کەلەبەروو شێعرا(15)

ورکە

سەرەم وس وەر چەنی ورکەی لوانێ
بیێ  یارم  خەمێ  شێتێ  و  نەزانێ

جە سەر سەخناخوو ئێڵاخوو خیاڵی
پێسەو وەروەو هەرەسەو کۆی جمانێ

تلەو بیانێ سەرەو چیری نەوینی
شەل و پەت بێکەس و تەنیا مەنانێ

ئەگەر هەڵسەو چەموو هەوری نەویبیا
هەتا ئیسەیچ کەسێ شۆنەم نەزانێ

دەسش  گرتان لەق و دار و کەشوو تۆ
سڵامەت بی جە دەس مەینەت ڕەسانێ

#مۆمن یەزدان بەخش

شینوو لەیلای

ئازیزان بەردەن، ئازیزان بەردەن
دڵ یەکسەر خەمان وە تاڵان بەردەن

دڵ یانەش جە داخ بێ مەیلان مەردەن
ڕوخسارش پەرێ هەژاران سەردەن

تۆفانی مەینەت ئاما بە سەردا
لیباسی ماتەم پۆشام نە وەردا

سیاهەور خەم تەمنا، وەشتەوە
غوباری خەفەت ئەو دڵ نشتەوە

دڵە ها چێشەن دیسان خەمباری
کام کۆست کەوتەن مەکەری زاری

دیسان کام مەرگەن ئامان بە یاد٘ت
مەجنوونت کوشیان یاکوو فەراد٘ت

لەیلات مەردێنە یا بانووی ئەرمەن
یا وەیست کوشیان جە سارای یەمەن

کام ئەیرەن وەربی ئەو خەرمانەکەت
سۆچنا دەخڵ و خورد و دانەکەت

نە تۆی کام دەریا غەرق خەمانی
زام زەد٘ەی خەدەنگ کام نەونەمامی

دڵ وات خەوەرێ شنەفتم بە گۆش
جە لام نەمەنەن عەقڵ و فام و هۆش

یارێ باوەفا و خەم وەرەی دڵسۆز
تاریف کەرد پەرێم واقعەی بە سۆز

تفڵەی مەعسوومە نزیک بە بەڵا
ئامە بە دنیا جە شاری قەڵا

هێشتار زاوڕۆ بێ خەم وەنەش وارا
فەڵەک مەینەتان جە لاش ونارا

لەیلای هەژارە و پەژموردێ و بێکەس
ئا ڕۆ بیە بەد٘بەخت ئەد٘اش دا جە دەس

بابەی فەقیر و زام زەد٘ەی دڵڕێش
پەسەند کەرد ژەنەی چمان دێو پەی وێش

جە مەکتەبخانەی شەیتان وانا بێ
دەرسی مەکەر و فێڵ جادوو زانا بێ

لەیلای مەلوولە و کزۆڵەی پەشێو
جە بەختەی سیاوەش بیە دامی دێو

شوانەی مەکەرد لەیلای دە ساڵە
چەنی مامۆزای دوانزە ساڵە

(لا حیاء فی الدین) پەی موسڵمانەن
مەوۆ بزانۆ ئانە ئێسلامەن

کناچێ جە نۆ تاکوو پانزە ساڵ
مەگنۆ عاد٘ەتی شەرعی بە هەر حاڵ

لەیلای بێ مەجنوون یە بی دووچارش
تاوانێ نەوێ یاران جە کارش

نادایەی بەد٘خۆ نەفامی ئەحمەق
ئەو ڕۆ بەست پەرێش بوختانی ناهەق

تیر نیا کەمان شەندش یەک خەدەنگ
نشت بە کن و کۆی برای بێ فەرهەنگ

وات واڵێت شەرەف پەرێ تۆ ناسەن
کەردەی مامۆزای نمەک نەناسەن

ئی لەکەی نەنگی عەیبی زەمانە
چارەی نەد٘ارۆ ئینەی بزانە

ئەر مانۆ جە لای تۆ ئی نیشانە
مەوی بە عێبرەت خوێش و بێگانە

ئەر شەرەفت هەن یا مەردیت ڕاسەن
