دەرده‌دڵیە پەی ئارۆی 26 ئارگای‌[دەی] ساڵیادوو کۆچو زینده‌یاد محه‌ممەد مستەفازادەی
 
ماوێوەن وەرمێ فرێ موینوون. وەرمەکامەنە فرەو ئا چێوانە وەشم مەی چەنەشان و یا ئینانێ حه‌سره‌تشانه‌، پیویانێ. یانە قەدیمیەکاو باوایم و ئەدا گەورێم جه‌ ده‌گاوعالێماو ژوونی هه‌واری‌. هه‌رپاسه‌ ئا خیابانێ،ئا کووجی و کۆڵانانە دەورانوو زاڕۆ بیەم چەنیشان بژیوم کەردەن. کووجیەکاو دەگای. خیابانەکەو شاری. ڕەفێقێ و ناڕه‌فێقێ زووی و هه‌میچ تازێ!
تازه‌گی وەرمم به‌ کەسێوە وینا کە بەشێو جە ژیوایم چەنیش لکەش واردێنە. یاگێوه‌نه‌ پێسەو واقعیەتی و خه‌یاڵی. ئه‌په‌ڕوو ژیوای. یاگێو کە ئاقیبه‌توو گردیمانه‌. پانه‌یچوه‌ گردو ئینسانه‌کا مەلانێ بەڵام بڕێوشا فره‌ته‌ر ژیوایه‌نه‌ و ویر و خاتره‌نه‌ به‌ یادگار مه‌ناوه‌‌. ڕێخه‌دارێنێ و پایه‌دار. یۆ ئه‌چا کەسانە لاو ئێمه‌نه‌ و په‌ی ئێمه‌: مستەفازادەن. وەرمم وینا پوه‌شو‌. ئاخر ئاد پەی من و ئێمە، نمادو مدرامانو ڕاو هۆرامانی بێ. نمادو یه‌هه‌رداری و باوەڕی بێ. سه‌رقافڵه‌و ویریارا و ڕاویاراو هۆرامانی بێ. ژیوایش که‌یل جە عێشقی بێ په‌ی‌ زوانه‌که‌یش. عێشقێو کە هیچ وەخت جە ویش نه‌ڕەنجنێش. شەوه‌ش دا دەموو ڕۆیوە و ڕۆش دا دەموو شەوێوە. مانیایی نەشناسێ. ئه‌چا ساتانه‌ سەروەش و گەش بێ کە باس باسوو زوانی هۆرامی و کێبیه‌یی هۆرامیانه‌ بیایە. جه‌م و نیشتەیره‌کانە پێسەو کافرمانێوی تێژی هەقانیەتوو ڕاو هۆرامانی و زوان و ئه‌ده‌بیاته‌که‌یش سەلەمنێ. سه‌له‌منایچش. بێ ئانەی دڵوو کەسێوی بڕەنجنۆ. وەشیم بێ. دلێ وەرمەکەینە چەنی وێم واچێنا: ئیسە کە دماو چن ساڵا جە کۆچی بێواده‌یش ئامان وەرمم، حەتمەن قسێ فریێش پەنەنێ و ڕانموونیێ تازێ. دڵنیابێنا قسەکاش جە ویر نمەبەروونێوه‌. واتم گردیشا هور مەگێرو و مەگێڵنووشاو پەی ڕەفیقەکام. وه‌ختێ ئامانیوه‌ وێمه‌ره‌ و هایم بیوە،‌ گردچێوم و گردیشام جه‌ هۆش شیێوە. ئەجۆ وەش کریاینمێ پەی هۆش شیەی و جە هۆش بەردەیوەی.
چن ساڵێ چێوەڵ داریۆش ڕەحمانی مەتڵەبیەنە بە نامێ [ژیوای دلێ زوانی هۆرامینە و مەردەی دلێ زوانی هۆرامینە] ئا چێوانە جه‌بارەو کەسایتی بەرزو مستەفازادەینە بیه‌یشا بییه‌ن بە باشی باسش سەر کەردێنێ. ئه‌چاگه‌نه‌ واته‌بێش: [بیەکەڕەو ئەولا تا شمشێرو پاوه‌ی،‌ گردو هۆرامانیا لایو و محه‌ممەد مستەفازادەیچ لایو.] ئینە پەی هەر کەسیە یەک ساعەت چەنی ئی کەسایتیە ئاشنایش بیەبۆ سه‌له‌میان و دیانش منیۆ پۆری. ئای چننە حەز مەکەروو هەمیشەی وەرمێ ئەچێمنێ بوینوون. چننە دڵم پۆوەن مێمانوو میاچەما غەمینەکەو شەوانیم بی. 
ویریاراو ویرچەمه‌و هۆرامانی 26و ئارگایشا کەردەن نمادێوی تاریخی پەی هۆرامانی. ئا که‌سانه که‌‌ زکروو تەلیلەو شەوە زەنگێشا و سەڵاتوو وەڵ جە نما سۆحی و عەسر و نیمەڕۆیشا بیەن هۆرامان. ئی دووریە زووەن وەنەوزەکام پڕچناینێش. ئی دووریە زووەن هاز و هێزش چەنە گێرتەنا. ئیسەو ئیسەیچ هیشتای باوەڕم نیەن لوابی و من، شاهان، ویرچەمەو و هۆرامانت هەتیم وستێباره‌!

