که‌له‌به‌روو شێعرا(13)

 زمسانێوەش چەنی بێ وەختێ ئێ پەی دید٘اریم

لچێ وشکێم گنێنێ چیروو تەمەو خەمباریم

هناسەم بێ بە پاندۆڵ نەکەو دڵێم بێ بە جاز

سەنتووروو سینەی ناڵێ بە مزرابوو بێ عاریم

سەردی هاناوۆ لچاش چەمێم بەرێوە یانە

پەشیمانی ئەژمارێ دەفتەروو رۆزگاریم

سێحر کەرێ تەماشەش باسوووەهاریما بێ

کە چی حەر قسێ کەرێ گنێنەی ویروو پاریم

جە من ئینە مەکریۆ ،چاد٘ێ خود٘ا کەریما

هەتا بیا گرێفتار بە عێشقوو بێ قەراریم

ئارۆ کتێبوو بەختێم هەر پەلێش ئینا یاگێ

بەشکم وایێوە گنۆ بەرۆمەو پەی هەواریم

#فه‌رید عه‌باسی(فەراز)

تاڵەنی تۆ، پەوکە شیرینی، کۆشی
پەیت مەکریۆ، ئەندە هەنگوینی، کۆشی

هەر کەسێوە لەقیە زەیتوون، دەسشۆ بۆ
ئەر جە دووران دووریچۆ، وینی کۆشی

تا پێسەو هیتلری نامێ، بەرکەری
ڕەحمی مەنیەی لاوە، گردینی کۆشی

ئایێ ماورینۆ، کە جەنگ و تۆ ڕەوان
ئەی بە وەڵاهی قەسەم، دینی کۆشی

خەڵک و عفرینی، گۆناحێوەش نیەن
تۆ مۆسڵمان بی، شەیاتینی کۆشی

کافرێچ حۆکمی ئەپێسینێ مەدا
زارۆڵێ کوردی بە پەت بینی، کۆشی

مەس مەوی وختێوە شەڕڤانێوە کورد
چیروو تانکێ یا سەروو مینی، کۆشی

گردوو کورساناتی عفرینەن دڵش
کەی متاوی شاروو عفرینی کۆشی

#پەرویز  بابایی

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، فەرید عەباسی(فەراز)، په‌رویز بابایی، عوسمان ڕەحیمی هەجیجی، موحەممەد خدری(ئەدیب)، فەرید زاوەری، سۆهراب مورادنیا،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(13)،
نوشته شده در تاریخ شنبه 14 بهمن 1396 توسط همایون محمدنژاد
هه‌ورامان هانه‌به‌رچه‌م



 حەفتەنامەو ئاواتی شوماره‌و۶١ -ی
به بابەتوو نویسەرا و شاعێراو هەورامانی
کاکە موحەممەدی فه‌هیم،
کاکە عوسمان ڕەحیمی هەجیجی
کاکە
پەرویز  بابائی
،کاکەهومایون موحەممەدنژاد،
کاکە یاوەر هەورامی،کاکە بێهرووز موحەممەدپور(شارۆ) و...رازیاوە

#  شماره۶١ /سال دوم - بە تاریخ 27آذرماە۱۳۹۶
هه‌ورامان هانه‌به‌رچه‌م

"دزآور(زاوەر)، روستایی با تاریخی بە درازای
تاریخ هورامان و کردستان (۱)"

بابەتێو جە کاکەهومایون موحەممەدنژادی.

حەفتەنامەو ئاواتی

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، موحەممەد فه‌هیم، شۆرش عه‌زیزی/"ئاوات"، بێهرووز محەمەدپوور(شارۆ)، یاوه‌ر هه‌ورامی، په‌رویز بابایی، عوسمان ڕەحیمی هەجیجی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،حەفتەنامەو ئاواتی شوماره‌و۶١ -ی به بابەتوو نویسەرا و شاعێراو هەورامانی رازیاوە،
دنبالک ها: قه‌ڵه‌موو هه‌ورامانی،
نوشته شده در تاریخ دوشنبه 27 آذر 1396 توسط همایون محمدنژاد


زەمین لەرزەوکرماشانی(سەلاسی باوەجانی، سەرپێڵ و زەهاب ،داڵاهو ، ڕێژاو، ئه‌زگڵە، زه‌رده‌، قەسرشیرین، ئێسلام ئاباد و شار و دەگایەکاو دەوروبەری جه ده‌نگوو سۆزداروو شاعێرا(2)

