کەلەبەروو شێعرا(۳۳)پەی کوچوو شاعێروو هه‌ورامانی
 کاکه
ئێبراهیم عەبدولکەریم(یاوەر هەورامے
)
  
پەی کوچی دمایی مەرحووموو یاوەر هەورامی
هەورامانەکەی جەستە  زامدارم
ماتەم پۆشاکەی فەسڵی وەهارم

جە دماو  کوچوو  ناسک خیاڵا
فەڵەک تۆمی خەم هەم جە لات کاڵا

فەسڵی وەهارت کەردش بە پاییز
بە کوچی ناوەخت بێ واد٘ەی ئازیز

ئیجارە بە ئێزن دەهندەی داوەر
فەڵەک عەزم کرد پەی کوچی یاوەر

جە دماو کوچوو تۆ شاو وەفاداران
کێ بە شێعر کەرۆ سەنای هەورامان؟

هانەبەرچەم و کاکە هومایون
هیشتا چەمەڕاو ئامای شێعراو تۆن

ئێتر کێ واچۆ موحەممەدنژاد
جە هانەبەرچەم مەرحمەت زیاد؟

بە قەوڵی مەعدووم شای ناسک خیاڵ
گەوهەر واچەکەی  دەریای دوڕ و لاڵ

مەنزڵ موبارەک بێ هامتات یار بۆ
شەفاخوات ڕەسووڵ خاسەی موختار بۆ

سەیوان پەی کوچت بە دڵیە خەمبار
کەرۆ  سەروەشی  هەورامان دیار

#سەیوان ئێبراهیمی

ئازیزا و وەشەویسا جە بۆنەو کوچی دمایی خود٘ا عەفوو کەردە کاکە ئێبراهیم عەبدولکریم دەروێشیوە ئەژناسیا بە یاوەر هەورامی سەروەشی جه گرددوو خەڵکوو هەورامانی و بە تایبەتی قەڵەم بەدەساو بە تایبەتی تەر جە کاکە هومایون موحەممەدنژادی و هەورامان هانەبەرچەمی مکەروو.

   هه‌ورامان هانه‌به‌رچه‌م
دۆسی شیرینم فەردی هامفەردم
ڕۆشنایی چەم مینای  بێ گەردم
یاوەری دڵەی بی یاوەری من
بنەمای یەقین ئەی باوەری من
هەناسەی تاسەی شێعری هەورامی
دۆسە خاسەکەی نەزمی شرامی
هەواڵت یاوا ئای جەو هەواڵە
شیم  وە شەرای مەرگ هەواڵە تاڵە
چێشت بێ ئازیز لوای جە لامان
شۆخی نازەنین شای وەش کەلامان؟
با هانەوقوڵی کێشۆ وە سەردا
دەک بل قەزا بی چیت ئی خەبەردا؟!
سۆ دان وە جەرگم هەواڵی مەرگت
چێش بی وە ناوەخت سۆچیا جەرگەت
#فەریدوون بەهرامی(شرام هەورامی)

دنیای شاۮ نەبی

دنیا  مەنزڵگەو ئارۆ سەبانێ
پەی خاس وعامی کاروان سەرانێ

هەرچن بە زاهێر شیرین شێوەنی
بەڵام   پەنانە   مەس و   لێوەنی

هەرکەس چەنی تۆ بەینش بەستە بۆ
پێسەن هەژدەهاو  بەڕی  گەستە  بۆ

بە کام وەفا و مەیل چەنیت بسازوو
 شیرینیت  کامەن  پەنەت  بنازوو؟

دنیا بەین  چەنی تۆ هەر بێ سوودٚەن
سەرەنجام تەخت و دەورت نابوودٚەن

ماوای ئەفسانەومەینەت سازەنی
پەڕ جە ماجەرا و جەفا و ڕازەنی

کام مسیبەتیت فەرامۆش کەروو
هاواری کام دەرد چەنی وێم بەروو؟ 

سەراپات چەنی خەم بەینش بەستەن
تاڵەو هەژارات هەر بە خەم  ڕەشتەن

بۮیە پەی چەرخ و دەورانوو دیار
نە وەشیت ئاسەن نە دۆس و نەیار

چننە میزانان خاپوور  کەرد بە هەم
چوون پایێز  مەگنی نە باخانی چەم

هەر ڕۆ تەپڵی کۆچ  یارێو دیارەن
هەر ساتێو دڵێو  پەڕ جە  ئازارەن

تافی قەڵوەزەی  ئەسرینانی چەم
هەر تێکەڵاو  بی  بە گولاوی خەم

چەرخی بێ شۆنت  دەورش وە تاوەن
هەرساتێو جەرگێو زۆخش هووناوەن

نە فەرقت ئاورد   نە  دیای لاوە
بازارت گە رمەن  وێت دان ڕەنگاوە

وەشڵەی پا کەسی تۆش بەهیچ زانای
تۆموۆ بەۮبەختیش  چەنە  نەشانای!