#سەعدۆڵا_خوونخام(شهریار)

‍        #هەورامان هانەبەرچەم

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،دەرده‌دڵیە پەی ئارۆی 26 ئارگای‌[دەی] ساڵیادوو کۆچو زینده‌یاد محه‌ممەد مستەفازادەی :کاکە سەعدوڵڵا خوون خام،
نوشته شده در تاریخ سه شنبه 26 دی 1396 توسط همایون محمدنژاد
#داخۆ کۆچەکەیت دنیاش گێرتەرە (بۆنەو ساڵڕۆ باڵێ گێرتەی هەتاهەتایی ڕۆشنویر مۆحەمەد مۆستەفازادەی)

ئارگاو ئا ساڵێ، شپرزی دیامانشەرە وارێ و تەشکەش گێڵابێ،زۆقموو نەبیەیت دابێش بینۆ گیانوو چنارەو ویرە وەشەکات،چ نێگبەت ڕوێو چ قیزەون شەوێوە بێ بێ تۆ. ئەسپەرۮە کەرۮەی وێت و ئەوەشاریای ئاواتە بەرزەکات،ئا حەزە بەرزێ کە فرەو کەسی تەپشا چنە نەپێکێ و گۆترەی سەرەت پەی لەقنێنێ. واچینی وێتا بیدێ و پەی فاڕای وێتا زۆرەزمێ مەکەردێ،واچینی ئێنسانی هەرەقەتین سڵامەکۆتێ چنی کێبیەی هەرەقەتینوو وێش مەکەرۆ بەڵام داخەکێم ویروو تۆ چا بەرەگانە قۆرسی پوەش دیار بێ و مەژگە گولالەکێ ئیلا و ئەولایت پێسە چەڵەمێ چەمیەی بێنێ. عەینوو حەللاجی کلکێ خەرەزیت پەی کێشیێنێرە و شانامێت لکنێنێ پۆرە و تۆیچ سەروو وێت پێسە گالیلە ی کلکۆ ڕاسی کێشینیەرە،ژیرەکێچشا  زانێنێ قسۆ تۆنە و ئەر بەی خەڵك گنۆ شۆنیت ئێتر هیچێو پەیشا پەڕۆ مەکریۆ،داخەکێم مەشۆ چەواشەی چەپ گێڵ ورینیش نەۮای تا ئارۆ رۆیچ بە چەم وینی وەڵات چەنی مدران بە پاوە و زیتەڵ و ژووژەڵ قسۆ سەروو زوانیش پارێزنای فەرهەنگی بریقەداریشا.نیەنی وینی جوانەکێ نیشینگەو سیاوچەمانەی چەنی خەریکێ ترۆق دای بە زوانە کەم هازەکەیشانێ و چی تووڵەڕانە خرووکشا نمەی ڤنە و گرۮ هەرمانێوە کەرا پەی ڕا بڕیەی تووڵەڕاکێـ
كاکە گیان بێ خەم بە ئا ڕا لوانێش پۆنە هەتا ملۆ ڤەرەڤە ڕاویارێ فرەتەرێش گنا و ئێژانەو هەرمانەکێت گنۆوە سارا پەیشا.
چەمە گیان چەمت نەتەرسۆ چەموو فرەو کەسا پەی گەشەو فەرهەنگەکەیت فڕیۆ،بووسە ئازیز گیان هەرچن جە دووری وێت و زەرۮەخوەکات ئانە خولێوە چنیت بیەبۆ بێ تاقەتتا بەڵام خەفەتوو هیچیت نەبۆ، چەمە گیان شۆنۆ خەمگین کۆچەکەیتەرە نە دووم گەرەکا و نە شش چوونکەتی ویس و شش ی نەحسم ماراوە ویر، ئارگام گەرەک نیا چوونکەتی سلۆڤەو نەبیەیت جیاکار جە زۆقموو زمسانی، لەشیم لەرنۆوە بەڵام خاس بزانە شۆنۆ بارەوە پێتە بێ واۮەکەیتەرە گرۮوو خەمەوەرەکا هاوار کەرا و ماچا پێسە دایمە زیننە گەشاوەز مۆحەمەد مۆستەفازادە فەرماڤۆ: بنویسمێ بە زوانی هەورامی بوانمێوە بە زوانی هەورامی کە ئاڵاو قەڵەمی نەبڕیەینە باڵا هیچ مێلەتیویەرە.

