کەلەبەروو شێعرا(۱٦۲)

          کورۆنا

هەرکەس بەشوو وێش دنیایوش دیەن
زانای قەدٚیمی ئوستادش بیەن

نەکەردێ خیاڵ  فکر و وەسواسی
هاوارمان خودٚان بە سێدق و ڕاسی

پەنا بە خودٚای جە شەڕی ئێبلیس
نەجاتمان بدٚۆ جە دەردانی پیس

فەریادٚڕەس خودٚان حەکیم دەلیلەن
جە نەزافەتی کورۆنا زەلیلەن

پێسە ویەردەن دەورانوو دنیای
دنیای مەینەتبار خەم پۆنە شنیای

زەمانەی قەدٚیم  پەی یادگاری
چننەها دەردێ  دانشان دیاری

دەردێ هەر هەنێ قەدٚیمیا واتەن
تاعوون و هەڵوێ  گردش مافەتەن

دەردە باریکێ و سوورنجێ و پەتا
بەڵا بێنێ پەی  پیر و نۆخەتا

دڕەیلێ و خەرکان یام بە خەرەفیای
باسشان کەردەن وەختوو سەرجریای

ها ئیسە قەڕنەو کورۆنای ئامان
تێکش دان وەزعەو  ژیوایی و سامان

عاڵەم گرد کەوتەن مەهلەکەو دنیای
دووربای سەرش دان سەروەنەشێویای

هەرچننە باروو خودٚای حێکمەتەن
بەڵام زەمانەی عێلمش ڕەحمەتەن

حەکیمان کەوتەن کەشماڵ و دەوای
عەلاجش کەران ئارۆ یا سەوای

جە نائومێدٚی زەننەقتا نەیۆ
شەوێ تاریکە ئێنتهاش مەیۆ

ئیرادٚە جە لای خودٚای ڕەحیمەن
عەبدش سەبوور بۆ ئەجرش عەزیمەن

#عوسمان ڕەحیمی(مورید)

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، عوسمان ڕەحیمی(مورید)، موحەممەد خدری(ئەدیب)، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦۲)،
نوشته شده در تاریخ شنبه 17 اسفند 1398 توسط همایون محمدنژاد
کەلەبەروو شێعرا(۱٥٥)

‍ باڵاعەرعەرێ دید٘ە مــــەسێوه
ئەر هۆشەی هاڵێ گێرۆ دەسێوە

بە گفتی شیرین شەکەر ڕازەوە
خۆڵکت بکەرۆ بە ڕووی نازەوە

بنیەی دەم بۆڵێـــش به ئاواتەوە
لەرزی شەوق  مەگنۆ سەرتاپاتەوە

وەشتەرەن نەشئەش جە سەد٘ جامی مەی
 پاشەرتە کەر ســـــــــەیری باخووبەی

#هادی سپەنجی

منیچ زەمانێ جوانێ بێنێ
بە جوانی وێم خەیلێ نازێنێ

جە باخوو ژیوای نەمامێ بێنێ
بە وەشی و شادٚی پەی وێم ژیوێنێ

هەرچی وەرێنێ و هەرچی نۆشێنێ
گردٚ پەنەم گنێ، هەر چێ پۆشێنێ

سیاواو پیری ڪەوت ئەوگوڵزارم
کەردش سیاچۆ سیما و ڕوخسارم

سەرمایەو جوانیم جەردەی پیری بەرد
بازارم ڪەساس، سەهۆڵ ئاسا و سەرد

سیما و ڕوخسارم سەدٚ لۆچ ئاوردەن
قافڵەو جوانیم لوان کۆچ کەردەن

ئاڕەفتەن قامەت سنۆبەرئاسام
چەمیاو خەمینا، تەکیەگان عاسام

فرە نازێنێ بە جوانی وێم
ئێسە کزۆڵنا و پەژارەن خدٚێم

ئاخ وەشڵەی فەڵەك چەرخێش وەردایا
شەماڵوو جوانی پیریش بەردایا

کەوتایا خەیمە و هەوارگەو پیری
تێك دایا  قـەڵا و ماواو زویری

تار و مار بیێ  سپاو  پەژارەی
سوڵتانوو پیری دریێ قەنارەی

نیشتایاوە تەخت حاکموو جوانی
حوڪمش  ڪەردایا بـه شادمانی

دەورەو پــــەژارەی یاوایا ئاکام
ئاواتش بڕیێ واوەی "سیاوکام"

