کەلەبەروو شێعرا(۲٥)

ئوستادی تەعلیم مەشقی دڵداریم

دەرمانی  دەردان  لاشە  ئەوگاریم

سەر ڕەویڵەکەی مەکتەبی  مەیلم

باشقەی  عاشقان هەوای سویلەم

شیدای نیشی عێشق نیشات وشیرین

مەفتوونی سودای عێشقەکەی دیرین

هەوای  سازی   ناز    بەزمی    دڵداری

رەفێقی   ناڵەی       شەوان     بید٘اری

"جە مەکتەب خانان تا کە مەشقم کەرد
 
عالەم  مەزانۆ  مەشقی   عەشقم  کەرد"

سەیدی سەیاد٘ی  شهیدی   ڕای  عێشق

مەستی بادەی ناب جە توڵەڕای عێشق

بازی بی نازی    شاخی هەورامان
 
شەهیدی  نازی خاڵخاس خەرامان

موفتی فتوای رای عێشقی بنازان

دیوانەی یانەی  شیرین   بە  نازان

خەندە هەورامی  توبەکاری  عێشق

سەر نە ئاسانەی بێ قەراری عێشق

#خەندە هەورامی

‍حاڵم  بەد٘  جە  حاڵ حاڵنەزانی  حاڵ
تەن شڪستەی زام ،زوان لەنگ ولاڵ

پای ڕەفتم بێ‌هێز ،چوون چەمێڵەی چۆ
دەشتی دو دید٘ەم ،بیەن وە سەرای جۆ

ڕازم  بێ‌  هەمڕاز ،  زار  و   زەلیلەن
 سینەم چوون سجن ،خەیاڵم دیلەن

خەنجەری پیری ،ئەشڪـاوان سینەم
هۆنم ئاورد قۆڵ ،کوورەی خەزێنــەم 

خەزانی عومرم ، یاوان  واد٘ەی  وێش
مەر خاکی گوڵڪـۆ، ساڕێژ کەرۆ  ئێش

# فێـــــــــــراق پایگەلانی

‍ دزیش دزاوەر ،  هومایون  نامێ
عاقڵێ ،ژیرێ ،  شیرین  ڪەلامێ
زاوەر   بنازە   ،  نەشێونی   نازش
یاوان بە ڪەماڵ ،زوانی ئەلفازش
هەراڵەت پێشڪەش،جە ساڵی تازە
نەورۆزت   پیرۆز  ،   زاوەر   بنــازە
قەڵەم قاسێرەن جە تەوسیفی تۆ
نەورۆزی ئیمساڵ ،  موبارەکت بۆ

پێشکەش پەی کاکەهومایون موحەممەدنژادی

#فێــراق پایگەلانی
پێشکەش پەی کاکەهومایون موحەممەدنژادی/سوبحان خالدی
 
 تۆ هەسارەنی بەر ئامای خاوەر
به فەخرەو واچوو تۆم هەنی زاوەر
پەوچیم وەش مسیا مەرە و هامنەهۆ
جارجار  دیار  بۆ   کاکه شێوەو  تۆ
#سوبحان خالدی
 
