|
هه‌ورامان هانه‌به‌رچه‌م روزنه‌ای به زیبایی‌های اورامان
| ||
|
منوی اصلی
نویسندگان لینک دوستان
پیوندهای روزانه |
کەلەبەروو شێعرا(۹٨) بێتاقەتوو گوڵەینا کۆچش کەردەن پەی شاری ئانە سەروو من ئاما پەی کەسی ناری، باری! گەورێم کەردە و لوانە، لایێش نەکەردەو لاوە بە لالووتی و بە نازەو ڕۆحش کێشتانێ داری هۆش و ئاوەز وڵاویان وەیلان جە بەرزە کاوا هاوار و دادٚم بەرزا چوون بوڵبوڵ و قەناری دەروون مەسۆچۆ پەی پەی شەوان هەتاکوو سۆحان پێسە تفڵێو نەوەش بۆ هەردەم کەروونە زاری سەرش گلەیم با هەردەم، قەرزارەو ئیسە و ئەولایم دوعام دوعاو خاسا بۆ، بۆنە سەدٚەقەی جاری کەروو یادٚش ملوونە مدٚەو کەش و چەم و دۆڵ هەتا دوور بوو دەمێوە جە بێ وەفایاو شاری کەشەو بوو ڕۆحم سووکا دوورنا جە هاڕە هاڕی نەبۆم ئادٚە ئیتر چش بوو دۆسوو وەرگ و ماری ئەگەر نەپەرسۆ "شارۆ"ی، دڵش نارۆوە ئەو حاڵ ئەخیر دوعام ئینێنە نەوینوو تر وەهاری #شارۆ ادامه مطلب طبقه بندی: فرهنگی و هنری، اجتماعی، ادبیات/شعر، زوانی ههورامی، جەواد حەمزه (فێراق)، بێهرووز موحەممەدپوور(شارۆ)، فەرید زاوەری، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹٨)، نوشته شده در تاریخ پنجشنبه 30 خرداد 1398
توسط همایون محمدنژاد
کەلەبەروو شێعرا(٦۰) واو خه‌زانی سۆز نۆ پائیز جه کاوان خێزا به‌رگ نه‌ما‌مان جه دامان ڕێزا هه‌وای گریوه‌و سه‌رپاسار وه‌زان خه‌زان هه‌رزان که‌رد جه‌دامنه‌ی ڕزان هه‌یا هووی کۆچ هیجران ساڵه‌ن لوره‌ی سه‌ردی سه‌ر کڵاوان زاڵه‌ن به‌وێنه‌ی یاران بێ وه‌فای دڵ سه‌رد گه‌رمای کۆره‌ی دڵ هه‌ردان ڕاماڵ که‌رد (وه‌تای قه‌ڵماسک سه‌نگ سه‌ردی مه‌یل) دا وه‌پای وه‌فای یاران بێ ه یل تای تانه‌ی مه‌و به‌ت کۆره‌ی گه‌رمی دڵ هامن وار جه ته‌ن هۆرکه‌ندش مه‌نزڵ ئه‌روا جه‌قاڵب جه‌سته‌ی خه‌سته‌ی کۆ شیپۆڕانشه‌ن جـه‌ده‌س هه‌وای نۆ شێویا تای زوڵف نـه‌مام باخان چه‌مه‌ری گیره‌ن زاخان جه‌زاخان ماته‌می کاڵای بـه‌رگه دڕانه‌ن فه‌سڵ وه‌سڵ ده‌رد دڵ ئه‌وگارانه‌ن سه‌فا وه‌مه‌جلیس به‌زم دارانه‌ن جه‌فا وه یانه‌ی که‌س نه دٚارانه‌ن های ساقی هانا دڵ سه‌ردی بێـزه‌ن چه‌نی گه‌رمی مه‌یل یاران ئا مێزه‌ن ده‌سه‌و دامانم ها نه‌ی وه‌سڵ سه‌رد پێم ده‌ر جه ئه‌ومه‌ی ڕاماڵ که‌رۆ ده‌رد به‌ڵکو وه‌گه‌رمای گه‌رمی نۆشای مه‌ی ساماڵ بۆ سه‌ردی نه‌و ڕه‌سیده‌ی ده‌ی چوون دڵ وه‌هه‌وای گه‌رمی مه‌یل له‌یل وه‌تای به‌نده‌ن