کەلەبەروو شێعرا(۱۹۲)

گوشێو جە ئەفزارەکاو ژیوای قەدٚیموو
              هەورامانی

 با دەورەی وەڵین پەیت کەروو بەیان
ژیواو نازارا و  ڕەسموو قەدٚیمیان

گۆش دارە هاوار دڵەی خەمباریم
باپیری کۆڵ کێش مسیبەتباریم

یانەش نیان یۆ بە کۆڵ و زەحمەت
بە ڕەنج و شانەی غیرەت و هیممەت

بێ وچان کۆشان بە لاشەی کزۆڵ
ژیوایێ سەختش کەردەبێ قەبۆڵ

كەی فەرامۆش بۆ وەشی یاتاڵە
ژیوای ویەردەی چننەها ساڵە؟!

ئینە جە نەقڵی پیری ویەردەن
خەڵکی سادٚەپۆش عەمرش سەربەردەن

خوراکش پەتڵە و دوێنە و شەلەمین
بەرگش جە پەمەو گڵێمی پەژمین

بە بێڵە و زەنگەن کاڵای زەمینا
بە خەلە هاڕا و  ئاساو توەنینا

چۆخەوڕانک و گجی هەڵاوە
بە دەس  ورازیان هەتا کوڵاوە

فەرەنجی و پەسەک چۆخەوڕانکی کاڵ
بەرگوو هەورامی سەرچەمەی کەماڵ

خیگە و هەڵیزە و هەم کۆنەو ئاوێ
جە دەس کرداروو   باڵا  لەولاوێت

کونەڵانوو ئاوێ جیای یەخچاڵێ
یاگۆ  ماس و دۆ  کەرۆ  بزەخاڵێ

یەرەکۆچە  پایەو ئارگا هەڕینێ
ساجێ ماسۆڵەو تەشتە مسینێ

تاق و تەرواڵە و     لاکان و یانەی
جیای کابێنیتی  پەی مەدٚبەخانەی

كەنووڵەی هەڕین یاگێ ئاردەکاش
تفاقش  جەم بێ  پەی  نازارەکاش
ت
تەیمان و نەیجەی تێخە و یانەکەیش
دایێم نوور  وارێ بەر و  بانەکەیش

شۆڵەو چراوێش جە دار ئەرخەوان
پەی  ڕۆشنایی  تاریکەوشەوان

قەندانێ چوێنێ  پیاڵەی هەڕین
پەی دەسکرداراش هەزار ئافەرین

کیسەو تەماکۆیش گڵێمە پەژمینێ 
جیای قاقەزجگەرەیش سەبیلە چوینێ

نەیە جە پەمەی موومشان  کێشتەن
پەی ئەفزاریشان  نەخشان  ڕەشتەن

نەیەی مووم کێشیای جیای نەبڕی
پەی دەورەگێرتەو کڵاشوو کڵاشدڕی
 
دووکەو دوو کاوێچ  دەزگاوکاری بێ
ئەفزاروو  جوڵای  قەدٚیم  یاری بێ

بە دەفە و هەوجەڕ پەنجێ نەخشینێ
ڕازنان گڵێم و   مەوجێ  ڕەنگینێ
 
تەنافەو  دەسوو  یارانوو  خێڵی      
جە موو  بزێ بێ  جیای  بۆکسێڵی

بارووت وەش کریان بە دەسوو وێشا
 جە گەردو مەڕاو   بەرزوو ئاکەشا

مەتێش ڕازنان جە دواڵ و کەمان
یۆ جە ئەفزاراو   سەناتی زەمان

تۆکڵوو هەناری  تیجارەت کریان
بریان  سونگرو  خەلە  ئاوریان

ساقە تەماکۆ  مەشهوور بە دەمار
جە ئێراق  ئامان  بە کۆڵ و  بەبار

پۆسوو گاومێشی  پەی چیرەپاڵا
سەناتی هەورام  خاستەرین کاڵا

تۆکڵ و بەلووی   ڕۆنیاس و  لیلەنگ
پەی جل وبەرگی پەنەش كریان ڕەنگ

خمخانە بیەن    دەگاو نوێنی
ماواو هونەر و  خاکوو نگینی  

چوخەوڕانک و  فەقیانێ  چەرمێ
مشکی ئەڵوەننی کڵاشێ نەرمێ

هەنجیر و  وەزی باخەکاو دەرەی
پەی زمسانی بێ وەخت و شەوچەرەی

ئینە بێ گۆشێو    ئەفزارو کارا
ئەفزارو  ژیواو    قەدٚیم  نازارا     

 منویسوو هەورام وێش کەفاک زانان 
کاڵای خارجیش  بە هیچ  نەوانان

#عوسمان ڕەحیمی هەجیجی(مورید)  

