کەلەبەروو شێعرا(۹۳)

ئە تۆ وارانوو پایێزی ئەمن بەرگەیوە هۆر کنیا
بەرەو عومروو وەشەسیایی بە جەوروو تۆ سەرم ژنیا

چراوەو وێرەگاو بەختێم  نەکوشیەیبێ هەتا بێنی
شەوەوپاێیزو دووری تۆ ، هەناروو دڵ وەشیم ڕنیا

مەزانوو کێ دڵش بەردی  منت پی وێرەگا وەردا
دلوو گەردی پلێ گۆشتا دڵوو تۆ پەڕ جە ئاسنیا؟

نەمەن زەوقوو وەشەسیایی چراوەوقەومی کوشیاوە
بە ڕەحمەت بانێ بێگانێ هەنارێ دڵوەشیت منیا

دڵم حەر هەورێ مژمارۆ سەروو ئاسمانوو ویراتۆ
شەوێ ویرت نەکردانێ هەتا تەرموو خەما بنیا

چریکەو بوڵبڵوو تاسێم دڵوو باخەیوە هۆر ناوۆ
ئەگەر دەردەودڵی بازۆ تەماموو شێعرەکا ونیا

#فەرید عەباسی

جەستێوە بیەن بێ ڕۆح پێشێنێ بیێنێ نەی
چا وەختەو کە واتانێت ڕاو مننە ڕوێ پوویەی

وەختێو کە دڵێ مەڕیۆ تەسویرێ گنانێ چەم 
ئی هەرسێ کە تکیارە تارێخێ  کەرانێ تەی 

نەقشێو کە دڵێ منیۆش تەقدیروو جوانیوە
دەسماڵێ زەمانەی گر ئی عەکسی کەرانێ وەی

هەر نازێوە تۆ کەردەن ،دەورێوە  جوانیما
تاتەڕۆ  چەنی کریۆ ئی نازێ مرانێ دەی

من ئیسە کە گێڵووە جادەینە کە پیمانم 
هەر قەنچێنە سەد جلوێ کەپرێنێ کەرانێ سەی
         
               #ژیواری

ئەگەر ئەشق توحفەی مەعبودی عەبدەن

سەنعان پەی ئەو ڕاز سوجدەی وێش بەردەن

بە تاقێق یاوان بەو سڕی حەقێق

ناڕەوا موهری بەد٘نامیش بەردەن

#فێـــــــــراق

لەیلەتولقەدرا  خوۮایا من جە بێ قەدریم غەمین
شەرمەسار و پەڕ جە تاوان دڵ بە داخ و ماتەمین

موعتەرێفنا هەر بە جورم و کەجڕەوی شی عەمرەکەم
قەترە هەرسێوەم بە ئیخلاس پەی نەچکنای ئەو زەمین

خەتمە قورئانێ نەوانام شەونمایێوەم نەکەرۮ
بێ تەراوێح شی جە دەس مانگی سیامی عەنبەرین

سوجدەگام هەر تەڕ نەبی جارێ بە ئاوو خەجڵەتی
تاقەتم تاعەت نەتاوان یا ئیلاهەلعالەمین

ئەر شەوو قەدری فەقەت شەو زیندەدارێ گێرۆ وەر
ئەی خەراباتی پەشێو و ئەی گوناکاری حەزین؟!

بەحروو عەفوێت ئەر شەپۆل شانۆ و نەگێرۆ گرۮ خەسێ
كۆن سیفاتو بەخششیت ئەر بەی نەبەخشی موزنێبین؟!

بۆ جە بۆنەو ئەحمەدی موختاری بەخشەم یا غەفوور
بێ بەهانە و بێ بەها دەم،قەسر و غیلمان حووری عین

یاروو غاری فارۆق و وەیسەلقەرەن عوسمان عەلی
حەققوو وێشان ئەر شەوو قەدری بیاونیشا یەقین

ڕەحمەتت وەختێ فەراگیرا گوناو من تاونۆ
سا کەرەم یاڕەب تۆفەیلێ پەی سێڕاجی شەرع و دین

سەد کە "سەعدی" هەر نەبی تاعەت گوزارێ سەر بە ڕا
خەرمەنت هەر مفتە بەخشانت غەریبیچ خۆشەچین
#سەعدی غەریبی




