کەلەبەروو شێعرا(٦۹)

چێگە نەبینی وینی وارانوو داخا وارێ
چەموو هەراڵەبرەمێ هەرسێوەتەر نەدارێ

چێگه نەبینی،هانێ بە دەردێ هۆرتەقێنێ
قەلێ دروێ کاڵێنێ دڕەی کەرێنێ بارێ

هەناسێ پڕچیێنێ  لاشێ گنێنێ سارا
 مریچڵێ داریێنێوە وشکێ بێنێ پاسارێ

چێگە نەبینی وینی زەماوندەو خەزانی
گۆرانیێ بە گرەوای هۆرپڕنێنێ هەنارێ

نەبینی وینی هەورێ چەنی ئامێ سەرمارە
دڵوو ڕۆجیاری ئێشا تاڵێ بیێ وەهارێ

چێگە هەر یەخ بەننانا گەرما مەیاوۆ یانە 
یانێ بەرەو قەسرێنێ دلێنە حەر کەلارێ

شەڵڵای ئا پیرەدارە هەر زوو کەوتێ چی باخە
با شێعرەومن  نەگروێ شاد٘یش وستێ دیارێ

#فەرید عەباسی(دیار)

‍       Farid abbasi Diyar:

گڵوەو دەرەی گیریا لافاوی بەردێ نەرێ
مریچڵێ کریا قەفەس شێتێ بیێ پەنجەرێ

مانگە لوا بێ خەبەر ئاسمان ناڵەش هۆرئێست
ئانا ئاما وێرەگا جادە بی بە سێبەرێ

شەربەتێوە سوورە بێ دڵوو هەناری کاڵێ
بەر ئامێنە جە ڕێخە ولێ  کە ئاوی وەرێ

کۆنە خیاڵوو هێزی نەواچی بارش کەردەن
خیاڵێ هیزی ئارۆ گنا نووکوو خەنجەرێ

عومرێوە مانیانا نەنیشتانێرە تاوێ
داخێ هەمیرم شیلێ دەردێ نانم پەی کەرێ

ئیسە پی وێرەگا من بێ کەس چەنی بڕ کەروو
گولا عومرێوە ژیوی نەوینی مەپەیکەرێ

زەمانە حەر نەگێڵا بە مەیلوو ئاوەدانی
دڵم شارێوە چۆڵا جە دووری ئا دڵبەرێ

#فەرید عەباسی (دیار)

دنیا

 دەرەتانیەن و هەردەم مێڕیای

تۆ،

 تاکە گیانداروو دنیای

واچەم پەنە؟

 هەڵای تەڕەن هەوروو نیگایت،

 پەڕوو سینەیت ئوکسیژنەن و

    پەیت ماناش هەنە ژیوایت؟

 بێ واران و بێ ئەشق؟

    باوشیە تەڕە و...

        بێ ئەشق؟!

هەشتوو ڕابڕانوو...چن٘ە هەزار و چنەی!

گۆشێ قاڵاوا و دەنگوو ڕادیۆ مەریوانی،

مەگێڵناوە:

"ژاوەرۆنە

کەڵە پیایە دوور جە مێژووی

    کێشاش هەناسە پەڕوو ژیوایش!

  بە بێ واران

      بێ ئەشق..."

ەرشید_مورادی

‍       

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ڕه‌ئوف مه‌حموودپوور، فەرید عەباسی، فەرشید مورادی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦۹)،
نوشته شده در تاریخ پنجشنبه 11 بهمن 1397 توسط همایون محمدنژاد
کەلەبەروو شێعرا(٦۷)

حۆرمەت گێرە، گوڵم
 حسەین پەناهی
بەهەورامی: ب.م (شارۆ)
ــــــــــــــــــــــــــــــــــــــــــــــــ
حۆرمەت گێرە، گوڵم
دڵم
ئی هەرسێ ونەو عەمری لوایما

میراسوو من
نە بە پشک وستەی
نە بە ڕەسم و یاسا
گردم تاپۆ کەردەن بە حۆرمەتوو چەمەکات
 بە نامێ تۆ
مۆر و مووم کریا بە ئاویروو جگەرێوە مەبارەکی مەلعوونی

کەتیبەوانوو هێڵەکاو قەبیلە دوورەکا

ئینە بەسەرئاماو زاڕۆڵێوەن 
بە سەرپەنجەو پایش
هەرگیز دەسش نەیاوا چڵوو هیچ حەزێوە

ئاورایێنە وسێ گردوو شەوەکا
هیچ نەشناسێ دڵش

ئاورایی شەرتەو مەنەی بێ 
ئایینوو مێرەبانی قەبیلەیشەنە

سا مننە گرەوە بە تەڕی
بە دڵێوە کە گرەوێ ملوو ئەسپی هۆروێڵیاو کتێبی تارێخی درۆزنیشەرە
و
گۆرانیێ واچێ ویرکاریشەرە
سێمفۆنی شکۆداروو جەدوەل زەربینە،
 چەنی ڕەفێقاش

دوێ دوەیێ چوار کەرا
چوار چواریێ ... هەهە ه
پە پەنجی ... 
ش  ششی ...

