەزینە حیلنانیشا
تیکەلەوەڕو بێخیاڵی مەیەکانە ژاویانا
شەکەت و
مانیانا.

تەنیا تۆ فێنکەنی
وەنۆزیە تۆخسە
دوورە وەرهەڵایەنە
لاڕانیت چەنەم مەگێرۆنە
ویانێ.

#مەهدی ئەبری


ادامه مطلب

طبقه بندی: ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، عوسمان ڕەحیمی(مورید)، حێکمه‌ت موحەممەدی(خه‌میار)، په‌رویز بابایی، فاتێح سه‌عیدی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹٤)،
نوشته شده در تاریخ شنبه 11 خرداد 1398 توسط همایون محمدنژاد
کەلەبەروو شێعرا(۹۱)

ئی خەڵکە عەمرێن کە دڵ مەردێنێ
باخ   و   باخات  و  گردی  زەردێنێ

هەرمانەو هارەق متەی پەی ئیشان
ئانێ   تێرێ  با ،  مشتێ جەردێنێ

قەدیم ئی خەڵکە ئاوەز بێ و هازە
داخۆم ئیسە چێش حیزش کەردێنێ؟!

دەروونشا بیەن  بە کوورەو ئایری
هەناسە  کێشا   یۆ یۆ   سەردێنێ

ئەورایی پاسەش کەردەن بە خەڵکی
ئاواتەکێشا   ،    دڵنە    مەردێنێ

ئیسە نەی شۆنەو نانە لەمێوە
جە فیشەک لوخێشا ویەردێنێ

ئانێ پێسەشا کەردەن بە خەڵکی
مەر خود٘ا  زانۆ   چ   نامەردێنێ

#پەرویز   بابایی 

 خەم دەمش دڕیانەرە ، شاد٘ی کەسی مەدارۆ

هەڵمەو دەموو زمسانی چەمێ پیای بەر مارۆ

تۆزە مەتەکیۆ پەیما گژەو داخا نمازۆ

هەنارەکێ زەردێنێ کەس نیا باخی دارۆ

پەنجەرە ماتش کەردەن چیروو دیوارێ بەرزی

کەس ونەو مریچڵەکا ئی هەڵمەتێ مەوجارۆ

قەراخوو ڕاو وەهاری پەڕا هەرس، کێ ماچۆ؟

ئی زمسانە تا مەنەن ئەپی کەشا مەیارۆ!

من و مایەیوە بەرزەو چنارێ وشک و بێ گیان

ماچی وێم وزوورە وار تا نەکریانا دارۆ

تێخەی مەسانا ژیرێ  بڕا دەسوو زەمانەی

هەتا زمسانی پێسە کەس زاتش نەبۆ بارۆ

#فەرید عەباسی



ادامه مطلب

طبقه بندی: ادبیات/شعر، زوانی هه‌ورامی، فەرید عەباسی، په‌رویز بابایی، حامی غەریبی، قەیۆم دانشوەر،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹۱)،
نوشته شده در تاریخ سه شنبه 31 اردیبهشت 1398 توسط همایون محمدنژاد
کەلەبەروو شێعرا(٨۹)

هێجران بار تۆم ، هێجران بار تۆم
یە چننێ وەختەن، هێجران بار تۆم

دەروون پەڕ حەسرەت گرفتار تۆم
تەن خەستەو زەلیل هەم زامدار تۆم

ڕەنگ زەرد و زاییف پەی دیدار تۆم
لەب وشک و ڕەنجوور دەردەدار تۆم

وێڵ و هەراسان بەژن و باڵای تۆم
شێت و شەیدای ئەشق کاڵای ئاڵای تۆم

لەیلێ هەی مەجنوون، من مەجنوون تۆم
زڵێخای یۆسف، هەر مەمنوونی تۆم

شیرینم خوسرەو، من شیرینی تۆم
جە شیرین بەتەر تەژنەی دینی تۆم

پەی تۆ گوڵ ئەندام ، شەیدای مەدهۆشم
پەی تۆ چوون بارام، نمەد نە دۆشم

پەی تۆ سەرتاپام زەرد بیەن چوون بەی
ئێنتێزارەنان، تەشریف باری  بەی

ئیرادە کەردەن قیبلەم، ئەر تۆ بەی
کەرووت پایەنداز  نەی و مەی و بەی

#خاتوو جەهان ئارا پاوەیی

هەر کەسی وینوو سەراپا ورکەشا، حەیوەتیەنە
بەر نمەی دەنگش جە شادی بێ بەشا، حەیوەتیەنە

ئەر بدۆنینەش پەنەش واچی بچی بێ دەنگەنی
نەک شەقێش بگنا،پەنەت واچۆ وەشا، حەیوەتیەنە