طبقه بندی: ادبیات/شعر، زوانی هه‌ورامی، فەرید عەباسی، جەواد حەمزه (فێراق)، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹۳)،
نوشته شده در تاریخ یکشنبه 5 خرداد 1398 توسط همایون محمدنژاد
کەلەبەروو شێعرا(٨۷)

‍ 
تۆ خودٚا مووچیاری ئا زوڵفا کەرە
با وەسم ئەشکنجە  دانێ لا بەرە

با کەلیمێ حەق بێ جارێو دەمتەرە
چی هەق و ناهەق مەیا وەرچەمتەرە؟

گا چنووری نەوڕەس و گا مارەنێ
گا چەنی سروە و شەماڵی یارەنێ

گا پێسەو هەوری وەری پێوار کەرا
گا پێسەو گەوری موسوڵمان هار کەرا

ئیسە ئامان ڕەنگ و مەنگی تازە باو
گا شەرابین گا زەڕین فام گا سیاو

شانە بەعزێ جار وزۆشا قینەرە
ئەفعی ئاسا چززێ ساوا سینەرە

نەسحەتوو هەورێشمی خاویت کەرە
وا دەمێ شانۆش پێگە و گا پۆگەرە

با پێسەو وێشا پەرێشان دڵ نەبوو
پێچ پێچین و سەرکەش و سەرچڵ نەبوو

گێرەشا پەلکە و کەرەش زەنجیروو من
یەکیەتی تەنیا کەرۆ تەگبیروو من

تۆ من و تۆ وەش کەری و تۆ بی جیا
تەفرەقەت نەقشەو دەسوو سەعدی نیا

#سه‌عدی غه‌ریبی

سەعاتە
نە دوانزەو شەوێن و 
نە پەنجوو سۆحی
نە بە وەختوو فەلەستینی 
تەوەنینە و
نە بە وەختوو شاماتی
 بارووتا!

زەمان
بە وەختوو ئێگەی 
چەپڵێ وارانینی و
سەماو شەتاوا و
چووپی قەڵوەزەی

چرکە
بە وەختوو ئێگەی
لەنجەو شەماڵین و 
ڕەشبەڵەکوو
 هەناری و 
         هەواری

ئەرێ باوان
سەعاتە
بە وەختوو ئێگەی
هەورامانا
        هەورامان

# بێهرووز موحەممەدپوور (شارۆ)

***********

دەی بۆ کەسم واچوو پنەت
       باوڕت بۆ درۆ نیەنە!!
بۆنەو تۆوە دڵوەش بیەنا
    گیرەم باوشی،
       هەتا سەوای ،ورکەم نیا
سوورەچنار!،تۆ بی خود٘ا
ڕازەودڵیت ،واچە پنەم!!!
ئەشکووفەکەم 
  خۆ تەنگیاوە دلێ بەرەو 
چەماو  تۆنە
         قەڵەم سوور
 و 
        ڕەنگ تاونۆوە
 نامەکێ تۆ 
                      برقە دۆوە
ساڵەی تازە ، هۆرگیسیۆنە ،
  جلێ سوورێ
کەروونە من 
 گڕی واتش هۆرزە بۆرێ
تێکەڵ کەرمێ 
             گجیێ  سوورێ
هەرچن 
   بیەن فڕەو جارا ،
 هامدەنگ چەنی خۆ هەسارا
         گوزەر کەرمێ ، پێسەو جارا  
ئەفسانەیچ بۆ  
 شاد٘ی وزمێ ئەو هەناری
هەوار بەسمێ کۆ و کۆساری
    واچوو پنەت باوڕت بۆ
       کەوا و پانتوڵ،

سوخەمە و پەسەک
 پەی ورموو شاعێروو پاری
              زاڕۆڵێ، وەش ویارێنێ
بۆرە بلمێ  هانەو لاری 
           هەرچن نەمەن وەشی پاری
     گێرەم باوشی ،هەراڵەڕەنگ
            سوورەساوێ ،مد٘و سەمەر
       باوڕت بۆ هیشتا مەنەن 
                  قەوڵ و قەراروو جارانی
          ئەر باوڕت مەنەن پنەم!!!
                    #هومایون موحەممەدنژاد
                    @paylway




ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، فەرید عەباسی، بێهرووز موحەممەدپوور(شارۆ)، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٨۷)،
نوشته شده در تاریخ شنبه 7 اردیبهشت 1398 توسط همایون محمدنژاد
جەشنوارەو یۆوەمین شێعرەو کوردی هەورامانی

