فەتە وەروو کرۆنای یانەنە نیشتەنەرە / وه‌لی فه‌تاحی

خۆ دروێشا نەدٚاینە:مەرگ چەنی هاوماڵی چەژنەنە. ئینە ویس ڕوێن کەس نەزیانەرە، گجارا عەبە وەروو ئانەیە بلۆ چێوێو بسانۆ ملۆ بەر و هەر پێسە ئاوی بارێ پەی ئاێرە مەلێ ئازا گۆج و گوڵ مزیۆناوە دلێ بەرە. ئندٚە نەفەسێوە دەی جگەرەی، ئیسەر و ئەوسەرش یۆن. ئەجۆ کەوتیش کەوتێنێ وەنە و تارشا نیان. نە هەرمانە مەنەێنە و نە کاسبی. سەرەو چوارقەرانیچما بێ، ئادٚیچ خەرج بی. خوڵە سەرەو ئانەیەر زەڕی پاشەکەوتش نیا. ئندٚە دەسێچما شۆرتێ پۆسوو دەساما لوا. لالۆ حەمە ماچۆ پێدٚا بیەنا تائیسە ئنەو ئی مانگێ سابوون کاریم نەکەردٚەن. دنیا بۆ بە سابوون و تایێد بەش نمەکەرۆ. دەی خۆ هەر ئینە حەسێب نیا نەزیەیەرە. دەی ئاوێوەما گەرەکەنە، نانێوما گەرەکا. هەر دەمکەراوە ماچا مەزیەیدێرە. مەزیەیدێرە. دەی یانەتا ئاوەدٚان بۆ ئانا مانگێو تەریچ نەزیایمێرە، ئەی زەڕ چکۆ بارمێ، خەرج و باجما گەرەکا. خۆ خودٚا مەکەرۆ کڵاوڕۆچنەرە پەیما. ئینەنە ماچۆ:دەردٚێوە ئاما گراڵەی بەتەر. بە گەدٚایی و نەداری و گرانی ساچێنمێ ئانا ئەچی دوورەو ئی نەدٚامەتیچا پەی تایێن بی. ئادٚێ کت و تووتە مورا، مشیۆم ئێمە تاوانش دەیمێ. خودٚا بە خشوش مامام واچێ: بەدٚەی بەتەرینە خرابەنە. ئێمە واچێنمە: دەی چینەیە خرابتەر و بەتەریچ هەن؟ واچێ: ڕۆڵە گیان ئەرێ هەن، شمە چێشتا چەم پەنە کەوتەن و چێش مزاندێ، زاڕۆڵێ هیزیەندێ. واچێ: سپاو ئینگلیسی و رووسی وعۆسمانی گێریایبێنێنە یۆ. دنیا بیە بێ ئایری سوور و قوری ژیا، وڵە مڵە پەی خەڵکی بیەبێ بە قەیسەری. عەسکەروو عۆسمانی زیاوە ئا پەشتەو «سۆسەکان»ێ و «چادٚرگا»ش دا وەروو تۆپا. یەرێ ڕوێ دمای ئی گرمە و هۆڕەیە، سۆفی نەزرەلی بەگ ئەمرەو خودٚایش کەردٚە. شێخی فەرماوا بێ: زاڵەش ترەکان. تۆپەو چێشی، تەقێ، بەڵام کەسی نەکۆشێ تەنیا ناڵە و نرکەش زل بێ! پەنەش واچێنێ: قمبزیە. چیدٚمای چوار پەنج نەفرێ کەرێ بیێ، واتشا هەوا و گرمەو ئا تۆپێ کەڕێ کەردٚێنێ!

ئارتەشوو عۆسمانی ئاما و لوا و نەوسوودٚەش گێرتە و پڕاوە ڕوەو هیروێ. پادارێ ڕەمای و لوایرە «کۆلیندەشت» و «هەزارپەسە» و بێ پایێچ مەنێ جیا. دمای چندٚ ساڵا بەدٚ بەختی و چەکمە سەری و نەدٚامەتی، جەنگ تەمامیا، بەڵام گرانیێو کەوتەرە، خودٚا پەنا بدٚۆ، تاتە ڕەحم نەکەرێ بە ئەولادٚی. پاسە گێڵنێوە و واچێ: لاو ئێمە خاستەر بیەن. گژ و گیواو و تفی و نوونوور و بەلوێ و ئی چێوێ بیێنێ.

