ئەشناسنای و بەخشایەو کتێبوو ڕازوانی هەورامی، لوا ڕاوە

ب‍ە پاو هاگاداری جە هەورامان نێت"ی ئەشناسنای و بەخشایو کتیٛبو ڕازوانی هەورامی لواڕاوە
هەڵەبجە: ئاروٙ ویٛرەگاو پەنجشەممەی ڕوٙدیارو 1/8/2019  کوٙنیشتێوە جە هوڵو یانەو سیاوچەمانەینە لوا ڕاوە پەی ئەشناسنای و بەخشای کتیٛبو ڕازوانو هەورامی/ بەرگی دووەم .
بە بەشداری و ئامادەبیەی جەمێوە جە  هوٙگراو زوان و کەلتورو هەورامانی کوٙنیشتەکە لواڕاوە، بنەڕاوە ماموٙسا ئارام بەنامیٛ یانەو سیاوچەمانای خێرئامای میٛمانەکاش کەرد و  کوڵیٛوە جە ژیوانامە و بەرهەمە چاپکریاکیٛ دکتوٙر ناجحیش ئەشناسنێ پەنەشا، دماتەر دکتور ناجح بە کوڵی و پوختەی باسو کتیٛبەکەیش کەردەش، دماتەر سەرنجەو ئامادە بیا هورگیریاو وات و واچێوە مەکین ویەرد میانشانە. 
دماجار کتیٛبەکە کڕەنویس کریاو بەخشیاوە ملو ئامادە بیارە.
یاگیٛ واتەین، ئینە دووەم کتیٛبو ڕازوانو هەورامین کە دکتوٙر ناجح سەرو ئەرکو ویٛش چاپش کەروٙنە، خەرجیش کیٛشتەن، بە بەلاش بەخشنانشەوە ملو هەورامی زوانارە و هەورامی دوسارە. پەی ئەوەژیونای زوان و فەرهەنگو هەورامانی. مزانیچ بوٙ کە ماوێ تەرەنە کتیٛبێوەی تازەتەر گنوٙ وەرەچەمو وانەراو  هەورامانی.
http://hewraman.net/?p=3846
هەورامان نێت. دناجح گوڵپی 1/8/2019



طبقه بندی: فرهنگی و هنری، ادبیات/شعر، اخبار، تاریخ، زوانی هه‌ورامی، شهرها و روستاهای هورامان، آموزشی، دوکتور ناجح گوڵپی، جه‌مال حه‌بیبه‌ڵڵا(بێدار)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ەشناسنای و بەخشایەو کتێبوو ڕازوانی هەورامی،لوا ڕاوە،
نوشته شده در تاریخ یکشنبه 13 مرداد 1398 توسط همایون محمدنژاد
معرفی کتاب های نویسندگان در حوزه های مختلف(۱٥)