#ئۆمید حەبیبی

 25و ئارگاو"نەوەدوشش"ی

‍        

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،داخۆ کۆچەکەیت دنیاش گێرتەرە (بۆنەو ساڵڕۆ باڵێ گێرتەی هەتاهەتایی ڕۆشنویر مۆحەمەد مۆستەفازادەی):کاکەئۆمید حەبیبی،
نوشته شده در تاریخ سه شنبه 26 دی 1396 توسط همایون محمدنژاد
‍ ‍ ‍ بە پاو هه‌واڵوو په‌لیانه‌و'هه‌ورامان هانه‌به‌رچه‌م'، ی"بەشوو شێعرەو ئەنجۆمەنوو ڕۆجیاری جه شاروو مەریوانی بەرنامێو به نامێ"وانایەو شی کەرد٘ەی، لیەکدای و تەحلیلوو دیوانوو شێعرەکاو مامۆسامەولەوی تاوەگۆزی" جە ڕاکەوتوو۲٦ئارگاو۱۳۹٦ بەرۆ ڕاوە،
 بە پاو هه‌واڵوو په‌لیانه‌و'هه‌ورامان هانه‌به‌رچه‌م'، ی"بەهشوو شێعرەو ئەنجۆمەنوو ڕۆجیاری جه شاروو مەریوانی بەرنامێو به نامێ"وانایەو شی کەرد٘ەی، لیەکدای و تەحلیلوو دیوانوو شێعرەکاو
#مامۆسامەولەوی تاوەگۆزی" بە بەشداری شمەی ئازیزی بەرۆ ڕاوە، ئامای پەی گرد کەسی ئازادا.
زه‌مان: ڕۆ یەک شەمەی٢٦ ئارگاو١٣٩٦ 
ساعه‌ت‌:  ۳ هه‌تا ٥ دماونیمه‌ڕۆی
یاگێ: دەفتەروو ئەنجۆمەنوو ڕۆجیاری
جە گلێرگای فه‌رهه‌نگی ئێرشادوو مه‌ریوانی.

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،‍ بە پاو هه‌واڵوو په‌لیانه‌و'هه‌ورامان هانه‌به‌رچه‌م'،ی"بەشوو شێعرەو ئەنجۆمەنوو ڕۆجیاری جه شاروو مەریوانی بەرنامێو به نامێ"وانایەو شی کەرد٘ەی،
نوشته شده در تاریخ دوشنبه 25 دی 1396 توسط همایون محمدنژاد
هه‌ورامان هانه‌به‌رچه‌م

بە پاو هه‌واڵوو په‌لیانه‌و 'هه‌ورامان هانه‌به‌رچه‌م'،
ی"ئەنجۆمەنوو ڕۆجیاری جه شاروومەریوانی بەرنامێو به نامێ" سه‌ر و وشکنای شێعرێ تازێ هه‌ورامیێ(نقد و بررسی شعر نوهورامی، با تآکید ویژه برآثار آقای رئوف محمودپور)" به‌رۆ ڕاوه‌
ئه‌رمانای:
کاکه فەرشید ڕۆستەمی
زه‌مان: ڕۆ یه‌کشه‌ممه‌ی
۱ و ڕابرانوو 1396ی ڕۆجیاری۱۳۹٦/۱۱/۱
ساعه‌ت‌: 3 هه‌تا 5 دماونیمه‌ڕۆی
یاگێ: ده‌فته‌روو ئه‌نجومه‌نوو ڕۆجیاری جه‌ گلێرگای فه‌رهه‌نگی هونه‌ری مه‌ریوانیه‌نه‌.


