‍ کەلەبەروو شێعرا(٤۳)

وەتەن   کۆسارت   بەرز   و  زەریفا

شنەی   شەماڵت   پەی   من  لەتیفا

ناحەزەکەو   تۆ   چن   من   حەریفا

زێکروو   ناموو   تۆ پەی من شەریفا

خاک و   تەوەنت   پاک    و   نەزیفا

تاقەت  و  سەبرم   بێ   تۆ   زەعیفا

ژیوایچم  بێ  تۆ  ، پیس و  کەسیفا

بەشەر  بێ  وەتەن  خار  و سەخیفا

ورد  و  گولالەت   پاک   و   عەفیفا

دوور بوو یام نزیک ،  لامەو  لەفیفا

خەڵکوو دیاریت ، مــــــۆمن حەنیفا

ئانە واتم   پەیت،  پەی  تۆ   ڕەدیفا

وەسفم  کەردەنی  ،   واتم   زەریفا

لەتیف و شەریف ،  عەفیف  نەزیفا

دوژمەنەکەو تۆ  ،  سەخیف زەعیفا

وەڵات   بێگانە  ،   لامەو    کەسیفا

وەتەن  زەریفا  ،    پەوچی  شەریفا

ئەجۆ  بەهەشتا  ،   خۆ  بێ حەریفا

#فەرید زاوەری

زوانی تازە گڕوگاڵم،غەیرهەورامی ،هیچ نمەزانۆ 

هەورامیانە واتم مەلۆ،جیام نمازە با حەسرەتت لام نەمانۆ

لاکەرە لاو تەنیائیموە،با هێجرانت چڵ نەشانۆ

دووریت مەرگم خەڵات کەرۆ،کێ مەزانۆ
ئارۆ سەوای کێ مەمانۆ!!!!

#فێراق


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، فەرید زاوەری، جەواد حەمزه (فێراق)، جەماڵ قادرپوور، ناسر ئەخدەر، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤۳)،
نوشته شده در تاریخ شنبه 12 خرداد 1397 توسط همایون محمدنژاد
کەلەبەروو شێعرا(٤۱)

‍ ‍ ‍پاکی وەشەن

وەسیەتەن  کاکە وەسیەتەن  ڕۆڵە

پەی  ژیوا و عمریت  بە  فکر  گێڵە

عیبادٚەتوو خود٘ای کەرە  بە عادٚەت

جە خاسی یاوە ،  پایەی سەعادٚەت

بە   تانە   دڵوو     کەسی    نەماڕی

جە   مەرام  پاکی  دڵیت     نەواڕی

هیچ    نیەن  دنیای   خەم   پۆنەشنیای

وەشبەختی ئینەن پەی هەر دوێ  دنیای

#عوسمان ڕەحیمی هەجیجی

هەرچی ئارەزوون وزدێش پا لارە
تەنیا متاوا دڵتا تەکنارە

مەژگی قوڵ مد٘ا چەنی ڕەوانی
فێروو درۆی کەرا پاکی زوانی

مد٘ا تاوێڵت ژیوای هیچ و پووچ
بە کوڵیە عێلموە تۆ کەرینە لووچ

هەر بە تەمەنا تا ئاخر نەفەس
ئارەزووی بێ بەر بۆ بە تاکە کەس

وەی وڵەگێجانێ مەژگینێ ئینە
واقعیەتی تۆ بە چەمات وینە

تەنیا عەمەڵەن یاونۆت بە پایە
ئارەزوو پەی تۆ نیەنش سایە
#‍ شاهۆ مەعازی
‍ زەمانە  یاڕەب  شەو   نەکەرین  ڕۆ
حاکم  تا بە کەی، ئینە ڕەویەش بۆ!
نە  جای  ئەلهێلال  ئەلوەداع  واچۆ
هەژار تا بە کەی وەی تەور  بساچۆ!
کامین    زوانەن   ،  کەرۆ    ڕۆڵەڕۆ
یاڕەبی پەی تۆ  ، جە  دەم   نەگێڵۆ؟
#فێـــــراق


