بابەتێو جە کاکەئاکۆ مارانی سەروو ڕانویسەهەورامیەکاو ئارۆی


کاک هومایون گیان  سڵام و ڕێز

ئومېڎواز هەنا، کە تەندرۊس و چە وەی دوور بی.

 ئی پەڕتووکەیە بە تۊی ئازیزی پېشکەشکەروو، ئومېڎواز هەنا، کە  من چە سەرنجا و ڕەخنا وېت بېبەشنەکەری و بە سەرنجۍ و ڕەخنەکا وېت، ۋەرچەمو منیش ڕۊشکەری.

دۋبارە سڵام و وەشەۋیسی
ئاکۊ مارانی

برای دانلود(پیاده کردن مطلب)بر روی لینک زیر کلیک کنید:

په‌ی ئه‌ره‌گێرته‌ی(ئه‌ر‌ه‌وه‌زنا‌ی)سه‌روو ئی لینکیه‌وه‌  کلیک که‌ردێ:


http://s4.picofile.com/file/8370470026/Elfabeti_Horami.pdf.html




طبقه بندی: فرهنگی و هنری، ادبیات/شعر، زوانی هه‌ورامی، ئاکۆ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بابەتێو جە کاکەئاکۆ مارانی سەروو ڕانویسەهەورامیەکاو ئارۆی،
دنبالک ها: بابەتێو جە کاکەئاکۆ مارانی سەروو ڕانویسەهەورامیەکاو ئارۆی،
نوشته شده در تاریخ یکشنبه 3 شهریور 1398 توسط همایون محمدنژاد
فه‌رهه‌نگی هۆرامی به‌ هۆرامی «هه‌مانۊ زۋانی هۆرامی» 

 ۋەڵنیازېۋە‌ پەی ۋه‌رو چەماو شمه‌ وه‌نه‌ره‌ وه‌شه‌ۋیسه‌کا

چه‌ دۋی‌ ساڵی ۋیه‌رده‌یه‌نه‌‌، من ۋەڵنیازیۋه‌م بە ئی دلینۆ: چه‌ ئی ڕۊزگارەنه‌ هه‌م پەی پاڕېزنای زۋانی هۆرامی و هه‌م پەی  به‌شداریکه‌رڎه‌ی چه‌ درۊسکەرڎەی زۋانی یۊگېرته‌ی هۆرامینە، هه‌نگامۍ یه‌که‌مه‌ پەنەوازییما به‌ فه‌رهه‌نگېۋی هۆرامی به‌ هۆرامی هه‌ن، که‌ گرڎو بنە-دیالێکتە هۆرامییه‌کا هه‌ر چه‌ کوێتەو پاکستانی، تاکو خۆراسان و که‌نووله‌ و ھۆرامان و چاگۆ تاکو  خانەقین و زه‌نگه‌نه‌ و موسڵ و کەرکووک چنەش‌ به‌شداریکه‌را، پەی ئا ھەرمانۍ‌  پەنەوازییما به‌ فه‌رهه‌نگېۋی ئه‌له‌کترۆنی (ئینته‌رنێتی) هه‌ن، ۋەڵنیازەکەېم پەی فره‌ دۊس و ئاشنایا کیاستېنە‌.

ڕاستییه‌که‌ش چڼ ساڵېۋا خولیاو ئی ۋەڵنیازۍ ھەنا و پەی ئا مه‌به‌ستەیه‌ چنی فرە که‌سا په‌یوه‌ندیمکه‌رڎه‌ن، به‌ڵام به‌داخۆ‌ که‌سیشا ئاماڎه‌ییش به‌رنه‌ۋسته‌ن.



ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ئاکۆ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،فه‌رهه‌نگی هۆرامی به‌ هۆرامی «هه‌مانۊ زۋانی هۆرامی» /ئاکۆ مارانی،فه‌رهه‌نگی هۆرامی به‌ هۆرامی «هه‌مانۊ زۋانی هۆرامی» /ئاکۆ مارانی،
نوشته شده در تاریخ چهارشنبه 9 آبان 1397 توسط همایون محمدنژاد
ھۆرامی-نۋیس Horami-nṽis:ئاکۆ مارانی

یەکەمین ھۆرامی-نۋیس کە بە بېیەی و بەبۍ بېیەی پەیوەندی ئینتەرنێتیی متاۋیۊ پەی نۋیستەی بە ھۆرامی بەبۍ بېیەی کیبۆردۍ ھۆرامیی و ئارامیۍ ئەرەمەزیێ سەرو دەزگاو بەکاربەریی [دێسکتۆپ، لێپتۆپ، تێبلێت، ئایپێد، مۆبایل-فۆن] بەکاربریۊ و ھەر پاسە متاۋیۊ پەی 
- فاڕای نۋیسیای چە ئەلف و بای ئارامی پەی ئەلف و بای لاتینی و چە ئەلف و بای لاتینی پەی ئەلف و بای ئارامی،
- نۋیستەی بە ئەلف و با ئۆروپییەکا و فاڕایش پەی ئەلف و بای ھۆرامی-ئارامی،
- یونیکۆدکەرڎەو نۋیستە کۊنەکا، کە بە فۆنتە نا-یونیکۆدەکا (عەلی-فۆنتۍ و دیلان-فۆنتۍ) و (کیبۆردە فارسیی و عەرەبییەکا) نۋیسیێنۍ، 
- نۋیستەی بە ئەلف و با ئۆروپییەکا و فاڕایش پەی ئەلف و بای ھۆرامی-لاتینی،
- نۋیستەی بە ئەلف و بای ئارامی بەبۍ بېیەی کیبۆدۍ ئارامیۍ و
- .... تد
ھۆرامی-نۋیس تاکە پەڕلېۋی ئینتەرنێتیی فرە گولانەن، کە فرە بە ئاسانی متاۋیۊ دلۍ دەزگاکانە و سەرو ھەمانە دیگیتاڵەکاۋە [یو‌ئێس‌بی USB، ئێس‌دی‌کارت SD-Card و مایکرۆ-ئێس‌دی‌کارت Micro-SD و دیسکی بەرینە External HDD] پاشەکۆتکریۊ و ھەردەم ۋەرباخەڵەنە چنی وۍ ھۊرگېریۊ و گرڎ یاگېۋەنە ۋەردەس بۊ.
پەی ئانەی کە گرڎ کاتېۋ پەڕلەو (ھۆرامی-نۋیسی) ۋەردەس بۊ، دماو ئەرەگېرتەیش چە ئا لینکەنە و پاشەکۆتکەرڎەیش، پەڕلە پەسیاکەی (Zip file) دلۍ بۊخچېۋیەنە (Folder) و ئەۋەکەرڎەی پەڕلە پەسیاکەی (Horami-nvis v1.0)، سەرو پەڕلەکەی (Horami-nvis v1.0)  کلیککەرە و بەپاو ئانەی چ وێبگېڵېۋ (web-browser) بەکاربەریۊ، پەنجەرېۋی ئاسایی ئینتەرنێتیی کریۊۋە. 
پەی ئانەی گرڎ جارېۋ پەنەوازیی بە ئەۋەکەرڎەی پەڕلەکەی نەبۊ، چە بەشۊ ڕېکۋستەو وێب-گېڵەکەو وېتەنە، پەنجەرەو (ھۆرامی-نۋیس)ی کەرە بە پەنجەرەی سەرەکی-بنەمایی وێب-گېڵەکەو وېت، تاکو گرڎ کاتېۋ چنی ئەۋەکەرڎەی ئینتەرنێتی، یەکسەر (ھۆرامی-نۋیس) ۋەردەس بۊ. ھەڵبەتە پەی بەکاربەرڎەی (ھۆرامی-نۋیس)ی پەی نۋیستەی بە ھۆرامی و فاڕای نۋیستە کۊنەکا بە یونیکۆد و بەشەکا تەریچش، ھیچ پەنەوازیېۋ بە بېیەی پەیوەندی ئینتەرنێتیی نېیا، چونکە پەڕلەو (ھۆرامی-نۋیس)ی سەرتەل (online) و بەرتەل (offline) ھەرمانەکەرۊ.
پەی ئانەی کە ھۆرامی-زۋانۍ و ھۆرامی-نۋیسەکۍ چە پابەڼیی کیبۆردە نا-ھۆرامییەکا ڕزگارشا بۊ و بتاۋا بە ھۆرامی بنۋیسا و بە بەکاربەرڎەی پیتە ھەڵە و ناھۆرامییەکا پېسەو (ذ  ،  ؤ ، ...تد) ناچارېنەبا، پەڕلەو (ھۆرامی-نۋیس)ی پەی یار و یاۋەر و خویشانو وېت، پەی گرڎو پەیوەندییە کۊمەڵایەتییەکا وېت بکیانە.