-ئەرێ ئانە ساڵەکا ۱۲۹۶ تا۱۲۹۸ ی بیەن. بەڵام ئیسە دنیای فەرقش کەردٚەن و هەرگیز ئا کارەساتە ئەواخوا نمەبۆوە. دنیاو ئارۆی تەوفیری فرەش کەردٚەن. ئارۆ دەڵەتەکێ نمازا ئەپی لەونە خەڵکی دووچاوو ئاورای و تەژنای بۆ. ئینە مۆعەلێمەکەیما وات پەیما. ماچۆ نگەرانێ نەبیدێ ئی دەردٚێچە تەمامیۆ و دنیایچ وەش بۆ. ماچۆ مشیۆ ئۆمێدتا بۆ و بە یەکتری کۆمەک کەردێ و بێهداشت ڕەعایەت کەردێ و هۆشتا لاو پاکی و پۆختەیەو بۆ.

-ئەرێ عەرزتا کەرێنێ، ئیجا خۆ فەتە هەر فێر بیەن قسێ بڕۆنە دەموو یۆی. سەدٚ کەڕەتێ لالۆ حەمەی پەنە واتەن فەتە گیان وەختێو یۆ قسێ کەرۆ بازە با تەمامنۆش، ئاوەختە نۆبەو تۆیچ گنۆ. هەرتا دڵت پەون دوە و دڵوو وێت هاڵی کەرە. بەڵام کەم گۆترەی قسێ پڕتافنە.

-ئەدٚا گیان هەرکەی نۆبەو من گنۆ کەس گۆش نمەگێرۆ. لالۆ حەمە کە قسەکێ وێش تەمایای نەمۆ کڵاوو مشکیەکەیش و هۆرزۆ ملۆە. ئانێچتا کە گووشیتا نیا وەروو وێتارە گندێ قسە کەردٚەی و ئانیچە کە گووشیشا هەن هەر چەمشا ئینا گووشیەکەیشاوە. دەیتر من چکۆ قسێم پەی بەیا و پەی کێ قسێ کەروو.

-دەی خاسا، ڕۆڵە تۆ ڕاس ماچی! ئێتر کوڵە مدٚەی…خۆ گەورەو گۆلانەی نەمەنەن. تۆ بیەش پەی هەر ئنەش مەنەن بنەمۆم وەنە. خۆ من دەسوو تاتەیتەو کەلاوم کەردٚەن، تۆیچ مەبە باروو سەربارا. ئەوەرۆ چەنی عەبەی کۆچێو دەوەن بەئاشما بی. وەروو عەیبەی نەبیایا و نەواتایشا ئەچی سەری پیریەو ئی ژەنێ چێشش وەنە قۆمیان، ئازێنێش جیا و نانەش چەنی نەکەرێنێ دوێ لتێ، دەی گیان شش حەوت نەفەرێ دلێ یانێوی گۆلانەیەن بیێنمێنە یۆ.

هەر یۆ گیواوو کوێویشا گەرەکا. یۆ گەرەکشا فووتباڵ تەماشە کەرۆ، یۆتەریچ ماچۆ ئا فیلمێو وزدێ سەر و عەبەیچ ماچۆ هەر وزدێش ئێخبار. بزانمێ دنیا بڕیۆ چێ بارێوەرە. دە ی ماچوو پیاکە، ئێخبار سەعاتێو و دوێ و یەرێ. ئێتر نۆبەیچ بۆ نۆبەت تەمامیان. دەی گیان ئادٚ قسێ هەر قسێ وێشەنە. دڵش پەون واچۆ، چوون من نانتا پەی بەر ماروو، هەرچی واچوو مشیۆ پاسە بۆ!
  ….