ادامه مطلب

طبقه بندی: فرهنگی و هنری، اجتماعی، اخبار، جفرافیا، شهرها و روستاهای هورامان، عوسمان ڕەحیمی(مورید)، جەواد حەمزه (فێراق)، شاهۆ مەعازی، زوانی هه‌ورامی، جەماڵ قادرپوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤۱)،
نوشته شده در تاریخ چهارشنبه 2 خرداد 1397 توسط همایون محمدنژاد
بە گزارش ''هه‌ورامان هانه‌به‌رچه‌م‍ حەفتەنامەو ئاواتی شوماره‌و٨۰ -ی-۳۱پاژەرەژوو۱۳۹۷ـ بە بابەتوو بەشووئەوەڵوو شێعروو شاعێراو هەورامانی ڕازیاوە 

"عوسمان ڕەحیمی هەجیجی،هومایون موحەممەدنژاد،مەرحووم یاوەر هەورامی، جەماڵ قادرپوور،فەرشید مورادی، شاهۆ مەعازی، فێراق پایگەلانی"/شماره٨۰/سال سوم -تاریخ۳۱اردیبهشت ماە۱۳۹۷"

‍  هەورامان هانەبەرچەم



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، شۆرش عه‌زیزی/"ئاوات"، جەواد حەمزه (فێراق)، جەماڵ قادرپوور، شاهۆ مەعازی، یاوه‌ر هه‌ورامی، فەرشید مورادی، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،حەفتەنامەو ئاواتی شوماره‌و٨۰ -ی-۳۱پاژەرەژوو۱۳۹۷ـ بە بابەتوو بەشووئەوەڵوو شێعروو شاعێراو هەورامانی ڕازیاوە،
نوشته شده در تاریخ یکشنبه 30 اردیبهشت 1397 توسط همایون محمدنژاد
کەلەبەروو شێعرا(۳٨)
نەرمە وارانوو وەهاری بۆ و دڵت پەڕ بۆ خەمێ
دەردەداری و بێکەسی و تەنیایی با لاتەو جەمێ

شۆنەماو کەیفی نەمەن، خەم یاگە‌ پاش هێقم بیەن
بێجگە وارانوو خەمی حاشا ئەگەر وینا چەمێ
#جەماڵ قادرپوور

هەجیج
‍ هــەجیج ئەعجازی   باری تەعالان
سەرچەمەو ژیری و حەول و تەقالان

هەجیج مەڪۆگای شەرم وشەرەفەن
چــــەنی ناپاڪی درڪوو تەرەفەن

هەجیج شناسامەن پەی هەورامانی
یانەباوانەن پـــــەرێ مێمانی

هەجیجی وەرۆ نانوو زەحمەتی
سـەربەرزا نەساو ئاڵاو غەیرەتی
----------٭٭٭٭٭-----------
#سوهراب مورادنیا(سیاوکام)

‍ گوڵ دیش نەتاواش هامشانیت کەرۆ

چارەش ئانه بێ سوجد٘ەت پەی بەرۆ

بینایی دید٘ەم   زەریفتەر  جه  گوڵ

ئاوێرت وەر دان یانەی جەرگ و دڵ

#ناسر ئەخدەر  
 ۹۷/۲/۲۲


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەماڵ قادرپوور، ناسر ئەخدەر، سوهراب مورادنیا(سیاوکام)، شاهۆ مەعازی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۳٨)،
نوشته شده در تاریخ جمعه 21 اردیبهشت 1397 توسط همایون محمدنژاد
عصری با غزل هورامان توسط موسسه فرهنگی ادبی نسیم فرهنگ هورامان ، بی نظیر ، برگزار شد.( عه‌سرانه‌ غه‌زه‌ڵه‌وهه‌ورامانی جه لاو موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی ، بێ وێنه ، لوا ڕاوە)


بە پاو هەواڵوو
''هه‌ورامان هانه‌به‌رچه‌م' ی عه‌سرانه‌ غه‌زه‌ڵه‌وهه‌ورامانی جه لاو موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی ، بێ وێنه ، لوا ڕاوە

هه‌ورامان هانه‌به‌رچه‌م
بە گزارش''هه‌ورامان هانه‌به‌رچه‌م عصری با غزل هورامان توسط موسسه فرهنگی ادبی نسیم فرهنگ هورامان بی نظیر ، برگزار شد.

