کەلەبەروو شێعرا(۱۲۱) بە بۆنەو ساڵیاد٘وو کۆچوومامۆساهەیاس غەریبی

پەی ساڵیادوو ئاخر کۆچوو برا نازارەکەییم و ئازیزەکام

ئینە عەمرێوەن کە بێ تۆ دیدٚە مارۆ هەرسی سوور
پەی ڕوانە و هەرسە سوورا کوڵم و زنجم با پلوور

تاقە کۆنەو ئی چەما بێتاقەتوو تاقوو چەمات
چێش کەرۆ بێ تاقەتا خەیلێن مەوینۆ بێ حزوور

دیدە زووەن عەزرەتا پەی خاکوو پاڵاکە و پەیات
مەڵهەما پەی دیدەکەی من مێڵی پات و خاکی توور

نانوو شێتیم سوور و سنجا ڕازنان سفرە و دڵیم
تاقەتوو من بی هەمیر و هیجر و تۆ وێنەی تەنوور

زۆقم و بۆرانێ عەجیبا یەختەسارا سەر دڵم
سەر دە لاما بدیە پەیما ڕۆجیاری شارەزوور

شۆنوو تۆرە من مەوینوو عاقڵێ با عاشقێ
شەرمەسارا پاڵوو تۆنە عەقڵ و ئێحساس و شعوور

چن وەشم بێ یانە پەڕ بێ دەنگوو ڕەنگوو شێعرەکات
ئیسە یانەم چۆڵ و هۆڵوو بی هەوارێ بێ سروور

چن نزیک بێنێ بەهەشتی تا نزیک بێنێ بە تۆ
ئیسە عەمرێن دوور جە تۆ دوورا بەهەشتیچ دووری دوور

هۆر نمێ هێزوو هێناسەم بێ هێناسە و سینەکەییت
دادەی ئازیزم هێناسێ،پەییم زەروورا رێ زەروور

وێم بە شانازی بیەی تۆ بەردەبێ هۆر ئاسمان
ئیسە شێت و لاشە تۆزین،بێ ڕەفێق و بێ غروور

چن عەجیبا تاسۆعانوو عاشوورانوو کۆچوو تۆ
بەیدێ هەورامان زیارەت کەربەلایێن بێ سنوور

خاک و خۆڵی سەر زەمین پەی من حەراما بێ هەیاس
چێر زەمین فەرزا وتێنێ گۆڵ عۆزارێ چۆن چنوور

کەی وەژی ئەی مەردەشۆر جامەی سیاوی ..نادیار..؟
کەی وزی ڕا کۆچە کەو من وێم و جامەی چۆن بلوور