وەلی فەتاحی   ۹۸/۱۲/۱۶ 





طبقه بندی: فرهنگی و هنری، اجتماعی، ادبیات/شعر، زوانی هه‌ورامی، وەلی فەتاحی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،فەتە وەروو کرۆنای یانەنە نیشتەنەرە / وه‌لی فه‌تاحی،
نوشته شده در تاریخ جمعه 16 اسفند 1398 توسط همایون محمدنژاد
شه‌ونشینی فه‌رهه‌نگی«شه‌وچه‌ره»(به‌رنامێوی تایبه‌تی فه‌رهه‌نگی‌ جه‌ ئه‌ره‌مه‌رزیاو شنه‌و فه‌رهه‌نگوو هه‌ورامانی)  

بە پاو هەواڵوو کاکەئێبراهیم شەمس"ی پەی هەورامان هانەبەرچەم"ی:شه‌ونشینی فه‌رهه‌نگی «شه‌وچه‌ره»(به‌رنامێوی تایبه‌تی فه‌رهه‌نگی‌ جه‌ ئه‌ره‌مه‌رزیاو شنه‌و فه‌رهه‌نگوو هه‌ورامانی) جە شاروو پاوەی لوا ڕاوە.
ئه‌ره‌مه‌رزیاو شنه‌و فه‌رهه‌نگوو هه‌ورامانی جه‌ درێژایی جموجووڵه‌ فه‌رهه‌نگیه‌کاشه‌نه‌ دایمه‌ حه‌ولش دان تا به‌ عالته‌رین شێوه‌ به‌ فه‌رهه‌نگ و کلتووروو هه‌ورامانی خزمه‌ت که‌رۆ. یۆ جه‌ ئا ڕه‌سم و ئایینا که ژیوای خه‌ڵکوو هه‌ورامانیه‌نه‌ یاگێوه‌ی تایبه‌ته‌ش بیێنه‌، ‌ئایینوو شه‌ونشینی بیه‌ن که‌ هه‌ر چن ئیسه‌ فره‌ که‌مڕه‌نگ بیه‌نه‌وه‌ و په‌ی ئێمه‌ خه‌ڵکوو شاری ئێتر مه‌گه‌ر پێسه‌و ڕازێوی په‌ی زاڕۆڵاما نه‌قڵش که‌رمێ، به‌ڵام تا ڕادێوی که‌م دلێ بڕێو جه‌ ده‌گایانه‌ هه‌ڵای به‌ شێوه‌ی قه‌دٚێم ملۆ ڕاوه‌. 
ئێمه‌ به‌ پیشنیاروو هامکاراو ئه‌نجومه‌نوو شنه‌ی بڕیارما دا ئی ئایینیه‌ به‌ شێوێوی فه‌رهه‌نگی زیننه‌ که‌رمێوه‌ و جه‌ شه‌وه‌کاو زمسانیه‌نه‌ دوێ حه‌فتێ جارێو شه‌وێوه‌ ئه‌نجومه‌نه‌نه‌ بنیشمێره‌ و ئایینوو شه‌ونشینی به‌رمێ ڕاوه‌. 
وه‌ڵ جه‌ گردٚ چێوی با بزانمێ وه‌ڵینه‌کێما ئی شه‌ونشینیێشا چه‌نی گێرتێنێ:
خه‌ڵکوو هه‌ورامانی جه‌ ویه‌ردٚه‌نه‌ خه‌ڵکێوی فره‌ زه‌حمه‌تکێش بیه‌ن و گردٚوو ژیوایشا سه‌روو هه‌رمانه‌و باخداری و کشت و کاڵ و تا ڕادێوی که‌میچ ئاژه‌ڵداری چه‌رخیان. به‌ جۆرێو که‌ شش مانگه‌و وه‌هاری و هامنی یه‌کسه‌ر هه‌رمانه‌ش که‌ردٚێنه‌ و وێره‌گا به‌ له‌شێوی شه‌که‌ت تا ساعبێ وته‌ن.
به‌ڵام شه‌وه‌کێ پایێز و زمسانی که‌ شه‌وێ سه‌ردٚێ و درێژێ بیێنێ، خه‌ڵکی په‌ی ئانه‌ی بتاوا وه‌ختوو وێشا په‌ڕ که‌راوه‌ به‌ نۆبه‌ شه‌ونشینی لوێنێ یانه‌و یه‌کترینی و تا یه‌رێ چوار سه‌عاتێ به‌ قسێ وه‌شێ و ڕازئه‌وه‌گێڵنای و به‌ گه‌مه‌ که‌ردٚه‌ی و به‌ شه‌وچه‌ره‌ واردٚه‌ی شه‌وه‌کێشا دێنێ سه‌ر.
سه‌مه‌روو باخه‌کاو هه‌ورامانی فره‌ته‌ر یا هه‌ناری بێنێ یا وه‌زی. جه‌ ئی شه‌وانه‌ بڕێو وه‌ختێ ئی شه‌ونشینیێ یاردٚی دایچش پاڵه‌نه‌ بێ و وه‌زه‌ره‌ماڕای و مه‌ژگه‌ چنیه‌ی و هه‌ر پاسه‌ هه‌ناره‌کوای و ڕۆگنار گرینایچ به‌ گه‌ل جه‌ ئا شه‌وانه‌ ئه‌نجام دریێ.