ها نه‌ی فه‌سڵ وه یل چه‌م نیگاریشه‌ن به‌یانی خێزۆ وه‌گه‌رمی سوبحش بیسه‌ی دڵ ڕێزۆ هانه‌و ده‌م ساقی وه‌بێ په‌یمانه په‌یا په‌ی پێم ده‌ر نـه‌بۆت به‌هانه هه‌تا که‌ساتی ئه‌ی جه‌سته‌ی فه‌تار جه‌هیجران غه‌م بگێرۆ قه‌رار بنیشۆ وه شادٚ جه‌وبه‌یان نۆ چه‌نی وه‌هارێ پائیزش نه‌بۆ وه‌ر هه‌ستیم جه‌وده‌م بده‌ری وه‌باد وه‌شه‌ن تاوێ دیم ئازادی وه شاد #موحه‌ممه‌دڕه‌شید ئه‌مینی بارە پەیم دا حبێە ماچێ، من سەرەم کاسەن کنا چندە ساڵێ هەن دڵم، چی وزعێ هەر یاسەن کنا وەزعە تا پێسینە مانۆ، زەردە خەندەم، کفرەنە تا تۆ هەر پێسینە مانی،حال و من پاسەن کنا تا چەمم مەگنۆ پەنەت، کۆل چیوێ ویرۆمۆ ملۆ دا ئەرێ ئی دەسمە چەپ، یا ئینەشا ڕاسەن کنا ئینە کەی تاوینە نامێش شێعرە بنیەی، بێ خەیاڵ ئینە ناڵەو، ئینە ئەڵهایە پەڕ ئێحساسەن کنا شێعرە مشیۆ، پەڕ بۆ ئێغراق و درۆی شیرینێ خۆ ئینە من واچوونە پەی تۆ، یۆ بە یۆ ڕاسەن کنا وەختێ شێعرێم مژنەوی پەرسی ئەری کێن شاعێرش؟؟؟ با ئەمن واچوونە کێن، شاعێریە نەژناسەن کنا گرد کەسێ زانۆ تەماعێوەم جە دۆسانم نیەن ئەر غەریوەیچم بزانی، پەی ئەمن خاسەن کنا حەز کەروو نامێت گنۆ لێ شێعرەکانم پەریەکێم دامەنت تەرسوونە تەڕ بۆ، ئینە وەسواسەن کنا ئانە قاچێت چی سەروو شێعریم نمەنیەی لامەسەو مەر دڕەیۆ بزمارەنە، یا پڕ جە قەلداسەن کنا #پەرویز بابایی دڵ نەوینانش وەشی دایم بەشم وریا بە توون کابە وەش بۆ سا گەدٚا کابارە ئەر بریا بە توون ئاغە کەیفش کۆکەن و دایم سمێڵێ وا مدٚۆ بێ‌دەس و لات و هەتیم کەیفش بە وا دریا بە توون هامنێ ڕۆڵەو وەزیری ئەر کولێرش گازیەن کارگەر چێروو وەری داخینە ئەر گریا بە توون زەمهەریرەن پەی هەتیمی ، ئاغە گەرمەن یانەکەش بێکەس و بێ‌دەس جە سەردایێ لچش زریا بە توون ئێمە ژیوایما بە خەم بریا سەر و ناما وەشی ئاغە کەیفی کوشتە بێ ئەر بێ کەفەن نریا بە توون هەر کەسێ کەس بۆ مەحاڵەن حەق نەواچۆ و دەم بەسۆ شاعێروو شێعرەو حەقی ئاوارە ئەر کریا بە توون #جەماڵ قادرپوور ئه نه زۆخێت هۆرگرت تابیەی بە ئەفسانەو خاتووزەمهەری، ئەگەروێت نەواچی ڵۆچ لۆچووچڕووچەمیت هاوارکەرۆ! #سەباح شیانی وێم کۆکم کەردەن ، سازوو تەنیایی نیەن هامڕازێ ، وەشتەرەن جیایی چوون چی دەورانە کەس نیاش وەفا تەنیایی وەشەن ، نەک جــەور و جەفا #عه‌تا_عه‌لی پوور ادامه مطلب طبقه بندی: فرهنگی و هنری، اجتماعی، ادبیات/شعر، زوانی ههورامی، فەرید زاوەری، جەواد حەمزه (فێراق)، جەماڵ قادرپوور، په‌رویز بابایی، سه‌باح حه‌سه‌نی شیانی، عەتا عەلی پوور، موحەممەدره‌شید ئه‌مینی، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦۰)، نوشته شده در تاریخ دوشنبه 16 مهر 1397
