کتێبه‌کاو نویسه‌را نه‌سرنویسێ هه‌ورامانی

کتابهای نویسندگان نثرنویس هورامان


      هورامان هانه به رچه م  کتابخانه هه ورامان(یانه وکتێبۆ هه ورامانی)   هورامان هانه به رچه م    هورامان هانه به  رچه م       

زوانی هۆرامی ودنیای مودێڕن-نامه نویسته‌ی به زوانی هۆرامی-زوانۆ ژیوای

محه‌مه‌د مسته‌فازاده  
 
هورامان هانه به رچه م  هورامان هانه به رچه م       

شازاده‌وه‌شڵه-قه‌ڵاوحه‌یوانا

کوورش ئه‌مینی

هورامان هانه به رچه م

زارا به هۆرامی-کێ په‌نیره‌کێش وڵاونانی-سیاوڵه ماساوی

سۆبحان ئه‌مینی


هه‌ورامان هانه‌به‌رچه‌م

سه‌فه‌ره‌کێ گالیوێری

هۆمایون محه‌مه‌دنژاد


هورامان هانه به  رچه م  هورامان هانه به  رچه م   هورامان هانه‌به‌رچه‌م  هورامان هانه‌به‌رچه‌م       

تارمایێ بۆگه‌نێ-داستانه‌و ده‌سکێشێوه-داستانه‌ی ناته‌مامه-هه‌ناسێوه تا یاوای

فه‌رشید شه‌ریفی

هه‌ورامان هانه‌به‌رچه‌م       

هه‌ناسێو په‌ی پڕای

ئۆمید حه‌بیبی

             هورامان هانه به رچه م     

     ماساوه سیاوڵێ

     نه‌شمیل   مه‌حموودی

         هورامان هانه به رچه م

ئه‌فسانه‌ی هه‌ورامان

باقی سه‌فاری

  هورامان هانه‌به‌رچه‌م

قه‌ڵاو کناچێ

 ڕه‌ئوف  مه‌حموودپوور


ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، زوانی هه‌ورامی، آموزشی، دینی ومذهبی، نوشتارهای همایون محمدنژاد، کۆڵه‌داستانه‌و هه‌‌ورامی، سه‌فه‌ره‌کێ گالیوێری، مه‌جه‌له‌و وانیاری، نویسندگان نثرنویس هورامان، نویستدگان؛شاعران؛هورامان، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، کوورش ئه‌مینی، موحەممەد مسته‌فازاده، عه‌بدوڵڵا حه‌بیبی، عادڵ موحەممەدپوور، ژیارسڵامه‌تیان، کوورش یوسفی(ئاریا)، مامۆسا هه‌یاس غه‌ریبی، موحەممەدره‌شید ئه‌مینی، سه‌رکه‌وت عه‌زیزی(نه‌به‌ز)، داریوش ڕه‌حمانی، ئێحسان ئه‌تابه‌ک، سوبحان ئه‌مینی، فەرید عەباسی(فەراز)، ئۆمید حه‌بیبی، سابیر عه‌زیزی، موحەممەدشه‌ریف عه‌لی ره‌مایی، فاتێح ڕه‌حیمی، فه‌تحوڵڵا ڕه‌زایی، موحەممەد فه‌هیم، مامۆسامیرزای هه‌ورامی، هادی سپه‌نجی(خاڵه‌)، عه‌دنان مورادی، مەحموود ئەزەغ(ویلان بڵبه‌ری)، فه‌رشید شه‌ریفی، نه‌عمان فائق تۆفێق(هاوار)، فه‌ریبورز موسازاده‌، بێهزاد کەریمی، جه‌مال حه‌بیبه‌ڵڵا(بێدار)، باقی سه‌فاری، بێهرووز حاجی، حسه‌ین خورا(خه‌یاڵ) ، ئۆمید ڕه‌حیمی‌نیا، مه‌سعوود ڕۆسته‌می، عه‌تا مه‌حموودی، مه‌نسوور ره‌حمانی، میلاد یوسفی، هیوا عه‌لی ڕه‌مایی، نه‌شمیل مه‌حموودی، عه‌باس ره‌شیدی(ساکار)، ئیبراھیم حاجی زەڵمی، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،کتێبه‌کا به زوانی هه‌ورامی(نه‌سر)،کتێبه‌کاو نویسه‌را نه‌سرنویسێ هه‌ورامانی کتابهای نویسندگان نثرنویس هورامان،
دنبالک ها: مـؤســسه قــرآنــی إقـــــــــرأ، قه‌ڵه‌موو هه‌ورامانی، کتابخانه‌هورامان؛یانه‌وکتێبووهه‌ورامانی، كتێبخانه‌ی كوردی ئه‌وین، سایت خبری تحلیلی هورامانات، دانشنامه‌وهه‌ورامانی، جواهر کردستان- روستای دره کی،
نوشته شده در تاریخ یکشنبه 2 شهریور 1393 توسط همایون محمدنژاد

هورامان هانه به رچه م

خه‌ڵاتێو په‌ی بابه‌ی

ده‌گه‌یوه‌نه‌ که دلێراسه‌و چن که‌شانه‌ بێ کورلێو که‌ نامش به‌کری بێ ژیوای ژیوێ.به‌ڵێ ده‌گه‌یوه‌ دووره‌،به‌ڵام ئۆڵگێو ئه‌هوه‌ن و بێ ده‌نگه‌.جوێوه‌ کرژه‌ دلێراسه‌و ده‌گاکێنه‌ ویه‌رێ.ساتێو که‌ خه‌ڵکوو ده‌گاکێ یاگه‌کێشانه‌ میژیاره‌ شڵپه‌و هۆڕه‌و ئاوه‌کێ ئێژنه‌وێنێ.چه‌وسه‌ر ده‌نگێو ته‌ر که‌ ئاذیچ بیه‌بێ به‌شێو جه‌ ژیواو خه‌ڵکه‌که‌ی ئێژنه‌ویێ؛ده‌نگوو ته‌پڵێوی گه‌ورێ که‌ چه‌وذه‌سوو ڕۆخانه‌که‌ی ئێژنه‌وینی و شۆنیه‌ره‌ ده‌نگێو ته‌ر که‌ جه‌ مزگیه‌نه‌ به‌رز بێوه‌ و خه‌ڵکه‌که‌ی داوه‌ت که‌رێ په‌ی نماوانای.

باباو به‌کری بێ که‌ گرذ ڕوێو چه‌وسه‌ر ئی ده‌نگیشه‌ دلێ ده‌گاکێنه‌ وه‌ر دێ.باباش ده‌نگێوی زل و قۆڵش بێ،ده‌نگێو که‌ واچینی ئاسمانیچه‌نه‌ ده‌نگێ مذاوه‌.فره‌ به‌شه‌کارناس(وظیفه‌شناس)بێ و هیچ که‌یۆ بانگوو ساعبانه‌یش نه‌فۆتیێ.به‌ڵام ئا ساعبانه‌،ده‌نگوو ئاذی مزگیه‌نه‌ به‌رز نه‌بیه‌وه‌.به‌کری چی بابه‌ته‌وه‌ سه‌ره‌ش سڕ مه‌نه‌بێ.ناڕه‌حه‌ت بێ داخوم چێش قومیابۆ. داخوم بابام نه‌وه‌ش بۆ؟یام چوێو ته‌ر قومیابۆ؟وه‌ڵێنه‌ به‌کری گه‌ره‌کش بێ یاگۆ ئانه‌یه‌ بلۆ په‌ی مزگی‌ سه‌رێو دۆ یانه‌و بابه‌یش تا بزانۆ چێش بیه‌ن؟به‌ڵام هه‌رچێش که‌رذ زێڵش ناما ڕۆکه‌ی ده‌س پنه‌ که‌رۆ بێ ئانه‌یه‌ بلۆ په‌ی مزگی و نماکش وانۆ.گاهه‌زیچ یۆ مزگیه‌نه‌ په‌یذا بۆ و هه‌واڵوو بابه‌یش بزانۆ.گرذله‌یوو مزگیه‌که‌ش ڤشکنا به‌ڵام شۆنه‌مه‌یوه‌ جه‌ ریش جه‌رمه‌که‌یش نه‌ئێستۆ و که‌سیچ نه‌زانێ چکۆوه‌ن:

کورله‌که‌ به‌ ناهه‌میذی جه‌ وێش په‌رسێ:بۆدیار نه‌وه‌شین که‌وته‌بۆنه‌ یاگێ؟ساتێو که‌ نما ده‌س پنه‌ کریا،به‌کری هه‌وڵش دا سامانه‌ دۆ ویراش تا بتاوو بێخوو دڵیه‌وه‌ نماکێش وانۆ،به‌ڵام هێشتار دڵوه‌ر بێ.

