کەلەبەروو شێعرا(۱٨٤)


ئای چن غەریبا وێرەگاوشێعرێم
بەیدێ با بلمێ پەی دەگاو شێعرێم!

سیاو وا کەوتەن کەلوو خەمباریم
چی کەس مەکەرۆ مەرحەباو شێعرێم؟!

چنووروو تاسێم پڕان چا ڕۆوە
خەزانش کەردەن بارەگاو شێعرێم 

دڵ بیەن قەقنەس چەم بیەن لێڵاو
تازە وای بەردەن سەرپەناو شێعرێم

قەڵاو زەوقوو من مەگیریۆ بەجەنگ
مەگەر پەی کەسێ بەینە ڕاو شێعرێم

دوودەرەو ڕۆحیم کریانەو پەی تۆ
چی نمەی وینی سکاڵاو شێعرێم

تاڵێم جە نەرگس تاڵیم بۆژانە
وەهارەیم نەدٚی پەی باڵاو شێعرێم

دەسشا ئاستەنا خێڵوو پەپوولا
مەگەر قاڵاوێ بەیا لاو شێعرێم!

#فەرید_عەباسی

وەرگی لینی حەزیم
کەفتەن پەلەقاژێ هاری
هاکا واز بۆ

دیاو لارەملیەکا و
بۆپڕووزوو هەناسە خامەکا
دڐانێش 
چەخماخێ مەشانا

بێ‌قیمەتی هەناسەی و
کێشانەو شەرافەتی بە کێشەو حەزی !
گرتەو دەسوودیمی
بە هەرسی وەرپڕی و
بزەو خۆای
بە ئاویەو خەجاڵەتی
پەنجێ کێشۆ قەفەسەرە !

ڕەحم 
بە ئێرزا مواڕاوە
یاسا
پەڕەن پەڕانتێزێ و 
خەتێ سوورێ

منیچ
سەیاڐی بێڕۆزینا و
سماقەو بئ‌ئەندیشیم تەکیان
هەر ڕۆ ڕاوە مەکەروو
نەچیرم
حەوایرە بە تەیارە
جاڐەرە و مێڐانێرە
کرژوو تالیم دریاو مەحکەمەی
کیسەش
پەڕ جە فەننوو فێڵ

من
هەرەسگارە و لاپارە
توولەڕای کۆروە بیێرە
هەژار و پاتێ چەکێ

ڕاوەنە و ڕاوڕاوانی
چەمەڕا و چەمویار
شۆنپاشەرە
ئاڐ گرتەنش بێعانە
سێوەریچش نەێ قەرەوڵ
ئاورای بازۆم!

شانەم پەڕەن دەسنووسێ
شێخی و ساحێب ڕاوی (م)
ئیبنی حەجەر
کتێوی ڕمڵی و ڕۆچێ سەڐەقەی
بێ ئیفاقەن ڕاوەشەنە

جاروو بار مەێنە وەرمم
تا هارە ئاساوو دەمێ
چاگەیچ
مزە و بارمتەم چەنە وازۆ!
نمەگنۆ دامی
تازەم زانان
ئاڐەن ڕاوەو من کەرۆ 

ئاڐ
ڕۆەو بەحرارە بە بەلەم
وەڵات بەوەڵات گێڵۆ
من
تۆەنەڕەقاو تەتەیرە
بە سواری گۆچانەکێم
گاە
هەناسەم کەرا بڕ
قۆڵاخی هاڵیم گێڵۆوە
ڕاو ڕاوانی و
ڕاوەو نانی 
وەرگوو حەزیش هار کەردەنا !.!

#جەواد ــ حەمزە/ فێـــراق



ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، فەرید عەباسی، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨٤)،
نوشته شده در تاریخ شنبه 27 اردیبهشت 1399 توسط همایون محمدنژاد
کەلەبەروو شێعرا(۱٨۰)


سەوزەکێم! تۆ به‌رزه‌ باڵات بەرزوو داڵانی مشۆ
یاگەسەیران و هەوارگاو کۆنە ساڵانی مشۆ

سەرقولەش بنجەو چنووروو زڵفەکات پۆشان تەمام
بێ خەبەر! دڵدارەكێ گردٚ ئارەزوو تۆشان تەمام

گجیەکەت سەوزارێ تەختش پەڕ گوراڵەی سوور و زەردٚ
ماچی لۆن جارێنە پۆشانش هەوار و شاخ و هەردٚ

