‍کەلەبەروو شێعرا(٤٤)

جەوری نەفامان  ،  مەڪێشان ژیران
حەیفەن وەیتەور بۆ، هەورامی زوان

گاە وەخت نەزانێ ،بە تەبعی تاڵش
ئارەقی   شەرم  ،   ماڵۆ  هاممـاڵش

فەرماوان  پیرێ  ، شیرین  شەڪەرێ
یەک زاناش وەسەن ،سەد٘ بێ‌هۆنەرێ

#فێراق

هێجـران
سەوگەند بە ئەحەد،جە هێجرانی تۆ
شەق بەردەن کاسەی تەوانای دووری

ئێنسافت جە کۆن، سزام تا  بە کەی
بڕیان تان و پووی عەبای  سەبووری؟

چەوساوە    دڵم   بی    دڵبەستەی   تۆ
دڵ   نەد٘ان   بە کەس،بینای دوو دیدەم

مەر  سەرای گوڵکۆ ، خاک بشارۆن  دڵ
نیەن غەیر جە  تۆ   ئەی   بەرگوزیدەم

#فێراق
تابەکی دادم دهم برکعبه گریان دل؟
وای برمن دورگشتم ازدل ویران دل،،

در عذاب سردوسخت ونالە فرقان جان،،
جغدشب اهنگ،چراچنگ میزند دامان دل؟

کس ندیدم تاکند دردم دوای عاجلی،،
دوست آن باشدکند درمان این نالان دل،،

گرچە این دنیاهمە زایندە دردو غم است،،
درد من ویران کندشبهای بی سامان دل،،

دردمن از دوری وهجروفغان نی(نیست) یارمن،،
بی ثباتی خیزد از دریای بی جولان دل،،

سوزسرمای دی وبهمن کشد،جان از تنم،،
حس نکردە جان بهاری، درطی سالان دل،،

تابەکی اشکم بشوید پهنه رخسارمن،،
سان چل چشمە براید از ته خالان دل،،

گر بماند عمر راخادم شوم در دهر تو،،
تاکە درمانش کنی،دردان بی درمان دل،،

ای خدا یاری دە این گمراە، زار بی ریا،،
تابە کی اشکش چوسیل ریزدبه سر دامان دل،،

#نەسرین ئەحمەدی
شنەی دڵ

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،‍کەلەبەروو شێعرا(٤٤)،
نوشته شده در تاریخ شنبه 19 خرداد 1397 توسط همایون محمدنژاد
کەلەبەروو شێعرا(٤۰)

‍ ‍ ‍ ئەر سەدٚ گەوهەر بۆ، باری  ئەفڪارم
   وێنەی   شەکەر بۆ، واتە و گــوفتارم

شێعرم هۆرقۆڵیای سەرچەمەی دڵ بۆ
پاک و  لەتیفتەر  جە  تارای  گوڵ بۆ

بەڵام بێ قـــــــــەدٚرم لاو ناڪەساوە
چوون سکەی سیام،پەیم مەپەرساوە

دایێم سەودٚاگەر  مێهەر و وەفانا
تەژنەی گیان وەلەب،بەین و بەقانا

قامـــەت چەمیدٚەی تەشەر و تانەم
بێز ڪەوتە جە لای خۆێش وبێگانەم

وێم سیائێقباڵ ، نیەن  تاوانم
بازە باتــــــــۆبی یانە باوانم

ناوەری نەدڵ مــــەیلی جیایی
نیەنم تاقەت دووری  و تەنیایی

(سیاوکام)ئاسا بەی گردٚ دەرداوە
زامـــدٚارنا بەزام دەس نامەرداوە
---------٭٭٭٭٭٭٭---------
۱۳۹۷٫۲٫۲۱کۆچی ڕۆجیاری
سوهراب مورادنیا(سیاوکام)