شۆنوو نماکێره‌،که‌وت ڕا په‌ی یانه‌و بابه‌یش.به‌ڵام ڵاذێو مدرا،لوا فێکرێنه‌.خه‌ڵاتێو نه‌به‌رۆ په‌ی بابه‌یش؟داخۆم واذه‌و گلێره‌وه‌ که‌رذه‌ی مانکه‌نگا(مێوێوا که‌ ئه‌جۆ وه‌زیه‌نه‌)نه‌یاوان وه‌رۆ که‌ باباش فره‌ ئی مێوه‌شه‌ گه‌ره‌کا؟به‌ڵێ،وه‌ڵێنه‌ مشۆم مانکه‌نگێ فرش په‌ی به‌روو.ته‌م و مژێژ که‌رذه‌ بێ، په‌له‌په‌ل که‌وت ڕا په‌ی کۆماو مانکه‌نگای.چانه‌ په‌ڕ بێ دارێ مانکه‌نگێ که‌ درۆسه‌ی بێنێ. هه‌وا سه‌رذ بێ،به‌ڵام به‌کری پاڵتاویوی گه‌رمش که‌رذه‌ بێنه‌ و هه‌ر پاسه‌ که‌ ئه‌وه‌ سه‌ره‌کۆیی لوه‌ی لوێ سه‌ر پاڵتاوه‌که‌ی پێچنێ ده‌وروو وێشه‌ره‌. هه‌ر پاسه‌ که‌ لوه‌ی لوێ سه‌ر وه‌روو وێشه‌ره‌ واچێ ئه‌گه‌ر بتاوو مانکه‌نگێ فرێ چنوه‌وه‌ بابام چن وه‌شحاڵ بۆنه‌و سه‌ره‌ش سڕ مه‌نۆ.

شۆنوو ئانه‌یره‌ که‌ باباش مه‌ژگه‌که‌شا وه‌رێ تاوێ جه‌ پۆسه‌که‌یشا که‌ فره‌ هێقم بێ،مله‌وانێ زه‌ریفێ وه‌شێ که‌رۆ.فره‌ جه‌ ده‌گه‌ی ئیله‌و ئۆله‌ی ئا مله‌وانێ که‌ باباش به‌ پۆسوو مانکه‌نگا وه‌شێ که‌رێ،ئێژناسێنێ. هه‌ر یۆشا په‌نجا رووپیێ وره‌شیێ،وئه‌گه‌ر ئاذ تاوو ئاننه‌ مانکه‌نگێ گلێر که‌رۆوه‌ که‌ سه‌ذ ملوانش پنه‌ وه‌شێ با،ئاوه‌خته‌ باباش چن زه‌رێو به‌ ده‌س ئاذێ.ئه‌سێح وه‌شیێنه‌ کوک بێوه‌. به‌کری وه‌روو وێشه‌ره‌ واچێ:با بزانوو،ئه‌گه‌ر په‌نجا رووپیێ زه‌ربوو سه‌ذ مله‌وانا که‌ری چن که‌رۆ؟هه‌وڵش دا به‌ کلکش حه‌سێب که‌رۆ،به‌ڵام هه‌رچیش که‌رذ نه‌تاواش داواچش بێزۆوه‌. ئاخۆر ئاذ هه‌ڵای مسیاروو که‌لاسوو یه‌رێ بێ.به‌هه‌ر حاڵ باباش فه‌رێحه‌ش گنێنه‌.

به‌کری ده‌سش که‌رذ گۆرانیێ واته‌ی،به‌ڵام ناوامه‌ مدراره‌. ویرێ که‌رێوه‌،داخۆم زاوڵێ ده‌گاکێ زووته‌ر چاذی نامه‌ینێ و گرذوو مانکه‌نگه‌کا گلێرێ که‌راوه‌ که‌ هیزی شه‌وێ ڤای ڤسێننێره‌ زه‌مین؟ ئی ویره‌ بی دیارکه‌و ئانه‌یه‌ که‌ ڕانه‌ لوه‌یش کرژته‌ر که‌رۆوه‌.

تازه‌،ڕۆجیار زیابێ و ڕه‌نگیوی سووره‌ش ده‌ی بێ ئاسمانی که‌ به‌کری یاوا وه‌رۆ. به‌کری ئه‌وه‌سه‌ره‌کۆیی ڕه‌مما.واشێ فرێ که‌ په‌ی وه‌رمی ڕوانه‌ی گێڵه‌ی گێڵێنێوه‌ په‌ی لیانه‌کاشا به‌ سامی فره‌وه‌ پاڵشه‌نه‌ ویه‌رێنێ.ساتێو زاناش هه‌وه‌ڵین که‌سا یاوان وه‌رۆ وه‌شیش که‌وته‌نه‌،که‌س پانه‌ نه‌بێ. دارسانوو مانکه‌گانه‌ زه‌مین ته‌قه‌ڵبڕ بیه‌بێ چنی مانکه‌نگا.هیزی شه‌وێ ڤای تن که‌وته‌بێ مانکه‌نگێ فرێ ڕێزه‌ی بێنێره‌ زه‌مین.

به‌کری ساتێوه‌نه‌ که‌ گۆرانیێ واچێ ده‌سش که‌رذ گلێره‌وه‌ که‌رذه‌ی مانکه‌نگا.پاڵتاوه‌که‌ش که‌رذ به‌ تۆره‌که‌ که‌ مانکه‌نگێش ڤزونه‌.

به‌کری خاسته‌رین پالتاوش که‌رذه‌ بێنه‌،به‌ڵام ڕاچنش گێرت ساتێو گێڵۆوه‌ په‌ی یانه‌ی خاس شۆرۆش.

