کەلەبەروو شێعرا(۲۷)

بازه دڵ پەرێت هەر وێرانه بۆ
با هەر تەشریفت لای بێگانه بۆ

ئەر به ناوەشیم كەیفوو تۆ سازا
زانه  نازەنین  وەشیم   ئانە بۆ

دووری مەتاوۆ کەم کەرۆ مەیلت
تۆ  هەر  نه  دڵنی تا  زەمانه بۆ

مەبڕۆ تەماعەت دیدٚەی بێ کەیفم
ئەر سەدٚ كه گۆشم پەڕ جه تانه بۆ

سەوزەو قەراخوو جۆگاو هەرسوو من
دا ساتێ ڕەحمت  بەو هەرسانە بۆ

یۆسف چا میسره هەتا کەی مانی
ڕوێ مێ و مەیلت ئی كەنعانه بۆ؟

ئه ر قابل زانی تا وه ڕۆی مەردٚەن
 دڵەی  غەریبیت  قەدٚیم  یانه بۆ
#مامۆساهەیاس غەریبی

شەوەن یانەی دڵ ئاماد٘ە باشەن
پیری مەی فروش کۆنە فەڕاشەن
مەستان جام بە دەس بە ئاهەنگەوە
یاران   بە   باڵای   ئاڵای    شەنگەوە
ساغر   زڕەزڕ   بە   مەی   ئاڵەوە
مەهوەشان دوو دەس وە پیاڵەوە
پیری مەیخانە مەستی بادەی مەی
مەستان بە زێکری هەی هەی وحەی حەی
باڵاعەرعەران   مەهوەشان  بە  ناز
دەس  وە  پیاڵە بە تەمکین  و  ناز
ڕەندان قەلەندەر ئاسا بە حەی حەی 
مەستان مەستانە دەم وە جامی مەی
ساغر و ساقی دەف و چەنگ و نەی
ڕەقس وسماع و وەجد وحەی و مەی
نەوای گۆش نەواز تار و نەرمە نەی
ساقی  هاوارەن     بادە   پەیاپەی
"شرام هەورامی"مەست ومەنگ وەی وەی
 وەشەن تا سەحەر حەی ومەی و بەی

#فەریدوون بەهرامی(شرام هەورامی)

چرکیه‌ که‌ لوا
نیه‌ن.
چرکیه‌ که‌ نامان
نیه‌ن.
هه‌ڕه‌و  ئی چرکه‌یه‌نه‌ چه‌قاینا
        - ژیوایه‌ ده‌میا جه‌ ئاژینو مه‌رگی _.
ئه‌رامه‌نه‌ییم  بوینه‌
ئاڵوچیاینا باوڕیره
         _گێلانه‌ ‌فێڵیه‌ _       
که‌ نانۆ و کوانتۆمیچه‌نه‌
ته‌ڕه‌بنیه‌ په‌ی پێچ دای مێزۆوه‌!.

#مه‌هدی ئه‌بری(هەورام)

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، مامۆسا هه‌یاس غه‌ریبی، یاوه‌ر هه‌ورامی، موحەممەد خدری(ئەدیب)، ناسر ئەخدەر، جەماڵ قادرپوور، عەتا عەلی پوور، فه‌ریدوون به‌هرامی"شرام"، خەندە هەورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۷)،
نوشته شده در تاریخ پنجشنبه 16 فروردین 1397 توسط همایون محمدنژاد
کەلەبەروو شێعرا(۲٦)پەی ڕۆتاتەی

