کەلەبەروو شێعرا(۱٦٦)

‍ نه‌ورۆزگوڵ خێزان، نه‌ورۆزگوڵ خێزان
وادٚه‌ی وه‌هاره‌ن، نه‌ورۆزگوڵ خێزان 

به‌دٚه‌ن کافووران، خاڵ خورده‌ڕێزان
بۆشان مایه‌ی عه‌تر، بۆی عه‌نبه‌ر بێزان 

نه‌ورۆزگوڵ جاسووس گوڵان تازه‌ن
وه‌هار کیانان، مزانی وازه‌ن 

بافته‌ن په‌ی زینه‌ت ڕه‌ندان دڵبه‌ر
چوون جوققه‌ی تاووس بپێکاش وه‌ سه‌ر 

قاسێد نه‌ورۆزان نه‌ پای هه‌رده‌وه‌
یه‌ک یه‌ک به‌رئامان نه‌ تۆی په‌رده‌وه‌ 

هێمای خۆ زمسان ته‌شریف نه‌به‌رده‌ن
نه‌ورۆزگوڵ موژده‌ی وه‌هار ئاوه‌رده‌ن 

مزانی مه‌دٚۆ زمستان ویه‌رد
ته‌خت یه‌خبه‌ندش هه‌وا دا به‌ گه‌رد 

ئه‌رسه‌دٚ که‌ هه‌وای سه‌ردش به‌رۆ ته‌ن
خورشید مه‌نزڵگاش نه‌ بورج حووته‌ن 

به‌ڵێ، جاڕچیان نه‌ورۆز جاڕ مه‌دٚان
جاڕ پادشای نه‌ووه‌هار مه‌دٚان 

باد وادٚه‌ی وه‌شت جه‌ کۆسار مه‌یۆ
مزانی مه‌دٚۆ، نه‌ووه‌هار مه‌یۆ 

پادشای وه‌هار وادٚه‌ی وه‌ختشه‌ن
به‌ ته‌عجیل مه‌یۆ، ئامای جه‌ختشه‌ن 

وه‌خته‌ن شای وه‌هار بنیشۆ نه‌ ده‌ور
جاڕ بکێشۆ ڕه‌عد، ته‌مه‌لوول و هه‌ور 

وه‌خته‌ن بگێرۆ ڕووی ده‌شت و سارا
که‌وکه‌به‌ی وه‌هار، وێنه‌ی شای دارا 

وه‌خته‌ن به‌یۆ به‌ر ئوردووی گوڵاڵان
گێران ده‌ر و ده‌شت، چوون هه‌رده‌ساڵان 

وه‌خته‌ن بدٚۆ سان گوڵان هه‌زار ڕه‌نگ
چه‌رمه‌ و زه‌رد و سوور، چوون دیبای فه‌ره‌نگ 

وه‌خته‌ن شای وه‌هار بکیانۆ خه‌ڵات
سه‌وزه‌ی ئه‌تڵه‌س ڕه‌نگ په‌ی ڕووی سه‌ربێسات 

وه‌خته‌ن شه‌قایێق سه‌ر بارۆ وه‌ به‌ر
هۆردۆ ئاڵای سوور جه‌ باڵای که‌مه‌ر 

وه‌خته‌ن بوڵبوڵان جه‌ شیرین خاودا
بێدٚار بان جه‌ موڵک خاسه‌ی زه‌هاودا 

وه‌خته‌ن ساڕێش بۆ خاترشان جه‌ داخ
له‌ت بینان به‌ عه‌زم گوڵگه‌شت له‌یلاخ 

فه‌سڵ نه‌ووه‌هار وه‌خت گوڵگه‌شته‌ن
سه‌رزه‌مین به‌ ڕه‌نگ سارای به‌هه‌شته‌ن 

وه‌خت شادٚی و عه‌یش، ئه‌یام سه‌یره‌ن
په‌نه‌ش دڵشاده‌ن، ئه‌ر وه‌حش ئه‌ر ته‌یره‌ن 

ئه‌گه‌ر خاترێو ناچاخه‌ن زویر
وه‌هار بێ که‌یفیش مه‌به‌رۆ جه‌ ویر 

چوونکه‌ شای وه‌هار شادٚی موازۆ
هیچ که‌سێ خه‌مناک، مه‌لوول نمازۆ 

«سه‌یدی» چوون مه‌لوول هێجران یاره‌ن
فێشته‌ر خه‌مناکیش فه‌سڵ وه‌هاره‌ن

#سەیدی هەورامی

#هەو کرۆنا! کۆگە مەی؟ 

هەو کرۆنا دڵ هەژارەن کۆگە مەی؟
دڵوەشی ناوەش دیارەن کۆگە مەی؟