وەش بەحاڵێوی  پەیت بێ خەیاڵەن
وەشی و ناوەشیت جە لاش بەتاڵەن

چێش واچوو دنیا کەردات گرێفتار
بیانی  نیشانەو  چەرخی  ڕۆزگار

ئاسانیت جیا  جە   نیمە ڕانە
تۆهەر کۆچوو وێت کەردەت پیمانە

نە  تۆشەم سازا و نە هەن جوابم
شەرمەسارەکەی یەومەل حێسابم

مەگەر وای ڕەحمەت بەیۆ جەڕاوە
وزۆم  ئاسانەی ڕەحمی  خوۮاوە

بویەرۆ  تەقسیر خەتای  بێ پەردەم
ساڕێش کەرۆ زام زۆخاو سەرکەردەم

#عوسمان ڕەحیمی هەجیجی
ڕۆحوو مامۆسا یاوەر هەورامی بە بەهەشتی شادٚ بۆ یاڕەبی خود٘اعەفوەش فەرماوۆ

ادامه مطلب

طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، دینی ومذهبی، نوشتارهای همایون محمدنژاد، هومایون موحەممەدنژاد، یاوه‌ر هه‌ورامی، سەیوان ئێبراهیمی(گوازی)، عوسمان ڕەحیمی هەجیجی، فەرید زاوەری، سه‌باح حه‌سه‌نی شیانی، کاوه شکری(سەراو هەورامی)، سوهراب مورادنیا، شاهۆ مەعازی، فه‌ریدوون به‌هرامی"شرام"، عه‌بدوڵڵا عه‌لی ‌پوور، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۳۳)پەی کوچوو شاعێروو هه‌ورامانی کاکه ئێبراهیم عەبدولکەریم(یاوەر هەورامے)،
نوشته شده در تاریخ پنجشنبه 6 اردیبهشت 1397 توسط همایون محمدنژاد
هه‌ورامان هانه‌به‌رچه‌م  هه‌ورامان هانه‌به‌رچه‌م
همایش پایان دوره کلاس زبان هورامی در
انجمن فرهنگی ادبی بیسارانی هورامان ،برگزار شد
ئه‌ره‌نیشته‌ و ته‌مام بیه‌و که‌لاسوو زوانی هه‌ورامی جه
یانەو ئەنجۆمەنوو بێسارانی هه‌ورامانی ، لوا ڕاوه
همایش پایان دوره کلاس زبان هورامی روستاهای هورامان ژاورود(آریان،ژنین،پایگلان، پالنگان)در روزجمعه ۱۳۹٦/٦/۳  ازساعت ۱٦ شروع تا ساعت 20بعد ازظهر در سالن ورزشی سه راهی روستاهای پایگلان،ژنین،گواز و با شکوه خاصی ؛ همراه با برپایی نمایشگاه کتاب هورامی برگزار شد.
دراین همایش حضور نویسندگان ، شاعران وفعالان فرهنگی در کنار دانش آموختگان کلاس زبان هورامی چشمگیر بود.
هه‌ورامان هانه‌به‌رچه‌م

هه‌ورامان هانه‌به‌رچه‌م

هه‌ورامان هانه‌به‌رچه‌م

ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، آموزشی، ئەنجومەنووبێسارانى(یاهۆر) ، هومایون موحەممەدنژاد، ئێبراهیم شه‌مس، کوورش ئه‌مینی، ژیارسڵامه‌تیان، کوورش یوسفی(ئاریا)، سه‌رکه‌وت عه‌زیزی(نه‌به‌ز)، موحەممەدشه‌ریف عه‌لی ره‌مایی، داریوش ڕه‌حمانی، ئێحسان ئه‌تابه‌ک، سوبحان ئه‌مینی، شۆرش عه‌زیزی/"ئاوات"، موحەممەد فه‌هیم، فاتێح ڕه‌حیمی، مێهران ئه‌حمه‌دی، ئه‌رده‌شیر مۆحی، شه‌یدا باسامی، هۆشیار تەمجید، فه‌رزین ئه‌داک، هاشم حێسامی، سه‌رکه‌وت نیکدڵ، عه‌بدوڵڵا عه‌لی ‌پوور، ئێحسان کەرەمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،همایش پایان دوره کلاس زبان هورامی در انجمن فرهنگی ادبی بیسارانی هورامان،برگزار شد( ئه‌ره‌نیشته‌ و ته‌مام بیه‌و که‌لاسوو زوانی هه‌ورامی جه یانەو ئەنجۆمەنوو بێسارانی هه‌ورامانی،
نوشته شده در تاریخ شنبه 4 شهریور 1396 توسط همایون محمدنژاد