توسط همایون محمدنژاد
کەلەبەروو شێعرا(٥٤)پەی مەرگووژیوگاپارێزاو مەریوانی دارسان پەی شمە،گڕەش وەردا وێش دار وەنەکێ کەوتێنێ زێکر و وناڵین هەڕەپیما چەمەری گێڵنا و گیان مجا پاتا! دار نەرەکێ پەی پڕایتا زوڵفێشا کەردێنێ دەسماڵ و هەرسی سوورێ ڕێزنا باڵا وەرزەکێما بیێنێ چاشتەو خادەمی! چ زوو پاش هۆرگرت ئێساڵیچ پاییز خەفەت چ زوو چەکەرێۆ خاکما عەنتیکا پەی باڵاو مەرگی شاعێر خەیاڵش هەر دەم زامدارا نویسەر ئەسڵەحەش لەوسێش کەردێنێ ئاخر کام ڕۆ هەن قەڵەم نەگرەوۆ پەی نیشتیمانی و نەدۆ شانشرە دەفتەر هەڵسەکاش؟ #ب.م (شارۆ) 97،6،4 هیزی شەوێ چڵوو دارستانی پێسە ناڵێ: نەبیەو دڵسۆزەکەو کۆ و کۆساری قڕچەو سۆتەو پاری ئاماوە ویرم هەڵای شەپڵاخەو ئەیروو پاری خاڵەش کوێنە و کەردێنەش دیاری..... چ گڕڕڕڕڕڕێوە بێ !!!!! هەڵای شۆنەماو لاونایەو دەسە سەوزەکاش سەروو گۆناو لەقە زامدارەکامەو یادگار مەنەنەو!!! #هومایوون_موحه‌ممه‌دنژاد @hawramyanah ٤ـ٦ـ۱۳۹۷ پێشکەشوو ڕۆحوو ژیوگاپارێزەکاو مەریوانی(شەریف، ئومید، ڕەحمەت، موحەممەد) ****** چ وەرمێ بێ.. دەسم بی به هەسیڵه به لووەکا دەوران دەورش چوار ماساوێچ به لووەکاشا حەشار دا بێ هەسیڵە کتووپڕ ئاورش کەوتەنه ئەی ڕۆ! هەسیڵه ڕۆ! بەلووەکا ڕۆ! ماساوەکا ڕۆ! بەیانیشنه واتشا زاگرۆس چۆڵ بی سوور بی بی به ئاوێرگا.. وێم ڕۆ! دڵم ڕۆ! #سورەیا زارعی ۹۷.۶.۴ یەکشەممه،،۱۸:۱۰ خاکی دڵگیرم ، ئاواتوو ژیوایم یاگێ دڵگیرە، ئارۆ چن سەوایم کەش و کۆت سەوزا و دڵگیر و وەشبۆ دڵ وەشی کەرۆ بە سەوزایی تۆ وای ئەجڵ کەوت و ئایێرش گیسنانە قەسرەو دڵوەشیش کەردە وێرانە سەوزش کەرد سیاو دیمەن بی خاپوور وەڵاتم گردٚ سۆت بە ئایری گڕ سوور دڵوو دڵدارا پەڕ بی جە ماتەم ئاخ پەی وەڵاتی بێ کەس و تاتەم شێرە کوڕەکێ دڵسۆزێ چیای کۆڵنەدەرەکێ دوورێ جە مانیای داشا کەش و کۆێ هەر پێسەو داڵی دەروون په‌ڕ غیرەت دەسیچشا هاڵی شەریف و ئۆمید، موحەممەد، ڕەحمەت چوار ڕۆڵێ پاکێ بە سەبر و غیرەت نەتەرس جە ئەیری هەر پێسەو تەیری قۆڵشا هۆر ماڵا پەی کاری خەیری دڵشا قڕچەش ئەی جە ئەیری داختەر نامدارێ بیێ شوماڵ و باختەر ئایێرەی ئەجەڵ دەوامش نەدٚای کەردٚێش بە