سەرچەمەو مەرێ ، شێعرێوە جە کاکەقەیۆم دانشوەر


‍ سەرچەمەو مەرێ :

هەر زاوەر وەشەن هامساو تەوێڵێن
ئاوەو  هانەکاش، مەڵهەموو زێڵێن

ئاوەو هانەکەو کەمەرە سیاوی
ئەر وەری، مە بی دووچاروو یاوی

هانەو دەرەو وێ، و هانە گماڵێ
ملانێ سەرشا، ئا سۆسەن خاڵێ

ئاوەو هانەکەو سۆفی هەسەنی
یا ئاوەو هانەو چەمەو دەربەنی

ئاواتە وازان خەڵکوو گەرمیانی
تکێوش تکنا ، سەروو زوانی

بازیانە قووڵێ، وەربیر ، هانەوان
پەرێ وادٚاری، ئاویشا دەوان

هانەو دۆڵانا و ملە هەساری
باخەکا دارا و مجیانێ واری

هانە کویلە، و کەمەرە دەرە
بە جۆت کەوتێنێ ئا وەراوەرە

خسووس هانەکەو سەرچەمەو مەرێ
وستێنێش هاژە ئا دەرە دەرێ

هانەو کمکمەی، هانەو هامنۆی
پەرێ فێنکی ماس و کەرێ و دۆی

لەزەتشا بەرا، هەوار نشینێ
پەوکەی ماچاشا چەمچە نەخشینێ

ئاوەو هاناش، کاسە وەرواوا
دوە هەسارە، تا هانەو ساوا

هانەو مێدٚالەی، هانەو مەرجانێ
باخێ زاوەریش پەنە دارانێ

ئەگەر نەلینە  ئەو بزازەرا
نەنۆشی ئاوەو ئا هانە و دەرا

پێسەنە عەمرت مۆفت لوابۆ سەر
چوون نەکەردٚەنت، تەواف جە زاوەر

هانەو لاردٚەرەی، گمەو داڵانی
مەر هانە لاروو لاو کۆساڵانی

ئاندٚە دڵگیر و وەش گەوارابۆ
سازگار چەنی، پەلکێ یارا بۆ

مەر بلی چنی، چنووروو کاوا
وەری جە ئاوەو ، هانە قاڵاوا

ئاوەخت بزانی فەرد هەر ئا فەردەن
جە زاوەرەنە زینگانیش کەردەن

ئاوەو سەربەسی و چەمەو مالمینی
سازگارتەرێ، جە هەنگڤینی

یاگێ خاسانێ و تەعات و ڕۆچەی
هانە سیاوو ، هانەو هەڵووچەی

هانەبەرچەمی گێروو گیانەوە
پاسە وێش بەستەن هەورامانەوە

بەنامێ تۆوە، ئەی هانەبەرچەم
هەورامانەکەم، خەمش بیەن کەم

هەرچی بنویسوو هەڵای هەر کەما
ڕۆح و گیانم، هانەبەرچەما

ئاشناییم هەن، فرە هەتا کەم
جە هارەسێڵێ و بابا بنیادٚەم

پەی ئاوەوەرەو  گوار و بەقی
وەشا وەژنانێ و هانەو سادٚقی

هانەو حەبیبی، وەزە قاڵاوێ
زاوەرشا کەردٚەن مێرگ و شەتاوێ

شراش و تاشڵێ، تا هانە مارا
چینەو ژەرەژا، ویتەو گوارا

ڕازنۆوە هەردٚوو دەگاو زاوەری
(قەیۆم)!بە تاریف لەزەتش بەری؟

وێت لوە هانەو حەممەدٚوو جانەی
تێر ئاوی وەر جە سەروو هانەی

بسمێللا کەرە، ڕەحمان و ڕەحیم
جە هانەو مزگی گێرە، دەس و دیم

پیرشەمام نماو نیمەڕۆی وانە!
بۆرێ مانگڵێ، ئانەنە  هانە

گردٚوو زاوەری هانە بە هانە
سەرکێشی کەرە، نما بوانە

تا هانەو لاسەو حاجی سمەیلی
نما وانەکە، ئاشقوو لەیلی

سۆفی ڕەحمان و هەسارەو مەڵڵای
هانەو زوهرەی ، نێعمەتوو ئەڵڵای

ویرت نەشانێ، لابدٚە لاشا
هەرچندٚ ڕاگاکە کەمەر و تاشا

هانەو دڕەیێ  خۆ دڕەی داڵا
بەڵام ئەر نەڵی گێڵایت بەتاڵا

جە دەست نەشۆ ، با ئی سەیرانە