شۆڵەی شەرای گڕ وەنینم بەرزەن
قرچە و کڵپەی هوون یاران سەرتەرزەن
شاهۆڵە هەرچن بێڕەحمیت نمانا
پارێزنایت پەرێ ئازیزان فەرزەن

جەواد ـ حەمزە
# فێــــــراق




ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، عوسمان ڕەحیمی(مورید)، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۹۲)،
نوشته شده در تاریخ چهارشنبه 11 تیر 1399 توسط همایون محمدنژاد
کەلەبەروو شێعرا(۱۹۱)پێشکەشوو ڕۆحوو ژیوگاپارێزەکاو پاوەی(کاکەموختار خەندانی، بێلال ئەمینی، یاسین  کەریمی)  ‍ ‍ 

پێشکەشوو ڕۆحوو ژیوگاپارێزەکاو پاوەی(کاکەموختار خەندانی، بێلال ئەمینی، یاسین  کەریمی)
‍ ‍ 

 ئەی دارستان!

هۆرزە ..هۆرزه

چووپیە کێشە

 و 

زەماوندٚوو کۆرپەساوێن


 دەم بە خوە

 و 

خەندەش بەرزەن....

 دارەپیرەو مەڕەخێڵێ 

 هاوارش کەرد 

کۆ و کۆساری

هەرچن قڕچەو

 لەقی تازەش 

دەنگێ دێوە 

               دەساندەسا

            حەوزەلارە.....شاوهانەکا

      هاژەش نەمەن

           و 
 
      وشک بی ، مدرا

         سیروان...
        
     مات و خەمبار

هەڕەش پیما

تەختی سانی ...

 ڕەنگەش پڕا  

کۆ داڵانی...
.....
کۆرپەچنوور..

وێش شۆکناوە....

وەشڵەی پار و هەم پێراری

باوشەکێ ،

 ڕاویاروو هەورامانی

زاموو دەسیش ،

سارێش کەرێ ، جەسەی مانیام..

 [دووکەڵ ....دووکەڵ... پەولانە

گجیە سوورێت .....کەرانە]

 دووکەڵ!

مەگەر نەزانات ،

چەمدٚارەکاو پاوەشاری

هەنگامێشا،هەزارێنێ ،نازارێ و شاسوارێنێ


#هومایوون_موحه‌ممه‌دنژاد
@hawramyanah

پاوە 

هەر چەند ئاهێران رو کەردەن پاوە 
پاوە   بێ پاوە  ،   مدران  بە   پاوە  

جە  دێر زەمانان  پاوە  جێ    یانی 
ئەی مەسکەن  ماوای ،قورب و قوربانی 

ئیسەیش ئەو میراس  سەوزەن جە پاوە 
بە گیان  پەی  گیانی  قوربانیش  داوە

پەرێو   پارێزنای   سەوزایی  وەڵات  
شیرینتەر جە گیان،چێش کەران خەڵات!؟  
           *

 #حەمەشەریف_عەلیرەمایی .٩٩/٤/٩سنە

بە یادوو کاکەموختار خەندانی ،کاکە بیلال ئەمینی وکاکە یاسین کەریمی .