وه‌ختێو باسوو شه‌ونشینی کریۆ بێ ئێختیار زه‌ینما ملۆ سه‌روو دویه‌ر چێوا:‌ گه‌وره‌وه‌بازی، ڕاز ئه‌وه‌ گێڵنای و شه‌وچه‌ره‌واردٚه‌ی‌.
گۆره‌وه‌ بازی یۆچا گه‌ما بێ که‌ فره‌ته‌ر پیای و کوڕێ جوانێ ئی گه‌مه‌یه‌ که‌رێنێ و پاڵشه‌نه‌ گرم و قاڵ بێ و گۆرانیه‌ واته‌ی و شادٚی و خه‌ڵک گردٚ پێسه‌و یۆی بێ نه‌ که‌س ده‌وڵه‌مه‌ن بێ و نه‌که‌سیچ ئاورایێنه‌ سه‌ره‌ نیێوه‌.  
شه‌وچه‌ره‌ ئا واردٚه‌مه‌نیه‌ بێ که‌ شه‌وه‌کاو پایێز و زمسانی دلێ شه‌ونشینیه‌کانه‌ دلێڕاسه‌و یانه‌یه‌نه‌ سفره‌ یاوێنێره‌ و شه‌وچه‌ره‌ش که‌رێنێ سه‌ر و گردٚ پێوه‌ره‌ وه‌رێنێش. شه‌وچه‌ره‌ جه‌ هه‌ورامانه‌نه‌ تایبه‌ت بێ به‌ ئا سه‌مه‌را که‌ باخه‌کانه‌ بێ. فره‌ته‌ر هه‌ناری بێنێ و مژگه‌ و هه‌چکوچی و هه‌نجیره‌ وشکێ و ساوه‌ لتێ و قه‌یسی و .... ئیجا ڕه‌سمێو بێ دماو هه‌نار واردٚه‌ی ئافته‌وه‌ و له‌گان ئارێنێ و پیای ده‌سێشا شۆرێنێ.(ئه‌ڵبه‌ت ئینه‌ نموودێو جه‌ پیاسالاری بێ).
به‌ڵام جه‌ ویاری فه‌رهه‌نگیو ئی باسه‌یه جه‌ شه‌ونشینیه‌کانه‌ باسوو ڕاز ئه‌وه‌گێڵنایا. ئاوه‌خت که‌ هیچ ڕه‌سانێو نه‌بێ؛ نه ئینترنت و نه‌‌ میدیا و نه‌ ڕادیۆ و نه‌ ڕۆنامه‌ و گۆڤار و حه‌تتا نه‌ کتیب بێ، ڕاز ئه‌وه‌گێڵنای فره‌ ڕه‌واجش بێ. خه‌ڵکی دماو یه‌ک ڕۆی کاری یا چن ڕوێ کاری په‌ی ئیسراحه‌تی و ده‌مه‌ته‌قێ شه‌ونشینیه‌نه‌ ده‌وروو یۆی گلێرێ بێنێوه‌ و داوا که‌رێنێ جه‌ پیایوی شاره‌زای باسه‌وادٚی که‌ پنه‌ش میرزا واچینێ ، تا ڕازه‌شا په‌ی گێڵنۆوه‌. و ئه‌پێسه‌ چن سه‌عاتێو وه‌ختوو وێشا ویارنێنێ. ئی شه‌خسه‌ که‌ ڕازه‌‌کێ گێڵنێوه‌، ئێننه‌ ڕازه‌‌کێش ملوو خه‌ڵکیه‌ره‌ و به‌ تایبه‌ت جوانا و زارۆڵاره‌ کاریگه‌ریش بێ، ئا خه‌ڵکه‌ وێشا نیێنێ یاگێ پاڵه‌وانه‌کاو ڕازه‌کێ. ماچا جارێوشا جه‌ یۆ جه‌ ده‌گاکاو هه‌ورامانی وێره‌گانێو دماو نانوو وێرێگای خه‌ڵکی فره‌ سه‌روو حه‌وزی گلێرێ باوه‌ و کیانا شۆنه‌و میرزافڵانه‌که‌سی که‌ ڕاز ئه‌وه‌گێڵن بیه‌ن. میرزا به‌ ئاو و تاو ده‌س که‌رۆ ڕازه‌وه‌گێڵنای که‌ فڵان پاڵه‌وان شمشێره‌که‌ش کێشا و به‌ زه‌رب ماڵاش دژمه‌نه‌که‌یشه‌ره‌. چا عانه‌نه جوانێو ئێننه‌ دلێ ڕازه‌کێنه‌ بۆ و وێش نیان یاگێ پاڵه‌وانه‌که‌ی، خه‌نجه‌ره‌کێشۆ و که‌رۆش له‌مه‌و یۆته‌ریه‌ره‌ که‌ پاڵشه‌نه‌ نیشته‌نه‌ره‌. ئینه‌ گرد کاریگه‌ری ڕازێ و ڕاز ئه‌وه‌ گێڵنای جه‌ شه‌ونشینیه‌کانه‌ بیه‌ن.

