عصری با غزل هورامان توسط موسسه فرهنگی ادبی نسیم فرهنگ هورامان ، بی نظیر ، برگزار شد.( عه‌سرانه‌ غه‌زه‌ڵه‌وهه‌ورامانی جه لاو موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی ، بێ وێنه ، لوا ڕاوە)


بە پاو هەواڵوو
''هه‌ورامان هانه‌به‌رچه‌م' ی عه‌سرانه‌ غه‌زه‌ڵه‌وهه‌ورامانی جه لاو موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی ، بێ وێنه ، لوا ڕاوە

هه‌ورامان هانه‌به‌رچه‌م
بە گزارش''هه‌ورامان هانه‌به‌رچه‌م عصری با غزل هورامان توسط موسسه فرهنگی ادبی نسیم فرهنگ هورامان بی نظیر ، برگزار شد.

هه‌ورامان هانه‌به‌رچه‌م

دەسوەشی جە کاکە ئێبراهیم شه‌مس پەی هەرمانهکاش
جه
موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی

           

 دەسوەشی جە کاکەشاهۆ مەعازی  پەی کیاستەو وێنهکا



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، نه‌سیمووفه‌رهه‌نگوووهه‌ورامانی، ئێبراهیم شه‌مس، عه‌بدوڵڵا حه‌بیبی، کوورش یوسفی(ئاریا)، فەرید عەباسی(فەراز)، موحەممەدره‌شید ئه‌مینی، ئۆمید حه‌بیبی، فه‌تحوڵڵا ڕه‌زایی، حێکمه‌ت محه‌مه‌دی(خه‌میار)، بێهرووز محەمەدپوور(شارۆ)، عه‌تا حه‌یده‌ری(خه‌مبار)، عوسمان ڕەحیمی(مورید)، عه‌دنان مورادی، هادی سپه‌نجی(خاڵه‌)، موحەممەدمۆمن یه‌زدانبه‌خش، جەماڵ قادرپوور، باقی شه‌فێعی، مامۆسامۆمن نووری، دوکتورهێدایه‌ت مه‌حموودی، مامۆسا عەدەمی و فەیسەڵ هێدایەتی، شاهۆ مەعازی، ڕەحیم ڕەحمانی، سه‌عدی غەریبی، فەهمی مورادی‌مه‌ولوودی، عەباس غەریبی، فایق لۆتفی، سه‌باح جه‌باری، وەلی فەتاحی، حه‌بیبه‌ڵڵا موسته‌وفی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،عصری با غزل هورامان توسط موسسه فرهنگی ادبی نسیم فرهنگ هورامان،بی نظیر،
نوشته شده در تاریخ پنجشنبه 20 اردیبهشت 1397 توسط همایون محمدنژاد
بە گۆچانوو خەموو بروات هەزاران بار خەمێم ڕەمنێ
بە ئیشارەو چەمات ئازیز فراوان جار  چەمێم چەمنێ

بە گیانت  قامەتم  ئارۆ  مدٚۆ   تانە  خەموو  بروات
کە گۆچانوو شوانەین ،  تووڵە پێشێما بە خەم نەمنێ


#عەباس غەریبی

هه‌ورامان هانه‌به‌رچه‌م



طبقه بندی: فرهنگی و هنری، ادبیات/شعر، زوانی هه‌ورامی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شێعرێوە جه کاکه عەباس غریبی،
نوشته شده در تاریخ یکشنبه 17 دی 1396 توسط همایون محمدنژاد
هه‌ورامان هانه‌به‌رچه‌م

ڕەفێقیما چە غەمگینا من و سیروانوو ئی شاری
خەمێما تێکەڵاوێنێ من  و  سەرشاتوو ئی داری

خەجاڵەتنا جە سیروانی و جە ماساوا و دڵیش ئارۆ
کە سەوقاتم خەم و ئاخا و کەرۆ لافاو  چەموو زاری
# عەباس  غریبی



طبقه بندی: فرهنگی و هنری، ادبیات/شعر، زوانی هه‌ورامی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شێعرێوە جه کاکه عەباس غریبی،
نوشته شده در تاریخ یکشنبه 12 آذر 1396 توسط همایون محمدنژاد