وێره‌گانه‌ شێعره‌وهه‌ورامی جه شارووسه‌ڵواوای به وه‌ش‌ته‌رین شێوه لوا ڕاوه‌

ڕۆ په‌نجشه‌مه‌ی ڕێکه‌وتوو (/139212/15)مانگه‌و سیاوکامی سه‌عات(2/5تا5/5)به‌شداری شاعێره‌کاو فه‌رهه‌نگ دۆسا‌؛گلێربیه‌وه‌ سه‌رو(ویره‌گانێوه‌ چه‌نی شێعرێ)جه‌مۆجته‌معوو فه‌رهه‌نگی ئێرشادوشارووسه‌ڵواواینه‌ به ئاماده بیه‌ی‌ فره‌و جه شاعێرا و جه‌ فه‌رهه‌نگ‌دۆسا‌،لوا ڕاوه‌.ئه‌چی گلیرۆبیه‌نه‌ فره‌و که‌سایه‌تیی و شاعێرێ جه شاره‌کاو:سنه؛پاوه؛مه‌ریوان؛کامیاران؛سه‌ڵواوا؛و مه‌حاڵه‌کاو هه‌ورامانووته‌خت-لهۆن-ژاوه‌رۆ به‌شداریشا که‌رده بێ و نزیک به‌ 25که‌سێ که‌ فره‌ته‌ر به‌رهه‌می شیعرێ تازێ بێنێ به‌رهه‌مشا واناوه‌،حه‌ر پاسه‌ کاکه(ڕه‌ئۆوف مه‌حموودپور)شاعێری به‌ ئازموون سه‌روو ڕه‌وتوو شێعره‌و تازێ هه‌ورامانی و‌تاریوه‌ش پێشکه‌ش که‌رد.جه‌ دڕێژه‌و ئی به‌رنامه‌ینه‌ کاکه(فاتێح مه‌سته‌فایی)وه‌رپرسوو ئه‌نجۆمه‌ن ئه‌ده‌بی شاروو مه‌ریوانی سه‌رو ڕه‌وتوو هه‌مکاری وبه‌یووه‌ بیه‌ی ئه‌نجۆمه‌نه‌ فه‌رهه‌نگیه‌ ئه‌ده‌بیه‌کا جه‌ مه‌حاڵه‌که‌نه‌ وتاریوه‌ش ئاراسته‌و به‌شدارا که‌رد.هۆنه‌رمه‌نده‌کا کاکه تۆفێق زاوه‌ری و کاکه سیروان خالێدی و کاکه فه‌رزادژیواری به‌ چن گۆرانیی سیاوچه‌مانه‌ و ده‌نگوو مۆسیقاو کاکه فه‌رید عه‌باسی ئی گلێره‌وبیه‌شا ڕه‌نگین که‌رد.ئی به‌رنا‌مه‌ جه‌ لاو ئه‌نجۆمه‌نو ئه‌ده‌بی فه‌رهه‌نگی ڕۆجیاری ڕیک وه‌زیا و لوا ڕاوه‌.
1-کاکه سابیر سه‌عیدی
2-کاکه مه‌نسوورسۆهرابی
3-کاکه
محه‌مه‌دشه‌ریف عه‌لی ره‌مایی
4-کاکه سابیر  عه‌زیزی
5-کاکه کوورش  ئه‌مینی
6-کاکه مه‌هدی ئه‌بری(هه‌ورام)
7-کاکه
هۆمایون محه‌مه‌دنژاد
8-کاکه ئێحسان ئه‌تابه‌ک
9-کاکه بۆرهان ئه‌خته‌ر(هورامی)
10-کاکه سۆبحان خالێدی
11-کاکه فاتێح  سه‌عیدی
12-کاکه هه‌یاس غه‌ریبی
13-عه‌لی ئه‌دوای(هاوار هه‌ورامی)
14-کاکه تالێب  ئه‌داک
15-کاکه عه‌بدۆڵڵا  عه‌لی ‌پوور
16-کاکه سلێمان ره‌حمانی
17-کاکه فاتێح  مسته‌فایی(وه‌رپرسوو ئه‌نجۆمه‌ن ئه‌ده‌بی شاروو مه‌ریوانی)
18-کاکه تۆفیق  ئه‌رژه‌نگی(ئه‌نجۆمه‌ن ئه‌ده‌بی ده‌گاو نێ)
19-کاکه محه‌مه‌دسدیق که‌ریمی(ئه‌نجۆمه‌ن ئه‌ده‌بی شاروو مه‌ریوانی)
20-کاکه سه‌لام‌ نه‌باتی(ئه‌نجۆمه‌ن ئه‌ده‌بی شاروو مه‌ریوانی) 
21-خاتوو سۆره‌یا زارعی
22-خاتوو به‌یان عه‌لی ره‌مایی
23-کاکه مه‌حموود  ئه‌زه‌غ

24-کاکه ئێبراهیم ڕه‌جه‌بیان
25-
کاکه فه‌رید    عه‌باسی
جه کۆتایینه وه‌روو ئانه‌یه بڕیۆ شاعێری وه‌ڵته‌ر دێر شێعره‌کاشا په‌ی ئی به‌رنامه‌یه کیاسته بێ.وه‌ختوو  وانایۆشا نه‌بێ وه شه‌ویس پێسه‌و:
کاکه ‌سیروان دوڵه‌تیاری-کاکه‌ جه‌لیل خوون‌دڵ-کاکه محه‌مه‌د خووست و شاعێراته‌ری که شێعرێشا کیاستێبێنێ و به‌ڵام نه‌تاواشا به‌یا؛پێسه‌و:
1-کاکه نه‌عمان هه‌ورامی
2-خاتوو که‌لسووم عۆسمان‌پوور
3-کاکه ئێبراهیم شه‌مس
4-کاکه حسه‌ین خورا(خه‌یال)
5-کاکه مۆرته‌زا فه‌یزی(هاوارپایگه‌ڵانی)
6-میرزا مه‌جید سۆبحانی
7-کاکه عه‌بدۆلحه‌مید محه‌مه‌دڕه‌شیدی