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، جفرافیا، شهرها و روستاهای هورامان، نه‌سیمووفه‌رهه‌نگوووهه‌ورامانی، ئێبراهیم شه‌مس، فه‌تحوڵڵا ڕه‌زایی، وەلی فەتاحی، میرزامەجید عەدەمی و فەیسەڵ هێدایەتی، فایق لوتفی، حه‌بیبه‌ڵڵا موسته‌وفی، قەیۆم دانشوەر،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،شه‌ونشینی فه‌رهه‌نگی «شه‌وچه‌ره»(به‌رنامێوی تایبه‌تی فه‌رهه‌نگی‌ جه‌ ئه‌ره‌مه‌رزیاو شنه‌و فه‌رهه‌نگوو هه‌ورامانی)،
نوشته شده در تاریخ جمعه 18 بهمن 1398 توسط همایون محمدنژاد
معرفی کتاب های نویسندگان در حوزه های مختلف(۲٤)



ئاوەزیار/انتشارات زایەڵە
ئاوەزیار؛ مزگانی زەنجیرە کتێبێوا کە بە شێوەی سەردەمیانە و بابەتیانە، یۆ دماو یۆی مەگنا وەردەسوو هۆگراو گەشەو فەرهەنگی. هەر ژمارێوە ئاوەزیاری تایبەت بە بابەتیێن. دماو هەوڵ و زەحمەتێوی فرەی، ژمارە یەکش سەروو بابەتوو ئەدەبیاتی دەمواچی ئامادە بیەن و پی زوانە مەگنۆ وەردەس. چی ژمارەنە بابەتوو ئی قەڵەم بەدەسە بەڕێزا ئامان:
وەلی فەتاحی
ئازاد ڕەحیمی
ئاوێنە ئەحمەدی
ڕەئوف مەحموودپوور
کورش ئەمینی
ئیبراهیم شەمس
نایب مێنبەری
هووشیار تەمجید
گونا ڕاپەیما
سەباح شیانی
موختار ئیسلامی

زەماوەندوو وەرمی /سابیر عەزیزی


ادامه مطلب

طبقه بندی: فرهنگی و هنری، ادبیات/شعر، اخبار، زوانی هه‌ورامی، انتشارات زایەڵە، ڕه‌ئوف مه‌حموودپوور، ئێبراهیم شه‌مس، کوورش ئه‌مینی، سابیر عه‌زیزی، سه‌باح حه‌سه‌نی شیانی، وەلی فەتاحی، هۆشیار تەمجید، نووره‌دین موعینی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۲٤)،
نوشته شده در تاریخ جمعه 22 آذر 1398 توسط همایون محمدنژاد
شومارەو ٦و گۆڤار و مەجەلەو" بەیان"ی وەڵا کریاوە( شمارەی ٦ مجلە" بەیان"منتشر شد)