ئەر پەنەش واچینە دا پا واڕۆ یاوی ڕۆشنی
واچۆ بەختەو ئێمەمانا هەر ڕەشا، حەیوەتیەنە

چن هەزاران ساڵێ بۆ ئینسان جە شاخ ئامارە شار
ئیسە ئەجیۆ مشیۆ بەرشم پەی کەشا، حەیوەتیەنە*

وەختێ بڕیە هەر مەیارا ڕۆجیاری دۆونا
ئەر وزیشا قەورە واچا چن گەشا، حەیوەتیەنە

بێ بەڵا نێسبەت گەڕۆڵێ بیدێ، نایدێ وڵیەنە
یەک زریکێندێ دەسوو گازەو مەشا حەیوەتیەنە

ئینێ عەمرێن حەز کەرانێ شاعێری بنیەونە لا
شێعرەکێم،نەک دەس وزا وەڵتەر،دەشا حەیوەتیەنە

#پەرویز  بابایی

* ئیشارە بە شێعرێوەو "فەریدوون موشیری"


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، په‌رویز بابایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٨۹)،
نوشته شده در تاریخ جمعه 20 اردیبهشت 1398 توسط همایون محمدنژاد
مجلەی دوماهنامەای بەیان مهاباد(بخش ویژەی زبان هورامی)در یک نگاە

 انتشار مقالات،اشعار،داستان و نوشتەهای مربوط بە منطقەی هورامان بە زبانهای هورامی و فارسی از نویسندگان،شاعران، فعالان منطقە چون:
آقایان:عادل محمدپور،محمدشریف علی رمایی، همایون محمدنژاد،پرویز بابایی،سبحان امینی،بهروز محمدپور(شارۆ)،مهدی فلاحی رستمان (سەرمەس)، هادی محمودی،انور ولدبیگی،یاسین محمدی تاوگوزی.خانم ها:ایران مرادی،نرمین گیوەچی،

مدیرمسئول و صاحب امتیاز دکتر اسماعیل مصطفی زادە،استاد دانشگاە، اهل شهر مهاباد،می باشند.

این دوماهنامە هم حاوی مطالب کردی کرما نجی،سورانی،کلهری در حوزەهای فرهنگی، اجتماعی در بر می گیرد.

اولین شمارە آن در آبان ماە۱۳۹۷و تاکنون ۳شمارەی آن منتشر شدەاست.

درشهرهای پاوە،مریوان،روانسر،سروآباد،هورامان تخت استانهای:کردستان،کرمانشاە توزیع شدە و در آیندە هم در شهرهای نوسود و نودشە و بقیەی شهرهای هورامی نشین توزیع می گردد.
جهت درج در شمارە جدید(٤)، مقالات، مطالب و آثارتان را بە آی دی 
Hawramyhomayon@
ارسال فرمایید.

سڵام و دەسوەشی پەی سەرجەموو ئا وەشەویسا کە پەی مەجەلەو بەیانوو مەهابادی ،مەقالە، شێعرە،کوڵەداستانە و...کیاستێنێ ،بە ئومید٘وو خود٘ای  دماو هۆرچنیای ،جە شومارە دمایینەکانە وەڵا کریاوە تایبەت: وەشەویسا
#سابیر عەزیزی
#حامی غەریبی
#ڕەحیم ڕەحمانی
#سەیوان ئێبراهیمی
#سەیێدڕەحمان مەحموودی
#تەیێب تاهێری
#موبین ساڵحی
#سوهراب مورادنیا
#کوورش یووسفی
#جەواد حەمزە(فێراق)
و.....

هەرپاسەیچ دەسوەشی جە #کاکەڕەحیم ڕەحمانی و #خاتووئێران مورادی پێسەو شۆراو بەشوو زوانی هەورامی کە جە شومارەو۳ مەجەلەکەی ،ئێمەشا یارد٘ی دەیمێ.
 دیسان سپاس پەی گردیتا/
براتا#هومایون موحەممەدنژاد



طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، مەجەلەو"بەیان"ی ـمەهاباد، نەرمین گیوەچی، حامی غەریبی، هومایون موحەممەدنژاد، عادڵ موحەممەدپوور، سابیر عه‌زیزی، موحەممەدشه‌ریف عه‌لی ره‌مایی، سوبحان ئه‌مینی، جەواد حەمزه (فێراق)، بێهرووز موحەممەدپوور(شارۆ)، سەیوان ئێبراهیمی(گوازی)، سوهراب مورادنیا(سیاوکام)، په‌رویز بابایی، ڕەحیم ڕەحمانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،مجلەی دوماهنامەای بەیان مهاباد(بخش ویژەی زبان هورامی)در یک نگاە،
نوشته شده در تاریخ دوشنبه 26 فروردین 1398 توسط همایون محمدنژاد
کەلەبەروو شێعرا(۷٦)

