کوٙنیشتو ئەشناسنای و بەخشای کتیٛبو رازوانی هەورامی لواڕاوە
هەورامان هانەبەرچەم

ئاروٙ10/1/2019  پەنجشەممە ساتو یەریٛ دماو نیمەڕوٙی، جە شارو هەڵەبجەی و هوٙڵو یانەو سیاو چەمانەینە کوٙنیشتو ئەشناسنای و بەخشای کتیبو ڕازوانی هەورامی لاواڕاوە. کتیٛبو ڕازوانی هەورامی بەرویرو دکتوٙرناجح گولپین، ساڵەو 2018 چاپ کریان.
ئی کوٙنیشتە؛ یانەو سیاوچەمانی ئامادەکەردەبیٛ، بە بەشداری کۆمەڵی کەسایەتی ڕوٙشنویرا هەورامانی و هەڵەبجەی، هەورامی دوٙسا لوا ڕاوە.
کۆنیشتەکە، بنەڕاوە خیٛرئامای میمانەکا کریا جە لایەنو ڕاوەبەرو کۆنیشتیوە"سەرکاو هەورامی" ئیجا دماو ئاڎی دکتر ناجح دەسش کەر بەئەشناسنای کتێبەکەی. 
بەرویرو نویستەی ئی کتیبیە پەی ئامادە بیا شی کەردۆ و  چەنی و کەیۆن ئی ویرە پەیڎا بی پەی نوستەی کتیٛبو ڕازوانی. هەرپاسە گرنگی رازوانیش پەی ئەوەژیونای زوانی هەورامی باسکەرد  شونەو ئانەیچەرە واتش مەشوٙ ئی زوانە دەوڵەمەندە ژیویوەو جە فوٙتیای پارێزنمیٛش، چون ویەردە زوانی هەورامی فرە ورچەدارو درەوشیاوەن، چی مەشوٙ ئیسە تاریکیۆرە، وەختەکارێوەنە چیلاو چەولاوە سەرشاکەردەنە زوانو فەرهەنگما بەراش پەی ویٛشاو بە جۆرێ تەر باسشکەرا، بە هنو ویشا مڎاش قەڵەم،  زوانی هەورامی هنو گەلو هەورامانینو پەی کەسی نیا وەرو پەرژەوەندی کەسیی ویٛش کەلتورەکەیش هەرزاورەش بکەروٙنە بە لایڎەی.
چێگەنە باسو لابالینی و گوشنەدای هەورامیەکاش وست وەرو باسی، واتش ئەگەر هەورامیەکیٛ بەزوانو ویٛشا بنویساو واناوە و قسیٛ بکەرانە ئانە زوانەکەشا نمەفوتیو تروقی مکەروٙ، وەلێ چەپەوانەکەیچش ڕاسەن.
جە دریٛژەو قسەو باسەکەینە واتش بە پاو یاسوا زوانی عیراقی فیدراڵە زوانەکیٛ گرد مافیوەشا هەن، بەندو دەی ماچو ( گرد هاموەڵاتیوە عیراقی و بیگانەیچ پەیش هەن زوانی ئەڎایی فیٛر بوٙنە، دەوڵەت مەشوٙ گرد پەنەوازێوەش وزوٙ وەرودەسی) بەندو چواردەیچ ماچوٙ ("هەرێم" یام پاریزگا دەسەڵاتی ڕەهاش دریان پەنە پەی سەلەمنای و جاگیرکەردەو زوانێوە جە سنورو دەسەڵاتیشەنە کەفرەتەرین خەڵکو ناوچەکەی قسیٛش پەنەکەران).
کتیبو رازوانی هەورامی دروسبیەن جە نوٙ لیٛژا، گردو بەشەدواکاش چەنەنیٛ، بە کوڵی پوختەی باسشا کریان.
دکتر ناجح واتش بەرگی دوەم ڕازوانی هەورامی یادو زوانی ئەڎاینە چاپ و پەخش بوٙوە، ئیکتبیچە 320 لاپەلیٛن  کۆمەڵێ بابەتیٛ تازیش سەر ڕازوانی چەنەنیٛ.
کۆنیشتەکە بە پەرسو داواچو ئامادەبیا ئاننەی تەر شەوق کەیفش  بەخشا بە بەشدارا، دما جارییچ کتیبەکە کڕەنویس کریاو بەخشیا سەرو ئامادەبیارە.
فەرماودیٛ چنڎ ویٛنێوە جە کۆنیشتەکەی بویندیٛ.
د.ناجح گوڵپی 10/1/2019
هەورامان هانەبەرچەم



طبقه بندی: فرهنگی و هنری، ادبیات/شعر، زوانی هه‌ورامی، اخبار، شهرها و روستاهای هورامان، دوکتور ناجح گوڵپی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کوٙنیشتو ئەشناسنای و بەخشای کتیٛبو رازوانی هەورامی لواڕاوە،
نوشته شده در تاریخ پنجشنبه 20 دی 1397 توسط همایون محمدنژاد
.: Weblog Themes By Abdollah Habibi :.