جه درێژه‌و باسه‌که‌ی وێنه‌کا  ویندێ





ادامه مطلب

طبقه بندی: فرهنگی و هنری، اجتماعی، تاریخ، ادبیات/شعر، اخبار، ئەنجومەنوو ڕۆجیاری، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، کوورش ئه‌مینی، ئێحسان ئه‌تابه‌ک، سابیر عه‌زیزی، موحەممەدشه‌ریف عه‌لی ره‌مایی، فەرید عەباسی(فەراز)، سابیر سه‌عیدی، مه‌هدی ئه‌بری(هه‌ورام)، عه‌لی ئه‌دوای(هاوار هه‌ورامی) ، بورهان ئه‌خته‌ر(هورامی)، مامۆسا هه‌یاس غه‌ریبی، مەحموود ئەزەغ(ویلان بڵبه‌ری)، مورته‌زا فه‌یزی(هاوارپایگه‌لانی)، فاتێح سه‌عیدی، تالێب ئه‌داک، نه‌عمان فائق تۆفێق(هاوار)، حسه‌ین خورا(خه‌یاڵ) ، سۆبحان خالدی، سلێمان ره‌حمانی(حه‌سره‌ت)، عه‌بدوڵڵا عه‌لی ‌پوور، به‌یان عه‌لی ره‌مایی، ئێبراهیم ڕه‌جه‌بیان، جه‌لیل خوون دڵ،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛ یانه‌وکتێبووهۆ‌رامانی-هه‌ورامان-هۆرامان-اورامان- اورامانات-دزآور(زاوه‌ر)-لهون-نوسود-هورامان تخت- ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-شاروو هۆرامانی-حلبچه-خۆرماڵ مریوان-سروآباد-کرمانشاه-کردستان-دالانی-ایلام- کامیاران-روانسر-جوانرود-چهارقلعه عبدالملکی (زاغمرز-زینوند-حسین آباد-امیرآباد)هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا -زازاکی-قلعه قروه-چورژی-هانه‌به‌رچه‌م-هۆمایون محه‌مه‌دنژاد،ئه‌نجۆمه‌ن ئه‌ده‌بی ڕۆجیاری،
نوشته شده در تاریخ دوشنبه 19 اسفند 1392 توسط همایون محمدنژاد

هۆرامان هانه‌به‌رچه‌م


هۆرامان هانه‌به‌رچه‌م



 
هۆرامان به ئه‌ره‌نیشته‌و پەلیان نویسا هۆرامانی گیانی تازەش گێرت
جه کاکه‌ئێبراهیم شه‌مس وکاکه هۆمایون محه‌مه‌دنژادی ده‌س وه‌شی تایبه‌تی کریا 

جه ڕۆ یه‌ک شه‌مه‌ی21/7ترازیێ/1392ڕۆجیاریجه شاروو مەریوانی ئه‌ره‌نیشتیو سەرو پەلیان(وێبلاگ)نویسی جه هۆرامانه‌نه‌ و دنیای قه‌ساله‌ینه جه لاو ئەنجومەنۆ ڕۆجیاری به ئاماده‌بیه‌ی تاقمه شاعێرا ونویسه‌را وپەلیان(وێبلاگ)نویسا و قه‌ڵه‌م به‌ده‌ساو هۆرامانی بریا ڕاوه.کاکه سابیر عەزیزی جه لاو ئەنجومەنی خیرئامای مێمانەکاش که‌رد و جه کاکه هۆمایون محه‌مه‌دنژاد پێسه‌و نویسه‌رو پەلیانۆ(وێبلاگ)هۆرامان هانه‌به‌رچه‌می پەی ئی گلێروبیه‌یه ده‌س وه‌شیشا که‌رد.دماتهر کاکه هۆمایون محه‌مه‌دنژاد دما خێرئامای مێمانەکا؛کارێگه‌ری پەلیانێ و سایتێ جه هۆرامانه‌نه‌ باسشا که‌رد وجه گردو قه‌ڵه‌م به‌ده‌سا پەی پاریزنای ونویسته‌ی به زوانوو هورامی به هامویری ده‌عوه‌تی تایبه‌تش که‌رد و جه کاکه‌ئێبراهیم شه‌مس وبریو جه پەلیان نویساهۆرامانی پەی هه‌رمانەکاشا ده‌س وه‌شیش که‌رد.قسه‌که‌ری دماین کاکه ‌ئێبراهیم شه‌مس بێ که‌ باسه‌که‌ش سەروو ڕه‌وتوو پەلیان نویسەی جه هۆرامانه‌نه‌ جه‌ ئه‌وه‌ڵه‌وه‌ تا ئیسه‌ پێسه‌ ده‌س پنه‌ که‌رد:

به‌ نامێ خوای گه‌وره‌ی.وه‌ڵێ گرذ چێویه‌نه‌ عه‌رزوو سڵام و ئه‌ده‌بیم هه‌ن خزمه‌توو گرذوو ئی ئازیزانه‌ که‌ چێگه‌نه‌ نیشتێیره‌ و ده‌سوه‌شی که‌روو جه‌ ڕاوه‌به‌راو ئی کۆڕێ.ڕاسه‌کێش من هه‌ریاگێو باسوو فه‌رهه‌نگوو هه‌ورامانی بۆ و ده‌عوه‌ت کریه‌و دووری و نزیکی په‌یم هه‌میه‌تش نیا و به‌ دڵ و به‌ گیان وێم میاونوو . ده‌عوه‌ته‌که‌ پاسه‌ نیشانه‌ دێ که‌ باسوو وبلاگ نویسیا و منیچ هه‌ر چن ته‌ماذاروو ئانه‌یه‌ نه‌بێنێ قسێ که‌روو به‌ڵام بابه‌تێوم ئاماذه‌که‌رذ سه‌روو  چه‌نی وه‌ش بیه‌ی په‌لیاناو هه‌ورامانی و به‌ تایبه‌ت  سایتوو دانشنامه‌و هه‌ورامانی .

