کەلەبەروو شێعرا(۱۷٨)

بێ شۆڵە کەوتا چۆڵەنا ئی وێرەگا مەترازیۆ
تا نەینە دەرمانم کەری جەور و جەفا مەترازیۆ

جەژنەو پەڵەو مانگە شەوێ بێ جل چەنی تاوو بلوو
بێ ڕۆجیاری کوشتەنا ئیش و بەڵا مەترازیۆ

قاپوو دڵیشا بەردەنا من بێ دڵ و روو زەردەنا
ئی شەممە مێمانێم هەنێ چی شەممەتا مەترازیۆ

من پەی وەهاری مەردەنا،تو حەر جە زمسانی مشی
سەردی چەماومانگە شەوێ ئارۆ و سەوا مەترازیۆ

مەنزوور ئەگەر شەککەر نیا دڵ چی بەرۆ تاموو لچا
تا تۆ هەنی و ئی قەننە هەن تاموو لچا مەترازیۆ

ئاشفتە بازارێوە هەن ماچا کە ماڵوو بێ کەسین
پەی بێ کسێوە پێسە من ئی خانەگا مەترازێۆ!

شەوگار ئەگەر ڕەحمش نەمەن خۆ ڕۆجیار هێشتا مەنەن
تاریکەڕاو ئی عەشقیه چی تۆ خودٚا مەترازیۆ ؟!

#فەرید_عەباسی ‍             

ئەدٚای پیرە

ئەدٚایوە پیرە جە یانەو پیرا
تاقمەو مەجلێسوو دڵە زویرا

ئەدٚای بێ نازە جە تاسەباری
پەی خەبەرنگار بە گرەوە و زاری

چوون شاخەی نەبات کەلامش واز کەرد
هەناسەی کاڵش جە دەروون ویەرد

گردیما  دیما و وە لامان یاوا
جە دڵتەنگی وێش پێسەش فەرماوا

ئاخ وەشڵەی عەمرم گێڵای دماوە
کوڕێوم بیایا جە سەر دنیاوە

بە شۆتوو تووتەی گەورەم کەردایا
تا بۆوەو ڕەحموو وەفایش بەردایا

فامایاش قەدٚروو ئەدٚا و تاتەو وێش
ئی زەجر و جەفا کەم بدٚایا  پێش

بەش بۆ بە عێبرەت واتەو ئا ئەدٚای
یادٚ گێرمێ ڕەحم و دەسوورو خودٚای

 #عوسمان ڕەحیمی هەجێجی

سەروو ماچێت ئەگەر قاچێم بڕانێ
كەوایم پێسەو گجی یۆسۆی دڕانێ

لکانێ ئا دەم و خاڵی بە وەڵڵا
مەکنیۆم دەم هەتا قازی چڕانێ
 
شەرابی ساڵە حەوتا ئا دەموو تۆ
بە یەک گوڵمش خەمێ من گرۮ پڕانێ

بەزەیم مێ پا هەناره‌ نەو ڕەسارە
ئەسیروو چێروو ئا پەڕوە شڕانێ

گڵۆپوو عەمرەکەیما ئا چەمێنێ
هەتا مەحشەر خوۮایا هەر گڕانێ

کە تڵفا ئی دڵوو "سەعدی" نەوازش!
سەروو تڵفێ  هەزار کاخێ   وڕانێ
   
#سەعدی_غەریبی


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، فەرید عەباسی، عوسمان ڕەحیمی(مورید)، حامی غەریبی، سه‌عدی غەریبی، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٨)،
نوشته شده در تاریخ دوشنبه 1 اردیبهشت 1399 توسط همایون محمدنژاد
کەلەبەروو شێعرا(۱۷٤)