ئاخ واوەی تەمێ تاریك و لێڵ مێ
بۆپڕووزی مەرگ جە مەڕەخێڵ مێ

ئاخ ئایر کەوتەن جەسەو نازارا
نازارێ سۆتێ پێسەو وەندارا

نیا  (شەریفێ) بڵوو دەمشاوە
ئازیزام سۆتێ و کەش نەکوشیاوە

بیلال گیان ڕۆڵەو گیان فیداو کەشی
ئاخر بە بێ تۆ ڪەشم پەی چێشی!؟

حەیف نیەن جەسەو نازەنینوو تۆ
بە شەرای ئایێر بۆ بە سیاچۆ 

ماچی سەبوونەن شنەو کۆساری
وەختێ سۆتە بۆ جەسەو موختاری

ئاتەشگا دیسان بڵێسەش بەرزەن
یاسینش مەردەن ، شینش سەڎ تەرزەن

شەهیداو ژیوگەی یاوێوە پاوە
دەك نەیار کۆربی و ڕوەت سیاوە

تۆ سۆتی تاوا نەسۆچۆ کۆسار
گوڵێ بزیاوە واوەی نەووەهار

گەڵا کەرۆوە سەرشاتەو نەرەی
چووزە بەر بارۆ ڕیواو دەرەی

گلەیی بێ کەسی ئەو لاو کێ بەروو
لاو کام یاسایۆ شکایەت ڪەروو

بازە وەڵاتم با وێرانە بۆ
با (ئایر) جەورش زاڵمانە بۆ

ئازیزام سۆچا و کەشۆ مرانێ
سەرداران ئاسا شەهیدٚی بانێ

خودٚا کەی ئینەن بەشوو وەڵاتیم
دەی سا لاچەمێ پەرێ نەجاتیم

#سوهراب_مورادنیا
(سیاوکام هەورامی)



ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، سوهراب مورادنیا(سیاوکام)، موحەممەدشه‌ریف عه‌لی ره‌مایی، جەواد حەمزه (فێراق)، سەیوان ئێبراهیمی(گوازی)، کاوه شکری(سەراو هەورامی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۹۱)پێشکەشوو ڕۆحوو ژیوگاپارێزەکاو پاوەی(کاکەموختار خەندانی،بێلال ئەمینی،یاسین  کەریمی)  ‍ ‍،
نوشته شده در تاریخ سه شنبه 10 تیر 1399 توسط همایون محمدنژاد
پیام تقدیر و تشکر دهیاری روستای زاور از زحمات چند تن از اهالی محترم در اطفای حریق مراتع زاور

گفتنی است این آتش سوزی در حدفاصل دره ترتیبا تا کوە گویچ.که با تلاش و همت بیدریغ و ۶ ساعته موفق به خاموش کردن آن شدند.
اسامی بزرگوارانی کە در مهار آتش سوزی ،سنگ تمام گذاشتند.

آقایان:مسلم کریمی نژاد(اهل زاور و عضو انجمن ژیوای پاوە ،محمدامین رضایی.سینا رضایی.سینا نیکرفتار ، کوسار عبدی(اهل زاور)
  و همچنین آقایان:مادح نوری از اعضای محترم انجمن ژیوای پاوە،باعث دلگرمی بیشتر برای اطفاشد و با دستگاه دمنده به یاریمان شتافت و  یاسر رزابی ( بابت تامین آب و آذوقه جهت اطفای حریق) چند تن از باغداران محترم طویله و دوتن از مهمانان مقیم روستا اهل روستای ژیوارهورامان


#کانال زاوەر_خەبەر

@zavarkhabar0000



طبقه بندی: فرهنگی و هنری، اجتماعی، اخبار، جفرافیا، ده‌گاو زاوه‌ری/روستای دز‌آور، تصاویرومناظرطبیعی وتاریخی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پیام تقدیر و تشکر دهیاری روستای زاور از زحمات چند تن از اهالی محترم در اطفای حریق مراتع زاور،
نوشته شده در تاریخ یکشنبه 8 تیر 1399 توسط همایون محمدنژاد
بۆنەو مەرگوو ۳کەسایەتیێ ئەنجومەنوو ژیوای پاوە ،ئاسمانوو هەورامان وشاروو پاوەی،سیاپۆش بێ

بە نامێ خود٘ای دەسەڵاتداری

بە داخەو هاگادار بیەیمێ
یەرێ ئەنداموو ئەنجومەنوو ژیوای پاوەی #مەرحووم_کاکەموختار_خەندانی_مەرحووم_بێلال_ئەمینی_مەرحووم_یاسین_کەریمی
  #بە بۆنەو ئێرکوشنایەو بووزین و مەڕەخێڵێ،کۆچی هەتاهەتاییشا کەردەن، ئێمەیچ جە په‌لیان و کاناڵەکاو #هه‌ورامان_هانه‌به‌رچه‌م و #زاوەرخەبەر "ی پی بۆنه‌و به ئه‌رکوو وێما مزانمێ پەرسە و سه‌روه‌شی جه خانەوادە و یانه‌وه‌یشا بکه‌رمێ،ئاواتما ئانه‌ن خود٘ای بێ هامتا بەخشۆش و عەفوەش فەرماوۆ و ڕۆحش بە بەهەشتی بەرین شاد٘ بۆ و سه‌بووری یانه‌وه‌یا بد٘ۆوه.
واتەوئینە #مەرحووم_کاکەموختار_خەندانی_خەڵکوو شاروو نەوسوودٚێ جە پاک کەردەو داڵانی هامشان چەنی تاقمەو دەگاو زاوەری زەحمەتی فرە و فەراوانشا کێشت .یادٚش بە خێر و خودٚا بەخشۆش.