‍ وەهار

وەهارەن فەسڵی   سەیران و گەشتتەن

هەر کۆ مەوینی   وێنەی    بەهەشتەن

ئەر کەشەن،ئەر کۆن،ئەر ساراو دەشتەن

شێوەشان   ڕەنگین  گوراڵان   ڕەشتەن

عەتری وەشبۆشان نه گرد٘ جا  وەشتەن

بادەشان نه جام نەو  وەهار  چەشتەن

تەبێعەت زەریف سەروەش و مەستەن

چوون باڵای ئازیز شۆخی نەو ڕەستەن

مەڵهەمی    زامی   دەروونی    سۆتەن

تەسکینی زامی  دڵەی   کۆس کەوتەن

نەقشی"نەققاشی"بێ هەمتای فەردەن

وەهارش وەی تەور ڕەنگڕەژی کەرد٘ەن

وەهاری    "ناسر"    پاییزی     زەردەن

 سەفاو سەیرانش حەسرەت و دەردەن

#ناسر  ئەخدەر ـ ۹۷/۲/۲۳

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، عوسمان ڕەحیمی(مورید)، سەیوان ئێبراهیمی(گوازی)، جەواد حەمزه (فێراق)، ناسر ئەخدەر، شاهۆ مەعازی، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤۰)،
نوشته شده در تاریخ یکشنبه 30 اردیبهشت 1397 توسط همایون محمدنژاد
کەلەبەروو شێعرا(۳٤)
‍    
هەورامان و وەهار

هەورامانەکەم گلێنەو  چەمام
ڕۆشناو دڵیم  بەرکەرۆ خەمام

وەشەن نەسیمت وەشەن گوڵزارت
دڵگیرەن  ماوای  قەۮیم   هەوارت

بە باڵای شەرمین وەنەوشەو  باخات
بە نەخشوو وەروێ بەرزوو سەرشاخات

شاۮەن قەڵوەز و  قرمەو شەتاوات
کەمەرا و کەمەر کاوۆ  سەرکاوات

هەردەن گوڵزارەن باخەن بۆیسانەن
خاکە ن حەیاتی  نەسڵی  ئێنسانەن

سە یرو گوڵزاراوو  کۆ هەورامانی
خاستەرەن جە گرد دەواو دەرمانی

گردش نموونەی سێفاتی  خوۮان
گوراڵان هەر یۆ ڕەنگ و بۆیو مەۮان

ئانە خلقەتوو    پەروەردگارین
مڵک و  ژیوائی گرد گیاندارین

پارێزنەش قەۮر وحورمەتش بەرزەن
سەروو گردیمان  واجب و  فەرزەن

#عوسمان ڕەحیمی هەجیجی

‍ ‍ وەختێ شێعرەت پەی مواچوو عەزرەتێ مەگنانێ گۆ
من سەراپا بوو چەمێو، هیچی مەوینوو بیجگە تۆ

پێسە سیگاریمەنی،گرد ڕۆیە واچوو لات بەرو
تا وەشی، یا خەمیە مەی گێڵونە بەش بێزونەتۆ

هۆ هەسارێ  ئاسێمانیم، هەر مەیاوونەت  پەنە
تف بە عەشقی وێش مزانۆ هەر مەیاڤۆ و هەر مەنۆ

خەیرەشا پەی من نەبێ شێعرێ جێگەم ئی مەردێمە 
چەپڵێ پەی شێعرێم کۆوانێ و زامەکێم مەگنانێ سۆ

شێعرە بەخشەم کەمیە بێ ئێنسافیەن هیچت نەبۆ
سەروەش و مەستم کەری، بی بە شەراوو و ئابێجۆ

من چەنی شێعرێم مژیوو، شێعرە هەر ئەجیۆ ژیان
گا پەڕەن ڕاسی و سێداقەت، گا پەڕەن فێڵ و درۆ

هەمتەری نیمەو شەوێ کەوتانێ ویرت دیدەکێم
بێ وتەی ئێشەو لێواوە، هەمتەری ئاماوە ڕۆ

چننە‌‌ سه‌خته‌ن ئه‌ر نەیاوۆ یۆ بە ئازیزەو دڵیش
ناعێلاجی بەی و چەنی دیواری بگنۆ گۆفتێگۆ