ناوامه‌ ورنگه‌ ورنگێوش ئێژنی.خه‌ریک بێ یۆ کۆماکه‌وه‌ ئه‌ی ئه‌ی سه‌ر.وه‌روو وێشه‌ره‌ واتش،مشۆم زاوڵێ ده‌گاکه‌ی با.ئه‌گه‌ر بزانا بێ ئینه‌یه‌ خه‌به‌رشا ده‌و پنه ‌چه‌وسه‌ر ئامانا په‌ی ئێگه‌یه‌ و گرذوو مانکه‌نگه‌کێم چنیێنێوه‌ تووڕێ با ده‌سمۆ و مانکه‌نگه‌کێم مسانا چنه‌.تاته‌ڕۆ،ئه‌گه‌ر وه‌روو ئی جه‌ریانیه‌ نه‌ذام ونه‌ شه‌مسم ئارذه‌ن.ته‌نیا شه‌مسش ئانه‌ بێ که‌ وه‌ڵێ ئانه‌یه‌ ویناش ویش شاراشۆ. به‌رشی په‌ی دلێ دارسانه‌که‌ی و چیروو هه‌ژگێڤه‌‌نه‌ وێش شاراشۆ.به‌کری چیروو هه‌ژگه‌کێنه‌ نیشته‌بێره‌ و ڵاڵیێوه‌ خوه‌ی نه‌ویناش.هه‌وڵ دێ که‌ پاسه‌ ئه‌هوه‌ن و بێ ده‌نگ بۆ که‌ ته‌نانه‌ت ده‌نگوو هه‌ناسه‌یچش نه‌ی.ئاننه‌شه‌ پنه‌ نه‌شی په‌نج کۆرێش دیێ ئامه‌ی سه‌ر.گرذ گه‌ورێ بێنه‌ چنه‌ش. زاوڵه‌کێ پاڵوو دارسانه‌که‌ینه‌ مدره‌یره‌،و به‌ ناهه‌میذی دیه‌ی په‌ی زه‌مینی.یۆجه‌ زاوڵه‌کا واتش:فره‌ دێر ئامه‌ینمێ. یۆته‌رشا واتش:ته‌نانه‌ت یۆچ نیا زه‌مینه‌نه‌. یه‌رۆمین واتش:چ شه‌مسیوما هه‌ن!شۆنوو ئانه‌یره‌ ئاننه‌ ئامه‌ینمێ ڕانه‌.کۆرلێو که‌ جه‌ گرذی باڵا به‌رزته‌ر بێ،ئاماوه‌ ده‌نگێ:زووته‌ر جه‌ ئێمه‌ که‌سێو ته‌ر ئامان په‌ی ئێگه‌یه‌.زاوڵه‌کا گرذ پێوه‌ره‌ هاوارشا کێشا:به‌کری!مشۆم ئاذ ئامابۆ په‌ی ئێگه‌یه‌.یۆ جه‌ زاوڵه‌کا واتش: هه‌میشه‌ ئاذ ساعبانه‌ی چه‌وسه‌ر وه‌رمه‌نه‌ هۆرزۆوه‌ تا بلۆ په‌ی مزگی. به‌کری که‌ چیروو هه‌ژگه‌کێنه‌ گرذوو ئی قسا ئێژنه‌وێ فره‌ته‌ر تۆقا و پسه‌و چیشی ڵاڵیێوه‌ خوه‌ی نه‌ویناش.یۆ جه‌ زاوڵه‌کا که‌ به‌ کلکه‌ش چیروو دارێوی نیشانوو ڕه‌فێقه‌کاش دێ واتش:بذیه‌یدێ!هێشتار یاگۆ په‌یاش مه‌حوه‌ نه‌بیێنه‌وه‌ ئاننه‌ نیا ئاذ ئێگه‌شه‌ ئاسه‌ن جێگا.یۆته‌رشا واتش:کرژێ بیدێ،ئه‌گه‌ر زوو جێممێوه‌،تاومێ بیاومش پنه‌ و مانکه‌نگه‌کاش چنه‌ بسانمێ.زاوڵه‌که‌ که‌ جه‌ گرذیشا به‌رزته‌ر بێ سه‌ره‌ش ڤسه‌بێره‌و ویرێ که‌رێوه‌.ئاخرش واتش:نا،ئی هه‌رمانێ درووسه‌ نیه‌نه‌. مه‌گه‌ر به‌کری ئاننه‌ زوو نه‌هۆرسه‌ن و که‌ هه‌م لوان په‌ی مزگی و هه‌میچ کرژ ئامان په‌ی ئێگه‌یه‌،ساتێوه‌نه‌ که‌ ئێمه‌ چیروو لێفیه‌نه‌ تسێما که‌نێنێ!؟ده‌ی سا گرذوو ئا مانکه‌نگا حه‌قوو وێشا و ئێمه‌ هیچ حه‌قێوما نیا.ئه‌گه‌ر ئێمه‌یچ یاگۆ ئانه‌یه‌ مانکه‌نگه‌کێش چنه‌ بڕفانمێ ساعبێ زوو هۆرزمێوه‌.و هه‌رپاسه‌ خاسته‌را ئێمه‌یچ په‌ی نماو ساعبی بلمێ په‌ی مزگی.زاوڵه‌کێ گرذ ته‌رێقێ بیێوه‌. هه‌ڵبه‌ت،ئاذێ زانێنێ که‌ حه‌ق پاذیا.ئه‌گه‌ر ئاذێچێ ئاننه‌ سراڵێ نه‌با،تاوا پسه‌و به‌کری په‌ی وێشا مانکه‌نگێ چێناوه‌.زاوڵه‌کێ بێ ئینه‌یه‌ که‌ قسێوه‌ ته‌ره‌ که‌را،گێڵه‌یوه‌ و ئه‌سه‌م ڤه‌سێره‌ وار. به‌کری که‌ چیروو هه‌ژگه‌کێنه‌ دیه‌ی دیێشا په‌ی،ته‌مام دڵوه‌ر بی.به‌ڵام وه‌شیش بێ دۆعه‌یش قه‌بووڵێ بیێبێنێ و ئاذشا نه‌ذیه‌بێ.به‌ڵام به‌زه‌یش ئاما زاوڵه‌کاره‌ که‌ مات و مه‌لوول گنێنێ وه‌روو چه‌ما.ناوامه‌ هۆرسته‌وه‌ و هاوارێوش کێشا و ڕه‌مما په‌ی له‌یشا.زاوڵه‌کێ مات مدره‌یره‌ و به‌ سه‌مه‌ره‌وه‌و دیه‌یش په‌ی.

ساتێو به‌کری یاواشا پۆره‌ واتش:به‌خشدێ گرذوو مانکه‌نگه‌کێم چنیێنێوه‌.به‌یدێ و به‌شوو وێتا هۆر گێردێ.ئێمه‌ مشۆم ڕه‌فێقێ عالێ بیمێ په‌ی هه‌نترینی و به‌شه‌ما رێکه‌ بۆ.په‌نج کۆرله‌که‌ هه‌رپاسه‌ مدره‌ی بێنێره‌ و ئه‌وه‌ڵ دیه‌ی په‌ی به‌کری و شۆنیه‌ره‌ دیه‌ی په‌ی هه‌نترینی.زاوڵێو که‌ جه‌ گرذی باڵا به‌رزته‌ر بێ واتش:نا،نا،ده‌س وه‌ش.به‌کری گیان.ئانێ هینوو وێته‌نێ،چوونکه‌تی زوو هۆرسه‌نیه‌وه‌ و ئامانی په‌ی ئێگه‌یه‌ و چنیێنێته‌وه‌.به‌کری هێقم نه‌مانێ ده‌سوو کورله‌که‌ی و داواچش داوه‌:شێته‌شێت،به‌ ڕاسی حه‌ز که‌روو شمه‌یچ پسه‌و من مانکه‌نگێتا با.گه‌ره‌کم بێ به‌رووشا په‌ی بابه‌یم.چوون ئارۆ ساعبێ دیارش نه‌بێ بانگ دۆ واتم ڕه‌نگا نه‌وه‌ش که‌وته‌بۆ.به‌ڵام ئیسه‌ ئه‌گه‌ر ته‌نیا به‌شوو وێم به‌روو وه‌شحاڵ بۆ.

یۆ جه‌ زاوڵه‌کا واتش:به‌ڵێ،ئارۆ ساعبێو چه‌مم پنه‌ که‌وت که‌ چنی یۆ جه‌ هامساکاش قسێ که‌رێ و ئێژنیم واتش خراب سه‌رذش بیه‌ن،به‌ڵام تا چن ڕوێ ته‌ر وه‌ش بۆوه‌ و دیسانه‌وه‌ متاوو بلۆ په‌ی مزگی. هه‌ر ئا کورله‌ که‌ باڵا به‌رزته‌ر بێ،واتش:به‌کری به‌شه‌ما مانکه‌نگێ مذۆ و شۆنیه‌ره‌ گرذێما ملمێ و گرذی به‌رمێ په‌ی بابه‌یش.پی جۆره‌ کرژ وه‌ش بۆوه‌،و ئێمه‌یچ که‌ڕه‌تێو ته‌ر متاومێ بانگش بژنه‌ومێ که‌ ده‌گانه‌ ده‌نگێ مذۆوه‌.

پی جۆره‌ ڕاچنشا گێرت.وه‌ره‌تاو بێ.زاوڵه‌کێ هه‌ر پاسه‌ که‌ ده‌سشا سه‌روو شاناو هه‌نترینیه‌وه‌ بێ و گۆرانیێ واچێنێ ڤه‌سێره‌ وار و که‌وتێ ڕا په‌ی یانه‌و باباو به‌کری.  

نویسه‌ر:جۆسران سافانۆ(ئه‌ندوونزی)

هۆرگێڵن:بێهرووز حاجی

..................................................................


ادامه مطلب

طبقه بندی: فرهنگی و هنری، اجتماعی، ادبیات/شعر، جفرافیا، اخبار، آموزشی، بێهرووز حاجی، کۆڵه‌داستانه‌و هه‌‌ورامی،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،آمبولانس خیریه روستای دزآور،چورژی،هانه‌به‌رچه‌م،هۆمایون محه‌مه‌دنژاد،بێهرووز حاجی،
نوشته شده در تاریخ پنجشنبه 21 آذر 1392 توسط همایون محمدنژاد
نویسندگان  هورامان
(
مولفین کتاب به زبان هورامی):

محه‌مه‌د مسته‌فازاده


کوورش ئه‌مینی

ئۆمید حه‌بیبی

عادڵ محه‌مه‌دپوور

ڕه‌ئوف مه‌حموودپوور


هۆمایون محه‌مه‌دنژاد

فاتێح ڕه‌حیمی

جه‌مال حه‌بیبه‌ڵڵا(بێدار)

سۆبحان ئه‌مینی

فه‌رشید شه‌ریفی

نه‌شمیل مه‌حموودی

فه‌تحۆڵڵا ڕزایی

عه‌بدوڵڵا ره‌حیمی

هێدایه‌ت حسه‌ین گوڵپێ



شاعران هورامان:

میرزا ئه‌ڵماس خان که‌ندوله‌یی

محه‌ممه‌د فه‌هیم

محه‌مه‌دشه‌ریف عه‌لی ره‌مایی

ڕه‌ئوف مه‌حموودپوور

عه‌بدۆڵڵا حه‌بیبی

جه‌مال حه‌بیبه‌ڵڵا(بێدار)

هادی سپه‌نجی

کوورش ئه‌مینی

ئۆمید حه‌بیبی

هۆمایون محه‌مه‌دنژاد

سابیر عه‌زیزی

فه‌رید عه‌باسی

سابیر سه‌عیدی

بۆرهان ئه‌خته‌ر(هورامی)

محه‌مه‌دره‌شید ئه‌مینی

محه‌مه‌د سالاری

میرزای هۆرامی

دوکتور ئه‌حمه‌د نێعمه‌تی

هه‌یاس غه‌ریبی

سه‌رکه‌وت عه‌زیزی(نه‌به‌ز هه‌ورامی)