ساق سۆرمەی وەنەش زەرد بێ سابێقەن 
زەرد زاق بە زەوقش دیایش  موسابێقەن 

وێنەم    وڵاویان   وەڵاو    وەڵاتنە
پێویای خەت و خاڵ خیاڵا خەڵاتنە 

ئەمرەنە عەمرم  ڕۆزگارم  کۆڵا 
عام دڵا ڕەویەم  ڕەنگ مینا تڵا 

ژان ژیوایم  ژنیەن جە ئەزەڵ بە گۆش 
دڵ و  دەروونم  پەوکای  ئامان  جۆش 

گریەو  گرەوم بەرد٘ەن جە گرەوای 
کۆڵمم مەبڕیۆ  هەرسەو  سرەوای 

نەورۆزانەو حەسەن خەیاتی 
پێشکەشش کەرۆ گرد٘وو وەڵاتی

#حەسەن خەیات

‍ ‍ گوڵ  و گوراڵە  شاد٘ەن هەمیشە
  هەراڵەبرەمە خەم دان جە  ریشە

ئاد٘یچ وێنەی من هەر سات و هەر دەم
لافاوۆ  هەڵساش   جاریەن    نە   چەم

 #موحەممەد خدری(ئەدیب) داریان

‍وەشی نەمەنەن
پێسەو قەد٘یمی نەمەنەن وەشی
کەس یانەوکەسی مەلۆ سەرکەشی

ئامەشۆ  وەڵێ گەرم  نەمەنەن
دیواری حەیاو شەرم نەمەنەن

ڕەحم و مروەت ڕوو ڕاس نەمەنەن
عەهدو پەیمان ، ئێخلاس  نەمەنەن

وەربەرە و هەیوان داڵان نەمەنەن
جەژنوو جەژنانەی ساڵان نەمەنەن

شەو نشتەی زمسان جاران نەمەنەن
دەرد٘ە دڵ کەرد٘ەی  یاران   نەمەنەن

خەرمان و خەرمەن ئاساو نەمەنەن
ئاساو   بڵی      ماساو      نەمەنەن

تاف و قەڵوەزەی سیروان نەمەنەن
بڵ ئاوێ   بەردەن    لوان  نەمەنەن

کلوورەی سەرەنگ قەد٘یم نەمەنەن
هەنگوینی  خالس  نەد٘یم نەمەنەن

بۆ نانی  تازە  سەر  سۆح   نەمەنەن
کاسەی ڕۆح یانەی زێڕۆح  نەمەنەن

 ئاساری   فێس   و  لەچەک نەمەنەن
ئەڵفەننی و سمڵ و مێخەک نەمەنەن

هەڵیز  نێرەژەن  سێپا نەمەنەن
تەنوور و  ئارگا  دێکپا نەمەنەن

ئاخ ئاخ خلۆرتە  جە هۆش   نەمەنەن
شرێقەی چۆ قاش جە گۆش نەمەنەن

چووزان و بیلان  سێباز  نەمەنەن
چەنی ئا   گەما   هامڕاز نەمەنەن

دەگا چۆڵ و هۆڵ وەشی نەمەنەن
هاژەو   ئاژەڵوو   کەشی  نەمەنەن

گەلەو  حەیوانی   دانە   نەمەنەن
دەنگی شمشاڵ و شوانە نەمەنەن

کۆچ کەردەی هەوار هەی داد٘ نەمەنەن
سیاوچەمانە       جە       یاد٘ نەمەنەن

سەیرو سەفای گوڵ جە باخ نەمەنەن
پادشای بێ خەم  جە   کاخ نەمەنەن

فرەم نەواتەن   زەوقم  نەمەنەن
شاد٘یم شێویان شەوقم نەمەنەن

دماو ئانیشا مەردەنی خاسا
بە دڵ واتەنم بێ  درۆ ڕاسا

"ئەدیب "چەو ساوە زار و نەزارەن
بە زاهێر مەنەن  مەردەی  مەزارەن

#موحەممەد خدری(ئەدیب) داریان

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، جەواد حەمزه (فێراق)، عوسمان ڕەحیمی هەجیجی، موحەممەد خدری(ئەدیب)، حەسەن عەزیزی(خەیات)، جەماڵ قادرپوور، خەندە هەورامی، سۆبحان خالدی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲٥)،
نوشته شده در تاریخ چهارشنبه 8 فروردین 1397 توسط همایون محمدنژاد
 کەلەبەروو شێعرا(۲۱)
شێعرێ جە بارەو پێغەمەری (ص)