#پەرویز  بابایی       

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، عوسمان ڕەحیمی(مورید)، په‌رویز بابایی، شاهۆ مەعازی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۳٤)،
نوشته شده در تاریخ شنبه 8 اردیبهشت 1397 توسط همایون محمدنژاد
کەلەبەروو شێعرا(۲۷)

بازه دڵ پەرێت هەر وێرانه بۆ
با هەر تەشریفت لای بێگانه بۆ

ئەر به ناوەشیم كەیفوو تۆ سازا
زانه  نازەنین  وەشیم   ئانە بۆ

دووری مەتاوۆ کەم کەرۆ مەیلت
تۆ  هەر  نه  دڵنی تا  زەمانه بۆ

مەبڕۆ تەماعەت دیدٚەی بێ کەیفم
ئەر سەدٚ كه گۆشم پەڕ جه تانه بۆ

سەوزەو قەراخوو جۆگاو هەرسوو من
دا ساتێ ڕەحمت  بەو هەرسانە بۆ

یۆسف چا میسره هەتا کەی مانی
ڕوێ مێ و مەیلت ئی كەنعانه بۆ؟

ئه ر قابل زانی تا وه ڕۆی مەردٚەن
 دڵەی  غەریبیت  قەدٚیم  یانه بۆ
#مامۆساهەیاس غەریبی

شەوەن یانەی دڵ ئاماد٘ە باشەن
پیری مەی فروش کۆنە فەڕاشەن
مەستان جام بە دەس بە ئاهەنگەوە
یاران   بە   باڵای   ئاڵای    شەنگەوە
ساغر   زڕەزڕ   بە   مەی   ئاڵەوە
مەهوەشان دوو دەس وە پیاڵەوە
پیری مەیخانە مەستی بادەی مەی
مەستان بە زێکری هەی هەی وحەی حەی
باڵاعەرعەران   مەهوەشان  بە  ناز
دەس  وە  پیاڵە بە تەمکین  و  ناز
ڕەندان قەلەندەر ئاسا بە حەی حەی 
مەستان مەستانە دەم وە جامی مەی
ساغر و ساقی دەف و چەنگ و نەی
ڕەقس وسماع و وەجد وحەی و مەی
نەوای گۆش نەواز تار و نەرمە نەی
ساقی  هاوارەن     بادە   پەیاپەی
"شرام هەورامی"مەست ومەنگ وەی وەی
 وەشەن تا سەحەر حەی ومەی و بەی

#فەریدوون بەهرامی(شرام هەورامی)

چرکیه‌ که‌ لوا
نیه‌ن.
چرکیه‌ که‌ نامان
نیه‌ن.
هه‌ڕه‌و  ئی چرکه‌یه‌نه‌ چه‌قاینا
        - ژیوایه‌ ده‌میا جه‌ ئاژینو مه‌رگی _.
ئه‌رامه‌نه‌ییم  بوینه‌
ئاڵوچیاینا باوڕیره
         _گێلانه‌ ‌فێڵیه‌ _       
که‌ نانۆ و کوانتۆمیچه‌نه‌
ته‌ڕه‌بنیه‌ په‌ی پێچ دای مێزۆوه‌!.

#مه‌هدی ئه‌بری(هەورام)

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، مامۆسا هه‌یاس غه‌ریبی، یاوه‌ر هه‌ورامی، موحەممەد خدری(ئەدیب)، ناسر ئەخدەر، جەماڵ قادرپوور، عەتا عەلی پوور، فه‌ریدوون به‌هرامی"شرام"، خەندە هەورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۷)،
نوشته شده در تاریخ پنجشنبه 16 فروردین 1397 توسط همایون محمدنژاد
 کەلەبەروو شێعرا(۲۱)
شێعرێ جە بارەو پێغەمەری (ص)