قەقنەس دەواچش نەدٚای وێشا فێدا کەرد تا وەڵات مانۆ بەش خودٚای گەورە حەقەشا سانۆ کاکەشەریف گیان هەم کاکەڕەحمەت کۆڵنەدەرەکێ پەڕ ڕەنج و زەحمەت کاکەموحەممەد هەم کاکەئۆمید با دەوتا پنە موژدە هەم نەوید تا ئێمە هەنمێ ڕاتا مەبۆ چۆڵ مەگەر ئا وەختە جەسەتا بۆ خۆڵ #فەرید زاوەری پەی شمە ئازیزەکاو کوردەواری . خەم وەروو کۆڵبەرەکام . خەم بەرکەرەکاو کرماشان و سەلاس و زەهاوی . ڕەنگەو خەزانی نیشتێنە ڕوەو ڕۆجیاری. هەناسەش کەفتەن نە ئەڵها. خەریکەو گیان کەنیشتین. قاژەسیاوەکێ دەورەشا دان یا سینەو مەرگیش مەوانا. قازی قۆڵەنگەکاو زرێوارێ بیێنێ بە ساحێب عەزا. مەجلێس و ماتەمینیشا نیان . پەلەوەرەکاو کویسانی جل و بەرگی سیاوشا پۆشان . یۆ چەمەری . یۆ شیوەن . گردی وێشا خمڕێژ کەردەن . هاواروو بێ شەرمیشا بەرزەن . بەلوو واریچ ماچۆ ئاخ . هەتیم کەفتەو وێم . باوانەکەم جیاش ئاستا . قەسەم وەرانشانەن هیچ کام. شۆنەو شمەرە . ئەێ ڕەفێقەکاو ، دار و هەردوو وەڵاتوو کوردەواری ، شاد٘ی نەکەرا و قژێ نارارە و چەمی نەڕێژا . #جەواد ـ فێـــــــــــراق  طبقه بندی: فرهنگی و هنری، اجتماعی، ادبیات/شعر، زوانی ههورامی، ده‌گاو زاوه‌ری/روستای دزآور، نوشتارهای همایون محمدنژاد، هومایون موحەممەدنژاد، جەواد حەمزه (فێراق)، بێهرووز موحەممەدپوور(شارۆ)، فەرید زاوەری، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما، نوشته شده در تاریخ یکشنبه 4 شهریور 1397
توسط همایون محمدنژاد
کەلەبەروو شێعرا(٥۱)پەی مەرگوو واڵێ کۆچکەردێما خەم بیەن مێمانوو هەرزەڵگاو ژیوای ڕێزای... ڕێزۆ.... گەڵاوشکەو هەرزەلێچ خەزانش یاوان ، و وارای.... وارۆ.... تاقە تاقانێ یانەو تاتەیم ئیسە زانام هەرزەلە ، وشکەگەڵایێش وێش ئەرمانێ نادیاری سەوزێ یانەی مەگەر ئێتر کۆڕپەچنوور و بەرزەڵنگ هەوار پێچاوە و چنی ڕەنگەوپاییزی کێل و گوڵکۆ ڕاویارێ مەرزناره!! مەگەر نمەزانی! ئێساڵ زەردی خەزانی زووتەر جە پاری دلێ بەرەو هەوارگاو ژیوایما، وێش ئەرمانا ......؟! #هومایون موحەممەدنژاد  خەم نە خەمم سانا و نە گێڵانیش پەی بەڵام هەرخەمەن زوو مەیۆ پەی پەی خەم وارا پەرێم بە خەم ڕژیانی دنیانە چەنی خەما گژیانی دڵ جە مەینەتا هەر نەسەیاوە کێشە و ماجەرام هەر نە بڕیاوە هەرچن گێڵانی شۆنەو شاۮیرە خەم ئاما جواب چا لای واریرە واتم ئەی خەمە چی واز نماری ئێۮ تەمام مەبۆ کۆڵێوتەر ماری یەکجار پۆشانت یانەی گەۮاییم بە