بە ئەرک و زەحمەتوو 

ئەنجومەنوو شنەوفەرهەنگوو هەورامانی

شارووپاوەی ـ پەنج شەمە٥ـ۲ـ۱۳۹٨

@hawramanhaneberchem




طبقه بندی: اجتماعی، فرهنگی و هنری، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، هومایون موحەممەدنژاد، ئێبراهیم شه‌مس، عادڵ موحەممەدپوور، عه‌بدوڵڵا حه‌بیبی، موحەممەدره‌شید ئه‌مینی، کوورش یوسفی(ئاریا)، سابیر عه‌زیزی، بێهرووز موحەممەدپوور(شارۆ)، جەواد حەمزه (فێراق)، عوسمان ڕەحیمی(مورید)، فه‌تحوڵڵا ڕه‌زایی، موحەممەدمۆمن یه‌زدانبه‌خش، جەماڵ قادرپوور، وەلی فەتاحی، هادی سپه‌نجی(خاڵه‌)، شاهۆ مەعازی، مامۆسا عەدەمی و فەیسەڵ هێدایەتی، باقی شه‌فێعی، مامۆسامۆمن نووری، دوکتورهێدایه‌ت مه‌حموودی، ڕەحیم ڕەحمانی، موحەممەد خدری(ئەدیب)، سه‌عدی غەریبی، عەباس غەریبی، حه‌سه‌ن عومرانی، میلاد یووسفی، فایق لۆتفی، یه‌زدان لۆتفی، حامی نیکبه‌خت عه‌بدولمه‌لکی، که‌لسووم عۆسمان‌پوور، عه‌باس ره‌شیدی(ساکار)، یاسر ڕەشیدی، قەیۆم دانشوەر، حه‌بیبه‌ڵڵا موسته‌وفی، فەهمی مورادی‌مه‌ولوودی، عەتا عەلی پوور، حێکمه‌ت موحەممەدی(خه‌میار)، ئۆمید حه‌بیبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،جەشنوارەو یۆوەمین شێعرەو کوردی هەورامانی،
نوشته شده در تاریخ شنبه 7 اردیبهشت 1398 توسط همایون محمدنژاد
کەلەبەروو شێعرا(٦٦)


کەسێ موڵكوو دڵیش گێرتەن بە یەکجاری خرابنانش
دەسم کورتا خودٚا ڕەحمێ هەتا یاوۆ بە دامانش

گەدٚان و شا، هەتیم و ناز، فەقیر و زەڕ، چەنی یاوۆ؟
پەرێشان چوون منێ پەنجەش بە تای زوڵفی پەرێشانش

حەرامش بۆ وەشیم گردٚش بە تاڵانوو چەما بەردٚەن
حەراما وەرم و خۆراکم بە بێ لەنجەی خەرامانش

خیاڵم بێ کەماڵ و ماڵ و حاڵێوەم بۆ پەی ژیوای
خیاڵم تەفر و توونا بی بە خاڵ و باڵ و میزانش

خەبەر دەیدێ بە ئا بێ مروەتێ زانوو دڵی شێتم
بە چەکمەو ناز و غەمزەیشه‌و جە ئاسانەش ژلێقنانش

وەڵادیم بۆ ڕوێو قەزیەو وەشەسیایی یەقینم هەن
زڵێخا ناز کەرۆ و یۆسف خەریکا بەربشۆ گیانش

ئەگەر «سەعدی» مەنۆ ئا ڕۆ خێشابێ پەڕ كەرۆ ماچێ
قەساسوو ئا وەشی جەوریت بە نامەردٚی خنیکنانش

#سه‌عدی_غه‌ریبی

کاناڵەو شێعرێ هەورامیێ

********


 نەدارینە گۆچ کریەیبێ
 و
کاڵفامینە، گۆت بی حەزش

باڵاش ئەقڵیش بەرز ئەرمانێ
 و
 باوڕ، ژیوایش دیوار چنێ

تەقەو پایا کۆڵانەش چڵاکنارە و 
 زڕناش پەلتۆکێو
          سینەو بەرەی
یوە...
   دوێ...
      یەرێ و ...
   
نۆش پۆڕنابێ و 
     مارەییش هەلهەلە ئارێ...!