ئانە تۆ وینان جە دوور ڕۆجیار نیەن
جەننەتێوەن پەڕ جە نارەن کۆگە مەی؟

تاعەتوو ئێگەی پەڕوو چۆتەرمەیەن
چیگە تاوان تۆبەکارەن کۆگە مەی؟

تەژنە ئاوی منجەنۆ پەی ئاوەڕووی
ئاوەڕوو مەرگش ویارەن کۆگە مەی؟

نان خەریکەن ئاوەزش کەردٚەن تریت
کاسە هاڵی و چەمچە لارەن کۆگە مەی؟

دارەکەو ئێگەی سەرەی سەوزەن بەرش
باخەوان شاخدارە مارەن کۆگە مەی؟

بێجگە زمسانی نیەن وەرزێوەتەر
کۆنە ئەفسانەش وەهارەن کۆگە مەی؟

چێگە ئەر وازی "صراط المستقیم" 
گا یەمینەن گا یەسارەن کۆگە مەی؟

#جەماڵ قادرپوور

ئیسلام یا خورافات؟ !!

ئانە ڪام دینا بەتەحسێڵ مرۆ
مەگەر  دینێوە ،  سەراپا   درۆ

خورافات   بارۆ   بە نامێ  دینی
وەرگێرۆعیلم و هۆشوو  زەمینی

"اِقرَٲ " نە واچۆ  هەتا  " یعقلون"
نە زانۆ "ڪُل فی فَلَڪ یَسبَحون"

"فَانفُزو"ش نەبۆ هەتا"سَماوات"
نەژناسۆ پایەی نجوم ڪایێنات

بەها نەواچۆ پەی " اولی الاَلباب"
جەرگوو جاهێلا نەڪەرۆ ڪەباب

نەبۆش دەسووری تەعمیر دنیا
هە تا  "      اَلرَجُل  رَجُلُهُما    "
عومەر وعەلیش بێ سەواد٘ێ با
پەیامێش چیێ، پێسەو ئاوێ با

تۆ ڪەی  یاوانی  ئا یاگێ، واچی
بە تەنیا ڕەئیەو دەرۆنیت ساچی

جە سوهرەوەردی تا لاو  غەزالی
شێخی ئەشراقەو هەتا بووعەلی
مەڵڵائەسعەد٘  و   زانای  نۆدشە
ئیبنوو هەیسەمۆ تادوڪترگۆشە
هەزاران هەزارچوون فەخرڕازی
بە ڪام   مایەتۆ   گێریشا  بازی
تەڵا لێڵ مەبۆ بەخەس وخاشاک
مەلا زل مەبۆ بە عەبا و  پوشاک
هەر وەختێ مەلا هەقێقەت واچۆ
هەزار دوکترا  بە  نۆتقیش ساچۆ
بەڵامیچ  ئەگەر  ،  خورافات   ئارا
بە وێش و خەڵکی وخود٘ای قەرزارا
نەزانیش  مەنیە  گەردە٘نوو  دینێ
بزانە   مەغزا  ،  یا سێف   زەمینی
ئەلئەزهەر زانۆ ، دین کامەن بارش
تەڵاژناس  زانۆ   چننەن  عەیارش
بە خامی نەد٘یەی پەی دینووخود٘ای
دێرش  کەرد٘  زانی  مەنەنی  جیای
حیسابی ماچۆ   ئەنیشتاین   ڕوێ
قورئانش وانا سەنگین،چوون کوێ
وانە تەفسیروو  تەنتاوی  و  ڕازی
هەتا  بە دینیت   کەری   شانازی
ماشینی  وینە ،     وێڵش   ڕانندە
ڕانندە کۆر بۆ   کەی وینۆ   دەندە
ئانە  دینی  بۆ    پێسەنە    ڕیازی
پەنج و شش یانزە کەی وازۆ قازی؟
"حامی"ئیسلامی موستەنەد زانۆ
پەوکا بارەشەو وێنەی بەق  وانۆ