زەمین لەرزەوکرماشانی(سەلاسی باوەجانی، سەرپێڵ و زەهاب ،داڵاهو ، ڕێژاو، ئه‌زگڵە، زه‌رده‌، قەسرشیرین، ئێسلام ئاباد و شار و دەگایەکاو دەوروبەری جه ده‌نگوو سۆزداروو شاعێرا(2)

گۆفتوگۆیە چەنی خودای ، بە بەهانی ۆ بوومە لەرزەیوە

خودا با خزمەتت یاونونە عەرزێ
وەشی کریۆ بدەی پەیمان بە قەرزێ   

مەبۆ ئێمەی دلێو خاکی کیانی و
پێسەو قەیخای بنیشی یاگێ بەرزێ

وەڵاتو من گۆناحەش چێشە بۆ دەی
بۆمێ لەرزەش وزانە و بوومەلەرزێ

گەرەکمەن تێر و پەڕ، هەڵسێ مجو، چون
بەڵایمـا پـەی کیــانی چـوار وەرزێ

گەرەکمانەن خەمێو ویرما بشۆوە
گەمەی تازەت کەرۆمانۆ شپرزێ

دڵم وەختەن تەقۆ، تا بڕیە واچا
مەبۆ بدیەی بەڵایرە پێسە دەرزێ

جە تۆ نیزیکتەری کەس نامە یادم
گلەی شێعرانێ من زانو بە فەرزێ

نمـا کەردە و نەکەردەو ئێمـە مانـا
ستونەو یاگەکێت کەی مارۆ لەرزێ

خودا، ڕاسی دەس و ڕژنایت چە عالەن
ئەگەر پەیت کریۆ بەش رژنینە مەرزێ


#پەروێز  بابایی   
               
        پاوە گەڵاڕێزانو ۹٦ی ‍

هه‌ورامان هانه‌به‌رچه‌م

وڕەێ دیوارێ و تێکشی سەربەران
نەبیەیی گوزرگاو  ،  سەرەبەرکەران
بە  ناهەق   تەنیا   مردانی  پاوە !
محاڵەن   یاران   واوەی   بەیاوە

#موحەممەد فه‌هیم

سەعدی شیرازی :

 بەشەرێ ئەعزاو  ،   پەێکەرێوە نێ
 جەزەڵ وەش کریاو گەوهەرێوەنێ

عانێ ئەنۮامێ مەنیشۆ ئەو چڵ
ماباقی ئەنۮام ،  مەنریا ئەو کڵ

تۆ جە مەێنەتوو خەڵکی بێخەمنی
کێ تاوۆ واچۆ  :  کە بنیادە منی ؟

چەنی داخ و دەردێوەگرانی پەی دلێنەشیەی  و زامۮاری و یانە وێرانی و کۆسکەوتەی و دەربەدەری خەڵکێوە هەژار و لانزەبوونی جە سەرپێڵ و کرند و سلاس و جوانڕۆ  و کوردەسانوو دوەکەڕەت بوومەلەرزە وەنەکەوتەو ئەودیمینە
دەسوو یوەیوۆ ئا واڵەو برایا کەقۆڵێ هیمەت و یاردیدەیشا هۆرماڵەینێ ماچ کەرمێ و منیەیمێش سەرووگلێنێ چەماماوە
،  بەهەشتی داییمی پەی کۆچ کەردەکا و شەفا پەی زامۮارا و وەقرەگێرتەی پەی کەس وکاری دڵسۆتەیشا جە خوۮای گەورەی داواکارێنمێ و وێما بەشەریکوو خەمیشا زانمێ ،

#موحەممەد فه‌هیم


ئارۆ ....

 لەرزا......