#سوهراب_مورادنیا(سیاوکام)

۹۸٫۱۱٫۱۹کۆچی ڕۆجیاری

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، سوهراب مورادنیا(سیاوکام)، عوسمان ڕەحیمی(مورید)، هادی سپه‌نجی(خاڵه‌)، جەواد حەمزه (فێراق)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥٥)،
نوشته شده در تاریخ چهارشنبه 23 بهمن 1398 توسط همایون محمدنژاد
کەلەبەروو شێعرا(۱٥۰)


چەمەو شێعرێم مەحاڵەن بگنۆ چیرو سێوەرو ژیری
بە شێتی سەر وەشەن شاعێر، دڵم کەم بووزە ئەو چیری

جە عەقڵ و مەنتێق و ژیری، نە بارم هەن نە ئاگاهی
چەمم بگنۆ بە هەر کامی مەڤۆمان جەنگ و دەرگیری

جە شێخیم ئەژنەوی وااش سەرو پیری مەڤۆ دۆست
بە جوانی پێسە کوشتانیت، هەڕەم تەوقەو سەرەو پیری

قەڵادۆشانو شێعرێمۆ چەمت مگنۆ بە بەرزایی
دڵت پەی چێشی وەش کەردەن بە ساراییو سەرەوچیری

چەمم نەگنۆ پەنەت شێعرێم پێسەو وێم ناوەشێ مگنا
ئیتر دەرمان و دەردێمان مەگەر ژوانو یەکانگیری

هەسارێو شێعرێ مگنا ڕا، چەنەم وەرمی مسانانێ
مەلۆ، تۆزێوە ڕەحمت بۆ، بە دێوانێوە زەنجیری

#پەرویز  بابایی

کافرو 
گەبروو یەهوودی چەماتەنا

مۆسڵمان

لاقەراخوو شەرعەیتەرە
نگاهێ....!!

#جەواد/فێــــــــراق


قەسەم
،،
قەسەم بە یادٚی، هێجرانی یاران
سەختا غەریوی،جە گۆشەی شاران

بە وەفا و سەفای دڵداران قەسەم
بە هەڵسی دیدٚە، چوون واران قەسەم

بە وەنەوشەی چەم، وەهاران قەسەم
بە عەتروو گوڵی، گوڵزاران قەسەم

بە نوورو ورچەی هەساران قەسەم
بە  مانگەشەوێ  شەوگاران قەسەم

بە سایە و سەیوەر،نساران قەسەم
بە وەرەتاوی ،کۆساران قەسەم

بە  نازاری ناز، نازاران قەسەم
بە زەرق و بەرقی ،بازاران قەسەم

بە ئەشق و بەشقی ڕەشماران قەسەم
بە دڵەی ئاشق بیماران قەسەم

بە چارەی ناچار بێچاران قەسەم
بە ناڵە و نرکەی خەمباران قەسەم

قەسەم پا کەسەی، هەر وێش ساقییەن
ئەشقت تا ئەبەدٚ، جە دڵ باقییەن

دڵ جە فێراقت ،نیەنش قەرار
هەواری ئەشقت ، هۆرش دان دەوار

دڵ هەر سات یادٚی ،تۆش هەن جە خەیاڵ
چەم چەمەڕای تۆن، یاری پڕ جەماڵ

#موحەممەد خدری (ئەدیب)


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، په‌رویز بابایی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥۰)،
نوشته شده در تاریخ جمعه 4 بهمن 1398 توسط همایون محمدنژاد
کەلەبەروو شێعرا(۱٤۷)

حەشا دیدٚار

ئەسیر و باڵ بەسەی ژینم،جە گیان بێزار تەوەسیانا
تەقان تای تاقەت و سەبرم، جە ئێنتێزار تەوەسیانا

ئەچی دنیا جگەم دادٚی،نەدٚیم جارێو وەشی و شادٚی
خەما پۆس و جل و بەرگم،جە رۆزگار تەوەسیانا

ژەن و ئەولاد برا و واڵە کەس و کارم بە یاگێ وێش
جە ئەغیار و بەر و هامسا و دۆس و دڵدار تەوەسیانا