#حامی-غەریبی


ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، پزشکی، حامی غەریبی، جەماڵ قادرپوور، مامۆساسەیدی هەورامی، سەیێدٚرەحمان مەحموودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٦٦)،
نوشته شده در تاریخ سه شنبه 27 اسفند 1398 توسط همایون محمدنژاد
کەلەبەروو شێعرا(۱٤۲)

شێعرەکێم
     ئننە شڕێنێ
              پینە هۆرمەگێرا!

دڵوەش پینەینا
تەوەنی فڕە دریێ پاڵوو دیواری
        کریۆ بنەڕەتوو بینایێ تازەی

# شارۆ
۹۸/۱۰/۲

سەروەشی نا لێ وەشی، شادٚی حەرامەن بووڕەشۆ
تۆ بە شین ئامەینە دونیا، بەس تەمامەن بووڕەشۆ

دڵوەشیم ئانەن جەحەنەم پەی موسڵمانی نیەن
کافروو کافێرستانی، گردٚ عەوامەن بووڕەشۆ

چا گراهانبل، ئێدیسۆن، کۆخ، گنا ئایروو خودٚای
ئێمە یاگێما بەهەشت و خاس و عامەن، بووڕەشۆ

ئانە چی موژدەو بەهەشتی، گردٚ حەراڵێنێ و بەڵام
چێگە مەمنووعەن، مەواچا فێڵ و دامەن، بووڕەشۆ؟

حۆریێ و ئاوی حەرامە و باخ و بۆیسان و سەراو
کۆڵێ هەنگوین دەرێوە و شۆتی خامەن بووڕەشۆ

هاڵە چەرمێما بە قۆرەی گردٚ کەنێ و هۆشەش نەمەن
ئینە گردٚ تەرسەو شەراوین، ژار و سامەن بووڕەشۆ

لەززەتێ پەی ئێمە نامێنێ، نەلی شۆنەو وەشی
ئێگە مەر کافرستانەن؟!، ڕووم و شامەن؟! بووڕەشۆ

چا دەسم نمیاوۆ حۆری و چوون حەراڵەو وێم هەنە
 چێگە نقدەن، فامە سەیێدٚ، چاگە وامەن بووڕەشۆ

#سه‌یێد_ڕه‌حمان_مه‌حموودی




طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، سەیێدٚرەحمان مەحموودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۲)،
نوشته شده در تاریخ پنجشنبه 5 دی 1398 توسط همایون محمدنژاد
‍ ‍کەلەبەروو شێعرا(۱٤۱) پەی مەرگوو برا کۆڵبەرەکاو نێ"و شاروو مەریوانی 

زمسان گاڵەشا
پەلەوەروێ کەوتێنێ سەما و
کەی کەردەیشا چەمی حۆلنا
قریوەو زوقمی دەسا خوونوو و
وەروە لەنجەش ورازۆ باڵا
وەش ئامای
فەڕە باڵاتەو  نوتش هەزار تەرز !
کەوتەن هەتیم ،
تاتە کیسەش 
پەرێ دێویای وەهاریش
ڕۆزگاری خەت کێشۆ
یانە گۆ دەساش
هەڵمەو ئاخانە
پەنجێ منیچ خومار خومار
«بابا نان داد» مجا تابلۆ!
ئاورای مرنۆ مسیارێوە
بە وەشکەنانێوە بێ کەسە!
تا وەختوو نویستەی «تاتە» نەوڵاویۆ
«من»یچ
هەیتا هەیتا 
بوغزوو دەسام  هۆربڕنوونە و
هاوار بێ دەنگی مدٚۆ قەنارە
ماچوو گوڵەکام:
«نان»
 هەزاااااااااااار بڕگێن...!
#شارۆ