یانزەساڵەیینە پاش نیا دنیاو عەجیبوو پاڵایا
سەرەی پاقلیر و کوتێوە درێێێێژ
 زەنگۆڵێشەنە سەرکەرێ
بە بوەو قۆتەیوە خام سۆچی و نەوتێ و ئارەقی کۆنەی

ئەرێ
دڵم، گوڵم
ئی هەرسێ، ونەو عەمری لواااایمەنە

میراسوو من 
حەکایەتوو کەسێوەن
جادوو کتێبی، مەسحش کەردەن و دەورش تەنان
تا بزانوونە و بزانوونە و بزانوو...
ماتەم نیشتەنارە دیاروو ڕەحموو ئەدایمۆ و
بێشکەکێم بە تەمامی
خەڵووزیا فەرامۆشیێنە، چەرمەتووتەو ئاسایشیم و
 کاوەترەکام یادنە بەردێ و 
لوێنێ و لوێنێ و لوێ ێ ێ ...
هەتا زانوو هەتا زانوو هەتا زاا....
جە لاپەلێوە پەی لاپەلێوە
جە ڕوخسارێوە پەی ڕوخسارێوە 
جە روێوە پەی ڕوێوە
جە شارێوە پەی شارێوە
چێروو ئاسمانوو وەتەنیوە
کە تەنیا و تەنیا
مەرگی بە ڕێکوپێکی بەش کەرێنێ

 کەردەنم تاپۆ سەراپاش
بە حورمەتوو چەمەکات
مۆر و مووم 
بە ئاویروو جگەرێوە مەبارەکی مەلعوونی
کە ترەکنۆ یوە یوەو چاڵە شۆشەکام
تا چەپەوانەئەژمارای دەس پەنەکریابۆ
بە ئی مەخسوودە بێ مەخسەدەیە...

جە واتێوە بە واتێوە 
یوە یوە مەردا سەروو ئی مەخسوودە بێ مەخسەدیوە
وەسێ بێ پەیم حورمەتوو هەزبێ
حۆرمەتوو مانگەشەوێ 
حۆرمەتوو خوەی

  هەزبێ،
حورمەتوو چەماو تۆ بێ

نەبێ...؟

دڵم گرێ دا پەردەو ئەندێشەیوە
هەزبێ کەرێ گۆرانیە...
مەسێح جۆلجۆتانە نەکێشیێ سەلیب و
تیرەواران نەبێ لۆرکا گرانادانە
شەوانی سەوزوو کاجەکانە و مانگەشەوەنە

ئەرێ یوە یوە مرێنێ هۆشیارینە
جە لاپەلێوە پەی لاپەلێوە
تا دڵ گرێ دەو پەردەو هەر ویرێوە
کە هەزبێ وانۆوە
نیشتەنا بە باخەڵێ پەڕ جە تەوەنی
پەی قووڵایی ڕۆخانەو ئۆوێزی
چەنی وێرجینیا وۆڵفێ
تا جارێوەتەر مەردەبوو
ڕاو مەخسەدی بێ مەخسوودیەنە

حۆرمەت نێگا دارە
گوڵم، دڵم
ئا هەرسێ کە ونەو عەمری لوایم بێنێ

دادم پەی مەحکەمەو بێدادی وێم ئاردەنم
هەر ئاااااننە...