   شێعرەو زاڕۆڵا

گوڵزار

گوڵزاروو   هەورامانیم
یاگێ سەفا و سەیرانیم

تەماشە کەردەیش وەشا
دڵم   وەشحاڵ  و  گەشا

گوڵێش هەزار  ڕەنگێنێ
شادٚێ و شۆخ و شەنگێنێ

باخش سۆسەن و شەوبۆن
سوورەهەراڵەی   وەشبۆن

وەرکەمەر و  چنوورەن
هەراڵەبرەمەی سوورەن

حەیاتم  هەورامانا
خاکش دەوا و دەرمانا

ئەمن  باخەوانشەنا
ڕۆڵەو ئاو و خاکشەنا

پارێزنوونە کەشەکاش
باخ و هانە وەشەکاش

#عوسمان ڕەحیمی هەجێجی

دەردێ تۆ دانت نیاش دەوایێ
حەکیم تۆنی، تۆ، سا دەی شیفایێ

بێ مەیلیت کوشتا، جەفات تا بە کەی؟
هاکا دیت مەردا ئارۆ و سەوایێ

هاوەختەن گیانم بەرشۆ جە جەسەیم
یاسێنێم وانە بە وەش نەوایێ

با گوناو مەرگیم نەگنۆ گەردەنت
مەحکەمێوە هەن، ئەر بۆ یاسایێ!

وەهاروو ژیوایم ناوەشا بێ تۆ
وشکەساڵیما و نیام سەفایێ

بێ مەیلی تا کەی؟ بێ ڕەحمی تا چەند؟
وەس ئازارم دە، دەی نیم نیگایێ!

دڵ مەجنوون ئاسا شەیدای شێوەتەن
ڕەحمی خەیرت بۆ لەیلا ئاسایێ

پەی تۆ چوون سەنعان گێڵانا جە دین
وەشڵەی تۆیچ بیەیت ڕەوتوو تەرسایێ

مەرگەساتێوا ئاشق ڕەنجنای
ئەی دڵ ساکیەرە، خۆ هەن خودٚایێ
----------٭٭٭٭٭----------
۹۹٫۱٫۲۱ ڪۆچی ڕۆجیاری

#سوهراب_مورادنیا



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، سوهراب مورادنیا(سیاوکام)، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٤)،
نوشته شده در تاریخ دوشنبه 25 فروردین 1399 توسط همایون محمدنژاد
پەیامەکاو نەورۆزوو ساڵەو ۱۳۹۹ جە لاو شاعێرا و نویسەراو هەورامانی و هامکار و هاموەڵاتیەکام، پەی هەمێشەی جە دڵمانە،یادگار مەناوە


 سەفای سەیرانگا و سارا و سەرهەردان

مەناڵۆ پەی بەزم  جەرگەی هام فەردان

       مەولەوی 

برای ئازیز و وەشەسیا کاکە همایۆن گیان ! 
سڵام و و ڕەحمەتوو پەروەردگاروو وەهاری و ژووژنایۆ تەبێعەتیت وەنەبۆ 

هۆمێۮوارنا  ئی ساڵەی تازێ ، ساڵەو تەمامیای گردوو  مەرارەتوو ژیوای ناوەشوو خەڵکی بۆ  و خوۮا کەرۆش بە مایەو پیت و بەرەکەت و لاشەساقی  و واران ئاسا وارۆ ملوو وێتا و کەس و کاری ئازیزیتارە 

برات : حەمەی فەهیم  نەورۆزوو ۹۹

نەسیم مەحرەم مابەین یاران
ماچان وەهارەن، سەوزەن دیاران
گیان وە بێ تاقەت موینوون ئارۆ
زاهێرەن هەوای لای ئازیز دارۆ
"مەولەوی"
سڵام و حورمەت مامۆساهومایون گیان
نەورۆز و ساڵی تازەیتا مەبارەڪە بۆ،هیوام ئانەن ساڵێوی پەڕ خەیر و بەرەڪەت بۆ پەی وێتا و خانەوادەو موحتەرەمیتا..دوور جە ناوەشی و ناڕەحەتی بۆساڵێ تازێتا..
#سوهراب مورادنیا