وه‌ش بیه‌ی په‌لیانێ جه‌ ئێرانه‌نه‌ گێڵۆوه‌ په‌ی دوانزه‌ ساڵێ چه‌ی وه‌ڵته‌ر به‌ ڵام وه‌ڵا بیه‌ی په‌لیانا جه‌ ساله‌و 1382 ڕۆجیاری ده‌سش پنه‌ که‌رذ و ئاننه‌ش پنه‌ نه‌شی جه‌ سه‌راسه‌رو ئێرانیه‌نه‌ کاربه‌رێ ئینترنتی ده‌سشا که‌رذ به‌ په‌لیانه‌ وه‌ش که‌رذه‌ی.

من به‌ درۆسی مه‌زانوو په‌لیانێ که‌ی ئامانه‌نه‌ هه‌ورامان و ئه‌وه‌لێ پەلیان یا سایت به‌ ده‌سوو کێ وه‌ش بیه‌ن. به‌ڵام من پێسه‌ یۆ جه‌ قه‌ذیمیاو ئی کاره‌یه‌ تا ئا یاگێ بزانوو په‌لیانێو بێ به‌ نامێ هورامان شناسی نویسه‌و عه‌دنان ئاشنا خه‌ڵکوو هه‌ورامانوو ته‌ختی که‌ جه‌ مانگه‌و ترازیێ و ساڵه‌و 1384ی و ده‌سش پنه‌ که‌رذ و جه‌ باره‌و هه‌ورامانوو ته‌ختی مه‌تڵه‌ب نویسێ و جه‌ ساڵه‌و 1387ی فه‌عالیه‌تش که‌م بیه‌وه‌.

جه‌ پاوه‌نه‌ چن که‌سێو جه‌ ساڵه‌و 1384ی سایت و وبلاگێشا وه‌شێ که‌رذی به‌ڵام دماو مۆددێوی لاشا به‌رذی. چانیشا مۆسلێح قادری بی که‌ سایتوو هه‌ورامانیش تا دویه‌ر ساڵێ چه‌ی وه‌ڵ فه‌عال بێ و مه‌تڵه‌بێ سیاسیێ و کۆمه‌ڵایه‌تیێ نویسێ.

هه‌رپاسه‌ چوار جوانێ پاوه‌یێ بێنێ که‌ جه‌ ساڵه‌و1385ی جار و بار په‌لیانێ وه‌ش که‌رێنێ و دماوه‌ لاشا به‌رێنێ:ئاشناعه‌باسمه‌نش،سه‌جاد ئه‌حمه‌دیانی،شایان ره‌بیعی و یاسر خالدی زاد.ئی جوانێ ئی وبلاگێشا وه‌ش که‌رێنێ دماو چن مانگاره‌ لاشا به‌رێنێ:کانون نویسندگان هورامان،مجمع نویسندگان هورامان،کانون ادبیات معاصر هورامی،هه‌نار.و دما ئاخره‌و سایتوو کۆمه‌کاڵێشا وه‌ش که‌رذ که‌ دویه‌ر ساڵێ پێسه‌و مه‌رکه‌زێوی بێ په‌ی نیشان دای نه‌زه‌راتوو خه‌ڵکوو پاوه‌ی و به‌ داخه‌وه‌ ئاذیچ زوو ته‌عتیل کریا.حه‌ر جه‌ پاوه‌نه‌ دۆسانێوته‌ر بێنێ پێسه‌و عه‌دنان مۆرادی(فتو پاوه و شونه ما)که‌ جه‌ ساڵه‌و 1386ی ده‌سشا که‌رذ وبلاگ نویسی.

ته‌ماموو ئی سایتوو وبلاگا تا ساله‌و 1386به‌ فارسی یا سۆرانی نویسیه‌ینێ به‌ڵام جه‌ نۆدشه‌نه‌ ئی سننه‌ته‌ ماڕیا و کوورش ئه‌مینی په‌ی ئه‌وه‌ڵ که‌ڕه‌تی جه‌ وبلاگوو لانیشته‌ی به‌ نویسه‌ی 5 مسافرێ هه‌ورامی نویسیش ئارذه‌نه‌ هاڵیگای مه‌جازی.لانیشته‌ جاروبار وتارێ هه‌ورامێش دلێنه‌ نویسیێنێ که‌ به‌ داخه‌وه‌ جه‌ ساڵه‌و 1388ی ئێتر حیچش چنه‌ نه‌نویسیا به‌ڵام نویسه‌ره‌که‌ش حه‌ڤذه‌و گه‌لاوێژوو 89ی ئاوه‌زش وه‌ش که‌رذ و ئی په‌لیانێ یه‌کسه‌ره‌ بیه‌ به‌ په‌لیانێوه‌ی هه‌ورامیانێ.عه‌ودڵڵای حه‌بیبی چ حه‌ر جه‌ 1386 هه‌تاوش نیاره‌ و جار جار شێعرێ و داستانێ وێش به‌ هه‌ورامی وزێشه‌نه‌ ئیسه‌یچ هه‌تاو فاڕیان به‌ واران.