 ‌ ‌ "دووبرای کۆڵبەر"

دوو جگەرگۆشەو دوو برای نازار
بەرهەمی ژیان دایکێکی هــــەژار

ئەو شەو دوو برای ئازیز و گیانی
خەویان لێ نەڪەوت تاڪوو بەیانی

لە ژێر بێ دەنگی و ڕەشایی شەودا
بەرەنگار لە گەڵ خەیاڵ و خەودا

نازانم چلۆن ڕۆژیان ڪردەوە
دایەیش تا بەیان خەو نەیبردەوە

پاش تەسبێحات و نوێژی بەیانی
دوعای بۆ ڪردن هەتاکوو توانی

زۆر پاڕایەوە لە لای  خواوە
بەڵکوو بە خۆشی بگەڕێنه دواوە

بەر لە کازیوە و پێش لە خۆرکەوتەن
دوو برای ڪۆڵبەر لە دێ دەر کەوتن

گیان لە سەر دەستان، بۆ بژێوێ نان
ڕوویان نا لە ڕووی شاخی هەورامان

ئاخر دیدار و دوا ماڵ ئاوایی
کردیان لە دایەو شارو ئاوایی

ڕەشە بۆرانێ ڕێێ لێ ون ڪردن
دوو برای کۆڵبەر لەو شاخا مردن

ئێوە شــەهیدی پێناوی نانن
پێناسەی ڕەنج وئازار و ژانن

ئێمە ڕیشەمان لەم خەم نێژراوە 
گەلێکین بێ کەس، ڕووت و چەوساوە

ئەدی خۆ شاخیش لە گەڵمان دژە
وەڵڵاهی کاڪە"تەتەیش" خوین مژە

ڕنوو لە ژێر پێێ "کۆڵبەران" خزی
تەمەنی کورتیان وەك خەزان ڕزی

"ئازاد و فەرهاد" شەهیدی نانن
ناسنامە و شڪۆی بەرزی ژیانن

ئەگەر چی "تەتە" شاخێڪی ڕەشە
سەهۆڵ بەندان و شێتە و سەرکەشە

بەڵام "گەناوە"باوشی ڪردەوە
هەرتاکوو "فەرهاد" خەونی بردەوە

ئەوان زامی نوێ دڵ"سیاوکام"ن
هۆڪاری خەم و ئێش و ئالامن
----------٭٭٭٭٭----------
۲۹ی سەرماوەزی ۹۸
۹۸٫۹٫۲۹کۆچی هەتاوی
#سوهراب _مورادنیا

دوێ تەنافێنێ و خودٚایە پشتیوانوو کۆڵبەری
چن درێژەن پێسە یەلدای کاروانوو کۆڵبەری

 کۆڵەکەش یەخچاڵێ هاڵین، پیسە گیرفانەو کوایش
جا بزانە چن حەڵاڵەن!تیکە نانوو کۆڵبەری

تۆ مزانی چن مەراقێ نای هەناساشا خودٚا
مەینەت و قورسیچ مەزانا، نای جە شانوو کۆڵبەری

نای کەمینەو تیکەنانێ مایوە بەرزە و سەختە ڕای
فیشەکوو وەروێە قورسە پەی خەمانوو کۆڵبەری

 نانوو ئازادٚی هەڵۆئاسا ئەچا بەرزۆ وەرۆ
 سەر کەلوو شاهۆی دیارەن قەورسانوو کۆڵبەری

ئەی هەرەس بگنۆنە یانەت کۆنە ڕاو نانوو شەوێ !
ئانە چی زقمت حەواڵەو کەردٚ گیانوو کۆڵبەری؟!