سڵام و  سەعادەت بە نسارت بۆ
هەر سات و زەمان خودٚا یارت بۆ

هەر چندٚ فرە دێر جوابم داوە
مەگێرەم تاوان چوون دوورا، پاوە

هەتا مەریوان کەل و ملێنێ
هەر کاو و دۆڵا تاش و تڵێنێ

خسووس کرۆنا کارێوش کەردٚەن
برا جە برای دەس  و دڵسەردٚەن

نە دیدٚەو دیدٚار نە دەس ماچ کەردٚەی
تەرسەو بێ دەوای تا تەرسەو مەردٚەی

سەبر و قەرارش جە دەس بەردٚێنمێ
شەرمەندٚێ  دیدٚەو یاراش کەردٚێنمێ

ئیسە پێخامت بە مەژگم  یاوا
خێرا دڵ و مەژگ کەردٚەشا داوا

دڵ واتش مەژگی چندٚ سادٚارە نی
وتەو(گۆشی)نی  بارە  لارەنی

نە ڕەفێق نەیار نمەوزی یادٚم
تۆ فرماندەنی؟ڕەنجی وە بادٚم؟

مەژگی وات ئەی دڵ مەگێرەم وەنە
هەزاران  ویرێم  گێڵانێ  چەنە

ویروو بێ نانی، ویروو بێ دانی
ویروو دەردٚی بێ، دەوا و دەرمانی

به هاوارێشا من بێدار بیا
چندٚ فەردم ئەو سەر ئی سەفحە نیا

ساڵێ تازێتا بەڵ سەدٚ ساڵێ بۆ
گردٚ ساڵێش دوور جە دەردٚێ تاڵێ بۆ

ئافەت و بەڵا و کرۆنا ویرووس
دوور بۆ جە شمە،دۆ کوانی(ڕووس)

بە قەدێمیانە، بەڵایای خەتەر
دوور بۆ باڵایتا گنۆ کۆی بێ بەر

"قەیۆم دانشوەر نەروی، ۱۳۹۹/۱/٥

 تایبە پەی کاکە هومایوون موحەممەدنژادی


سڵام هومایۆن گیان فرە ئازیزەنی.
ساڵێ تازێت پیرۆزە بۆ.
جە خودٚایم تەڵەبا وێت خانەوادەی ئازیزت جە به‌ڵاوکرۆنای و تەماموو بەڵایا مەحفووزێ بیدێ.
#ئێبراهیم شەمس
سڵام کاکە گیان 
سەرمەنگوڵوو ژیرا هەورامانی
یانەباوانوو  شێعر و فەرهەنگوو هەورامانی
ئیشەڵڵا وەهارت به وەشی دەس پەنە کەری
و لاوانەزەرڐ پەژارە و مەینەت جە دڵت هۆر کەنۆ
دڵتنە بەختەو وەشی پاسە بنجە پێکو کە هیچ  خەزانێ دەسەیاو نەبۆ بە کامەرانیت
وەشما  گەرەکنی
بە  وەشی  ژیوی
کاکە هۆمایون  گیان
قۆمپەولەکێ هۆنەر  و زانشتی

#سەعدی عەزیزی هەورامان

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، هومایون موحەممەدنژاد، جەواد حەمزه (فێراق)، شۆرش عه‌زیزی/"ئاوات"دیارکهن، سوهراب مورادنیا(سیاوکام)، عوسمان ڕەحیمی(مورید)، حامی غەریبی، دوکترسه‌یێدمه‌هدی سه‌جادی، سه‌باح حه‌سه‌نی شیانی، هادی سپه‌نجی(خاڵه‌)، پویا تالب نیا، فەرید زاوەری، حسه‌ین خورا(خه‌یاڵ) ، کەرەمەڵڵا ئەمیری(ک الف یاس)، جه‌زا کامران(ئه‌دوای)، موحەممەد وەلی کاکایی، قەیۆم دانشوەر، یه‌حیا سه‌مه‌دی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پەیامەکاو نەورۆزوو ساڵەو ۱۳۹۹ جە لاو شاعێرا و نویسەراو هەورامانی و هامکار و هاموەڵاتیەکام،پەی هەمێشەی جە دڵمانە،یادگار مەناوە،
نوشته شده در تاریخ جمعه 1 فروردین 1399 توسط همایون محمدنژاد
کەلەبەروو شێعرا(۱٦٨)ساڵێ تازێ ۱۳۹۹

