کەلەبەروو شێعرا(۱٥۰)


چەمەو شێعرێم مەحاڵەن بگنۆ چیرو سێوەرو ژیری
بە شێتی سەر وەشەن شاعێر، دڵم کەم بووزە ئەو چیری

جە عەقڵ و مەنتێق و ژیری، نە بارم هەن نە ئاگاهی
چەمم بگنۆ بە هەر کامی مەڤۆمان جەنگ و دەرگیری

جە شێخیم ئەژنەوی وااش سەرو پیری مەڤۆ دۆست
بە جوانی پێسە کوشتانیت، هەڕەم تەوقەو سەرەو پیری

قەڵادۆشانو شێعرێمۆ چەمت مگنۆ بە بەرزایی
دڵت پەی چێشی وەش کەردەن بە ساراییو سەرەوچیری

چەمم نەگنۆ پەنەت شێعرێم پێسەو وێم ناوەشێ مگنا
ئیتر دەرمان و دەردێمان مەگەر ژوانو یەکانگیری

هەسارێو شێعرێ مگنا ڕا، چەنەم وەرمی مسانانێ
مەلۆ، تۆزێوە ڕەحمت بۆ، بە دێوانێوە زەنجیری

#پەرویز  بابایی

کافرو 
گەبروو یەهوودی چەماتەنا

مۆسڵمان

لاقەراخوو شەرعەیتەرە
نگاهێ....!!

#جەواد/فێــــــــراق


قەسەم
،،
قەسەم بە یادٚی، هێجرانی یاران
سەختا غەریوی،جە گۆشەی شاران

بە وەفا و سەفای دڵداران قەسەم
بە هەڵسی دیدٚە، چوون واران قەسەم

بە وەنەوشەی چەم، وەهاران قەسەم
بە عەتروو گوڵی، گوڵزاران قەسەم

بە نوورو ورچەی هەساران قەسەم
بە  مانگەشەوێ  شەوگاران قەسەم

بە سایە و سەیوەر،نساران قەسەم
بە وەرەتاوی ،کۆساران قەسەم

بە  نازاری ناز، نازاران قەسەم
بە زەرق و بەرقی ،بازاران قەسەم

بە ئەشق و بەشقی ڕەشماران قەسەم
بە دڵەی ئاشق بیماران قەسەم

بە چارەی ناچار بێچاران قەسەم
بە ناڵە و نرکەی خەمباران قەسەم

قەسەم پا کەسەی، هەر وێش ساقییەن
ئەشقت تا ئەبەدٚ، جە دڵ باقییەن

دڵ جە فێراقت ،نیەنش قەرار
هەواری ئەشقت ، هۆرش دان دەوار

دڵ هەر سات یادٚی ،تۆش هەن جە خەیاڵ
چەم چەمەڕای تۆن، یاری پڕ جەماڵ

#موحەممەد خدری (ئەدیب)


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، په‌رویز بابایی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥۰)،
نوشته شده در تاریخ جمعه 4 بهمن 1398 توسط همایون محمدنژاد
کەلەبەروو شێعرا(۱٤٥)

"دماو کۆچیت"
ئەمین حاجی زەڵمی
ـــــــــ
دماو کۆچیت 
داڵەمێزە ؛
تەمەو خەمیش  
سەراپاو  کەشا پۆژنۆرە 
داڵانی ؛
سەرە نامنۆرە 
ڕەنگینە؛ 
هەڵسەو بێ تۆیی مجۆرە 
 وەنیملە ؛
کەوت تاتەڕۆ 
وێژەن وەنیشۆ  گنۆرە 

دماو کۆچیت 
کەشوو وەتلەی 
دەربەن بەلوان
منارەکەوە 
ئیتر ئاوات پەی کی وازا؟
مەڕە سوورە ؛
پێسە لاپلاو ئەسحابەکەی 
پەی ئامای تۆ 
چەمەڕان و ئاوات وازا 
مەیدان ؛
هەڕ پیمای بۆ بەشەش 
بێ هاشمی 
سەروو هانەکەیش  بێ نازا.
دماو کۆچیت
دڵوو منیچ کەشێ چۆڵا.