بادەنۆشی جام جە مەیخانەی یار
نوقتەی پەڕگاری  حەڵقەی کردگار

ئاهەنگی نەزمی بەزمی دڵوەشان
تاقه بورهانی  شەوقی  دڵکەشان

گۆش گیری سۆزی ناڵەی دەردی خەم
هۆردەری  پەردەی  نیستی و  عەدەم

دەفتەرچەی تەریق شێوەی وەشی ژین
نیشتەجا نەسووج  مەنزڵانی دین

هۆ شەمعی تاقچەی یانە تاریکان
دەسگیری دڵسۆز  ڕاگە باریکان

هۆ ئەد٘او تاتەی تفڵی تازەی ئەشق
جەماڵی سوورەت جەهەر نامەو مەشق

لایەعنای مەفهووم فەهمی  دڵڕێشان
بەحری گم کەری قەتەرەی دەروێشان

وەشکەری باڵای وەیوەکەی جەماڵ
جەلادەری دڵ   زەما کەی   کەماڵ

ئاڵا هورگیری لەشکەرەکەی شەوق
نیشتەجا نەسەر تەختی شاهی زەوق

یانەی ئەشقی تۆ جای فریاد ڕەسی
پیاڵەی پەڕی بادەی سەرمەسی

سەختی سەنگی دڵ یاوان و ئەو حاڵ
حسەین کۆکەنیچ مەکەننۆش سەد ساڵ

نە تۆی گەردەلوول بێ مەیلی هەردە
تاوانان یەکسەر ڕوو سیاو  کەردە

نە تۆی پەلکەی زوڵف دنیا یەک ساتێ
هیچ تەقاڵایێ مەدۆش نەجاتێ

ئەوگار نەمابەین سەد تووڵەڕایێن
هەر ڕۆ بە نەوعێ تازە زەمایێن

دنیاش پەرێ وێش مارە بڕیێنە
شەو و ڕۆ ئەجۆش تازەش چڕیێنە

نە هیچ تەرفدا خەلاسیش نیەن 
هەر وە دەسی وێش ئاوڕووش شیەن

دنیا وەحوسنی کازبش هەر دەم 
سوورەتێ پێکۆ نە گلێنەی چەم

هەزاران سۆزش نە دڵ جا کەردەن
بنچینەی ئاڤەز تا عەدەم بەردەن

وەگردین قۆرەت چەنگ پێکان نە دڵ 
هەستیم سەرانسەر ئاوەردەن وە چڵ

دەس و پای هێزی تۆبەمان بڕیان
پەردەی ڕوو سووری وە خجڵەت دڕیان

چوون ماساوی ژاڵ ئەرامەنەنان
مەزانوو زیننە یا خەیر مەردەنان

چا ڕۆنە جەستەم کە بۆ بە خاپوور
بە چە شەرمێوە ڕۆح باروون حزوور

هەم ئاسانەی تۆ هەم ئاسانەی لەیل 
سەعادەتەن دڵ بکەرۆش دوجەیل

بەڵ بە ڕەحمی وێت نەو ڕا گوزەران
هێمەتێ کەری  چەنم بویەران

وەرنە مەر مەنوو وێم و دەردی وێم
تا سەرا مەنزڵ خەجڵەت بارا پێم

          # ژیواری

زێدم کەنوولەن، کەنوولەی نازار
مایەو سەربەرزیم، مایەی ئێفتخار

چن وەشا سەفا و باخ و گوڵزارش
زمسانش وەشەن عەینی وەهارش

عەتر و بۆی مێوەش دنیاش کەردەن مەس
شەقایێق مەدهۆش، جام مەی وە دەس

ماچی سا ئارۆ، فەسڵی وەهارەن
فەسڵی عەیش ونۆش، گوڵ و گوڵزارەن

ئەلحەق کە "پەریان"یاگەی خاسانەن
ماوای عێبادەت  ،حەق  پەرەستانەن

"شەریف ئاوا" واچه ماوای عێبادەت
نیشتەن وه سایەی هومای سەعادەت

"شەریف ئاوا"کەم، ساحێب سەنعەتەن
پێسەو«پەریان»ی، هێمەتش بەرزەن

"پەری" مەردمش، خودٚا مزانۆ
مەلایێک و عەرش دوعاش مه‌کیانۆ

"کەنووله" و پەریان" دیاری یارەن
"شەریف ئاوا"کەم  ماوای  دڵدارەن

پیرافتەی نازار ئارام کەرەی دڵ
فێداو مەزاریت ،  گیان ناقابڵ

نامێت مونەوەر ڕەوشەنی ڕۆوەن
کەنووله ڕۆشن جە نووری تۆوەن

پیرافتەی نازار ،‌ من هیچم  نیەن
یانەی وێرانم وێت وە چەم دیەن

«دەرمان زامان ده‌رده‌که‌ی کاریم
هامڕاز ناڵەی شەوان بیدٚاریم

سۆچنۆم حه‌سره‌ت ده‌رد جیاییت»
«کەرمەڵڵا» فێدای داخ  تەنیاییت

#کەرەمەڵڵا  ئەمیری(ک الف یاس)