 
دوویٛ ساڵیٛ چەیوەڵی کتیٛبو پانوٙراماو کیمیاوارانو کوردەسانی چاپو وەڵاو کریاوە
کتێبو پانۆراماو کیمیاوارانو کوردەسانی چاپ کریا
کتێبێوی خنجیلانەن باس جە کیمیاوارانو کوردەسانی کەرۆ جە سەردەمو دەسەلاتو ڕژێمو بەعسی گۆڕ بەگۆڕینە، بە حەوت زوانی پەخش و وەلام کەردەنۆ ( ئینگلیزی،سویدی،فارسی ،عەرەبی، کرمانجی، سۆرانی، هەورامی )،پەی یاذو ویسو نۆسالەو کیمیاوارانو هەلەبجەی گنۆ وەرەچەم وبوانەکا.
ئی کتێبە بە شیوازێ زەریفو ڕەنگاوڕەنگ چاپ کریان، 132 لاپەلێن،بە قەوارەو “24*17 “سم ، نوسیتەی و ئامادەکەردەیش دکتۆر ناجح گوڵپین، سەرو ئەرکو گروپو کۆمپانیاکاو هەلەبجەی چاپ کریان جە چاپخانەو ئاڤاکوردی / هەلەبجە، دیزاین کەردەی(ونارای) مامۆسا هیوا مەحمود فەرەجی، دەس وەشیشا وەنە کەرو.
ئێ کتێبە ئینا پەراوێزو پرۆژێوە درێژ خواینینە، کە دروسیان جە ( کتیب، بروشور، وێنە، فلیکس، ڕۆژمار) کریۆ گرد سالێ چاپێ کریاوە و وەڵا کریاوە.
گرنگی ئی پرۆژەیە ئانەن، هەرچی زانیاری هەن سەرو کیمیاوارانو کوردەسانی گردم تۆمار کەردەن بە وردی و پوختی، وە بە چنڎ زوانێ جیهانیچ .
مەشۆ دلێ مۆنۆمێنتەکانە نرێوەرە (هەڵەبجە، بالیسان، سێوسێنان، چەمچەماڵ، گەرمیان…هتد ) تا بەدیاری دریۆ بە مێمانە بیانیەکا، وەختێ سەردای کەرا پەی ئی یاگە مەینەت بارا.
پێسە سەرچەمێو ورد و پوخت و ئاسان گنۆوەردەس پەی وانگا و زانکۆو ناوەندە ڕۆشنوێڕیەکا، گردو فەرمانگەکا هەلەبجەی و کوردەسانی، هەتا گر کەس شارەزایی تەمام پەیدا کەرۆ سەرو تاوانەکا کیمیاوارانی و جینۆسایدی.
پەی پەخش کەردەیش دلێ کۆنفرانسە جەهانیەکانە، وەختێ کە شاندێ جە کوردسانەو ملۆ پەی بەشداری، یام جە کۆنفرانسە کا جینۆسایدینە و ڕیکوزیاو قەدەغەکەردەی چەکی کیمیایی و کۆنفرانسو سالانەو دادگا و لاهای.
کریۆ ئی کتیبەو بەرهەمەکێ تەرێ سالانە جاپ کریاوە، بە زوانێ زیاتەریچ، هەتا بتاومێ مەینەتی و تاوانەکا دەرهەق بە گەلو کوردی بیاونمێ جیهانی، ئینەیچ سودش هەن پەی هامکاری جیهانی و ئەشناسنای جینوسایدی پیٛسەو تاوانێوە دەرهەق بەخەڵکو کوردەسانی.

د.ناجح گوڵپی 1/3/2017




طبقه بندی: اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۱٥)،
نوشته شده در تاریخ جمعه 3 خرداد 1398 توسط همایون محمدنژاد
بەرگەو دوێ ۲ جە کتێبوو"ڕازوانی هەورامی"نویستەو دوکترناجێح گوڵپی چاپ و وەڵا کریاوە


بە پاوهەواڵوو"هەورامان هانەبەرچەم"ی بەرگەو دوێ ۲ جە کتێبوو"ڕازوانی هەورامی"نویستەو دوکترناجێح گوڵپی چاپ و وەڵا کریاوە.
 ئی کتێبە کە درێژەو بەرگەو ۱ بێ جە ٤۹۳لاپەلێنە نویسیان .واتەو ئینەی کە ئی کتێبە یەرۆمین بەرهەموو دوکترناجێحین ،ئەپا ئاواتە خامەش هەمیشە قنج مەنۆوە و قەڵەمەکەش بە زوانی ئەد٘ایی قیت و پایەدار بۆ.