تاتە
نانەو سەروو سوفرەیما هینوو زەحمەتوو تاتەین

هینوو دەسێ ترەکیای لاشەو و شەکەتوو تاتەین

شەفەق یانە مزیۆ بەر پەی تیکیە نانەی حەلاڵ

وێرەگا بێ خەمێنمێ هینوو هێمەتوو تاتەین

چند٘ە مانیاوشەکەتا نمارۆ وەروو چەماش

ئەگەر سەرەما بەرزا رەحم و رەحمەتوو تاتەین

"سەراو هەورامی" تاتە کۆڵەکێ سەوای ڕۆڵەین

 یانە ئەگەر ئاراما هینوو هەیبەتوو تاتەین

#سەراو هەورامی

بابە
بابەی وەشەویس یاگێ دڵوەشیم
پەی تۆ منیەورە سەرەو کڕنۆشیم

بابەی ڕەنج کێش سەرانسەر دەوران
بابە   بە  بێ  تۆ  ڕۆح  جە من جیان

بابە کۆڵەکوو یانەکەیم تۆنی
بابە دڵوەشی  دڵەکەیم تۆنی

بابەگیان ئامان نەڕەنجیەیم چەنە
بابە  دەخیلم  سەر  شێویۆم وەنە

بابەگیان  قەسەم  بە زاتی  باری
هەر دەم حازرم پەی خزمەتکاری

بابە  ئانە دڵ مەویەرۆش  چەنە
خۆزگە ئاردایش ئی دەسوو منە

دەس بە مادیات دڵ بە مەعنەوی
بابە کەردایشیم  من  مانی  نەوی

بە دەم نمواچوو بە دڵ کەروو شەرت
تا گیان جە تەن بۆ من کەرووت خزمەت

بابە   تا  وختیە   هەناسەم   چنیۆ
ماچوو سەروو ماڵ گرد فێداۆ تۆ بۆ

هەر کەس جە نازوو بابەی بێ بەشەن
 چوون من ئاوروو دەروونیش گەشەن

"سەیوان" تا زیند٘ەی ڕووی سەر بێساتەن
خزمەتی    ئەد٘ا   و    بابەیش   ئاواتەن

#سەیوان ئێبراهیمی

پەی ڕۆ تاتەی 

ئینەم  هەن  پەرێ  واتەی
بەهانێ  پەی    ڕۆ   تاتەی

تاتە  نان  ئاوەروو  یانەی
سەنگەرەن  پەی  بێگانەی

شەو و ڕۆ زەحمەت کێشۆ
یاڕەب  هیچش     نەئێشۆ

خزمەتوو   تاتەی  کەرە
بە دڵ بە گیان و  سەرە

هەرچی  واچوونە  کەما
پەی  تاتەی  نوروو چەما

ئینەم پەڕ بە دڵ واتەن
ڕۆح  و  ڕەوانم   تاتەن

تا کە هەن یاوە داد٘ش
نەک دما  بگنی  یاد٘ش

ئەر نە  فەوتش فەرماوان
یا  واد٘ەی  سەفەر   یاوان

خەم و خەفەت  مەوەرە
پەی بە زاتی  حەق  بەرە

گردێما    مشیۆ    مرمێ
فەرزا چوون نما کەرمێ

هەرچن  فەرزی   نارەزان
ئەدیب"  رەزا   بە  قەزان

#موحەممەد خدری(ئەدیب) داریان


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، سەیوان ئێبراهیمی(گوازی)، جەواد حەمزه (فێراق)، موحەممەد خدری(ئەدیب)، فەرید زاوەری، کاوه شکری(سەراو هەورامی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲٦)پەی ڕۆتاتەی،
نوشته شده در تاریخ جمعه 10 فروردین 1397 توسط همایون محمدنژاد
کەلەبەروو شێعرا(۲٥)

ئوستادی تەعلیم مەشقی دڵداریم

دەرمانی  دەردان  لاشە  ئەوگاریم

سەر ڕەویڵەکەی مەکتەبی  مەیلم

باشقەی  عاشقان هەوای سویلەم

شیدای نیشی عێشق نیشات وشیرین

مەفتوونی سودای عێشقەکەی دیرین

هەوای  سازی   ناز    بەزمی    دڵداری

رەفێقی   ناڵەی       شەوان     بید٘اری

"جە مەکتەب خانان تا کە مەشقم کەرد
 
عالەم  مەزانۆ  مەشقی   عەشقم  کەرد"