بادەنۆشی جام جە مەیخانەی یار
نوقتەی پەڕگاری  حەڵقەی کردگار

ئاهەنگی نەزمی بەزمی دڵوەشان
تاقه بورهانی  شەوقی  دڵکەشان

گۆش گیری سۆزی ناڵەی دەردی خەم
هۆردەری  پەردەی  نیستی و  عەدەم

دەفتەرچەی تەریق شێوەی وەشی ژین
نیشتەجا نەسووج  مەنزڵانی دین

هۆ شەمعی تاقچەی یانە تاریکان
دەسگیری دڵسۆز  ڕاگە باریکان

هۆ ئەد٘او تاتەی تفڵی تازەی ئەشق
جەماڵی سوورەت جەهەر نامەو مەشق

لایەعنای مەفهووم فەهمی  دڵڕێشان
بەحری گم کەری قەتەرەی دەروێشان

وەشکەری باڵای وەیوەکەی جەماڵ
جەلادەری دڵ   زەما کەی   کەماڵ

ئاڵا هورگیری لەشکەرەکەی شەوق
نیشتەجا نەسەر تەختی شاهی زەوق

یانەی ئەشقی تۆ جای فریاد ڕەسی
پیاڵەی پەڕی بادەی سەرمەسی

سەختی سەنگی دڵ یاوان و ئەو حاڵ
حسەین کۆکەنیچ مەکەننۆش سەد ساڵ

نە تۆی گەردەلوول بێ مەیلی هەردە
تاوانان یەکسەر ڕوو سیاو  کەردە

نە تۆی پەلکەی زوڵف دنیا یەک ساتێ
هیچ تەقاڵایێ مەدۆش نەجاتێ

ئەوگار نەمابەین سەد تووڵەڕایێن
هەر ڕۆ بە نەوعێ تازە زەمایێن

دنیاش پەرێ وێش مارە بڕیێنە
شەو و ڕۆ ئەجۆش تازەش چڕیێنە

نە هیچ تەرفدا خەلاسیش نیەن 
هەر وە دەسی وێش ئاوڕووش شیەن

دنیا وەحوسنی کازبش هەر دەم 
سوورەتێ پێکۆ نە گلێنەی چەم

هەزاران سۆزش نە دڵ جا کەردەن
بنچینەی ئاڤەز تا عەدەم بەردەن

وەگردین قۆرەت چەنگ پێکان نە دڵ 
هەستیم سەرانسەر ئاوەردەن وە چڵ

دەس و پای هێزی تۆبەمان بڕیان
پەردەی ڕوو سووری وە خجڵەت دڕیان

چوون ماساوی ژاڵ ئەرامەنەنان
مەزانوو زیننە یا خەیر مەردەنان

چا ڕۆنە جەستەم کە بۆ بە خاپوور
بە چە شەرمێوە ڕۆح باروون حزوور

هەم ئاسانەی تۆ هەم ئاسانەی لەیل 
سەعادەتەن دڵ بکەرۆش دوجەیل

بەڵ بە ڕەحمی وێت نەو ڕا گوزەران
هێمەتێ کەری  چەنم بویەران

وەرنە مەر مەنوو وێم و دەردی وێم
تا سەرا مەنزڵ خەجڵەت بارا پێم

          # ژیواری

زێدم کەنوولەن، کەنوولەی نازار
مایەو سەربەرزیم، مایەی ئێفتخار

چن وەشا سەفا و باخ و گوڵزارش
زمسانش وەشەن عەینی وەهارش

عەتر و بۆی مێوەش دنیاش کەردەن مەس
شەقایێق مەدهۆش، جام مەی وە دەس

ماچی سا ئارۆ، فەسڵی وەهارەن
فەسڵی عەیش ونۆش، گوڵ و گوڵزارەن

ئەلحەق کە "پەریان"یاگەی خاسانەن
ماوای عێبادەت  ،حەق  پەرەستانەن

"شەریف ئاوا" واچه ماوای عێبادەت
نیشتەن وه سایەی هومای سەعادەت

"شەریف ئاوا"کەم، ساحێب سەنعەتەن
پێسەو«پەریان»ی، هێمەتش بەرزەن