هانەو ئازیز ی، تا وەهارانە

یا گەرمەدۆڵە و هانەو نساری
هەردٚوو هامنۆی سەر هەتا واری

هەسارەو کاکۆ ی، هەسارەگولانێ
هانەو چنارەیت جە ویر نەشانێ

یاران، هامسەران، گەشتوو ئی هەردٚا
بیناخاتروو ئا هانە سەردٚا

گێرتەنم جە وەر چی وەهارەنە
هیچ نیەتێو تەر ، نیا کارەنە

مادام مەرامم کەش و کۆ نیا
بێ نامە بەردٚەی، مازووشا جیا

بینایی دیدٚەم یاری زاوەری !
پەی کەم و کۆڕیش گلەیێ نەکەری

#قەیۆم دانشوەر نەروی  ۱۳۹۹/۱/۲۷

سڵام و سپاس پەی جەنابیت کاکەقەیۆم گیان! دەسێت نەناڵا،فرە وەشت زاوەر و چەم و دۆڵ و کەش و هەوارش لاونانتەو،زەوقی شاعێرانەت کۆ بە کۆ، هەوار و هانە و چەم و دۆڵش گێرتەنەرە وەر، منیچ پێسەو زاڕۆڵەو زاوەری ماچۆ:

دەست وەش بۆ کاکەقەیۆم گیان
هەناسەو شێعرێت یاوانەو ئاسمان

#هومایون موحەممەدنژاد

جوابوو کاکەقەیۆم دانشوەری

وەڵڵا وێم لایێقوو هیچی مە زانوو کاکە هومایون گیان ، من پەی نوونگێوی گێڵوو سەروو یۆ بە یۆو دەگایەکاو هەورامانیەو چێوێو بنویسوو تا ئا نامە ڕەسەنێ گمێ نەبا، جەنابت یاڕەبی ئا دەس و دیدٚەتە هەر بەرقەراربۆ نوونگەت دانێ دەسەو پەی هانەو باخەکا زاوەری، حەیفم ئاما وێم لادەو چا نێعمەتیە کە هانەبەرچەمەنە وستەبێت ڕوە .
ئیجا من ئەسڵوو هانەبەرچەمیم جە شێعرەکێنە ڕەبت دانەوە بە سایتەکەو جەنابیت، یانێو من تیرێوەو دوێ نیشانێم گێرتێ،
ئاخر بەیتش خێتابا بە جەنابیت بە ڕەوتوو ڕمەزی. پەوکەی ڕاسەڕا نامەکێت نەدٚام بۆنەو مەزەو ڕەمزەکەیشەو

#قەیۆم دانشوەر




طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، هومایون موحەممەدنژاد، قەیۆم دانشوەر،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،سەرچەمەو مەرێ،شێعرێوە جە کاکەقەیۆم دانشوەر،
نوشته شده در تاریخ چهارشنبه 27 فروردین 1399 توسط همایون محمدنژاد
ئەرەمەرزیای زوانی هەورامی جە تلێگرامەنە


بە پاو هەواڵووو"هەورامان هانەبەرچەم"ی زوانی هەورامی جە تلێگرامەنە،،مەرزیارە و ئەچیولای هەرکەس متاوۆ بە زوانی هەورامی، بابەتەکاو وێش مەرزنۆرە و هەرمان وتەنزیماتەکەیچ بە پاو ئەلێفباو زوانی هەورامی ، مەرزنۆشارە

#لینکوو تلێگراموو_زوانی_هەورامی

https://t.me/setlanguage/horami


@hawramanhaneberchem



طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ئەرەمەرزیای زوانی هەورامی جە تلێگرامەنە،
نوشته شده در تاریخ دوشنبه 25 فروردین 1399 توسط همایون محمدنژاد
وەرەشێڵە"دەلاقێو پەی ئەرمانای فرەتەر جە زوان ، فەرهەنگ و کەلتوروو هەورامانی  باسێو سەروو شاروو پاوەی و  تاریخ و ویەردەش/هومایون_موحەممەدنژاد 