هەورامان هانەبەرچەم
 

بەرگی دووەمو کتیٛبو ڕازوانو هەورامی چاپ کریا
یانەو کتیٛبو هەورامانی خەڵاتێوەتەر کریا، بەرگی دووەمو کتیٛبو ڕازوانی هەورامی چاپ و وەڵاوکریاوە.
ساڵەو پاری 25/5/2018 بەرگی یوەمو کتیٛبو ڕازوانو هەورامیم چاپ و وەڵاو کەردوە، ئیساڵیچ پەشتیوان بەخوای بەرگو دوویٛش چاپ و وەڵاو کریاوە. ڕێک دماو سڵێوە 22/5/219 چیٛرو چاپینە ئاماجبەر.
کتیٛبو ڕازوانی هەورامی 493 لاپەلیٛ قەوارە 24 * 17 ، جە حەوت لیٛژا دروسیان، بەرهەم و بەرویرو دکتوٙرناجح گوڵپین.ئی کتیٛبە چی بەشا دروسیان: 
لیٛژەی یوەم: بە دریٛژی باسو چەمەی زوانی هەورامینە کریان، چەمەی سادە و ئەرەتاشیا و ئامیٛتە، هەرپاسە قەد و ڕیٛخەو گردو چەمەکان دیاری کریان، شونیەرە نمونیٛ مشەمەریٛم ئاوردیٛنیٛوە سەرو جوٙرەکاو چەمەی( چەمەی ویەردە و نەویەردە و ویەرو نەویەر و نادیار). ئەگەر گەرەکت بوٙ بەڵەڎ بینە جە ڕازوانی مەشوٙم فیٛرو چەمەی بی و بزانی چەمە چیٛشەن و کامەن و ئیجا بتاوی کەردەش چەنە دروسکەری و جە دروسنای واتیٛنە بەکارش باوەری.
لیٛژەی دووەم: چی لیٛژەنە بە پوختی باسو بکەری و جوٙرەکانو بکەری کریان( بکەری ڕازوانی و بکەری هەقەتین "لۆجیکی" ، بکەری نادیار و بکەری نادیاری نیشاندریا، هەرپاسە نونگەو دروسنای بکەرنادیاری. چەنی ئانەیچ باسو وەرکاری، وەرکاری ویٛڕاس و ناویٛڕاس ڕوٙشن کریانەو. ئیجا باسو نیهادو گوزارەی و دەسەواچەی"فرەیس" کریان. ئەرکشا چیٛشەن دلیٛ ڕستەینە.
لیٛژەی یەرەم: باسو دروسنای واتیٛ"مۆرفۆلۆجی" واتیٛ سازی. بە جوانی شیکریانەو ، مۆرفیم و جوٙرەکاو مۆرفیمی، مۆرفیمی بنەڕەتی و مۆرفیمو ئەرەتاشتەی و مۆرفیمی واتە واڕ، مۆرفیم و ئەلۆمۆرف، فۆنیم و ئەلۆفۆن، وەڵگیٛر و دماگیٛر و نیشانیٛ، دلیٛگیٛر و کۆنفێکس، بە جوانی باسیٛ کریاینیٛ. 
واتیٛ جە ڕووەو دروسنایوە باسکریان، واتیٛ ئەرەتاشیێ و ئامیٛتیٛ، ئیجا با بە چنڎ لزگیٛوە، نامیٛ ئەرەتاشیێ و ئامیٛتیٛ، یاوەرنامیٛ ئەرەتاشیێ و ئامیٛتیٛ، کەردەی ئەرەتاشیاو ئامیٛتە، یاوەرکەردەی ئەرەتاشیاو ئامیٛتە، ژمارەی ئەرەتاشیا و ئامیٛتە وزیانیٛ ڕووە.
لیٛژەی چوارەم: بەجوانی باسو کەرەسەکاو دروسنای ڕستەی کریان، ئیجا باسو ڕیزبەستەی ڕستەی، شونیەرە بە کوڵی و پوختی باسو سیمانتیک و پراگماتیکی کریان. ئیجا بە کوڵی باسو مانای فەرهەنگییٛ و مانای ئیدیۆمییٛ و مانای ڕازوانییٛ و مانای میتافۆرییٛ و مانای پراگماتیکییٛ کریان. ئی باسیٛ مەشوٙ بزانیشا چونکەتەی گرد پیٛوەندیشا هەن ڕازوانیوە.
دماو ئانەی باسو کەردەی یاردیدەری کریان، چنڎ جوٙرێوە کەردیٛ یاردیدەریٛما بە نمونە ئاردیٛنیٛوە، ئیجا بە کوڵی باسو پەخشانیٛم کەردەن، چەنی وەڵبەند و دمابەندی .
لیٛژەی پەنجەم: بابەتیٛوی تازەن، ئا واتیٛ کە جە چەمەیوە هورگیریان، پسە: نامیٛ بکەری و نامیٛ وەرکاری و نامیٛ چەمەی و نامیٛ دەسینەی و نامیٛ یاگیٛ و یاوەرنامیٛ و نامیٛ واردەی و نەوەشی. جە چەمەی متاومیٛ فرەو واتیٛکا، یام نامەکا دروسنمیٛ. ڕوٙزگارو ئاروٙینە تاومیٛ فرە کەلک چینەی هوٙرگیٛرمیٛ پەی دروسنای فرەو واتیٛکان.
لیٛژەی ششەم: چی لیٛژەنە باسو زوانئەشناسیما کەردەن، لەقەکاو زوانئەشناسای، زوان چیٛشەن و چەنی ئەژناسەش کریوٙ؟ ئەرکو زوانی چیٛشەن؟ زوان چەنی پەیڎابیەن؟ تایبەمەندیەکاو زوانی و جوٙرەکانو زوانی. خیٛزانە زوانەکاو جەهانی و زوانە هیند و ئاریەکیٛ، دیالێکت و جوٙرەکانو دیالێکتی و نونگەو پەیڎا بیەی دیالێکتی و جیاوازی میانو دیالێکتی و زوانی وزیان وەرەچەم.
لیٛژەی حەوتەم: چی لێژەنە بە دریٛژی باسو ڕانویسی و خاڵبەندی کریان، جوٙرەکاو نویستەی باسکریان، هەرپاسە وٛجوٙرەکانو ئەلف و بیٛ باسکریان، بە جوانی باسو ئەلف و بیٛ هەورامییٛ کریان، وچەکیٛ زوانو هەورامی وزیێنیٛ وەرەچەم، ئیجا باسو وچە دەنگدارەکا(ڤاوڵەکا) و بیٛ دەنگەکا( کۆنسوٙنانتیٛ) کریان  دماجار بە پوختی باسو خاڵبەندی کریان، یانی وەختو نویستەینە چەنی خاڵیٛ و کوٙماو کەمانیٛ بنیەیمیٛرە.
دما لزگش ماناو واتیٛکانە و چەنی سەرچەمەکا.
ئینە یەرەم کتیٛبا کە بەزوانی ئەڎایی وێم زوانی هەورامی چاپ و وەڵاوش کەروە، پەشتقایم بە خوای سەرەمڕیٛ بیمیٛ.
د. ناجح گوڵپی  22/5/2019 چوارشەمە