عەتری وەهاران

وەهارن سەوزەن نەورۆز گوڵ خێزان
وەشەن   پێشوازی  بە   چەپڵە ڕێزان

قەتارەی گوڵان زەردو چەرمەو سوور
دانشان  تەد٘ارەک ، نزیک  هەتا دوور

گوڵ بە هەزار ڕەنگ،قومری نە سەرچڵ
هەر یۆ  بە  نەوعێ  ، فەرەح  وزان دڵ

بەڕەزای  شاخان  شکۆفەی داران
ڕەحمەتەن  چەنی نم نمەی واران

چەم ودۆڵ چیمەن،سەوزە کەردەن فەرش
پەی وەشی ئێمە،مەلایێک جە عەرش

هەردو کۆساران،سەحرا و دەر و دەشت
پەی ئۆمەتی وێش، کەردەنش  بەهەشت

مەنیشە یانە  سەر کێشە  نە دەر
سەڵوات بد٘ە سەر،ڕەسووڵی سەروەر

گوڵ بە عەترەوە وەهار عەتتارەن
عەتتاری  وەهار ،  زاتی سەتتارەن

شەوبۆ گوڵ نەرگێس،عەترشان پاشان
عەتتار   نیشانش  نیەن  جە    لاشان

بۆژانە و چنوور،نەرگێس و شەوبۆ
بەردم عەتتاری،عەتتار کەرد وە بۆ

عەتتار پەی عەتر گوڵان بێ درەنگ
زوان وشک و لەنگ،واڕیا جە رەنگ

کەرد بە ستایش،عەتری نەو وەهار
سەجدە بەرد نە سای،ئاسانەکەی یار
#موحەممەد خدری داریان‍       


ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، سۆبحان خالدی، موحەممەد خدری(ئەدیب)، عەتا عەلی پوور، یاوه‌ر هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۱)،
نوشته شده در تاریخ شنبه 19 اسفند 1396 توسط همایون محمدنژاد
کەلەبەروو شێعرا(17)

بێ ڕەحمی زاڵم
بێ ڕەحمی زاڵم نەسڵوو عوسمانی
جیامەنەو  تایفەو ،  زڵموو  زەمانی

دەک خەجاڵەت بی دینت کەرد چۆپی
کەردت ئەڵەمە  پەی   تانک   و  تۆپی

دەک کۆراییت بۆ دژمەنوو  دینی
دینت  نەژناسا و حەقی  مەوینی

ئەحمەق پێسەو تۆ نەفام و سەرکەش
حەرامزادٚەی  زۆڵ  دژمەنی   ڕووڕەش

کەی قابلت هەن  دین  بەری  ڕاوە
دینی حەقش دان بە حەق  داراوە؟!

پەرد٘ەو خیانەتی کەی تاوی پۆشی
دین کەی ڕازیەن بە  نەسڵ کوشی؟!

خەیاڵت  خاوەن  کابرای سەرسەری
مەتاوی     کوردی   بەینەنە    بەری

هەتا کورد ڕەمێ پەی بەرەو قۆدسی
شمە جە کۆ بێندێ  نۆکەراو ڕووسی؟!