فاتێح سه‌عیدی

سۆبحان خالێدی

مۆدرێک که‌ریمی

عه‌تا حه‌یده‌ری(خه‌مبار)

حسه‌ین خورا(خه‌یال)

سلێمان ره‌حمانی(حه‌سره‌ت)


مه‌جید به‌گی هێدایه‌تی

باقی شه‌فێعی

جه‌مال مه‌نووچهری

نامق هه‌ورامی


محه‌مه‌دسه‌لیم سه‌لیم‌پوور(خه‌مبارهه‌جیجی)

محه‌مه‌دئاشنا عه‌باس مه‌نش

که‌لسووم عۆسمان‌پوور

نه‌عمان فائق تۆفێق(هاوار)

زه‌هرا سادقی

سه‌باح حه‌سه‌نی شیانی


شۆعه‌یب خالێدی

مه‌هدی ئه‌بری(هه‌ورام)

عه‌تا مه‌حموودی

مۆرته‌زا فه‌یزی(هاوارپایگه‌ڵانی)


داستان نویسان(نثرنویس -ترجمه -داستان کوتاه) هورامان:



کوورش یوسفی(ئاریا)


ئێبراهیم شه‌مس

داریوش ڕه‌حمانی

فه‌ریبۆرز موسازاده‌

مه‌نسوور ره‌حمانی

میلاد یوسفی

عه‌بدۆڵڵا حه‌بیبی

هۆمایون محه‌مه‌دنژاد


باقی سه‌فاری

ئێحسان ئه‌تابه‌ک


مەحموودئەزەغ

بێهرووز حاجی


سەعدۆڵڵا خون خام(شەهریار)

حافێز ئه‌دوای

شه‌یدا باسامی

بێهزاد کەریمی

کامل سه‌فه‌ریان

حێکمه‌ت ئه‌مینی

تالێب ئه‌داک

هیوا عه‌لی ڕه‌مایی


کوورش(عه‌لی) سالێحی

مۆختار که‌ریمی

دوکتورئێسماعیل شه‌مس

هنرمندان(نقاشان وفیلم سازان وموسیقی دانان) هورامان:

محه‌مه‌دباقی محه‌مه‌دنژاد

په‌رویز ڕوسته‌می

حافێز ڕه‌نجبه‌ر

فه‌رید عه‌باسی

شاهۆ بابایی

زه‌کریا یووسفی

آوازه خوانان(گورانی واچ) هورامان:

عۆسمان هه‌ورامی

محه‌مه‌دحسه‌ین هه‌ورامی

سه‌باح هه‌ورامی





ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، جفرافیا، آموزشی، دینی ومذهبی، کۆڵه‌داستانه‌و هه‌‌ورامی، نویستدگان؛شاعران؛هورامان، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، کوورش ئه‌مینی، عه‌بدوڵڵا حه‌بیبی، عادڵ موحەممەدپوور، موحەممەد مسته‌فازاده، مه‌هدی ئه‌بری(هه‌ورام)، کوورش یوسفی(ئاریا)، مامۆسا هه‌یاس غه‌ریبی، فەرید عەباسی(فەراز)، موحەممەدره‌شید ئه‌مینی، سه‌رکه‌وت عه‌زیزی(نه‌به‌ز)، موحەممەدباقی موحەممەدنژاد، مه‌زهه‌ر ئه‌دوای، موحەممەدشه‌ریف عه‌لی ره‌مایی، داریوش ڕه‌حمانی، سابیر عه‌زیزی، ئێحسان ئه‌تابه‌ک، ئۆمید حه‌بیبی، سوبحان ئه‌مینی، فه‌تحوڵڵا ڕه‌زایی، موحەممەد فه‌هیم، عه‌تا حه‌یده‌ری(خه‌مبار)، فاتێح ڕه‌حیمی، په‌رویز ڕوسته‌می، مامۆسامیرزای هه‌ورامی، عه‌دنان مورادی، عه‌لی ئه‌دوای(هاوار هه‌ورامی) ، سابیر سه‌عیدی، کامل سه‌فه‌ریان، بورهان ئه‌خته‌ر(هورامی)، موحەممەد سالاری، سەعدوڵڵا خون خام(شەهریار)، شادیه مه‌قرووزی، تالێب ئه‌داک، مورته‌زا فه‌یزی(هاوارپایگه‌لانی)، بێهزاد کەریمی، بێهرووز حاجی، شۆعه‌یب خالێدی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،
نوشته شده در تاریخ پنجشنبه 14 آذر 1392 توسط همایون محمدنژاد
دووچه‌رخه‌

چی مشۆم ساکارته‌رین چێوێ شی که‌رذه‌ یشا جه‌ گرذ چێوی نکوونی ته‌ر بۆ.ئێمه‌ ته‌نیا متاومێ  به‌ یارمه‌تی وێنه‌ ی ئی چێوا واچمێ؛و وێنه‌ یچ ئێژاو باوه‌رکه‌رذه‌یش نیا. ئاخرێش نمانایۆ ده‌سباریما که‌رۆ؟ڕازێوه‌ کۆڵه‌؟

ده‌ساڵه‌ که‌ بێنێ،ئه‌وه‌ده‌ر دڵم دووچه‌رخه‌یوه بێ.به‌ڵام تاته‌م واچێ:فره‌ بێ زه‌ڕو هه‌ژارێنمێ.پا دیارکه‌و ئاذیه‌ ئێتر باسوو دووچه‌رخه‌یم نه‌که‌رذ.تا ڕوێو بازارووکه‌ل و په‌ل ئه‌رمانه‌ینه‌ به‌ ڕه‌مه‌ی ئامانێوه‌  په‌ ی یانه‌ی و به وه‌شحاڵی فره‌وه‌ یاونام که‌ چاگه‌نه‌،ده‌که‌و تاڵه‌ ئه‌زموونیه‌نه‌،خه‌ڵاتی ئه‌وه‌ڵ دووچه‌رخێوا!و نرخوو هه‌ر لاتارێویچ(قر‌‌‌عه‌)ویس فنیکا!تاته‌م خوا.به‌ڵام تکام چنه‌ که‌رذ:ئیسه‌ مه‌بۆ دوێ،یام ته‌نانه‌ت یه‌رێ لاپه‌ڕێ لاتارێ بسانمێ؟تاته‌م داواچش داوه‌:خه‌ڵکی داماگ شه‌مس و تاڵه‌شا نیا.ڵاڵیانێوه‌،به‌ڵام تاته‌م سه‌ره‌ له‌قنێ.ده‌سم که‌رذ گره‌وایی ، ئاخرێش تاته‌م کۆتا ئاما.واتش:خاسا، سه‌وای دماونیمه‌ڕۆی ملمێ په‌ی له‌یش.وه‌شیم ئه‌وپه‌ڕش نه‌بێ.

سه‌وای دماونیمه‌ڕۆی یاوا وه‌رۆ و دووچه‌رخه‌که‌،شۆکروو خوای،هێشتار سه‌روو یاگۆ وێشه‌وه‌ بێ و من تاوێنێ لاتارێو بسانوو.چه‌رخه‌که‌ جیڕه‌ جیر خۆلیاوه‌ و لاپه‌ڕوو من پووچ ئاما به‌ر. به‌ڵام قه‌ذێش نه‌بێ، هێشتار دووچه‌رخه‌که‌ سه‌روو یاگۆ وێشه‌وه‌ بێ...

ساتێو که‌ خه‌ڵاتی ئه‌وه‌ڵ په‌ی جاری دووهه‌م نریا لاتار،لاپه‌ڕه‌ سیاوه‌که‌م ده‌سۆ بێ،دڵم به‌ تنی ده‌ی دێ ونه‌.چه‌رخه‌که‌ به‌ ناڵێوی یه‌ واش مدرا. ژماره‌و ویس و حه‌وتی-و من به‌رذه‌ بێمه‌وه‌....

ته‌نیا ماوێوی فره‌ شۆنوو مه‌رذه‌و تاته‌یمه‌ره‌ بێ که‌ ئه‌ذام ڕاسه‌و سه‌رئاماکه‌یش گێڵناوه‌ په‌یم ..تاته‌م شه‌وی ڤه‌ڵینه‌ش لوابێ لاو ساحیب یانه‌که‌یما و سه‌ذوپه‌نجا مارکش ئارذه‌ بێ لاوه‌.شۆنیه‌ره‌  چه‌مش که‌وته‌بێ خاوه‌نوو ده‌که‌وتاڵه‌ ئه‌زموونیه‌که‌ی و دووچه‌رخه‌که‌ش به‌ نرخه‌و دووکانه‌که‌ی ئه‌سابێ لاوه‌ و واته‌ بێش:من سه‌وای چنی کۆڕه‌ گۆلاله‌که‌یم مه‌و،تۆ بازی ئاذ ده‌وری دووهه‌موو قۆڕه‌کێشیه‌که‌ی  به‌رۆ‌وه‌.به‌ یاگێنه‌ کۆڕه‌که‌م باوه‌ر به‌ شه‌مسی جه‌ من خاسته‌ر مسۆنه‌. پیاکه‌ که‌ وێش چه‌رخوو لاتاری گێڵنێ، دلێ ئی هه‌رمانێنه‌ هۆرده‌س بێ زانێ کام شماره‌ی هۆر گێرۆ....