هەورامان هانەبەرچەم





طبقه بندی: ادبیات/شعر، اخبار، زوانی هه‌ورامی، شهرها و روستاهای هورامان، آموزشی، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ پنجشنبه 2 خرداد 1398 توسط همایون محمدنژاد
دید٘ارو مەحموودخانوو دزڵیێ ملۆ ڕاوە

‍ دیڎارو مەحمود خانو دزڵییٛ ملوٙ ڕاوە
یانەو سیاوچەمانەی بە هامکاری ڕاوەبەرو ناحیەو خورماڵی یوەمین دیدارو (مەحمود خانو دزڵییٛ) سازکەروٙن، کە تایبەن بە یادو سەد ساڵەو ئازادکەردەی شارو سلیٛمانی چیٛردەسو ئینگلیزینە، سەردەمو حکومەتو مەلیک مەحمودینە.
ڕوٙو شەممەی 4/5/2019  ساتو دەو بەیانی 
یاگیٛ: ناحیەو خورماڵی، مەزارو مەحمودخانی جە دەگاو هانەو قوڵی
 چی دیدارنە دوویٛ باسیٛ پیٛشکەش کریانیٛ، یوەم جەلاو ماموٙسا ماجد خەلیلیوە، ماموٙساو زانگای، بە نام و نیشانو" مەحمودخانی دزڵی شکێنەری سنورەدەستکردەکان" . دووەمیچ لاو ئەیوب ڕوٙسەتەمیوە ڕاوەبەرو مەڵبەندو ڕوٙشنویری هەورامانی بەنام و نیشانو" مەحمود خان هەڵۆیەک لەئاسمانی نەمریدا" .
دمای ئانەی وات و واچ، ئیجا وچانێوە، دماجار ئەرەنیای باقەولا سەرو مەزارو مەحمودخانی، دما بەشو دیدارەکەی هەڵمەتەو نەمام نیای پەی ستایشو گیانو مەحمودخانی.
http://hewraman.net/?p=3601
 د. ناجح گوڵپی 1/5/2019



طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،دید٘ارو مەحموودخانوو دزڵیێ ملۆ ڕاوە،
نوشته شده در تاریخ پنجشنبه 12 اردیبهشت 1398 توسط همایون محمدنژاد

کتێبوو"هەنگەکەی دەروون"نویستەو کاکەموحەممەدخان لهۆنی بە زوانی هەورامی وەڵاو کریاوە

بە پاوهەواڵوو دوکتورناجێح گوڵپی پەی هەورامان هانەبەرچەم"ی کتێبوو"هەنگەکەی دەروون"نویستەو کاکەموحەممەدخان لهۆنی بە زوانی هەورامی وەڵاو کریاوە

‍ "مزانی پەی ئەدەب دۆسا و ئەدەب پەروەرا
دیوانە شیٛعروو “هەنگەکەی دەروون” دەسمایەو شاعێری ناسک خیاڵوو هەورامانی، کاک حەمەد٘خان لهۆنی کە بە زەحمەتوو سوبحان ئەمینی و ئومید لهونی یاوا ئەنجام، چاپ و وەڵا کریاوە.