ئه‌وه‌ڵین په‌لیانێ ته‌خه‌سۆسی زوانی هه‌ورامی به‌ نامێ ده‌نگی جه‌ ساله‌و 1389ی به‌ ده‌سوو ئۆمید حه‌بیبی وه‌ش کریا که‌ ده‌یان وتار و مه‌قالێ جۆراجۆرێش به‌ زوانی هه‌ورامی ئینه‌ی چنه‌.

ئه‌ڵبه‌ت جه‌ هه‌ورامانه‌نه‌ وبلاگێ فرێ و فراوانێ وه‌شێ کریای بڕێوشا حه‌زفێشا که‌رذێ و بڕێویچشا بێ فه‌عالیه‌ت مه‌نێوه‌.وه‌ ئیسه‌یچ وبلاگانێوی فرێ هه‌نێ که‌ یاگێو سپاسیه‌نێ به‌ڵام چێه‌نه‌ مه‌جاڵوو ئانه‌یمه‌ نیا که‌ باسشا که‌روو.من ئێحترامم هه‌ن په‌ی گرذی و به‌ تایبه‌ت ئی ئازیزێ که‌ چێگه‌نه‌ حازرێنی و گرذی ساحیبوو سایت و په‌لیانێنی جه‌ هه‌ورامانه‌نه‌.به‌ ئیجازه‌و وێتا گه‌ره‌کما جه‌ باره‌و دوێ وبلاگا که‌ گه‌وره‌ته‌رین کاریگه‌ریشا بیه‌ن جه‌ عه‌رسه‌و هه‌لیگای مه‌جازیه‌نه‌ په‌ی فه‌رهه‌نگوو هه‌ورامانی باس که‌روو یۆشا دایێره‌تۆلمه‌عارفوو هه‌ورامانی و ئه‌ویچشا  هه‌ورامان هانه‌به‌رچه‌م.


ادامه مطلب

طبقه بندی: فرهنگی و هنری، اجتماعی، تاریخ، ادبیات/شعر، جفرافیا، اخبار، آموزشی، ئەنجومەنوو ڕۆجیاری، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، ژیارسڵامه‌تیان، سابیر عه‌زیزی، عه‌لی ئه‌دوای(هاوار هه‌ورامی) ، موحەممەد سالاری، فیرووز عارفی، سەعدوڵڵا خون خام(شەهریار)، حافێز ئه‌دوای، سۆبحان خالدی، عه‌بدوڵڵا عه‌لی ‌پوور، دوکتورئه‌فراسیاب جه‌مالی، فه‌رزین ئه‌داک، جه‌زا کامران(ئه‌دوای)،
برچسب ها:هۆمایون محه‌مه‌دنژاد،هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،صندوق خیریه روستای دزآور،آمبولانس خیریه روستای دزآور،چورژی،هانه‌به‌رچه‌م،ئەنجومەنۆ ڕۆجیاری،
دنبالک ها: نـــــــــــــــــــــــــــــــــــــاو، قه‌ڵه‌موو هۆرامانی، دانشنامه‌وهه‌ورامانی،
نوشته شده در تاریخ دوشنبه 22 مهر 1392 توسط همایون محمدنژاد
هورامان هانه به رچه م

مامۆسا ئه‌حمه دنه‌زیری-مامۆسا ئه‌حمه‌د محه‌مه‌دی
وێنه گه ر:ه
ۆمایون  محه‌مه‌دنژاد