نا ـ نا
بە کوفروو من نەتەرسی
نەتەرسی
کافر مەبوو هەرگیز
من بە نەزانی وێم ئیمانم هەن

ئێنسان و بێ تەزاد؟

خومرێ نەقاشی کریەی حوجرەکاو میراسیەنە
عێرفان بە تاموو نەعنای

شکەم هەنە بە گۆرانیێوە 
کە زیندانی و زیندانوان پێوەرە ورەورش کەرانە

سا شۆنیش گێروو بەسەرئاماو پیایێوە
کە هیچکەس نەبێ
پی گردەوە ئەگەر تۆ نەبیەینی
کە پێسەیچ ئەگەر نەبیایێ
دنیا تواناو مدرایشەرە نەبێ
پێسە ئا درەختیە چێروو وارانیەنە مدران
نێگاش وڵاویان
پێسە ئا قشقێڕەیە
ئا یانەیە
ئا سەیێ
ئێمە گوڵچینوو تەقدیری و تەسادۆفینمێ
ئوستواو بیەی و نەبیەی
جە ڕوزگاروو تۆفانی و شەپۆلێ و نووری و ڕەنگینە

گیرۆدەو شکڵانا
چوارگۆشە ناڕێکەکاو جادووی
چوارگۆشەکاو جادووی

من چی دەلاقەنە بێ گوناحی ئینسانیەنە گرەوانا
شێتی کەسانێوەتەرینە دێویانا
عەرەفات ئێستادیۆموو فووتباڵیەنە
جە کابینەو شارۆنیەنە!
جە شێتی گاوێ واتەنم

چی پەنجەرەوە گەلەم پەی لەوەڕگەی بەردەن
پاشاییم کەردەن بە سەرەی پاقلیر و 
قۆرەتوو ژیونای دوێ ژەنا

سەرەم شانە نەکەرد
خێزاندار بێنا و نەدار

نیمەڕۆم چەپ و ڕاسەرە ئووسنا 
تا بەروو دڵ جە کناچەکێ مامۆیم

هۆروەستەنا دیوارەرە
بە موعجێزەو زاڕۆڵەیی
چەنی قورواقێوە باخەڵەمنە
هەڕاجم کەردێ گردوو ڕازەکام،
 یەکجار

بیەنا گاڵتەجاڕ
بە لووتەو پینۆکیۆی و بنجەگەوەنێوە جیاتی قژام

ئەرێ،
 گوڵم، دڵم
حۆرمەت گێرە
 ئی هەرسا ونەو عەمری لوایمەنێ
بەسەرئاماو کەسێوە کە هیچکەس نەبێ و هەمیشە گرەوای گرەوێ
بێ ئانەیە فرسەتوو ویری و دڵپەڕیەکاش بۆ
تا کێ پەیم گرەوۆ 
تا کەی و بە کام مەرامی بمرۆ

ئەرێ،
 گوڵم، دڵم
 پەلم دە و 
بە وەرەتاوو سەوای ویر کەرەو
پەی تۆ شەبەقیۆ
چەنی سڵامی و بوەو هەزبێ

۹۷/۱۰/۱۹

یا وێڵ کەرە ئی دام و تەڵەیتە و ویەرەمنە 
یا مەو بە مەلوو کوچوو هەسارا و زنوو باڵێ
یا بۆ لچوو کەڵکی و چڕە هاوار کە منت هەن
یا دنکە بە دنکەو قەفەسات با بە خیاڵێ...


#فەرشید_مورادی

‍       



طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، فەرشید مورادی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦۷)،
نوشته شده در تاریخ چهارشنبه 26 دی 1397 توسط همایون محمدنژاد
کەلەبەروو شێعرا(٥۰)

ده‌لاقه‌ و مانگه‌ و نه‌مامو سوره‌ساویه‌
چه‌ خه‌یاڵ پڵاویه‌ !

ده‌لاقه‌؟
قرخێن داڵوتیه‌ بێ سه‌مه‌ر
لواینه‌ قۆرخه‌و ئاسمانیشه‌ره‌
و
وه‌رچه‌م 
یۆوه‌مین قه‌مچو خیابانیه‌ نه‌فه‌که‌ لارینه‌ گلێریان .
شیشێشه‌ره‌
خه‌ت به‌ خه‌ت بوانه‌وه‌
یاگه‌ چنگو مه‌راقو دیای


مانگه‌؟
حیزه‌ شاعره‌کا چه‌مشا داینه‌
وه‌ری ته‌مام سوچناینه‌
و
شڵ
وه‌یلان 
ته‌نیا
نمه‌دیۆشوه‌نه‌ که‌س
مه‌ر ڕه‌مه‌زانه‌ پیر 
ساڵیه‌ جاریه‌
ئادیچ به‌ نووکه‌ گۆچانیه‌.

هۆرزه‌  ماتڵ مه‌که‌ره‌
سه‌م بپاشه‌ ویانێ
ئه‌رێ 
سه‌م بپاشه‌ ویانێ
حه‌وایه‌ کرمۆڵه‌ 
که‌وتێنه‌ دامنه‌و ساوێ .