#ئەمین حاجی زەڵمی

شەوە
    نیمەگیان  
چەمێ 
   باوشکێ تەڕێ مازارە!
سەڕافی کەرۆ
         ئەندێشە، عەسری
پەردە
باوشەو دەلاقەینە تاریکی چنۆ و
زەننیش زێنە بە ڕۆجیاری
دارسان 
دەسەملانوو وەرمێو خومارین و
جادە 
عازیەتباروو مەرگێوە زیننەی!
جگەرەم هۆروەزۆ باڵاو هەوایرە 
و
چەمگەشا چەمەڕاییم...
ڕۆ 
    تەکنۆ تاری و
 سڕی ڕنۆ 
        سیواڵی وەرمیوە
جە لەنگەرگاو وەرکەوتیوە
 ڕۆ چەمێو ترووکنۆ و
دەلاقە
دامنەو چەمامنە 
           نیشۆ خوە... 

#شارۆ

تەنیاییم
هامێتەن چەنی
گرەوای و
دەسەملان و یانەقۆڵێ
تێکەڵاوو بەهاناو هۆرزاونشتین

ئاخر
ڕۆح و خیاڵ
هەنگام هەنگام 
وەردوو ویەردەی مەکەرا
و
گلێروو ئاوەزی

پەوکەی
خەڵوەت و تەنیاییم
گەورە دانشگایەنە !!!

#جه‌واد_فێراق



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، ئه‌مین حاجی زەڵمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤٥)،
نوشته شده در تاریخ سه شنبه 17 دی 1398 توسط همایون محمدنژاد
کەلەبەروو شێعرا(۱٤۰)


کۆڵەکەم بنیەیدێ قەورەم گردٚ خەمێنێ، با مرا
فرسەتەن تاکوو جە شانەم گردٚ جەمێنێ، با مرا

چێگە بسراوندێم،بەڵکوو گرم و قاڵی نەژنەوو
چی سەرۆ تا چەم مەوینۆ هەر تەمێنێ،با مرا

ئاورای وینی، نمەتاوی عاشقوو نانی نەوی
ئەر خەمت نانەن،فرێنێ یا کەمێنێ، با مرا

عاشقی ڕەنجەن،نەوینی تاموو ئاواتەو دڵی
لێ دەگای پەڕ بۆ وەلی، چوون بێ شەمێنێ، با مرا

تۆموو ئاواتا، وەهارێ چێگە شانام و لوان
ئەر بە زەردٚی کەوت سارا و ئەر سەمێنێ، با مرا

چی سەرۆ زقمێوە ڕچیان ماتڵووڕۆجیاری بوو؟!
ئەی بە شەڕ کۆست مرۆ ڕۆ ، وادەمێنێ، با مرا

ئنە تەرسوونە دزێ بەی،قاڵیەو مزگی بەرۆ
 تووتەکێ شاریچ وتێنێ و بێ دەمێنێ، با مرا

 بازە با بووسوو بە قەقبەو بەش خەوەر بوونۆ،سەوای
 شێعرەکێت"سەیێدٚ"جە ئاخ و مەرهەمێنێ، با مرا

#سەیێدٚڕەحمان _ مەحموودی

زمسان زریکناش
زۆقم
هەنگامێش ڕەقوە کەردێ
باڵاو ڕۆحێش 
کەفەن کێشا
چەمێش وراستێ
بە تاپۆرە
هەرتا
تاسە نەحەسیۆوە

خنجەرەو
 برایەتی شاخی
کێلانە ترازیا
یەخێ نانیش دڕیەرە
و
جلوو ئاخیش
وراست کۆڵەرە

ئاخیەتەر و 
خەمیەتەرش کارەنیا کەرد

سفرە وناڵین 
بابۆڵێ 
پەی بابۆڵێ پەلەقاژێ !.!.

لاقەراخ و شاریوە
زریکەو
ئەڐایەتەر 
کۆڵبەریەتەر گۆچ مەکەرۆ
هەرتا تەتە و
ئاغەو ئاغا
بێ خەم کەرا
ڕاوەو  نانی !!