نۆقڵ و شیرینی تاڵ جمێنێ چەم
زاڕۆڵێ،
 وەستێرە کۆڵانە و
هەواو شادٚی
هەرزەکارێش بار دێ بەرزەبانا
چەمەقرتێ دەلاقەنە و
           تێک دای سەرپۆشا
دڵی وەزنێرە پەی دوە دەسماڵەی

شادٚی مەردٚرە و 
           ژیوای نەوژەن... 
ویر باڵەفڕبی
          باڵاو وەیوێنە 
عەمروو زەمای چەماشەنە پەلێش دێوە و
نێگاش سپارا وەشەسیایی
ئەشق
    ڕسواییش چەمنە ئەرمانا و
سەی تەڵاقی
       زەق بێ زاڵیش
یوە... 
    دوێ... 
         یەرێ و
            ئاننەتەر ساڵێ ...

شەرەف ماسا مەژگوو کاکەیش
     و 
عالتەرین تەکبیر پەلەش وست وەڵێ
پەپوولەکێش 
سەرمەسوو ژیوای
پیرەزەما 
یەرەتەڵاقەش مشتەنە وڵاونا و
کرچەو ماشەی شکە گێرێش

وەهار گیانش یاوا لووتە 
عەزم ئاخێزیا ڕاو گەلەبێرێ 
نەخشەو براڵا ئەقڵش وڕنا
جادٚە، 
مەرگش پەلکێش کەرد بەروو دەگای
ڕۆجیار تۆریا و
            قاڵاو داشەرە

چاڵێوە 
   مەرگێوە و 
          شەرەفێوە...!

ژیوایش پێچنا دووکەڵوو جگەرەیرە
 ڕەجم جما و
       باوشەو دەگاینە
          شەرەف پەڵەش دا...!

 ‍  ب.م (شارۆ) 




طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦٦)،
نوشته شده در تاریخ یکشنبه 16 دی 1397 توسط همایون محمدنژاد
کەلەبەروو شێعرا(٦۳)


دڵ له‌ت له‌ت که‌رده‌ن ئه‌ڵماسه‌که‌ی ده‌رد
کوت کوت مه‌ڕفانۆش وای هه‌ناسه‌ی سه‌رد

ته‌نوور ده‌روون جۆشش ئاورده‌ن
لاو هه‌رس گره‌و جه‌ تۆفان به‌رده‌ن

که‌شتی وجوودم ها نه‌ ته‌لاتوم
ها وه‌خته‌ن هه‌ستیم نه‌ چه‌م که‌رۆ گوم

خاڵی بۆ گۆشه‌ی به‌زم مه‌ی نۆشان
بشوون وه‌ دیدٚه‌ن جه‌رگه‌ی خامۆشان

#شێخ موسته‌فای_ته‌خته‌یی

شانه‌که‌ت سه‌رتاسه‌روو شانه‌ی هه‌تا قه‌وسی که‌مه‌ر
خاس بیه‌ن مه‌حره‌م  به‌ باخی په‌ڕ جه‌ شه‌وبۆی گوڵ به‌ سه‌ر

شا نه‌بوو ،با شانه‌ بوو ئا زوڵفه‌ کاڵا شانه‌ ده‌و
شا، که‌ماچا، شا که‌ ماچاش شا ئه‌چاگه‌ن شانه‌که‌ر

با به‌ شایا چی شه‌هه‌نشاهی خه‌به‌ر دا شانه‌ هه‌ن
تا جه‌ شاهی ده‌س بکێشا، وه‌ربه‌ره‌ت شاهین، قه‌مه‌ر

چی نه‌بوو شانه‌ سه‌روو زوڵفات که‌روو تا تا به‌ تا؟
تۆ به‌ شانه‌ و زوڵفی شانه‌ت شانه‌ شانه‌ت که‌رد یه‌هه‌ر

من چه‌ خه‌یرێم ده‌س گنا چی ئاده‌می زاده‌ی مه‌گه‌ر؟
تا نه‌بوو شانه‌ و نه‌بوو هامده‌م به‌ زوڵفت بوو به‌شه‌ر

ئه‌ی هه‌زاران جار به‌ شانه‌ی وه‌شڵه‌یی بۆ نه‌ک به‌ شای
نه‌ک به‌ گرد شانێ، فه‌قه‌ت پا شانه‌ تۆ دان ته‌وقه‌ سه‌ر

شانه‌ شانه‌ت با بشانۆ شانه‌ گیسووی په‌ڕ گوڵاو
شانه‌ به‌رتیلیش مه‌گه‌ر دان چانه‌ بووسا و بێ خه‌ته‌ر؟!