گۆفتوگۆیە چەنی خودای ، بە بەهانی ۆ بوومە لەرزەیوە

خودا با خزمەتت یاونونە عەرزێ
وەشی کریۆ بدەی پەیمان بە قەرزێ   

مەبۆ ئێمەی دلێو خاکی کیانی و
پێسەو قەیخای بنیشی یاگێ بەرزێ

وەڵاتو من گۆناحەش چێشە بۆ دەی
بۆمێ لەرزەش وزانە و بوومەلەرزێ

گەرەکمەن تێر و پەڕ، هەڵسێ مجو، چون
بەڵایمـا پـەی کیــانی چـوار وەرزێ

گەرەکمانەن خەمێو ویرما بشۆوە
گەمەی تازەت کەرۆمانۆ شپرزێ

دڵم وەختەن تەقۆ، تا بڕیە واچا
مەبۆ بدیەی بەڵایرە پێسە دەرزێ

جە تۆ نیزیکتەری کەس نامە یادم
گلەی شێعرانێ من زانو بە فەرزێ

نمـا کەردە و نەکەردەو ئێمـە مانـا
ستونەو یاگەکێت کەی مارۆ لەرزێ

خودا، ڕاسی دەس و ڕژنایت چە عالەن
ئەگەر پەیت کریۆ بەش رژنینە مەرزێ


#پەروێز  بابایی   
               
        پاوە گەڵاڕێزانو ۹٦ی ‍

هه‌ورامان هانه‌به‌رچه‌م

وڕەێ دیوارێ و تێکشی سەربەران
نەبیەیی گوزرگاو  ،  سەرەبەرکەران
بە  ناهەق   تەنیا   مردانی  پاوە !
محاڵەن   یاران   واوەی   بەیاوە

#موحەممەد فه‌هیم

سەعدی شیرازی :

 بەشەرێ ئەعزاو  ،   پەێکەرێوە نێ
 جەزەڵ وەش کریاو گەوهەرێوەنێ

عانێ ئەنۮامێ مەنیشۆ ئەو چڵ
ماباقی ئەنۮام ،  مەنریا ئەو کڵ

تۆ جە مەێنەتوو خەڵکی بێخەمنی
کێ تاوۆ واچۆ  :  کە بنیادە منی ؟

چەنی داخ و دەردێوەگرانی پەی دلێنەشیەی  و زامۮاری و یانە وێرانی و کۆسکەوتەی و دەربەدەری خەڵکێوە هەژار و لانزەبوونی جە سەرپێڵ و کرند و سلاس و جوانڕۆ  و کوردەسانوو دوەکەڕەت بوومەلەرزە وەنەکەوتەو ئەودیمینە
دەسوو یوەیوۆ ئا واڵەو برایا کەقۆڵێ هیمەت و یاردیدەیشا هۆرماڵەینێ ماچ کەرمێ و منیەیمێش سەرووگلێنێ چەماماوە
،  بەهەشتی داییمی پەی کۆچ کەردەکا و شەفا پەی زامۮارا و وەقرەگێرتەی پەی کەس وکاری دڵسۆتەیشا جە خوۮای گەورەی داواکارێنمێ و وێما بەشەریکوو خەمیشا زانمێ ،

#موحەممەد فه‌هیم


ئارۆ ....

 لەرزا......

 تارێ وجارێ

کەش و کۆ شرێقەشا 

                    یاوا دەساوەندەسا  


دلێ چۆڵی شار و دەگایەنە ،

پەپوو 

          تاقە دەنگێو بێ ،

ئاوەد٘انیش 

                                    قڕ کەرد٘ە بێ

تاش و کەمەرێ ،

                      گرەوێنێ

            هەناسەکێ چێروو 

                                  دیمەکوویانەینە، 

ڕۆڵەگیان لای لای 

                    کۆرپەلە  بووسە

              بەڵام ، خۆ نەواتەبێش

                    وتەیت ئێتر 

                       سەوایش ، نەبۆ

هەرسەو چەمام ، 

              دلێ بیناقاقێمەنە

                 پەنگەش وارد٘ە ، 

وەختێو

 زاڕۆڵەو بێشکێم دی ، 

                نەتاوابێش قاچێ فڕنۆ 

بێدەنگ .....بێدەنگ 

                لایەلایەو ئەد٘ایش 

                                   پەشۆکنا بێ...!!

