کەلەبەروو شێعرا(۱٥٦) پەی ڕۆ ئەدٚایی ،ڕۆ ئەدٚای

ئـەدٚالێ  گیانێ  هێماو  زەحمەتی
هامڕازوو دەردو ڕەنج و مەینەتی

پژمەو هەناسەیت سەمفۆنیاو ژیواین
وەشتەرین  موژدەو هـەواڵوو هیواین

بێ یاگەدٚاروو سەنعوو بارینی
نمادوو  ڕەنج و بـوردە بارینی

زوان  پەی  وەسفت عاجــزەن ئەدٚا
خامە پەی مەدحت سەرکەزەن ئەدٚا

هەست و قەرێحەم بێ زەوقەن بێ تۆ
چراوو  شێعریم  بێ شــەوقەن  بێ تۆ

هەرساتێو بیەیت سایەوسەرێوەن
دنیاو بێ  بیـــەیت تەنگەبەرێوەن

ئەرسەدٚ کۆڵەکێت شاتەو نەرەینە
شکۆو غەیرەتیت تاجووسەرەینە

تـۆ جە   هــەورامان   یادگارینی
مایەو سەربەرزی ڪوردەوارینی

بەهەشت کە ماچا نێعمەتش بێ شۆن
تــــۆربەتوو  پاڪوو  پاڵا شڕەو تــۆن

نانە بەرماری بە ڕەنجوو شانەی
نەلاینی چێروو منەتوو بێگانەی

چەشکەت نەڪەردەن نانوو منەتی
ساچیاینی چەنی ڕەنج و زەحمەتی

ئەدٚا گیان ڕۆحم فیداو مانیاییت
مەکریۆ  بەحسوو وەشەسیاییت
----------٭٭٭٭٭----------

#سوهراب_مورادنیا (سیاوکام)

۹۸٫۱۱٫۲۰ڪۆچی ڕۆجیاری
(مسمەت)

 دڵداری دڵسۆز

شەمعی جەماڵت دڵ کەردپەروانە
یاوێنەی بوڵبوڵ گوم کەردەن لانە

دڵ بیەن بریان هەرنە گــــــریانە
دۆسی دڵســـــۆزم جە من بێگانە

شکاتم عەرزکەرد وەمەحـــرەمانە

                     ٭٭٭٭
خاوی شەوانم وەنەم حەرامەن
تاریکی مەینەت کۆشکوو مەرامەن

ئایامـــــــەزانی چێشم سەرئامە؟
شەوناڵی جەئێش ناسۆری زامەن

وات تەقسیرجەمن خۆنیەن ئانە
                    ٭٭٭٭
بد٘یە وە ڕۆخسار زەعفەرانی من
بەزەییت بەی وە حاڵ نیگەرانی من

بە مات وپەشێو پەرێشانی من
کەردەنت عاد٘ەت دڵ ئیشانی من

مەتەرسی جەچەرخ چەپی زەمانە؟
                    ٭٭٭٭
دڵداری دڵسۆز ، دڵ ئارامەکەم
ئینتیهای ئاوات سەرئەنجامەکەم

ڕمووزی ئەدیب شیرین خامەکەم
فەساحەت مەئاب وەش کەلامەکەم

نوکتەسەنجی دەو ر، عەسر و زەمانە
                   ٭٭٭٭ 
شەمعی نوورانی حەرەم سەرای دڵ
ئافەرین ئەو دڵ تۆڪەردەن مەنزڵ

خیاڵت نەسیم چوون ڕایەحەی گوڵ
ساتێۆ بە بێ تۆ دڵ نیەن  غافڵ

پەی تیرئەندازی کەمانی ئەبرۆت
(سەعد)سینەی وێش کەردەن نیشانە

#میرزاسەعدوڵڵا خەدیری

ئەدٚا! عەترێ ئەگەر بێنێ و ڕەئیسوو گردٚی شەوبۆ بۆ
نیا عەترێ کە وەشبۆتەر جە سمڵ و مێخەکوو تۆ بۆ

تەماموو سازەکا تەسلیم بە دەنگوو لایەلایەو تۆ
تەنانەت سەردەسێ سازا نەی و تار و پیانۆ بۆ

