هۆرگێڵنایەو داستانێوە بە زوانی هەورامی:کاکەیاسر ڕەشیدی


... ئا وەخته من جوانێوی کەم ڕوو بێنێ هەمیشەی سەرەم دلێ کتێبانه بێ. گردوو دەور و بەریەکام عادزێ بێنێ چینەیه من هەمیشەی کونج گێروو و خەریکوو وانایەو کتێبانا.
ئەدٚام ژەنێوه سادٚێ و بێ سەوادٚە بێ، باوەرش پاسه بێ مشیۆ من بەرا لا مێرزا قاسمی دۆعا کەر و جن گیروو دەگاکێما تا وەش بوەو، هەر پاسەشه کەرد و بەرداش!
مێرزا قاسم پەشتوو عەینەکەکاشەنه تەماشێوی سامدارش کەرداو ئەدٚایچم گورج گورج و هەناسه بڕ خەریکە بێ قسێش پەی کەرێ:

- میرزاقاسم گیان من ده زارۆڵێم بیێنێ نۆشا ڕێک و پێک و پاک و پۆخته گەورێ بیێ و لواینێ سەردەموو یانە و ژیواو وێشاوه، تەنیا ئینەشا نمەشۆوه هیچکامی، ئەجیۆ جنا پێکان.
ساحبێو ڕۆ بیەو تا وێرەگا سەرەش ئێنا دلێ کتێبانه، نه نان و ئاوش هەن پەی، نه ژیوایش مشۆوه بەشەری. مێرزا قاسم گیان خودٚا عومری پەڕ بەرکەتیت فره کەرۆ، تۆ گیانوو مەتی کولسوومێ ئی کوڕیمه بارەو سەروو ڕای ڕاسێ.
مەتی کولسوومێ ژەنەو مێرزا قاسمی بێ، گردٚ کەس به گیانوو ئادٚێ قەسەموو مێرزای دێنێ.
مێرزا قاسم دەسش ئاورد ڕیش و ڕوه چرچ و ترەک ترەکەکێشەره و پەرساش :
 چەنەم ویەره واڵێ گیان، ئی کوڕته هینوو شەوەو گونای و حەرامێ نیا؟!
ئەدٚایچم ماچۆ : یانی چێش مێرزا؟ یانی تاتەش یۆتەر بۆ؟!
مێرزا ماچۆ: نا واڵێ گیان، چی قسێ منیەی دەموو من؟ من کەی پاسەمە واتەن؟ ماچوو هینوو شەوەو قەتڵی و مانگێ حەرامێ نیا؟!!
ئەدٚام لچش گەسشەنەو ماچۆ : خودٚا عومرم نەدٚۆ ئینه چە قسێوەنه؟ چی من و شوەکەم جوولەکێنمێ، چی هاگاو خودٚا و پێغەمبەری نمەزانمێ؟
مێرزا قاسم به ئەهوەنیێوه ماچۆ : عادزه مەبه واڵێ گیان، من مشیۆ ئی چێوا پەرسوو تا بزانوو چێششا! جا ئیسه خواینه با تەماشەو کتێبەکەیم کەروو بزانوو چێش ماچۆ.
پەلێ کتێبه شەق و شڕەکەیش دایشەو لاو چیروو لچانە دەسش کەرد به وره ور کەردەی، پێسه واچی ورد و ئەورادٚ بوانۆوه، جار جاریچ به تیسیێوه دیێ پەی من و هەم دیێوه ملوو کتێبەکەیشەره.
وره ورش تەمامیاو ڕوەش کەرده ئەدٚایم و ماچۆ : ئی کوڕته مانگەو شانسیش مارەکۆڵیەنه.
ئەدٚام به پەلە و سەر سڕیێوه ماچۆ : دەی عەلاجەش چێشەنه مێرزا گیان؟؟
مێرزا قاسم وێش جەم و جۆر کەردو ماچۆ : دوێ هەرمانێ هەنێ مشیۆ حەتمەن کەردێشا ئەننا بەدٚتەر بۆ! وەڵینەشا ئینێنه مشیۆ گردٚوو کتێبەکاش سۆچندێ، تەماشێوی خۆفناکش کەرداو خوڕاره ماچۆ : چه کتێبێو موانیەو؟
منیچ به تەرس و لەرزێوەو واتم : "مخس" کتێبوو "فرانتس کافکا"ی.
مێرزا وڕم بی پۆنەو ماچۆ : مەسخ؟ پراتس کافیکۆ؟
دیا پەی ئەدٚایم و ماچۆ : ئەوە ئەوه ئەوه، ئی کافکۆ ناپسڵمانێوا بێ ئەنناز، هەرچی جوانێ هەنێ جه ڕای لاش داینێ.
جه بێ سەوادٚی و بێ ئاگایی مێرزای خوەم پەی ئامابێ و زاتم نەبێ خوو.
دیسان ماچۆ به ئەدٚایم : ئەنا واتم، هەرچی کتێبێش هەنێ جەمێشا کەردێ و بەنزینشا کەردێ ملەرە و سۆچندێشا، ئەی نامێو وێش چێشا؟؟
ئەدٚایچم فره ماقووڵانە و به حورمەتەو ماچۆ : کامبیزی نوکەرت!
مێرزا قاسم ماچۆ : حەی حەی حەی، دەی کامبیز نامێنه؟! دلێ فاڵەکەیشەنه نویسیان مشیۆ نامێش واڕدێ کەردێش ئەسەد.
ئەدٚایچم ماچۆ : دەی مێرزا گیان ئینیشا کەرمێ ئێتر وەش بۆوە؟
مێرزایچ به ڕۆح زلیێوه ماچۆ : ئەی چێش واڵێ! تازه بو بەشەرێوی دەرد وارده.
ئەدٚام دەسش کەرد لاو سۆخمەکەیشەره بڕێو زەڕش بەر ئاورد و نیاشەنە مشتەو مێرزا قاسمی و ئامایمێوه یانه.
سەبای من نامێم واڕیا و بیانی ئەسەد و مەراسموو کتێب سۆچنای جه هەوشەکێمانه لوا ڕاوه، منیچ مات و دڵگیر تەماشەو شۆڵەو کتێبەکا کەرێنێ، "زنبق دره" کتێبوو "باڵزاک"ی و "لبەی تیغ" هینوو "سامست موام"ی و ....