#عەباس غەریبی



خەڵکوو دەگاو خەمی

یاران من زادٚەو ئەدٚاو خەمینا
پەروەردەو ئاوو هەواو خەمینا

بایەقۆش ئاسا ماوام وێرانەن
بەتاقێق خەڵکوو دەگاو خەمینا

هامسام پەژارە، ئەنیسم خەمەن
گێرۆدٚەو جەور و جەفاو خەمینا

بێ تاوان مەحکووم گونای نەکەردەم
بێ گونا مەحبووس یاساو خەمینا

خیاڵ سەرگەردان، خاترپەرێشان
هەردی و هەردەگێڵ ساراو خەمینا

دەرسم پەژارە، مەشقم مەینەتەن
ئۆسای وەش ئاوەز، زاناو خەمینا

کەوتەنا نە گێج بەحروو پەژارەی
غەرقی تەلاتوم دەریاو خەمینا

سەرەم چەرمە بی، ڕیشم تان و پۆ
رۆخسارم چرووك، سیسیاو خەمینا

قامەتم بە واو هەژاری چەمیان
ئەلفم بی بە نوون، چەمیاو خەمینا

شەبابوو جوانیم جەردەی پیری بەرد
بازاڕم کەساس، شێویاو خەمینا

سپای خەم عەزمش تاراجی شادٚین
دیل و باڵ بەستەو سپاو خەمینا

تەن سیازوخاڵ، جە سەر تا دامان
من قەقنەس ئاسا، سۆچیاو خەمینا

بێ خۆراس نە تاو وەسوەسەی دەروون
دایم  گۆشەوەنگ نەواو خەمینا

سەرەوکۆی مەینەت بڕیەن هەناسەم
زرانیم بێ هێز، مانیاو خەمینا

مەزاق مەنگ مەی ئاخ و حەسرەتەن
سەرعی و سەرگەردان لێویاو خەمینا

ڕیشەی خاری خەم درۆسیان نە جەرگم
چەترم پەژارەن، نە ساو خەمینا

خەم یار و موونس، خەم خوراکمەن
کوشیای تیری خەم، مۆمیاو خەمینا

ئەر هەیاس خەڵکوو«دەگاو عەشقی»بێ
من بێ ئادٚ وێڵوو ساراو خەمینا

#سوهراب مورادنیا

ـ بە ئێلهام جە پارچە شێعرەو(خەڵکوو دەگاوعەشقی) جە مامۆساهەیاس غەریبی

@hawramanhaneberchem



طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، سوهراب مورادنیا(سیاوکام)، عەباس غەریبی، مامۆساهه‌یاس غه‌ریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۲۱) بە بۆنەو ساڵیاد٘وو کۆچوومامۆساهەیاس غەریبی،
نوشته شده در تاریخ یکشنبه 21 مهر 1398 توسط همایون محمدنژاد

کەلەبەروو شێعرا(۷٨)تایبەت پەی هەڵەبجەی

"چەمێ ڕەژیێ"
                    #ڕەئوف.مەحموودپوور

وەختێ وارێ
هەڵسی سەوزێ گیانوو نەرموو سەروەهاری
کە هورتەقێ
هەلچی کەما و کەمێر و لۆی
کەوت قرچەقررچ
تاوەو گیانوو بن ئاویرگاو بەسەزوانیی
نەورۆزانە
بی بە ورکە
بی بە گرێ سەروو زوانی
بی بە گوارێ کریێ گۆشوو زڕباوانی
                  □□□
چا وەختانە
چرۆ وەرزوو سەرنەورۆزی
هورش کەردە ئاڵایە پەی واڕای ڕەنگا
شکێ زیا
بنگوانوو ئەدالێ ڕۆی،
بایەقوشوو سەروو کۆنە کەلاوەکا
سوێ تاڵەش ئاما پەنە
کەوت پەلکوت پەی چڕیەی دێوا !!
□□□
فرەش نەبەرد
دڵ و مۆخ و چەم و دەموو دێوەزما
بیێ دەڵە و کەتێ مژن
تێخێ ساویێ پێسەو کەڵبا
ڕەژیێ پێسەو سینەی سووروو نێرەپیای
                                       "چەمێ شاری"
□□□

مەراقیێنە
شنەو باڵوو کاوەترا
بی بە لەنجێ تەڕ و فێنک
هەڵسی گەشێ چەموو هەورا
بیێ پاچێ پاچەکۆڵەی
کەردشا باڵا بنجە گیانێ !
جا هەڵەبجە
پەی ڕازنایۆ سەروو سینەو کوردەواری
                                     " بی نیشانێ "

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، ڕه‌ئوف مه‌حموودپوور، مامۆساهه‌یاس غه‌ریبی، فاتێح سه‌عیدی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۷٨)تایبەت پەی هەڵەبجەی،
نوشته شده در تاریخ یکشنبه 26 اسفند 1397 توسط همایون محمدنژاد
کەلەبەروو شێعرا(۲٨)

ماتم کەردەن  وێنەی سەنگ
بـێ نـام و نیشـان و بـێ دەنگ

کـز و مـەئیــووس و بـێ نـاز
غـەریب و دوور  و  دڵـتـەنگ

سـەرباشقـەو گـردوو دەردا
یارێو  مـەوینـوو  هامـڕەنگ

هـەرکەسیە وێش نەدۆڕنان
پنـەش ماچـا بێ فەرهـەنگ

ئاخـر مـەعرێفـەت کـۆ شـی
جیفەوشعوور بی هامسەنگ

مـەگـەر،  وارانـی ڕەحمـەت  
جـە دڵ مـاڵـۆ تـۆز و  ژەنـگ   

گـۆشـێـم  کـەردێـنـێ هـەزار
کەی بەی قافڵەوسەد٘ای زنگ

کەی بەی تەسکینێوپەی حاڵ
دۆسێـو باڵا شـۆخ و شـەنگ؟

شێـوەی  ڕۆجیـار  مێساڵـش 
بـەرۆ حـیـای شــەوە  زەنـگ

عـاشـق مـووسیقــاژەن بـۆ
شێعر و دەف و نەی چـەنگ

شـەیتان دوور و بەعـید بـۆ
فەرسەخ ومایل و فەرسەنگ

" بـچـووک" گـێرۆ تـەد٘ارەک
مـەحفلی کـەیف و ئـاهـەنـگ

#میرزا مەجید سوبحانی(بچووک)