سەیدی سەیاد٘ی  شهیدی   ڕای  عێشق

مەستی بادەی ناب جە توڵەڕای عێشق

بازی بی نازی    شاخی هەورامان
 
شەهیدی  نازی خاڵخاس خەرامان

موفتی فتوای رای عێشقی بنازان

دیوانەی یانەی  شیرین   بە  نازان

خەندە هەورامی  توبەکاری  عێشق

سەر نە ئاسانەی بێ قەراری عێشق

#خەندە هەورامی

‍حاڵم  بەد٘  جە  حاڵ حاڵنەزانی  حاڵ
تەن شڪستەی زام ،زوان لەنگ ولاڵ

پای ڕەفتم بێ‌هێز ،چوون چەمێڵەی چۆ
دەشتی دو دید٘ەم ،بیەن وە سەرای جۆ

ڕازم  بێ‌  هەمڕاز ،  زار  و   زەلیلەن
 سینەم چوون سجن ،خەیاڵم دیلەن

خەنجەری پیری ،ئەشڪـاوان سینەم
هۆنم ئاورد قۆڵ ،کوورەی خەزێنــەم 

خەزانی عومرم ، یاوان  واد٘ەی  وێش
مەر خاکی گوڵڪـۆ، ساڕێژ کەرۆ  ئێش

# فێـــــــــــراق پایگەلانی

‍ دزیش دزاوەر ،  هومایون  نامێ
عاقڵێ ،ژیرێ ،  شیرین  ڪەلامێ
زاوەر   بنازە   ،  نەشێونی   نازش
یاوان بە ڪەماڵ ،زوانی ئەلفازش
هەراڵەت پێشڪەش،جە ساڵی تازە
نەورۆزت   پیرۆز  ،   زاوەر   بنــازە
قەڵەم قاسێرەن جە تەوسیفی تۆ
نەورۆزی ئیمساڵ ،  موبارەکت بۆ

پێشکەش پەی کاکەهومایون موحەممەدنژادی

#فێــراق پایگەلانی
پێشکەش پەی کاکەهومایون موحەممەدنژادی/سوبحان خالدی
 
 تۆ هەسارەنی بەر ئامای خاوەر
به فەخرەو واچوو تۆم هەنی زاوەر
پەوچیم وەش مسیا مەرە و هامنەهۆ
جارجار  دیار  بۆ   کاکه شێوەو  تۆ
#سوبحان خالدی
 