لینکو ئەرەگېرتەی (ھۆرامی-نۋیس)ی
https://sourceforge.net/projects/horami-nvis/files/Horami-nvis v1.0.zip/download

یانەو ئایتی ھۆرامانی
https://www.facebook.com/horaman.IT.club
https://t.me/Horaman_IT_Club
----------------------------------------------------
فەرھەنگڵەو ۋاچا
دەزگاو بەکاربەریی : نموونە ( دێسکتۆپ، لێپتۆپ، تێبلێت، ئایپێد، مۆبایل-فۆن و ...تد)
عەلی-فۆنتۍ و دیلان-فۆنتۍ : کۊمەڵېۋ ۋېنە-فۆنتۍ بېنۍ، کە ساڵۊ ١٩٩٧، ئا کاتە پەی نۋیستەی (کرمانجی و سۆرامی و ھۆرامی -ئارامی) کیبۆردۍ نەبېنۍ و ئا ۋېنە-فۆنتۍ گنېنۍ سەرو پیتە عەرەبییەکا پەی نموونەی پیتۊ (ڤ) گنۍ سەرو پیتۊ (ظ)، (گ) گنۍ سەرو پیتۊ (ط) و کاتېۋ کە نۋیسەر ئا ۋېنە-فۆنتېشە نەبیێنۍ، نۋیستەکۍ تېکەڵوپېکەڵ و ھەڵە، پیتە بنەڕەتییە عەرەبییەکۍ بەرگنېنۍ.
دیلان-فۆنتۍ : کۊمەڵېۋ فۆنتۍ نا-یونیکۆدۍ بېنۍ، کە بەرھەمو (KurdSoft.com) بېنۍ و ئاڎېچۍ ھەمان گرفتو (عەلی-فۆنت)اشا بۍ و سەردەمو نەبېیەی فۆنت و کیبۆردۍ یونیکۆدېنە بەکاربریېنۍ.
USB : ھەمانۊ پاشةکۆتکەرڎەی بەرەکیی کۆمپیوتەریی
SD-Card و Micro-SD : ھەمانۊ پاشةکۆتکەرڎەی بەرەکیی کامێرای و مۆبایلی و تێبلێتی
External HDD : ھەمانۊ پاشەکۆتکەرڎەی بەرەکیی، کە قەبارەش چە ھەمانەکا تەری گۆرەتەرا
Zip file : پەڕلە پەسیا و جەڕدریا، یان بۊخچەی پەسیا و جەڕدریا
Folder : بۊخچە
Web-browser : وێب-گېڵ، ئامرازو بەکاربەرڎەی و گېڵای ئینتەرنێتنەتە، نموونە
 Firefox, Opera, Safari, Internet-Explorer, Google Chrome
online : سەرتەل ، سەرو خەتو ئینتەرنێتیۆ
offline : بەرتەل ، بەرو خەتو ئینتەرنێتیۆ



طبقه بندی: فرهنگی و هنری، ادبیات/شعر، زوانی هه‌ورامی، ئاکۆ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ چهارشنبه 9 آبان 1397 توسط همایون محمدنژاد
دیاری (جەژنۊ ھەناری )ئاکۊ_مارانی

به پاو کیاناو وتارێو جە کاکەئاکۆ مارانی پە ی  "#'هه‌ورامان هانه‌به‌رچه‌م'' دیاری (جەژنۊ ھەناری)
#ئاکۊ_مارانی
٢٥و نۆڤەمبەرو ٢٠١٨