بەیادَوو ڕەسوولەڵڵای

دیسان ڕەجەب و مانگوومێعراجی
ئاماوە  نوور و   بەرزوو  سێراجی

وەشەن بە ئاوات یادی موحەممەد
یادٚی   وەشەویس خالقی  سەمەد

نوورەن ڕەحمەتەن حەقەن ئەمینەن
خاتەم و  سالار    ڕانمای دینەن

شاهی مێعراج و بۆراق سوارەن
ڕەفێق جوبرەئیل یاری نازارەن

ئەحمەدەن مەحموود خێرولبەشەرەن
شافێعەن دەسگیر سارای مەحشەرەن

جە نەسڵی  ئازیز  نەبی خەلیلەن
پێخام  ئاوەری خود٘ای جەلیلەن

بە حەقەن ئایەی مەقامەن مەحموود
پەی حەزرەتیما ڕەسوولی مەسعوود

سڵام وسەڵوات  هەزاران هەزار
پەی جەماڵوو تۆ ڕەسوولی نازار
#عوسمان ڕەحیمی هەجیجی
*8*6*1395*

خه‌ڵکوو ده‌گاو ئه‌شقی
ئازیز من خه‌ڵکوو  ده‌گاو ئه‌شقینا

په‌روه‌رده‌و  ئاو و هه‌واو ئه‌شقینا

خه‌یلێن ئه‌چێگه زیننانی و به‌سیا  

به گووناو  تاته‌و  ئه‌د٘او   ئه‌شقینا

تا چه‌مێم  که‌ردێ و  ئامانێ  وێرا

دیم  گرێفتاروو   به‌ڵا و  ئه‌شقینا

به هیج دوکتورێ مه‌سره‌وۆ زامم

من ده‌رد٘ه‌داروو ده‌وا  و  ئه‌شقینا

ئه‌ر نه‌بیاده‌وایو مه‌ردانێ بێ شک

گه‌وره‌شه‌هێدێ جه راو ئه‌شقینا

ئیسه   زانانم   دنیا    ماتێنه  و

منیج هه‌رز و وه‌ن که لاو ئه‌شینا

گۆش مه‌د٘ه و شه‌رعوو ئی دنیا دۆسا

من فه‌قی و حۆجره و مه‌لاو ئه‌شقینا

بازه با سووک بوو لاو نا کەساوه

چوون گه‌ورەپیا جه  لاو ئه‌شقینا

من شێت و ساراو ئی غه‌ریبینا

هه‌ر بێ تاقه‌توو ده‌گاو ئه‌شقینا
#مامۆساهەیاس غەریبی

خەمەن هەمدەم چەنی بادەی کەرۆنەم
خەمەن هەر  لاوە مەیلش  بۆ  بەرۆنەم

حەرامش ئەر کەروو خەم، بادە نۆشوو
تەڵاقم کەوتە بۆ   خەم  مەی  وەرۆنەم
#جەماڵ قادرپوور

جە پاڵوو 

        کۆجیەو یانەیتانە

                    ویرێم کەوتێ 


                                  قاچەفڕێ...