جۆ به‌ جۆ وەرواوێ ئه‌جیۆ هەرسی مننێ سەر کەرا
چا هەراڵەبرمەکێو کوڵمات عەجەب مەحشەر کەرا

پیر و ئوفتاده‌ و ددٚانم کەل بیەن پەی گاز و گەز
هه‌لچه‌چه‌رمێت مه‌ر خوراکم با به‌ ئشتیها و به‌ حه‌ز

دەورەشا دێنی دڕەی گەونا بە گیانیت چڵ نەدٚا
پاسەوانێتنێ ڕەقیبێو من،بە بەرزیت دڵ نەدٚا

ساقی ده‌ورێ ته‌ر پیاڵەی پەڕ شەرابیت بارە زوون
من زووه‌ن په‌یکێ شه‌رابوو ئا دەموو تۆم ئارەزوون

تا کە هەورامان وەڵاتم بۆ و هەواروو ئی دڵا
من چەنیو "سەعدی" جە لاو تۆما هەوار و مەنزڵا

#سەعدی_غەریبی

ئای چن بێ دەنگیم مێشۆ وەختێ بێ تۆنا چێگە
وەهار ئامان و بێ تۆ من ڕەنجەڕۆنا چێگە

نەیاوای به تاقەتیم تەلوو سەبووریم بڕیا
هەناسەم کەوتەن لێژی چی چاڵە کۆنا چێگە

شەوێ بێ تۆ نەسرەوا سەر ئێشەوعومری تاڵیم
هەتا دیدٚەت نەوینوو دیدٚەم بێ شۆنا چێگە

مزگی لا یانەکەیتا دوعاما مەگێرۆ وێ 
پیسە بارەگاو  پیرا پەڕ جە پەڕۆنا چێگە

ئارۆ دەماخوو شادٚی هەر پیسە کاوێ بەرزا
ئیسەیچ نەزانام کەشێ  چی یۆی مەدۆنا چێگە

من و هاناوەی زەوقی ،کونجێ دنج و وێرەگا
سێتارەیوە بە گرەوای ماچۆ چکۆنا، چێگە؟

من چا ڕوەو گمم کەرد نیشانەو یانەکەیتا
گردوو جۆکا ئی دنیەی لچێم مەخۆنا چێگە

#فەرید_عەباسی

ڕوێ دە جارێ سیام و جەژنەن
چەم نەئیستێلال ئادید٘ە وبەژنەن

پارشەوو ئیفتار بەینش خاڵێوەن
وەربانگم دەم و لێوە ئاڵێوەن

#حامی-غەریبی



ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، حامی غەریبی، جەواد حەمزه (فێراق)، فەرید عەباسی، سه‌عدی غەریبی، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۰)،
نوشته شده در تاریخ پنجشنبه 11 اردیبهشت 1399 توسط همایون محمدنژاد
کەلەبەروو شێعرا(۱۷۹)

په‌ی تاته‌ی

تەک کەسێ خالێس پەرێما خەم وەرۆ بەس تاتەما
دڵوەشیما دۆ و خەمێما بەر کەرۆ  و کەس تاتەما

بێ کەسینە و بێ دەسینە و مل کەچینە و ماتەمی
گرۮ کەسارێ و بێ منەت مێ و گێرۆما دەس تاتەما

تا تەم و مژ سەر نەۮۆ ئەو سەرقولەو شاروو  دڵیم
مێ شەماڵ ئاسا هەناسەش تەم کەرۆ پەس تاتەما

تاتەما ئەر  حاتەما یا ماتەما چوون تاتەما
تا جەما جەم  تاجەمانە و  شاڵی ئەتڵەس تاتەما

ئەر هەزار قەڕنێ جە سایەو شالەقیت بوو   پیرەدار!
هەر بە دڵ ماچوو نەماما و باخی نەوڕەس تاتەما

ناکەسا بەش ناکەسێ گێراش نەفەس ئا ناکەسەی
ئەر بە عەمدی یا خەتا بێ واچۆ ناکەس تاتەما

هەر کەسێ دەربەس غوڵاموو پادشایێ و سەروەرێن
من غوڵاموو تاتەلێ و سەروەر بە دەربەس تاتەما

خەڵکی ئەر ساڵێنە یەک ڕۆ  ڕۆ مۮانێ تاتەلێ
با بزانا من جە پەنج و سێسەۮ و شەس تاتەما

ئەر سەعادەت یاوەروو "سەعدی"ن جە دەورەو  زیندەگی
هەر جە دوعای  خالێسانەی مەردی ئەخلەس تاتەما

#سه‌عدی غه‌ریبی

براو ئارۆی....جام، نیا 

شانەیچ.... نیا ،

خەنجەر بە دەس

 پەشتوو برای

            کەرۆ نیشان

چ وەش واتش 

شێخی سەعدی

وەشڵەی!!!!!!