ئیسه من ئەسەدەنا، تەماتە ورەشوو سەروو جادٚەی. ژیوایم وەشا، کاسبی و زەڕم فرەن.
قەرار بێ کامبیزی نویسەر بوو بەڵام بیانی ئەسەدی تەماتە ورەش.
هەر وەخت ویروو ئا ڕوا کەروەو، دۆعاو ئەدٚایم و مێرزا قاسمی کەروو.
هەر چن نەبیانی نویسەر، بەڵام نویسەرێ مشناسوو زەڕوو کێلێو تەماتاشا نیا، منیچ بۆنەو ترۆقی و وەڵ کەوتەی هۆنەر و فەرهەنگوو وەڵاتەکەیما، بێ زەڕ تەماتێشا مدٚەو پەنه. ...

هۆرگێڵنای به هەورامی : یاسر ڕەشیدی

سەرچەمه : ئێنترنێت



طبقه بندی: فرهنگی و هنری، ادبیات/شعر، اجتماعی، زوانی هه‌ورامی، یاسر ڕەشیدی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،هۆرگێڵنایەو داستانێوە بە زوانی هەورامی:کاکەیاسر ڕەشیدی،
نوشته شده در تاریخ سه شنبه 20 خرداد 1399 توسط همایون محمدنژاد
یادٚێو جە مەرحووم شێخ موحەممەدسادٚقی غەفووری/کاکەمەحفووز ئەدوای