چمان خولخولە خولیەوە ڕوێ سەدٚ جار بە دەوروو وێم
گەمەی ژین و ژیانوو من بیەن تێکرار تەوەسیانا

گەمەی قومار چەنی ژینی ئێتر پەی من نیاش مانا
لوان عەمرم مەتاوونە کەروو قومار تەوەسیانا

زەلیل و زامزەدە و زارم زەمینگیر و گرفتارم
ئەجەڵ بۆرێ گەرەکما وێم بکێشۆ دار تەوەسیانا

عەزابی ڕۆح مدٚۆ بوغزم کە وەی تەور زێندەگیم باختەن
خەتاباری و نەزانکاریم کەروو ئێقرار تەوەسیانا

وەلێ ئەر سەدٚ گوناهم بۆ بزاندێ سادٚەگیم نەویەن
جە من ئێسرار جە دڵ ئێنکار خودٚا هاوار تەوەسیانا

ڕەفێقان یاوەران یاران درۆن عەهد و وەفا و پەیمان
جە دەس یاری خەلافکار و خیانەتکار تەوەسیانا

هەتا هیزی بە گیان و دڵ جە عەشق و عاشقی واچێ
بە زاهێر بێ وەشەسیاییش، حەشا دیدٚار تەوەسیانا

چکۆن شاعێر بە سوزی دڵ ڕەدیف و قافیە تاشۆ؟
جە شێعر و غەزەڵ و ئەشعار ، نەبۆ شوعار تەوەسیانا

#موحەممەد خدری (ئەدیب)

وەشەسیایش دڵنە 

          پەنگش واردەنۆ     

لەفزم ترەکۆ

        عاشق کەرۆ شارێوە

# شارۆ
۹۸/۱۰/۲۲


بڵێسەی ئایێر

ئاوەردەن پەی من موسحەفی پڕ نوور
دەردە دارەی بێ  وە  دەورانەی  دوور

وە جەمع زوڵمەت مەردمش گیرەن
هەر ناڵەی  وە  دڵ بەند  زەنجیرەن

تا جە وەخت وێش تەبەر وە بوتخان
 یاگە وە زەربەی خەلیلوڵڵای  دان

عاقیبەت فتوای کوشتار ئەو بۆ
ئایێر بەو سزای ویەردەی شەو بۆ

سەراپای جەستەش وە ئایێر تلیۆ
وە  فەرمان حەق  گوڵستان  کریۆ

نامێش بەو وەفا وە ئەعلا بەردەن
ئەجرە بەو فەرمان ئێتاعەت کەردەن

بەڵام سەد زەمان،سەد کەس شی وە دەس
ئایێر گوڵستان نەوی پەی گرد کەس

عەجەب وە خاسان مەردەی وە هەر تەور
سەد عەجەب ناپاک مەنەن وە هەر دەور!

ئاخ کە بڵێسەی ئێرەکەی هێجران
هەر سات وە تەورە جەسەم وە گڕ دان

هەوای سەرد و سڕ ،خەزانێ نامەرد
بۆی سفتەی ئازیز ,بەردوو لواو شەرد

فەڵەک  چ  وادەی  ئەلوەدای  یار بێ
یا ڕەب چ حاجەت ، یانێ چ کار بێ؟

کام فام وە تەسلیم بەو حزوور دڵ
ڕازیەن وە گڕ ،گوڵ وە جەمع گوڵ؟

کام بەزم شادی ئامێتەی خەم بی
چوون دەنگ بەراوەرد تێکەڵ وە تەم بی؟

کام ڕای زەبوونی،کام ڕای وە خەیرەن
چی سزای خاسی سۆتای وە ئەیرەن؟

وە ناوەخت تەسلیم حوکم یەزدان بی
وە یاگە ئاسەی جەمع یاران بی

تەقدیر بەدٚشۆم ، نەکەردەی حەیات
خەجڵەت بار وێش گەردوون بەدٚزات

 "لهۆنی" ئێشەو تۆش وە یادٚ ئامەن
  یادت تا وە حەشر  زەنجیر  پامەن

#هووتەن زوورئەسنا-لهۆنی




طبقه بندی: فرهنگی و هنری، ادبیات/شعر، زوانی هه‌ورامی، شهرها و روستاهای هورامان، بێهرووز موحەممەدپوور(شارۆ)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۷)،
نوشته شده در تاریخ یکشنبه 22 دی 1398 توسط همایون محمدنژاد
کەلەبەروو شێعرا(۱٤۳)

مەکریەو 
وارانی قژەکاتەرە تاڵ بە تاڵ بکێشوو
مەکریەو
واران تیروارانیە بۆ جە کەمانەو  بروە کلاسیکەکاتەوە
مەکریەو
خڕەو زەنیالێ بۆ، چەموو تاسەینە مەمجیەورە دامنەت.