 تارێ وجارێ

کەش و کۆ شرێقەشا 

                    یاوا دەساوەندەسا  


دلێ چۆڵی شار و دەگایەنە ،

پەپوو 

          تاقە دەنگێو بێ ،

ئاوەد٘انیش 

                                    قڕ کەرد٘ە بێ

تاش و کەمەرێ ،

                      گرەوێنێ

            هەناسەکێ چێروو 

                                  دیمەکوویانەینە، 

ڕۆڵەگیان لای لای 

                    کۆرپەلە  بووسە

              بەڵام ، خۆ نەواتەبێش

                    وتەیت ئێتر 

                       سەوایش ، نەبۆ

هەرسەو چەمام ، 

              دلێ بیناقاقێمەنە

                 پەنگەش وارد٘ە ، 

وەختێو

 زاڕۆڵەو بێشکێم دی ، 

                نەتاوابێش قاچێ فڕنۆ 

بێدەنگ .....بێدەنگ 

                لایەلایەو ئەد٘ایش 

                                   پەشۆکنا بێ...!!

#هومایون موحەممەدنژاد

 یا حەیێ یە تاوان کام کوفر  و سزان
 کۆرپە نە تۆی خاک مەمەش  بیزیان؟!

بێ ئەد٘او بێ کەس،سەراش خاک و خشت
جای  مەمەی ئەد٘ا ، خاک  کەردەنی مشت

بێد٘ارەو کەردەیش  کەردەنی مەحــاڵ
نە خەندەش مەنەن ، نە های گڕ و گاڵ

#فێراق‌‌ پایگەلانی

‍ یە چ ڕەسمێوەن ،‌ یە چ  زامەتەن
 یاحەیێ ، یە سەفان ، یا قیامەتەن؟!
 کۆرپەت دان باوش،بی‌هێزی خەستە
پیری  چەند ساڵەی ،  لاشە  شکستە
مەر تۆ نەزانات،ئەی کورد بی کەسەن
تۆ پەی‌چێش،هێمەت وە مەرگش بەستەن؟!


#فێراق‌‌ پایگەلانی

کوردەواری کێشە جەوروو عاڵەمی نەمری و مەنە
بوومەلەرزە و جەنگ و ئاژاوەت نەبڕیانۆ چەنە

جەور و زوڵموو زاڵما هەرگیز نەتاوا تۆ بەرۆ
بوومە لەرزەیچ هەر مەماڕۆما خودَا زانۆ پەنە

#عەباس غەریبی





ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، تسلیت ها، هومایون موحەممەدنژاد، موحەممەد فه‌هیم، جەواد حەمزه (فێراق)، په‌رویز بابایی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،زەمین لەرزەوکرماشانی جه ده‌نگوو سۆزداروو شاعێرا(2)،
نوشته شده در تاریخ دوشنبه 29 آبان 1396 توسط همایون محمدنژاد

هه‌وارگاو غه‌زه‌ڵێ هه‌ورامیێ
جە قاپیو حاتەمی تایی بە مەحروومی مرای مرمێ!
شەفاخانەو عەلی سیناین؟ بە مەسموومی مرای مرمێ!

نەکریانۆ بەرەو قونچاو دڵیما تا گوڵێ بزیا
زوان بەستە و وناڵین دڵ بە مەکتوومی مرای مرمێ

جە وەیشوومەو زەمانەی ئی جەواهێر دانە بێ خەوشێ
کەساسا قیمەتش گەوهەر بە سەرشوومی مرای مرمێ

حوسەیننمێ جە دەشتەو کەربەلای ڕاسەو مەرامیما
بە کۆچ و کڵفەته‌و سەرجەم بە مەزڵوومی مرای مرمێ

بە یارۆی وێ ورەش ئاخر خەبەر یاوۆ سەرەش شۆڕا
خەجاڵەتبار مەنۆ، ئێمە بە مەعسوومی مرای مرمێ

هەتا دنیا جە دەوران بۆ بە وەشنامی ده‌وامم هەن
نەرەجیابۆش هەروو ئاغەی، بە مەختوومی مرای مرمێ

مەدٚەیمێ چۆک وەروو زۆروو بەگ و خانینە تا مەنمێ
سەروو پایاوە مدرارە و بە قەییوومی مرای مرمێ

چەنی « سەعدی » سەرێوما دا تەوێڵێو خەڵوەتوو پاکا
بە یاساو مەیکەدەو عەشقی بە مەعدوومی مرای مرمێ