نابوود٘ەش کەرە خاسش هەر پاسەن

جاڕ دریا نە شار قەومان زاناشان
نادایە و شەیتان پەیشان واناشان

ئەو برای غافڵ بێ فکر و ئەندێش
واتەی باواژەن تەئسیر کەرد وە لێش

پەلامارەش دا چوون وەرگی بەد٘خۆ
تا لەیلای مەزڵووم بێ گونای بوکشۆ

چن کەس واتشان یە کارت نیەن
تا هەقیقەت پەیت ئاشکرا نەویەن

کناچێ پاکە چمان ئایێنە
بەردەشان دوکتر پەی موعایێنە

شەورای پزشکی پەیش تەشکیل داشان
دوکتران یەک یەک ڕەئی واناشان

هەر پەنج دوکتر و مامای باکەماڵ
واتشان پاکەنە لەیلای باجەماڵ

لەیلا گێڵاوە یانەی وێرانە
تا دیسان پەیشان بۆ بە شوانە

نادایەی بەد٘جنس بەد٘کرداری پیس
کۆتاییش نەکەرد عەجووزەی خەبیس

واتش یە ڕشفەت یا بەرتیل دانشان
تا بە زەخموو تۆ مەڵهەمەی پاشان

لەیلای پاکدامەن بێ ئەد٘ای پەڕ دەرد
نادایە نە تۆی حمام مەحبووس کەرد

سێ شەوانەڕۆ بێ خورد و خوراک
بە دەس عفریتە نادایەی ناپاک

لێو تەژنە و دڵتەنگ هاوارش بەرز بێ
پەرێ جورعەی ئاو شینش سەد٘ تەرز بێ

ئاخرش برای بێ عەقڵ و نەفام
تەسمیم گرت بوکشۆ ئەو لەیلای ناکام

لەیلا بە لاڵە مەوات ئەی کاکە
تۆ خود٘ا مەمکوژە داوێنم پاکە

قەسەم بە خود٘ا بە قورئان کاکە
ئەمە بوختانە و چارەکەم پاکە

قەسەم بە ڕۆحی پاکی پێغەمبەر
داوێنی عێففەت نەمکەندگە لە بەر

هاوار و ناڵە و شیوەن و زاری
جە ئەو سەنگ دڵە نەکەردش کاری

تفەنگ حازر کەرد گولە بەرد نە لوول
ڕەگبارێوەش کەرد ئەو لەیلای مەلوول

نە جێ زەماوەند حوجلە و حمامش
شی کەرد وە هەمدا ئازای ئەند٘امش

پەرواز کەرد ڕۆحی شیرینی لەیلا
بەرز بی هەی ڕۆ ڕۆ شین و واوەیلا

دەک کۆر بی چەمە پەرێ قەرەوڵ
پەی کوشتەی لەیلا چەنیت ئاما دڵ

ڕێزە ڕێزە بی ئەنگووسی ماشە
چەنیت ئاما دڵ کەردت چەواشە

هووناو جاری بە بە ڕووی خاکەوە
پەی شەهید٘ی ئەو ڕۆی ڕووناکەوە

واچە پاکە بێ لەیلای بێ ئەد٘ا
شەهاد٘ەت بد٘ە نە دەرگای خود٘ا

هەقەت گم نەوۆ لەیڵای بێ ئەد٘ا
دوژمەنت کۆر بۆ لاڵ و بێ سەد٘ا

بوختان کەرەکێت بانێ ماڵ وێران
گول و گەرۆڵ بان بگێڵان حەیران

،،چەنی حۆریان جە باخچەی بەهەشت
بە شاد٘ بویاری بکەری گوڵگەشت،،

مۆمن! ماتەم بە بنیشە وە خەم
جە داخی لەیلا و عایشە و مەریەم

#مۆمن یەزدان بەخش

لامۆ وەش بۆنی


ئنـــــــــــنەو چنووری لامۆ وەش بۆنی
بەرزەڵنگـــــــــــــەنی  جە  بەرزە کۆنی

سوورهەراڵەی سوور  تۆنی  حەر   تۆنی
هــــــــــەراڵە برمەنی عاشق بە لۆنی