ڕەنگا پەی ئی سەردەمەیە (جەژنۊ ھەناری) جەژنېۋە تازۍ بۊ، بەڵام ئەر سەرنجو کولتوورو ناوچەو ھۆرامانی بڎەیمۍ، گلېرۆکەرڎەی بەرو ھەر درەختېۋی پەی وېش جەژنېۋە بیېنە، چونکە جارا گرڎ ھەرمانېۋە و گلېرۆکەرڎەی بەرو درەختا و باخەکا بە ھەرەوەزیی بېیەن و ھەرەوەزیچ پەی وېش جەژنەنە، چونکە خەڵکی وەشی و ناوەشی وېش چنی ھامسای و ھامدەگایی و ھەم-جۊرەکا وېش بە ھەرەوەزیی بەشکەرڎەن و دلۍ ئاڎیچییەنە، ئەر بەرھەم فرە بېیەبۊ، چە بەرھەمەکەی بەشۊ خەڵکی دریان و ئەر کەسېۋ بەرھەمش کەم بېیەبۊ یان دەرامەتش نەبېیەبۊ، کەسا تەری بەشدان و ھەرگیز خەڵکو دەگێ ناستەن، کە کەسېۋ ئاورا و بېبەش بېیەبۊ.

ئانە کە چېگەنە و ئی ڕۊ و پەی ئی ساڵی گەرەکما پېسەو دیاریېۋی بە شمەی ئازیزش پېشکەشکەروو، نە ھەناریەنۍ و نە ڕۊگنار، نە گەرەکما چە بارەو (جەژنۊ ھەناری) بنۋیسوو، بەڵکو چېگەنە گەرەکما چە بارەو چنی درۊسکەرڎەی ڕۊگناری ۋیرلېۋە بە شمەی ئازیزی پېشکەشکەروو.

چە باری ئاساییەنە، ڕۆگنارکەرڎەی یان درۊسکەرڎەی ڕۊگناری بە گرینای ئاۋۊ ھەناری و پەنەوازیی ئێریېۋی فرەی و کاتېۋی فرەی پەی گرینای ڕۆگنارەکەی ھەن.

ھەرچنە ئامانج چە گرینای و فرە گرینای ڕۊگناری بېجگە چە ھەسۆکەرڎەی ڕۊگنارەکەی، ئامانج ھۊرگېرتەی بېیەن، کە ئۆسا پېسەو ئیسەی یەخچاڵی ئەلەکتریکی نەبېیەن و ناتاۋیان چېۋەکۍ پەی کاتېۋی فرەی ھۆڕگیریا و نەخرابیا. بەڵام چە ئیسەنە گرڎ کەس یەخچاڵی ئەلەکتریکیش ھەن و ئا گرفتە نەمەنەن، بە پېچەۋانۊ ئیسە گرفتو سۊتەمەنی ھەن.

یۊ چە ئا ڕا تازا کە پەی ڕۆگنارگېرتەی یان درۊسکەرڎەی کریۊ بەکاربریۊ، ھەسۆکەرڎەی ئاۋۊ ھەنارانە ۋەرو دەمو پانکەینە (ئامرازو فینککەرڎەی یانەی)، کە ھەم ڕۊگنارەکە نمەسۊچۊ و ھەم ھەرمانېۋە فرېش گەرەکە نېیەنە، تاکو کەسېۋ یان چن کەسېۋ بەردەۋام قازانۊ ڕۆگنارەکەی تېکەدا و نازا بنەگېرۊ.

دماو ئەۋەشتەی ھەنارەکا و تەکنای دڼگەکاشا و شېڵای دڼە ھەنارەکا و گېرتەی ئاۋۊ دڼەکا، ئاۋۊ ھەنارەکا کەرمېنە سینی و سینییەکا ۋەرو دەمو پانکەینە (یان چېرو سپلیتییەنە) منیەیمېرە، تاکو وردە وردە ڕۊگنارەکە ھەسبۊۋە و بۊ بە ئا ڕۊگنارە کە وېما گەرەکمانە و بە دڵمانە.