کورد هەر ئا کوردی چن هەزارساڵەن
دنیا  بێ   کوردی  بیەیش  مەحاڵەن

#عوسمان ڕەحیمی هەجیجی

ێبلەم    ئەرماناش    قێبلەم    ئەرماناش

شێوەی    شیرینش   وەنەم     ئەرماناش

سەرسام   مەنانێ  جەو   بەژن  و  باڵاش

شەهد و شەکەر  بێ جه سەر  تا وه  پاش

چوون مانگی چوارد٘ە زەریف  بێ سیماش

هەزار    ماشەڵڵا   جه     نازوو   چەماش

جه شەم گەشتەر  بێ سەر  کوڵمی  ئاڵاش

دڵشا   بەرد٘انێ    لەرەو     دوو    بەیاش

گەرد٘ەنێ    بێ  گەرد٘   بلووری    ئاساش

عەقڵ و فام و هۆش  نه دەسم   ئەساش

بێم سۆتەی قەقنەس من  جه  تەماشاش

ڕۆح  و دڵ و گیان هەر  سێ  بۆ  فێداش

هەر کەس چوون "ناسر  کەرۆ  تەماشاش

مێراسی   مەجنوون    بڕیۆ   وه   باڵاش
#ناسر ئەخدەر

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، مەهوەش درۆستکار، سۆبحان خالدی، عوسمان ڕەحیمی هەجیجی، ناسر ئەخدەر، عەتا عەلی پوور، میرزا مه‌جید سۆبحانی(بچووک)، خەندە هەورامی، مامۆسا بێسارانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(17)،
نوشته شده در تاریخ دوشنبه 7 اسفند 1396 توسط همایون محمدنژاد
مراسم بزرگداشت مورخ بزرگ هورامان  مظفرخان مصطفی سلطانی رزاوهورامان ، گردآورنده کتاب (تاریخ هورامان)با حضور نویسندگان، شاعران وفعالان تاریخ وفرهنگ هورامان در 26بهمن1396در رزاب(رزاو)هورامان برگزار شد



بزرگداشت مورخ بزرگ هورامان مظفرخان مصطفی سلطانی

مراسم بزرگداشت مورخ بزرگ هورامان  مظفرخان مصطفی سلطانی رزاوهورامان ، گردآورنده کتاب(تاریخ هورامان)با حضور نویسندگان، شاعران وفعالان تاریخ وفرهنگ هورامان در 26بهمن1396در رزاب(رزاو)هورامان برگزار شد.در ضمن برنامه ختم مراسم  حضور در منزل مظفرخان رزاو بوده و برای سلامتی و شفای ایشان آرزوی سلامتی و سلامتی را از خداوند منان خواستارشدند.