#سەعدی غەریبی


نه‌تەرسی تۆ

ئه‌گەر یاوای  به ‌پاییزی دڵش  به‌ردی  نه‌تەرسی تۆ
ئه‌گەر وایێ وەرش گێرتی به دڵ سەردی نه‌ترسی تۆ

پڕا  سه‌وزی  ،  گلاوێژت  ئه‌گه‌ر  یاوا  سەروو  بانی
جه ‌ڕه‌نگەو شێڵه ‌ڕوخسارێوه ‌نامەردی  نه‌تەرسی تۆ

کڵاوەو  ناسکەو  خۆنچەی  ئەگەر   کنیاوه‌  باخێنە
هه‌ناسه‌و ڕۆجیاریت هه‌ن،جه بێگەردی نەته‌رسی تۆ

قیاموو  قامه‌توو  هه‌وری  خجڵنۆ  تاموو ئاوازا
به  ئاوازێوه‌ پاییزی  بیه‌ی  هه‌ردی  نه‌تەرسی تۆ

چڕوو  شاخێوه‌  بێ بەرگی  سه‌روو  بانوو  خیاڵیته‌و،
ئه‌گەر دارێ وه‌شەسیایی شلەش کەردی  نه‌تەرسی تۆ

شه‌پۆلەو   به‌حروو  دڵته‌نگی    لوا  یاوا  به   کۆساری
وەهارت مەیوه ‌هه‌م دیسان دمای سەردی، نه‌تەرسی تۆ

#فه‌رید عه‌باسی


ئێشەو با بەی سەدٚاو سازیت کە سازم ساز نیا تۆریان
 سەرەم سازش زێڵ و بەمشا هەزارسازا دڵم مەڕیان

نەواو سازی نازەنینم جە ناسازی دڵیم ماچۆ
سێتاروو سازەکەیم هەمتەر پێوارا تەپڵ دڵ دڕیان

مەلوو ڕۆحیم جریوەش مەی کەویروو سینەی وێرانیم
سەروو ڕایشەو تەڵێو داما کەمین و حەسر دڵ کریان

هەزار ڕاز و نیازش هەن دڵەی ناسازگاروو من
جیا بازۆ بەیۆ ئەو بەر سەوای زوو قاوەکەش زڕیان

لوا ژیوای بە ناکامی مەوینی جارێتەر ئامایش
وەرێو یاوا سەروو زەردەی مەوازۆ شیوەن و گریان

دێرێو زانام چنی چەرخیا زەمانەش ئەی عەجەب لارا
نەزانابێم چەپا چەرخش، بێ ئاگا بی بەشت وریان

سەحەر زوو بوڵبڵی واتش وەسێن تا کەی مەزانی مەر
بەشت مشیۆ بسانینەش هەتا ئیسە مەگر دریان؟

ئەگەر ناڵەو دڵەی زاریم ئێشەو ماڕاش سپاو زامی
سەبر سەرشی هەتا کەی تر بە ڕاسی دیگ دڵ گریان

سیاچارەن بەدٚی تاڵەم جە ئاسمانەو بەڵام پەی مەی
ئەزەڵیا هەرچی هەن فەیسەڵ بەشوو وێتا پەنەت بڕیان

#فەیسەڵ  هێدایەتی

وەشا نیشتەی هەزارساڵێ شەوەو قەدروو چەماو تۆنە
جە ئامینوو تەماشێوێ من و حەشروو چەماو تۆنە

مەئێژا ئی هەناسێمە جە دووریتەو بەیانێ سەر
دڵ و دینم  لوا  وارە، دلێ  سەبروو چەماو تۆنە
 
جە وەربانگوو شەواو قەدری کەروو هاوار هەو دیدٚەم !
هەناسەم با بۆ قوربانی مروو نەزروو چەماو تۆنە

بە جانمازوو تەڕوو هەرسا هەزارێو لاڵیانەی بەی
تەمادٚاروو ئێشارەینا دلێ بەحروو چەماو تۆنە