“هەنگەکەی دەروون” دیوانە شیٛعروو ڕەحمەتی کاک حمەد٘خان لهۆنی کوڕوو مسەفا بەگوو هانەگەرمڵەیا.
حمەد٘خان لهۆن یوٙ جە شاعیٛرە ناسک خەیاڵەکاو مەحاڵە ڕەنگین و ئەدەب پەروەرەکەو هەورامانیا. کەمتەر کەسێ شکە بەری کە نامیٛ ئی ئینسانە گەورەیە نەکەوتێ بوٙ گوٙشش و شۆرەتوو شیٛعرەکاش نەیاوا بۆ لاش، بەتایبە شیٛعرەو کەڵەکەیش کە بە ڕاسی جۆروو وێشەنە شاکاری بێ وێنەن!
ڕوێ جە ڕوا کاک حەمەد٘خان کە سەیاد٘ و کەشەوانێ قابل بۆ، ملۆ کەشەنە پەی ڕاوێ و تەقە کەرۆ وەنەو کەڵێوە و پێکۆش، جا وەختێ ملۆ سەروو سەرەو کەڵەکەی و کەڵە زەرێڵ زەرێڵێ مد٘یۆش پۆرە، ناڕەحەت بۆ و جە کرد٘ەیش پەشیمان بۆوە و پەی هەمیشەی دەسوو ڕاوێ مازۆ.
کاک حەمەد٘خان دمایی حەکایتەو کوشتەی ئی کەڵیە کەرۆ پارچە شێعرێ بێ وێنێ و بۆ بە یاگە ئێلهاموو فرەو گۆرانی واچ و هونەرمەند٘ەکا.

داخەم مەشوٙ فرەو شێعرەکاو حمەد٘خان بەگی وەختوو ئاوارەیی و دەر بە دەرینە، گمێ بیێنیٛ. هەرچند٘ ئەژماروو شیٛعرەکاش فرەن، وەلێم ئیسەتیٛ تەنیا چند٘ پارچە شیٛعرێوەش دلیٛ دیوانە تازەکەیشنە چاپێ بیێنێ.
کاک حمەد٘خان لهوٙنی دەورانوو شێعر واتەیش کوڵ بیەن و دەور و بەروو چل ساڵینە دەسش کەرد٘ەن بە شیٛعر واتەی و پەنجا و پەنج ساڵەینە کۆتایش ئارد٘ەن.
کاک حەمەد٘خان چی ماوە کوڵەنە بە سۆزی ناسک و بێ وێنەش، تاوانش دلێ گەورە خەرمانوو ئەدەبوو هەورامانینە یاگیٛ ویٛش کەروٙوە.
کاک حمەد٘خان لهونی ساڵەو ۱۳۲۷ کۆچی ڕوٙجیاری جە هانەگەرمڵەنە پێد٘ا بیەن و ساڵەو ۱۳۹۳ کوٙچی ڕوجیاری پەی هەمیشەی جە دنیای ڕۆشنێ یانەئاواییش کەرد٘ەن.
ئی زانیاریمە جە کاکە ئومید لهونی – کوڕوو کاک حمەد٘خانی – هورگێرتەن.

ئەرەمتەی هەواڵی: د. ناجح گوڵپی 14/3/2019

پەی زیاتەر ئەژناسای فەرماودیٛ ژیوانامەو شاعری چی فایلەنە کە بە شیٛوەو PDF  بواندیٛوەzhiwa name



طبقه بندی: فرهنگی و هنری، ادبیات/شعر، اخبار، زوانی هه‌ورامی، شهرها و روستاهای هورامان، سوبحان ئه‌مینی، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کتێبوو"هەنگەکەی دەروون"نویستەو کاکەموحەممەدخان لهۆنی بە زوانی هەورامی وەڵاو کریاوە،
نوشته شده در تاریخ جمعه 24 اسفند 1397 توسط همایون محمدنژاد
کتێبوو"ڕازەو هوٙنیاکام"نویستەوشەوقی علی ئەشناسیا بە (شەیدا) بە زوانی هەورامی وەڵاو کریاوە

