کەلەبەروو شێعرا(۱۰٨)

هەناسەم
           تاڵکێش بیەن
مانیایی
    کۆڵێمۆ تەمەش ئارد٘ە
لەرزم یاوشا
من 
   مورادوو مەینەتینا
بەزموو ژیوای ئانەی ماچۆ
خیرەت
    هەڵمیش
         تک تک چکیۆرە
 و
نەماموو عەمریمۆ 
بەرزەڵەقی مازۆرە
تاپۆم کریان
     ششدانگ مەینەت
وەنەتا بۆ
      سانتێش حەرام
لاو کێ بەروو 
            سکاڵام دەی؟
           
قۆرسی ئی باری
            زوان مەکێشۆش
ڕۆمانێوە نەنویسیای
 و
شێعرێوە نابەنە ماشش واردەنۆ
ئارەق مجیۆ کەلیمامۆ
لۆمەیم ناردێ زوانیرە
تووتەیچ چوون من 
دەمش تاق بۆ
هە ... 
     هە ... 
        هە... 

لەفزم 
   گۆ کەوت و
ڕچیا
   شەوەزەنگێ زمسانیەرە 
عەمرم
   ڕەیجەو تاشانە جوانەمەرگ بی
                   
شۆشیم مەجمۆ
پەی دەمکێشوو قومێو هەوای
هە ...
    هە ...
       هەوا
           هەناسەمۆ شی بیەنەو ...
شەوێو بێ فیلتەر
وەرم چەمنە دانلۆد نەبی!
ئەد٘ام تەماشاش
    کوڵانەنە پاسەوانا
تا 
هەسارێ نەکەرۆ وەرم
              دەلاقەما سینەماشنە!
ڕۆزگار پەرێش
ڕەنگەو وەروێ
   وەرێسێوە جە خەمی چنۆ
زەماوند٘ە 
      پێسە کەرمێ
               پەی نانێوە

کل ل ل ل ل ل 

ڕەوتوو ڕاینە
هەناکەبڕ
      ک ک ک
          کۆڵبەرێوە پێسە واچێ:

# شارۆ
۱۹ـ٤ـ۱۳۹٨
 
 
تۆ ملی بەڵام ، یاگەپات  مەنۆ
لوولێ بەدٚنامیت دماوێت ژەنۆ

خاس پا بنیەرە باخاسیت واچا
تا دژمەنێچت بە خاسیت ساچا
 
#حامی غەریبی
 
خیابانو لوولی قژات
 
و
 
تماعەو سیاوی شەوێ

بەرە بەیانوو جومعەو 

باڵایتەنە...

گیرۆدەو 

وەرەتاوۆ ماچێ

 تازە ھۆرتەقێم

کەرا......

 #سابیر  عەزیزی

چنوور چەمەڕاو ئاماو باڵاو تۆن

شەوبۆ گوڵ ئەفشان دیای خاڵاو تۆن

باڵات   برمانە   لابەروو    خەمام

سوورەهەراڵە  شیاو   کاڵاو   تۆن

#هومایون موحەممەدنژاد

هەر ئەسەریە  شیاو ئێمزای نیەن
یاگەپەنجەو خود٘ایرە زانام
نەقشت لاڕانوە تەمامیان
ئێبلیس
کۆڵیتەش چەنە بینان و
لەزەتوو قاسپەو مەکرینە
سەروەش 
سوور تلیانا
چرکیە دوور جە لەعنەتەو زەمانی
بەر جە قەفەسوو یاگە و مەکانی
نەفەسیە ژیوانا.
 
#مەهدی ئەبری




طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، شهرها و روستاهای هورامان، نوشتارهای همایون محمدنژاد، هومایون موحەممەدنژاد، مه‌هدی ئه‌بری(هه‌ورام)، بێهرووز موحەممەدپوور(شارۆ)، سابیر عه‌زیزی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۰٨)،
نوشته شده در تاریخ دوشنبه 31 تیر 1398 توسط همایون محمدنژاد
کەلەبەروو شێعرا(۹٤)

من خود٘ا پا گەورەیەم ویرۆ مشۆ ئەورایەنە
با تۆ هەر واچی قسێم ئی سوورێنە و ئا ئایەنە