دەسوودیموو شەواو قەدری ونەو هەرساو چەمی ماڕا
شنەو عەشقی! نما وانوو ڕووەو بەدروو چەماو تۆنە

#خه‌میار هه‌ورامی






ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، فەرید عەباسی(فەراز)، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، مامۆسا عەدەمی و فەیسەڵ هێدایەتی، جەماڵ قادرپوور، سه‌عدی غەریبی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،هه‌وارگاو غه‌زه‌ڵێ هه‌ورامیێ،
نوشته شده در تاریخ شنبه 18 شهریور 1396 توسط همایون محمدنژاد
گلێرگاو غه‌زه‌ڵوو ئارۆ هه‌ورامانی

غەزەڵ ئانا نەوەش کەوتەن شەرابێ چا دەمی بارە

قەسیدێ ڕەزڵەشا بڕیا جە زوڵفوو لاچەمی بارە

چەن و نەیما نیا حاجەت موژە و گیسووت ئەگەر بانێ
تەبابەت هەر جە تۆ خێزۆ شەمامەو لاو شەمی بارە

پەرێشانی گەرەکتا ئەر بە یەکجاری جە بن باری؟
بە وەسڵت پەی پەرێشانا دەواو خاتر جەمی بارە

جە دیوانم بە هیجرانت ئومێۮ و دڵوەشی مەرۮێ
خەرامان بۆ بە لەنجە و لار مەسیحاو مەریەمی بارە

سەراپا بەیتەکێم بێ تۆ زوخاوا نوقمێ کەرۮێنێ
بە غەمزە و نازەکەو ئەوسای ئەساسەو مەڵهەمی بارە

مراۮوو من جە تەوفوو ئی دەوار و سەر هەواریتا
شەرابوو وەسڵەتین سا بۆ نموونێو زەمزەمی بارە

حەیاتم ئاخرش ئامان نەتەرسی قڕ گنۆ هانەت
نەسیبم یەک ژەمەن باقین کەفافوو یەک ژەمی بارە

هەتا یاوۆ شەرابوو جەننەتی "سەعدی" چە وەردوورا!
غەزەڵ ئارۆ حەرارەتشا شەرابێ چا دەمی بارە

#سەعدی_غەریبی

په‌ی زه‌ریفی چه‌مه‌کاو تۆ هه‌رچی من واچوو هه‌ر که‌ما
گردوو  وه‌شی   دنیاو ژیوای  دلێ چه‌ماو تۆنه‌  جه‌ما

حه‌قم ده‌ په‌نه‌  هێجرانت ئه‌یر  وزۆ  یانه‌و دڵوه‌شیم
ساتێو چه‌مێ تۆ نه‌وینوو بیه‌ و نه‌بیه‌یم گردش خه‌ما

سه‌ختا په‌ی دڵیم به‌رئامای هه‌ناسه‌و ژیوای بێ تۆ بۆ
بۆ  وینه‌  وارانوو  چه‌مام  مه‌مدرۆ ، بێ تۆ نه‌م نه‌ما

کاروانوو وه‌شیم بارش که‌رد، لوا و دڵم ته‌نیا مه‌نه‌ن
گردوو ئاواتاێ ئاماو تۆ دوورێ بیێنێ و چه‌نه‌م ڕه‌ما

ئێننه‌ دڵ ناڵا په‌ی دووری، ئومێذێو نه‌بی و سه‌بووری
ده‌نگوو ناڵه‌ی زه‌مینش گێرت حه‌تا یاوا به‌رزی سه‌ما

دلێ قاڵوو دنیایه‌نه‌ دڵ کزش که‌رذه‌ن مه‌لوولا
عومرێوا ده‌نگت په‌ی دڵی وه‌شیا و تاقانه‌ هامده‌ما

داخۆم نه‌په‌رسی جه‌ دڵیت، جه‌ هێجرانوو دوور مه‌نزڵیت؟
تاکه‌ی زه‌جروو من به‌ تاوه‌؟بیه‌یت هانێوا، زه‌مزه‌ما

ئێننه‌ وارانوو هه‌ڵسه‌کام واران سه‌روو دیذه‌و جه‌سه‌یم
یانه‌و خه‌می خاس ته‌ڕ بیه‌ن، سه‌ر تا پا گرد شه‌م و نه‌ما

خه‌میار هاوارش هۆرسه‌نه‌و، نه‌ پاو لوایش هه‌ن نه‌ ئامای
گردوو ئاواتوو دڵه‌که‌یم حه‌ر تۆنی گلێنه‌و چه‌ما!