تاته‌م زه‌ڕه‌که‌ش  به‌ ورذه‌ قیستێ فرێ داشه‌وه‌ ... به‌ڵام من که‌یف که‌رێنێ  ته‌نیا کارێوا كه زاوڵێ مزانا که‌راش.چوونکه‌تی دووچه‌رخه‌که‌م چه‌م پێک به‌ چل فنیکێ که‌وته‌بێ مشته‌م....


نویسه‌ر:ئێریش کستنێر(ئاڵمانی)

هۆر گێڵن:بێهرووزحاجی    

سه‌رچه‌مه: http://aragel.blogfa.com/




طبقه بندی: فرهنگی و هنری، ادبیات/شعر، آموزشی، بێهرووز حاجی، اجتماعی، تاریخ، جفرافیا، کۆڵه‌داستانه‌و هه‌‌ورامی،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،همایون محمدنژاد،بێهرووزحاجی،
نوشته شده در تاریخ یکشنبه 20 مرداد 1392 توسط همایون محمدنژاد
هورامان هانه به رچه م

سواڵکه‌ر

نه‌بیه‌بێ مانگێوه‌،یه‌رێ جارێ لوانێ قۆم و ئامانێوه‌،که‌ڕه‌تی دمایین ئه‌جێ دڵم خه‌به‌رش پنه‌دریان که‌ هه‌رمانه‌کێ وڕاره‌.به‌ڵام نیمه‌و شه‌وێ به‌ ماشینێوی شه‌ق و شڕ که‌وتانێ ڕا و ساحبێ شه‌به‌ق نه‌ده‌منابێش یاوانێ یانه‌و سه‌یێذ ئه‌سه‌دۆلڵای.ته‌قه‌و به‌ره‌یم دا عه‌زیزخاتوونه‌ ئاما و تا چه‌مش  پنه‌که‌وتا جۆرێوێش سه‌رئاما و کرژ وارشێوێش گێرت. هه‌ر پاسه‌ که‌ وێش لادێ بلوو چوه‌ر وڕوڕ دیه‌ی دیێم په‌ی و واتش:-مه‌تی مه‌گه‌ر نه‌له‌ی بینی؟ ناذێم ڕوه‌مه‌ره‌، وه‌شی تشیم که‌رذو لوانێ چوه‌ر.داڵانه‌نه‌ که‌ ویه‌رذا،حه‌وشه‌نه‌،زاوڵێ که‌ تازه‌ وه‌رمه‌نه‌ هۆرستێ بێنێوه‌ و قه‌ڕاخوو حه‌وزی خه‌ریکوو ده‌سو پل شته‌ی بێنێ،هۆرستێوه‌ و دیه‌ی دیێنێ په‌یم.پالوو دیواره‌که‌ی نیشتاره‌ و تۆشه‌به‌ره‌کێم نیا پاڵوو وێم و چاگه‌نه‌ مه‌نانێوه‌. عه‌زیزخاتوونه‌ هه‌مته‌ر په‌رساشه‌وه‌:-مه‌تی راسی نه‌له‌ی بینی؟ واتم:-لوه‌ی بێنێ،به‌ڵام دیسانه‌وه‌ گێڵانێوه‌. عه‌زیز خاتوونێ وات:-ئیسه‌ که‌ قه‌رار بێ گێڵیه‌وه‌ سا چی لوه‌ی؟ چیه‌نه‌ مه‌نێنیه‌وه‌و،ئێمه‌یچ بێ خه‌مێ بێنمێ. خوانێ و واتم:-ده‌ی منیچ ئامانا که‌ بێ خه‌مێ بیدێ،به‌ڵام ئی که‌ڕه‌ته‌ په‌ی ته‌وافی نامه‌ینا،هه‌رمانێوه‌ ته‌ره‌م هه‌نه‌. زاوڵه‌کێ ئامه‌ی ده‌ورم و عه‌زیزخاتوونه‌ که‌ هه‌رڤه‌ره‌نه‌ ده‌ی دێ پێوه‌ره‌،دالێو دوورته‌ر،پاڵوو کووزله‌کێ نیشته‌ره‌و په‌رساش:-چ هه‌رمانێوه‌؟ واتم:-ئامه‌ینا په‌ی وێم یه‌سێوه‌ خاک بسانوو،مزانی وه‌رمم دیه‌ن؟یه‌رێ شه‌وێ چیه‌وه‌ڵته‌ر وه‌رمه‌نه‌ مه‌رذێ بێنێ. عه‌زیز خاتوونه‌ پڕانه‌ دلێ قسام و واتش:ویرێ خرابێ نمه‌که‌ره‌. واتم:-ئتر ته‌مام،پنه‌واز بێ که‌.... عه‌‌زیز خاتوونه‌ یاگه‌کێشه‌نه‌ فاڕیاوه‌ و واتش:-تۆ کێ زه‌ڕت نه‌بێ؟ واتم:-بێم،و تۆشه‌به‌ره‌کێم نیشانه‌دا. تووڕێ بیه‌و هۆرسته‌وه‌ و واتش:-ده‌ی سا ئیسه‌ که‌ زه‌ڕت هه‌ن چی ده‌یمه‌ده‌ره‌ جه‌ سه‌یێذی داماگ زه‌ڕ مسانی و وه‌خت و ناوه‌خت کێشیشه‌ره‌ چنه‌؟سه‌یێذ ساحبێ تا وره‌گا ڕه‌مای ڕه‌مۆ و نمه‌تاڤۆ له‌مۆ زاوڵه‌کاش تێر که‌رۆنه‌،تۆجێ که‌ وێڵ کۆنه‌ نیه‌نی،هه‌ر مه‌ی و ملی.شۆنیه‌ره‌ هه‌ر پاسه‌،واق واق دیا دلێ چه‌مامه‌ره‌ داواچش ده‌ووه‌،به‌ڵام منیچ دیانێ دلێ چه‌ماشه‌ره‌ و داواچم نه‌ذاوه‌. عه‌زیزه‌ بۆڵناش و پله‌کانێره‌ لوه‌ی لوێ سه‌ر و زاوڵه‌کێچ شۆنیشه‌ره‌،من هه‌ر چانه‌ پاڵوو دیواره‌که‌ینه‌ مه‌نانێوه‌ و چه‌مێم قووجنه‌ی و وێتا. وه‌رمه‌نه‌ ئه‌جێم سه‌یێذ دووکانه‌نه‌ ئامانه‌وه‌ و چنی ژه‌نه‌کێش چیروو داروو حه‌وشه‌کێنه‌ مدرانه‌ره‌ و خه‌ریکێنێ باسوو من که‌را،سه‌یێذ خه‌ریک بێ وه‌رێسه‌ بینێ داره‌که‌یوه‌ و ژه‌نه‌کێش کرژکرژ قسێ که‌رێ.وه‌رمه‌نه‌ چڵه‌کیانێره‌ و دیم که‌ به‌ ڕاسێ سه‌یێذ ئامانه‌وه‌ و داڵانه‌کێنه‌ به‌رزبه‌رز چنی ژه‌نه‌کێش قسێ که‌رۆ،سه‌یێذی وات:-چێشش چنی که‌روو،هه‌رچی بۆ ئه‌ذامه‌نه‌،تۆ ڕه‌یوه‌م په‌ی بێزه‌وه‌. ئه‌زیز خاتوونێ وات:-نمه‌زانوو،ئی جاره‌ ئامه‌ینه‌ په‌ی وێش یاگێ بسانۆ،لوه‌ینه‌ په‌ی "خاکوو فه‌ره‌جی"و مامه‌ڵه‌ش که‌رذه‌ن، به‌ تۆشه‌به‌رێوه‌ زه‌ڕۆ ئامه‌ینه‌،وه‌روو چیشیا مه‌لۆ لائه‌و زاوڵکاش، ئی گرذ کۆڕو کناچشه‌ هه‌ن،مه‌گه‌ر تۆ جه‌ گرذیشا لاژاوته‌ره‌نی،که‌ ئامه‌ینه‌ زۆرش ئاذێنمێ ونه‌،سه‌یێذ عه‌ودڵا، سه‌یێذ مۆرتێزا،کاک جه‌واد،سه‌یێذ عه‌لی،سه‌فیه‌،حۆریه‌،ئامینێ،مه‌گه‌ر ئینێ کۆڕ و کناچه‌ش نیه‌نێ؟