#مه‌هدی ئه‌بری

مەرگ و لوای
لەنجەو خود٘این!
ئێمە هەنمێ؛
پەلەوەریە
   وەش هێلانە،
 سەروو نەخشوو هەسارێوە 
   گرد و ورد و بێ ئاسمانن..

من گم جە وێم
گمتەر تۆنی!
ئەوتەر با وێش ڕا کۆچ کەرۆ..

 مەرگ و لوای؛
 ئێستەو خود٘این..
من گم جه وێم،
گمتەر تۆنی!
ئەوتەر بەڵام
چ ژیرانە
ڕاش کۆچ کەردە..

#فەرشید مورادی

ئێنە ئاوار نییەن !
بواچە
هەزار خەرمان خەمەن
کوپا وەیەن
یانە وە یانە ؛
چێرش هردەن
دڵەیلێ پڕ
گیانەیلێ زار و مانە ؛
بەش و بارێ ئێمە کوردەیل
خەم و دەرد ؛
گڕش ئاخ و گڕش داخ
گڕش سەرد و گڕش زەرد !!! ...

#حامی


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، فەرشید مورادی، حامی نیکبه‌خت عه‌بدولمه‌لکی، ساسان مۆنفەرێد(بێ وەر)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۰)،
نوشته شده در تاریخ پنجشنبه 4 مرداد 1397 توسط همایون محمدنژاد
کەلەبەروو شێعرا(٤٦)
هەناسە ، پڕچیا

خەم ، بەرەڵا 

چەمەکەم! 

مەگەر

هەسارێ  ئاسمانی

ئاننە حیزوو چەمات بێنێ

ڕۆجیارشا پێت کۆڵێشارە!؟

#هومایون موحەممەدنژاد

من ڕۆچەوانوو دید٘اروو تۆنا
تۆ کە ڕۆچێ بی، هامیاروو تۆنا

من تەژنەی دیدٚار، هەر ماچی بیمار
ئەر واچی من مەو، تەژنایم بۆ تیمار

خەبەرشا ئاورد، چا سەر بەرزاوە
مانگەو شەوالی ،   دیسان زیاوە

هەوروو خەفەتام، پۆژناش مانگوو من
زەجروو خەفەتام، فاڕاش رەنگوو من

خەڵکی ماڕاشا، ڕۆچێ تەژنایی
من و ڕوچێ و خەم، چوارەم تەنیایی

ڕوچێ تەنیاییم، بە مانگە مەڕیۆ
پەردەو خەفەتام، بە مانگە دڕیۆ

تەژنایی و خەفەت، بیێ بە یارم
ئاسمان بێ مانگا  ، وەڵڵا بیمارم

بەش گنۆ سارا، مانگەو جەژنه‌و من
زەجروو خەفەتم، بەربارۆ جە بن

منیچ دڵوەش بوو واچوو جەژنەنە
تەژنایم بەش مڕیۆ ، هەر جە بنەنە

ئا عانە وەشا من  شادٚی کەروو
سەوقاتوو جەژنێ، پەی یارا بەروو

#فەرید زاوەری

پەرۆشەن حاڵم زەردەن جەماڵم
تازە لێویان عەقڵ و  کەماڵم
بۆ یاوە  پەنە تەبیب ئاسایی
جەسەم بێ تینەن کەرەش دەوایی
پەرسابێت جە دوور حاڵ و ئەحواڵم
دەک ڕووسوورە بی کەردت خەیاڵم

شێت و دێوانە کەڕ و کاسەنا
تاوێ دڵ مەلوول تاوێ خاسەنا
دڵ بێ قەرارەن چەم ئێتیزارەن
خولماتەو چەمام هەر سەرەو وارەن
باڵا نەو نەمام وەش خەت و خاڵم
دەک ڕووسوورە بی کەردت خەیاڵم

زەڕەی جە مەیلت کەرەم کە باوان؟
مەر تاوی عەشقم وە لات نەیاوان؟
پەی دووری باڵات ئاخ سەری ئاخەن
کەلەم بە جۆشەن چوون کوورە داخەن
بە بێ تۆ نازار ژیوا بەتاڵم
دەک ڕووسوورە بی کەردت خەیاڵم

قەسەمت مد٘ەو بە هەرچی پیرەن
دەست بە دەسی هەر کەسێ گیرەن
فەرێحێ وزە لاشەی زەبوونم
بە تۆوە بەند٘ەن  بوون و نەبوونم
وەش بێ پەرسابێت حاڵ و ئەحواڵم
دەک ڕووسوورە بی کەردت خەیاڵم
#شاهۆ مەعازی

چا لاوە کە وەر
    وەربەرەکەو
      بەرزە چنارێوە گنۆ بەر..