گلێروه‌بیه‌ی فه‌رهه‌نگی جه‌ شارو مه‌ریوانینه‌

رو په‌نجشه‌ممه‌ی 4چێڵکڕوو1391روجیاری به‌رابه‌ربه24مه‌ی 2012 میلادی سه‌رووئه‌رک ویاردی ئه‌نجومه‌نووفه‌رهه‌نگی ئه‌ده‌بی روجیاری وئێداره‌و ئێرشادوسه‌وڵاوای جه ‌ساڵونه‌و موجته‌مه‌عووفه‌رهه‌نگی ئێرشاردو شاروو مه‌ریوانینه گلێر‌وه‌بیه‌یه‌‌ په‌ی قه‌دردانی ویادکردارو دوێ دانێ جه‌ نویسه‌ر، هورگێڵنه‌روپه‌یجوریکه‌راو هۆرامانی ئاغه‌یان:ئه‌حمه‌د موحه‌ممه‌دی وئه‌حمه‌د نه‌زیری‌ بریاراوه‌.چی مه‌راسێمه‌نه‌ که‌ ساعه‌تو9 وه‌ڵ جه ‌نیمه‌روی ده‌سش په‌نه‌ که‌رد وتاوێره‌گا ئێدامه‌ش بێ جه‌مێوی فره‌ جه‌خه‌ڵکنویسه‌روشاعێرو لایێنگیراومه‌نته‌قه‌و مه‌ریوان،هۆرامان و ئه‌وته‌رشاره‌کاوکوردستانی به‌شداریشا که‌رده‌ بێ. موجری ئی جه‌له‌سه‌یه‌ ئارام مستوفی بێ. گلێره‌که‌ به‌ قسه‌کاو ئاغه‌ی فیروز عارێفی ده‌بیروو هه‌مایێشه‌که‌ی ده‌سش په‌نه‌ که‌رد. ئاد جه‌باره‌و‌ ئیژایی هه‌رمانه‌ فه‌رهه‌نگیه‌کا و فره‌ ره‌نگی و ‌ته‌نه‌وعی فه‌رهه‌نگی باسش که‌رد و ئاغه‌ی سه‌مه‌دی ره‌ئیسووئێداره‌وئێرشادوسه‌وڵاوای خه‌یرئامایش جه‌ مێمانه‌کا که‌رد ودماته‌رشاعێری بوکانی ماموسائاسوشێعرێوش‌ وه‌نه‌وه‌. پانێلوو ئه‌وه‌ڵوو به‌رنامه‌که‌ی به‌ راوه‌به‌ری سه‌عدی نوری بریاراوه‌ که‌ حمه‌ره‌شیدئه‌مینی،سابیرعه‌زیزی وئه‌حمه‌دی قازی به‌شدارێ ئا پانێله‌یه‌ بێنێ. ئه‌حمه‌د قازی جه‌باره‌ ئه‌همیه‌تووزوانی ئه‌داییوه‌ باسش که‌ردوحمه‌ره‌شید ئه‌مینیچ سه‌روو کاره‌کاو ئا به‌رێزانه‌ قسێش که‌ردێ و سابیرعه‌زیزیچ جه‌باره‌ نه‌سر نووسیه‌ی به‌ هۆرامی مه‌تڵه‌بێوه‌ش وا‌نا‌وه‌. جه‌ پانێڵوو دوه‌میچه‌نه‌ که‌ هۆرامان به‌هرامی به‌ردش راوه‌ ئاغه‌یان هاشمی، ئیراهیمی و ره‌ئووف مه‌حموودپوور و خاتوو  سویلا موحه‌مه‌دی حازێرێ بیێ و هه‌رکامشا جه‌ باره‌و تاریخ نویسی و ئیژایی ته‌رجه‌مه‌ی  و ره‌توو ئه‌ده‌بیات و فه‌رهه‌نگیوه‌ قسه‌و باسشا که‌رد. دمانیمه‌رویج پانێلێوه‌ گێریا به‌ به‌شداری ئه‌حمه‌د نه‌زیری و ئه‌حمه‌د محه‌مه‌دی و ئه‌سعه‌د ئه‌رده‌ڵان و عه‌دنان زه‌بێحی و فیلمێویچ نمایش دریا و شاعێرێ هۆرامانی ئاغه‌یان بورهان ئه‌خته‌ر و سابیر سه‌عیدی شێعریشا وه‌نێوه‌. و جه‌ ئاخریچوه‌ ته‌قدریر کریا جه‌ چن شه‌خسیه‌تێ فه‌رهه‌نگییێ و گلێره‌که‌ دماییش ئاما.  ئاغه‌ی ئه‌حمه‌د محه‌مه‌دی جه‌ ساڵه‌و 1317 روجیاری ده‌گاو دزڵینه‌ ئامان دنیا و جه‌ ماوه‌و ژیوای په‌ر باریشه‌نه‌ نزیک به‌ 50 به‌رویرێش نووسیه‌نێ و ته‌رجه‌مه‌ش که‌ردێنێوه‌. که‌ دلێگیروو فره‌ته‌روو هه‌رمانه‌کاش جه‌باره‌ تاریخوو کورد و کوردستانی و جونبێشه‌ کوردیه‌کاوه‌ بیه‌ن. هه‌رپاسه‌ ماموسا ئه‌حمه‌د نه‌زیرێ کوروو حاجی مه‌ڵا نه‌زیروو گه‌وره‌ ته‌وێڵێ ساڵه‌و 1325 روجیاری ئامان دنیاو جه‌ ماوه‌ ژیوایشه‌نه‌ چنها کتێبێش نووسیه‌نێ و فره‌ کتێبێچش گلێروه‌ که‌ردێنێ. په‌نه‌واز به‌ واته‌ین که‌ په‌ی ئی مه‌راسێمه‌یه‌ زه‌حمه‌تی فره‌ کێشیا بێ هه‌م جه‌ ته‌شکوو هه‌رمانه‌کێوه‌ که‌ فره‌و مه‌تڵه‌به‌کا و پلاکارده‌کاو و ده‌عوه‌ت نامه‌کا به‌ زوانی هۆرامی بێنی و هه‌م جه‌ ویه‌روو ده‌عوت که‌رده‌ی جه‌ مێمانه‌کا و هه‌رپاسه‌ راوه‌به‌رده‌ی ئی جه‌له‌سه‌یه‌ که‌ جه‌مێوی فره‌ جه‌ ئازیزا و فه‌رهه‌نگ دو‌سا زه‌حمه‌تشا کێشا بێ و چیگه‌نه‌ نمه‌کریو نامو دانه‌ دانه‌یشا به‌رمێ به‌ڵام متاومێ بواچمێ ده‌سوو وردی و گه‌وره‌یش وه‌ش بۆ و یانه‌شا ئاوه‌دان. پێسه‌و کاکه‌ حمه‌ره‌شید ئه‌مینی جه‌ جه‌له‌سه‌که‌نه‌ فه‌رماواش زوان و فه‌رهه‌نگوو هۆرامی ئارو فره‌ کز و لاواز بیه‌ن و ئه‌وه‌جه‌ش به‌ سه‌رنج و کاری فره‌ین و به‌ تایبه‌ت جه‌ لاو خودوو هۆرامی زوانه‌کاو که‌ مشیو وێشان ته‌لاش بکه‌ران چوون هیج ده‌سه‌ڵاتێو نیه‌ن په‌شتوو ئی فه‌رهه‌نگه‌ قه‌دیم ساڵیوه‌. به‌ ئومیدوو ئانه‌یه‌ جه‌ ئایه‌نده‌نه‌ ئی جوره‌ جه‌مانه‌ و جه‌له‌سانه‌‌ فره‌ته‌رێ بانێ په‌ی قه‌دردانێ ئاچا که‌سانه‌ که جه‌‌ ویه‌روو زوان و فه‌رهه‌نگوو ئاروینوو هۆرامانی مه‌ینه‌تشا کێشان و خه‌ریکوو گه‌شه‌دای و هه‌رمان ‌که‌رده‌ی و ئه‌وه‌ژیونایشه‌نێ.