سەرەو مەغروروو پاشایا وەراوەرتەو بە تەعزیما
ئەگەر خەسرەو وە یا کوورش، فەرەیدوون یا دیاکۆ بۆ

جە بەرزیت بەرزە کۆسارێ خەجاڵەتبار و حەیرانێ
چە عەودٚاڵان، چە کۆساڵان وە یا خۆ تەخت و شاهۆ بۆ

وەشا واردٚەی وەراوەرتەو سەروو سفرەو هەواریوە
ئەگەر چی خەپلە وشکێوە، کەرێ یا خۆ پلێ دۆ بۆ

بە کۆچوو تۆ ئەدٚالێ گیان هەواروو ئی دڵی چۆڵا
حەقوو وێما هەتا مەردەن فەغانم ئەر شەو و ڕۆ بۆ

سەروو هانەی کە ئێنیوە کونەی نامەردٚ کەرێ کۆمەت
میسالوو کۆمیلەو تۆ مەر وەنەوشەی پاکی بنجۆ بۆ

ئەگەر گۆراڵێ گردٚ پەرسا کە تاوا با بە وێنەو تۆ
جوابوو ئا سوالاشا هەتا مەحشەر بە چۆ چۆ بۆ

ئەدٚا ئەر حەز کەری زانی کە بێ تۆ ڕەنگ و بۆم چەینا
پەنەت ماچوو نموونەو من جە هامن مەر چڵێ لۆ بۆ

نەچڕیەن دەنگەکەش زووەن کە هۆرزەو ڕۆڵەکەم دێرا
ئەجەل دەی کەی قەرارا بەی؟سەبا نا بەش هەر ئارۆ بۆ

#عەباس غەریبی

کیانەر،:مامۆساحامی غەریبی

بە هەورامی بەرا نامم بە شانازی و بە دڵ ماچوو
جە ژیوای شارەکا بێزار بە هەورامیگەری ساچوو

زوانی کامڵ و پاکم کە میراسوو ئەدٚالێما
بە گیان و دڵ هورش گێروو و جە بێگانا هورش پاچوو

#عەباس غەریبی

ڕۆ جەهانی زوانی ئەدٚایی مەبارەک بۆ


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، سوهراب مورادنیا(سیاوکام)، حامی غەریبی، عەباس غەریبی، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥٦) پەی ڕۆ ئەدٚایی،ڕۆ ئەدٚای،
نوشته شده در تاریخ شنبه 26 بهمن 1398 توسط همایون محمدنژاد
کەلەبەروو شێعرا(۱۳۹)


چەمێم پەی دیدٚەنیت دیدٚەم وەنەوشە و پاڵوو ئاوێنێ
عەزیزم کام کەش و کۆ دەو؟قژێت ئارۆ چە خاوێنێ

سیاو دیدٚەن دڵت زانوو مەوینیما بە دڵ ئەی گوڵ
ئۆمێدم پا چەما بەستەن،چەمێچت دڵ سیاوێنێ

دڵی وێڵ و کز و کۆرم دەسوو داموو خیاڵاتۆ
پەنا مارۆ بە بروا تۆ،برێچت مەیل بە ڕاوێنێ

شکاتوو ئی خەما ماروو مدٚەوشا تۆ جەنیشارە
دەموو برژانگە تێژا تۆ هەسانوو تێخوو ناوێنێ

مەدۆنا خاڵەکێ سینەی لچیت و خاڵەکێ دەوریش
چە خاس وێشا بە زل زانا،ئەنیسوو سوورە ساوێنێ

خەتیب و واعێز و عاقڵ دەسم مازا ئەگەر زانا
وەراوەرتۆ چەمێ عەقڵی هەتا مەحشەر شەتاوێنێ

بە گەرمی تۆ چەنوو غەیری ڕەفێق و یاوەرم لەرزا
جە زمسانوو عەلەیکا تۆ سەوابم کۆنە یاوێنێ

تەبیبی حاڵ نەزان زامم مەبۆ ون بەس وەسێشا وەس
کە زامێ ئا دەس و پەنجەی ونین و تازە باوێنێ
#عەباس غەریبی