جە گوڵــــباخی باخ بۆوەشتـــەر تۆنی
وەشتەر جە گردی  وەهـــــــاری نۆنی

#یاوەر هەورامی


ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، یاوه‌ر هه‌ورامی، موحەممەدمۆمن یه‌زدانبه‌خش، جەواد حەمزه (فێراق)، مەهوەش درۆستکار، کاوه شکری(سەراو هەورامی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(15)،
نوشته شده در تاریخ پنجشنبه 26 بهمن 1396 توسط همایون محمدنژاد
شەوەو یەلدای(شەوەو چلێ-شەوەو به‌راتی)
بە گرد٘وو خەڵکوو هه‌ورامانی پیرۆز و مەبارەکه بۆ



یەلدا پەی من یانی دۆڵمێ و مێمان
بە گیانوو هەردوویما، جە هەردووی بێزارەنا.
نمەزانوو چە دەردیەن، گرد ساڵیەیچ
پەی ئامایش بیقەرارەنا.
یەلداتا لیپالیپوو  وەشی بۆ

#مەهدی ئەبری

شێتە شەوە

           شێویانش وەنە

ئەر نا

            تاریکی و

                         درێژی؟!

یەلدا!

                  گەورە کناچه‌کێ پاییزی

ماچا یاواینی پەنە

        چن زەرد و زەهاڵ

                        ماره‌ بڕیای

                                 په‌ی زمسانی

و

 درێژته‌رین سیاوی ڕۆزگاری

                                     بڕیا باڵات

کێ یاوانه

     زوقم و سەردی وەروو ڕاکێت؟
       
                 غەیر جه هەناره دەمترەکاکا...

#مه‌هوه‌ش_درۆستکار

هه‌ورامان هانه‌به‌رچه‌م

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، مه‌هدی ئه‌بری(هه‌ورام)، یاوه‌ر هه‌ورامی، سەیوان ئێبراهیمی(گوازی)، مەهوەش درۆستکار، جەواد حەمزه (فێراق)، حەسەن عەزیزی(خەیات)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شەوەو یەلدای(شەوەو چلێ-شەوەو به‌راتی) بە گرد٘وو خەڵکوو هه‌ورامانی پیرۆز و مەبارەکه بۆ،
نوشته شده در تاریخ پنجشنبه 30 آذر 1396 توسط همایون محمدنژاد

بانگوو ژەنێ دلێ شەوەو نەریتینە: لاکەردەیۆیێ جە
شیعرێ ـ مەهوەش درووستکار ــ ێ:کاکه سوهەیب فارۆق"ی

شیعرەکێ:

((ئاسمانوو منەنە
کاردی کولێ وارا
                      و
     لەقوپۆ باخیم
 زامێ مازۆرە
        کۆڵانەکێما
قاچش نیان سەروو قاچی و
ماتڵەنە پەی چرکه ساتیە بە چۆڵی بلووشەنە!
        خیابانەکێچ
 مۆدێلوو ماشینام پەنە تەعاروف کەرا !
         وێرانە بی،
وەختیە مزانی مانتۆکەت
 هەرچن سانتێ کۆڵتەر بۆ،
 ئاننه میترێ فرەتەر لاوناتوه
         ئاخ!!
     ڕاوەش نیانمێ
حەق وەری
       دمای بڕیاش ))