 توولە ڕایەو،کۆڵێ قۆرسوو، چن سەعاتێن وادەمەن
کاکەلێ بۆ ڕانە، هەم ئەورامەنوو هەم تەژنەمەن

بێ تۆ ناوەش نیمەڕۆ نێشتان سەرو سفرەو ئەدایم
تۆ مزانی چن وەشەن لێوانێ دۆ و هێڵەو ڕۆوەن

کاکەلێ ئەی ڕۆیە چن جارێ ئیتر وەشڵەیم پەنەت
من پەلەم بێ و ڕاسەکێچش دیم کە نانێوما نیەن

ئەندە سەختیما دیەن وەختەن جە دینی.... هۆ خودا
ئەندە سەختیما مدەی واچی جە پۆڵا بۆ بەدەن

ئێمە کوردێنم براکەم تا منێنم جەزرەوێ
هەر نمازا ڕۆشنایی، بگنۆ ئەو کەلیەش، وەتەن

شل بیەن ئی بارە کۆڵێمۆ، وەرێسێوەم نەوێ
نا عێلاجی ئەر نەبۆ ئی بارە کەی بریۆ بە بەن

با دەست پۆشۆ بۆ ئەر بگنۆرە کەی مەوجاریۆ
‌باخەڵێ چۆڵێ منوو تۆ، بێ قەران و بێ تمەن

دمتۆ با نەگنۆرە هۆشم لاو کناچێوەن چەمێش
 حەر جە ویرم بەر مەشانێ، سەوزێ هەر ماچی چەمەن

ئەی مۆوارەک بۆ،زەماوەندەت مەوۆ کارێ کەرو
کۆڵ پەنەت واچا ڕەفێقت یا مەسەن یا سەروەشەن

**
ڕۆشنایی کەوتۆ ئاوایی و ئەدایوه قیژنێ
وەروە تاوی بی بە تاراو وەیوێ، پەی چی بی کەفەن؟؟

#پەرویز  بابایی

بیس ساڵێ جە وەهاری ویەرد.
قاڵیە نیشتێبێرە
پشتیە پاڵش دابێ بە تۆوە
هۆرێستیوە
دیوار مدرارە
بەرە ئاما پیرایتوە
و
جادیە دوور و درێژ کێشیا شۆنیتەرە.
بۆرێوە
سەرو ئی ئاوریرە یەرێ بازێ بەرە
با
وەهار بێوە.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، سابیر عه‌زیزی، په‌رویز بابایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۷٦)،
نوشته شده در تاریخ چهارشنبه 22 اسفند 1397 توسط همایون محمدنژاد
کەلەبەروو شێعرا(۷٥)

عاجز کەوتە بێم جە تاو بێ مەیلی
وای شەماڵ ئاوەرد پەیام لەیلی
ڕەها بیم جە دەس خەفەت جارێتەر
هەست کەردم وە بۆی نەو وەهارێتەر
شیم وە تۆی ئەو کۆڕ یاران ساقی
دیسان وێم وە کەیف کەردەوە تاقی
مەی و مەیخانە ساقی و بادە و جام
دام وە تۆی دەماخ عەقڵ بەرز خام
تان ئاسا نە پۆی ڕشتەی سیاماڵ
جادەی هۆش گم بی نە دەشت خەیاڵ
واتم هەی شەماڵ هۆرگرتەی ڕازان
مەحرەم ئەسرار پەی ئاوات وازان
وەش ئامای جە لای جیلوەی یارەوە
وەو عەتر وەشبۆ عەبیر وارەوە
دەروون گەرم و هەناسەی سەردم
شیلەتین کەردەن سەرچەمەی فەردم
یادش جە یانەم کۆچ کەرۆ هەوەس
بێ کەڵکەن تەن قەفەس بێ نەفەس
#سەیێدیاسین تاوەگۆزی

٣٨ ساڵێمەن
ڕاست گەرەک بۆ
یەرێ چرکێ ژیوانا

١- سەروو گۆنایت نشتەبێ شەرمیە سوور و زوانت تر کەوتە بێ
تا چەمەکات هاوارشا کەرد : ((وەشم گەرەکەنی)).

٢-عەسریە وارانی و چۆڵ
چێرو داڵانەو لاو یانەیتانە تەڕە ماچیە دەموو ڕەمایوە.

٣_وەختوو نماو جمعەی کەردت بەرەرە 
دۆبەرە بە دەس دۆت کەردەبێ بە ویانێ
سەرو جانمازوو سینەیتوە نیەتوو دووێ ڕکاتام ئاورد
و
پەی هەمیشەی کەردانیت بە شاعێر.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، په‌رویز بابایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۷٥)،
نوشته شده در تاریخ پنجشنبه 16 اسفند 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 6 :: 1 2 3 4 5 6