هه‌ورامان هانه‌به‌رچه‌م

دەسوەشی جە کاکە ئێبراهیم شه‌مس پەی هەرمانهکاش
جه
موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی

           

 دەسوەشی جە کاکەشاهۆ مەعازی  پەی کیاستەو وێنهکا



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، نه‌سیمووفه‌رهه‌نگوووهه‌ورامانی، ئێبراهیم شه‌مس، عه‌بدوڵڵا حه‌بیبی، کوورش یوسفی(ئاریا)، فەرید عەباسی(فەراز)، موحەممەدره‌شید ئه‌مینی، ئۆمید حه‌بیبی، فه‌تحوڵڵا ڕه‌زایی، حێکمه‌ت محه‌مه‌دی(خه‌میار)، بێهرووز محەمەدپوور(شارۆ)، عه‌تا حه‌یده‌ری(خه‌مبار)، عوسمان ڕەحیمی(مورید)، عه‌دنان مورادی، هادی سپه‌نجی(خاڵه‌)، موحەممەدمۆمن یه‌زدانبه‌خش، جەماڵ قادرپوور، باقی شه‌فێعی، مامۆسامۆمن نووری، دوکتورهێدایه‌ت مه‌حموودی، مامۆسا عەدەمی و فەیسەڵ هێدایەتی، شاهۆ مەعازی، ڕەحیم ڕەحمانی، سه‌عدی غەریبی، فەهمی مورادی‌مه‌ولوودی، عەباس غەریبی، فایق لۆتفی، سه‌باح جه‌باری، وەلی فەتاحی، حه‌بیبه‌ڵڵا موسته‌وفی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،عصری با غزل هورامان توسط موسسه فرهنگی ادبی نسیم فرهنگ هورامان،بی نظیر،
نوشته شده در تاریخ پنجشنبه 20 اردیبهشت 1397 توسط همایون محمدنژاد
کەلەبەروو شێعرا(۳۷)
‍    
شاهۆی نەخشینم
شاهۆی نەخشینم وەرو پۆشەکەم
خاکی وەشەویس شەتاو جۆشەکەم

وەش ئامای بە خێر فەسڵی ڕەنگینم
مەڵهەموو دەرد٘او ئێش و برینیم

 باخەکەو گوڵام وەرکەمەر پۆشم
شاهۆی سەربەرزم  گوڵاو فرۆشم

سورەهەراڵە   و  گوڵەچنوورێت
شمڵیەو شەوبۆ کەمەراو نوورێت
 
هەراڵەو خۆنچەو  باخ و هەوارا
بەر کەرۆ  خەموو  دڵوو  نازارا 

بە نەخشی ڕەنگین باخوو گوڵزاری
 وەشەن وەرواوێت بەیانێ   واری

تافوو  وەرواوات دانەی مروارەن
شێفاو ئازاری  پەی دەرد٘ە دارەن

شنەی هەوای وەش ئاخێز کەرۆوە  
باڵداروو   کەشا   بنیا     بنیۆوە 

ڕەنگین بان بە گوڵ  کەش وکۆ کاوا
شنیا  بە  شنەو  ئا  سەر   کڵاوا

سۆسەنان چین چین جە لاو نساران
سەفا    بۮانێ     هەوارگاو    یاران

هەراڵەبرەمێ   سەرباران    دیار
پاینوو  وەرواوان  وناران  قەتار

مەنزەرەو کاوات  وەش درەخشان بۆ
بە  بۆ  گوراڵات   گوڵاو    پەخشان بۆ

 وەسێشەن    مورید  باسوو   وەهاری
هەر  وەهارێو بەی  وەشڵەین بە  پاری

#عوسمان ڕەحیمی هەجیجی
 
هێجران                                  
تای تاقەت بڕیان سەبرم  داش  وە  باڵ
زوان جە هێجرانت کەفتەن لەنگ و لاڵ