نەورۆز مەبارەک

نەورۆزەن ئازیز  بۆی وەهار مەیۆ
بۆی عەتر و گوڵاو جە گوڵزار مەیۆ

هاژەو وەرواوان جە شاخان مەیۆ
دەنگوو   بڵبڵان  جە باخان  مەیۆ

 مەبارەکتا بۆ  نەورۆز  و  وەهار
بە سەربەرزی بۆ  بێ دەرد و ئازار

بە وەشی گێڵۆ  جەژنوو نەورۆزی
پەی  کوردەواری  گرد گەل و هۆزی

با بەیۆ ساڵێ  تازێ   جە  ڕاوە
 شادٚیش پەنە بۆ  دڵێ  بسیاوە

بێ پەروا  ویەرد چەرخوو دنیایی
دەی با  پێوە  بۆ  واڵە  و   برایی

چن  یەکترینی سەفا بۆ شادٚی
پێوەرە   کریۆ   مەبارەکبادٚی

یانە و  وەڵاتما   مێهرەبانی بۆ
دوور جە مەینەت و سەرگەردانی بۆ

پەناو  خودٚاینە  عەمری  بێ  بەڵا  
ڕەنگین بۆ پێسەو  گوڵزارو  گوڵا
 
#عوسمان ڕەحیمی هەجیجی

ساڵێ تازێتا  سەد٘ جار  موبارەڪ
وەشی و لەش ساقی دەیدێ  تەدارەڪ

شاد٘یتا  بزیۆ  چەنی  گوراڵا
گاو ئاسنێتا  هەر وەشی ڪاڵا

پەژارە  بلۆ  نەگێڵۆ  دماوە
پەپوولەو بەختێ جە شاناتاوە

بە ئەخلاقی وەش تاشدێ دۆس و یار
ئەبەد٘ نەواچدێ سەد٘ وەشڵەی بە پار

#حامی غەریبی


ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، شهرها و روستاهای هورامان، جفرافیا، تصاویرومناظرطبیعی وتاریخی، حامی غەریبی، عوسمان ڕەحیمی(مورید)، جەواد حەمزه (فێراق)، حسه‌ین خورا(خه‌یاڵ) ،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦٨)ساڵێ تازێ ۱۳۹۹،
نوشته شده در تاریخ جمعه 1 فروردین 1399 توسط همایون محمدنژاد
کەلەبەروو شێعرا(۱٦۲)

          کورۆنا

هەرکەس بەشوو وێش دنیایوش دیەن
زانای قەدٚیمی ئوستادش بیەن

نەکەردێ خیاڵ  فکر و وەسواسی
هاوارمان خودٚان بە سێدق و ڕاسی

پەنا بە خودٚای جە شەڕی ئێبلیس
نەجاتمان بدٚۆ جە دەردانی پیس

فەریادٚڕەس خودٚان حەکیم دەلیلەن
جە نەزافەتی کورۆنا زەلیلەن

پێسە ویەردەن دەورانوو دنیای
دنیای مەینەتبار خەم پۆنە شنیای

زەمانەی قەدٚیم  پەی یادگاری
چننەها دەردێ  دانشان دیاری

دەردێ هەر هەنێ قەدٚیمیا واتەن
تاعوون و هەڵوێ  گردش مافەتەن

دەردە باریکێ و سوورنجێ و پەتا
بەڵا بێنێ پەی  پیر و نۆخەتا

دڕەیلێ و خەرکان یام بە خەرەفیای
باسشان کەردەن وەختوو سەرجریای

ها ئیسە قەڕنەو کورۆنای ئامان
تێکش دان وەزعەو  ژیوایی و سامان

عاڵەم گرد کەوتەن مەهلەکەو دنیای
دووربای سەرش دان سەروەنەشێویای

هەرچننە باروو خودٚای حێکمەتەن
بەڵام زەمانەی عێلمش ڕەحمەتەن

حەکیمان کەوتەن کەشماڵ و دەوای
عەلاجش کەران ئارۆ یا سەوای

جە نائومێدٚی زەننەقتا نەیۆ
شەوێ تاریکە ئێنتهاش مەیۆ

ئیرادٚە جە لای خودٚای ڕەحیمەن
عەبدش سەبوور بۆ ئەجرش عەزیمەن

#عوسمان ڕەحیمی(مورید)

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، عوسمان ڕەحیمی(مورید)، موحەممەد خدری(ئەدیب)، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦۲)،
نوشته شده در تاریخ شنبه 17 اسفند 1398 توسط همایون محمدنژاد
کەلەبەروو شێعرا(۱٥۷)/پەی کۆڵبەرەکاو ژیوار و دشەی

‍ دڵ پەڕ جە تفەنگوو تۆن، هەینا نەکەری تۆخوا
کۆڵبەر شەوەزەنگش ڕۆن، هەینا نەکەری تۆخوا