هورامان هانه به رچه م



طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، شهرها و روستاهای هورامان، ئەنجومەنوو ڕۆجیاری، ڕه‌ئوف مه‌حموودپوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،ئەنجۆمەنوو ڕۆجیاری جه شاروومەریوانی بەرنامێو به نامێ" سه‌ر و وشکنای شێعرێ تازێ هه‌ورامیێ(نقد و بررسی شعر نوهورامی،با تآکید ویژه برآثار آقای رئوف محمودپور)" به‌رۆ ڕاوه‌،
نوشته شده در تاریخ دوشنبه 25 دی 1396 توسط همایون محمدنژاد
مەریوان و هەورامان


خەیاڵ وێنەی مەل هەر نە  پەروازەن
هەمڕای ئەو خەیاڵ،سەوت و ئاوازەن

خــــونچەی دڵ لانەی خەیاڵانی خاو
مەیان مەویەران  وێنەی  جۆگەی ئاو

دەروون وێنەی دەشت نەحیەی مەریوان
دڵ قەڵای ئەسڵی قــــوللـەی  ئیمامان

جە سەر قــــــەڵاوە خاس تەماشاکە
وەشی جەو وەشتەر،سەد ٘جار حاشاکە

گۆمی زرێبار مەوج  مەد٘ۆ وە هـــەم
وێنەی چەمەی چەم  بێ زیاد٘ و کەم

قاز و مراوی ، لەق لەق  و  ســــۆنە
بەت و ماسا و چین  مەگێڵاش  پۆنە

ئەر پەی تەماشای  ساتێــو  بنیشی
جە سەر تەپەی قەبر وینا دەروێشی

دەشتی مەریوان  چوون  لالەزارەن
لای جـووجەسازی  و کانی  دینارەن

هــــــەردوونژماری ، لاو دەرزیانی
بالک و مـــــــڕگ ، هەتا  شارانی

ناحیــەی جنووب  باوەری  نەزەر
کۆساڵان چەنی  بووک و کاڵیسەر

ڕشتەکۆی بۆڵەند جە دوور دیارەن
کەلی عاشقان، یا مێـــــرگەوارەن

واوەی دەور و بەر قەڵاو وەر قەڵا
قـــەبرووئیمامی داربەلوو و گەڵا

ڕێخـەڵان، چەنی هەر دوێ  کاڵێ
وەیسە و سیاناو چەودیموو  یاڵێ

ولــــــەژێر نزیک بە کەڵکەجانی
نێێ و دۆڵاش،چەنی کانی سانانی

دەرەتفێ وسەردۆش میراجی بەرزەن
بەناوکـــەماولۆ،گــوڵ هــەزارتەرزەن

ئێبراهیم یانێ کابل مەشهوورەن
پیرسەفانزیک،ئـەند٘ەکێو دوورەن

کانی سپی هەتا دەگاوئینگیجەی
تابەردەڕەشە،مەزرەعەو وێنجەی

جە کانی میران  هەتا سەد٘ائاوا
باشماخ، بایـــەوە، نەبیەنۆ  ئاوا

ساوجێ وکیکن و خاو و میرائاوا
تاحەفتـەوانەی لای  جەژنی ئاوا

قــــەڵای قەد٘یمی میرزا میران شا
فەرمان ڕەوای دەور، ساحێب بارەگا

ملەی کۆترکۆژ،بەرزی قـــووچ سوڵتان
سوورێن ڕووبەڕووی ئەسکۆڵ وپیران

کەماجەڕ چەنی مەهدی و عەود٘اڵان
قولەی پیر ڕۆسەم، گۆزەرگای ساڵان

گـــــۆزەڵی و بەد٘هۆ تا قەڵاخانی
جە کەلووتەتەی  تا  تەختووسانی

کەلووگــــــۆڵیجێ،گوڵەچنووری
تەماشاودەشتی پەی شارەزووری

خۆڕخۆڕە و هەیات لای سەڵوەکاوەن
داڵانی وەشتەر، هـــەوارگە و  ئاوەن

لاکــــــەرەلاو وە ڕووی کۆساڵان
ڕووبەڕووی بەند٘ۆڵ،دەربەن دواڵان

ئێــرتێفاعاتی  کوڕی  میانە
بەرزی  هەجمنە، پیازەن ئانە

یاقـــەلەبەردەن هەر جە دوورەوە
وەسڵەن بە  مەرتەع  بلچەسوورەوە