خەم پیرت کەرد عمروو دنیاییم زۆخاوم کەیلەن نە تۆتۆی دڵدا جاگیرەن نە تۆی باخەکەی گوڵدا عاسی بیەنان جە دەردوو خەمی فوارەش بەستەن ئەسرینووچەمی بەرشیەیم نیەن دەسوو خەماوە بە خەمی کۆنە سەرەم نەنیاوە پاسە مەزانۆ هەر من هەنانی بەئاخ و داخێ پیرش کەردانی گاوگەرەم بەستەن پەی خەرمانی خەم هەرچن مەهاڕووش چەنەش مەبۆ کەم هەر گیسای ناسش وەڵین کۆنە بۆ یۆتەر هۆرمۮۆ کۆنەت ویرنە بۆ ئوستاد ئازیزم برای وەشەویس شەریکوو خەمیتەنا ئینجاریچە خود٘اعەفوەش کەرۆ خەموو ئاخریت بۆ #عوسمان ڕەحیمی هەجیجی ادامه مطلب طبقه بندی: فرهنگی و هنری، اجتماعی، ادبیات/شعر، زوانی ههورامی، ده‌گاو زاوه‌ری/روستای دزآور، نوشتارهای همایون محمدنژاد، هومایون موحەممەدنژاد، فەرید زاوەری، عوسمان ڕەحیمی(مورید)، جەواد حەمزه (فێراق)، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۱)پەی مەرگوو واڵێ کۆچکەردێما، نوشته شده در تاریخ سه شنبه 23 مرداد 1397
توسط همایون محمدنژاد
سپاسنامەو خانەوادەو مەرحوومەی"فەراسەت موحەممەدنژاد"ی سڵام و دەسوەشی تایبەت پەی قەوم و کەس وکار و هامدەگایەکاما جە زاوەر، پاوە،مەریوان، چۆڕێژی، سەڵواوا،کرماشان،سنە،ڕوانسەر،جوانڕۆ،قەڵاجێ،نەوسۆد٘،نۆدشە،موعتەمدینوو زاوەری،سنۆق خێریەو زاوەری،سنۆق قەرزولحەسنەو زاوەری،مۆئەسێسەو نەسیموو فەرهەنگوو هەورامانی،ئەنجومەنوو ڕۆجیاری، ئەنجومەنوو مامۆسابێسارانی،ئەنجۆمەنووقەڵەموو هامچەرخووکوردی و... و هەر پاسە جە نویسەرا، شاعێرا، قەڵەم بە دەساوهەورامانی کە بە کیانای پەیام و تەلەفوون و تلێگرام جە کاناڵەو# هەورامان هانەبەرچەم"ی، پەی سەروەشی مەرگوو #واڵێ کۆچکەردەیما خاتوو"#فەراسەت موحەممەدنژاد" ئێمەشا شەرمەندەو وێشا کەرد #نویسەرا،شاعێرا،قەڵەم بە دەساو هەورامانی و دۆس و ئاشنایەکاما سوهراب مورادنیا(سیاوکام)،عوسمان ڕەحیمی(مورید)،عەباس ڕەشیدی، فەریدوون ڕەشیدی،کەرەمەڵڵا ئەمیری(کەنوولە)،مەسعوود موتیعی مودیرووکاناڵەو ژاورودخبر،موزەفەر وەڵەدبەیگی(کاناڵەو اموات پاوە وپایگاە خبری،تحلیلی دەنگی نوریاو)،فەریدوون خالدی مودیروو کاناڵەو(فرهنگیان مریوان)،حەفتەنامەو ئاواتی،خبرگزاری کردستان فردا،نەعمان هەورامی،کەنعان عەباسی مودیروو کاناڵەو(اموات مریوان)،عەلیرەزا عەباسی گوراجۆیی (هورامیەکاو قەسرشیرینی)، فەرهاد ساڵحی(پایگاەخبری ، تحلیلی سلام پاوە)،ناسر ئەخدەر،سورەیا زارعی، ئۆمید سەجادی،کوورش ئەمینی (نۆتشە)، سەباح حەسەنی شیانی،فەرید ئەحمەدی زاوەری،سوهەیب ئێزکات، تەحسین سەجادی، دوکتورموحەممەد مەحموودی، ئەشکان هەورامی، موهەندێس فەریبورز مووسازادە(شوان)، سەیوان ئێبراهیمی (گواز)،کاوە شوکری (سەراو هەورامی)، موحەممەد خدری، نیشات حوسەینی، حامی نیکبەخت عەبدولمەلکی(هەورامی شوماڵوو ئێزانی، مازندەران)،دوکتور مەهدی سەجادی، جەواد حەمزە(فێراق)، فەرید عەباسی، ئێبراهیم شەمس،گۆنا ڕاەپەیما،فاتێح سەعیدی،باقی شەفێعی، موحەممەدڕەشید ئەمینی،مۆمن یەزدان بەخش،عەدنان مورادی،موحەممەدسەلیم هەجیجی،عەتا عەلی پوور،عەباس غەریبی،بێهرووز موحەممەدپوور(شارۆ)، مێهران ئەحمەدی،دوکتورناجێح گوڵپی، سەعدی غەریبی،سەعدی عەزیزی، سەعدوڵڵا خوون خام،موبین ساڵحی، ئەمین ڕەحیم زادە،جەهانبەخش خەڵوەتی،کوورش یووسفی،دوکتور جەلال جەلالی زادە،ئۆمید حەبیبی، مەسعوود وەیسی،ناهید غوڵامی،ئێحسان خالسی،دوکتورئەحمەد نێعمەتی، موحەممەد دەرویشی،زولفەقار بابایی،موحەممەد فەهیم،شەهرام موحەممەدی (رادیۆمەریوان)،سەرکەوت عەزیزی (نەبەز)،مهندس محمد رشیدی،ئاوێنە ئەحمەدی،کەیوان موحەممەدی(کارێز ژانی)،لایێق سڵێمان زادە، عەلی تەیێبی، عەبدوڵڵا حەبیبی،ڕەئوف مەحموودپوور،وەلی فەتاحی،فەرشید شەریفی،سابیر عەزیزی،داریۆش ڕەحمانی،مەهوەش درۆستکار،فیرووز فەرەجی،ئارتین عەباسی،موحەمەدخالد قانێع،فەیسەڵ هێدایەتی،فەریدوون ڕەمەزانی،فەهمی مارفی،یەحیا نێعمەتی، موحەممەدسدێق کەریمی، سەیدجەلال سەجادی،مامۆسا سەیدجەلال ئەکبەری (ئاڵۆز)،جەماڵ شەهسەواری،ئێحسان کەرەمی،سەلاح نیکنامفەر،فەرید بەهرامی،مەریوان داریۆشی،موحەممەد سابر مەلکی،فەرهاد مەولوودی،شێخ مێقداد قادری،ساسان مونفەرێد،سوهەیب زەربان،ئارمان فارسی،شۆرش عەزیزی، فەردین مەزهەرپوور،عومەر سوهرابی، عەدنان خورشیدی،حافێز ڕەنجبەر، سەفوەت ئەمیری(کۆچەر)، دوکتورسامان ڕەحمان زادە،مەریوان قادرپوور، عەبدوڕڕەحمان ڕەحیمی نیا،قەیۆم دانشوەر،عەلی داربۆی،عەلی ئەدوایی، ڕەحیم ڕەحمانی،خالد یووسفی، ئۆمید سروماڵی،عەلی ئەسغەر ئەمیری (کەنوولە)،موحەممەدعەزیز موحەممەدی، هاشم حێسامی،دوکتور ڕەحیم غوڵام وەیسی، دوکتورکەنعانی، جەلال قەوامی، حەبیبەڵڵا قاسمی،تەها جەمشیدی، ناسر فەتاحی،سەیدلەتیف حوسەینی نەسەب، یەحیاسەمدی،وەلی کاکایی،دلێر ئێسکەندەری،سورەیا خدری،سوهەیلا موحەممەدی،موحەممەدشەریف عەلی ڕەمایی،موهەندێس سامان سەعیدی، دوکتورغەریب سەجادی، موهەندێس فەردین