"پەری" مەردمش، خودٚا مزانۆ
مەلایێک و عەرش دوعاش مه‌کیانۆ

"کەنووله" و پەریان" دیاری یارەن
"شەریف ئاوا"کەم  ماوای  دڵدارەن

پیرافتەی نازار ئارام کەرەی دڵ
فێداو مەزاریت ،  گیان ناقابڵ

نامێت مونەوەر ڕەوشەنی ڕۆوەن
کەنووله ڕۆشن جە نووری تۆوەن

پیرافتەی نازار ،‌ من هیچم  نیەن
یانەی وێرانم وێت وە چەم دیەن

«دەرمان زامان ده‌رده‌که‌ی کاریم
هامڕاز ناڵەی شەوان بیدٚاریم

سۆچنۆم حه‌سره‌ت ده‌رد جیاییت»
«کەرمەڵڵا» فێدای داخ  تەنیاییت

#کەرەمەڵڵا  ئەمیری(ک الف یاس)

عەتری وەهاران

وەهارن سەوزەن نەورۆز گوڵ خێزان
وەشەن   پێشوازی  بە   چەپڵە ڕێزان

قەتارەی گوڵان زەردو چەرمەو سوور
دانشان  تەد٘ارەک ، نزیک  هەتا دوور

گوڵ بە هەزار ڕەنگ،قومری نە سەرچڵ
هەر یۆ  بە  نەوعێ  ، فەرەح  وزان دڵ

بەڕەزای  شاخان  شکۆفەی داران
ڕەحمەتەن  چەنی نم نمەی واران

چەم ودۆڵ چیمەن،سەوزە کەردەن فەرش
پەی وەشی ئێمە،مەلایێک جە عەرش

هەردو کۆساران،سەحرا و دەر و دەشت
پەی ئۆمەتی وێش، کەردەنش  بەهەشت

مەنیشە یانە  سەر کێشە  نە دەر
سەڵوات بد٘ە سەر،ڕەسووڵی سەروەر

گوڵ بە عەترەوە وەهار عەتتارەن
عەتتاری  وەهار ،  زاتی سەتتارەن

شەوبۆ گوڵ نەرگێس،عەترشان پاشان
عەتتار   نیشانش  نیەن  جە    لاشان

بۆژانە و چنوور،نەرگێس و شەوبۆ
بەردم عەتتاری،عەتتار کەرد وە بۆ

عەتتار پەی عەتر گوڵان بێ درەنگ
زوان وشک و لەنگ،واڕیا جە رەنگ

کەرد بە ستایش،عەتری نەو وەهار
سەجدە بەرد نە سای،ئاسانەکەی یار
#موحەممەد خدری داریان‍       


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، یاوه‌ر هه‌ورامی، جەواد حەمزه (فێراق)، سۆبحان خالدی، موحەممەد خدری(ئەدیب)، عەتا عەلی پوور، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۱)،
نوشته شده در تاریخ شنبه 19 اسفند 1396 توسط همایون محمدنژاد
کەلەبەروو شێعرا(۱۹)
دڵه‌ ها یاران به‌رشین جه‌ زامن
گردٚ ته‌فره‌قه‌ بین چوون خه‌یاڵ من

گه‌ردٚ کۆچشان ئانا دیاره‌ن
ده‌ک لێڵاویت بۆ چوونت قه‌راره‌ن

سه‌نگی بار هۆش، پێش بار فامت
ده‌وار شادی، چێخ ئارامت

لوان چه‌نی کۆچ خاڵۆکه‌ی هام فه‌رد
ئیسه‌ بار وسته‌ن نه‌ هه‌وارگه‌ی هه‌رد

تۆ چێش مه‌که‌ری که‌م هۆش که‌م فام
په‌ی ڕووی ڕیایی نیشته‌نی جه‌ لام

سا چه‌نی ئه‌رواح یاوه‌ وه‌ یاران
با ته‌ن بۆ وه‌ سه‌نگ مه‌نده‌ی هه‌واران
#مه‌ولەوی تاوەگۆزی