وەرپرس و ساحێب ئێمتیاز:دوکترئێسماعیل موستەفازادە

دەسەو نویسەرا: دوکترئێبراهیم ئێسماعیل پوور،قرەنی ئەمین پوور، هومایون موحەممەدنژاد، ئێران مورادی،پەروانە ئەحمەدین، عەبدولکەریم سرووش،گوڵالە ستاوەند، حەیدەر سەفەری، موحسین مەلەکی، ئامینە سونبولی،فەرهەنگ ئاریانژاد، هەتاو خورشیدی
دیزاین: ئاوات حەکیمزادە
تایپ:گوڵزار نادری
چاپ: چاپخانەو گوتار جە شاروو سەقزی

این مجلە کە مدیرمسئول و صاحب امتیاز آن، دکتر اسماعیل مصطفی زادە می باشد در شهر مهاباد انتشار می یابد.

این دو ماهنامە حاوی مقالات فارسی و کردی نوشتەهایی بە سورانی، کرمانجی، هەورامی(گورانی) ،کلهوری حوزەهای فرهنگی، اجتماعی را در بر می گیرد.

انتشار مقالات،اشعار،داستان ،و نوشتەهای مربوط بە منطقەی هورامان بە زبانهای هورامی و فارسی در شمارەی ٦ بەیان:

آقایان:#ولی فتاحی ـ بهروز محمدپور(شارۆ) ـ پرویز بابایی ـ صابر عزیزی .
شورای بخش هورامی:آقای همایون محمدنژاد ـ خانم ایران مرادی
اولین شمارە آن در آبان ماە۱۳۹۷ و تاکنون ٦شمارەی آن منتشر شدەاست.

مجلەی بەیان شمارە ٦ ماە شهریور۱۳۹٨منتشر شدە است.
بە زودی در تمامی مناطق کردنشین استانهای: #آذربایجانغربی#کردستان #کرمانشاە #ایلام ، توزیع می‌گردد.قیمت هرجلد آن ۱۰۰۰۰تومان می باشد.




طبقه بندی: اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، مەجەلەو"بەیان"ی ـمەهاباد، هومایون موحەممەدنژاد، بێهرووز موحەممەدپوور(شارۆ)، سابیر عه‌زیزی، په‌رویز بابایی، وەلی فەتاحی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ یکشنبه 24 شهریور 1398 توسط همایون محمدنژاد
ئەچی گرانیەنە فەتە عاشق بیەن/وەلی فەتاحی