#هومایون موحەممەدنژاد

کوردەواری کێشە جەوروو عاڵەمی نەمری و مەنە
بوومە لەرزە و جەنگ و ئاژاوەت نەبڕیانۆ چەنە

جەور و زوڵموو زاڵما هەرگیز نەتاوا تۆ بەرۆ
بوومە لەرزەیچ هەر مەماڕۆما خودَا زانۆ پەنە

#عەباس غەریبی

 یا حەیێ یە تاوان کام کوفر  و سزان
 کۆرپە نە تۆی خاک مەمەش  بیزیان؟!

بێ ئەد٘او بێ کەس،سەراش خاک و خشت
جای  مەمەی ئەد٘ا ، خاک  کەردەنی مشت

بێد٘ارەو کەردەیش  کەردەنی مەحــاڵ
نە خەندەش مەنەن ، نە های گڕ و گاڵ

#فێراق‌‌ پایگەلانی

‍ یە چ ڕەسمێوەن ،‌ یە چ  زامەتەن
 یاحەیێ ، یە سەفان ، یا قیامەتەن؟!
 کۆرپەت دان باوش،بی‌هێزی خەستە
پیری  چەند ساڵەی ،  لاشە  شکستە
مەر تۆ نەزانات،ئەی کورد بی کەسەن
تۆ پەی‌چێش،هێمەت وە مەرگش بەستەن؟!


#فێراق‌‌ پایگەلانی

کوردەواری کێشە جەوروو عاڵەمی نەمری و مەنە
بوومە لەرزە و جەنگ و ئاژاوەت نەبڕیانۆ چەنە

جەور و زوڵموو زاڵما هەرگیز نەتاوا تۆ بەرۆ
بوومە لەرزەیچ هەر مەماڕۆما خودَا زانۆ پەنە

#عەباس غەریبی

دڵ نیا یاران هەتیمی پەڕدڵی بەردٚەن جە من
ناڵە ناڵوو زاوڵە وردٚا و سەر پوڵی بەردٚەن جە من

عەشق و ئێحساسێ نەمەن ئەی دڵ بە زوڵفی دێزی یار
زوڵفی تۆزینوو ئەدٚایا و ئه‌زگڵی بەردٚەن جە من

هەر وەڵاتێ من ملوو وێران وخاپوورا بە حەق
کوردەواریم بوومەلەرزەی قاتڵی بەردٚەن جە من

چەم ئێتر هەر گیز مەوینۆ چەم مەسوو شێرینوو وێش
سۆ چەمام دیدٚەی ونین و بێ کڵی بەردٚەن جە من

ئێننە عادزنا مەوینوو ڕاو هەواروو ئاوەزی
ئاوەزم ڕیش چەرمە پیرەی چەم بڵی بەردٚەن جە من

پەشتوو دیواروو دەگا کۆنێنە ڕۆحم مەن جیا
تاتە غەمبار و کرۆڵێ ماتڵی بەردٚەن جە من

واڵە ماقووڵێ جە یانێنە مەنێ بێ وێش و وێش
عەقڵ و هۆشوو من گوڵی بێ مەنزڵی بەردٚەن جە من

پی کەوا و پانتۆڵە دڕیای کەی پەڕۆ کریا وڵێ
یانە وێرانێ مەلوول و وڵ وڵی بەردٚەن جە من

هەر مەکوشیۆ تەژنەیی هەرگیز بە هەرسوو ئی چەما
پاڵوو حەوشێنە شکۆفێ سەرچڵی بەردٚەن جە من

دیم جوانێوە سەروو لاشە و کەساشۆ شاکێرا
دین و ئیمانم جوانێ عاقڵی بەردٚەن جە من

یانەکە و وێرانوو وێم هۆشم شیەن پەی بێ کەسا
ئەختیارم بێ کەسی ناخافڵی بەردٚەن جە من


ئاسمانوو ئێمە مانگەش یەک سەلاسیچش وەسێن
تاقەتم تاری کسووفێ کامڵی بەردٚەن جە من


دەی تۆخا واران وەسێشا با نەبا تەڕ ئی گوڵێ
با نەبا چینەی زیاتەر سەد٘ بەرابەر مشکوڵێ