هامنێ ئەر پەیت نەکریا مەردمی فێنکۆ کەری
مازە دەی زمسانێ خەڵکوو وێت مرا سەردایەنە

نانە کۆنەو هانە کۆن و کۆن بەهەشتت لامەسەو؟؟
ئا بەهەشتەت هەر درۆنەو، حۆریەکێچت زایەنە

ئەند٘ە خەڵکت تۆقنان متمانە کەی کریۆ کەسی
سێوەرم مشیۆ جە من تەرسۆ ئەچی تەنیایەنە

با دەلاقێ وازێ با خۆ ئاسێمان قینەش نمەی
ئاسێمان بەرزیش مەگەر ئینا بە خەڵک تۆقنایەنە؟!

خۆ یەک و دوو بۆ یەرێ، کەم ناقوو بدڕە واچە پەنج
پی خورافاتێ هەنێت، ئیناینە لێ ڕێسوایەنە

چی مەجازی تۆ بە کەم گیری وەشەسیایی کوشی
چی چەمێت وەختەن تەقا ڕایێ بلم وریایەنە!

چی گەرەکتا شاعێرێ بمرا نەوانا ئاشێقی
خۆ کناچێ شێعرێ ناقوو شاعێرانۆ هایەنە

تۆ گەرەکتا زوڵفێ وارانی نەوانێ، کەی مەبۆ؟؟
تۆ گەرەکتا ماچێ بمرانێ جە بێ ڕاوجایەنە

تێرەنی و یاگێت وەشەن، دنیا مەمانۆ پێسە پەیت
مەردمت گرد پەی مەکوشیۆ، نای جە هۆرێزایەنه!

#پەرویز _بابایی

شنەو شەماڵوو دەربەنوو دڵی
ئــــاواتوو گــــوڵا دەنــگوو بڵبڵی

وەشی وارانوو دەمی وەهاری
هەراڵەبرەمەو هەرد  و کۆساری

شەوبۆ و بۆژانە مەسوو بوەو تۆ
سوورە هەراڵە ماتوو خوەو تۆ

ئەڐای بێ وێنەو  گۆراڵە سوورا
بیەی تۆ پەی من کەشێو چنوورا

چی نەبوو فیداو جەمینیت گوڵم 
تۆ ماناو عەشقیت وستەنە دڵم

دڵ حەر بە فێد٘او ئێشارەو چەمیت
ئای پەی ڕوەکا وەشوو هام دەمیت

ئای پەی وەهاروو وەشوو دیەو تۆ
بــــیەو نــــەبیەم فــــیداو بـــیەو تـــۆ

خاس زانوو گوڵم ئامایت مەحاڵا
گرەوەی بێ مانان  لاڵەی بەتاڵا

چێولای تەنیایی چەنی خیاڵیت
یا وێ خەڵەتنای ئامای وێساڵیت

شەوبۆ و بۆژانە چنوور حەر تۆنی
باهـــــەزار ساڵـــێ ئــــێمە نــــەدۆنی

 #خەمیار_هەورامی
قاقوو ئاڵفەجاڕەو  شارو سیاسەتی!
پیرە بزەکا 
ماریفەتشانە ئاوردانیشاوە کاوێژ
قاترەکا
بەرزە فەخروو نەتەوی و ڕەگەزینە حیلنانیشا
تیکەلەوەڕو بێخیاڵی مەیەکانە ژاویانا
شەکەت و
مانیانا.

تەنیا تۆ فێنکەنی
وەنۆزیە تۆخسە
دوورە وەرهەڵایەنە
لاڕانیت چەنەم مەگێرۆنە
ویانێ.