یاحـەسەن بەسەر، یا چلەخانە
مەرتەعی ئەسڵی  چۆڕ و ئاڵمانە

ناحیەی نشکاش، دەری وبلچەسوور
ناوتاقی گـــاڕان دیارەن جە  دوور

مەحاڵی سەرشیو ، هاڵەکـۆکانەن
یا بەردەڕەشە یا  تووەسوورانەن

ئینە من واتم  گرد کۆسارێنێ
جە سەرقــەڵاوە گرد دیارێنێ

مەریوان وەشەن هەر بەو بۆنەوە
بە هـــــەورامان و بە لهـــۆنەوە

گرد برای دینی شان بە شانەوە
ناوچــەی ژاوەرۆ، بە شامیانەوە

خود٘ا نەشێونۆ  ڕۆزگارێ  خاسا
ئیسە وڵاتما بێ دەنگ و باسا

"سەعد"پیرەمەرد، وامەند٘ەی دەوران
بەزوان هەورامی،شاعێری گــــۆران

یاسای قەد٘یمی نەشیەن جە یاد٘م
لیباسی ڕەسەن ئابا و ئەجـــداد٘م

خۆد٘ابۆحافێزکـــــــــۆتایی کەلام
سەڵوات بە ڕەسوول(عەلەیهی سەلام)

#میرزاسەعدوڵڵا  خەدیری



طبقه بندی: فرهنگی و هنری، اجتماعی، ادبیات/شعر، تاریخ، جفرافیا، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،مەریوان و هەورامان:شێعرێوە جە مەرحووم میرزاسەعدوڵڵای خەدیری،
نوشته شده در تاریخ شنبه 23 دی 1396 توسط همایون محمدنژاد
 کەلەبەروو شێعرا(8)
په‌ی مه‌رگوو مامۆساسه‌عدوڵڵا خه‌دیری


داخی  داخانم   پەی  هەورامانی
کۆسێ تەرش کەوت چەنی زمسانی

کتێبخانیەتەر جە بەین شی لوا
زانای تەر پێسەو میرزاخەدیر کوا؟

شەختەی سیا وای ئەجەل ئی جارە
دانی  هەجیجی   کەردەن   وەهارە

هاڕەکەی ئەجەل هەم خۆل وەردەوە
چوون یاران دانەی ئێد٘یچ هەڕدەوە

هەرچەن هونەرمەند٘ مەرگش پەی نیەن
تا ڕووی سەر بێسات واتەش باقیەن

بەڵام داخەکەم  جە دمای مەردەن
 خەڵک تازە زانا خزمەتش کەردەن

#سەیوان ئێبراهیمی(گوازی)


په‌ی مه‌رگوو مامۆساسه‌عدوڵڵا خه‌دیری

مامۆسای وه‌ش زه‌وق، شاعێری وەش زوان
واته‌ی شیرینت ئارامی ڕه‌وان

هەستی ناسک وین، خامەی پەڕ نگین
مایەو سەربەرزی هەم دنیا و هەم دین

بە زوانی شیرین هەورامیانە
شێعرێت گێڵاینێ یانه‌ به‌ یانه‌

به‌ دڵێوی په‌ڕسۆز لاونێنی دڵبه‌ر
تەمەنت بەرد سەر،بە واتەی گەوهەر

فێکر و خیاڵت، هەورامان ماوا
ئاوازه‌و شێعرات، ئەو عالەم یاوا

بوڵبوڵوو تەبعێت، ئارۆ نەواناش
بایەقوش دەنگوو کۆچەکەیت یاوناش

خامەت بێ ناز کەوت، بێ یار و هامدەم
جە دەرد٘ه‌و دووریت مەر بنویسۆ خەم

جە نەبیەیت ئازیز، دڵم بێزار بۆ
یا خودٚا ماواکەت گوڵ و گوڵزار بۆ

شاعێر مەمرۆنە، شێعرێش هەر مەنا
هەتا دنیا هەن، شێعرەکاش وه‌نا

#فه‌رید زاوه‌ری

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تسلیت ها، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(8)په‌ی مه‌رگوو مامۆساسه‌عدوڵڵا خه‌دیری،
نوشته شده در تاریخ شنبه 23 دی 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 48 :: 1 2 3 4 5 6 7 ...