‍ وەرەشێڵە"دەلاقێو پەی ئەرمانای فرەتەر جە زوان ،فەرهەنگ و کەلتوروو هەورامانی


بەرنامێو جە ڕادیۆمەریوانی بە زوانی هەورامی کە جە بەرنامەو ڕادیۆ شاروو سنەی پەی گردووهەورامانی،وەڵا کریۆوە.

باسێو سەروو شاروو پاوەی و  تاریخ و ویەردەش

#هومایون_موحەممەدنژاد 


پێشکەشکار:سیروان_موحەممەدی


 ڕێکوزووبەرنامەی:شەهرام_موحەممەدی

http://s10.picofile.com/file/8393991568/4_5789828399925037217.MP3.html



طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، شهرها و روستاهای هورامان، جفرافیا، ده‌گاو زاوه‌ری/روستای دز‌آور، آموزشی، نوشتارهای همایون محمدنژاد، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،وەرەشێڵە"دەلاقێو پەی ئەرمانای فرەتەر جە زوان،فەرهەنگ و کەلتوروو هەورامانی باسێو سەروو شاروو پاوەی و تاریخ و ویەردەش/هومایون_موحەممەدنژاد،
دنبالک ها: باسێو سەروو شاروو پاوەی و  تاریخ و ویەردەش #هومایون_موحەممەدنژاد،
نوشته شده در تاریخ دوشنبه 25 فروردین 1399 توسط همایون محمدنژاد
پیر سەلیم دەلی (741_795 ه .ق)/حسەین خوورا 

جە کتێبوو (پیران و مشاهیر اهل حق_صدیق صفی زادە(بورەکەیی) سەفحەو424ی 
جە بارەو پیریە بەنامێ پیرسەلیمی باس کەرۆ  ،کە نزیک بە 700ساڵێ چیوەڵتەر
یانی ساڵەو 741ه.ق جە دەگاو دەلی سەربە هەورامان تەختی جە ئەڐای بۆ.
جە دەورانوو زارۆڵەیشەنە جە لاو تاتەیشوە عیلم و ماعریفەت و تەنبوور ژەنەی فێر بۆ.
دەورانوو  جوانی پەی وەنای  ڕوە کەرۆ شاروو بەغڐای.
شۆناو ماویرە گێڵۆوە پەی دەگا شێخانی و یاوۆ خزمەتوو سۆلتان ئیساقی چاگە دەوام مدۆ بە فێر کەردەی و ڕانموونوو خەڵکی.
عاقێبەت گێڵۆوە پەی دەگاو دەلی ساڵەو 795ه.ق کۆچی دمایی کەرۆ.
پیرسەلیم  ساحیوۆ چننها  بەیت شێعرێ بیەن کە جە ( دەورەو نەوەو نۆ پیرێ شاهۆی) نویسیاینێوە. 
ئینە نموونیە جە شێعرەکاش   :

زیام نە کەرکووک زیام نە کەرکووک
شام  وە نگینت زیام نە کەرکووک
مدی گەواهی یەکمین پەرتوک
نامیم بی خوزان وەر نە سەکێ شوک
فەرزەند مشیە بیم نامیم بی ساموک
نامیم بی خاوەند چا کووفەی بەد کوک
نە ڕای حسەن دا نوشام زەهر هوک
هەم نام کەربەلا نامیم بی مەندوک
نەڕای حۆسەین دا سەر دام بی خۆدوک
چا لۆرستانت نامیم بی بلوک
خەلیفە بیام هەر نە ئەو بلووک
ئامایم وە پیشگای ئەو شایزەرین ڕوک
ڕووشتت ئانە پەی یارەن مەقیم
بەندە هیورم نامیما سەلیم.
...
ئی بەڵگە ئانەی وزۆ بەر کە تا ساتە وەختوو ئامای ئیسلامی زەردەشتی و یارسان دینوو ئی مەحاڵی بیەن وە  دەلیج پێسەو یۆچا مەحاڵاو هەورامانی ویەردیە دوور و درێژش هەن و پەنەوازا فرەتەر مۆتالێعە کریۆ سەرش .