‍    زوانی ئەد٘ایی
هیچ هونەر نیەن، بە زوانی قاڵ
گوفتار تووتی وار شەقە دەی وە باڵ

چوون تفڵی نەوپا زوان  لەنگ و ڵال
هەر کەس بە جۆرێ،پەرسینە ئەحواڵ

شەرت ئانەن تاوی، زاڕۆڵەی یەکساڵ
غەیر بە زوان حاڵ ، بارین گڕ و گاڵ

بێڕاهە  نەلی ، بگنینە  چاڵی
لای لای ئەد٘ایەن،زوانوو حاڵی

شێعر:موحەممەد خدری داریان

هیچ دەرد٘ێ دەوا مەکەرۆ

ئەگەر: هەزاران ڕۆجیاری
ئاسمانەنە درۆشیا و
بەڵام
دڵوو تۆنە فانۆسڵێ وە نەخۆوۆ
دەرد٘ە مەوەرۆ

ئەگەر خەزێنەو دنیای
دلێ کۆنجوو ڕۆحیتەنە بۆ

بەڵام تۆ نەتاوی

رۆحیت گێری دەسوو وێتەو

به چه درد٘ێ وەرۆ؟

هەزار شارێ گێڵی
 بەڵام 
ڕا ئێننەو دڵۆ وێت نەبەری

به چه درد٘ێوە وەرۆ؟
سەد٘ان هەزارێ یارێت بانێ
بەڵام
نەتاوی دڵیت کەری دۆسوو وێت
.
به چه درد٘ێ وەرۆ؟
ئەگەر
جە هەر چی مرواریەو بەحرەکا
ملەوانێوە 
وەشە کەری پەی کناچێ وێت
بەڵام 
نەتاوی
دڵیت پێشکەشش کەری

هیچ دەرد٘ە مەوەرۆ

#لەتیف هەڵمەت
#هۆرگێڵنایەو :
#سەیوان ئەمینی
ویراستار:
#هومایون موحەممەدنژاد

بۆی وەهار 

بۆی وەهار مەیۆ....بۆی وەهار مەیۆ
بۆی شنەی شەبۆی مێرگەوار  مەیۆ

یاران ئەر سەیرەن بەیدێ  مێرگەوار
ویندێش ڕەنگینەن جە سەرتا بە وار

گوراڵەسوورەی   بەرزی  مێرگەوار
 دیبای حەریرەن جە سەر تا بە وار

سوورەهەراڵەش شۆهرەتی خاکەن
گیواوش  دەرمان دڵەی  خەمناکەن

چنوور و شەوبۆش عەتری وەڵاتەن
پەی  دڵی   ئاشق   یاگەی   ئاواتەن

جە مێرگەوار و هەم جە شانشین
مەگەر  عەواڵان  پاسە بۆ ڕەنگین

جە فەسڵی وەهار بەرزی مێرگەوار
جە عەتری  چنوور مەبۆ  بە گوڵزار

ئاواتە وازەن   بوڵبوڵی    گوڵزار
پەی سەیرو وەشی بلۆ مێرگەوار

سەیوان کۆتا کەر جە وەسفی  وەهار
دڵوەش بی وەشەن سەیری مێرگەوار

نەک بە وێنەو تۆ وامەنەی خەجڵ
دایێم چەنی  خەم  کەری  درد٘ەدڵ

#سەیوان ئێبراهیمی(گواز)