دەلاقە و  ڕۆچنوو چەمات

                خەمێشا بەستێ 


                               کۆڵێمەو

#هومایون_موحه‌ممه‌دنژاد
شێعرە و نەسر

سەماو بێ دەنگا و چووپی دەنگ دارا
مەوزانە لەنجە گۆشوو نازارا

ئەر دەق مەوزوون بۆ نەسر یا ئاهەنگ
پەی حەزنای حەزی ڕستە سەردارا

مەوزوون یانێ های بڕگەی درێژ و کوڵ
ئی تا و ئەو تاکەش نەوچیۆ لارا
 
ئاهەنگ وەختێوەن دەنگدار و بێ دەنگ
لەفزێوە شیرین وە هەم بەر بارا

گاگا مەوزوونا و جار جاریچ نەسرا
جە مەخرەجشانە ئاهەنگێ وارا

دال و نوون و تێ، سین چەنی شینی
مەخرەجشا چوون یەک مووسیقا مارا

ئینە نموونەو مشت جە خەروارین
تا ڕۆشن بۆوە و پەیت گنۆ سارا

نەسر هەتیما جاهەنگ و وەزنێێ
لەڕی مووسیقایش دەنگنە دیارا

خۆ نەسریچ پەیش هەن خەیاڵاوی بۆ
ڕیشەو لەزەتیش جەرگی بەربارا

نەسر ئەر وەش بۆ هەر دۆسوو شێعرێن
شیرینیش چەمنە و لەفزنە دیارا

شارۆ پەی واتەی فەرقوو ئینیشا
هۆشش بێ هۆشا و ئەندێشەش لارا

#ب_م_شارۆ 


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، نوشتارهای همایون محمدنژاد، هومایون موحەممەدنژاد، مامۆساهه‌یاس غه‌ریبی، عوسمان ڕەحیمی(مورید)، سوهراب مورادنیا(سیاوکام)، جەماڵ قادرپوور، میرزامه‌جید سوبحانی(بچووک)، یاوه‌ر هه‌ورامی، سابیر عه‌زیزی، فەرشید مورادی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲٨)،
نوشته شده در تاریخ دوشنبه 20 فروردین 1397 توسط همایون محمدنژاد
کەلەبەروو شێعرا(۲۷)

بازه دڵ پەرێت هەر وێرانه بۆ
با هەر تەشریفت لای بێگانه بۆ

ئەر به ناوەشیم كەیفوو تۆ سازا
زانه  نازەنین  وەشیم   ئانە بۆ

دووری مەتاوۆ کەم کەرۆ مەیلت
تۆ  هەر  نه  دڵنی تا  زەمانه بۆ

مەبڕۆ تەماعەت دیدٚەی بێ کەیفم
ئەر سەدٚ كه گۆشم پەڕ جه تانه بۆ

سەوزەو قەراخوو جۆگاو هەرسوو من
دا ساتێ ڕەحمت  بەو هەرسانە بۆ

یۆسف چا میسره هەتا کەی مانی
ڕوێ مێ و مەیلت ئی كەنعانه بۆ؟

ئه ر قابل زانی تا وه ڕۆی مەردٚەن
 دڵەی  غەریبیت  قەدٚیم  یانه بۆ
#مامۆساهەیاس غەریبی

شەوەن یانەی دڵ ئاماد٘ە باشەن
پیری مەی فروش کۆنە فەڕاشەن
مەستان جام بە دەس بە ئاهەنگەوە
یاران   بە   باڵای   ئاڵای    شەنگەوە
ساغر   زڕەزڕ   بە   مەی   ئاڵەوە
مەهوەشان دوو دەس وە پیاڵەوە
پیری مەیخانە مەستی بادەی مەی
مەستان بە زێکری هەی هەی وحەی حەی
باڵاعەرعەران   مەهوەشان  بە  ناز
دەس  وە  پیاڵە بە تەمکین  و  ناز
ڕەندان قەلەندەر ئاسا بە حەی حەی 
مەستان مەستانە دەم وە جامی مەی
ساغر و ساقی دەف و چەنگ و نەی
ڕەقس وسماع و وەجد وحەی و مەی
نەوای گۆش نەواز تار و نەرمە نەی
ساقی  هاوارەن     بادە   پەیاپەی
"شرام هەورامی"مەست ومەنگ وەی وەی
 وەشەن تا سەحەر حەی ومەی و بەی

#فەریدوون بەهرامی(شرام هەورامی)

چرکیه‌ که‌ لوا
نیه‌ن.
چرکیه‌ که‌ نامان
نیه‌ن.
هه‌ڕه‌و  ئی چرکه‌یه‌نه‌ چه‌قاینا
        - ژیوایه‌ ده‌میا جه‌ ئاژینو مه‌رگی _.
ئه‌رامه‌نه‌ییم  بوینه‌
ئاڵوچیاینا باوڕیره
         _گێلانه‌ ‌فێڵیه‌ _       
که‌ نانۆ و کوانتۆمیچه‌نه‌
ته‌ڕه‌بنیه‌ په‌ی پێچ دای مێزۆوه‌!.