جەواد/ فێــــــراق ۲٨؍۹؍۹٨
‍ ‍ ‍

 گیانێوە پەی نانێوە!
شارۆ
۹۸/۹/٦
ــــــــــــــــــــــــــــــــــــــــــــــــــــــــــ

تەتە ئیتر
مەجمنۆ چەم پەی تەماشای!
سیروان
دڵش مەراق خێزا و
هەڵەبجە
چرکەچرکەو وەرزاو ساڵێ
چەمێش سەرچەمەو سەماو هەڵسانێ

ئیتر چێولای
وەروەیچ گرەوۆ پەی کۆڵبەری و
وێشەرە پێچیۆ تا ورد بیەی...
ونی سۆچۆ 
هەنگام هەنگام و
شەرم مجۆ 
لچێشەو نان!

چێولای ئیتر
کامە گەشتیارا
پەنجە کێشۆ پەی هەڵەبجەی
وەختێوە کە
سەی سینەو هەر تەوەنێ
بێ ناز کەوتەن کۆڵبەرێوە؟!
واچدێم سا دەی
کامە تاتەن
کامە برا
کامە ڕەفێق
کامە لالۆ
یا مامۆزا
سینەش کەیلوو مەراقی نەبۆ؟

چێولای هەر وەخت
عەزموو تەتەیت جەڕ دا پایا
بن کڵیشوو هەر تەوەنێ وستەت بنێ
نامنەرە سەرە
 و
نانێ بنیەرە...!
#شارۆ


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، سەیێدٚرەحمان مەحموودی، حامی غەریبی، جەواد حەمزه (فێراق)، بێهرووز موحەممەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۰)،
نوشته شده در تاریخ جمعه 29 آذر 1398 توسط همایون محمدنژاد
کەلەبەروو شێعرا(۱۳۹)


چەمێم پەی دیدٚەنیت دیدٚەم وەنەوشە و پاڵوو ئاوێنێ
عەزیزم کام کەش و کۆ دەو؟قژێت ئارۆ چە خاوێنێ

سیاو دیدٚەن دڵت زانوو مەوینیما بە دڵ ئەی گوڵ
ئۆمێدم پا چەما بەستەن،چەمێچت دڵ سیاوێنێ

دڵی وێڵ و کز و کۆرم دەسوو داموو خیاڵاتۆ
پەنا مارۆ بە بروا تۆ،برێچت مەیل بە ڕاوێنێ

شکاتوو ئی خەما ماروو مدٚەوشا تۆ جەنیشارە
دەموو برژانگە تێژا تۆ هەسانوو تێخوو ناوێنێ

مەدۆنا خاڵەکێ سینەی لچیت و خاڵەکێ دەوریش
چە خاس وێشا بە زل زانا،ئەنیسوو سوورە ساوێنێ

خەتیب و واعێز و عاقڵ دەسم مازا ئەگەر زانا
وەراوەرتۆ چەمێ عەقڵی هەتا مەحشەر شەتاوێنێ

بە گەرمی تۆ چەنوو غەیری ڕەفێق و یاوەرم لەرزا
جە زمسانوو عەلەیکا تۆ سەوابم کۆنە یاوێنێ

تەبیبی حاڵ نەزان زامم مەبۆ ون بەس وەسێشا وەس
کە زامێ ئا دەس و پەنجەی ونین و تازە باوێنێ
#عەباس غەریبی

‍ خەیاڵت
هەورێشێوە بازەڵەن و
"من"یچ
وەروەو زمسانی
پەل بە پەلوو وارایمەنە
تۆ منویسۆوە!
#شارۆ

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، عەباس غەریبی، حامی غەریبی، سوهراب مورادنیا(سیاوکام)، مه‌هدی ئه‌بری(هه‌ورام)، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۹)،
نوشته شده در تاریخ سه شنبه 26 آذر 1398 توسط همایون محمدنژاد
کەلەبەروو شێعرا(۱۳۷)

ڕێبوار
ئەی ڕێبوارەکەی راگەی زانایی
مەلەوانەکەی ،دەریای مانایی
سالکی سلکی عارێفان خاس
جە پەستی بێزار سەربەرزی شناس
                                            
تۆ چەنی ئەحەد بەستەنی پەیمان
ئەرکی ئێنسانی بکەری تەیمان

درۆ و دەلەسە و تاڵان و غەیبەت
هەر یۆ بە جۆرێ ماوەران نەگبەت
تەمەڵی و پیسی و وێڵی وبێکاری
مەوان سەرمایەی کەمی و نەداری