سەیێدٚ و ئاواتەکانوو بەرزی داڵانی و تەتەی
چننە شێعرێشا سراونای کوێسانوو کۆڵبەری

#سەیێدڕەحمان مەحموودی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، بێهرووز موحەممەدپوور(شارۆ)، سوهراب مورادنیا(سیاوکام)، سەیێدٚرەحمان مەحموودی، سه‌باح حه‌سه‌نی شیانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۱) پەی مەرگوو برا کۆڵبەرەکاو نێ"و شاروو مەریوانی،
نوشته شده در تاریخ شنبه 30 آذر 1398 توسط همایون محمدنژاد
کەلەبەروو شێعرا(۱٤۰)


کۆڵەکەم بنیەیدێ قەورەم گردٚ خەمێنێ، با مرا
فرسەتەن تاکوو جە شانەم گردٚ جەمێنێ، با مرا

چێگە بسراوندێم،بەڵکوو گرم و قاڵی نەژنەوو
چی سەرۆ تا چەم مەوینۆ هەر تەمێنێ،با مرا

ئاورای وینی، نمەتاوی عاشقوو نانی نەوی
ئەر خەمت نانەن،فرێنێ یا کەمێنێ، با مرا

عاشقی ڕەنجەن،نەوینی تاموو ئاواتەو دڵی
لێ دەگای پەڕ بۆ وەلی، چوون بێ شەمێنێ، با مرا

تۆموو ئاواتا، وەهارێ چێگە شانام و لوان
ئەر بە زەردٚی کەوت سارا و ئەر سەمێنێ، با مرا

چی سەرۆ زقمێوە ڕچیان ماتڵووڕۆجیاری بوو؟!
ئەی بە شەڕ کۆست مرۆ ڕۆ ، وادەمێنێ، با مرا

ئنە تەرسوونە دزێ بەی،قاڵیەو مزگی بەرۆ
 تووتەکێ شاریچ وتێنێ و بێ دەمێنێ، با مرا

 بازە با بووسوو بە قەقبەو بەش خەوەر بوونۆ،سەوای
 شێعرەکێت"سەیێدٚ"جە ئاخ و مەرهەمێنێ، با مرا

#سەیێدٚڕەحمان _ مەحموودی

زمسان زریکناش
زۆقم
هەنگامێش ڕەقوە کەردێ
باڵاو ڕۆحێش 
کەفەن کێشا
چەمێش وراستێ
بە تاپۆرە
هەرتا
تاسە نەحەسیۆوە

خنجەرەو
 برایەتی شاخی
کێلانە ترازیا
یەخێ نانیش دڕیەرە
و
جلوو ئاخیش
وراست کۆڵەرە

ئاخیەتەر و 
خەمیەتەرش کارەنیا کەرد

سفرە وناڵین 
بابۆڵێ 
پەی بابۆڵێ پەلەقاژێ !.!.

لاقەراخ و شاریوە
زریکەو
ئەڐایەتەر 
کۆڵبەریەتەر گۆچ مەکەرۆ
هەرتا تەتە و
ئاغەو ئاغا
بێ خەم کەرا
ڕاوەو  نانی !!

جەواد/ فێــــــراق ۲٨؍۹؍۹٨
‍ ‍ ‍

 گیانێوە پەی نانێوە!
شارۆ
۹۸/۹/٦
ــــــــــــــــــــــــــــــــــــــــــــــــــــــــــ

تەتە ئیتر
مەجمنۆ چەم پەی تەماشای!
سیروان
دڵش مەراق خێزا و
هەڵەبجە
چرکەچرکەو وەرزاو ساڵێ
چەمێش سەرچەمەو سەماو هەڵسانێ

ئیتر چێولای
وەروەیچ گرەوۆ پەی کۆڵبەری و
وێشەرە پێچیۆ تا ورد بیەی...
ونی سۆچۆ 
هەنگام هەنگام و
شەرم مجۆ 
لچێشەو نان!