ساق سۆرمەی وەنەش زەرد بێ سابێقەن 
زەرد زاق بە زەوقش دیایش  موسابێقەن 

وێنەم    وڵاویان   وەڵاو    وەڵاتنە
پێویای خەت و خاڵ خیاڵا خەڵاتنە 

ئەمرەنە عەمرم  ڕۆزگارم  کۆڵا 
عام دڵا ڕەویەم  ڕەنگ مینا تڵا 

ژان ژیوایم  ژنیەن جە ئەزەڵ بە گۆش 
دڵ و  دەروونم  پەوکای  ئامان  جۆش 

گریەو  گرەوم بەرد٘ەن جە گرەوای 
کۆڵمم مەبڕیۆ  هەرسەو  سرەوای 

نەورۆزانەو حەسەن خەیاتی 
پێشکەشش کەرۆ گرد٘وو وەڵاتی

#حەسەن خەیات

‍ ‍ گوڵ  و گوراڵە  شاد٘ەن هەمیشە
  هەراڵەبرەمە خەم دان جە  ریشە

ئاد٘یچ وێنەی من هەر سات و هەر دەم
لافاوۆ  هەڵساش   جاریەن    نە   چەم

 #موحەممەد خدری(ئەدیب) داریان

‍وەشی نەمەنەن
پێسەو قەد٘یمی نەمەنەن وەشی
کەس یانەوکەسی مەلۆ سەرکەشی

ئامەشۆ  وەڵێ گەرم  نەمەنەن
دیواری حەیاو شەرم نەمەنەن

ڕەحم و مروەت ڕوو ڕاس نەمەنەن
عەهدو پەیمان ، ئێخلاس  نەمەنەن

وەربەرە و هەیوان داڵان نەمەنەن
جەژنوو جەژنانەی ساڵان نەمەنەن

شەو نشتەی زمسان جاران نەمەنەن
دەرد٘ە دڵ کەرد٘ەی  یاران   نەمەنەن

خەرمان و خەرمەن ئاساو نەمەنەن
ئاساو   بڵی      ماساو      نەمەنەن

تاف و قەڵوەزەی سیروان نەمەنەن
بڵ ئاوێ   بەردەن    لوان  نەمەنەن

کلوورەی سەرەنگ قەد٘یم نەمەنەن
هەنگوینی  خالس  نەد٘یم نەمەنەن

بۆ نانی  تازە  سەر  سۆح   نەمەنەن
کاسەی ڕۆح یانەی زێڕۆح  نەمەنەن

 ئاساری   فێس   و  لەچەک نەمەنەن
ئەڵفەننی و سمڵ و مێخەک نەمەنەن

هەڵیز  نێرەژەن  سێپا نەمەنەن
تەنوور و  ئارگا  دێکپا نەمەنەن

ئاخ ئاخ خلۆرتە  جە هۆش   نەمەنەن
شرێقەی چۆ قاش جە گۆش نەمەنەن

چووزان و بیلان  سێباز  نەمەنەن
چەنی ئا   گەما   هامڕاز نەمەنەن

دەگا چۆڵ و هۆڵ وەشی نەمەنەن
هاژەو   ئاژەڵوو   کەشی  نەمەنەن

گەلەو  حەیوانی   دانە   نەمەنەن
دەنگی شمشاڵ و شوانە نەمەنەن

کۆچ کەردەی هەوار هەی داد٘ نەمەنەن
سیاوچەمانە       جە       یاد٘ نەمەنەن

سەیرو سەفای گوڵ جە باخ نەمەنەن
پادشای بێ خەم  جە   کاخ نەمەنەن

فرەم نەواتەن   زەوقم  نەمەنەن
شاد٘یم شێویان شەوقم نەمەنەن

دماو ئانیشا مەردەنی خاسا
بە دڵ واتەنم بێ  درۆ ڕاسا

"ئەدیب "چەو ساوە زار و نەزارەن
بە زاهێر مەنەن  مەردەی  مەزارەن

#موحەممەد خدری(ئەدیب) داریان

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، جەواد حەمزه (فێراق)، عوسمان ڕەحیمی هەجیجی، موحەممەد خدری(ئەدیب)، حەسەن عەزیزی(خەیات)، جەماڵ قادرپوور، خەندە هەورامی، سۆبحان خالدی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲٥)،
نوشته شده در تاریخ چهارشنبه 8 فروردین 1397 توسط همایون محمدنژاد
 کەلەبەروو شێعرا(۲۲)

‍ پایگەلان
پایگــــــەلان نەپای قولەی شانشین
هەواش موفەرێح،خاڪش دڵنشین

تاجی شاهانــــــەش دان بەژاوەرۆ
ئاوش شیفای دەرد،هەواش عەنبەربۆ

ساراش بـــــەوێنەی دیبای یەمانی
نەقاشین وێنەی دەسڪاری (مانی)