#مه‌هدی ئه‌بری(هەورام)

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، مامۆساهه‌یاس غه‌ریبی، یاوه‌ر هه‌ورامی، موحەممەد خدری(ئەدیب)، جەماڵ قادرپوور، عەتا عەلی پوور، فه‌ریدوون به‌هرامی"شرام"، خەندە هەورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۷)،
نوشته شده در تاریخ پنجشنبه 16 فروردین 1397 توسط همایون محمدنژاد
پاییز:شێعرێوه جه مامۆساسەیدجه‌لال  ئه‌کبه‌ری(ئاڵۆز)

شەوێ پایز  خشەو گەڵای
مانگە  نەنیشتێبێ  هەڵای

من  و کەڵوو و  سۆبەو داری
وەشتەر جە ساختمانووشاری

وەزی  تەڕێ و  نیمە هۆڵی
کەپرێ و دەساندەسی چۆڵی

کتریە  سیاوەو   چایوە  تاڵ
من و شێعرەو خەموو خیاڵ

خشەو   ئاوو    دلێ   هانەی
دەنگێ وەشوو سیاو چەمانەی

خۆشێ هەنگوور بۆڵ چن کریێ
نیمە    ساقە   و    نیمە  وریێ

جگەرەوە   مەگنایی  سوور
دەنگوو باڵارێ ئێ جە دوور

ڕوەم  کەردە  یانەو  خود٘ای
جا دەسم  کەرد٘ بە  گرەوای

واتم   خود٘ا   ئی   بەهەشتە
ئی گرد کوێ و ئی گرد دەشتە

بێ    ئازیزا    جەحەننەما
گردش ئامێت چەنی خەما

وەشی وەختێن منوو یارێ
سەکۆڵێوە  و چن هەسارێ

نیشمێ  پێوە بە دڵێ  شاد٘
خەم و خەفەت بد٘ەیمێ باد

ئێتر وەشی  ماچاش  ئینە
هەرگیز  نمێ  چیوی چینە

  #مامۆساسەیدجه‌لال  ئه‌کبه‌ری(ئاڵۆز)
بە یاد٘وومامۆساهه‌یاس  غه‌ریبی

هه‌ورامان هانه‌به‌رچه‌م



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، مامۆساهه‌یاس غه‌ریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،پاییز:شێعرێوه جه مامۆساسەیدجه‌لال ئه‌کبه‌ری(ئاڵۆز)،
نوشته شده در تاریخ جمعه 21 مهر 1396 توسط همایون محمدنژاد

هه‌ورامان هانه‌به‌رچه‌م

بە نامێ خود٘ای گەورەی

عەرزوو سڵام و حورمەتی جە خزمەتتانە

ئازیزا و وەشەویسا هەر پاسە گردما مزانمێ مەحاڵوو هەورامانی جە هەر باریەوە تەماشاش کەرمێ تایبەت مەندیە خاسوو وێش هەن یۆ ئەچا تایبەت مەندیانە متاۆمێ واچمێ هۆر کەوتەی شاعێرا و ناسک خیاڵان چی مەحاڵەنە .

ئارۆ گەرەکمەن جە بارەو ناسک خیاڵیە, شاعێریە،سەرنویسەریە،یا خاستەر واچوو دڵسۆزیە جە دڵسۆزەکاو هەورامانیوە بنویسوو کەسیە کە وختیە پرسیارم چەنە کەرد پەی ئەوەڵین شێعرەیش ,فەرماوش: کە لاسوو یەرێ سەرەتایی ئەوەڵ شێعرەم پەی موعەللێمەکه‌یم نویسیە.

مامۆسای کۆچ کەردە مەرحووموو مامۆساهەیاس غەریبی کە جە ڕۆ ١٠ و سیاوکاموو ساڵەۆ ١٣٦٩ ڕۆجیاری جە هەورامان تەخت جە ئەد٘ای بیەن،

هه‌ورامان هانه‌به‌رچه‌م


ادامه مطلب

طبقه بندی: فرهنگی و هنری، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، هومایون موحەممەدنژاد، مامۆساهه‌یاس غه‌ریبی، سەیوان ئێبراهیمی(گوازی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شیوەنیە بە بۆنەو کۆچوو ڕەحمەتی مامۆساهەیاس غەریبی،
نوشته شده در تاریخ پنجشنبه 20 مهر 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 8 :: 1 2 3 4 5 6 7 ...