کەلەبەروو شێعرا(٥۳)

(1)
نەبیەیت سپارام
دەسوو قەڵەمی...

مەر خوڐا زانۆ
زوانش چێش کێشۆ... ؟

(2)
نەبیەیتەنە
وێم کێشووە

پێسه جگەرەی
تەنیایینە وێش کێشۆوە... !

(3)
هەتیمی شێعرێم
بێدەنگی تۆنە ڕوودارەنە

سەرشی تاقەتش
ئۆقرە نامایتنە

(4)
وسسس...!
چرکە نەجمنی لەفزت هەوانە

تا بە نوقتێو
دەمبەس کەروو بۆخچەو وتەیم

#ب.م.(شارۆ)

جە هەر کەسێوە زەریفیت سانان
بێ شک نەقاشی بێ وێنە و دانان

ئانە عاشق بۆ ئەزەڵ تا ئیسە
مەکتەبخانەتنە وەشەسیایش وانان

زەمزەم و تەشار خەجاڵەت مجا
پاڵ دەموو تۆنە ماچی شاو هانان

بەرزی باڵاکەیت دوورەو دیارا
چوون بینای وەرچەم خانەقا و خانان

جاموو باخەڵێت سا چی شێت نەبۆ
کامە زەریفین تۆوە نەواران؟

زوڵفی دێزوو تۆ مجیورە بازار
مەشام بۆش کێشۆ هەتاکوو تاران

ڕەگوو تەوەنێ جمنی بنەوە
(شارۆ)وە پەی تۆ هەزار جار هانان

واچەم کام چەما پۆتەو نەگوڵیۆ
عەجەب تەڕاحێو نەخشش وناران؟!

#ب_م_شارۆ
ئێمشەو  خامەکەم  بە  یاد٘وو چەمات
بە هەرسەش نە ڕۆی قاقەز پێسەش وات

خەیلێن یانەی دڵ بە عەشقوو چەمات
ئاوپاشیم   کەردەن  پەرێ   نیم نێگات

پەی دڵوەشی دڵ نیشان دەر وەفات
دڵ تەیری بەندی قەفەسەن جە لات

بە نیم نێگای ناز سەوڵی ناز پەروەر
وێرانەی دەروون دیسان ئاوان کەر

هەڵۆی بەرزە فڕ ساتێ بد٘یە وەر
شکارت کەردەن دڵەی دەربەدەر

تا دڵەی سۆتەی زام زەدەی خەتەر
نەویەن بە زوخاڵ وێت نجاتش دەر

وەرنە  ئازیزم  تا  یەومەلمەحشەر
دڵەی زامدارم پەی تۆن دەربەدەر

#سەیوان ئێبراهیمی


ادامه مطلب

طبقه بندی: فرهنگی و هنری، اجتماعی، ادبیات/شعر، بێهرووز محەمەدپوور(شارۆ)، سەیوان ئێبراهیمی(گوازی)، ئاکۊ مارانی، زوانی هه‌ورامی، یاوه‌ر هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۳)،
نوشته شده در تاریخ پنجشنبه 1 شهریور 1397 توسط همایون محمدنژاد

چارەسەری سرووشتیی نەوەشییە سەرەتانییەکا/ئاکۆ مارانی



وەنەری ئازیز، ھەر یاگېۋو جەھانییەنە ھەنۍ، پېسەو کۊمەکۍ و فریاگوزاریی کۊمەڵایەتیی، ئی ڕەچەتەیە پەی یار و یاۋەرانو وېت بکیانە، تاکو خەڵکی چە نەوەشییە سەرەتانی و وەرەمییەکا و ھەر پاسە چە ھەژموونی خراپو دەرمانە کیمیاییەکا و وابەستەیی بازارو کارخانە دەرمانسازەکا، ڕزگاربۊ .
کەرەسۍ ئاماڎەکەرڎەی دەرمانەکەی:
-  ٥٥٠ گرامۍ چۆڼەرە سوورۍ
-  
-   ٢٠٠ گرامۍ ساقە کەرەوز/کەرەفس (کەرەوزە گۆرەکە)
-  
-  ٢٠٠ گرامۍ گېزەرۍ
-  
-  ٣٠ گرامۍ سېفی
-  
-  ٢٠ گرامۍ ترەۋە سوورۍ

چنی درۊسکەرڎەی دەرمانەکەی:
گرڎو کەسەرەکا بە مەکینەو ھاڕای و شەربەت-درۊسکەرڎەی (میکسەر)  بکەرە بە شەربەتە و کەرەشەنە دلۍ شیشۍ و دلۍ یەخچاڵییەنە پارېزنەش.
چنی بەکاربەرڎەی و واردەیش:
- پەی ماۋەو ٤٢ ڕۋا گرڎ ڕۋا بە بەردەۋامی و بەبۍ ڕۊ-ۋیارای، ھەر ڕۋېۋ چنی وەرمەنە ھۊرزەتەی پەرداخېۋ یان زیاتەر چە شەربەتە ئاماڎەکریێکۍ بوەرۆ. 
- بەڵام ۋیرت نەشۊ، چە ئا ماۋەنە، مشیۊ بەھیچ جۊرېۋ گۊشت و شیرینی نەوەری و ھەر پاسە ھیچ جۊرە پڕۆتینېۋی تەر ..
- ئەر فرە ئاورات بی، چاشتو تەڕەکاڵی [لوبیا و کوولەکۍ و باینجانی و … بوەرە بەڵام فرە نەگرینیشا] یان شەربەتۊ تەڕەکاڵی [تەماتە و کوولەکۍ] یان شەربەتۊ مېۋەی کە وېت درۊسەکەردېبۊ و بەبۍ قەڼ.