زەمانی،ئارمان فەیز کازمی،عەلی مورادی،نەبی حوسەین پەناهی،مێقداد ئەمینی،مەریەم ئەحمەدی،پەرویز بابایی، دوکتورحێسام مەلکی، ،ئیرەج عێبادی،عادڵ موحەممەدپوور،فاتێح ڕەحیمی، دوکتورموکەڕەم غەفاری، مەحموود مەحموودی،موهەندێس جەمشید مورادی،ژیانا ئێسکەندەری،عەلا خودا مورادی،عادڵ موحەممەدپوور،حسەین کەریمی،عوبەیدرەحمانی، ئەحمەدموحەممەدی،وەلی حوسەینی،کوورش عەزیزی، ئاکام موتیعی،مۆزەفەر بزورگ ئۆمید، شەهرام غوڵامی،فواد زیایی نۆتشی، عەبدوڵڵا عەبدی،ڕەئوف یەزدانی،مەهدی سەمەدی،ئاوێنە ئەحمەدی،غەزال ساعدی،ئێقباڵ مورادی، فاتێح سەعیدی، مەزهەر موحەممەدی، لوقمان سوبحانی، حەمید ساڵح مەنش، تەیفوور حاتمی، موستەفا ئەسەدی، مەحیەدین باغانی، موختار بەهرامی (خەمبار)،تەها شەهیدی، موحەممەد کەریمی،ئاواتم ئانەن خود٘ای بێ وێنە لەش ساقی و سڵامەتی جە یانەتانە هەتاهەتان مەرزیۆرە. پەی ئاوەزی بەرز و قەوم دۆسیتا شانازیم کەرد ئێرادەتمەندوو گردیتا #هومایون موحەممەدنژاد و جە لاو خانەوادەکاو: موحەممەدنژاد،سەفەری،نادری،ئەحمەدی،،یووسفی،ساڵحی،ئەدوایی،ڕەزایی،ڕەحیمی،عەبدی،جەعفەری،وەیسی،مەحموودی، سەعیدی،و باقی قەوم و کەس وکاری   طبقه بندی: فرهنگی و هنری، اجتماعی، ادبیات/شعر، شهرها و روستاهای هورامان، ده‌گاو زاوه‌ری/روستای دزآور، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، کوورش ئه‌مینی، عه‌بدوڵڵا حه‌بیبی، عادڵ موحەممەدپوور، موحەممەدره‌شید ئه‌مینی، کوورش یوسفی(ئاریا)، فەرید عەباسی، سه‌رکه‌وت عه‌زیزی(نه‌به‌ز)، موحەممەدشه‌ریف عه‌لی ره‌مایی، داریوش ڕه‌حمانی، سابیر عه‌زیزی، شۆرش عه‌زیزی/"ئاوات"دیارکهن، ئۆمید حه‌بیبی، عوسمان ڕەحیمی(مورید)، دوکترناجێح گوڵپی، بێهرووز موحەممەدپوور(شارۆ)، جەواد حەمزه (فێراق)، موحەممەد فه‌هیم، سەیوان ئێبراهیمی(گوازی)، فاتێح ڕه‌حیمی، دوکترسه‌یێدمه‌هدی سه‌جادی، عه‌دنان مورادی، موحەممەدمۆمن یه‌زدانبه‌خش، سوهراب مورادنیا(سیاوکام)، عه‌لی ئه‌دوای(هاوار ههورامی) ، فەرید زاوەری، سه‌باح حه‌سه‌نی شیانی، په‌رویز بابایی، مەهوەش درۆستکار، بورهان ئه‌خته‌ر(هورامی)، مێهران ئه‌حمه‌دی، باقی شه‌فێعی، میرزامەجید عەدەمی و فەیسەڵ هێدایەتی، سوبحان خالدی، موحەممەد خدری(ئەدیب)، کاوه شکری(سەراو هەورامی)، سەعدوڵڵا خون خام(شەهریار)، فاتێح سه‌عیدی، عەتا عەلی پوور، دوکترمەڵڵائه‌حمه‌د نێعمه‌تی، نه‌عمان فائق تۆفێق(هاوار)، حەمەسه‌لیم