هه‌ورامان هانه‌به‌رچه‌م


هه‌ورامان هانه‌به‌رچه‌م

 هه‌ورامان هانه‌به‌رچه‌م



طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، شهرها و روستاهای هورامان، تصاویرومناظرطبیعی وتاریخی، ئەنجومەنووبێسارانى(یاهۆر) ، هومایون موحەممەدنژاد، ئێبراهیم شه‌مس، موحەممەدره‌شید ئه‌مینی، سه‌رکه‌وت عه‌زیزی(نه‌به‌ز)، سابیر عه‌زیزی، حێکمه‌ت محه‌مه‌دی(خه‌میار)، فه‌رزاد مه‌هدی‌نیا(فه‌رزاد ژیواری)، په‌رویز ڕوسته‌می، موحەممەدحسەین کەیمنەیی، بورهان ئه‌خته‌ر(هورامی)، مه‌ڵائه‌حمه‌د نه‌زیری، سۆبحان خالدی، حەسەن عەزیزی(خەیات)، دوکتورئه‌فراسیاب جه‌مالی، هاشم موحەممەدی (بێدڵ)، ڕەحیم ڕەحمانی، حێکمه‌ت ئه‌مینی، ئێبراهیم ڕه‌جه‌بیان، ئه‌یوب کوێخا رۆسته‌م، ساسان مۆنفەرێد(بێ وەر)، ئێحسان کەرەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،مراسم بزرگداشت مورخ بزرگ هورامان مظفرخان مصطفی سلطانی رزاوهورامان،گردآورنده کتاب (تاریخ هورامان)با حضور نویسندگان،
نوشته شده در تاریخ جمعه 27 بهمن 1396 توسط همایون محمدنژاد
هه‌ورامان هانه‌به‌رچه‌م
 ‍
 ‍بە پاو
هه‌ورامان هانه‌به‌رچه‌م'ی بەرنامە و مەراسێموو"پەرد٘ەلادای و ئەرمانای و ڕوونمایی جە کتێب شێعروو"هەورەکۆ"نویسەو کاکەمەنسوور سوهرابی‌نژاد خەڵکوو دەگاودزلیێ،جه ڕۆ جومعه‌ی 15پاژه‌ره‌ژوو1396جە سەیرانگاودزلیێ و جە پەناوتەبیعەتە وەشەکەوهەورامانی وبە ئاماد٘ەبیەی شاعێرا، نویسەرا و هونەرمەند٘او هەورامانی وخەڵکوو فەرهەنگ دۆسوو هەورامان و مەریوان و مێمانە وەشەویسەکا و خه‌ڵکیوی فره،لوا ڕاوە. ئی بەرنامە کە سەروو داواکاری ئەنجومەنوو مامۆسابێسارانی و مۆجەووێزوو ئێدارەوفەرهەنگ و ئێرشاد ئێسلامی شارووسەڵواوای و یارد٘ی خانه‌واده‌که‌یش ، لوا ڕاوە،
موجری و بەراوبەروو ئی بەرنامەیە کاکە محەمەدسەلیم هەجیجی و کاکە حەسەن خەیات کە بە وانای و لاوانایەوشێعر و ئەدەبیاتووهەورامانی،ئەرەنیشتەکەشا لاوناوە،ئەچی بەرنامەنە کەسایەتێ پێسەو: مامۆساعوسمان هەورامی،کاکەعەتا زەڵمی،کاکەڕەئوف مەحموودپوور،مەڵڵائەحمەد نەزیری،کاکە هومایون محەمەدنژاد،کاکەسەردار خالدی(وەرپەرسووئێدارەوئێرشادی)،کاکەسوبحان خالدی،کاکەمحەمەد هەورامی‌حسابی،کاکەشەوکەت مەولوودی،کاکەفواد نودشی،کاکەڕۆحەڵڵا زۆمی،کاکەکوورش عەزیزی،کاکە خشایار مەولوودی،کاکەمێقداد ئەمینی،کاکە ئەردەشیر مۆحی،کاکەجەزا کامران و کاکه‌ئه‌بووبه‌کر دووستی ...شێعر،نەسر وهونەرووهەورامانیشا ئەرمانا،واتەو ئینەیە کەسایەتی،نویسەر،فەعالێ و هونەرمەند٘ی هەورامانی ئەچی گلێرەوبیەنە،بەشداریشا کەرد٘ە بێ پێسه‌و:کاکه‌ئه‌نوه‌ر زوهرابی-کاکه‌فیرووز عارفی-کاکه‌سابیر عه‌زیزی-کاکه‌ئێحسان ئه‌تابه‌ک-کاکه‌سه‌عدی ئه‌حمه‌دی‌نه‌وسوودی-خاتووگوڵچین خۆش‌سپێهر -خاتوولیمۆ هه‌ورامی-کاکه‌محه‌مه‌د قادری-کاکه‌مختار اسپه‌رێزی-کاکه شاهۆ مه‌عازی-کاکه‌رۆزگار یه‌زدانی.
 **************************
بە گزارش 'هه‌ورامان هانه‌به‌رچه‌م'برنامە و مراسم"پردەبرداری و نمایش ورونمایی و از کتاب اشعار"هەورەکۆ"نوشته آقای منصور سهرابی‌نژاد اهل روستای دزلی ،در روز جمعه 15اردیبهشت ماه1396در گردشگاه دزلی و در کنار طبیعت سرسبز هورامان و با حضور شاعران، نویسندگان و هنرمندان هورامان و اهل فرهنگ دوست هورامان و مریوان و مهمانان ارجمند و جمعیت انبوه،برگزار گردید. این برنامە کە برابر درخواست انجمن ماموسابیسارانی و مجوز اداره فرهنگ وارشاد اسلامی و همکاری ومساعدت خانواده اش ،برگزار گردید.