#مەهدی ئەبری


ادامه مطلب

طبقه بندی: ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، عوسمان ڕەحیمی(مورید)، حێکمه‌ت موحەممەدی(خه‌میار)، په‌رویز بابایی، فاتێح سه‌عیدی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۹٤)،
نوشته شده در تاریخ شنبه 11 خرداد 1398 توسط همایون محمدنژاد
کەلەبەروو شێعرا(٨٨)

سڵامێ  بۆ  وەشتەر   جه   وەركەمەری
بەسۆز  تەر  جه  سۆز  ناڵەی  سەحەری

دڵگیرتەر    جه    دەنگ    ژەرەژانی   کۆ
ڕەنگین تەر جه ڕەنگ سەوزی کەما و لۆ

بێگەردتەر جه شنەو  شەماڵ و سەركۆی
زەریف تەر  جه فڕەو  پەپوولەو  شاهۆی

مەكین تەر  جه وتەی  شەواو     داڵانى
سەر تەر  جه  سەفاو   پاو    قەڵاخانى

پاک تەر جه شەونم گۆڵى و كراویەدۆل
وەش تەر جه  هەواى  عوداڵانى  چۆڵ

چوون    وەنەوشێوە   تازه   چنیا   بۆ
یا    بنجه   چنوور    ئیسه    كنیا    بۆ

بۆ  به   شاباشى    ماوا  و   مەكان تان
پێشکەش  به هۆزى  هەورامی زوانتان

  #موحەممەد فەهیم

مژنوو شمشاڵیەنە 
ئاژینەت مەکەروونە سەرهەننوسەکامەرە
پەڕو باڵاو ئی ناوەختە وارانەیە
دەمنەم.
ڕاسی!؟
بە ڕەنگوو کام ماتیکیت بکێشوونەش
خەتەو تاسەو لچەکام؟
#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، موحەممەد فه‌هیم، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٨٨)،
نوشته شده در تاریخ جمعه 20 اردیبهشت 1398 توسط همایون محمدنژاد
کەلەبەرووشێعرا(٨٥)

کەسێ گم بیەن چەنەم نمەیوە ویروو چەمام
داخۆم ڕوێ نەتاوۆ بزنوورە تۆزەو خەمام

هەریاگێوە گوڵێش دی هەشقارتێوەش نیا پۆ
منیچش سۆچنانا باخەوانوو وەرهەمام

زەماوند٘ەو هەناری چەنی پایێزی کریۆ
هەرسی بیێنێ چۆپیێم هاوارم بیەن سەمام

جە من کەسێ گم بیەن مەیێزووشەو پێگەرە
یاگێ نەمەن نەگێڵوو مەگەر وێم یاونوو شام

دیوارووچینی کەوتەن بەینوو من و وەهاری
هەر زمسانێم وەی کەردێ وەهارێ نەیاوا لام

پەڕوو دڵوو پایێزی ڕەنگێم نیەینێ تاقەو
بەشکم ڕەنگێ تۆ وینوو شایەد یاوانێ بە کام

تازە بە شێعرێ کاڵێ مەیاوۆ بە چەماو تۆ
دەسم جە گردی کێشا خود٘ات چەنی وەسلام

#فەرید عەباسی


ئەچیگە کە تۆ هەنی 
دنیا دەس پەنە مەکەرۆ
ئوگە جە تۆ ویەردەن
ئاگە ڕۆ بە تۆ مەی.
زەمان تەرحیە لێڵە بێ
دەورتەرە
زکرانەو  فەهمو دایرەینە سامانش گێرت.

#مەهدی ئەبری

@hawramanhaneberchem

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، فەرید عەباسی، مه‌هدی ئه‌بری(هه‌ورام)، سوهراب مورادنیا(سیاوکام)، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەرووشێعرا(٨٥)،
نوشته شده در تاریخ سه شنبه 27 فروردین 1398 توسط همایون محمدنژاد
کەلەبەروو شێعرا(۷٦)

 توولە ڕایەو،کۆڵێ قۆرسوو، چن سەعاتێن وادەمەن
کاکەلێ بۆ ڕانە، هەم ئەورامەنوو هەم تەژنەمەن

بێ تۆ ناوەش نیمەڕۆ نێشتان سەرو سفرەو ئەدایم
تۆ مزانی چن وەشەن لێوانێ دۆ و هێڵەو ڕۆوەن

کاکەلێ ئەی ڕۆیە چن جارێ ئیتر وەشڵەیم پەنەت
من پەلەم بێ و ڕاسەکێچش دیم کە نانێوما نیەن

ئەندە سەختیما دیەن وەختەن جە دینی.... هۆ خودا
ئەندە سەختیما مدەی واچی جە پۆڵا بۆ بەدەن