 ئەچی ڕوانە و پی وەزعە وەشێوە و سەی سەرەو حکوومەتیەو ئەپی هەرزانیەیە فرە و فراوانیەو و ئەپێ پڵاو و گۆشتە مشەمەریە کە متەنش وەروو دەموو خەڵکی، باروو سەربارا فەتە پاش کەردٚەنەنە پاڵاو و ژەنیش گەرەکە نە. ئینەنە ماچۆ: «گەدٚایی وەشا قۆرتێش خرابێنێ.» ئەی نەواتەنشا: «ڕواسە نەلێ وڵەرە هەژگێوەیچ بینێ قلیچکەشەرە.» قەوم و عەشرەت گردٚ مانیا چەنیش کە بەشکووم دەس کێشۆ و کوڵە دۆ. ماچۆ:« گەرەکەمەنە و دنیا بێ هەر مارووش. بە کەسی چێش. ئێنترنێتەنە ئێستێنەمۆ. دوێ مانگێن خەریکەنا. چل شەوێن نەوتەنا! چانەیە تەرسوو یۆتەر دەس وزۆ وەڵێ و بەرۆش. ئی گووشیە هیچ منفەعەتێوش نەبیەبۆ پەیم ئینەفعێشە بیێنە کە ژەنەو وێم یۆستێنەمەو و دنیا قسێم پەی کەرۆ دەسبەردٚار نیێنا. چەنی ئەدٚایچش قسێم کەردٚێنێ. ئەدٚاش جە وێش عالتەرەنە. عەلەلتەوارە چەنی وێش قسێ کەروو. واتەنش وێم حەلێبەنا هیچم گەرەک نیا. تەنیا کلکەوانێو باردێ کەردێ دەسموو قۆتاروو ئیلەڵڵا.» دەی یانەشا ئینا چکۆ؟ تارانیەنە. تا ئیسە دێنەت؟ ناوەڵڵا. ئەدٚا و تاتەش چێش بەدەسێنێ؟ نمەزانوو. منیچ درۆ یا ڕاس نمەزانوو فەتە مزانۆ! ئەجۆوم تاتەش شێرکەتش هەن. خودٚا ڕەحمما پەنە کەرۆ. من دڵم ڕازی نیا و تۆقای تۆقوو بەڵام عەبە دالێو نەرم بیەن. ئادٚیچ چێ نەرمێو! دەی بارە بووڵەو ئا بووڵگایا گردٚ کەرە سەرەمەرە. عەبە ئینەشە کەردٚەن دڵوەشی وێش و ماچۆ:« بەشکووم با بە دادٚلە پەی فەتەی و سەرە وەرێسێویچ دا دەسوو ئادٚیەو. جەحەنەم یا بۆ بە خانوو خانا و یام بۆ بە بووڵەو بانا. پیایچ تا دوور نەگنۆوە مەبۆ بە پیا. تۆ ئەجۆت من وێم ئەگەردەورەو شای سەروازیم نەکەردٚەبیایە، ئیسە ئی پیا بێنێ کە تۆ وینیم.» ئیجا ڕاس ماچۆ.ئاساڵە کە ئاما هیجبی من کارتوو سەروازیکەیش چەنی دوێ عەکسا دەورەو سەروازیش ئاردٚێبێنێ چەنی وێش. «عەجەبشێرەنە» مەشقشا پەنە کەردٚێبێنێ و چادٚمای نەقڵوو«چابەهاریشا» کەردٚەبیەن. تا سەروازیش تەمانابێ یەک ڕۆیچ نامابێ مەرەخەسی! ئەجۆت چابەهار نزیکا و ئینا لاو کرماشانیەنە. ماچا ئینا ئەوپەڕوو ئێرانیەو. ئنە دوورا بە ماشین چوار شەوانە ڕوێ نمەیاوی وەرەو. ئەجۆم سنی مەزەبێچەنێ. بەخوا هەر تەپەو دڵیما مێ. مزانوو عەبەیچ چارش ناچارا، ئا قسێ بە دڵ نمەکەرۆ. «حەراڵ واردٚەیش جە بێ دەسەڵاتیشا.» دەی چێش کەرمێ. «دەسێو نەتاوی بڕیش مشیۆم ماچش کەری.» کۆرەکەی زۆر پەی ئاردٚێنمێ دەسەڵاتما نیا. یانەو ئانەی شێویۆ ئی گووشی و مووشیشە ئاردٚەنە! ئنا ئێمە چکۆ و تاران چکۆ.

ادامه مطلب

طبقه بندی: فرهنگی و هنری، ادبیات/شعر، اجتماعی، زوانی هه‌ورامی، وەلی فەتاحی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ئەچی گرانیەنە فەتە عاشق بیەن/وەلی فەتاحی،
نوشته شده در تاریخ چهارشنبه 6 شهریور 1398 توسط همایون محمدنژاد
مامۆسا مەڵڵا«عبدالخالق»ی زاوەری و شۆشمێ/کاکەوەلی فەتاحی