زه‌مه‌ی ده‌ڵه‌مه‌نێش با مدرا؟ سه‌یێذ دالێو ماتش که‌رذ و واتش:خاسا،هه‌ر کارێو که‌ دڵت پوه‌ن که‌رذه‌ من ئتر بێ هاز که‌وته‌نا. شۆنیه‌ره‌ ئامه‌ی وه‌ره‌وه‌.من چه‌مم قووجنه‌ی،سه‌یێذ ئه‌هوه‌ن ئاما و لوا سه‌ر،هه‌مته‌ربێ ده‌نگێو ئاماره‌ وار و زیاره‌.ده‌نگوو به‌ره‌که‌یم ئێژنی.شۆنیه‌ره‌ گرذوو ڕۆکه‌ی هه‌ر چا یاگۆ وێمه‌نه‌ پاڵوو دیواره‌که‌ینه‌ نیشتاره‌،ونه‌وزی که‌رذێنێ.ساتێو که‌ هایم بیه‌وه‌ دالێو تۆشه‌به‌ره‌کێنه‌ نانه‌ وێشکێم به‌رذ ئارذه‌ و وارذه‌م و ئه‌یزه‌نۆ وێتاوه‌.کاتێو که‌ چه‌مم که‌رذێوه‌ هه‌وا تاریک نابێشه‌ره‌،هۆذه‌نه‌ چراویشا گیسنابێنه،ئه‌سێح ئه‌زیزخاتوونه‌ چنی زاوڵه‌کا گلێرێ بیێنێوه‌.چن جارێ قۆزانێ،شۆنیه‌ره‌ لوانێ پاڵوو حه‌وزه‌که‌ی،ده‌سم دا دلێ ئاوه‌کێ،که‌سێو نه‌زیاره‌،فره‌ ویارام دا به‌ وێم پله‌کانه‌کاوه‌ لوانێ سه‌ر و دیم که‌ گرذێشا ده‌وروو چراوه‌کێنه‌ نیشتێنێره‌ و په‌شۆکیه‌نێ. هه‌ر چانه‌ دلێ تاریکیێنه‌ دیانێشا په‌ی.خه‌ریکێ بێنێ وره‌گانه‌ وه‌رێنێ.نانه‌شا که‌ ته‌مانا،سه‌ره‌م به‌رذه‌نه‌ چوه‌ر،چراوه‌کێ گرذوو هۆذه‌که‌ی نه‌گیسنێنه‌،په‌وکه‌تی هیچ که‌س نه‌ذیانێش،شۆنیه‌ره‌ یه‌واشێو واتم-عه‌زیز خاتوون،عه‌زیز عه‌زیز خاتوون؟ ماهرۆخه‌ کناچه‌ گه‌وره‌کێو ئه‌سه‌دۆڵڵایی به‌رزه‌ په‌ی ڕاسه‌ بیه‌وه‌و چێقناش،گرذێ هۆرستێوه‌،عه‌زیزخاتوونه‌ فتێڵه‌و چراوه‌کێش دا سه‌ر و شۆنیه‌ره‌ هۆرسته‌وه‌ و ئاما وه‌ره‌وه‌ واتش:گه‌ره‌کتا چێش که‌ری؟گه‌ره‌کتا زاوڵه‌کێم زاڵه‌ تره‌کێ با؟ من یه‌واشێو لوانێ دماره‌ و واتم:سه‌یێذ نامانه‌وه‌؟ عه‌زیز خاتوونێ وات:-ئێشه‌و نمه‌یوه‌. واتم:-چکۆ بۆسوو؟ واتش:-چووزانوو،هه‌ر یاگێوێت دڵ پوه‌ن بیژیه‌ره‌. هه‌ر چا هه‌یوانه‌کێنه‌ ئیژیانێره‌ و وه‌رمم پۆره‌ که‌وت. سه‌وایی ساحبێو په‌ی نمه‌ی هۆرستاوه‌،زانێنێ که‌ عه‌زیزخاتوونه‌ چێوێوێم نمه‌ذۆ پنه‌،په‌وکه‌تی تا نماکێم وانا  تۆشه‌به‌ره‌کێم هۆره‌ گێرته‌ و زیانێره‌ و لوانێ په‌ی حه‌ره‌مێ. شۆنیه‌ره‌ لوانێ په‌ی شه‌بێستانی و پاڵوو به‌ره‌که‌ی نیشتاره‌،به‌ ده‌سم ڕوه‌م گێرته‌مه‌ره‌ و ئه‌یزه‌ن وێتانێوه‌.ساتێو که‌ چڵه‌کیانێره‌ ڕۆجیار دلێراسه‌و ئاسمانیه‌وه‌ بێ زه‌ڕ که‌ چیلاو چۆلامه‌وه‌ بێ گڵێرێم که‌رذێوه‌ لکه‌یم ده‌ی گۆشه‌و تۆشه‌به‌ره‌کێم و که‌وتانێ ڕا. نزیکوو نمه‌ڕۆیی ئامانێوه‌ یانه‌،په‌ی زاوڵه‌کا که‌ڵه‌شیر قه‌نی و سۆهانێم ئه‌سابێ،ته‌قه‌و به‌ره‌یم که‌ دا، ماهڕۆخه‌ ئاما،تا به‌ره‌که‌ش لاتره‌ک که‌رذوو چه‌مش پنه‌ که‌وتا ده‌مووله‌حاز به‌ره‌که‌ش داوه‌پوه‌ و لوا،دیسانه‌وه‌ ده‌سم که‌رذ ته‌قه‌دای،ژه‌نێوه‌ ئاما په‌شتوو به‌ره‌ی و واتش که‌ سه‌یێذ ئه‌سه‌دۆڵڵا یه‌رێ مانگێ هه‌ن که‌ چی یانه‌نه‌ لوان،شۆنیه‌ره‌ ئتر خه‌به‌رێوێش نه‌بی،هه‌مته‌ر ته‌قه‌م دا،هه‌ر ئا ژه‌نێ ئاما و واتش نمه‌زانۆ ئاذێ په‌ی کۆگه‌ی لوه‌ینێ. هه‌رمانێوه‌م که‌ نه‌بێ تا ده‌می عه‌سر پاڵوو یانه‌که‌ینه‌ په‌ڕ بێ زاوڵێ. واڵێ زلام م ناشێرینوو ڕه‌خشه‌نده‌یچ دلێراسه‌و بانجڵه‌که‌ینه‌ نیشتێبێره‌و په‌ی زاوڵه‌کا چێو ورازێ.منش که‌ دیا فه‌ره‌حه‌ش که‌وته‌نه‌.زاوڵه‌کێچ وه‌شیشا بێ.ڕه‌خشه‌نده‌ و سه‌یێذ عه‌ودڵڵا که‌ لوه‌ی بێنێ په‌ی ده‌گایی،قه‌راریچ نه‌بێ پی زوویه‌ گێڵاوه‌. نان و چاشت،هه‌رچیوێت دڵ پوه‌ن فره‌ بێ. زاوڵه‌کێ ده‌یمه‌ده‌ره‌ پڕای پڕێنێم پۆر،حه‌وشه‌نه‌ که‌وتێ بێنێ شۆنیم،گه‌ره‌کشا بێ بزانا تۆشه‌به‌ره‌کێمه‌نه‌ چێش هه‌ن. به‌ڵام نه‌تاوێنێ،ئاذێچێ پسه‌و ئه‌ذاو تاته‌یشا گه‌ره‌کشا بێ بزانا تۆشه‌به‌ره‌نه‌ چێشێم هه‌ن. واڵۆ ڕه‌خشه‌نده‌ی که‌ بانجڵه‌که‌نه‌‌ نیشتێ بێره‌ قلیه‌ی قلیێوه‌،قژێش که‌ ئه‌جۆ هه‌نگه‌وێن بێ دیێشاوه‌ په‌شتوو گۆشاش و واچێ:-مه‌تی دلێ تۆشه‌به‌ره‌کێته‌نه‌ چێش هه‌ن؟من که نه‌تاوێنێ واچوو ته‌نیا واچێنێ:-هیچ،چێش دلێشه‌نه‌ بۆ؟ گه‌ره‌کم بێ  بزیه‌وره‌ بلوو،زاوڵه‌کێ گه‌ره‌کشا بێ به‌یا چنیم. به‌ڵام من هه‌ر جۆر بی خه‌ڵه‌تنێنێشا لوێنێ په‌ی خیابانی.