وەشەسیا
وەشەسیا ئینای دڵمەنە،مەکریۆم پەی بەرت ڪەروو
مەنەناوە بەکام خامە تەعریف و تەوسیفت ڪەروو
بیەنی ئامیانوو خیاڵیم بەریم ئاسانەوئەشعاری
حەیرانەنا بەکام واچە نامـە شیرینەکەت بەروو
مەحبووسی یاسای فێــراقت،پابەندی دامی دوورینا
هــــــەر وێم زانوو چن بە سەخڵەت جە دووری تۆ بە سەر بەروو
مــــەیخانەو عەشقوو یاد٘وو تۆ بیەن پەناگای خیاڵم
سەرسامەنا ئەشۆم تاڪەی شەرابی فێراقت وەروو؟!
جە مــەکەتبوو وێساڵیتنە بێ شۆکەروو مەشقووئەشقی
عاشقتەرجە هـــــــــەرمسیارێو دەرسی عاشقیت بەر کەروو
کڵێڵوو بێ دەنگی دریان سەروو زوانوو دڵیمرە
وەقــــرەم بڕیان، وەرمیچمەنە مەیاروو نامێ تۆ بەروو
وەروو تانـــەو ناحەزاوە مەتاوۆ بەونەهەوارگەت
زەوارئاسا بە تاسەوە تەوافوو ئاسانەیت ڪەروو
------------٭٭٭٭٭٭-------------
۱۳۹٦٫۱۲٫٦کۆچی ڕۆجیاری(سیاوکام)
#سۆهراب مورادنیا

دووێ کوڵه‌شێعرێ قه‌دیمیێ
1
جه‌ لێژایی سینه‌یش  گێرته‌م
ته‌نیا جاریه‌
گواریه‌
چه‌کنام جه‌ پاییزو لچاش ونه‌ هه‌ناریه‌
ده‌ک له‌عنه‌ت
ئه‌چی قماریه‌ .
2
جه‌ هانه‌و لچاش ته‌ژناییم ماڕد
و
نیگام
شیرین گلێریا لێژایی سینه‌یشه‌ره‌
نشتێ پلووره‌
هه‌ر ده‌ هه‌ننوسێم
تاموو هه‌نگوێنی نمه‌دانه‌
ده‌سێم؟
#مه‌هدی ئه‌بری(هەورام)

وەهار
یاران   مزگانی   ئامای   وەهارەن 

ئامای وەرزەکەی گوڵ و گوڵزارەن

نه هەر جا مد٘یەی سەر سەوز دیارەن

نیشانەی   خێلقەت   پەروەردێگارەن

چیا و دەشت و دۆڵ  وێشان  وناران 

قەتاره     بەسا ن    سپاو    گوراڵان 

تەبێعەت کاڵای ڕەنگا وڕەنگ پۆشان 

باد٘ەش نه جامی نەو وەهار نۆشان

وەنەوشەی وەشبۆ جه سینەی باخان  

بۆژانه و  شەوبۆ  جه  پای  ئێڵاخان

چنوور شنەشەن جه  بەرزە  شاخان  

سوورەهەراڵه سوور کەرد٘ەن  زاخان  

نەرگێس وه مەس مەس چوون دید٘ە مەسان 

مڕفانۆ نه دەس ڕۆح و دڵ و گیان  

موبارەکتان بۆ نەو  وەهار  یاران  

خەم و پەژاره دوور  بۆ  چەنەتان  

بنیشدێ به شاد٘ نه  پای  کۆساران

به کەیف و ئاهەنگ به سەفاوسەیران  

وەهاری "ناسر" ئێشەن  و   هێجران  

ئەسیرەن به دەس دەرد٘ی بێ دەرمان  

#ناسر ئەخدەر

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، مه‌هدی ئه‌بری(هه‌ورام)، سەیوان ئێبراهیمی(گوازی)، سه‌لیم هه‌جیجی(خه‌مبار)، سوهراب مورادنیا(سیاوکام)، ناسر ئەخدەر، عەتا عەلی پوور، خەندە هەورامی، مه‌ڵڵاعه‌بدولوه‌هاب ئاریانی(مامۆسابه‌دبه‌خت)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۱۹)،
نوشته شده در تاریخ سه شنبه 15 اسفند 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 9 :: 1 2 3 4 5 6 7 ...