پام نە  ڕکاوی   ئەسپی   سەفەرەن
تەن تەمای ئێحرام ، زاتی ئەکبەرەن

سەر نە سەرای مەوت ،نەفەس نە ئەلها
هەواڵی کۆچم   مەی   وە   لات   سەوا

کاردی هێجرانت وەی تەور تێژ کەردەن
جەرگم لەت لەتەن ، پەی ساتێ  دیدەن

دید٘ەنت مەحاڵ پام کەفتەن  گوڵکۆ
مەر  مەسێحائێ   بیاونۆم    بە  تۆ

وەرنە پەی ئەبەد٘، شاراوەم  نە   خاک
تەسلیم بە تاڵەی ، سەرای تەنیا و تاک

جەبری  ئەی دنیاو ، ستەم   و  هێجران
حەک نمەبۆ ڕۆی سەنگ،شاری خامۆشان

هەر تا  بزانی خەفتەی   ئەی   گوڵکۆ
سەر دان وە  ئەڵحەد٘ جە هێجرانی تۆ

#جەواد ـ حەمزە(فێراق)

دڵم هوونا جە مەڵڵا بێ مەلابات و جە بێعارا
مشۆم چی پاسە واچوو؟ دەی دڵم دەسشاوە بیمارا

بڕێ ماچا چەمێ بەسدێ ئەگەر ناحەق شەقێ شانا
ئەگەر حەقتا کەرا ناحەق جە ئەو دنیا حەقش نارا

بڕێ ماچا مشۆم تاوی کەری باسوو حەقی ، فەرزا
ئەمان وێشا بەسا چەمشا نەکوو بڕیا جە ئا کارا

حەدیس و ئایەتێ بارا و بە ناحەق حەق کەرا ناحەق
دەسوو وێشا نەبۆ وەڵڵا بەرانێش ئەو دەموو مارا

هەنێشا جەم کەرا خەڵک و کیانا ئەوپەڕوو مەرزی
کەرانێ وێکوشی دەی خۆ دڵم دەسشاوە هەوگارا

کوڕوو خەڵکی کیانا پەی جەهادی، هەر جەهادێ بۆ
کوڕوو وێشا جە دانشگا دەسش گیرا ، خەمش یارا

نەواتم هەرچی مەڵڵا هەن خرابا یا دڵش پیسا 
هەنێ خاسی کەرا پێشە و گوڵێ، نەک پێسە ئا خارا

هەنێشا پێسە نوقڵی ئەر  وزیشا دەم وەشا تامش
هەزاران ڕەحمەتێ پەیشا بە خەرمەن  دانە ئەژمارا

(سمعنا) هەر  ( ٲطعنا) چارەشا بێخەم، ئەمان ماچوو
مەتەرسوو من جە نامەردا، مزانوو ئاخرم دارا

#جەماڵ قادرپوور

‍ ‍ ‍ پیری

پیری جوانیم جه دەسم سانا

تۆمەکەی مەینەت نه دەروون شانا

شیرازەی جوانیم  شێونا وە هەمدا

ئێشەن ، ئازارەن ، نه تۆی دەرووندا

قامەت خەم وەردەن چوون کەمان چەمیا

جه    لام    نەمەندەن     هێز    و   تەوانا

چەم   تەم   و    تاریک     بیەن     نابینا

ڕۆشنایی تەمام مەنەن  سامەڵ سا

شنەواییم پەردەی بێ دەنگیش پۆشا
  
نه  دەنگی  ئاشنا   نه  غەیری   ئاشنا

هەناسەم حەبسەن نه  تۆی  سینەمدا

ئازام  مەلەرزان   نه  سەر   تا   وه  پا

بێزارم    جه   وێم   بێزار   جه   دنیا

بێزار جه  دەردی سەختەی   بێ دەوا

"ناسر"  جوانیت   کۆچش  کەرد  لوا

پیریت سەربارەن    زوو   بازه   جیا

# ناسر ـ ئەخدەر‍   



طبقه بندی: فرهنگی و هنری، ادبیات/شعر، زوانی هه‌ورامی، عوسمان ڕەحیمی(مورید)، جەواد حەمزه (فێراق)، جەماڵ قادرپوور، ناسر ئەخدەر،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۳۷) ‍،
نوشته شده در تاریخ سه شنبه 18 اردیبهشت 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 4 :: 1 2 3 4