چێولای ئیتر
کامە گەشتیارا
پەنجە کێشۆ پەی هەڵەبجەی
وەختێوە کە
سەی سینەو هەر تەوەنێ
بێ ناز کەوتەن کۆڵبەرێوە؟!
واچدێم سا دەی
کامە تاتەن
کامە برا
کامە ڕەفێق
کامە لالۆ
یا مامۆزا
سینەش کەیلوو مەراقی نەبۆ؟

چێولای هەر وەخت
عەزموو تەتەیت جەڕ دا پایا
بن کڵیشوو هەر تەوەنێ وستەت بنێ
نامنەرە سەرە
 و
نانێ بنیەرە...!
#شارۆ


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، سەیێدٚرەحمان مەحموودی، حامی غەریبی، جەواد حەمزه (فێراق)، بێهرووز موحەممەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤۰)،
نوشته شده در تاریخ جمعه 29 آذر 1398 توسط همایون محمدنژاد
کەلەبەروو شێعرا(۱۳٨)


گوڵێوه‌م دا ده‌موو وایۆ عه‌زیزم

دڵم کاڵا سه‌روو مایۆ عه‌زیزم

چه‌نی ئاوه‌و سه‌راوو دڵ نه‌داران

چه‌مم وادا سه‌روو ڕایۆ عه‌زیزم

به‌مووموو مه‌یله‌که‌و تۆ تا ده‌سم بێ

سواخم دا جه‌سه‌د لایۆ عه‌ زیزم

به‌دووبادوو گوڵوو شۆله‌و خیاڵی

وراسم ئاره‌زوو زایۆ عه‌زیزم

شه‌وه‌ش مه‌ڕده‌ وه‌روو ئاواته‌کانم

لوامه‌رده‌ی به‌هه‌ی هایۆ عه‌زیزم

زیا تۆمه‌و مه‌نه‌ی  شی ناهومیدٚی

گوڵێوه‌م دا ده‌موو وایۆ عه‌زیزم

#موحەممەدیۆسف ڕەسووڵ ئابادی

خەیاڵێ ئێمه پەی پاکی تەکێنێ 
جل و بەرگوو  وەریشا بێ لەکێنێ

خیاڵێما  مـــــــتۆقانێ  زیــــــــــــاره
هەتا  جواب و سڵامی  فیشەکێنێ

خراوه و خاسه نای کۆگایەنەو  مەر
بوێچمێشا، چەمێما هێڵەکێنێ

بڕێ  ئاواتێشا  زاڕۆڵەیێنێ
کلووچێ و نوقڵ و چکلیت و فەکێنێ

بڕێ، ئاواتێشا گەورێنێ گەورەم
نمەژناسوونەشا تۆ واچه کێنێ

بڕێ دۆسێ تکەو، بازێ دەرێنێ
بڕێ، بانێ به بەحریچ  بێ‌ مەکێنێ

ئەرێ رەنگ و دڵ و بنیادما  کەی
بیاڤۆ  رۆیه  وینمێشا یەکێنێ؟

بە زەمنەم ئانێ ئەشقی کۆنه زانا
بەشەر حەیفەن چڕیشا گۆرەکێنێ

رەفێقێ عالێ بەش یۆ یۆ زیاوه
که پەی  یانەو خەیاڵی کوڵەکێنێ

#پەرویز بابایی

تاتەڕۆ چی شارە ژیوای چن گرانا ! تاتەڕۆ
شار مەردەن ئانە وینیش،قەورسانا،  تاتەڕۆ

جیا هەڵۆی قاڵاو منیشۆ قەدٚ چناری، قاڕقاڕ
ساڵهان چێ وشکەساڵی و پیاقڕانا تاتەڕۆ

چێش هەن چینەی جەحەنەمتەر خودٚا ڕاسەن درۆن!؟
ئانێ واچانێ بەهەشت،حەدس و گومانا، تاتەڕۆ

دین،واچۆ چڵکوو دەسیا ماڵوو دونیای پەوکەتەی
لێ دە یانا هەشتما بێ خان و مانا تاتەڕۆ

فەلسەفەو دینی ئەگەر پەی حەججی یا ڕۆچێ و نماین
پەس موسڵمان و مەرامش ئەردوغانا تاتەڕۆ