ئێمە کوردێنم براکەم تا منێنم جەزرەوێ
هەر نمازا ڕۆشنایی، بگنۆ ئەو کەلیەش، وەتەن

شل بیەن ئی بارە کۆڵێمۆ، وەرێسێوەم نەوێ
نا عێلاجی ئەر نەبۆ ئی بارە کەی بریۆ بە بەن

با دەست پۆشۆ بۆ ئەر بگنۆرە کەی مەوجاریۆ
‌باخەڵێ چۆڵێ منوو تۆ، بێ قەران و بێ تمەن

دمتۆ با نەگنۆرە هۆشم لاو کناچێوەن چەمێش
 حەر جە ویرم بەر مەشانێ، سەوزێ هەر ماچی چەمەن

ئەی مۆوارەک بۆ،زەماوەندەت مەوۆ کارێ کەرو
کۆڵ پەنەت واچا ڕەفێقت یا مەسەن یا سەروەشەن

**
ڕۆشنایی کەوتۆ ئاوایی و ئەدایوه قیژنێ
وەروە تاوی بی بە تاراو وەیوێ، پەی چی بی کەفەن؟؟

#پەرویز  بابایی

بیس ساڵێ جە وەهاری ویەرد.
قاڵیە نیشتێبێرە
پشتیە پاڵش دابێ بە تۆوە
هۆرێستیوە
دیوار مدرارە
بەرە ئاما پیرایتوە
و
جادیە دوور و درێژ کێشیا شۆنیتەرە.
بۆرێوە
سەرو ئی ئاوریرە یەرێ بازێ بەرە
با
وەهار بێوە.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، سابیر عه‌زیزی، په‌رویز بابایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۷٦)،
نوشته شده در تاریخ چهارشنبه 22 اسفند 1397 توسط همایون محمدنژاد
کەلەبەروو شێعرا(۷٥)

عاجز کەوتە بێم جە تاو بێ مەیلی
وای شەماڵ ئاوەرد پەیام لەیلی
ڕەها بیم جە دەس خەفەت جارێتەر
هەست کەردم وە بۆی نەو وەهارێتەر
شیم وە تۆی ئەو کۆڕ یاران ساقی
دیسان وێم وە کەیف کەردەوە تاقی
مەی و مەیخانە ساقی و بادە و جام
دام وە تۆی دەماخ عەقڵ بەرز خام
تان ئاسا نە پۆی ڕشتەی سیاماڵ
جادەی هۆش گم بی نە دەشت خەیاڵ
واتم هەی شەماڵ هۆرگرتەی ڕازان
مەحرەم ئەسرار پەی ئاوات وازان
وەش ئامای جە لای جیلوەی یارەوە
وەو عەتر وەشبۆ عەبیر وارەوە
دەروون گەرم و هەناسەی سەردم
شیلەتین کەردەن سەرچەمەی فەردم
یادش جە یانەم کۆچ کەرۆ هەوەس
بێ کەڵکەن تەن قەفەس بێ نەفەس
#سەیێدیاسین تاوەگۆزی

٣٨ ساڵێمەن
ڕاست گەرەک بۆ
یەرێ چرکێ ژیوانا

١- سەروو گۆنایت نشتەبێ شەرمیە سوور و زوانت تر کەوتە بێ
تا چەمەکات هاوارشا کەرد : ((وەشم گەرەکەنی)).

٢-عەسریە وارانی و چۆڵ
چێرو داڵانەو لاو یانەیتانە تەڕە ماچیە دەموو ڕەمایوە.

٣_وەختوو نماو جمعەی کەردت بەرەرە 
دۆبەرە بە دەس دۆت کەردەبێ بە ویانێ
سەرو جانمازوو سینەیتوە نیەتوو دووێ ڕکاتام ئاورد
و
پەی هەمیشەی کەردانیت بە شاعێر.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، په‌رویز بابایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۷٥)،
نوشته شده در تاریخ پنجشنبه 16 اسفند 1397 توسط همایون محمدنژاد
.: Weblog Themes By Abdollah Habibi :.

تعداد کل صفحات : 10 :: 1 2 3 4 5 6 7 ...