داریوش ره‌حمانی. مه‌ریوان

rahmanidaruosh@gmail.com

 
هورامان هانه به رچه م


هورامان هانه به رچه م

هورامان هانه به رچه م
                 کاک جه‌لال مه‌لێک شاهی    
       شاعێر

هورامان هانه به رچه م

هورامان هانه به رچه م
گلێروه‌بیه‌ی نویسه‌ر،شاعێر،په‌لیان نویسا
هورامانی

سه‌بارت به زوانوو هورامی،یوبیه‌یۆ نویسته‌و زوانوو هورامی

هورامان هانه به رچه م

نویسه‌ر،شاعێر،په‌لیان نویس،وێنه‌گه‌رو هورامانی

هورامان هانه به رچه م
                      



طبقه بندی: فرهنگی و هنری، ادبیات/شعر، اخبار، ئەنجومەنوو ڕۆجیاری، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، کوورش ئه‌مینی، موحەممەد مسته‌فازاده، کوورش یوسفی(ئاریا)، عه‌بدوڵڵا حه‌بیبی، ئۆمید حه‌بیبی، داریوش ڕه‌حمانی، سابیر عه‌زیزی، فاتێح ڕه‌حیمی، سوبحان ئه‌مینی، فیرووز عارفی، بێهرووز حاجی، کامل سه‌فه‌ریان، عه‌بدوڵڵا عه‌لی ‌پوور، مه‌ڵائه‌حمه‌د نه‌زیری،
برچسب ها:هورامان-هورامان هانه به رچه م- کتابخانه هه ورامان- یانه ۆ کتێبۆ هه ۆرامانی-دزآور(زاوه ر)،لهون- نوسود-هورامان تخت- ژاورود- پاوه-نودشه- رێژاو(ریجاب)-کندوله-ته وێڵه-بیاره- شارۆ هورامانی- مریوان- سروآباد- کرمانشاه- کردستان- دالانی-ایلام-کامیاران-روانسر-جوانرود-اورامانات،
نوشته شده در تاریخ جمعه 5 خرداد 1391 توسط همایون محمدنژاد

نامه ای ازرئیس جمهور ابراهام لینكلن به معلم پسرش به صورت شعر

            دوست فرهیخته ام:آقای کاک عبداله علی پور
  
بیاموزكه انسان ها همه نیستند درستكار            درازای هرانسان پستی، یكی   نیكرفتار
بیاموزدر مقابل هرسیاستمداری خودخواه           رهبری هست ازخودگذشته  فداكارو آگاه
بیاموزدشمنی  باشد دوستی هم     هست        كسب باتلاش بهترازكسب بادآورده وپست
شكست رابیاموز هرچندكه سخت است           لذت پیروزی درمان افت وشكست است
بیاموز كه آفت روح است حسادت                 خنده ی خاموش درمان درد وكسادت
بیاموزبه اواسراروشگفتی های كتاب ها        تفكردرپروازپرندگان ،زنبور، رویش گل ها
بیاموزكه مردود شدن شرافتمندانه ترازتقلب    ایده هایش باارزشند احساس آنها رانكندسلب
بیاموزكه بامردم مهربان، باشد مهربان          با مردم متكبروخشن همانند خودشان
بیاموز بی اعتنایی به آدم های منفی باف        كه بامردم باشد یك رنگ وشفاف
بیاموزبه مزایده گذاردقدرت مغزوبازو           هیچ قیمتی نیست برای قلب وروان او
بیاموزبایستددر مقابل ظلم وزورگویان            كه پایداری بركَند بنیان ایشان
بااومهربان باش ودر آغوش نگیر                 كه تبدیل كندخاك را به طلا اكسیر
بیاموزوتشویق كن به بودن وزندگی               تجربه ی صبروشجاعت وآزادگی
بیاموز عمیق ترین ایمان به خویش را           تاعاشقانه عشق بورزد به همنوعش را

                                                    عبداله علی پور:پایگلان




طبقه بندی: ادبیات/شعر، اجتماعی، عه‌بدوڵڵا عه‌لی ‌پوور،
برچسب ها:هورامان،لهون،زاوه ر،هانه به رچه م،عکس،مریوان،پاوه،
نوشته شده در تاریخ شنبه 16 مهر 1390 توسط همایون محمدنژاد
.: Weblog Themes By Abdollah Habibi :.

تعداد کل صفحات : 2 :: 1 2