ڕاست گەرەک بۆ واران هیچ کام نیەن،قەتریە ئاوینە . بێ بۆ، بێ ڕەنگ، بێ تام.

بەڵام
تا تۆ ئەچاگە بینە و من ئەچێگە
ماچەکاما  بە هەزار تەعبیرێ ڕەنگش مەکەران و
 دوریمانە مەوانمێشەوە و 
هەزاران تەڕە شێعرێنە مەفیسنۆماوە.
#مەهدی ئەبری

هەر  ڪەسێ  نازۆ  باڵات  دیار بۆ
ڕەوانش پەشێو وەرچەمش تار بۆ

وەلێ مەحاڵەن، سورعەتی نوورت
بڕیۆ پەی ڕەقیب،جە خودٚا دوورت

نوور بەیۆ سایە فەسخەن قەباڵەش
مەحرومەن جەمەی پەیڪ وپیاڵەش

منت  سۆچنان ، مەگەر  من  توورم
تاڪەی جە نیگای عاڵەم گیر دوورم!

نەوینان لائیم، سۆتەیم  بە ڪەمان
بەش بەی بوینۆ، ڪڵەم جە چەمان

وەس لۆمەم ڪەرۆ،تازە من خاڪم
جە تانە و تەشەر خامان بێ باڪم

ڪەی ناڵوو جە زام زامێ جە تۆ بۆ
ئەر دڵ  بناڵۆ ،  بەش  ڕەنجەڕۆ  بۆ
#حامی غەریبی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، حامی غەریبی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۳)،
نوشته شده در تاریخ شنبه 7 دی 1398 توسط همایون محمدنژاد
کەلەبەروو شێعرا(۱۳٥)


زەڵم"

فرەڕەنگییت
ئازیزتەرین
واران
کۆنتەرین
شەراب
تەڕتەرین
شیعرە
مێخەکاویتەرین
سوخمەو
سینەو
یارێن...
بێڕەنگیم
پەڕکەرۆ بووە
و
بێدەنگیم
پەڕکەرۆ قێڕە..
"ئای وەتەن وەتەن باوانم"

#سوهەیب فاروق


دەمگەڕوو شێعرێم وەش ئاما خیاڵ
پەرێ شیرازەی ساکارم دا پاڵ

ئەر چەمێو بوزی و بدٚیەی وە هەر لا
سەماو کەلیما دڵ مارۆ وە حاڵ

#شارۆ

بە باڵ بەسیام بە دووریت قەسەم
نەمەنەن  ساقش  سەراپا  جەسەم

کێ بەیۆ  وەلام  بدٚۆم سەبووری ؟
بارش کەردٚ جە لام تاقەت دووری

نە حەکیم مەنەن نە دەوا پەی زام
وە هەر لا ملوو دامەن وەڕووی دام

دڵ جە هەر دامێ دەرسێوەش وانا
ئێملای  بەدٚبەختیم  وە  لات  کیانا

نە غەڵەت واتم  ،  نە درۆس  وانات
پەی چێش ڕشتەی نۆ وە لام کیانات؟

مەر مەڕیان قەڵەم ،  یا تاقەت  نیەن 
یاڕشتەی دۆسیت جە دەس بەرشیەن؟

وەرنە کێ تایم سەرگەردٚانیش دان؟
بێجگە  سیاوی   مێحرابی   چەمان

#حامی غەریبی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، حامی غەریبی، موحەممەد خدری(ئەدیب)، سوهەیب فاروق، یووسف ڕه‌سووڵ ئابادی(هاوار)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳٥)،
نوشته شده در تاریخ یکشنبه 17 آذر 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 4 :: 1 2 3 4