با په‌رێشان هه‌ر مه‌نا ئا زوڵفه‌ دێزێ ئه‌ی سه‌نه‌م
تا 
به‌ که‌ی "سه‌عدی" غه‌ریبه‌ن، شانه‌ مه‌حره‌م، موعته‌به‌ر؟!

#سه‌عدی_غه‌ریبی


سەدٚ پەیامێم دای شەماڵی سەربەمۆر گرد بێ جواو
ساقیا با بەی پەیاپەی جام بە جام بادە و شەراو

مەی نە خوم پەی چێش ئەسیر بۆ چێگە من مات و پەشێو
بارە حەوت ساڵەش هەس و مەس دڵ بیەن گێجە و شەتاو

نیم نگایەو ئا چەماو تۆ با گنۆ سەفحەو چەمام
مانگە بێ وەر کەی متاوۆ چا سەرەو بۆ چلچراو

سجدەگاو ئەشقوو منا تەختوو تەوێڵێت تا سەحەر
په‌ی حه‌جی عومره‌ی نێگارا لاده‌ ڕووبه‌ند و حێجاو

با گنۆ بەر ڕوومەتی ئاڵ تا شەبەق بزیۆ جە کۆ
قاقرستانوو خیاڵیم بۆ بە ڕووبار و وەراو

تۆ لوای وەقرەش نیا من سەرەی سەودٚاسەرم
مەینەتا ژیوای بە تاڵی یا ڕەبی ناریش حەساو

بوڵبوڵوو باخوو وەهاریم داش شەقەو باڵی و لوا
بایەقوش زار زار مەوانۆ تا شەبەق بەی تاو بە تاو

مەسرەوۆ کۆرپەو دڵیم ئارام مەگێرۆ بێقەرار
هەر پڕووزەش مەی جە دووری سۆتەدڵ ماچی کەواو

پایزا زەردی خەزانی سەدٚهەزار زامێش هەنێ
لەش زەبوونا، گرد کەسم بۆ ئی چەمێ ماچی سەراو

سەرتەڵوو داروو نەمامیم شۆکنۆشەو واو فەنای
دڵ هەراسان و مەلوولا یانە وێران و خراو

فەیسەڵا واچینە بزیۆ ڕۆجیاروو ئارەزووی
ئاخرش بەی مێحنەت و خەم،مەین و ڕەنج و عەزاو

#فه‌یسه‌ڵ_هێدایه‌تی

@hawramyanah



طبقه بندی: فرهنگی و هنری، ادبیات/شعر، زوانی هه‌ورامی، مامۆسا عەدەمی و فەیسەڵ هێدایەتی، سه‌عدی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦۳)،
نوشته شده در تاریخ پنجشنبه 10 آبان 1397 توسط همایون محمدنژاد
 ‍
هەورامان هانەبەرچەم


وێرەگانەو شێعرێ(خێزنای شێعرێ بە لەنجەوخەزانی تایبەت بە شێعر وانای) جە لاو ئەنجۆمەنوو ڕۆجیاری، لوا ڕاوە (عصری با شعر(خێزنای شێعرێ بە لەنجەو خەزانی)با اجرای شعرخوانی بە همت انجمن روجیار، برگزار گردید

وێرەگانەو شێعرێ(خێزنای شێعرێ بە لەنجەوخەزانی تایبەت بە شێعر وانای) جە لاو ئەنجۆمەنوو ڕۆجیاری، لوا ڕاوە (عصری با شعر(خێزنای شێعرێ بە لەنجەو خەزانی)با اجرای شعرخوانی بە همت انجمن روجیار، برگزار گردید

به پاو هه‌واڵووپەلیانەو"#'هه‌ورامان هانه‌به‌رچه‌م''ی بەرنامەو"وێرەگانەو شێعرێ (خێزنای شێعرێ بە لەنجەوخەزانی تایبەت بە شێعر وانای) جە لاو ئەنجۆمەنوو ڕۆجیاری جە ساڵۆنوو ئێدارەو ئێرشاد ئیسلامی شاروو مەریوانی ، لوا ڕاوە.
ئی بەرنامە جە ڕاکەوتوو ۱٥ـ۷ـ۱۳۹۷ و جە  سات و ساعەتوو ٣/٣٠ دەسش پەنە کەرد و هەتا٦/۳۰مانیمەڕۆی درێژەش بێ کە جە نەوعوو وێشەنە ،بێ وێنە بێ.