دەخیلەن دەخیل دوور گنە لێشان
عادەت نەکەری هیچ کاتێ پێشان

چەمت تەنگ نەبۆ بەخێڵ نەوینە
سینەت پاک کەرە جە تۆزی کینە
دڵ کەر ئاێننە پەی دێدار یار
تا باخ شادێ بنیشۆ وە بار

ڕای تۆ ڕای حەقەن، ڕەسووڵ نمانان
جە ویرت نەشۆ دەسم وە دامان

مێرو مۆبەت و یەکڕەنگی و سەفا
ژیری و زیرەکی و بەینەت و وەفا
برایی و دۆسی و زانایی و ئەدەب
مزگی ودانشگاه و مەدرەسە و مەکتەب

لایێق وە باڵای ئاڵای شەنگ تۆن
ئەر یە بۆ وەرات دڵتەنگی جە کۆن

#موحەممەدیۆسف ڕەسووڵ ئابادی 

لاپەڕیە چەرمەنە
با زمسان ، دارستانی ڕووت و قووت بکێشۆ
سایەو سەرەو چەمەکاتەوە
مەشنیەونە
گەڵا بە گەڵا ،دیایمەنە سەوز.
مەنیشۆنە هەراڵە 
لچەکاتەنە سوور
لەق بە لەق  ، دار بە دار .
سەردیت
زقمەڕەوایەتو نائەهلەکانەن
تۆ شێعرەنی 
و
کەلیمەکا گڕتەنە گێرتەنشا هاوار.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، مه‌هدی ئه‌بری(هه‌ورام)، سوهراب مورادنیا(سیاوکام)، یووسف ڕه‌سووڵ ئابادی(هاوار)، سەیێدٚرەحمان مەحموودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۷)،
نوشته شده در تاریخ سه شنبه 19 آذر 1398 توسط همایون محمدنژاد
کەلەبەروو شێعرا(۱۳۳)

بە نیم نێگایێو دامیش نیاوە
چن گەزێش پیما و لاش کەردەو لاوە

دیش دڵ شکارەن نێگا نە ڕاش بەند
ڕاسەڕاش گرتە و هێور جە ڕاوە

شەکەرپاشش کەرد خەتەو دیای پەیش
بە ناز و ڕەوتی ژەرەژ ئاساوە

حەزم عادەتیا وێڵ بی نە دووش دڵ
چرۆ جنوونی سەوز بی حەیاوە!

ئیسە هەواسم شەو و ڕۆ وێڵا
بیەن کەشیکچی و مدران وە پاوە

بەینە و بویەرۆ چەم کەرۆ شارۆ
لار و لەنجەیوە جەو سەرە ڕاوە

سەباخەیرێوە، وات و واچەیوە
گونایێو خێزیۆ بە چن خەتاوە!

چنگ پێکۆ عەشق نە جەرگ و دڵ دا
تا چەرخ خولەش بەی جیێ نەباوە

ڕۆحما بار کەرۆ لەشوو هەنگەری
جە دوێ جەسێنە بێ خەم سەیاوە

#شارۆ

شمشێری جەهرەن ئەو کەمەی ئەبرۆ
چوون حەرەس مدران نە پێشانی تۆ

قاتڵی ئەغیار ئەر بەی کەرۆ بۆ
قەساوو پەنجیە سەر بدٚەو لیمۆ

ددٚان کێشوو دەمیەن ئەر کوڵمت گەزۆ
نەشتەروو چەمیەن وە لاوە بدٚیۆ

تاکەی ئەو شمشێر نە پێشانیت بۆ ؟
پەی فێراق بیەن بۆڕەندەی بەدٚخۆ

تۆ شای دڵداران ڕەحمی خێرت بۆ
دڵ کەردەن مەنزڵ، ئاخ و داخ و ڕۆ

جەواد
 فێـــــــراق
۲٦؍٨؍۹٨


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، حامی غەریبی، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۳)،
نوشته شده در تاریخ دوشنبه 11 آذر 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 13 :: 1 2 3 4 5 6 7 ...