چوار ڕه‌یو بێ که‌ ئه‌وه‌ مه‌یذانێ شێ که‌ دلێراسه‌ش خرت و قووڵ بێ،کۆنجێوێش نیشێنێره‌. به‌ڵام ئانزانێ که‌مێ بێنێ پاشا یاوێ ئا حه‌ننا. په‌وکه‌تی سواڵکه‌ر چانه‌ هیچێش نه‌بێ، ته‌نیا سواڵکه‌رێو بێ خه‌یره‌ش. ساتێو که‌ گێڵێنێوه‌ په‌ی یانه‌ی واڵۆ ڕه‌خشه‌نده‌ی واچێ:-مه‌تیه‌ لوه‌ینه‌ لاو شوه‌که‌یش. زاوڵه‌ کێ خوێنێ و واچێنێ:؛لوه‌ینه‌ لا شوه‌که‌یش،لوه‌ینه‌ لا شوه‌که‌یش. شۆنیه‌ره‌ هه‌رکامشا چێوانێو په‌رسێنێ که‌ من خوه‌ گێرێم و نه‌تاوێنێ داواچشا ده‌وه‌.واڵۆ ڕه‌خشه‌نده‌ی منش گه‌ره‌که‌ بێنێ و فره‌یچ گه‌ره‌که‌ش بێنێ. من پینه‌یه‌ زانێنێ، وێچێش واچێ،هه‌ر گه‌ره‌کش بێ هه‌رمانێم په‌ی که‌رۆ،من واچێنێش پنه‌ سه‌لتێوێم په‌ی ورازۆ. ئاذێجه‌ سه‌لتێوێش په‌ی ورازتا چن گه‌وره‌ بێ. سه‌لته‌که‌ش که‌ وراست واتش:سه‌لته‌ ورازته‌ی به‌ذیه‌ومنا.من لوانێنه‌ فێکرێ تاڤۆ چ به‌ذیۆمنێوێش بۆ، به‌ڵام ئه‌جێ ڕاس ماچۆ سه‌وایش چه‌وسه‌ر سه‌یێذ عه‌ودڵڵا و ڕه‌خشه‌نده‌ ئامه‌یوه‌. ڕه‌خشه‌نده‌ تا چه‌مش پنه‌ که‌وتا پسه‌و عه‌زیزێ ئاذێچه‌ جۆرێوێش سه‌ر ئاما. سه‌یێذ عه‌ودڵڵا چاخ بیه‌بێوه‌،سوور بیه‌بێوه‌،نه‌کریێ پسه‌و ئه‌و ڕوه‌کا ته‌ری چنی زاوڵکا قسێ که‌ری و خوی. واڵۆ ڕه‌خشه‌نده‌یچ ئتر نه‌خوێ. سه‌یێذ دالێو لوا فێکرێره‌ و شۆنیه‌ره‌ واتش:ئه‌ذا گیان بۆ پی ماشینیه‌ که‌ ئێمه‌ ئاماینمێوه‌ پنه‌ش لوه‌وه‌ ده‌گا،زمسانێ وێم مه‌وه‌ شۆنیت. زاوڵه‌کێ نان و په‌نیره‌شا ئاذا په‌ی،من تۆشه‌به‌ره‌کێم هۆرگێرته‌،سه‌لته‌که‌و واڵۆ ڕه‌خشه‌نده‌یچم هۆرگێرت و نه‌مانێنه‌ گۆچانه‌ که‌ سه‌یێذ وێش دابێنێ پنه‌ و واتم قسێوه‌م نیه‌نه‌ ملوو. زاوڵه‌کێم ماچێ که‌رذێ و زیانێره‌. ماشینه‌که‌ وه‌روو به‌ره‌ینه‌ بێ که‌ سوار بیا. به‌ڵام زاوڵه‌کێ شۆنیمه‌ره‌ ئامه‌ی تا پاڵوو ماشینه‌که‌ی. ڕه‌خشه‌نده‌ و واڵه‌کێش نامه‌ی. سه‌یێذ دوێ تمه‌نێش کیاست و واته‌ بێش که‌ ده‌گانه‌ مه‌نوه‌‌وه‌ و نه‌ۆوه‌.ده‌نگوو گره‌وه‌وو واڵۆ ڕه‌خشه‌نده‌ی که‌ بانجڵه‌نه‌ گره‌وه‌ی گره‌وێ ئێژنیم. کناچه‌ گه‌وره‌کۆ ڕه‌خشه‌نده‌ی وات که‌ مه‌تیه‌ش ته‌رسای ته‌رسۆ،ته‌رسۆنه‌ تاته‌ش بزنۆشه‌ره‌. نزیکوو نیمه‌ڕۆیی یاوانێ دلێ ده‌گه‌ی. ڤه‌سانێره‌ به‌رذاشا هۆذێو که‌ دووده‌ریش نه‌بێ و هه‌ر کۆنخێوێش تاقێوێش بێ. به‌ره‌که‌م دا پوه‌ و ویتانێ. قاچێم، ده‌سێم،گرذوو لاشه‌یم چڵ که‌رێ. شه‌وێ نان و ماسشا ئاذا په‌ی. من که‌ په‌ی نمه‌ی هۆرستاوه‌ به‌ره‌و هه‌وذه‌که‌یم که‌رذه‌وه‌. ڤه‌روو یانه‌که‌ی ده‌ره‌ بێ،مانگه‌ شه‌وه‌ بێ و به‌ تریفه‌ش گرذ له‌یوێش ڕۆشن که‌رذه‌بێ،ده‌نگوو ڤه‌رگی، دووره‌وه‌ ئه‌ی،هه‌رچن که‌ زمسان نه‌بێ.چێوێو پسه‌و که‌رگێ بانه‌وه‌ ده‌نگێش ئه‌ی.سه‌وای لا یانه‌نه‌ زیێنێره‌.ساتێو که‌ هۆذه‌که‌نه‌ بێنێ ویروو زاوڵه‌کام گنێنێوه‌ که‌ هه‌رکامشا که‌وته‌ بێ حه‌ننه‌یۆ،بێ تاقه‌تشا بێنێ.جه‌ گرذی فره‌ته‌ر  ویروو سه‌فیێنه‌ بێنێ که‌ شوه‌که‌ش جه‌واد پا وارششه‌،ده‌یمه‌ده‌ره‌ مۆقچێش دیڤنه‌ و ته‌شه‌رو تان.ئتر خاسا،خیاڵێ بێنێ. خیاڵێ هیچ که‌یۆ ئانزانی ته‌نیای نمازا جێگا. خرابته‌ر چنیشا نه‌تاوێنێ خه‌یروخه‌یرات گلێر که‌روه‌وه‌. وه‌ختوو عه‌سری گۆچان به‌ ده‌س لوێنێ سه‌وه‌رێنوو مه‌یذانه‌که‌ی،و حه‌تا شه‌وێ چا نیشێنێره‌،پاڵه‌یکێم یۆستێوه‌ و ئتر تاوو سه‌روو دڕه‌یاوه‌ بلوو ڕانه‌. فره‌و شه‌وا وێم پیس که‌رێنێ،پیریا و هزار عه‌‌یب و عار. ناکۆکه‌ بێنێ. ئۆسا که‌س و کار بێ یاڤۆم پۆره‌،به‌ڵام دێهاتیێ کارشا نه‌بێ کاروو هیچ که‌سیه‌وه‌. شه‌وێوه‌ دڵم ته‌میابێره‌.ئه‌جێ چڕه‌یم چڕا،زاوڵه‌کێم،زاوڵه‌زاکێم،کناچه‌کێم،گرذێشا چڕه‌یم چڕا ونه‌. گرذ په‌شتوو که‌شه‌که‌یوه‌ چڕه‌یم چڕا. زیانێره‌. وه‌ختوو نمای ویه‌رذه‌ بێ. چن لاقۆرێ که‌ لوانێ ڤه‌ره‌وه‌ و گۆشم شل که‌رذ دیم ئه‌رێ،چڕه‌یم چڕا ونه‌. زاوڵێ سه‌فیه‌ی گره‌وه‌ی گره‌وێنێ و منشا گه‌ره‌که‌ بێنێ. کناچۆ ڕه‌خشه‌نده‌ی منش گه‌ره‌که‌ بێنێ.  به‌ ده‌نگێوی به‌رزه‌وه‌ واتم:-ئێتر ئیسه‌ مه‌و... 