‍ خەیاڵت
هەورێشێوە بازەڵەن و
"من"یچ
وەروەو زمسانی
پەل بە پەلوو وارایمەنە
تۆ منویسۆوە!
#شارۆ

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، عەباس غەریبی، حامی غەریبی، سوهراب مورادنیا(سیاوکام)، مه‌هدی ئه‌بری(هه‌ورام)، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۹)،
نوشته شده در تاریخ سه شنبه 26 آذر 1398 توسط همایون محمدنژاد
مۇسسه انتشارات ئارو با همکاری اداره فرهنگ و ارشاد اسلامی شهرستان پاوه برگزار می‌کند:

آیین پرده برداری از کتاب ناسک خه‌یالان "تاریخ غزل هورامی" باحضور غزلسرایان مطرح هورامان

پنجشنبه، ۲۱ آذر ۹۸
ساعت ۱۴ الی ۱۷
سالن اداره فرهنگ و ارشاد اسلامی پاوه

ادامه مطلب

طبقه بندی: فرهنگی و هنری، ادبیات/شعر، اخبار، زوانی هه‌ورامی، بێهرووز موحەممەدپوور(شارۆ)، فەرید عەباسی، موحەممەدره‌شید ئه‌مینی، حێکمه‌ت موحەممەدی(خه‌میار)، عه‌دنان مورادی، په‌رویز بابایی، جەماڵ قادرپوور، موحەممەدمۆمن یه‌زدانبه‌خش، مامۆسامیرزای هه‌ورامی، سه‌باح جه‌باری، عەباس غەریبی، سه‌عدی غەریبی، موختار هێدایه‌تی، کەیومەرس نیک ڕەفتار،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،مۇسسه انتشارات ئارو با همکاری اداره فرهنگ و ارشاد اسلامی شهرستان پاوه برگزار می‌کند:،
نوشته شده در تاریخ چهارشنبه 20 آذر 1398 توسط همایون محمدنژاد
بنکەو ئەهوورای بەرۆ ڕاوە :وێرەگانێوە پەی ئەدەبیاتی هەورامی

وێرەگانێوە پەی ئەدەبیاتی هەورامی
چەنی بەرز نزخناو شاعر و نویسەر:
ڕەئووف مەحموودپوور 

*بە بەشداری شاعێراو هەورامانی

_ کلسووم عوسمانپوور
ــ فەرەیدوون بەهرامی
_سەعدی غەریبی 
_عەباس غەریبی 
_جەماڵ قادرپوور
_حسەین وەفایی
_بێهرووز موحەممەپوور 
_ژوان ڕەحیمی 
_مەهوەش درۆستکار
_ئەحسەن ڕەشیدی

*پەنێل: ئەرەوانای کۆکریایەکاو شاعێر و نویسەر، ڕەئووف مەحموودپوور 

_کەیهان عەزیزی_فەرشید ڕوستەمی_سابیر عەزیزی

*مووسیقا_ئەرکان حەیاتی 

*چەنی مێمانداری

ڕاکەوت: شەمە_۲۳ کەڵەهەرزو ۱۳۹٨ی ڕۆجیاری 
یاگێ:زانشتگاو کوردستانی_گەورە هاڵەو مەولەوی
سەعات: ٤و عەسری هەتا ۷و وێرەگای



طبقه بندی: فرهنگی و هنری، ادبیات/شعر، اخبار، تاریخ، ڕه‌ئوف مه‌حموودپوور، بێهرووز موحەممەدپوور(شارۆ)، سابیر عه‌زیزی، جەماڵ قادرپوور، مەهوەش درۆستکار، سه‌عدی غەریبی، عەباس غەریبی، فه‌ریدوون به‌هرامی"شرام"، که‌لسووم عوسمان‌پوور، فەرشید ڕوستەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بنکەو ئەهوورای بەرۆ ڕاوە :وێرەگانێوە پەی ئەدەبیاتی هەورامی،
نوشته شده در تاریخ یکشنبه 17 آذر 1398 توسط همایون محمدنژاد
کەلەبەروو شێعرا(۱۲۱) بە بۆنەو ساڵیاد٘وو کۆچوومامۆساهەیاس غەریبی