ئێمە پەی ڕاموو گەلەی هەفتا گەماڵێ جەم کەرم 
خۆ گەلەو کافرستانیش بێ شوانا تاتەڕۆ

کەس نیا چراوێ بدٚۆ،من کۆ ملوو پی سورعەتە 
جادە یەکسەر هەر پولیس و پاسەبانا تاتەڕۆ

باخ پەی ساحێب زەڕ یا شیک پووشین مێوەکەش 
ئانە لێباسش هەڕینا ،باخەوانا تاتەڕۆ

زلزلێ حاسڵ جە دەفنوو ئایروو سینەو کۆڵبەرین
چیروو پایما هەر گڕ و ئاتەشفشانا تاتەڕۆ

زەڕ  بیەن بابەو نەزان و ئەحمەقی بێ فایدٚەی
قابلی زانا بە ئێجبار بێ زوانا تاتەڕۆ

پا سەروو نەفتێ بە کۆڵوو هێزمێ ساکێ دیەن
یانەما سەردەن گڕێچ پەی دارسانا تاتەڕۆ

شێعرە عەشقێوەش نەبۆ لێ ناعێلاجی شێعرەنە
"سەیێدٚ"هاوارت نەلۆ ! بارت گرانا تاتەڕۆ
 
#سەیێدٚرەحمان_مەحموودی


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، په‌رویز بابایی، حامی غەریبی، سەیێدٚرەحمان مەحموودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳٨)،
نوشته شده در تاریخ شنبه 23 آذر 1398 توسط همایون محمدنژاد
کەلەبەروو شێعرا(۱۳۷)

ڕێبوار
ئەی ڕێبوارەکەی راگەی زانایی
مەلەوانەکەی ،دەریای مانایی
سالکی سلکی عارێفان خاس
جە پەستی بێزار سەربەرزی شناس
                                            
تۆ چەنی ئەحەد بەستەنی پەیمان
ئەرکی ئێنسانی بکەری تەیمان

درۆ و دەلەسە و تاڵان و غەیبەت
هەر یۆ بە جۆرێ ماوەران نەگبەت
تەمەڵی و پیسی و وێڵی وبێکاری
مەوان سەرمایەی کەمی و نەداری

دەخیلەن دەخیل دوور گنە لێشان
عادەت نەکەری هیچ کاتێ پێشان

چەمت تەنگ نەبۆ بەخێڵ نەوینە
سینەت پاک کەرە جە تۆزی کینە
دڵ کەر ئاێننە پەی دێدار یار
تا باخ شادێ بنیشۆ وە بار

ڕای تۆ ڕای حەقەن، ڕەسووڵ نمانان
جە ویرت نەشۆ دەسم وە دامان

مێرو مۆبەت و یەکڕەنگی و سەفا
ژیری و زیرەکی و بەینەت و وەفا
برایی و دۆسی و زانایی و ئەدەب
مزگی ودانشگاه و مەدرەسە و مەکتەب

لایێق وە باڵای ئاڵای شەنگ تۆن
ئەر یە بۆ وەرات دڵتەنگی جە کۆن

#موحەممەدیۆسف ڕەسووڵ ئابادی 

لاپەڕیە چەرمەنە
با زمسان ، دارستانی ڕووت و قووت بکێشۆ
سایەو سەرەو چەمەکاتەوە
مەشنیەونە
گەڵا بە گەڵا ،دیایمەنە سەوز.
مەنیشۆنە هەراڵە 
لچەکاتەنە سوور
لەق بە لەق  ، دار بە دار .
سەردیت
زقمەڕەوایەتو نائەهلەکانەن
تۆ شێعرەنی 
و
کەلیمەکا گڕتەنە گێرتەنشا هاوار.

#مەهدی ئەبری


ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، مه‌هدی ئه‌بری(هه‌ورام)، سوهراب مورادنیا(سیاوکام)، یووسف ڕه‌سووڵ ئابادی(هاوار)، سەیێدٚرەحمان مەحموودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۷)،
نوشته شده در تاریخ سه شنبه 19 آذر 1398 توسط همایون محمدنژاد
.: Weblog Themes By Abdollah Habibi :.