هۆرامان هانه‌به‌رچه‌م


هۆرامان هانه‌به‌رچه‌م



 
هۆرامان به ئه‌ره‌نیشته‌و پەلیان نویسا هۆرامانی گیانی تازەش گێرت
جه کاکه‌ئێبراهیم شه‌مس وکاکه هۆمایون محه‌مه‌دنژادی ده‌س وه‌شی تایبه‌تی کریا 

جه ڕۆ یه‌ک شه‌مه‌ی21/7ترازیێ/1392ڕۆجیاریجه شاروو مەریوانی ئه‌ره‌نیشتیو سەرو پەلیان(وێبلاگ)نویسی جه هۆرامانه‌نه‌ و دنیای قه‌ساله‌ینه جه لاو ئەنجومەنۆ ڕۆجیاری به ئاماده‌بیه‌ی تاقمه شاعێرا ونویسه‌را وپەلیان(وێبلاگ)نویسا و قه‌ڵه‌م به‌ده‌ساو هۆرامانی بریا ڕاوه.کاکه سابیر عەزیزی جه لاو ئەنجومەنی خیرئامای مێمانەکاش که‌رد و جه کاکه هۆمایون محه‌مه‌دنژاد پێسه‌و نویسه‌رو پەلیانۆ(وێبلاگ)هۆرامان هانه‌به‌رچه‌می پەی ئی گلێروبیه‌یه ده‌س وه‌شیشا که‌رد.دماتهر کاکه هۆمایون محه‌مه‌دنژاد دما خێرئامای مێمانەکا؛کارێگه‌ری پەلیانێ و سایتێ جه هۆرامانه‌نه‌ باسشا که‌رد وجه گردو قه‌ڵه‌م به‌ده‌سا پەی پاریزنای ونویسته‌ی به زوانوو هورامی به هامویری ده‌عوه‌تی تایبه‌تش که‌رد و جه کاکه‌ئێبراهیم شه‌مس وبریو جه پەلیان نویساهۆرامانی پەی هه‌رمانەکاشا ده‌س وه‌شیش که‌رد.قسه‌که‌ری دماین کاکه ‌ئێبراهیم شه‌مس بێ که‌ باسه‌که‌ش سەروو ڕه‌وتوو پەلیان نویسەی جه هۆرامانه‌نه‌ جه‌ ئه‌وه‌ڵه‌وه‌ تا ئیسه‌ پێسه‌ ده‌س پنه‌ که‌رد:

به‌ نامێ خوای گه‌وره‌ی.وه‌ڵێ گرذ چێویه‌نه‌ عه‌رزوو سڵام و ئه‌ده‌بیم هه‌ن خزمه‌توو گرذوو ئی ئازیزانه‌ که‌ چێگه‌نه‌ نیشتێیره‌ و ده‌سوه‌شی که‌روو جه‌ ڕاوه‌به‌راو ئی کۆڕێ.ڕاسه‌کێش من هه‌ریاگێو باسوو فه‌رهه‌نگوو هه‌ورامانی بۆ و ده‌عوه‌ت کریه‌و دووری و نزیکی په‌یم هه‌میه‌تش نیا و به‌ دڵ و به‌ گیان وێم میاونوو . ده‌عوه‌ته‌که‌ پاسه‌ نیشانه‌ دێ که‌ باسوو وبلاگ نویسیا و منیچ هه‌ر چن ته‌ماذاروو ئانه‌یه‌ نه‌بێنێ قسێ که‌روو به‌ڵام بابه‌تێوم ئاماذه‌که‌رذ سه‌روو  چه‌نی وه‌ش بیه‌ی په‌لیاناو هه‌ورامانی و به‌ تایبه‌ت  سایتوو دانشنامه‌و هه‌ورامانی .

وه‌ش بیه‌ی په‌لیانێ جه‌ ئێرانه‌نه‌ گێڵۆوه‌ په‌ی دوانزه‌ ساڵێ چه‌ی وه‌ڵته‌ر به‌ ڵام وه‌ڵا بیه‌ی په‌لیانا جه‌ ساله‌و 1382 ڕۆجیاری ده‌سش پنه‌ که‌رذ و ئاننه‌ش پنه‌ نه‌شی جه‌ سه‌راسه‌رو ئێرانیه‌نه‌ کاربه‌رێ ئینترنتی ده‌سشا که‌رذ به‌ په‌لیانه‌ وه‌ش که‌رذه‌ی.