چېۋېۋ کە مشیۊ ئېمە ۋەرو چەماش گېرمۍ، ئانەن، کە ھەرگیز ڕۊگنار دلۍ سینی فافۊنی یان نایلۆنی و پلاستېکییەنە ھەسنەکەرمېۋە و ھۊرنەگېرمۍ، چونکە تشیی ئاۋۊ ھەنارەکەی چنی ئا مادا تیکەڵیی کیمیایی درۊسکەرۊ و پەی تەندرۊسی زیانبەخشا. 

ۋەرو ئانەی خاستەرا کە دلۍ سینی شیشەینی یان سینی ستیل'یەنە ئاۋۊ ھەنارەکەی ھەسەکەرمېۋە و ھەر پاسەیچ پەی ھۊرگیرتەی و بەخشای و ۋرەتەیچ، ھەر مشیۊ دلۍ بتڵی شیشەینی کریۊ، تاکو ھیچ زیانېۋ بە تەندرۊسی وېما و کەسانېۋی کە چە ئېمەش مسانا، نەیاۋۊ.

سەرنج : یۊ چە تایبەتمەڼییەکا ئاۋۊ ھەناری یان رۊگناری ئانەن، کە ۋەرو تشیش نمەخرابیۊ و وېش چە وېش پارېزگاریکەرۊ. بەڵام بە مەرجېۋ کە تاکو ڕادەو تەمام ھەسۆبېیەی، ئاۋەکېشکەمشکەردەبۊ.

ئومېڎوازەنا دیارییەکەو من بە باخەۋانەکا ھۆرامانی کۊمەککەرۊ و ھەر پاسە تاۋابۊم دیاریېۋی پاییزانە بە بە گرڎ کەسېۋی کە حەزش چە ڕۊگناری و چاشتی و سالاتو ڕۆگناری ھەن، پېشکەشکەروو. دیاری شوانەی شنگیەنە یان ھاڵەکۊکی



طبقه بندی: فرهنگی و هنری، ادبیات/شعر، زوانی هه‌ورامی، ئاکۆ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ دوشنبه 7 آبان 1397 توسط همایون محمدنژاد
کەلەبەروو شێعرا(٥۳)

(1)
نەبیەیت سپارام
دەسوو قەڵەمی...

مەر خوڐا زانۆ
زوانش چێش کێشۆ... ؟

(2)
نەبیەیتەنە
وێم کێشووە

پێسه جگەرەی
تەنیایینە وێش کێشۆوە... !

(3)
هەتیمی شێعرێم
بێدەنگی تۆنە ڕوودارەنە

سەرشی تاقەتش
ئۆقرە نامایتنە

(4)
وسسس...!
چرکە نەجمنی لەفزت هەوانە

تا بە نوقتێو
دەمبەس کەروو بۆخچەو وتەیم

#ب.م.(شارۆ)

جە هەر کەسێوە زەریفیت سانان
بێ شک نەقاشی بێ وێنە و دانان

ئانە عاشق بۆ ئەزەڵ تا ئیسە
مەکتەبخانەتنە وەشەسیایش وانان

زەمزەم و تەشار خەجاڵەت مجا
پاڵ دەموو تۆنە ماچی شاو هانان

بەرزی باڵاکەیت دوورەو دیارا
چوون بینای وەرچەم خانەقا و خانان

جاموو باخەڵێت سا چی شێت نەبۆ
کامە زەریفین تۆوە نەواران؟

زوڵفی دێزوو تۆ مجیورە بازار
مەشام بۆش کێشۆ هەتاکوو تاران

ڕەگوو تەوەنێ جمنی بنەوە
(شارۆ)وە پەی تۆ هەزار جار هانان

واچەم کام چەما پۆتەو نەگوڵیۆ
عەجەب تەڕاحێو نەخشش وناران؟!