ڕازیان بەخامەی ئۆسای وەش ڪەماڵ
ئاوەز حــــەیرانەن، سەرسامەن خەیاڵ

باخاتش ماچی مـــــۆڵڪی لۆبنانەن
ئێعجازێ جە سەنع خود٘ای سوبحانەن

بەهەشت ڪەی پاسە وەش و لەتیفەن
ئەلحەق ڪەلایـــەق مەدح وتەعریفەن

مەگەرشاعێران سارای مەعانی
میـــــرزایاو پاوەی،یا بێسارانی

یا مـەر سەرقافڵەی ناسك خیاڵان
شاگوڵی گۆڵزار، خەیمەی گوراڵان

یانی مـــەولەوی مەولای مۆعەزەم
بوانان ئەوساف قولەی کۆڕی مریەم

کام خامەی ڕەنگین،کام ئاوەزی ژیر
بوانۆ ســـەنای سەرڪۆی لەخامگیر؟

مەر واوەی(هەیاس)بەیوە جە نۆوە
غــــــەریبی ئاسا، ئەبیات پێڪنۆوە

چوون گەردەن بەنی سای گەردەنی یار
پێڪنۆوە مـــــــــەدحێ پەرێ بەفراوار

مەردیسان(سەیدی)بە ڕەحشەی خامە
تەبــــــــــعی لەتیفش ڪەرۆ ڕەنگامە

جەوهەرێ وە ڕووی حەریر بشانۆ
هــەسارەی تەبعش پرشنگ بسانۆ

بە دیــــــد٘ەی بینا ڪەرۆ تەماشا
بنویسۆ ئەوساف ئا دەشتە وەشا

وەزە قاڵاوێ، گــۆڵبەن، چاد٘رگا
تـووەنەقنجە، مێسەیر، هامنەڕا

مێسەیر،مێرسەیــــر،تا هێشاد٘رە
بەهەشتی سانین،ئادەشت ودەر

تووەنە سوورە تا عەوڵاخەجان
مێرگەوارئاسا گــوراڵەش زیان

تافــــوو سنجێنی، دەرەوئاساوی
دەرەو شێخەڵەیێ،هاڕەوشەتاوی

ماچی بــەهەشتەن سارای پایگەلان
ســەرچەمەوهانەی،مەڪۆگای ولان

سنجێن، گـریانمێرد تاهانەو خولێ
خەیمەی گوراڵان،چەنی زەردەوڵێ

قاسپەی ژەرەژەن مـــــەیۆ نەڪۆسار
سەروەشەن وە بۆی هەوای مێرگەوار

گەر هانەوشێخین، وەر هانەسەردەن
هانــــــــەوا ئاسا، شیفا پەی دەردەن

هانە قەڵـــوەزە تا هانەمەراو
هانەو قێخایا، تا هانە سۆڵاو

 مەڪنیا نە ڪـۆ بەوێنەی ڪەوسەر
ڕەنکینەن تەمام سارا و دەشت ودەر

 دێوەزلە وخۆڕان تاهانەو مزگی
بەرڪەرا نە دڵ خەم و دڵتەنگی

ئەرڪەشەن، ئەرڪۆ،ئەرساراودەشتەن
پایگــــەلان وەشەن، ماچی بەهەشتەن

باخاتش بێ شۆن،مەڪۆگای گوڵەن
چل چەمـەی سانی،فـــــەرێحی ڵەن

من خامــەم بێ هاز،ویرم بێ زەوقەن
شەمی شەوگاری شێعرم بێ شەوقەن

قافیـــــەم ئاڕەفتەن، فەردم ڪەلەلان
ڪەی تاوو ڪەروو مەدحی(پایگەلان)
----------٭٭٭٭٭٭٭------------
۱۳۹٦٫۱۲٫۲٦کۆچی ڕۆجیاری(سیاوڪام)
#سۆهراب مورادنیا

حورمەتم پەی تۆ ،زانای وەش زوان
شاگردی قاد٘ەر ، پاوە  مەسکەنــــان

قەڵەمم جە مەدح ،سەنای خامەڪەت
جە واتەی شیرین ،ئێنشای نامەڪـــەت

لوانی ئاسانەی مەولای   مەولایــــان
سەر بەرد نە حوجرەی ،زانای بێساران

پەی مەدح و سەنات ،هێچ شک نەبەردم
تەعزیم  وە   پاوە و  ئاتەشگات   بەردم
#جەواد ـ فێــــــــــــــــراق

پێشکەش پەی کاکەسۆهراب مورادنیای وەشەویس

پەرێ هەورامان نامت موبارەک 
تۆ هانەبەرچەم ، دانت تەدارەک

پەنجەی قەڵەمت ،تراشەی گەوهەر
پەڕچین وحەرەس ،یاسانی و هونەر

نوقتەی قەڵەمت ڕێزەی مرواری
دزاوەر بنازۆ ،تۆش کەردەن دیاری

هەورامانی تەخت ،ژاوەرۆ، لهۆن
وەهاروو زوانیش،گوڵی باخی تۆن

پێشکەش بە کاکەهومایون موحەممەدنژادی
ئەرک بە کۆڵوو هەورامان هانەبەرچەمی 
#جەواد ـ  فێراق

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، سۆهراب مورادنیا، نوشتارهای همایون محمدنژاد، هومایون موحەممەدنژاد، عوسمان ڕەحیمی هەجیجی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۲)،
نوشته شده در تاریخ شنبه 26 اسفند 1396 توسط همایون محمدنژاد
 کەلەبەروو شێعرا(۲۱)
شێعرێ جە بارەو پێغەمەری (ص)