سەلیم پوور(خه‌مبارهەجیجی)، ئێحسان کەرەمی، ڕەحیم ڕەحمانی، فه‌ریبورز موسازاده، سه‌عدی غەریبی، عەباس غەریبی، مێقداد ئه‌مینی، وەلی فەتاحی، موزەفەر بزورگ ئۆمید، سەفووەت ئەمیری(کۆچەر)، حسه‌ین خورا(خه‌یاڵ) ، میرزامه‌جید سوبحانی(بچووک)، دوکتورحێسام مه‌لکی، مەڵڵایۆنس وه‌یسی، حامی نیکبه‌خت عه‌بدولمه‌لکی، ساسان مۆنفەرێد(بێ وەر)، جوانمیر خووند(کۆساڵان)، جه‌ماڵ شەهسواری، حافێز ڕه‌نجبه‌ر، موحەممەدباقی موحەممەدنژاد، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،سپاسنامەو خانەوادەو مەرحوومەی"فەراسەت موحەممەدنژادی، نوشته شده در تاریخ شنبه 20 مرداد 1397
توسط همایون محمدنژاد
کەلەبەروو شێعرا(٤۹) چەنی کریۆ هۆشم پشی عەکست نەبۆ وەروو چەما خۆ هێناسەم من تۆ نیەنا تازە تۆنی قیبلە نما بوەو وەشەو پوونەو هانەی یا ڕێحان و وەرکەمەری شەرمەساروو لارە ملێ تۆنی بوەو دەشت و دەری چەنی کریۆ هۆشم نەبی مەگەر کریان بێ هێناسە تۆ گیانوو وێت تۆ گیانوو من تەژنەو تۆما چەمە ڕاسە بەڵام بەخۆا هیچت مەبۆ ئەگەر ڕوە کەری نەبیەی شۆڵە وزی یانەی چۆڵم ڕۆجیار ئاسا چاگە بزیەی هەرچی کەسم پێسە مەلی سوجدە بەروو پەی تۆ وەلی ئەگەر ئامای حوجرەی چۆڵم لامۆ نیشی و ئیتر نەلی دا بەزەیت بێ"ئاڵۆز"یرە ڕەحمت جمۆ تۆبی خۆدا سواڵ کەرنا سواڵە بۆ چن فەقیرناو چنە گەدا مامۆساسەیدجەلال ئەکبەری(ئاڵۆز) Sayd jalal aloz: ده‌گا ناز مجۆره به ڕووبه‌ندوو وارانیه‌وه ـ ده‌گا ـ کاوه‌ترێچ به له‌نجه‌ی ته‌ڕ مژێ خوونۆ ئه‌ها چه وه‌ش ئوو په‌نجه‌ره بیه‌ن وینگاو کناچێوه که‌وه‌پۆشێ! چکیۆره چک شه‌رم چنی زه‌رده‌خه‌نه‌ی فڕده چه‌تره ئی وارانه وێتره واچه حاڵی به‌دحاڵ ئی وێره‌گات چنی گره‌وا ـ چه‌نی ؟! ـ ده‌گا، سۆبه‌و کام دڵیه‌نه وێره‌گاشا کام هه‌رساوه ناز مجیۆره واران شێوه‌ش؟! ئه‌ی که‌وه‌ته‌ر چا کناچڵێ کام کاره‌وان ڕۆحی وزۆ ڕاگاو کۆچی کام ته‌کانا گێرۆ خورپه؟! ده‌گا چه ناز وارانیه‌وه وێش لاونۆوه مژه‌یچ ئاخۆ...؟! #ڕەئوف مەحموودپوور ادامه مطلب طبقه بندی: فرهنگی و هنری، اجتماعی، ادبیات/شعر، زوانی ههورامی، مامۆساسەیێدجەلال ئەکبەری( ئاڵۆز)، ڕه‌ئوف مه‌حموودپوور، فەرید زاوەری، جەواد حەمزه (فێراق)، برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤۹)، نوشته شده در تاریخ سه شنبه 26 تیر 1397
توسط همایون محمدنژاد
|
درباره وبلاگ
آرشیو مطالب
آخرین مطالب
موضوعات
آهنگ زمینه |