برا

پێسەو دۆسی

دۆس بیایا!!!!!!

          #هومایون_موحەممەدنژاد


سەرە ڕاو عەبدیمەنە
پڕای دلێ چەمام
پوەو حەقێقیم
گرێ دا 
بە تانەو برۆیت 

مێحراو بە مێحراو
وەسڵ بە وسڵ
بیەی مەعبوود 

بە دۆزەخوو چەمات
شەراو مەیلی بەردا 
و
سەبرم وڕا 

عەجیب قیامەتیەن دڵ !

باوەشیە
 شێعرێ حەزینێم 
پژگناێ سەرەڕاتەرە
تا حاڵیم بی
زوانوو چەمات

نەزانام
جە حۆجرەو ئەشقینە
وانەروو 
سێحر و جادوینی
(لامەسەب)

#جەواد ـ حەمزە  فێـــراق ٤؍۲؍۹۹

بە مێعماروو چەمات
دڵم وڕا و
ئاوەد٘ان بی مێحرابش

دڵی مەسم
دایم سۆجدەنە
سەناو چەمات وانۆ

مەزا درۆسا
نماو ئەشقی
بە مەسیوە ؟

زیڪر و یادت
بە فتوا چەمات
ملۆ ڕاوە

بەڵام
مەزاچی
جەزاش سۆتەین
بە ئەشقیت

#حامی غەریبی



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، هومایون موحەممەدنژاد، نوشتارهای همایون محمدنژاد، جەواد حەمزه (فێراق)، حامی غەریبی، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷۹)،
نوشته شده در تاریخ جمعه 5 اردیبهشت 1399 توسط همایون محمدنژاد
کەلەبەروو شێعرا(۱۷٨)

بێ شۆڵە کەوتا چۆڵەنا ئی وێرەگا مەترازیۆ
تا نەینە دەرمانم کەری جەور و جەفا مەترازیۆ

جەژنەو پەڵەو مانگە شەوێ بێ جل چەنی تاوو بلوو
بێ ڕۆجیاری کوشتەنا ئیش و بەڵا مەترازیۆ

قاپوو دڵیشا بەردەنا من بێ دڵ و روو زەردەنا
ئی شەممە مێمانێم هەنێ چی شەممەتا مەترازیۆ

من پەی وەهاری مەردەنا،تو حەر جە زمسانی مشی
سەردی چەماومانگە شەوێ ئارۆ و سەوا مەترازیۆ

مەنزوور ئەگەر شەککەر نیا دڵ چی بەرۆ تاموو لچا
تا تۆ هەنی و ئی قەننە هەن تاموو لچا مەترازیۆ

ئاشفتە بازارێوە هەن ماچا کە ماڵوو بێ کەسین
پەی بێ کسێوە پێسە من ئی خانەگا مەترازێۆ!

شەوگار ئەگەر ڕەحمش نەمەن خۆ ڕۆجیار هێشتا مەنەن
تاریکەڕاو ئی عەشقیه چی تۆ خودٚا مەترازیۆ ؟!