#
حێکمه‌ت محه‌مه‌دی(خه‌میار_هه‌ورامی)،

وارانێ مه‌بۆ بانێ هه‌تا هانێ وه‌رێ با
وارانێ نه‌وا هه‌رچی  گۆڵێنێ په‌که‌رێ با

مه‌ر کریۆ که وارانێ نه‌وانێۆ  گۆڵێ بانێ !؟
مه‌ر کریۆ گۆڵێ  هه‌ر به قسێ روتێ هه‌رێ با !؟

ته‌نیا نه به واران که  هۆمیدێوه مه‌بۆ  بۆ
هۆمیدێ مه‌بۆ  بانێ ئه‌گه‌ر سه‌د  ته‌وه‌رێ با

ئا دارێ ته‌مایارو  دلێۆ  سۆبه‌یه‌نێ که‌ی ؟
تا وانێ  گه‌ڵای سه‌وزێ  که‌راو  پڕسه مه‌رێ با

که‌ی چاره‌ره‌شی بۆ به دوچارو ژه‌ره‌ژا ئه‌ر
وه‌ختێوه  گه‌ره‌کشا بۆ کۆشاشا خه‌وه‌رێ با

چا  ڕۆیه مه‌بۆ ته‌رسۆ خۆدا ،ئاخ و هه‌ژاران
پێسه و  گره‌وه‌و  زاڕۆڵه مه‌ردێوه  وه‌رێ با

ئی یانه مه‌که‌ردێشۆ نه یانه‌ن، قه‌فه‌سێوه‌ن
ئاخۆ قه‌فه‌سێ  کریۆ  جه  ئازادی په‌رێ با !؟

پی  وشکۆ بیه‌و باخ و که‌ش و ناق و من و تۆ
ئه‌ر شێعرێ  مه‌یا په‌ی من و تۆ ،بێ نه‌زه‌رێ با



#په‌رویز_بابائی


تۆ نەواچی من جه تۆ ئێحساسوو بێزاری کەروو
تاقەتم  تاقا    فڵانی   په‌وچی  دڵداری  کەروو

زەردەنا حەر پێسه به‌رگێ کەوتەبۆ گۆشەو دەرەی
ئێنده  ئازیەت  بارەنا  ئانا  به  دڵ  زاری کەروو

من  ولی  بێنێ خەزانوو  بێ کەسی دانێ  وەنە
تا قیامەت حەر گەلایەو تیجوو ڕۆجیاری کەروو

بانەکەت  بەرزا  مەیاوۆ  یا  که  دیوارت نیان

ئای که چنده حەز جه خاکوو بانوو پاساری کەروو

کۆڵەکێوەت  وسته بەینو تاقه تیموو  ویرەکام
شێتوو دیداریتەنا من حەز به دیداری کەروو

سەر گوڵوو عومروو منش به‌رد واگژەو دووری چەمات
ئیسه من پەی چی ئیتر ئاموشه و ئی شاری کەروو
ڕۆحوو  من  تۆنی نەواچی  مەیلوو  دیداریم  نیا
با ئیتر وەس مەنع و لۆمەو شێعره و خەمیاری که‌روو

#فه‌رید_ عه‌باسی

ادامه مطلب

طبقه بندی: ادبیات/شعر، زوانی هه‌ورامی، فەرید عەباسی(فەراز)، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، ئامینه ڕه‌حیمی(ژوان)، په‌رویز بابایی، سه‌عدی غەریبی، عەباس غەریبی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،گلێرگاو غه‌زه‌ڵوو ئارۆ هه‌ورامانی،
نوشته شده در تاریخ سه شنبه 18 آبان 1395 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2