با وەنا پەی ئاسمانی ئایەتی نوون و قەڵەم
نا نەواچی فەسڵی پاییزا و مەوانا بوڵبوڵێ
# عەباس  غریبی




ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، تسلیت ها، هومایون موحەممەدنژاد، موحەممەد فه‌هیم، په‌رویز بابایی، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،زەمین لەرزەوکرماشانی جه ده‌نگوو سۆزداروو شاعێرا(2)،
نوشته شده در تاریخ دوشنبه 29 آبان 1396 توسط همایون محمدنژاد
که‌له‌به‌روو شێعرا(3)
تا جەفات مگنۆ خیاڵم  هەس بە دڵگیری کەروو
دڵ نمازۆ ئەر نە من هەر مامەڵەو ژیری کەروو

ساڵەهای ساڵ ویرەکێت سەبتوو خیاڵیمنێ ،عەجەب!
چارەکێ سەر شی جە هەر چێو هەس بە کەم ویری کەروو

وێم دە ساڵێن لاسەرەم چەرمەن خوەم ئامان پەنەش
تا سەرەو تۆم دی بە چەرمەی شیوەنوو پیری کەروو

گەر چی ساتێ دەنگ و تاوێ ڕەنگەکێتم مێ نە ویر
هورزە بۆ من ئیسە تاسەو دەنگ و تەسویری کەروو

خاڵەکێت ڕەنگەش پڕێنۆ و قیبلەگاما شێویان
کەعبەما با هەر سیاو بۆ عەزموو تەکبیری کەروو

چا سەعاتۆ دیمەنت تەئسیروو عەشقیش دان بە دڵ
چننێ ساڵێن ئەی عەزیز تەفسیروو تەئسیری کەروو

کافرش ماچانێ "سەعدی " زاهێد و سۆفی و مەلا!
با بلا ئاۮێ چەنی تۆ حەز بە تەکفیری کەروو
#سەعدی_غەریبی

قەوڵێوه پیایانە به وێم دانم ئەگەر بەی
سەرتاسەروو ئا ڕێتە کەروو گیانم ئەگەر بەی

نیمەو شەوە زەنگێنه ئەگەر گاوه نەوینوو
زەنگالێ کەروو پۆنه به ویژدانم ئەگەر بەی

هەرچن کە گەد٘ایێوە مەبۆ گەوره به زوویی
عاڵەم به سەفە چڕانێ به سڵتانم ئەگەر بەی

جەرگیم کەروو جەن جەن ئەگەرت مەیلوو کەبابین
مەر کێ جە تۆ سەرتەر بۆ به مێمانم ئەگەر بەی؟

سامانه شپرزێوەنە وەش وەش وەروو تل تل
لوتفا تۆ تلێ دەینه جە سامانم ئەگەر بەی

بەختەم به پەرێشانی لوا نامه کرۆڵێش
کێ ماچۆ کە من بەخته پەرێشانم ئەگەر بەی؟

وەختێوە فرەن ساچوو به خەپلێوه به وشکی
وەڵڵا به سەرە گنۆنه ڕوەن نانم، ئەگەر بەی...


#حافێز_ئەحمەدی

قوبگەو دڵێ
جە وێمەنە
غوربەتێوە پەلێ شانۆ
شار حەنناشنە وێڕس وەڵڵا
پۆ ڕەقەنوو بلواریەوە
غەریبانە
تۆوە گێرۆ
           ئەوجاخ هەڵای.
با چێچ نەبی و شێعرە پۆتۆ تاسێ چنۆ
با چێچ نەبی و وەروە پۆمۆ وەرم جاڕنۆ
با چێچ نەبی و وەڵات وێشرە وێش سەبوورنۆ
یاگەپا خۆ قوبگەو دڵێ گێرۆ سەمەر
سینەمایچ هەر
فیلموو جاڕێ پەشۆکیایی پۆ سانساشۆ
پۆ وێمەوە
وەروێ قورسە وەرزا پوونۆ
دڵ
کەنداوەو سەرئاو کەوتەی وزۆ حزوور
غۆربەت چەنەش خەیاڵێوە
ناڕێک چەنی ڕەوتوو ئاوێ
هەر هورلوای و دێوانە لۆژ
هەر هورئامای و مەستانە گێڕ
هەر شکۆفە و شەڵتانە قڕ
جە وێمەنە
غوربەتێوەم دەسنیشانا
ڕێکوو سڕی خاڵەو شێعرا
غوربەتێوە
پۆ فوارەو قوڵواردەینە
قازان قازان
یەخ و قرچە و سەمەرێ شێت وەنەم وارنۆ
تۆیچ نەزانی و
وێت دەی شێتی
تاسێ هەڵای حەوت ئەقلیمەش سەرگەردانین شۆنەو وێشرە!!
# ڕه‌ئوف مه‌حموودپوور