من به‌ درۆسی مه‌زانوو په‌لیانێ که‌ی ئامانه‌نه‌ هه‌ورامان و ئه‌وه‌لێ پەلیان یا سایت به‌ ده‌سوو کێ وه‌ش بیه‌ن. به‌ڵام من پێسه‌ یۆ جه‌ قه‌ذیمیاو ئی کاره‌یه‌ تا ئا یاگێ بزانوو په‌لیانێو بێ به‌ نامێ هورامان شناسی نویسه‌و عه‌دنان ئاشنا خه‌ڵکوو هه‌ورامانوو ته‌ختی که‌ جه‌ مانگه‌و ترازیێ و ساڵه‌و 1384ی و ده‌سش پنه‌ که‌رذ و جه‌ باره‌و هه‌ورامانوو ته‌ختی مه‌تڵه‌ب نویسێ و جه‌ ساڵه‌و 1387ی فه‌عالیه‌تش که‌م بیه‌وه‌.

جه‌ پاوه‌نه‌ چن که‌سێو جه‌ ساڵه‌و 1384ی سایت و وبلاگێشا وه‌شێ که‌رذی به‌ڵام دماو مۆددێوی لاشا به‌رذی. چانیشا مۆسلێح قادری بی که‌ سایتوو هه‌ورامانیش تا دویه‌ر ساڵێ چه‌ی وه‌ڵ فه‌عال بێ و مه‌تڵه‌بێ سیاسیێ و کۆمه‌ڵایه‌تیێ نویسێ.

هه‌رپاسه‌ چوار جوانێ پاوه‌یێ بێنێ که‌ جه‌ ساڵه‌و1385ی جار و بار په‌لیانێ وه‌ش که‌رێنێ و دماوه‌ لاشا به‌رێنێ:ئاشناعه‌باسمه‌نش،سه‌جاد ئه‌حمه‌دیانی،شایان ره‌بیعی و یاسر خالدی زاد.ئی جوانێ ئی وبلاگێشا وه‌ش که‌رێنێ دماو چن مانگاره‌ لاشا به‌رێنێ:کانون نویسندگان هورامان،مجمع نویسندگان هورامان،کانون ادبیات معاصر هورامی،هه‌نار.و دما ئاخره‌و سایتوو کۆمه‌کاڵێشا وه‌ش که‌رذ که‌ دویه‌ر ساڵێ پێسه‌و مه‌رکه‌زێوی بێ په‌ی نیشان دای نه‌زه‌راتوو خه‌ڵکوو پاوه‌ی و به‌ داخه‌وه‌ ئاذیچ زوو ته‌عتیل کریا.حه‌ر جه‌ پاوه‌نه‌ دۆسانێوته‌ر بێنێ پێسه‌و عه‌دنان مۆرادی(فتو پاوه و شونه ما)که‌ جه‌ ساڵه‌و 1386ی ده‌سشا که‌رذ وبلاگ نویسی.

ته‌ماموو ئی سایتوو وبلاگا تا ساله‌و 1386به‌ فارسی یا سۆرانی نویسیه‌ینێ به‌ڵام جه‌ نۆدشه‌نه‌ ئی سننه‌ته‌ ماڕیا و کوورش ئه‌مینی په‌ی ئه‌وه‌ڵ که‌ڕه‌تی جه‌ وبلاگوو لانیشته‌ی به‌ نویسه‌ی 5 مسافرێ هه‌ورامی نویسیش ئارذه‌نه‌ هاڵیگای مه‌جازی.لانیشته‌ جاروبار وتارێ هه‌ورامێش دلێنه‌ نویسیێنێ که‌ به‌ داخه‌وه‌ جه‌ ساڵه‌و 1388ی ئێتر حیچش چنه‌ نه‌نویسیا به‌ڵام نویسه‌ره‌که‌ش حه‌ڤذه‌و گه‌لاوێژوو 89ی ئاوه‌زش وه‌ش که‌رذ و ئی په‌لیانێ یه‌کسه‌ره‌ بیه‌ به‌ په‌لیانێوه‌ی هه‌ورامیانێ.عه‌ودڵڵای حه‌بیبی چ حه‌ر جه‌ 1386 هه‌تاوش نیاره‌ و جار جار شێعرێ و داستانێ وێش به‌ هه‌ورامی وزێشه‌نه‌ ئیسه‌یچ هه‌تاو فاڕیان به‌ واران.

ئه‌وه‌ڵین په‌لیانێ ته‌خه‌سۆسی زوانی هه‌ورامی به‌ نامێ ده‌نگی جه‌ ساله‌و 1389ی به‌ ده‌سوو ئۆمید حه‌بیبی وه‌ش کریا که‌ ده‌یان وتار و مه‌قالێ جۆراجۆرێش به‌ زوانی هه‌ورامی ئینه‌ی چنه‌.