ئەچی ئەرەنیشتەنە جە شارەکاو مەریوان،پاوە، نۆتشە، نەوسود، سەڵواوا، سنە،هەورامان تەخت،و....بەشداریشا کەرد و کۆڕەکەشا ڕازنابێوە.
بەشدارەکێ وەشەویسا:
موحەممەدڕەشید ئەمینی،مۆمن یەزدانبەخش،هادی سپەنجی،پەرویز بابایی،فەیسەڵ هێدایەتی،جەماڵ قادرپوور،ئەحسەن ڕەشیدی،سەباح جەباری،عەدنان مورادی، حوسەین وفایی،جە شارووپاوەی
حەسەن عومرانی،مەجید مورادی،ئامینە ڕەحیمی(ژوان)،مەنسوور سوهرابی جە شارووهەورامان تەختی،ویدا عوزەیری، فەرید ڕاژین،جە شارووسنەی،ئەیۆب حەق بین،حەمیدە بینەندە، موحەممەدسدێق کەریمی، سەحەر مەهدەوی کەورد، فاتێح ئەرژەنگی، لوقمان کانی سانانی جە ئەنجۆمەن ئەدەبی و کۆڕەوغەریباوشاروومەریوانی
حوسەین خۆرا جە شارووسەڵواوای، بورهان ئەختەر،فەرید عەباسی،بێهرووز مەحموودپوور،شیلان کەریمی،مەهوەش درۆستکار،سوبحان خالدی جە شاروومەریوانی

****

باتوجە بە اطلاع رسانی و گزارش وبلاگ فرهنگی، ادبی ،تاریخی'هه‌ورامان هانه‌به‌رچه‌م''عصری باشعر (خێزنای شێعرێ بە لەنجەوخەزانی)با اجرای شعرخوانی بە همت انجمن روجیار، در شهر مریوان برگزار گردید

این برنامە کە درتاریخ ۱٥ـ۷ـ۱۳۹۷ و در ساعت ٣/٣٠ شروع وتا٦/۳۰شامگاە ادامە داشت کە در نوع خودش ،بی نظیر بود.




طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، ئەنجومەنوو ڕۆجیاری، هومایون موحەممەدنژاد، کوورش ئه‌مینی، عه‌بدوڵڵا حه‌بیبی، مه‌هدی ئه‌بری(هه‌ورام)، موحەممەدره‌شید ئه‌مینی، فەرید عەباسی، سابیر عه‌زیزی، بێهرووز موحەممەدپوور(شارۆ)، عه‌دنان مورادی، موحەممەدمۆمن یه‌زدانبه‌خش، فه‌رزاد مه‌هدی‌نیا(فه‌رزاد ژیواری)، هادی سپه‌نجی(خاڵه‌)، مەهوەش درۆستکار، بورهان ئه‌خته‌ر(هورامی)، مێهران ئه‌حمه‌دی، مامۆسا عەدەمی و فەیسەڵ هێدایەتی، موحەممەد سالاری، سۆبحان خالدی، سەعدوڵڵا خون خام(شەهریار)، ئامینه ڕه‌حیمی(ژوان)، فه‌ریدوون به‌هرامی"شرام"، ڕەحیم ڕەحمانی، حه‌سه‌ن عومرانی، سه‌عدی غەریبی، تالێب ئه‌داک، حسه‌ین خورا(خه‌یاڵ) ، سه‌باح جه‌باری، جوانمیرخووند(کۆساڵان)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،وێرەگانەو شێعرێ(خێزنای شێعرێ بە لەنجەوخەزانی تایبەت بە شێعر وانای) جە لاو ئەنجۆمەنوو ڕۆجیاری،لوا ڕاوە (عصری با شعر(خێزنای شێعرێ بە لەنجەو خەزانی)با اجرای شعرخوانی بە همت انجمن روجیار،برگزار گردید،
نوشته شده در تاریخ دوشنبه 16 مهر 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3