گێڵناوە:
مامۆساسێدحەمە سادق غەفووری پیایێ زانا و قسە وەش, ئەوەڵین مامۆسا و موعەللێم بیەن کە جە ساڵو 1342ی جە دەگاو سلێنێ مەدرەسەش مەرزنانرە و خوڵکش دەعوەت کەردەن بە دەرس وەنای, ئاوەخت پاسە بیەن مامۆسا فرەو وەختا شەوانە ڕۆنە یەرێ شیفتێ دەرسش دان, کە شیفتوو شەوێش نۆ نێهزەتیا بیەن، کە ئەکثەر ڕیش چەرمێ بێنێ و هام عومرو مامۆسای, کەڕەتێ مامۆسا دەرسوو فارسیش واتەن بە نێهزەتیا, ماچۆ بە یۆ جە شاگردەکاش بەنامێ لالۆ ڕۆح اللەی, ماچۆ قۆربان, فەرماوە واچە عەروسەک, لالۆ ڕۆح اللەیچ ماچۆ: سەکونەک, واوەی ماچۆ: لالۆ ڕۆح اللە فەرماوە واچە عەروسەک, ئادٚیچ ماچۆ: سەکونەک, ئی بەزمە چن گلێ تکرار بۆوە, ئاخر سەر مامۆسا ماچۆ:تەڵاقم کەوتەبۆ لالۆ ڕۆح اللە سەکونەک فرە سەختا تا عەرووسەک.



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، جفرافیا، مه‌حفووز ئه‌دوایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،یادٚێو جە مەرحووم شێخ موحەممەدسادٚقی غەفووری/کاکەمەحفووز ئەدوای،
نوشته شده در تاریخ سه شنبه 20 خرداد 1399 توسط همایون محمدنژاد
معرفی کتاب های نویسندگان در حوزه های مختلف(۳۲)


‍ کتاب کودک تافی و حیوانات جنگل نویسنده خانم بهاره سلطانی و ویراستاری خانم رنگین دهقان (ژنینی)وارد بازار کتاب شد

از اقدمات فرهنگی ایشان:

https://www.telewebion.com/episode/2286735
۱۲ خرداد ۱۳۹۹


برنامە کودک  پەلکەزیرینه  با نویسندگی 
رنگین دهقان (ژنینی) 
پخش ازصدا وسیمای کردستان 
هر روز ساعت 9:56 
تکرار ساعت 3:30




طبقه بندی: تاریخ، فرهنگی و هنری، اجتماعی، ادبیات/شعر، اخبار، تصاویرومناظرطبیعی وتاریخی، ڕه‌نگین دێهقان،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،معرفی کتاب های نویسندگان در حوزه های مختلف(۳۲)،
نوشته شده در تاریخ سه شنبه 20 خرداد 1399 توسط همایون محمدنژاد
کەلەبەروو شێعرا(۱٨۷)

#کــــۆی_شـــاهــــۆ

کۆی شاهۆ یاگێ دووی هەناسەمەن
نەسیمش ئارام هۆی هەناسەمەن

شاهۆ حەکیمەن گیواوش دەرمان
دەرد کەرۆ ساکت شەفا پەی زامان

سایەش پەرێ قەلب ئارامی دڵەن
بەر کەرۆ خەمان نەسیمی گوڵەن

سەیرانش ئارام شەفا پەی دەردەن
بۆی عەتری سەحەر خەم تاڵان کەردەن

شاهۆ وەش دەماخ نەو وەهار ئامان
سەوزەن پای تاقان گوڵان جە دامان

دەنگ مەدٚۆ وە کۆ ناڵەی وەرواوان 
نەوای بوڵبوڵەن جە پای شەتاوان

"سەیادٚ" شراخەی نەو وەهارانەن
کەمەران زەردان ماوای یارانەن


 #باقی_شەفێعی (سەیادٚ)

وەرزی بێ واران
گۆشێ
کۆڵانێ و جادٚەی
دووری مەژنەوا

یاگە پای کاڵیای 
مەکاڵاوە
پەرێ 
بنجەو هاواری
تا
هەنگامێ
تاریخیەتەر
شەتڵە کەرا و
ڕەقەمیەتەر هۆروەزۆ !.!