ئه‌ڵبه‌ت جه‌ هه‌ورامانه‌نه‌ وبلاگێ فرێ و فراوانێ وه‌شێ کریای بڕێوشا حه‌زفێشا که‌رذێ و بڕێویچشا بێ فه‌عالیه‌ت مه‌نێوه‌.وه‌ ئیسه‌یچ وبلاگانێوی فرێ هه‌نێ که‌ یاگێو سپاسیه‌نێ به‌ڵام چێه‌نه‌ مه‌جاڵوو ئانه‌یمه‌ نیا که‌ باسشا که‌روو.من ئێحترامم هه‌ن په‌ی گرذی و به‌ تایبه‌ت ئی ئازیزێ که‌ چێگه‌نه‌ حازرێنی و گرذی ساحیبوو سایت و په‌لیانێنی جه‌ هه‌ورامانه‌نه‌.به‌ ئیجازه‌و وێتا گه‌ره‌کما جه‌ باره‌و دوێ وبلاگا که‌ گه‌وره‌ته‌رین کاریگه‌ریشا بیه‌ن جه‌ عه‌رسه‌و هه‌لیگای مه‌جازیه‌نه‌ په‌ی فه‌رهه‌نگوو هه‌ورامانی باس که‌روو یۆشا دایێره‌تۆلمه‌عارفوو هه‌ورامانی و ئه‌ویچشا  هه‌ورامان هانه‌به‌رچه‌م.


ادامه مطلب

طبقه بندی: فرهنگی و هنری، اجتماعی، تاریخ، ادبیات/شعر، جفرافیا، اخبار، آموزشی، ئەنجومەنوو ڕۆجیاری، هومایون موحەممەدنژاد، ئێبراهیم شه‌مس، ڕه‌ئوف مه‌حموودپوور، ژیارسڵامه‌تیان، سابیر عه‌زیزی، عه‌لی ئه‌دوای(هاوار هه‌ورامی) ، موحەممەد سالاری، فیرووز عارفی، سەعدوڵڵا خون خام(شەهریار)، حافێز ئه‌دوای، سوبحان خالدی، دوکترئافراسیاب جه‌ماڵی، فه‌رزین ئه‌داک، جه‌زا کامران(ئه‌دوای)،
برچسب ها:هۆمایون محه‌مه‌دنژاد،هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،صندوق خیریه روستای دزآور،آمبولانس خیریه روستای دزآور،چورژی،هانه‌به‌رچه‌م،ئەنجومەنۆ ڕۆجیاری،
دنبالک ها: نـــــــــــــــــــــــــــــــــــــاو، قه‌ڵه‌موو هۆرامانی، دانشنامه‌وهه‌ورامانی،
نوشته شده در تاریخ دوشنبه 22 مهر 1392 توسط همایون محمدنژاد

ئاگاداری  فەرهەنگی  ئەدەبی 

ئه‌ره‌نیشتیو سەرو پەلیان(وێبلاگ)نویسی جه هۆرامانه‌نه‌ و دنیای قه‌ساله‌ینه‌(مه‌جازینه‌)

ئەنجومەنۆ فەرهەنگی ئەدەبی ڕۆجیاری ئه‌ره‌نیشتیو سەرو پەلیان(وێبلاگ)نویسی جه هۆرامانه‌نه‌ و دنیای قه‌ساله‌ینه‌(مه‌جازینه‌)به ئاماده‌بیه‌ی شاعێرا ونویسه‌را وپەلیان(وێبلاگ)نویسا پەی لەیەکدایو نویسته‌ی به زوانوو هۆرامی جه هۆرامانه‌نه‌ و دنیای مه‌جازینه‌ جه شاروو مەریوانی ملۆ ڕاوه ئاواته‌وازینمێ پەی پارێزنای زوانوو هۆرامی هەنگامێ فره‌تەرێ هۆورگیریا.

   یاگێ-وه‌خت وڕاکه‌وت:شاروو مەریوانی
  دەفتەرو ئەنجومەنۆ ڕۆجیاری-ئاخرو خیابانومه‌ردوخی
  یه‌کشه‌مه1392/7/21/سه‌عاتوو:3/30تا5دمانیمه‌ڕوی

 اطلاعیه  فرهنگی  ادبی

نشستی باموضوع: وبلاگ نویسی درهورامان و دنیای مجازی

انجمن فرهنگیادبی روجیار نشستی دررابطه با وبلاگ نویسی درهورامان وفضای مجازی باحضورنویسندگان وشاعران و وبلاگ نویسان به منظوربررسی نوشتن به زبان هورامی درهورامان ودنیای مجازی(انترنتی)درشهر مریوان برگزارمی کند.امیدواریم برای پاسداشت زبان هورامی گام های بیشتری برداشته شود.