#حسەین_خوورا





طبقه بندی: فرهنگی و هنری، اجتماعی، اخبار، تاریخ، جفرافیا، شهرها و روستاهای هورامان، دینی ومذهبی، ادبیات/شعر، زوانی هه‌ورامی، حسه‌ین خورا(خه‌یاڵ) ،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پیر سەلیم دەلی (741_795 ه .ق)/حسەین خوورا،
نوشته شده در تاریخ دوشنبه 25 فروردین 1399 توسط همایون محمدنژاد
زاوەر و تەوێڵێ فرە نزیکێنێ


‍ ‍ ‍ ژەرەژە  خاڵێ  ڕەشتێنێش  هێڵێ 
   سەرش زاوەرا  و پاینش  تەوێڵێ

#فولکلۆر_هەورامی

#هومایون_موحەممەدنژاد

ئەڵبەت بڕێو جارێچ، واتەنشا :

ژەرەژە  خاڵێ  ڕەشتێنێش  مێڵێ 

وێنەو:
 زاوەر: هەورامان لهۆن(ئێران)

تەوێڵێ :هەورامان لهۆن(کوردەسانوو عێراقی)





طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،زاوەر و تەوێڵێ فرە نزیکێنێ،
نوشته شده در تاریخ دوشنبه 25 فروردین 1399 توسط همایون محمدنژاد
کەلەبەروو شێعرا(۱۷٤)

   شێعرەو زاڕۆڵا

گوڵزار

گوڵزاروو   هەورامانیم
یاگێ سەفا و سەیرانیم

تەماشە کەردەیش وەشا
دڵم   وەشحاڵ  و  گەشا

گوڵێش هەزار  ڕەنگێنێ
شادٚێ و شۆخ و شەنگێنێ

باخش سۆسەن و شەوبۆن
سوورەهەراڵەی   وەشبۆن

وەرکەمەر و  چنوورەن
هەراڵەبرەمەی سوورەن

حەیاتم  هەورامانا
خاکش دەوا و دەرمانا

ئەمن  باخەوانشەنا
ڕۆڵەو ئاو و خاکشەنا

پارێزنوونە کەشەکاش
باخ و هانە وەشەکاش

#عوسمان ڕەحیمی هەجێجی

دەردێ تۆ دانت نیاش دەوایێ
حەکیم تۆنی، تۆ، سا دەی شیفایێ

بێ مەیلیت کوشتا، جەفات تا بە کەی؟
هاکا دیت مەردا ئارۆ و سەوایێ

هاوەختەن گیانم بەرشۆ جە جەسەیم
یاسێنێم وانە بە وەش نەوایێ

با گوناو مەرگیم نەگنۆ گەردەنت
مەحکەمێوە هەن، ئەر بۆ یاسایێ!

وەهاروو ژیوایم ناوەشا بێ تۆ
وشکەساڵیما و نیام سەفایێ

بێ مەیلی تا کەی؟ بێ ڕەحمی تا چەند؟
وەس ئازارم دە، دەی نیم نیگایێ!

دڵ مەجنوون ئاسا شەیدای شێوەتەن
ڕەحمی خەیرت بۆ لەیلا ئاسایێ

پەی تۆ چوون سەنعان گێڵانا جە دین
وەشڵەی تۆیچ بیەیت ڕەوتوو تەرسایێ

مەرگەساتێوا ئاشق ڕەنجنای
ئەی دڵ ساکیەرە، خۆ هەن خودٚایێ
----------٭٭٭٭٭----------
۹۹٫۱٫۲۱ ڪۆچی ڕۆجیاری

#سوهراب_مورادنیا



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، سوهراب مورادنیا(سیاوکام)، عوسمان ڕەحیمی(مورید)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٤)،
نوشته شده در تاریخ دوشنبه 25 فروردین 1399 توسط همایون محمدنژاد
.: Weblog Themes By Abdollah Habibi :.

تعداد کل صفحات : 295 :: ... 3 4 5 6 7 8 9 ...