وەڵینە: هایدگەر ماچۆ:(چێوەکێ دلێ کەلیمەکانه هەنێ )چێگەوە تاوی واچی وەردەنگ دلێ شیعرێنە پەی چێوی گێڵۆ، هەر شیعرێچ چێوو وێشش هەن، چێوو شیعرێ  جە چێوو شیعرێ تەری جیاوازا، هەر شاعیرێچ چێوو وێش جیاوازا، واتەی شاعیرێ جە شیعرێوە  پەی شیعرێ تەرێچ جیاوازا چوون کەلیمەکێ  ـــ زوانەکە ـ جیاوازێنێ، چێگەوە تاومێ واچمێ کەلیمەکێ دلێ شێعرێنە وەختێ وێشا بەروزا پەیامەکەو دلێشا چۆشاوە مێ جبەر، پا مەرجە شاعێر زوانزانانە و شاعێرانە وزۆشا دلێ ڕسته شیعرییە چنیایەکاوە، چێوە پەیوەندیی بەینوو ڕستێ و ڕستێوە تەری کەلیمێ و کەلیمێوە تەری فۆڕموو شیعرەکێ بەروزۆ و جە ڕووەو دلێنه ــ ناوەڕۆک ــ و شیعرەکێچۆ قورسایی پەیامەکەی هەس کەرۆوە.

هه‌ورامان هانه‌به‌رچه‌م

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، شهرها و روستاهای هورامان، مەهوەش درۆستکار، سوهەیب فاروق(خورماڵی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،بانگوو ژەنێ دلێ شەوەو نەریتینە: لاکەردەیۆیێ جە شیعرێ ـ مەهوەش درووستکار ــ ێ:کاکه سوهەیب فارۆق"یi،
نوشته شده در تاریخ جمعه 17 آذر 1396 توسط همایون محمدنژاد
هه‌ورامان هانه‌به‌رچه‌م

بە پاو هه‌واڵوو په‌لیانه‌و 'هه‌ورامان هانه‌به‌رچه‌م'،ی"ئەنجۆمەنوو ڕۆجیاری جه شاروومەریوانی بەرنامێو به نامێ" نەقد و چه‌م وسته‌ی سه‌ر و وشکنای ئه‌ده‌بوو ئارۆ هه‌ورامانی" به‌ جه‌ختی تایبه‌ت سه‌روو بیه‌ی یام نه‌بیه‌ی مودرنیسمی دلێ به‌رهه‌مه‌کانه‌ به‌رۆ ڕاوه‌
ئه‌رمانای: کاکه
مودرێک که‌ریمی
زه‌مان: ڕۆ یه‌کشه‌ممه‌ی 19و که‌ڵه‌هه‌رز
وو1396ی ڕۆجیاری
ساعه‌ت‌: یه‌رێ3 تا په‌نجوو5 دماونیمه‌ڕۆی
یاگێ: ده‌فته‌روو ئه‌نجومه‌نوو ڕۆجیاری جه‌ گلێرگای فه‌رهه‌نگی هونه‌ری مه‌ریوانیه‌نه‌.


دەسوەشی جە خاتوو مەهوەش درۆستکار پەی کیاستەو هەواڵەکەی



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ئەنجومەنوو ڕۆجیاری، مەهوەش درۆستکار، مۆدرێک که‌ریمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،بە پاو هه‌واڵوو په‌لیانه‌و 'هه‌ورامان هانه‌به‌رچه‌م'،ی"ئەنجۆمەنوو ڕۆجیاری جه شاروومەریوانی بەرنامێو به نامێ" نەقد و چه‌م وسته‌ی سه‌ر و وشکنای ئه‌ده‌بوو ئارۆ هه‌ورامانی" به‌ جه‌ختی تایبه‌ت سه‌روو بیه‌ی یام نه‌بیه‌ی مودرنیسمی دلێ به‌رهه‌مه‌کانه‌ به‌رۆ ڕاوه‌،
نوشته شده در تاریخ چهارشنبه 15 آذر 1396 توسط همایون محمدنژاد
چن شێعرێ کلاسیک(وه‌ته‌نیێ) جه خاتوو مەهوەش درۆستکار(2)