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، ڕه‌ئوف مه‌حموودپوور، مه‌هدی ئه‌بری(هه‌ورام)، سابیر عه‌زیزی، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، بێهرووز محەمەدپوور(شارۆ)، په‌رویز بابایی، فه‌رخۆنده شه‌یخی(کاڵێ)، سه‌عدی غەریبی، ئه‌مین حاجی زەڵمی، فەرشید ڕوستەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،که‌له‌به‌روو شێعرا(3)،
نوشته شده در تاریخ دوشنبه 6 شهریور 1396 توسط همایون محمدنژاد


جه‌ژنوو پیرۆزه‌و
ڕەمەزانی، جه گرد٘ووئەند٘اماو

کاناڵوو  و په‌لیانه‌و هه‌ورامان هانه‌به‌رچه‌می موبارەک و پیرۆزه بۆ.

ئاواتم ئانەن ،یانەو دڵیتا وەشی و شاد٘یانە مەرزیۆرە.

گلێرگاو زوان و فەرهەنگ و ئەد٘ەبوو هەورامانی،

چەمەڕاو ئامایتاینمێ.

عید سعید فطر،بر همه‌‌ی عزیزان‌وبازدیدکنندگان

کانال و وبلاگ هه‌ورامان هانه‌به‌رچه‌م خجسته‌باد.

به وای واچه :
فره گێڵی
هه ر وەختێوه
دورێوەو زەمینیت داوه
نه ئەورایت وینای
نه تەژنێ
دەوری دماین
یاوای به هەر بنیادمیه
واچەش پەنه
مۆوارەکت بۆ
ئی جەژنێ

#پەرویز  بابائی




طبقه بندی: فرهنگی و هنری، اجتماعی، اخبار، زوانی هه‌ورامی، ده‌گاو زاوه‌ری/روستای دز‌آور، شهرها و روستاهای هورامان، دینی ومذهبی، په‌رویز بابایی،
برچسب ها:ا:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،جه‌ژنوو پیرۆزه‌و ره‌مه‌زانی(عیدسعیدفطر)،
نوشته شده در تاریخ یکشنبه 4 تیر 1396 توسط همایون محمدنژاد

***پێشکەش با ئازیزانە کە وێشان وزا دلێ ئایری تا ئایری کۆشناوە ‌‌***

هه‌ورامان هانه‌به‌رچه‌م


غه‌زه‌ڵێوه جه کاکه په‌رویز بابایی

قاڵێ هۆرێزوۆ کەرا خەڵکی تەماشا، دوکەڵی
کێ متاوۆ  چنگە  بوزۆ  ئایری یا، دوکەڵی?!

بێژگە وێتا دڵیەتا نا پۆوە مەر پاڵنگە بۆش
تێژێ بیدێوە هەتا مەگنۆ چەمیتا، دوکەڵی

بڕیە هەنگوین مەورەشانێو لاشەشا شیرین نیەن
چننە شیرینەن لەشو تۆ بی دەس و پا، دوکەڵی

ڕۆشنایی نا بە ئاوێوە و تۆ ئاویت نا پەنە
وێت وزی ئایر نەوینی یانەکەیما، دوکەڵی

وەیوڵێ زاوڕۆیە سوچۆ تۆ شەوێ وەرمت نیەن
تۆ دەست سۆچا دەسێ خەڵکی نەکریا، دوکەڵی

بەشکەتەی ئایر تەماعێ نەوزۆ ئەو یاگێوەرە
زاوڵێت وەختێ ملی لاشا نەوینا، دوکەڵی

#پەرویز بابائی



طبقه بندی: اجتماعی، ادبیات/شعر، زوانی هه‌ورامی، په‌رویز بابایی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،
نوشته شده در تاریخ شنبه 2 بهمن 1395 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3