#جەواد ــ حەمزە
فێـــراق   




طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، باقی شه‌فێعی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۷)،
نوشته شده در تاریخ سه شنبه 20 خرداد 1399 توسط همایون محمدنژاد
هۆرگێڵنایەو بابەتێو جە مامۆساحامی غەریبی

ڕوێ جە ڕوا وای وات بە ڕۆجیاری من جەتۆ زۆردارتەرنا
 تەماشەو ئاپیایە ڪەرە ئیسە ڪۆتەڪەیش وەرشنە وەژوو
ڕۆجیاریچ پەشتەو هەورەڪانە تەماشە ڪەرێ
وا هەرچێ زۆرش ڪەرد٘ پیاڪە مەحڪەمتەر ڪۆتەڪەیش پێچنێ وێشەو
 وا دەرەقەتوو ڪابرای ناما
ڪەوت نۆبەو ڕۆجیاری؛ ئاد٘یچ ڪەم ڪەم زیارە جەپەشتەو هەورەڪانە نەرمەنەرم ڕۆش کەرد٘ە پیاکەی
 ڪابرا ورد٘ەورد٘ە گەرمش بیوەو وڪۆتەڪەش وەت
و ڕۆجیار سەرڪەوت
بەڵێ، ڕۆجیاری وات هەمیشەی گەرما و نەرما وەش ئەخلاقی و وەشەویسی ، جە سەرد٘ا و زڵم و زۆری و زۆر کەرد٘ەی دەسەڵاتش فەرەتەرا و برەوش زیاد٘تەرا

هۆرگێڵنایوە
#حامی- غەریبی



طبقه بندی: تاریخ، فرهنگی و هنری، ادبیات/شعر، زوانی هه‌ورامی، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،هۆرگێڵنایەو بابەتێو جە مامۆساحامی غەریبی،
نوشته شده در تاریخ دوشنبه 19 خرداد 1399 توسط همایون محمدنژاد
 بابەتیێو جە مەرحووم موحەممەدٚ قازی :هۆرەوەگێڵنای: خاتووڕەنگین کەریمی

نەمر موحەمەدٚ قازی، مۆتەرجمی ڕچەماڕ و نامی وەڵاتەکەیما کتێبوو ویرەوەریەکاشەنە گێڵنۆوە:

پەنج ساڵێ بێ سازمانوو بەرنامە و بوودجەینە مرزیابێنێرە، ئا ساڵە دەوڵەت بڕیارش دابێ کۆپێنێ تفاقی دۆ بە مەخلۆقی.
جەنگی جەهانی تەمامیا بێ بەڵام نەبوونی و نەدٚاری هاوار کەرێ دلێ مەخلۆقیەنە.
من و کارمەندێوتەرشا کیاستیمێ مەحاڵێو بە نامێو تاڵێقانی، قەرار پاسەبێ ئاماروو خەڵکوو گردٚوو دەگاکا ئاگەی گێرمێ پەیشا.
لوایمێ دەگایێوە کێخاو دەگاکێ پاجۆرە ئسپارابێشا پنە، ئاما چەنیما.
یاوایمێ مەرقەدٚێو سۆخنێوی گۆلالەش بێ و بێشکێوە سەوزە سەروو زیارەتەکەیشەوە بێ.
بەڵام حورمەتێوی فرەش بێ لا مەخلۆقوو دەگاکێوە و هانێوی وەش و گەورە کە پانای هەسارەکێش تا سەدٚ میترێ یاوێ وەراوەروو مەرقەدٚەکەیوە پیویێ.
پاڵوو هانەکەینە مدرایمێرە، ئاوەو هانەی پەڕە بێ ماساوێ گەورێ و گەشێ، بەدڵوو وێشا مەلێ کەرێنێ. نۆعێو ماساوێ، بەنامێو کەپووری ئێننە فرێ بێنێ ڕاشا نەبێوە و وەختوو جم‌و‌جووڵی دێنێوە هەنترینی.
کێخا پیایێوی پەنجاساڵە و ژیر و ماقووڵ بێ و واتش: جەنابوو قازی، ئی ماساوێ وینیشا هینێ ئی مەرقەدٚیەنێ و کەس زاتش نیا گێرۆشا. چن ساڵێ چیەو وەڵ کتێوە گەرەکش بیەبێ ماساوێوی گولالە گێرۆ، ڕێک چا عانەنە کتە بیێبێ بە تەوەنێ، ئاها ئانا چا قەدٚوو تاشیەوە.
تەوەنێوەش بناروو کەشەکەی و نزیکوو هانەکەینە نیشانە دانێ، هەرچن لا منەوە هیچ نەشێوە کتێ!!
بەڵام جەنابوو کێخای ئێننە ژیر و فامیدٚە دیار بێ، قسەکێش سەلەمنام بە وێم. بازێو مەخلۆقوو دەگاکێ چەنیما بێنێ و شاهێدٚەیشا دا و چێوانێوی عەجایب گێڵنێنێوە چی جەرەیانیە.
شەوێ مەنایمێوە دەگاکێنە. جەنابوو کێخای بەردٚیمێوە یانەو وێشا. سفرە و نان و چاشتوو وێرەگایشا یاوارە و پاڵوو خواینوو برنجە وەش‌بوەکەو شماڵیەنە، دوێ ماساوێ گەورێ سوورەوە کریای کەپووریچ نریایبێنێرە.
کەوتیمێ نان واردٚەی و واتم: جەنابوو کێخای ماساوەکە فرە تامش وەشا چکۆتا بیەن؟
فرە بە ئاسایی واتش: ماساوو هانەو مەرقەدٚەکەین!! نەتاوام تیکەکەیم قووت دەو، پڕانە گلوەزێم.
منش پاسە دیانێ، قل‌قل لوا دمارە و ماچۆ: "ئەجۆ ڕازەو کتەکێ و تەوەنەکێ و قەدٚەخەی و ئی چێوێتە باوەر کەردٚێنێ؟!
جوان بێنێ تا ئیسە کەردٚەناشا کێخاو ئی دەگای. ئەگەر ئی ڕازێمە وەشە نەکەردٚەیا، مەخلۆق ئیسە تۆموو ماساویشا بڕیەبێ هانەکەنە. پنەواز بێ تەرسنووشا نەکا بێ‌دزیەوە ماساوێ گێرا".

دیامانوو کێخاینە ڕۆحوو گردوو دەسەڵاتداراو ڕۆژئاواو زەمینی درێژای تاریخیەنە تا ئیسە بە چەم دیار بێ.
کەسانێو کە سواروو تەرس و نەزانی مەخلۆقی بیێنێ و کێخابیەی وێشا بڕا ملشارە و تەنانەت لاقۆرێوەیچ پەی زانیاری و سەرکەوتەی ڕەعیەتی هۆرنمەگێرا.
ئی دەسەڵاتدارێ وێشا نووکە چەنێو باوەڕشا نیا بە چێوێوی ماچاش و ویر و ئاوەزوو بەشەرایچ هیچ ئێژانێوش نیا لاشاوە.

سەرچەمە کتێبوو: ویرەوەریێ مۆتەرجێمێوی/ نویسەر: مۆحەمەد قازی 
هۆرەوەگێڵنای: ڕەنگین کەریمی



طبقه بندی: فرهنگی و هنری، اجتماعی، ادبیات/شعر، زوانی هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ابەتێو جە مەرحووم موحەممەدٚ قازی :هۆرەوەگێڵنای: خاتووڕەنگین کەریمی،
نوشته شده در تاریخ دوشنبه 19 خرداد 1399 توسط همایون محمدنژاد
.: Weblog Themes By Abdollah Habibi :.

تعداد کل صفحات : 356 :: ... 3 4 5 6 7 8 9 ...