پەی مانگەی و
   هەزارانێ پێسەو وێش
       ئاواتەنە ئامەیش... بەڵام حەیف

"تەژنەچەمەکا" وەرمەنە فیسیاینێ و تەڕێنێ!

#فەرشید_مورادی






طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، فەرید زاوەری، فەرشید مورادی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤٦)،
نوشته شده در تاریخ دوشنبه 28 خرداد 1397 توسط همایون محمدنژاد
بە گزارش ''هه‌ورامان هانه‌به‌رچه‌م‍ حەفتەنامەو ئاواتی شوماره‌و٨۰ -ی-۳۱پاژەرەژوو۱۳۹۷ـ بە بابەتوو بەشووئەوەڵوو شێعروو شاعێراو هەورامانی ڕازیاوە 

"عوسمان ڕەحیمی هەجیجی،هومایون موحەممەدنژاد،مەرحووم یاوەر هەورامی، جەماڵ قادرپوور،فەرشید مورادی، شاهۆ مەعازی، فێراق پایگەلانی"/شماره٨۰/سال سوم -تاریخ۳۱اردیبهشت ماە۱۳۹۷"

‍  هەورامان هانەبەرچەم



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، شۆرش عه‌زیزی/"ئاوات"دیارکهن، جەواد حەمزه (فێراق)، جەماڵ قادرپوور، یاوه‌ر هه‌ورامی، فەرشید مورادی، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،حەفتەنامەو ئاواتی شوماره‌و٨۰ -ی-۳۱پاژەرەژوو۱۳۹۷ـ بە بابەتوو بەشووئەوەڵوو شێعروو شاعێراو هەورامانی ڕازیاوە،
نوشته شده در تاریخ یکشنبه 30 اردیبهشت 1397 توسط همایون محمدنژاد
کەلەبەروو شێعرا(۳۹)‍ 

شەوە ئاماوە من مات و بێ دەنگ
ڕۆیچم سیاو بی ڕۆخسارم بێ ڕەنگ
هەسێڵەوخەمام یەکسەر واردٚش پەنگ
بەختەو بەدٚبەختیم کەرشا پێوە جەنگ
خەموو دڵوو من جە تۆ نادیارا
ئەر تۆ لامەو بی خەم تازیە بارا
ـــــــــــــــــــــــــــــــــــ
شەوق جە یانەی دڵ نەمەن بارش کەردٚ
وەشی و دڵوەشی جە یانەکەم  مەردٚ
خەموو خەموەرا من بە میراس بەردٚ
نامەردٚی دنیە، خەمی بە من کەردٚ
هەسارەو سوەیلی جە ئاسمان دیارا
ئەر تۆ لامەو  بی  خەم  تازیە بارا
ـــــــــــــــــــــــــــــــــــ
ڕۆیچ تا وێرەگا دڵ  ئازگارا
چەمەڕا تۆن و چارش  ناچارا
چەمێچم مدٚیا  دیارت  نادیارا
هەرکەس خەمبار بۆ پنەش ویارا
جە داخەو داخا داخم کەوت سارا
ئەر تۆ لامەو بێ خەم تازیە بارا
ــــــــــــــــــــــــــــــــــــ
فەڵەک جە داخەت داخم کۆلیاوە
داخەو چن ساڵام دیسان سۆڵیاوە
دڵ ئاوات وازا یارێ بەیاوە
کەراش ئاوەدٚان یانەی وڕیاوە
فەڵەک شەرتە بۆ بی پەننەو شارا
ئەر تۆ لامەو بی خەم تازیە بارا
ــــــــــــــــــــــــــــــــــ
شەرتە بۆ ئەی خەم ،خەمبارت کەروو
وەشیت پەی نازوو  ، بیمارت کەروو
 حەز و ئاواتت  جە  دڵ  لا بەروو
 فاتێحەو نەبیەیت، من بە دڵ وەنوو
گوڵوو ئاواتیم جە دوورەو  دیارا
ئەر تۆ لامەو بی خەم تازیە بارا
ـــــــــــــــــــــــــــــــــ
 #فەرید زاوەری 