پەی ساڵیادوو ئاخر کۆچوو برا نازارەکەییم و ئازیزەکام

ئینە عەمرێوەن کە بێ تۆ دیدٚە مارۆ هەرسی سوور
پەی ڕوانە و هەرسە سوورا کوڵم و زنجم با پلوور

تاقە کۆنەو ئی چەما بێتاقەتوو تاقوو چەمات
چێش کەرۆ بێ تاقەتا خەیلێن مەوینۆ بێ حزوور

دیدە زووەن عەزرەتا پەی خاکوو پاڵاکە و پەیات
مەڵهەما پەی دیدەکەی من مێڵی پات و خاکی توور

نانوو شێتیم سوور و سنجا ڕازنان سفرە و دڵیم
تاقەتوو من بی هەمیر و هیجر و تۆ وێنەی تەنوور

زۆقم و بۆرانێ عەجیبا یەختەسارا سەر دڵم
سەر دە لاما بدیە پەیما ڕۆجیاری شارەزوور

شۆنوو تۆرە من مەوینوو عاقڵێ با عاشقێ
شەرمەسارا پاڵوو تۆنە عەقڵ و ئێحساس و شعوور

چن وەشم بێ یانە پەڕ بێ دەنگوو ڕەنگوو شێعرەکات
ئیسە یانەم چۆڵ و هۆڵوو بی هەوارێ بێ سروور

چن نزیک بێنێ بەهەشتی تا نزیک بێنێ بە تۆ
ئیسە عەمرێن دوور جە تۆ دوورا بەهەشتیچ دووری دوور

هۆر نمێ هێزوو هێناسەم بێ هێناسە و سینەکەییت
دادەی ئازیزم هێناسێ،پەییم زەروورا رێ زەروور

وێم بە شانازی بیەی تۆ بەردەبێ هۆر ئاسمان
ئیسە شێت و لاشە تۆزین،بێ ڕەفێق و بێ غروور

چن عەجیبا تاسۆعانوو عاشوورانوو کۆچوو تۆ
بەیدێ هەورامان زیارەت کەربەلایێن بێ سنوور

خاک و خۆڵی سەر زەمین پەی من حەراما بێ هەیاس
چێر زەمین فەرزا وتێنێ گۆڵ عۆزارێ چۆن چنوور

کەی وەژی ئەی مەردەشۆر جامەی سیاوی ..نادیار..؟
کەی وزی ڕا کۆچە کەو من وێم و جامەی چۆن بلوور