#فەرید_عەباسی ‍             

ئەدٚای پیرە

ئەدٚایوە پیرە جە یانەو پیرا
تاقمەو مەجلێسوو دڵە زویرا

ئەدٚای بێ نازە جە تاسەباری
پەی خەبەرنگار بە گرەوە و زاری

چوون شاخەی نەبات کەلامش واز کەرد
هەناسەی کاڵش جە دەروون ویەرد

گردیما  دیما و وە لامان یاوا
جە دڵتەنگی وێش پێسەش فەرماوا

ئاخ وەشڵەی عەمرم گێڵای دماوە
کوڕێوم بیایا جە سەر دنیاوە

بە شۆتوو تووتەی گەورەم کەردایا
تا بۆوەو ڕەحموو وەفایش بەردایا

فامایاش قەدٚروو ئەدٚا و تاتەو وێش
ئی زەجر و جەفا کەم بدٚایا  پێش

بەش بۆ بە عێبرەت واتەو ئا ئەدٚای
یادٚ گێرمێ ڕەحم و دەسوورو خودٚای

 #عوسمان ڕەحیمی هەجێجی

سەروو ماچێت ئەگەر قاچێم بڕانێ
كەوایم پێسەو گجی یۆسۆی دڕانێ

لکانێ ئا دەم و خاڵی بە وەڵڵا
مەکنیۆم دەم هەتا قازی چڕانێ
 
شەرابی ساڵە حەوتا ئا دەموو تۆ
بە یەک گوڵمش خەمێ من گرۮ پڕانێ

بەزەیم مێ پا هەناره‌ نەو ڕەسارە
ئەسیروو چێروو ئا پەڕوە شڕانێ

گڵۆپوو عەمرەکەیما ئا چەمێنێ
هەتا مەحشەر خوۮایا هەر گڕانێ

کە تڵفا ئی دڵوو "سەعدی" نەوازش!
سەروو تڵفێ  هەزار کاخێ   وڕانێ
   
#سەعدی_غەریبی


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، فەرید عەباسی، عوسمان ڕەحیمی(مورید)، حامی غەریبی، سه‌عدی غەریبی، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٨)،
نوشته شده در تاریخ دوشنبه 1 اردیبهشت 1399 توسط همایون محمدنژاد
ڕۆئەژماری هەورامی (۱۳۹۹ـ2020)/کاکەئاکۆ مارانی 


بە پاو هەواڵوو"هەورامان هانەبەرچەم"ی ڕۆئەژماری هەورامی (۱۳۹۹ـ2020)/کاکەئاکۆ مارانی،وەڵا کریاوە.

برای دانلود(پیاده کردن مطلب)بر روی لینک زیر کلیک کنید:

په‌ی ئه‌ره‌گێرته‌ی(ئه‌ر‌ه‌وه‌زنا‌ی)سه‌روو ئی لینکیه‌وه‌  کلیک که‌ردێ:


http://s6.picofile.com/file/8391269834/%C5%96%C3%BC%E1%BA%91mari_Horami_1399_2020.pdf.html

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، هومایون موحەممەدنژاد، عه‌بدوڵڵا حه‌بیبی، موحەممەدره‌شید ئه‌مینی، کوورش ئه‌مینی، سه‌عدی غەریبی، بێهزاد کەریمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ڕۆئەژماری هەورامی (۱۳۹۹ـ2020)/کاکەئاکۆ مارانی،
دنبالک ها: ڕۆئەژماری هەورامی (۱۳۹۹ـ2020)/کاکەئاکۆ مارانی،
نوشته شده در تاریخ سه شنبه 27 اسفند 1398 توسط همایون محمدنژاد
مۇسسه انتشارات ئارو با همکاری اداره فرهنگ و ارشاد اسلامی شهرستان پاوه برگزار می‌کند:

آیین پرده برداری از کتاب ناسک خه‌یالان "تاریخ غزل هورامی" باحضور غزلسرایان مطرح هورامان

پنجشنبه، ۲۱ آذر ۹۸
ساعت ۱۴ الی ۱۷
سالن اداره فرهنگ و ارشاد اسلامی پاوه

ادامه مطلب

طبقه بندی: فرهنگی و هنری، ادبیات/شعر، اخبار، زوانی هه‌ورامی، بێهرووز موحەممەدپوور(شارۆ)، فەرید عەباسی، موحەممەدره‌شید ئه‌مینی، حێکمه‌ت موحەممەدی(خه‌میار)، عه‌دنان مورادی، په‌رویز بابایی، جەماڵ قادرپوور، موحەممەدمۆمن یه‌زدانبه‌خش، مامۆسامیرزای هه‌ورامی، سه‌باح جه‌باری، عەباس غەریبی، سه‌عدی غەریبی، موختار هێدایه‌تی، کەیومەرس نیک ڕەفتار،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،مۇسسه انتشارات ئارو با همکاری اداره فرهنگ و ارشاد اسلامی شهرستان پاوه برگزار می‌کند:،
نوشته شده در تاریخ چهارشنبه 20 آذر 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 5 :: 1 2 3 4 5