     مکان-زمان وتاریخ:شهرمریوان
  دفترانجمن روجیار-انتهای خیابان مردوخ
  یکشنبه1392/7/21/ساعت:3/30تا5عصر

هۆرامان هانه‌به‌رچه‌م



طبقه بندی: فرهنگی و هنری، ادبیات/شعر، اجتماعی، تاریخ، جفرافیا، آموزشی، اخبار، هومایون موحەممەدنژاد، ئێبراهیم شه‌مس، ئەنجومەنوو ڕۆجیاری،
برچسب ها:هۆمایون محه‌مه‌دنژاد،هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،صندوق خیریه روستای دزآور،آمبولانس خیریه روستای دزآور،چورژی،هانه‌به‌رچه‌م،ئەنجومەنۆ ڕۆجیاری،
دنبالک ها: قه‌ڵه‌موو هۆرامانی، وب سایت سلام پاوه،
نوشته شده در تاریخ پنجشنبه 18 مهر 1392 توسط همایون محمدنژاد
ئاگاداری گلێرەوبیه‌ی پەی لەیەکدایو جوانکاری ئەدەبی سەرو شێعرەکاو مامۆسابێسارانی

به پاو هەواڵوو کاکه ره‌ئوف مه‌حموودپووری وکاکه سابیرعه‌زیزی ئه‌ره‌نیشتیو پەی لەیەکدایو جوانکاری ئەدەبی سەرو شێعرەکاو مامۆسابێسارانی جه شاروو مەریوانی ملۆ ڕاوه ئاواتما ئانه بۆ  پەی پارێزنای زوانوو هۆرامی هەنگامێ فره‌تەرێ هۆورگیریا.

    یاگێ-وه‌خت وڕاکه‌وت:شاروو مەریوان

  دەفتەرو ئەنجومەنۆ ڕۆجیاری-ئاخرو خیابانومه‌ردوخی

چوارشه‌مه1392/7/17/سه‌عاتوو:4تا5دمانیمه‌ڕوی


     




 

نوطق نه‌زانـــیت    به‌ره‌ش به‌ قـه‌فـه‌س

ڕاز پــه‌نـهانیت  مــــه‌واچـــه‌ به‌ کـه‌س*

                                                ده رده دارکه سین ده ردش  بونه سه ر 

                                                      دودش کوی     بیستون بگیرو   نه وه ر 

*  من زریو ده ر دم  هانه   درون دا

  وه خته ن نجد  بدو وه بیستون دا  

                                                    حه‌ق ڕاگه‌ی ڕاسه‌ن فه‌نوازی نیـــــه‌ن

                         حه‌ق جه‌ فه‌ن بازا   هیچ رازی  نیــــه‌ن

حه‌ق وه‌ حیسابات   پاره‌ و  پوڵ نیــــــه‌ن

لاش به‌نده‌ی دووڕه‌نگ  هیچ قه‌بوڵ نیه‌ن

                                  ڕاگه‌ی   حه‌قێقه‌ت  بگێرە نه‌    ده‌سـت

                                 بشۆ  نه‌ مه‌یدان    بێ پیاڵه ی مـــه‌ست

http://s2.picofile.com/file/7188884408/bisarani.pdf.html

هورامان هانه به رچه م

هورامان هانه به  رچه م




طبقه بندی: فرهنگی و هنری، ادبیات/شعر، اجتماعی، اخبار، ئەنجومەنوو ڕۆجیاری، ڕه‌ئوف مه‌حموودپوور، سابیر عه‌زیزی،
برچسب ها:هورامان-هورامان هانه‌به‌رچه‌م-کتابخانه‌هه‌ورامان؛یانه‌وکتێبووهۆ‌رامانی -هه‌ورامان -هۆرامان-اورامان-اورامانات-دزآور(زاوه ر)-لهون- نوسود-هورامان تخت- ژاورود-پاوه-نودشه(نۆتشه)- رێژاو(ریجاب)-کندوله-ته وێڵه(طویله)-بیاره-شاروو هۆرامانی- مریوان-سروآباد-کرمانشاه-کردستان-دالانی- ایلام-کامیاران-روانسر-جوانرود-چهارقلعه عبدالملکی(زاغمرز-زینوند-حسین آباد-امیرآباد هورامی های شمال ایران)عکس-شبک(شه به ک)-سنجار موصل-کاکه یی خانقین-یارسان- ساور-نودیجه-زازا-زازاکی-قلعه قروه،صندوق خیریه روستای دزآور،آمبولانس خیریه روستای دزآور،چورژی،هانه‌به‌رچه‌م،ئەنجومەنۆ ڕۆجیاری،
نوشته شده در تاریخ سه شنبه 16 مهر 1392 توسط همایون محمدنژاد
.: Weblog Themes By Abdollah Habibi :.