#ب_م_شارۆ
ئێمشەو  خامەکەم  بە  یاد٘وو چەمات
بە هەرسەش نە ڕۆی قاقەز پێسەش وات

خەیلێن یانەی دڵ بە عەشقوو چەمات
ئاوپاشیم   کەردەن  پەرێ   نیم نێگات

پەی دڵوەشی دڵ نیشان دەر وەفات
دڵ تەیری بەندی قەفەسەن جە لات

بە نیم نێگای ناز سەوڵی ناز پەروەر
وێرانەی دەروون دیسان ئاوان کەر

هەڵۆی بەرزە فڕ ساتێ بد٘یە وەر
شکارت کەردەن دڵەی دەربەدەر

تا دڵەی سۆتەی زام زەدەی خەتەر
نەویەن بە زوخاڵ وێت نجاتش دەر

وەرنە  ئازیزم  تا  یەومەلمەحشەر
دڵەی زامدارم پەی تۆن دەربەدەر

#سەیوان ئێبراهیمی


ادامه مطلب

طبقه بندی: فرهنگی و هنری، اجتماعی، ادبیات/شعر، بێهرووز موحەممەدپوور(شارۆ)، سەیوان ئێبراهیمی(گوازی)، ئاکۆ مارانی، زوانی هه‌ورامی، یاوه‌ر هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۳)،
نوشته شده در تاریخ پنجشنبه 1 شهریور 1397 توسط همایون محمدنژاد

چارەسەری سرووشتیی نەوەشییە سەرەتانییەکا/ئاکۆ مارانی



وەنەری ئازیز، ھەر یاگېۋو جەھانییەنە ھەنۍ، پېسەو کۊمەکۍ و فریاگوزاریی کۊمەڵایەتیی، ئی ڕەچەتەیە پەی یار و یاۋەرانو وېت بکیانە، تاکو خەڵکی چە نەوەشییە سەرەتانی و وەرەمییەکا و ھەر پاسە چە ھەژموونی خراپو دەرمانە کیمیاییەکا و وابەستەیی بازارو کارخانە دەرمانسازەکا، ڕزگاربۊ .
کەرەسۍ ئاماڎەکەرڎەی دەرمانەکەی:
-  ٥٥٠ گرامۍ چۆڼەرە سوورۍ
-  
-   ٢٠٠ گرامۍ ساقە کەرەوز/کەرەفس (کەرەوزە گۆرەکە)
-  
-  ٢٠٠ گرامۍ گېزەرۍ
-  
-  ٣٠ گرامۍ سېفی
-  
-  ٢٠ گرامۍ ترەۋە سوورۍ

چنی درۊسکەرڎەی دەرمانەکەی:
گرڎو کەسەرەکا بە مەکینەو ھاڕای و شەربەت-درۊسکەرڎەی (میکسەر)  بکەرە بە شەربەتە و کەرەشەنە دلۍ شیشۍ و دلۍ یەخچاڵییەنە پارېزنەش.
چنی بەکاربەرڎەی و واردەیش:
- پەی ماۋەو ٤٢ ڕۋا گرڎ ڕۋا بە بەردەۋامی و بەبۍ ڕۊ-ۋیارای، ھەر ڕۋېۋ چنی وەرمەنە ھۊرزەتەی پەرداخېۋ یان زیاتەر چە شەربەتە ئاماڎەکریێکۍ بوەرۆ. 
- بەڵام ۋیرت نەشۊ، چە ئا ماۋەنە، مشیۊ بەھیچ جۊرېۋ گۊشت و شیرینی نەوەری و ھەر پاسە ھیچ جۊرە پڕۆتینېۋی تەر ..
- ئەر فرە ئاورات بی، چاشتو تەڕەکاڵی [لوبیا و کوولەکۍ و باینجانی و … بوەرە بەڵام فرە نەگرینیشا] یان شەربەتۊ تەڕەکاڵی [تەماتە و کوولەکۍ] یان شەربەتۊ مېۋەی کە وېت درۊسەکەردېبۊ و بەبۍ قەڼ.

ھۊرگېڵنانی پەی زۋانی ھۆرامی: ئاکۊ_مارانی




طبقه بندی: اجتماعی، شهرها و روستاهای هورامان، پزشکی، ئاکۆ مارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،چارەسەری سرووشتیی نەوەشییە سەرەتانییەکا/ئاکۆ مارانی،
نوشته شده در تاریخ پنجشنبه 1 شهریور 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2