بادەنۆشی جام جە مەیخانەی یار
نوقتەی پەڕگاری  حەڵقەی کردگار

ئاهەنگی نەزمی بەزمی دڵوەشان
تاقه بورهانی  شەوقی  دڵکەشان

گۆش گیری سۆزی ناڵەی دەردی خەم
هۆردەری  پەردەی  نیستی و  عەدەم

دەفتەرچەی تەریق شێوەی وەشی ژین
نیشتەجا نەسووج  مەنزڵانی دین

هۆ شەمعی تاقچەی یانە تاریکان
دەسگیری دڵسۆز  ڕاگە باریکان

هۆ ئەد٘او تاتەی تفڵی تازەی ئەشق
جەماڵی سوورەت جەهەر نامەو مەشق

لایەعنای مەفهووم فەهمی  دڵڕێشان
بەحری گم کەری قەتەرەی دەروێشان

وەشکەری باڵای وەیوەکەی جەماڵ
جەلادەری دڵ   زەما کەی   کەماڵ

ئاڵا هورگیری لەشکەرەکەی شەوق
نیشتەجا نەسەر تەختی شاهی زەوق

یانەی ئەشقی تۆ جای فریاد ڕەسی
پیاڵەی پەڕی بادەی سەرمەسی

سەختی سەنگی دڵ یاوان و ئەو حاڵ
حسەین کۆکەنیچ مەکەننۆش سەد ساڵ

نە تۆی گەردەلوول بێ مەیلی هەردە
تاوانان یەکسەر ڕوو سیاو  کەردە

نە تۆی پەلکەی زوڵف دنیا یەک ساتێ
هیچ تەقاڵایێ مەدۆش نەجاتێ

ئەوگار نەمابەین سەد تووڵەڕایێن
هەر ڕۆ بە نەوعێ تازە زەمایێن

دنیاش پەرێ وێش مارە بڕیێنە
شەو و ڕۆ ئەجۆش تازەش چڕیێنە

نە هیچ تەرفدا خەلاسیش نیەن 
هەر وە دەسی وێش ئاوڕووش شیەن

دنیا وەحوسنی کازبش هەر دەم 
سوورەتێ پێکۆ نە گلێنەی چەم

هەزاران سۆزش نە دڵ جا کەردەن
بنچینەی ئاڤەز تا عەدەم بەردەن

وەگردین قۆرەت چەنگ پێکان نە دڵ 
هەستیم سەرانسەر ئاوەردەن وە چڵ

دەس و پای هێزی تۆبەمان بڕیان
پەردەی ڕوو سووری وە خجڵەت دڕیان

چوون ماساوی ژاڵ ئەرامەنەنان
مەزانوو زیننە یا خەیر مەردەنان

چا ڕۆنە جەستەم کە بۆ بە خاپوور
بە چە شەرمێوە ڕۆح باروون حزوور

هەم ئاسانەی تۆ هەم ئاسانەی لەیل 
سەعادەتەن دڵ بکەرۆش دوجەیل

بەڵ بە ڕەحمی وێت نەو ڕا گوزەران
هێمەتێ کەری  چەنم بویەران

وەرنە مەر مەنوو وێم و دەردی وێم
تا سەرا مەنزڵ خەجڵەت بارا پێم

          # ژیواری

زێدم کەنوولەن، کەنوولەی نازار
مایەو سەربەرزیم، مایەی ئێفتخار

چن وەشا سەفا و باخ و گوڵزارش
زمسانش وەشەن عەینی وەهارش

عەتر و بۆی مێوەش دنیاش کەردەن مەس
شەقایێق مەدهۆش، جام مەی وە دەس

ماچی سا ئارۆ، فەسڵی وەهارەن
فەسڵی عەیش ونۆش، گوڵ و گوڵزارەن

ئەلحەق کە "پەریان"یاگەی خاسانەن
ماوای عێبادەت  ،حەق  پەرەستانەن

"شەریف ئاوا" واچه ماوای عێبادەت
نیشتەن وه سایەی هومای سەعادەت

"شەریف ئاوا"کەم، ساحێب سەنعەتەن
پێسەو«پەریان»ی، هێمەتش بەرزەن

"پەری" مەردمش، خودٚا مزانۆ
مەلایێک و عەرش دوعاش مه‌کیانۆ

"کەنووله" و پەریان" دیاری یارەن
"شەریف ئاوا"کەم  ماوای  دڵدارەن

پیرافتەی نازار ئارام کەرەی دڵ
فێداو مەزاریت ،  گیان ناقابڵ

نامێت مونەوەر ڕەوشەنی ڕۆوەن
کەنووله ڕۆشن جە نووری تۆوەن

پیرافتەی نازار ،‌ من هیچم  نیەن
یانەی وێرانم وێت وە چەم دیەن

«دەرمان زامان ده‌رده‌که‌ی کاریم
هامڕاز ناڵەی شەوان بیدٚاریم

سۆچنۆم حه‌سره‌ت ده‌رد جیاییت»
«کەرمەڵڵا» فێدای داخ  تەنیاییت

#کەرەمەڵڵا  ئەمیری(ک الف یاس)

