کەلەبەروو شێعرا(۲۹)پەی ڕەسووڵی نازار
  
پەی ڕەسووڵی نازار
بینایی دید٘ەم شای خێرولئەنام
ئەی ڕابەری دین هەر تۆنی پەنام

جە یەغدانی پیت الف و میم و لام
پێشکەشت کەروو سەڵوات و سەلام

شانازی عاڵەم شای یەسرێب مەقام
ئەی مایەی ڕحمەت پەرێ خاس و عام

وێم بە سەرگەردی ڕۆزەی شەریفت
بارەگاو مەرقەد٘ قۆبەی زەریفت

پەی وشەویسیت دنیاو مافیا
چەنی خلووقین عەزیم کافیا

خود٘ا و ملایێک هەم ئیمانداران
وختیە بە سڵام کەرات گوڵواران

وختیە جە مێعراج دەهەندەی داوەر
فەرماواش   فەرما داوات داوا کەر

داوات جە دەرگای خالقت چێشەن
 وەشبەخت کەسێن،سەوداو تۆش پێشەن

فەرماوات ئامان ئەی خالقەکەم
هەر ئومەتەکەم هەر ئومەتەکەم

چەنی نەکەروو ڕۆح و گیان فێدایت
چەم چوون نەکەروو فێداو نیم نێگایت

چەنی بە یاد٘ت وێرانەی دەروون
بە زێکری سەڵوات ئاواش نەکەروون

دڵیە بە یاد٘ت نەگێرۆ قەرار
یاڕبی دایێم زەلیل بۆ و زگار

ئەی دڵ با عەشقت بێلال ئاسا بۆ
یا چوون عکاشە پەی خاڵ تاسا بۆ

"سەیوان"کۆتا کەر قاسێرەن قەڵەم
پەی وەسف حەزرەت فەخر دوو عاڵەم

بە ئەشقی یەک یەک سەردارانی دین
سەڵوات  بە دید٘ار  خەتمولمورسەلین

#سەیوان ئێبراهیمی
‍  
بەیادَوو ڕەسوولەڵڵای
دیسان ڕەجەب و مانگوومێعراجی
ئاماوە  نوور و   بەرزوو  سێراجی

وەشەن بە ئاوات یاد٘ی موحەممەد
یادٚی   وەشەویس خالقی  سەمەد

نوورەن ڕەحمەتەن حەقەن ئەمینەن
خاتەم و  سالار    ڕانمای دینەن

شاهی مێعراج و بۆراق سوارەن
ڕەفێق جوبرەئیل یاری نازارەن

ئەحمەدەن مەحموود خێرولبەشەرەن
شافێعەن دەسگیر سارای مەحشەرەن

جە نەسڵی  ئازیز  نەبی خەلیلەن
پێخام  ئاوەری خود٘ای جەلیلەن

بە حەقەن ئایەی مەقامەن مەحموود
پەی حەزرەتیما ڕەسوولی مەسعوود

سڵام وسەڵوات  هەزاران هەزار
پەی جەماڵوو تۆ ڕەسوولی نازار
#عوسمان ڕەحیمی هەجیجی
*8*6*1395*

عەشق بە حەزرەتی
یاران  فەرموودەی خود٘ای  مەننانەن
عەشق بە موحەممەد عەشق بە ئیمانەن

عەشق بە حەزرەتی ئەجرش گرانەن
ئەجرش  ڕەحمەت وقۆرسی میزانەن

عەشق بە موحەممەد واۮەی بەهەشتەن
تۆ  شەوغەریبی   سەفەر  و  دەشتەن

سڵام ئا دڵیە    کۆگاو  ئیمانیا
وەفادار چەنی شەرت و پەیمانیا

سڵام ئا دڵیە بە ئاوات  کۆشان
بە عەمەڵی پاک میزانش پۆشان

وەشڵەی پا دڵیە بە ئیمان جۆشان
پەی حەقێقەتی ڕەحمش خرۆشان

سەربەرز کەسێوەن جە ڕاو ئێحسانی
یاۮکەرۆ بە  حەق  خود٘ای سوبحانی

هەر ئاکەس جە ڕای حەق کەوتەن وەڵێ
لاش دان جە ڕاگەی ناحەق و هەڵێ

دەی با بۆ گوڵزار باخی عومر و دڵ
جەم کەری خەرمان هۆرگێری حاسڵ

تۆمی گوڵ کاڵە و گوڵ بەربەیۆوە
تا دڵ جەگوڵزار مانیایش سەیۆوە

ویژدان دە مەحەک عەقڵ بۆقازی
خێر وەشەن یا شەڕ بنیەی ترازی

 مورید فەرموودەی خود٘ای غفارەن
عەمەڵی  ساڵح  هەر   پایەدارەن

عەلا ئەشەرەفیل مەخلۆقات
سەیێدی عالەم موحەممەد سەڵوات
#عوسمان ڕەحیمی هەجیجی
18* 101392**‍  

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، سەیوان ئێبراهیمی(گوازی)، عوسمان ڕەحیمی(مورید)، فەرید زاوەری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۲۹)پەی ڕەسووڵی نازار،
نوشته شده در تاریخ پنجشنبه 23 فروردین 1397 توسط همایون محمدنژاد
.: Weblog Themes By Abdollah Habibi :.