گوڵ

گوڵیەم هەن زەرد و سوورەن
خۆراکش ئاو و نوورەن

گرد ڕۆیە ئاوی ماروو
گوڵەکەیم ئاوی داروو

بەرووش وەروو دەلاقەی
خزمەتوو وەرەقاقەی

ئە
د٘ام ماچۆ ڕۆڵەکەم
ڕۆڵە گورج و گۆڵەکەم

تۆیچ هەر پێسەو گوڵیەنی
وەشەویسوو دڵیەنی

گوڵ ئەر خۆراکش نوورەن
بە ئاوی ڕەنگش سوورەن

واردەو تۆن وانای دەرسی
جە مامۆساکەیت پەرسی

#مه‌هوه‌ش_درۆستکار


تاته

تاتەم گجیم پەی سانۆ
یا خو
د٘ا هەر پەی من مانۆ

ملمێ پەی دلێ شاری
گێڵمێ سەر تارە واری

دڵم شی گجیە چەرمەی
ڕێکوو لاشەو من بەرمەی

تاتەم ماچۆ پەیت سانوو
منیچ واتم دەرس وانوو

تا ڕۆیە بوو مامۆسا
یا موهەندێس و ئوسا

با تۆ وەشحاڵ بی تاتەم
نمازوونە گێرۆت ماتەم

#مه‌هوه‌ش_درۆستکار

پایێز

پایێزەن گەڵا ڕێزەن
یۆ سوور یۆ زەرد یۆ دێزەن

وا هۆرکەرۆ چن سەردەن
شاڵیە وزوونە گەردەن

کۆتیچ ئینا وەرمەنە
کڵاوەکێم چن نەرمەنە

دەسکێش کەروو پەنجەکام
پەنجە سوور و سنجەکام

با ئە
د٘ام دڵش وەش بۆ
ڕۆڵەکەش ساق و گەش بۆ


#مه‌هوه‌ش_درۆستکار



طبقه بندی: فرهنگی و هنری، ادبیات/شعر، زوانی هه‌ورامی، مەهوەش درۆستکار،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،چن شێعرێ کلاسیک(وه‌ته‌نیێ) جه خاتوو مەهوەش درۆستکار(2)،
نوشته شده در تاریخ جمعه 10 آذر 1396 توسط همایون محمدنژاد
چن شێعرێ تازێ جه خاتوو مەهوەش درۆستکار

جاده بونبەس!
        تا کەی کەڵەشێر بینۆ سێدارە؟
ئێمەیچ بێ دەنگ
                      خاتوونەکێم!
تا کەی حەوسەڵەت وەزنیرە حەیا؟
              ئەر چەمت ورکناش
             یا دڵت درکناش
پەردەو شەرمی هۆردڕە و
                               دڵ نەکەر تەنگ
هەتا کەی دەورت دیوار هۆرچنا؟

ئەها چن سەختا
                دەنگێ دەروونیت نەتاوا چڕا؟
        جورئەت مجە وێت
         هۆردڕە پەردەو بێ یاگێ شەرمی
      ڕازەو دڵیت جمنە زوان
        مجه قەڵەم
          مجه جاده!
    چی مەچڵاکیەیرە جه کۆنه وەرمی؟

#مه‌هوه‌ش_درۆستکار

نۆسخەی نا ئەسڵ .

هەنگامێم پاچه قۆلێم مد٘ا
     هەواو شاری مەنفی بەشەرەن
    پاییز ڕەمای ڕەمۆ!
     ماچا یەلداش کەردێنەوە چەم
منیچ ڕەموو
                 ڕەموو
     مەر ڕەمای سێقتش کەرۆ...

    کۆگەش تەوەهۆمەن؟

    دڵش هۆر ئامانوە
   قەڵەمم
            سەروو لەجەنوو شێعرامەرە
ئاخر ئاڐ شاهێڐەن!

 هێزی کافەنە مێنۆ قیمەتوو لەشی
                   تەعارفوو باڵایم کریا...

#مه‌هوه‌ش_درۆستکار

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مەهوەش درۆستکار،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،چن شێعرێ تازێ جه خاتوو مەهوەش درۆستکار،
نوشته شده در تاریخ چهارشنبه 8 آذر 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3