طبقه بندی: فرهنگی و هنری، اجتماعی، اخبار، تاریخ،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بۆنەو مەرگوو ۳کەسایەتیێ ئەنجومەنوو ژیوای پاوە،ئاسمانوو هەورامان وشاروو پاوەی،سیاپۆش بێ،
نوشته شده در تاریخ یکشنبه 8 تیر 1399 توسط همایون محمدنژاد
پەتای فەرهەنگیە یا ئاڵامەتی فەرهەنگی/حەمەشەریف عەلی ڕەمایی

نویستەی مەتنیە سەرو مەوزوعیوە ئاندٚە ئەهمیەتش هەن کە نوسەر وەر جە گرد چێویە تەکلیفو وێش چەنیش رۆشن بکەرۆوە کە پەیچێ مەنویسۆ و پەی کێ مەنویسۆ ، مۆخاتێبش کێن ؟ ئەگەر حەر پەی دڵو ویش مەنویسۆ ، هەر جۆریە کە کەیفش وازۆ متاوۆ بنویسۆ، وەلێ ئەگەر گەرەکش بۆ پەی ئانەیە بنویسۆ ، کە خەڵکان تەریش یاواشەنە و سودش چەنە بەرا ،ئێتر چێگەنە مەسڵەحەتی شەخسی بە نەفعەو مەسڵەحەتی عمومی ،مەكێشۆ کەناروە و نویسەندە چاریەش نیەن ئیلا ئانە نەبۆ کە مل کێشۆرە پەی نەفعەی عمومی و جەماوەری و جە خەیرەو تاکەکەسی چەمپۆشی بکەرۆنە و ویش جە سەکۆیە بەرز تەرەنە ، نیشانە بدٚۆ ئەگەر گەرەکش بۆ نویسیاکەش بۆ بە میراسیە نەتەوەیی و ماندگار ، مشیۆ پەی ئا هەرمانێ چندٚە چێوێ نەزەرە گێرۆ شایەد پاسە بتاووٚ بە هەدەفیش نزیکوە گنۆ پێسەو :
١—زوانو نویسیەی ، چەنی زوانو قسەکەردەی ، بە تایبەت جە مەقالە نویستەینە و مەوزوعی عمومینە،جە یۆترینی جیا کەرۆوە . پەی ئانەیە ، گردکەس بە راحەتی بوانۆشوە و حاڵیش بۆ .
٢—چی نەوعە نویستەینە، رەوان نویسی کەرۆ بە عادەت بەڵام جە نویستەی ئەدەبی پێسەو داستان نویسی، زوانو قسە کەردەی یاموحاورەی ،لازمەن چون جە شەخسیەت پەردازینە ،شەخسیەتەکان هەرکام مەشیۆ،بە لەحنو وێشا قسێ کەرانێ .
٣—ئەرەمتەو نوسیەکەیش،ویریە وێمانە بۆ نەک تەرجومەو فارسی یاکوردی .فرەو جە ئێمە ،هیچ مەلاحیزیەما سەرو ئینەیوە نیەن کە ئا مەتڵەبە مەنویسمێش، ئایا هەن چوارچێوەو جوملەپەردازی هەورامیانەینە یا خەیر؟ 
 ٤ـ کاریەما کە فرە شپرزەو خراوەن ئانەنە ، جومڵێ کوردیی، مارمێ دلێ نویسیاکاما .کەچی وێما ئاجومڵامانە هەنێ بە مانایە تروە پێسەو: کەڵک ، مێژو ، کاریگەری،و....
٥—فرەۆ نویسەندەکاما، جە نویسای مەتڵەبەکان، کەلیمەکان ،هەرپاشێوە مەنویسا کە وەختو قسەکەردەی ماچانێش پێسەو :
چون کە جە واتەینە ماچمێ چن وەلێ جە نویسیاینە مشیۆ ئەسڵەکەش بنوسمێ کە مەوۆ : چند. چنە =چندە یا مەنویسا: گۆژ کە درۆسش ، گۆشەن ، دەرز = دەرس .
جە کوردینە، کەڵک بە ماناو سودین و چون هەورامینە ، کەڵک مانایەتەر مەدٚۆ درۆس نیەن بارمێش ئێمە کەڵک بە لچو بانی  ماچمێ (کەڵکە پاسار) یا رێز کەحەر فرە ناشیانە کەوتەن یاگێ ئێمە بە ماسەی، ماچمێ رێز  یاریزەوڵ یانێ رێزەنان وهەر پاسە مێژو بە یاگێ ویەردەی ئێمە بەزاڕۆیی گەمە کەرێنمێ بە یۆترینی واچێنمێ : وڵێشو مێژو من بەتۆ مێژو .چی جومڵەنە مێژو بە دوێ مانای ئامان مێژوی ئەوەڵ عەدەس مێژوی دوەم ئەرزش .پێسەو: مێژو  ،مێژی ، مێژۆ ، مێژمێ ،مێژدێ ،مێژا و....
٦— فرەو کەسا بە تایبەت هەورامیەکاو ئەودیمێ وەختیە هەورامی قسێ مەکەران جە سەدی نەوەدشان کوردین و هیچ رەبتیەش بە زوانی هەورامیوە نیەن .
قەرزکەردەی(وامگیری) جە زوانیەو پەی زوانیەتەر وەختیە زەرورەن وێت واتێ یا کەلیمێت نەوا وەیلا ئاوردەی بێ حێساب و کێتاب کەلێماتی زوانیەتەر بێ پەشیمانی چێوێەتەر نیەن زوانی ئەسڵی هەر وەختیە وێش شەکناوە ئەویشان مەوزۆ بەروە .
دەمایین مەوزوع ئانەنە بە راسی گردما گیرو گرفتی نویسیای و قسەکەردەیما هەن بەشکو زەڕیە مەسئولیەت  قەبوڵ کەرمێ چون ئانە کە مەنویسمێش هەم دەسمانە بەرمەشۆ وهەم دماتەر مەمانۆوە ومەگنۆ وەرو قەزاوەتو بەرەی دمایینی .
        حەمەشەریف .ع ٩٩/٤/٨ سنە