ڕۆڵەش چەمەڕاو نانین، نانش سەمەروو شانین
دۆسش چەمەڕاو گیانین، هەینا نەکەری تۆخوا

قازی کەرە وێژدانت، حوکمش دە بە ئیمانت
وەس بدٚیەنە نیشانت، هەینا نەکەری تۆخوا

ئاورایەنە بێ هازەن، وەیلانەن و بێ نازەن
کۆڵێوە خەمش سازەن، هەینا نەکەری تۆخوا

دڵسەرد و سەرەش داخەن، وێرانە پەنەش کاخەن
شادیش وەنە قاچاخەن، هەینا نەکەری تۆخوا

کۆڵش پەڕەن و دڵ پەڕ، لاشەش تەڕەن و چەم تەڕ
گۆشت نەکەری تۆ کەڕ، هەینا نەکەری تۆخوا

کۆڵش بەرە نەک جەرگش، هوونین نەکەری بەرگش
بێ وادٚە نەدٚەی مەرگش، هەینا نەکەری تۆخوا

#جەماڵ_قادرپوور
هاواری کۆڵبەر.

ئاخ لە ڕەنگ زەردیم لە بەر بێ کەسیم
هاوار  لە  بە خت و چارەی بێ بەشیم

ڕەنجاوم لە ژین  سووتاوە جەرگم
لە پەرێشانیم   ڕازیم  بە مەرگم

حەیرانم لە چەرخ لە بەزم و ڕەنگی خنکاوی خەمم   هەر بە بێ دەنگی

خوێن و ئارەقم  کردم  پیمانە
سەر بە سەر بۆ ژین لەم نیشتمانە

با لە هاوارم   عالەم  تێ بگات
مەئیۆس لە بەختم کاتم هەر نەهات

بەخت وچارەی من لە حەق بێ بەش بوو
لە بەر بێ عاریم  چرای ماڵ گەش بوو

بە کۆڵ بە کۆڵیم  لە هەوراز و دۆڵ
بە لێوی تینووم  لە کێوانی چۆڵ

چی بکەم بەو بەختەی وا پێم دراوە
ناوی  قاچاخ  چی پێم سپێندراوە

سەرباز دە لای به تفەنگ و تیرت
ڕەحمی ئینسانی  بێنە لە بیرت

مەبە  بە قابێز بۆ بەخت و ژینم
مەشکێنە  دڵەی  پڕ لە برینم

سەرباز شیشەی دڵ منداڵ مەشکێنە
عەزمی  مەردانەت  لە دڵ بنوێنە

سەرباز هاواری منداڵ بە سۆیە
بەرزتر لە ناڵەی تفەنگی  تۆیە

دڵی  منداڵم    هەر  بە  ئاواتە
با ڕەنگ زەرد نە بێ لەم سەر بیساتە

فەریاد و  ناڵەی بەرد ئەتاوێنێ
ئاوات و  هیوای  دڵ  ئەلاوێنێ

سەرباز  دەخێلم  ڕجامە  لە تۆ
بۆ تیکەنانێ  مەمکە  ڕەنجەڕۆ

کۆڵبەری  هەژار  دڵ  پەرێشانم
بە بێ  دڵسۆز و  نام و نیشانم

چەنهای چەن ساڵە ئەو ژینە بەشمە
شاهێدم  خوێن و ئارەقی لەشمە

زەمانە هەموو  ڕێگەی لێ بەستم
فەنا چوو بەخت و ئاوات و هەستم

ڕەنگی جوانیم  لێم  هەڵ وەریوە
گورێسی  کۆڵم   شانمی  بڕیوە

بەو هەموو  کۆڵە و خەمی منداڵان
ئەی بڕم  دۆڵ و  هەوراز و یاڵان

تا بەڵکوو منداڵ لە خەمان دەر بێت
موحتاجی دەستی نامەردان  نەبێت

#عوسمان ڕەحیمی هەجیجی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، عوسمان ڕەحیمی(مورید)، سه‌باح حه‌سه‌نی شیانی، جەماڵ قادرپوور، شهرها و روستاهای هورامان، ده‌گاو زاوه‌ری/روستای دز‌آور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ دوشنبه 28 بهمن 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 10 :: 1 2 3 4 5 6 7 ...