مامۆسا مەڵڵا «عبدالخالق»ی زاوەری و شۆشمێ
حافێزەو پیری ماچی نەقشا سەروو وەروێوە کە تا وەرەتاوێوی داوەنە بۆ بە ئاوی، بەڵام هنوو زاڕۆڵەی پێسەنە نەقش و نگاری سەروو تەوەنێوە کە ئەپا سووک و ئاسانیە نمەکۆشیۆوە. دلێڕاسەو ساڵەکا دەهەو پەنجای بێ و هەڵای ئێنقلابوو ئێرانی سەر نەکەوتەبێ. من کەڵاسوو یەرۆموو ڕاهنمایی بێنێ و جە شۆشمێنە ژیوێنێ، بەڵام چوون شۆشمێ ڕاهنماییش نەبێ منیچ پێسەو ماباقی زاڕۆڵەکا دەگاو شۆشمێ بە پای پیادە ئێنێ پەی نەوسوودٚێ و ئەچاگا دەرس وانێنمێ. ساحبانی هەڵای دۆس و دژمەن تاقی نەکریێوە گنێنمێ ڕا و شەوێ کە هەوای تاریکش کەردٚەبێ و شەوە باڵش کێشتەبێ سەروو دنیایەرە، گێڵێنمێوە پەی شۆشمێ! مەوقعییەتوو جۆغرافیایی شوشمێ جورێو بێ کە تەقریبەن فاسڵەش تا نەوسوودٚە جە ئێرانەنە هەر ئاندٚە بێ پەی تەوێڵێ جە عێراقەنە. ڕەنگا ئی مەوقعیەتیە بە نۆعێو خەڵکوو دەگاو شۆشمێش تا ڕادێو جە دەگایا تەری جیا کەردٚەبێۆوە. شاراوە نیا و ئینکار نمەکریۆ کە شۆشمێ فرەتەر بە گۆرانیێ و گۆرانی واچاوە و هۆرپڕەیەو هۆرپڕەکەراوە مەشهوورەنە تا بە چێوانی تەرەو. 
وری وری کەوتەرە دەگا کە گوایا فڵانە کەس و فڵانە کەس لواینێ شۆنەو مەڵڵا یەرە کە باراش پەی شۆشمێ. پەی ژەن مارە بڕیایێوی، ژەن تەڵاقدایێوی، سەروو زیارەتێوی و فاتێحە وانایێوی مەڵڵا لازما. هەر خاسا دەگانە مەڵڵا بۆ. بیەیش خاسا تا نەبیەیش. گرد دەگایێوی مەڵڵاش هەن ئێمە چیمانەبۆ؟، ئاخۆر دەگاو ئێمە تا ئیسە بەڕەسمی مەڵڵاش نەبیەبێ و خەڵکوو دەگایا تەری بە گاڵتە و بە تەنزە واچێنێ شۆشمێ مەڵا نمەگێرۆ وێ و خاکش مەڵڵا نمارۆ! فەرامۆش نەبۆ کە مەڵڵا فایێق و مەلا کەریم  بێنێ و تەنانەت وێچشا شۆشمەیێ بێنێ بەڵام سەوادی چامنەشا نەبێ و بەهەزار حاڵ و نەحاڵێ ئەلف وبێ بەرکەرێنێ و پەنەشا واچێنێ کۆلکە مەڵڵا. حەتتا نەزانێنێ ژەنیچ مارە بڕا! عەسر بێ کە قاڵ کەوت دەگا و واتشا: ئامێوە و مامۆسا مەڵڵا «ئەولخالق»ی زاوەریشا ئاردٚەن چەنی وێشا. دمای دوێ یەرێ ڕوا خەڵکوو دەگای یانێشا داپەنەو و تفاقشا پەی ڕازناوە و دەسشا کەردٚ بە خزمەتکاریش. ئێحترامش لاو خەڵکیەو بێ حەد و شمار بێ. یەواش یەواش جوانەکێ ڕوەشا ئاردٚە ڕوو بە مزگی و منیچ یۆ ئەچا جوانا بێنێ کە دەسم کەردٚ بە نما کەردٚەی و قۆرئان وانای. وەڵێ ئانەیە مامۆسا تەشریف بارۆ پەی شۆشمێ خەڵک، فرە کەم ئامۆشیەو مزگی کەری و تەنیا لالۆ«مچە» بێ کە پەلە پەل وەروو ئانەیە یۆتەر بڵنگۆکەی نەگێرۆ دەسەو، بانگەکەی دێ و ئەحیانەن چەنی چندٚ نەفەرێو تەری نماکێش کەرێ و زیێرە.




ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، اخبار، دینی ومذهبی، وەلی فەتاحی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،مامۆسا مەڵڵا «عبدالخالق»ی زاوەری و شۆشمێ/کاکەوەلی فەتاحی،
نوشته شده در تاریخ سه شنبه 5 شهریور 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 7 :: 1 2 3 4 5 6 7