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، موحەممەدشه‌ریف عه‌لی ره‌مایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پەتای فەرهەنگیە یا ئاڵامەتی فەرهەنگی /حەمەشەریف عەلی ڕەمایی،
نوشته شده در تاریخ یکشنبه 8 تیر 1399 توسط همایون محمدنژاد
کۆچوو مەرحووم کاکەسەعدوون مورادی نەوسوودٚی

بە نامێ خود٘ای دەسەڵاتداری

بە داخەو هاگادار بیەیمێ #مەرحووم_کاکەسەعدوون_مورادی،
خەڵکوو شاروو نەوسوودٚێ #براو__کاکەفەهمی_مورادی_ دۆسی ئازیز و نویسەری وەشەویس#بە بۆنەو سەکتەی قەلبی،کۆچی هەتاهەتاییش کەردەن، ئێمەیچ جە په‌لیان و کاناڵەکاو #هه‌ورامان_هانه‌به‌رچه‌م و #زاوەرخەبەر "ی پی بۆنه‌و به ئه‌رکوو وێما مزانمێ پەرسە و سه‌روه‌شی جه خانەوادە و یانه‌وه‌یشا بکه‌رمێ،ئاواتما ئانه‌ن خود٘ای بێ هامتا بەخشۆش و عەفوەش فەرماوۆ و ڕۆحش بە بەهەشتی بەرین شاد٘ بۆ و سه‌بووری یانه‌وه‌یا بد٘ۆوه.




طبقه بندی: فرهنگی و هنری، اخبار، تسلیت ها، فەهمی مورادی‌مه‌ولوودی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کۆچوو مەرحووم کاکەسەعدوون مورادی نەوسوودٚی،
نوشته شده در تاریخ چهارشنبه 4 تیر 1399 توسط همایون محمدنژاد
.: Weblog Themes By Abdollah Habibi :.

تعداد کل صفحات : 356 :: 1 2 3 4 5 6 7 ...