وەشەویسەکێم      ڕۆشنایی     چەمان

ڕوح  و  دڵ و گیان  ئەسەت  چەنەمان

ئازیز! عەشقوو   تۆ نه  دڵ  جا  گێرتەن

عەقڵ و فام وهۆش نه دەسم سەندەن

ئایێروو  عەشقیت  گڕ  دان  جەسەمان

کەردەن به قەقنەس ڕەگ و  ڕێشەمان

مەجنوون ئاسایی  وێڵ  و  سەرگەردان

زامدار و خەمبار  ، مات    و   پەرێشان

هووناوان نه چەم مەیان چوون  واران

ئاه  و   ناڵەمەن   چوون   شەوبێد٘اران

رای نەجات  بەندەن  ئازیزەکەم گیان

ها وەختا  بڕیۆ   نەفەس   جه لامان

قیبلەم  با  وەس بۆ  جەور  و  جەفاتان

بەزەئیت  بەیۆ   به  دڵەی   بەسەزوان

زانی چێشت کەرد شای شێوه وەشان

پێکانیت  به  تیر  پا    چەمه مەسان

کەرەم کەر  وەفات پەی شێفای زامان

سۆ دان وه جەرگم   نیەنشا   دەرمان

وەرنه  به گیانت عەزیزتەر   جه  گیان

"ناسر" فاتێحەو  مەنەو وێش   وانان

#ناسر ئەخدەر

‍ وەهار

چەم وخەم ڕەشتەن گرد دەشت و کۆسار
وادەی نەورۆزەن ئامای نەو وەهار

سپاو گوراڵا   بە   هەزار  هەزار
وێشا نیشان دان بە ئامای وەهار

جە پای سەربەرزان گوڵ سۆسەن قەتار
بەستەن   تا  کەرۆ   خێرئامای   وەهار

وەنەوشە جە باخ نە تۆی زەل و خار
ئامان وە پێشۆاز سەر قافڵەی وەهار

بۆژانە و چنوور شەوبۆی سەرکۆسار
گردیشا    چەنی   بەقی     لا نسار

ڕازناشاوە     سەیرانگا  و   کۆسار
تا بد٘ا موژدەی فەسڵی نەو وەهار

قەڵەم قاسێرەن پەی وەسفی وەهار
ماشەڵڵا قودرەت    زانای   کردێگار

رەنگ و بۆی وەهار نەوسوەیل ڕەشتەن
کەش و  کۆ  و کۆسار ماچی بەهشتەن

سارا و دەر و دەشت وێشا ڕازنان
زماوەنشانەن   وەهارشا    ئامان

"سەیوان" یانەی دڵ ئارامگای خەمان
بە تۆ چێش ماچا نەو وەهار   ئامان؟

#سەیوان ئێبراهیمی

بەیدێ بەیدێ  وەهارەن
وەرزی گوڵ و گوڵزارەن

فەسڵی وەشوو وەهاری
وەختوو شکۆفەو داری

وەختوو شاد٘ین و وەشی
بلمێ سەیران پەی کەشی

هەواش پاک و بێ گەردەن
دەرمان و  دەوای  دەردەن

بوڵبوڵ بە دەنگی وەشش
سیما و ڕۆخساری گەشش

موانۆ کەرۆ چڵاوچڵ
ڕەفێقاش چڕۆ بە دڵ

ئینە گرد جە وەهارەن
وەرزی دڵ و  دڵدارەن

بە ڕاس  ئەجۆ   بەهەشتەن
وەختی سەیران و گەشتەن

#شاهۆ مەعازی

یانە سەردەن..

وەهار! 
وەرزیە وێنە ئاسا نە ڕوی پەردەن..
تاسەو هەناسەو خەیاڵی،
  ساڵ و مانگەن ڕەنگش زەردەن..
ژیوای_ ژەمەنش ویەردەن!

لادەر پەردە..
 سەرەی سڕ و دڵی مەردە؟!
چەمەڕایی و ئینتێزاری،
شەوگارانوو هەسارەکاو ئاسماننوو بێ‌قەراری، 
شێعرەو تۆ بێ!
          جن جن کریا..
وەشەویسیت!
مووسیقا بێ،
   تۆمار کریا و
      وڵاتوو مەرگینە ژەنیا...

لادەر پەردە..
  یانە سەردەن،
دەک بێ خەوەر! 
مەرگیچ_ ژەمەنش ویەردەن..

#فەرشید مورادی


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، سەیوان ئێبراهیمی(گوازی)، فەرید زاوەری، فەرشید مورادی، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۳۹)،
نوشته شده در تاریخ پنجشنبه 27 اردیبهشت 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2