http://s8.picofile.com/file/8355078276/IMG_20190315_072649_855.jpg

بە پاو هەواڵوو دوکتورناجێح گوڵپی پەی هەورامان هانەبەرچەم"ی شاعری ناسک خەیاڵو هەورامانی شەوقی علی ئەشناسیا بە (شەیدا) جە پەیامێنە پەی وەڵاوگاو هەورامانی پیٛسەش وات: بەنامیٛ خالقو ئانزانەکا. بەنامیٛ خالقو زوانەکا سپاسوشوکرانە وجاری پەی خوڎای گۆرەی هەکە یاردیش دانیٛ پا زوانیە هەکە بەخشاناش پەنە ئی دیوانەیە پیٛکنوۆ بەچنڎ هونیێوە . مەعلوموجەنابیتانە هەچ کەسیٛوهەکە دەسیٛش دا قەڵەمی، پەیامیٛو یام چنڎ پەیامیٛوش هەنیٛ، کریو ئاپەیامیٛ بەس نویسیارەکە ویٛش بیاویشانەوشەخسییٛ با، وە کریویچ پەیامەکیٛ چون لیشکەوڕوجیاری ڕوشنیٛ با،پەیامەکیٛ من جەقسمودوەمیەنیٛو ڕوشنیٛنیٛ، وەلیم پەنەم وەیشا ئیشارەتیٛو دەو بەیوجەپەیامەکام، ئاڎیچ پەیاموو زوانی ئەڎاییما، من هەکە واتم زوانی ئەڎایی ئیتر شەرما و بیٛ وەفایین هەکە نەپاریزنوش جە تاویای ودلیٛنەشیەی، من هەکە ئی دیوانەمە بەهۆرامی نویستەن وەپاریٛزنانم جەواتیلایام کەلیمە بەریا جەزوانەکێم، بەروستەیو وەفێون پەی ئەڎێم، هونیا نویسەی پیٛسەنە دیوار کەردەی بەخشتیٛ! ئەرتەوەنیٛوەش وزیەنە ڕویٛو ڕا دیارەنە، دیوارەکە هونیانەو خشتەکیٛ زوانی ئەڎاین و تەوەنەکیٛچ واتیٛلیٛ زوانو لایٛڎان، شایەت تەوەنەکیٛ دیوارەکەی مەحکەم بکەرو،وەلیم کەلیمیٛ زوانو لایٛڎا هونیا هەرپیٛسەوکەلو تەڵانیٛ وڕنو پیٛوەرەو ئانەیچ ئاوەزی هونیای و نەتەوەیش بو هازەو ئەوە وەنەێش مەمەنو، وە گیٛرە تاسەو هونیاوانای نمازو، پۆکەی منچ هەتا تاوانم پازوانەیە هەکە ئەڎێم ئاردەنارە پەنەش، نویستەنم/من ئەرنەتاوابوم سەڎەنە سەڎ هونیاربوو ئانە تەقەلێوەی فریٛم دیٛنە کە سەڎەنە سەڎ هۆرامی بوو، ڕازەو هونیاکام نامیٛ ئاکتیٛبەنە هەکە بەرم کەردەن، کە ویٛش وینووە جە( ٩٣ )هونیایا، دلینووهونیاکام ( دینی+ نەتەوەیی+وەتەنییٛ+ وەعەشقییٛ) پاهەمیٛڎە تاوابوم خزمەتیٛوم بە زوانوفەرهەنگوهۆرامی کەردەبوٙ، (ڕازەوهونیاکام) جە کتیٛبخانەکاو(هەژارموکریانی+زەمان+ شکۆ)جە شاروهەڵەبجەی دەس گنو، پاهەمیٛڎە فرسەت بو بکیانوچش پەی شارە وەشەویسەکەو پاوەی، سڵاموحورمەت پەی گرد هونیارو نویسیاریوی هۆرامی، سەرکۆتەی پەی زوان دوساوهۆرامانی. http://hewraman.net/?p=3454 شەوقی شەیدا 21 سیاوکامیٛ(12/3/2019)




طبقه بندی: فرهنگی و هنری، ادبیات/شعر، اخبار، زوانی هه‌ورامی، شهرها و روستاهای هورامان، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کتوو"ڕازەو هوٙنیاکام"نویستەوشەوقی علی ئەشناسیا بە (شەیدا) بە زوانی هەورامی وەڵاو کریاوە،
نوشته شده در تاریخ جمعه 24 اسفند 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 8 :: 1 2 3 4 5 6 7 ...