ھۊرگېڵنانی پەی زۋانی ھۆرامی: ئاکۊ_مارانی




طبقه بندی: اجتماعی، شهرها و روستاهای هورامان، پزشکی، ئاکۊ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،چارەسەری سرووشتیی نەوەشییە سەرەتانییەکا/ئاکۆ مارانی،
نوشته شده در تاریخ پنجشنبه 1 شهریور 1397 توسط همایون محمدنژاد
ئەژناسنای کتێبەکاو نویسەراو هەورامانی(۱۰)معرفی کتاب های نویسندگان در حوزه های مختلف(۱۰) 


#گوڵزارووهەورامانی/عەبدوڵڵا حەبیبی

#هەواروو عەشقی/مۆمن یەزدانبەخش

#هەنسکەو هەنگی/ئەمین حاجی زەڵمی

#ئەلف و بای هۆرامی/ئاکۆ مارانی
هەورامان هانەبەرچەم




طبقه بندی: فرهنگی و هنری، ادبیات/شعر، اخبار، زوانی هه‌ورامی، عه‌بدوڵڵا حه‌بیبی، موحەممەدمۆمن یه‌زدانبه‌خش، ئاکۊ مارانی، ئه‌مین حاجی زەڵمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ئەژناسنای کتێبەکاو نویسەراو هەورامانی(۱۰)معرفی کتاب های نویسندگان در حوزه های مختلف(۱۰)،
نوشته شده در تاریخ سه شنبه 30 مرداد 1397 توسط همایون محمدنژاد
 گلېرۆکەرڎەی پەڕتووکۍ و پەڕتووکڵۍ و دیۋانی و دەسنۋیسە زۋانی ئەڎایی (زۋانی ھۆرامی) : کاکەئاکۊ_مارانی

سڵام  ھۆرامی-نۋیسی ئازیز،
ئومېڎوازەنا کە سڵامەت و دڵوەش و چە وەی دووربی  

بەڕێز، پاسە کە وېت ئاگاڎارەنی، پەی گلېرۆکەرڎەی و ئەژناسنای و دیگیتالېزەکەرڎەی و پارېزنایشا چە فۆتیای : پەڕتووکۍ و پەڕتووکڵۍ و دیۋانۍ و نۋیسیێ ھۆرامیۍ  (ئانۍ کە بە زۋانی ھۆرامی نۋیسیێنۍ) من* پەڕتووکخانېۋی ئینتەرنێتی چە (  issuu, google+, pinterest, facebook, google Drive, twiter, tumblr, linkedin, google books,   )کەرڎەنۆ و خەریکو گلېرۆکەرڎەی پەڕتووکۍ و پەڕتووکڵۍ و دیۋانی و دەسنۋیسە ھۆرامییەکا ھەنا.

پەی ئا مەبەسەیە، چە تۊی ئازیزیچ وەشئامای کەروو و ئومېڎوازەنا بە نۋیستە ھۆرامییەکا وېت ڕەفەکا (پەڕتووکخانەی ئۆنلاینی ھۆرامی) پەڕکەرېۋە و بە بەشداریکەرڎەو وېت پڕۆژەکەی سەرکۆتەکەری و کەرېش بە بنکە داتێۋە، پەی زۋانی ھۆرامی.
پەی زیاتەر ئاشنابیەی بە پڕۆژەکەی و پڕۆژە ھۆرامییەکا تەری، متاۋی سەردانی ئی پەڕیانەیە بکەری
https://sites.google.com/view/horami/home

سەرنج: پەڕتووکخانەی ئۆنلاینی ھۆرامی سەرچەمېۋی ئازاڎ و ئەۋەکریان و دارایی ھیچ کەسېۋی نیا، من تەنیا سەرپەرشتیکەرېۋی گمنامو پڕۆژەکەیەنا و گرڎ مافېۋو نۋیسیاکا پەی نۋیسەرەکاشا گېڵۊۋە و بېجگە نۋیسەرەکاشا، ھیچ کەسی تەر ئا مافەشە نیا،  کە بە نۋیسیاکاو پەڕتووکخانەی ئۆنلاینی ھۆرامی، بازرگانیکەرۊ.

جارېۋتەر سڵام و وەشەۋیسی و  ستاییش پەی تۊی دڵسۊزو زۋانی ئەڎایی (زۋانی ھۆرامی) ...

برا و دڵسۆزت
 #ئاکۊ_مارانی



طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، ئاکۊ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،گلېرۆکەرڎەی پەڕتووکۍ و پەڕتووکڵۍ و دیۋانی و دەسنۋیسە زۋانی ئەڎایی (زۋانی ھۆرامی) : کاکەئاکۊ_مارانی،
نوشته شده در تاریخ پنجشنبه 16 فروردین 1397 توسط همایون محمدنژاد
.: Weblog Themes By Abdollah Habibi :.