#عەباس غەریبی



خەڵکوو دەگاو خەمی

یاران من زادٚەو ئەدٚاو خەمینا
پەروەردەو ئاوو هەواو خەمینا

بایەقۆش ئاسا ماوام وێرانەن
بەتاقێق خەڵکوو دەگاو خەمینا

هامسام پەژارە، ئەنیسم خەمەن
گێرۆدٚەو جەور و جەفاو خەمینا

بێ تاوان مەحکووم گونای نەکەردەم
بێ گونا مەحبووس یاساو خەمینا

خیاڵ سەرگەردان، خاترپەرێشان
هەردی و هەردەگێڵ ساراو خەمینا

دەرسم پەژارە، مەشقم مەینەتەن
ئۆسای وەش ئاوەز، زاناو خەمینا

کەوتەنا نە گێج بەحروو پەژارەی
غەرقی تەلاتوم دەریاو خەمینا

سەرەم چەرمە بی، ڕیشم تان و پۆ
رۆخسارم چرووك، سیسیاو خەمینا

قامەتم بە واو هەژاری چەمیان
ئەلفم بی بە نوون، چەمیاو خەمینا

شەبابوو جوانیم جەردەی پیری بەرد
بازاڕم کەساس، شێویاو خەمینا

سپای خەم عەزمش تاراجی شادٚین
دیل و باڵ بەستەو سپاو خەمینا

تەن سیازوخاڵ، جە سەر تا دامان
من قەقنەس ئاسا، سۆچیاو خەمینا

بێ خۆراس نە تاو وەسوەسەی دەروون
دایم  گۆشەوەنگ نەواو خەمینا

سەرەوکۆی مەینەت بڕیەن هەناسەم
زرانیم بێ هێز، مانیاو خەمینا

مەزاق مەنگ مەی ئاخ و حەسرەتەن
سەرعی و سەرگەردان لێویاو خەمینا

ڕیشەی خاری خەم درۆسیان نە جەرگم
چەترم پەژارەن، نە ساو خەمینا

خەم یار و موونس، خەم خوراکمەن
کوشیای تیری خەم، مۆمیاو خەمینا

ئەر هەیاس خەڵکوو«دەگاو عەشقی»بێ
من بێ ئادٚ وێڵوو ساراو خەمینا

#سوهراب مورادنیا

ـ بە ئێلهام جە پارچە شێعرەو(خەڵکوو دەگاوعەشقی) جە مامۆساهەیاس غەریبی

@hawramanhaneberchem



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، سوهراب مورادنیا(سیاوکام)، عەباس غەریبی، مامۆساهه‌یاس غه‌ریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۲۱) بە بۆنەو ساڵیاد٘وو کۆچوومامۆساهەیاس غەریبی،
نوشته شده در تاریخ یکشنبه 21 مهر 1398 توسط همایون محمدنژاد
 یک کتاب، یک دنیا، یک تغییر
فراخوان مردمی جمع آوری کتاب جهت راه اندازی کتابخانه روستایی(روستای گلال،گرال هەورامان، شهرستان پاوە)

 از هر نفر تا یک کتابخانه، یک کتاب فاصله است.

 مهلت تحویل کتابها تا ۱۰ شهریور ماه۱۳۹٨ می باشد.

واحد تحویل شهر پاوه: میدان شهدا، کتابخانه وحدت، طبقه دوم

پاوه، خ شهید چمران، پشت فضای سبز شهرداری، کوچه عزیز اخگوژنه، کد پستی ۶۷۹۱۸۸۳۵۹۱، فتحی


واحد تحویل شهر مریوان: روبروی تعاونی فرهنگیان، نرسیده به میدان شهید شریف(باوه‌ره‌شی)، کافه شهر

جهت همیاری و کسب اطلاعات بیشتر با ما در ارتباط باشید
تلگرام : @ketabiism_98

 با اهدای یک کتاب، در این حرکت سبز و ارزنده با ما باشید.

اسامی کسانی کە در راستای اهدای کتاب اعلام آمادگی کردەاند
 ۱-کورش امینی
۲-سبحان امینی
۳-همایون محمدنژاد
۴-همایون فتاحی
۵-محمد کریمی
۶-حسین کریمی
۷- عبدالله حبیبی
۸-ارشد اتابک
۹-جمال قادرپور
۱۰ـ سیدرحمان محمودی
۱۱-فتح اللە رضایی
۱۲-هورامان رستمی
۱۳ـ دکتر ناجح گولپی
۱۴_ محمدرشید امینی
۱۵ـ عدنان مرادی
۱۶-ابراهیم شمس
۱۷-عباس غریبی
۱۸_کیوان محمدی
۱۹-حسین خورا
۲۰ـ عبداللە عبدی
۲۱ـ رحمان رحمانزادە
۲۲ـ آزاد  رحیمی
۲۳ـ رحیم رحمانی





طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، هومایون موحەممەدنژاد، کوورش ئه‌مینی، ئێبراهیم شه‌مس، موحەممەدره‌شید ئه‌مینی، عه‌بدوڵڵا حه‌بیبی، سوبحان ئه‌مینی، عه‌دنان مورادی، جەماڵ قادرپوور، ڕەحیم ڕەحمانی، عەباس غەریبی، حسه‌ین خورا(خه‌یاڵ) ، دوکترناجێح گوڵپی، فه‌تحوڵڵا ڕه‌زایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،یک کتاب،یک دنیا،یک تغییر فراخوان مردمی جمع آوری کتاب جهت راه اندازی کتابخانه روستایی(روستای گلال،گرال هەورامان،شهرستان پاوە)،
نوشته شده در تاریخ شنبه 26 مرداد 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 4 :: 1 2 3 4