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، زوانی هه‌ورامی، ده‌گاو زاوه‌ری/روستای دز‌آور، تصاویرومناظرطبیعی وتاریخی، شهرها و روستاهای هورامان، نوشتارهای همایون محمدنژاد، ئەنجومەنووبێسارانى(یاهۆر) ، هومایون موحەممەدنژاد، ڕه‌ئوف مه‌حموودپوور، ئێحسان ئه‌تابه‌ک، سابیر عه‌زیزی، مامۆساعوسمان هه‌ورامی، مه‌ڵائه‌حمه‌د نه‌زیری، فیرووز عارفی، سۆبحان خالدی، ئه‌رده‌شیر مۆحی، جه‌زا کامران(ئه‌دوای)، سه‌لیم هه‌جیجی(خه‌مبار)، مێقداد ئه‌مینی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،‍ بەرنامە و مەراسێموو"پەرد٘ەلادای و ئەرمانای و ڕوونمایی جە کتێب شێعروو"هەورەکۆ"نویسەو کاکە مەنسوور سوهرابی نژاد(مراسم پرده برداری ورونمایی از کتاب اشعار "هەورەکۆ" آقای منصور سهرابی نژاد)،
نوشته شده در تاریخ شنبه 16 اردیبهشت 1396 توسط همایون محمدنژاد

برگزاری مراسم فرهنگی نوروزی در روستای کرآباد(که لیمل)+ تصاویر

برگزاری مراسم فرهنگی نوروزی در روستای کرآباد(که لیمل)+ تصاویر

مراسم فرهنگی هنری نوروزی با هدف تقدیر از فعالان عرصه‌ی فرهنگ و آموزش زبان هورامی در روستای کرآباد و باغ کلیمل روز جمعه برگزار شد.

به گزارش اورامانات، مراسم فرهنگی هنری نوروزی با هدف تقدیر از فعالان عرصه‌ی فرهنگ و آموزش زبان هورامی در روستای کرآباد و در هوای پاک و طبیعت زیبای کلیمل روز جمعه1394/1/7 برگزار شد.

در این مراسم که با همت حسن عزیزی(حسن خیاط) شاعر و فعال فرهنگی و ادبی برگزار شده بود، بسیاری از شاعران هنرمندان و فعالان فرهنگی‌مانندآقایان:استادعثمان هورامی،استادمحمدحسن خالدی، فریدون بهرامی،همایون محمدنژاد،ملااحمد نظیری،صباح شیانی،سبحان خالدی،فواد نودشه‌ای،یحیی رواری ،هاشم حسامی روزنامه‌نگار،احمد عنایتی،جزا ادوایی،محمد خوست و برخی از مسئولین شهرستانی مانند بخشدار مرکزی و رئیس اداره فرهنگ و ارشاد اسلامی شهرستان سروآباد نیز حضور داشتند.


در پایان این مراسم از کسانی که در عرصه‌ی آموزش زبان هورامی تلاش نموده بودند به زیبایی تقدیر به عمل آمد.


ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، جفرافیا، اخبار، آموزشی، زوانی هه‌ورامی، ده‌گاو زاوه‌ری/روستای دز‌آور، تصاویرومناظرطبیعی وتاریخی، شهرها و روستاهای هورامان، هومایون موحەممەدنژاد، مامۆساعوسمان هه‌ورامی، موحەممەدحسەین کەیمنەیی، سۆبحان خالدی، جه‌زا کامران(ئه‌دوای)، فه‌ریدوون به‌هرامی"شرام"، سه‌باح حه‌سه‌نی شیانی، هاشم حێسامی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،برگزاری مراسم فرهنگی نوروزی در روستای کرآباد(که لیمل)+ تصاویر(فستیواڵ و مەراسێموو نەورۆزوو دەگاو کەڕئاوای و دەسوەشی پەی وانیاراو کەلاسوو زوانی هەورامی لوا ڕاوە)،
دنبالک ها: سایت خبری تحلیلی هورامانات، سایت خبری تحلیلی کوردتودی،
نوشته شده در تاریخ یکشنبه 8 فروردین 1395 توسط همایون محمدنژاد
.: Weblog Themes By Abdollah Habibi :.

تعداد کل صفحات : 3 :: 1 2 3