عەتری وەهاران

وەهارن سەوزەن نەورۆز گوڵ خێزان
وەشەن   پێشوازی  بە   چەپڵە ڕێزان

قەتارەی گوڵان زەردو چەرمەو سوور
دانشان  تەد٘ارەک ، نزیک  هەتا دوور

گوڵ بە هەزار ڕەنگ،قومری نە سەرچڵ
هەر یۆ  بە  نەوعێ  ، فەرەح  وزان دڵ

بەڕەزای  شاخان  شکۆفەی داران
ڕەحمەتەن  چەنی نم نمەی واران

چەم ودۆڵ چیمەن،سەوزە کەردەن فەرش
پەی وەشی ئێمە،مەلایێک جە عەرش

هەردو کۆساران،سەحرا و دەر و دەشت
پەی ئۆمەتی وێش، کەردەنش  بەهەشت

مەنیشە یانە  سەر کێشە  نە دەر
سەڵوات بد٘ە سەر،ڕەسووڵی سەروەر

گوڵ بە عەترەوە وەهار عەتتارەن
عەتتاری  وەهار ،  زاتی سەتتارەن

شەوبۆ گوڵ نەرگێس،عەترشان پاشان
عەتتار   نیشانش  نیەن  جە    لاشان

بۆژانە و چنوور،نەرگێس و شەوبۆ
بەردم عەتتاری،عەتتار کەرد وە بۆ

عەتتار پەی عەتر گوڵان بێ درەنگ
زوان وشک و لەنگ،واڕیا جە رەنگ

کەرد بە ستایش،عەتری نەو وەهار
سەجدە بەرد نە سای،ئاسانەکەی یار
#موحەممەد خدری داریان‍       


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، سۆبحان خالدی، موحەممەد خدری(ئەدیب)، عەتا عەلی پوور، یاوه‌ر هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۱)،
نوشته شده در تاریخ شنبه 19 اسفند 1396 توسط همایون محمدنژاد
کەلەبەروو شێعرا(20)
         پەی وەهاری
وەهارەن کەم کەم   ،  هانا بە ڕاوە 
شەماڵەن     شانۆ   پا  سەر  کواوە 
بەڕەزان    زوڵفی   دێزش  مەشانۆ
بوڵبوڵەن مەس مەس دەیریەن وانۆ
وەنۆشەن    مل کەچ   بناری   باخان 
پیقەی کەڵ ڕەمەن بەرزی ئێڵاخــــان
هاناوان  یۆیۆ   چوون ئاویی زەمزەم 
تەقان جە هەر لا مەجۆشان کەم کەم
قاسپەی    ژەرەژان     بەرزە    یاڵەوە
گەلەی   نەچیرەن   پای   قەد٘   پاڵەوە 
گوڵان خەیمە دان سارا و دەر و دەشت
ڕازیان  زەمین   بە   وێنەی     بەهەشت 
خسووس هەورامان چوون تازە عەرووس 
گوڵان خەیمە دان  پەریێ  ماچ  و  بووس
بەڵام هەر کەسێ چوون من خەم نە کۆڵ
خاستەرەن   نیشۆ  زەیدی   بیدی   چۆڵ

            8/3/2018
#خەندە هەورامی

هــــــــــــــە‌ڵۆ
داڵ کەی گێرتەنش ڕەویەی هەڵۆ باز
کەی جاگەی ناڵبەند دریان  بە  بەزاز؟

ئەر هەڵۆ جای  وێش  بد٘ەرۆ  بە  داڵ
مەلان مەر نە وەرم ،بد٘ان شەقەی باڵ

هەڵۆ ئاوراینە ، گیان تەسلیم کەرۆ
چوون داڵ جە لاشەی تۆپا نموەرۆ

مەرگ و ئاورایی شەرافەت دارەن
تێر  بە نامەردی  ڕەوڵی  کەفتارەن
#جەواد ـ حەمزە
فێـــــــراق

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، سەیوان ئێبراهیمی(گوازی)، جەواد حەمزه (فێراق)، کاوه شکری(سەراو هەورامی)، حەسەن عەزیزی(خەیات)، عەتا عەلی پوور، خەندە هەورامی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(20)،
نوشته شده در تاریخ پنجشنبه 17 اسفند 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3