نویسه‌ر:غۆڵام حسه‌ین ساعێدی

هۆرگێڵن:بێهرووز حاجی ‌

سه‌رچه‌مه: http://aragel.blogfa.com/




طبقه بندی: فرهنگی و هنری، ادبیات/شعر، آموزشی، بێهرووز حاجی، اجتماعی، تاریخ، کۆڵه‌داستانه‌و هه‌‌ورامی،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،همایون محمدنژاد،بێهرووزحاجی،
نوشته شده در تاریخ شنبه 8 تیر 1392 توسط همایون محمدنژاد

هورامان هانه به رچه م

هه‌ره‌ سیاوڵه‌و وه‌شڵه‌که‌م....

ئه‌وه‌ڵین جار کین وارانه‌نه‌ چه‌مم که‌وت هه‌ره‌ سیاوڵه‌که‌یم.

بازاروو که‌ل و په‌ل وره‌تیه‌ینه‌ بێ پاڵوو که‌نێویه‌نه‌ که

ئانزانه‌کێ تانپه‌ڕ نه‌بێنێ په‌یش،و په‌شتیش که‌رذێبێوه‌

واوگژه‌که‌ی مرذابێره‌.وهه‌ر ئا ئه‌وه‌ڵین چه‌م پنه‌که‌وته‌یه‌

دڵم شی هه‌ره‌که‌ی.ئه‌وه‌جه‌م به‌ هه‌رێو بێ.جه‌ پیاسه‌

که‌رذه‌ی مانیا بێنێ.وه‌روو وێمه‌ره‌ واچێنێ،یانێو ئی هه‌ره‌

نمه‌تاڤۆ من و پاڵتاوه‌که‌و تۆره‌که‌که‌و چێوانێو ته‌رێم هۆرگێرۆ؟

و که‌سیچ چووزانۆ گاهه‌ز نرخیچێش خاس بۆ.گێڵانێ

شۆنوو ساحیبه‌که‌ێشه‌ره‌،به‌ڵام په‌ی ئه‌وه‌ یۆسه‌یش ناچار

بیا گرذوو شاره‌که‌ی ڤشکنوو،و ئاخریچێش دلێبه‌ره‌و یۆ جه‌

مه‌شرووب خانه‌کانه‌ ئێستمۆ که مرذابێره‌ و په‌ی ده‌ دینارا

گۆرانیێ واچێ.هه‌ڵبه‌ت که هه‌ره‌که‌ی وره‌شێ!ئه‌گه‌ر

سنیارێوی عال بێزۆوه‌،چی نه‌وره‌شۆش؟به‌ڵام نرخه‌کێش،

ته‌نانه‌ت حازر نیا پنێوبه‌یره‌ وار‌.هه‌ڵبه‌ت

ئاژه‌که‌یچ خرابا و ژیوای سخڵه‌ت بیه‌نه‌وه‌،ئننا نه‌یش ساتێو

جه‌ هه‌ره‌که‌یش جیا بۆوه‌،هه‌جگیز!هه‌رێو عال و جوان

ڕه‌حه‌ت تاڤۆ ڕوێو په‌نج فه‌رسه‌خێ بلۆ ڕانه‌.مانگێوه‌ که

مشتێو یه‌وی وه‌رۆ،ئه‌سپوو کێوێڵکانێچ نمه‌یاڤۆ تۆزوو

په‌یاشه‌ره‌،به‌ڵێ،درووس ئێژنیتا ئه‌سپوو کێوێڵکانێچ!

پێوه‌ره‌ لوه‌یمێ چه‌مێو وزمێ په‌ی هه‌ره‌که‌ی. مشیه‌یا

بیه‌یاندێ و دیه‌یاتا کابرای چاتۆڵباز چ تاریفێو که‌رێ جه‌

هه‌ره‌که‌ی!گرذوو ئیرله‌ندیه‌نه‌ چا ساته‌ که‌ هه‌ر دیاریش دان

هه‌رێو به‌ ژیری و ویربه‌رزی ئاذی نه‌یۆزیانه‌وه‌.وبه‌ زوانێو که

هه‌ر هووشێ بێنێ واتش:ئی هه‌ره‌ عاذه‌تێوێش هه‌ن

که تایبه‌ت به‌ وێشا،مزانی،ساعبانه‌ی که دالێو یه‌ویش

مذه‌ی کوچێوێش هۆر گێرۆ په‌ی سه‌وایش،که نه‌کا سه‌وای

بێ چاشت مه‌نۆوه‌.واتیڵێوێش هووشێ نیه‌نێ،وێت وێنی.

یۆ ده‌سش که‌رذ خوه‌ی.کابرای چاتۆڵباز گێڵاوه‌ و دیاش

په‌ی.به‌ چێشی خوی،کابرای هه‌ر؟ئی هه‌ره‌ ئننه‌ ژیرا

که لتێوو یه‌وه‌که‌یش په‌ی سه‌وایش مازۆوه‌.فره‌ته‌ر جه‌ سه‌ذ که‌ڕه‌تا

بیه‌ن که وه‌روو هه‌ژاری و نه‌ذاریه‌نه‌ ناچار بیه‌نا یه‌وو ئاذی‌

دزوو،ئینه‌ وه‌سێ نیا؟خوا زانۆ وه‌روو ئی هه‌ره‌یه‌ من و

کڵفه‌ته‌که‌م چن ئاورایما کێشته‌ن-من دوانزه‌ کناچێم

هه‌نێ.... په‌رسام چنه:ئی هه‌ره‌ تاڤۆ به‌ینوو ماڵوو وێش و

ماڵوو یۆته‌ری فه‌رق بنیۆ و نه‌که‌رۆ مڵکوو هامساکه‌یره‌؟ کابراکه‌

واتش:ئی هه‌ره‌ دڵش پاکا،پسه‌و زاوڵا ماسووما،ئه‌گه‌ر

گرذوو گیانه‌وه‌ره‌کا پسه‌و ئی هه‌ره‌یه‌ بێنێ،نه‌ چوه‌ پنه‌واز‌

بێ،نه‌ بارووم،نه‌که‌ڵه‌ک،نه‌ دیوار،هیچێو پنه‌واز نه‌بێ.

ئیسه‌ ئێتر خه‌ڵکێوی فره‌ ده‌ورمانه‌ گلێر بیه‌بێوه‌.

زاوڵه‌کێچێش دڵی خه‌ڵکه‌که‌ینه‌ بێنێ...نمه‌زانوو هه‌ر

دوانزه‌که‌ ئامه‌ی بێنێ یام نا،به‌ڵام یه‌ک چێوی مزانوو و

ئانه‌ ئینه‌ که ئاژه‌و ئانیشایچه‌  که جه‌واڵه‌شا بێ پاسه‌

پیس و چه‌په‌ڵ بێ که‌ باوه‌ر نمه‌که‌روو هیچ له‌یوو

ئیرله‌ندیه‌نه‌ زاوڵێ پی پیس و پۆخێڵیه‌ و شپرزیه‌ بیۆزیاوه‌.

و یۆ جه‌ یۆی هارته‌رێ بێنێ.ژه‌نه‌کێچێش په‌یذا بیه‌،پاوێذا،

سه‌رپه‌تیه‌،شپێرزه‌.....  ژه‌نه‌کێچێش ڕه‌ما دلێراسه‌و

وه‌یشوومه‌که‌ی.به‌ شوه‌که‌یش وات:ویرتا پیتێر،ئاڕوه‌ که

هه‌ره‌که‌ما لوا دلێ ڕۆخانه‌ی که مه‌لێ که‌رۆ؟و میکیلینی

ئه‌رامه‌ننه‌ش ئارذه‌وه‌ به‌ر؟ئه‌گه‌ر نه‌یاوابێ داذوو ئا

ئه‌رامه‌ننه‌یه‌،ئاوی به‌رێش،که‌ به‌رێش. کابراکه‌ی وات:

مه‌گه‌ر ئانزان ئی چێواشه‌ ویر مشاوه‌،سیوی گیان!؟ به‌ڵێ،

و ئا ڕوه‌ ئامه‌ی و په‌نج لیرێ زه‌رشا دا که بساناش.....

ژه‌نه‌کێ واتش:به‌ڵێ په‌نج لیرێ،به‌ڵێ په‌نج لیرێ زه‌رشا

دا،په‌نج لیرێ ئاڵتۆن،په‌نج لیرێشا ده‌یمێ پنه‌...

کابراکه‌ پڕانه دلێ قسه‌کاش و واتش:بۆخوا ڕاس ماچۆ.

زه‌ڕه‌که‌ دلێ مشتێمه‌نه‌ بێ و مامه‌ڵه‌که‌یچ کریا... ژه‌نه‌کێ

واتش:به‌ڵام خێرا چه‌مما چنه بێ به‌سه‌زوان خه‌ریکا

خه‌فه‌تیێنه‌ که جیابۆوه‌ چنه‌ما هه‌رسی مه‌یا چه‌مێشه‌ره‌،

شوه‌که‌یچم زێڵێش ناما و مامه‌ڵه‌که‌ش شێونا. کابراکه‌ی

وات:وس،وس!ڕێک وپێک قسێ که‌ره‌،ژه‌نه‌کێ!واتیڵ به‌



ادامه مطلب

طبقه بندی: فرهنگی و هنری، ادبیات/شعر، آموزشی، کۆڵه‌داستانه‌و هه‌‌ورامی، بێهرووز حاجی، اجتماعی،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،همایون محمدنژاد،بێهرووزحاجی،
نوشته شده در تاریخ چهارشنبه 8 خرداد 1392 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2